| ᠳ᠋᠊᠂ ᠤᠷᠢᠶᠠᠩᠬᠠᠢ | | ᠢᠨᠢᠶᠠᠳᠦ ᠰᠢᠭ ᠬᠠᠭᠤᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠳᠤ | ᠨᠢᠯᠪᠤᠰᠤ ᠰᠢᠭ᠋ ᠬᠠᠭᠤᠴᠢᠨ ᠪᠠᠶᠢᠬᠤ︕ | ᠮᠠᠷᠭᠠᠰᠢ ᠰᠢᠭ᠋ ᠤᠶᠢᠷᠠᠬᠠᠨ ᠪᠠᠶᠢᠬᠤ︕ | ᠮᠠᠭᠠᠳ ᠢᠷᠡᠬᠦ ᠦᠬᠦᠯ ᠰᠢᠭ | ᠳᠠᠪᠲᠠᠭᠳᠠᠬᠤ ᠦᠭᠡᠢ ᠪᠠᠶᠢᠬᠤ︕ | ᠨᠢᠯᠪᠤᠰᠤ ᠰᠢᠭ ᠬᠠᠭᠤᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠳᠤ | ᠮᠦᠷᠦᠭᠡᠳᠦᠯ ᠰᠢᠭ ᠭᠡᠭᠡᠨ ᠪᠠᠶᠢᠬᠤ︕ | ᠬᠠᠶᠢᠷᠠ ᠦᠭᠡᠢ ᠬᠦᠮᠦᠨ ᠳᠡᠭᠡᠨ ᠴᠦ ᠬᠠᠶᠢᠷᠠ ᠱᠠᠩᠨᠠᠬᠤ | ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠷᠬᠠᠨ ᠤ ᠬᠤᠳᠤᠭ ᠣᠯᠬᠤ︕ | ᠮᠠᠷᠲᠠᠭᠳᠠᠬᠤ ᠦᠭᠡᠢ ᠭᠤᠮᠤᠳᠠᠯ ᠳᠠᠭᠠᠨ | ᠤᠭᠢᠯᠠᠬᠤ ᠦᠭᠡᠢ ᠲᠡᠰᠬᠦ ᠪᠠᠷ ᠴᠠᠶᠢᠯᠭᠠᠨ ᠪᠠᠶᠢᠬᠤ︕ | ᠭᠤᠮᠤᠳᠠᠯ ᠰᠢᠭ᠋ ᠬᠠᠭᠤᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠳᠤ | ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠷᠬᠠᠨ ᠰᠢᠭ᠋ ᠢᠯᠡ ᠪᠠᠶᠢᠬᠤ | ᠦᠨᠦᠳᠦᠷ ᠤᠨ ᠬᠢ ᠰᠢᠭ ᠤᠶᠢᠲᠠᠢ ᠡᠳᠦᠷ ᠢ | ᠲᠠᠬᠢᠭᠠᠳ ᠶᠠᠭᠠᠬᠢᠭᠰᠠᠨ ᠴᠦ ᠲᠡᠪᠴᠢᠬᠦ ᠪᠠᠷ ᠦᠭᠡᠢ | ᠲᠡᠰᠦᠷᠡᠮᠡᠲᠡᠬᠡᠢ ᠪᠠᠶᠢᠬᠤ︕ | ᠦᠴᠦᠭᠡᠳᠦᠷ ᠤᠨ ᠬᠢ ᠰᠢᠭ | ᠤᠷᠵᠢᠳᠤᠷ ᠤᠨ ᠬᠢ ᠰᠢᠭ | ᠤᠳᠬᠠ ᠦᠭᠡᠢ ᠲᠠᠷᠴᠢᠯᠠᠭᠠᠬᠤ ᠤᠳᠠᠭᠠᠨ ᠡᠳᠦᠷ ᠠᠴᠠ | ᠶᠠᠭᠠᠬᠢᠭᠰᠠᠨ ᠴᠦ ᠲᠠᠬᠢᠭᠠᠳ ᠠᠮᠢᠳᠤ ᠦᠯᠡᠳᠡᠬᠦ ᠪᠠᠷ ᠦᠭᠡᠢ | ᠳᠡᠷᠰᠭᠦᠳ ᠪᠠᠶᠢᠬᠤ︕ | ᠲᠡᠭᠡᠭᠡᠳ ᠶᠠᠭᠠᠬᠢᠭᠰᠠᠨ ᠴᠦ ᠡᠶᠢᠮᠦ | ᠲᠡᠨᠡᠭ ᠰᠢᠯᠦᠭ ᠪᠢᠴᠢᠬᠦ ᠪᠠᠷ | ᠲᠠᠬᠢᠨ ᠲᠦᠷᠦᠬᠦ ᠦᠭᠡᠢ ᠪᠠᠶᠢᠬᠤ︕ | ᠢᠨᠢᠶᠠᠳᠦ ᠰᠢᠭ ᠬᠠᠭᠤᠴᠢᠨ ᠁ | ᠨᠢᠯᠪᠤᠰᠤ ᠰᠢᠭ᠋ ᠬᠠᠭᠤᠴᠢᠨ ᠁ | ᠭᠤᠮᠤᠳᠠᠯ ᠰᠢᠭ᠋ ᠬᠠᠭᠤᠴᠢᠨ ᠁ | ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠷᠬᠠᠨ ᠰᠢᠭ᠋ | ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠳᠤ | ︽ᠪᠠᠶᠢᠬᠤ ᠦᠭᠡᠢ ᠶᠠᠭᠤᠮᠠ︾ ᠰᠢᠭ᠋ ᠨᠢ | ᠦᠷᠭᠦᠯᠵᠢ ᠰᠢᠨᠡ ᠪᠠᠶᠢᠬᠤ︕ | ︽ᠪᠠᠶᠢᠭᠠ︾ ᠪᠦᠭᠦᠳᠡ ᠠᠴᠠ ᠨᠢ | ᠮᠦᠩᠬᠡᠲᠡ ᠦᠭᠡᠷᠡ ᠪᠠᠶᠢᠬᠤ︕ |