| | ᠳ᠋᠊᠂ ᠫᠦᠷᠪᠦᠳᠦᠷᠵᠢ | | ᠡᠬᠡ ᠣᠷᠤᠨ ᠮᠢᠨᠢ᠂ ᠲᠠᠨ ᠳᠠᠭᠠᠨ ᠪᠢ | ᠡᠷᠪᠡᠬᠡᠢ ᠰᠢᠭ ᠡᠮᠵᠡᠭ ᠠᠮᠢ ᠲᠠᠢ | ᠡᠨᠡᠷᠢᠯ ᠡᠷᠢᠭᠰᠡᠨ ᠪᠡᠶᠡ ᠠᠴᠠ ᠦᠭᠡᠷᠡ | ᠡᠨᠡ ᠬᠤᠷᠸᠠ ᠳᠤ ᠶᠠᠭᠤ ᠲᠠᠢ ᠢᠷᠡᠯᠡ︖ | ᠦᠯᠮᠡᠢ ᠲᠠᠯᠪᠢᠭᠰᠠᠨ ᠮᠦᠷ ᠦᠭᠡᠢ | ᠦᠪᠡᠷ ᠤᠨ ᠭᠡᠰᠡᠨ ᠨᠡᠷᠡ ᠦᠭᠡᠢ | ᠡᠳᠦᠷ ᠤᠨ ᠣᠳᠤ ᠰᠢᠭ᠋ ᠭᠡᠷᠡᠯ ᠦᠭᠡᠢ | ᠦᠯᠦᠭᠡᠢ ᠳᠤ ᠴᠢᠨᠢ ᠤᠨᠠᠭᠰᠠᠨ ᠢᠶᠠᠨ ᠮᠡᠳᠡᠭᠡ ᠦᠭᠡᠢ᠃ | ᠲᠡᠭᠡᠪᠡᠴᠦ ᠨᠠᠮᠠᠶᠢ ᠬᠦᠮᠦᠨ ᠭᠡᠵᠦ | ᠲᠡᠷᠡ ᠨᠠᠮᠤᠷ ᠤᠨ ᠪᠤᠭᠤᠷᠤᠯ ᠰᠦᠨᠢ | ᠲᠡᠭᠷᠢ ᠳᠡᠭᠡᠨ ᠮᠡᠯᠮᠡᠷᠡᠵᠦ ᠮᠠᠨᠠᠵᠤ ᠬᠤᠨᠤᠭᠰᠠᠨ | ᠲᠡᠷᠭᠡᠯ ᠴᠠᠭᠠᠨ ᠰᠠᠷᠠᠨ ᠭᠬᠢᠷᠲᠦᠭᠡ ᠦᠭᠡᠢ᠃ | ᠲᠤᠬᠤᠮ ᠤᠨ ᠴᠢᠨᠡᠭᠡ ᠭᠠᠵᠠᠷ ᠤᠶᠠᠰᠬᠠᠵᠤ | ᠲᠤᠬᠤᠢ ᠶᠢᠨ ᠴᠢᠨᠡᠭᠡ ᠨᠠᠮᠠᠶᠢ ᠤᠨᠠᠬᠤ ᠳᠤ | ᠲᠤᠭᠤᠨᠤ ᠳᠦᠭᠦᠷᠡᠩ ᠣᠳᠣ ᠪᠠᠷ ᠮᠢᠰᠢᠶᠡᠵᠦ | ᠲᠤᠰᠴᠤ ᠪᠠᠶᠠᠷᠯᠠᠭᠰᠠᠨ ᠢ ᠴᠦ ᠮᠠᠷᠲᠠᠭᠠ ᠦᠭᠡᠢ᠃ | ᠨᠠᠷᠠᠨ ᠰᠢᠷᠭᠠᠯ ᠲᠠᠯᠠ ᠶᠢᠨ ᠴᠢᠨᠢ | ᠨᠠᠮᠢᠰ ᠨᠠᠮᠢᠰᠬᠠᠨ ᠴᠠᠭᠠᠨ ᠰᠠᠯᠬᠢ | ᠨᠠᠪᠴᠢ ᠪᠢᠳᠡᠨ ᠬᠤᠶᠠᠷ ᠳᠡᠭᠡᠷᠡ ᠪᠠᠨ | ᠨᠠᠮᠤᠷ ᠤᠨ ᠬᠢᠷᠠᠭᠤ ᠤᠨᠠᠭᠠᠯ ᠦᠭᠡᠢ | ᠬᠤᠯᠠᠳᠤᠨ ᠣᠳᠬᠤ ᠰᠢᠪᠠᠭᠤᠳ ᠤᠨ ᠳᠠᠭᠤ | ᠬᠤᠩᠭᠤᠷ ᠵᠤᠯᠠ ᠶᠢᠨ ᠲᠣᠯᠤᠭᠠᠢ ᠳᠤ ᠬᠤᠷᠭᠤᠳᠠᠨ | ᠬᠤᠶᠢᠲᠦᠨ ᠵᠢᠯ ᠤᠨ ᠬᠠᠪᠤᠷ ᠢ ᠬᠦᠯᠢᠶᠡᠭᠰᠡᠨ | ᠬᠤᠷᠮᠤᠢ ᠪᠠᠨ ᠳᠡᠪᠢᠰᠴᠦ ᠠᠪᠤᠭᠰᠠᠨ ᠪᠢᠯᠡ᠃ | ᠦᠷᠭᠡᠯᠡᠭᠰᠡᠨ ᠴᠡᠩᠬᠡᠷ ᠠᠭᠤᠯᠠᠰ ᠤᠨ ᠴᠢᠨᠢ | ᠦᠷᠴᠢᠯᠡᠭᠡᠲᠦ ᠮᠠᠩᠨᠠᠢ ᠪᠤᠳᠠᠷᠠᠨ ᠪᠠᠶᠢᠪᠠᠴᠤ | ᠦᠳᠡ ᠶᠢᠨ ᠨᠠᠷᠠ ᠲᠠᠢ ᠬᠤᠶᠢᠮᠤᠷ ᠲᠤ ᠮᠢᠨᠢ | ᠡᠭᠦᠯᠡᠨ ᠰᠡᠭᠦᠳᠡᠷ ᠲᠤᠰᠬᠠᠯ ᠦᠭᠡᠢ | ᠦᠪᠡᠷ ᠤᠨ ᠨᠤᠲᠤᠭ ᠲᠠᠭᠠᠨ ᠬᠠᠶᠢᠷᠠᠲᠠᠢ ᠶᠠᠪᠤᠭᠰᠠᠨ | ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠬᠠᠯᠠᠭᠤᠨ ᠰᠡᠳᠬᠢᠯ | ᠦᠩᠭᠡ ᠶᠢᠨ ᠴᠡᠴᠡᠭ ᠢᠶᠠᠷ ᠵᠤᠨ ᠳᠠᠭᠠᠨ ᠳᠡᠯᠭᠡᠷᠡᠬᠦ | ᠡᠪᠦᠷ ᠲᠡᠭᠡᠨ ᠲᠡᠪᠡᠷᠢᠨ ᠦᠰᠬᠡᠭᠰᠡᠨ ᠪᠢᠯᠡ᠃ | ᠵᠠᠭᠤᠨ ᠪᠡᠷᠡ ᠶᠢᠨ ᠶᠡᠭᠡ ᠭᠤᠪᠢ ᠳᠤᠨᠢ | ᠵᠣᠯᠠᠢ ᠲᠦᠭᠡᠨᠡᠬᠦ ᠨᠠᠷᠠ ᠨᠠᠮᠤᠷᠵᠢᠭᠰᠠᠨ | ᠵᠤᠯᠠ ᠰᠠᠷᠠ ᠶᠢᠨ ᠬᠦᠢᠲᠡᠨ ᠬᠠᠷᠠᠵᠠᠨ ᠳᠤᠨᠢ | ᠵᠤᠨ᠂ ᠬᠤᠨ ᠬᠤᠶᠠᠷ ᠡᠪᠦᠯᠵᠢᠭᠰᠡᠨ | ᠠᠴᠢᠲᠠᠢ ᠰᠠᠶᠢᠬᠠᠨ ᠡᠬᠡ ᠣᠷᠤᠨ ᠤ ᠮᠢᠨᠢ | ᠠᠭᠠᠷ᠂ ᠤᠰᠤ᠂ ᠨᠠᠷᠠᠨ ᠠᠴᠠ ᠢᠯᠡᠭᠦᠦ | ᠠᠮᠢ ᠨᠠᠰᠤᠨ ᠳᠤ ᠲᠡᠭᠡᠲᠡᠯᠡ ᠪᠠᠨ ᠡᠭᠡᠯᠢᠲᠡᠢ | ᠷᠠᠰᠢᠶᠠᠨ ᠪᠠᠶᠢᠳᠠᠭ ᠢ ᠪᠢ ᠮᠡᠳᠡᠬᠦ ᠦᠭᠡᠢ᠃ | ᠰᠠᠷᠠ ᠮᠡᠴᠢᠳ ᠲᠤᠬᠢᠶᠠᠬᠤ ᠣᠷᠭᠢᠯ ᠨᠢ | ᠰᠠᠶᠠ ᠨᠠᠰᠤᠯᠠᠭᠰᠠᠨ ᠮᠦᠩᠬᠡ ᠴᠠᠰᠤ ᠲᠠᠢ | ᠰᠠᠯᠬᠢ ᠡᠴᠡᠵᠦ ᠡᠩ ᠳᠤᠨᠢ ᠬᠤᠨᠤᠭᠰᠠᠨ | ᠰᠠᠷᠠᠭᠤᠯ ᠲᠠᠯᠠ ᠨᠢ ᠡᠷᠳᠡᠨᠢ ᠶᠢᠨ ᠡᠪᠦᠷ ᠲᠠᠢ | ᠠᠶᠢᠯ ᠪᠦᠬᠦᠨ ᠨᠢ ᠦᠪᠡᠷ ᠤᠨ ᠭᠡᠷ ᠰᠢᠭ | ᠠᠯᠲᠠᠨ ᠪᠤᠱᠤᠭᠠ ᠪᠠᠷ ᠦᠭᠡᠳᠡ ᠪᠠᠨ ᠮᠣᠷᠢᠯᠠ ᠭᠡᠵᠦ | ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠤ ᠦᠯᠵᠡᠢ ᠪᠠᠨ ᠦᠭᠭᠦᠭᠰᠡᠨ | ᠠᠷᠠᠳ ᠲᠥᠮᠡᠨ ᠢ ᠪᠢ ᠣᠯᠬᠤ ᠦᠭᠡᠢ᠃ | ᠡᠷᠢᠶᠡᠨ ᠬᠤᠷᠸᠠ ᠶᠢᠨ ᠭᠠᠵᠠᠷ ᠣᠷᠤᠨ ᠤ | ᠡᠷᠬᠢᠮ ᠰᠠᠶᠢᠬᠠᠨ ᠢ ᠭᠠᠶᠢᠬᠠᠵᠤ ᠶᠠᠪᠤᠬᠤ ᠳᠠᠭᠠᠨ | ᠠᠳᠡ ᠯᠡ ᠲᠦᠷᠦᠬᠦ ᠮᠢᠨᠢ ᠶᠠᠭᠠᠬᠢᠯᠠ ᠭᠡᠵᠦ | ᠡᠬᠡ ᠣᠷᠤᠨ ᠤ ᠪᠠᠨ ᠵᠠᠶᠠᠭᠠ ᠶᠢ ᠪᠢ ᠭᠤᠮᠤᠳᠠᠭᠠᠭᠠ ᠦᠭᠡᠢ᠃ | ᠮᠦᠷᠡᠨ ᠤ ᠤᠰᠤ ᠪᠠᠷ ᠪᠦᠦ ᠬᠡᠯᠡ | ᠮᠦᠩᠬᠡ ᠶᠢᠨ ᠣᠰᠤ ᠪᠠᠷ ᠤᠰᠤᠯᠠᠭᠰᠠᠨ ᠴᠦ | ᠬᠦᠮᠦᠨ ᠤ ᠰᠠᠶᠢᠬᠠᠨ ᠨᠤᠲᠤᠭ ᠤᠨ ᠬᠦᠷᠦᠰᠦᠨ ᠳᠤ | ᠮᠢᠨᠦ ᠤᠷᠭᠤᠬᠤ ᠰᠢᠷᠦᠢ ᠪᠠᠶᠢᠭᠠ ᠦᠭᠡᠢ᠃ | ᠡᠬᠡ ᠣᠷᠤᠨ ᠮᠢᠨᠢ᠂ ᠲᠠᠨ ᠠᠴᠠ ᠪᠠᠨ ᠪᠢ | ᠡᠩᠭᠡᠷ ᠳᠦᠭᠦᠷᠡᠩ ᠡᠷᠬᠡ ᠴᠢᠯᠦᠭᠡ | ᠡᠯᠢᠭᠡ ᠪᠦᠲᠦᠨ ᠡᠵᠡᠨ ᠵᠠᠶᠠᠭᠠ | ᠡᠨᠡ ᠨᠠᠰᠤᠨ ᠤ ᠵᠢᠷᠭᠠᠯ ᠠᠪᠤᠯᠠ᠃ | ᠠᠯᠤᠰ ᠤᠨ ᠳᠦᠷᠦᠭᠡ ᠶᠢ ᠮᠢᠨᠢ ᠰᠦ ᠪᠠᠷ ᠮᠢᠯᠢᠶᠡᠵᠦ | ᠠᠷᠠᠳ ᠤᠨ ᠲᠦᠷᠦ ᠶᠢᠨ ᠰᠦᠯᠳᠡᠨ ᠳᠤ ᠪᠠᠭᠲᠠᠭᠠᠵᠤ | ᠠᠯᠲᠠᠨ ᠠᠶᠠᠭᠠᠨ ᠠᠴᠠ ᠷᠠᠰᠢᠶᠠᠨ ᠬᠦᠷᠲᠡᠭᠡᠭᠰᠡᠨ | ᠠᠴᠢ ᠶᠢ ᠲᠠᠨᠢ ᠬᠠᠷᠢᠨ ᠶᠠᠭᠠᠬᠢᠨᠠᠮ ᠪᠢᠯᠡ᠃ | ᠠᠮᠢ ᠪᠡᠶᠡ᠂ ᠠᠮᠢᠰᠬᠤᠯ ᠨᠢᠭᠡᠲᠡᠢ | ᠠᠵᠠ ᠵᠢᠷᠭᠠᠯ ᠤᠨ ᠠᠭᠤᠵᠢᠮ ᠬᠠᠶᠠᠭᠠ ᠲᠠᠢ | ᠠᠰᠢᠳᠠ ᠣᠷᠤᠰᠢᠬᠤ ᠤᠯᠤᠰ ᠤᠨ ᠵᠠᠶᠠᠭᠠ ᠲᠠᠢ ᠦᠪᠡᠷ ᠤᠨ ᠭᠡᠰᠡᠨ ᠨᠡᠷᠡ ᠬᠠᠶᠢᠷᠠᠯᠠᠭᠰᠠᠨ | ᠦᠯᠮᠡᠢ ᠲᠠᠯᠪᠢᠭᠰᠠᠨ ᠮᠦᠷ ᠬᠠᠳᠠᠭᠠᠯᠠᠭᠰᠠᠨ | ᠥᠷᠯᠦᠭ ᠡᠬᠡ ᠣᠷᠤᠨ ᠢᠶᠠᠨ ᠪᠠᠶᠢᠭᠰᠠᠨ ᠴᠠᠭ ᠲᠤ | ᠦᠪᠡᠷ ᠢ ᠪᠠᠨ ᠪᠢ ᠪᠠᠶᠢᠭᠠ ᠳᠤ ᠲᠤᠭᠠᠴᠠᠨᠠ᠃ | ᠡᠪᠡᠰᠦ ᠨᠣᠭᠤᠭᠠ ᠰᠢᠭ᠋ ᠠᠯᠠᠭᠯᠠᠨ ᠤᠷᠭᠤᠵᠤ | ᠦᠨᠳᠦᠷ ᠨᠠᠮ ᠦᠭᠡᠢ ᠠᠳᠠᠯᠢᠬᠠᠨ ᠵᠢᠷᠭᠠᠭᠰᠠᠨ | ᠦᠷᠭᠡᠨ ᠲᠥᠮᠡᠨ ᠤ ᠪᠠᠨ ᠨᠢᠭᠡᠨ ᠪᠠᠶᠢᠵᠤ | ᠦᠯᠦᠭᠡᠢ ᠨᠤᠲᠤᠭ ᠲᠠᠭᠠᠨ ᠦᠨᠡᠨᠴᠢ ᠶᠠᠪᠤᠭᠰᠠᠨ ᠢᠶᠠᠨ | ᠠᠪᠤ ᠶᠢᠨ ᠬᠦᠦ ᠶᠢ ᠠᠯᠠᠭ ᠦᠵᠡᠳᠡᠭ ᠦᠭᠡᠢ | ᠠᠶᠢᠯ ᠤᠨ ᠬᠤᠶᠢᠮᠣᠷ ᠠᠯᠭᠠᠰᠠᠵᠤ ᠲᠤᠰᠳᠠᠭ ᠦᠭᠡᠢ | ᠠᠯᠲᠠᠨ ᠨᠠᠷᠠᠨ ᠤ ᠬᠢᠨᠢ ᠲᠤᠶᠠᠭᠠ ᠪᠠᠷ ᠪᠢᠴᠢᠵᠦ | ᠠᠴᠢ ᠭᠤᠴᠢ ᠶᠢᠨ ᠢᠶᠠᠨ ᠰᠡᠳᠬᠢᠯ ᠳᠤ ᠦᠯᠡᠳᠡᠭᠡᠨᠡ᠃ | ᠡᠨᠡᠬᠡᠨ ᠪᠡᠶᠡ ᠡᠯᠡᠭᠳᠡᠬᠦ ᠶᠢᠨ ᠴᠠᠭ ᠲᠤ | ᠡᠷᠭᠢᠵᠦ ᠲᠦᠷᠦᠳᠡᠭ ᠪᠣᠯ ᠠᠳᠡ ᠯᠡ ᠲᠦᠷᠦᠬᠦ | ᠡᠬᠡ ᠣᠷᠤᠨ ᠮᠢᠨᠢ᠂ ᠲᠠᠨ ᠢ ᠪᠠᠨ ᠪᠢ | ᠡᠷᠢᠵᠦ ᠢᠷᠡᠭᠡ ᠦᠭᠡᠢ᠂ ᠠᠳᠡᠭᠦᠷᠡᠵᠦ ᠲᠦᠷᠦᠭᠡ ᠦᠭᠡᠢ ᠡ᠃ | | | | 1980 ᠣᠨ |