ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠵᠠᠰᠠᠭ ᠤᠨ ᠢᠯᠡᠳᠭᠡᠯ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠮᠤᠩᠭᠤᠯ ᠬᠡᠯᠡ ᠮᠢᠨᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015-11-17
    ᠮ᠊᠂ ᠰᠡᠴᠡᠨᠪᠠᠭᠠᠳᠤᠷ     ᠡᠵᠢ ᠮᠡᠳᠦ ᠰᠠᠨᠠᠵᠤ ᠪᠦᠪᠠᠢ ᠠᠶᠠᠯᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠡᠷᠳᠡᠨ ᠤ ᠰᠠᠶᠢᠬᠠᠨ ᠦᠯᠢᠬᠡᠷ ᠤᠨ ᠤᠮ ᠰᠠᠶᠢᠨ ᠵᠢᠷᠭᠠᠯᠠᠩ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠠᠩᠬᠢᠷ ᠴᠠᠭᠠᠨ ᠰᠦᠨᠢ ᠶᠢᠨ ᠮᠠᠨᠠᠭᠠᠨ ᠳᠤ ᠭᠠᠷᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠠᠳᠢᠰ ᠲᠠᠷᠨᠢ ᠪᠠᠨ ᠪᠠᠭᠤᠯᠭᠠᠭᠠᠳ ᠵᠢᠷᠦᠬᠡᠨ ᠳᠤ ᠦᠨᠳᠦᠰᠦᠯᠡᠭᠰᠡᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠬᠠᠷᠠᠩᠭᠤᠢ ᠮᠤᠩᠬᠠᠭ ᠠᠴᠠ ᠬᠡᠳᠦᠯᠬᠡᠵᠤ ᠵᠢᠮᠠᠯᠠᠨ ᠰᠤᠷᠭᠠᠭᠰᠠ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠬᠠᠷᠢ ᠶᠢᠨ ᠴᠢᠰᠤ ᠨᠠᠪᠳᠠᠷᠠᠰᠢ ᠦᠬᠡᠢ ᠴᠢᠨᠠᠷ ᠤᠨ ᠮᠠᠩᠯᠠᠢ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠴᠡᠴᠡᠭ ᠮᠡᠳᠦ ᠳᠡᠯᠬᠡᠷᠡᠵᠤ ᠯᠢᠩᠪᠦ‍ ᠰᠢᠭ ᠢᠰᠬᠡᠷᠦᠭᠰᠡᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠴᠡᠭᠡ ᠢᠰᠬᠡᠭᠰᠡᠨ ᠠᠶᠢᠯ ᠤᠨ ᠭᠠᠳᠠᠨ᠎ᠠ ᠰᠠᠷᠠ ᠲᠠᠢ ᠦᠨᠵᠢᠭᠰᠡᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠤᠨ ᠵᠢᠯ ᠤᠳ ᠤᠨ ᠤᠶᠠᠭᠠᠨ ᠳᠡᠬᠡᠷ᠎ᠡ ᠮᠤᠷᠢ ᠲᠠᠢ ᠪᠠᠭᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠤᠭᠳᠠᠷᠭᠤᠢ ᠶᠢᠨ ᠮᠠᠨᠳᠠᠯ ᠳᠤ ᠳᠤᠩᠭᠤᠳᠤᠭᠰᠠᠨ ᠴᠢᠨᠳᠠᠮᠤᠨᠢ ᠰᠢᠪᠠᠭᠤ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠰᠠᠨᠠᠭᠠᠨ ᠤ ᠴᠢᠯᠡᠭᠡ ᠳᠠᠶᠢᠯᠵᠦ ᠮᠦᠰᠢᠶᠡᠵᠦ ᠰᠠᠭᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠰᠠᠭᠠᠳ ᠦᠬᠡᠢ ᠠᠪᠤᠷᠠᠵᠤ ᠪᠠᠶᠠᠰᠬᠤᠯᠠᠩ ᠬᠡᠮᠨᠡᠭᠰᠡᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠠᠳᠡ ᠢᠷ᠎ᠡ ᠬᠦᠦ ᠮᠢᠨᠢ ᠬᠡᠵᠤ ᠭᠠᠷ ᠢ ᠮᠢᠨᠢ ᠠᠳᠬᠤᠨ ᠦᠬᠦᠬᠡᠷᠳᠡᠬᠡᠳ ᠡᠨᠡᠷᠢᠯ ᠤᠨ ᠨᠢᠬᠡᠨ ᠳᠤᠪᠴᠢᠳᠤ ᠰᠤᠳᠤᠷ ᠤᠨ ᠳᠤᠷᠭᠠᠨ ᠮᠦᠷ ᠢ ᠦᠵᠡᠬᠦᠯᠦᠯ᠎ᠡ ᠡᠷᠬᠡᠰ ᠤᠨ ᠬᠡᠷᠡᠯ ᠳᠤ ᠵᠠᠪᠢᠯᠠᠭᠰᠠᠨ ᠰᠠᠭᠤᠳᠠᠯ ᠤᠨ ᠴᠢᠨᠢ ᠬᠠᠵᠠᠭᠤ ᠳᠤ ᠵᠤᠭᠰᠤᠭᠠᠳ ᠡᠷᠳᠡᠨᠢ ᠶᠢᠨ ᠽᠠᠨᠳᠠᠨ ᠮᠤᠳᠤᠨ ᠤ ᠴᠢᠨᠢ ᠳᠤᠤᠷ᠎ᠠ ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠰᠡᠷᠢᠬᠦᠴᠡᠯ᠎ᠡ᠃ ᠨᠤᠮ ᠤᠨ ᠬᠦᠷᠳᠦ ᠶᠢ ᠡᠷᠬᠢᠬᠦᠯᠦᠭᠰᠡᠨ ᠠᠴᠤᠭ ᠰᠡᠬᠦᠯ ᠰᠢᠯᠪᠢ ᠲᠠᠢ ᠶᠤᠮ ᠨᠤᠶᠠᠨ ᠡᠷᠳᠡᠮ ᠤᠨ ᠮᠤᠳᠤᠷ ᠠᠴᠠ ᠷᠠᠰᠢᠶᠠᠨ ᠬᠦᠷᠳᠡᠭᠰᠡᠨ ᠤᠷᠬᠢᠴᠠ ᠲᠠᠢ ᠶᠤᠮ ᠨᠠᠮᠪᠠ ᠲᠡᠬᠦᠰᠦᠭᠰᠡᠨ ᠴᠠᠴᠤᠯᠭ᠎ᠠ ᠨᠢ ᠲᠡᠭᠷᠢ ᠶᠢᠨ ᠨᠠᠰᠤ ᠲᠠᠢ ᠱᠢᠷᠦ ᠶᠤᠮ ᠨᠠᠷᠠᠨ ᠤ ᠠᠯᠳᠠᠨ ᠳᠢᠳᠠᠮᠳᠤ ᠴᠢᠭ ᠳᠤᠰᠤᠯ ᠨᠢ ᠬᠤᠭᠤᠷ ᠶᠤᠮ ᠡ᠃ ᠰᠦ ᠮᠡᠳᠦ ᠠᠷᠢᠭᠤᠨ ᠮᠠᠯᠮᠠᠯᠵᠡᠳᠡᠭ ᠢᠶᠠᠷ ᠢᠶᠠᠨ ᠲᠠ ᠪᠤᠯ ᠶᠢᠷᠳᠢᠨᠴᠤ ᠶᠢ ᠴᠤᠭᠴᠠᠯᠠᠭᠴᠢ ᠰᠦᠷ ᠮᠡᠳᠦ ᠳᠤᠭᠰᠢᠨ ᠬᠠᠩᠬᠢᠨᠠᠳᠠᠭ ᠢᠶᠠᠷ ᠢᠶᠠᠨ ᠲᠠ ᠪᠤᠯ ᠮᠠᠭᠤ ᠶᠢ ᠳᠤᠷᠤᠶᠢᠳᠠᠭᠤᠯᠤᠭᠴᠢ ᠵᠠᠪᠠ ᠮᠡᠳᠦ ᠬᠤᠷᠴᠠ ᠰᠤᠩᠭᠤᠳᠠᠭ ᠢᠶᠠᠷ ᠢᠶᠠᠨ ᠲᠠ ᠪᠤᠯ ᠨᠢᠭᠤᠴᠠ ᠳᠤᠪᠴᠢᠶᠠᠨ ᠤ ᠬᠠᠭᠤᠳᠠᠰᠤ ᠵᠢᠷᠦᠬᠡ ᠮᠡᠳᠦ ᠦᠨᠡᠨᠴᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠠ ᠪᠤᠯ ᠴᠢᠩᠬᠢᠰ ᠤᠨ ᠪᠠᠭᠠᠳᠤᠷ ᠡ᠃ ᠠᠯᠳᠠᠨ ᠳᠡᠯᠡᠬᠡᠢ ᠳᠤ ᠴᠢᠩᠬᠢᠰ ᠢᠶᠠᠨ ᠰᠢᠳᠦ ᠬᠡᠵᠤ ᠬᠠᠳᠠᠭ ᠰᠢᠭ᠋ ᠨᠠᠮᠢᠷᠠᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠠᠶᠠᠯᠭᠤ ᠵᠠᠯᠭᠠᠭᠰᠠᠨ ᠤᠳᠤᠮ ᠢᠶᠠᠨ ᠳᠡᠬᠡᠳᠦᠯᠡ ᠬᠡᠵᠤ ᠬᠠᠷᠢᠶᠠᠴᠠᠢ ᠰᠢᠭ᠋ ᠵᠢᠷᠬᠢᠭᠰᠡᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠪᠢᠯᠢᠬᠦᠨ ᠨᠤᠮᠴᠢ ᠷᠢᠨᠴᠢᠨ ᠢ ᠤᠶᠠᠩᠭ᠎ᠠ ᠪᠠᠷ ᠳᠡᠳᠬᠦᠭᠰᠡᠨ ᠪᠤᠮᠪᠠ ᠶᠢᠨ ᠤᠷᠤᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠪᠢᠴᠢᠭ ᠢᠶᠠᠨ ᠪᠠᠷᠢᠭᠠᠳ ᠬᠡᠦᠬᠡᠳ ᠤᠳ ᠮᠢᠨᠢ ᠤᠩᠰᠢᠬᠤ ᠳᠤ ᠬᠠᠴᠠᠷ ᠳᠡᠬᠡᠷ᠎ᠡ ᠨᠢ ᠦᠨᠦᠰᠦᠭᠰᠡᠨ               ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠮᠡᠷᠬᠡᠳ ᠭᠠᠷᠬᠤ ᠶᠢᠨ ᠡᠬᠦᠳᠡ ᠶᠢ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠨᠡᠬᠡᠬᠡᠳᠡᠭ ᠮᠦᠩᠬᠦᠨ ᠵᠢᠬᠦᠷ ᠢᠶᠠᠨ ᠳᠠᠪᠢᠬᠡᠳ ᠰᠠᠨᠰᠠᠷ ᠤᠨ ᠬᠢᠵᠠᠭᠠᠷ ᠲᠤ ᠬᠦᠷᠬᠡᠳᠡᠭ ᠨᠠᠪᠴᠢ ᠪᠠᠨ ᠳᠡᠯᠬᠡᠭᠰᠡᠨ ᠡᠪᠡᠰᠦ ᠨᠤᠭᠤᠭ᠎ᠠ ᠰᠢᠪᠠᠨᠠᠨ ᠰᠢᠪᠰᠢᠨ ᠬᠦᠭᠵᠢᠮᠳᠡᠳᠡᠭ ᠨᠠᠮᠠᠭ᠎ᠠ ᠶᠢ ᠨᠢ ᠳᠤᠭᠠᠯᠠᠭᠰᠠᠨ ᠠᠷᠴᠠ ᠶᠢᠨ ᠰᠠᠯᠬᠢ ᠪᠢᠰᠢᠷᠠᠵᠤ ᠢᠷᠡᠬᠡᠳ ᠮᠡᠯᠮᠡᠷᠡᠳᠡᠭ ᠡ ᠲᠠ ᠪᠤᠯ ᠮᠢᠨᠤ ᠰᠦᠵᠢᠭ  ᠂ ᠪᠢ ᠴᠢᠮᠠᠳᠠᠭᠠᠨ ᠮᠦᠷᠬᠦᠨ ᠵᠠᠯᠪᠠᠷᠢᠨ᠎ᠠ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠲᠠ ᠪᠤᠯ ᠮᠢᠨᠤ ᠰᠦᠯᠳᠡ᠂ ᠪᠢ ᠴᠢᠮᠠᠳᠠᠭᠠᠨ ᠮᠦᠷᠦᠬᠡᠳᠦᠯ ᠢᠶᠠᠷ ᠪᠢᠯᠬᠠᠨ᠎ᠠ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠲᠠ ᠪᠤᠯ ᠮᠢᠨᠤ ᠰᠦᠨᠡᠰᠦ᠂ ᠪᠢ ᠴᠢᠮᠠᠳᠠᠭᠠᠨ ᠬᠤᠷᠭᠤᠳᠠᠨ ᠳᠠᠳᠠᠭᠳᠠᠨ᠎ᠠ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠲᠠ ᠪᠤᠯ ᠮᠢᠨᠤ ᠰᠦᠮ᠎ᠡ᠂ ᠪᠢ ᠴᠢᠮᠠᠳᠠᠭᠠᠨ ᠵᠤᠯᠠ ᠪᠠᠷᠢᠨ᠎ᠠ ᠡ ᠮᠤᠩᠭᠤᠯ ᠬᠡᠯᠡ ᠮᠢᠨᠢ                      
  
ᠢᠷᠡᠯᠲᠡ᠄ ᠬᠤᠩ ᠱᠠᠨ ᠲᠤᠭᠤᠷᠢᠭ ᠤᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
ᠬᠡᠲᠦᠷᠬᠡᠢ ᠬᠠᠶᠢᠷᠠᠲᠠᠢ ᠴᠢᠮ᠎ᠠ ᠳᠠᠭᠠᠨ ᠪᠢ
ᠵᠠᠯᠠᠭᠤ ᠨᠠᠰᠤ
ᠳᠦᠷᠪᠡᠨ ᠴᠠᠭ
ᠮᠢᠨᠦ ᠨᠤᠲᠤᠭ
ᠠᠯᠤᠰ ᠭᠠᠵᠠᠷ ᠰᠤᠷᠬᠤ ᠪᠠᠷ ᠶᠠᠪᠤᠭᠴᠢ
2014-2015 ©  ︽ᠮᠥᠩᠬᠡ ᠭᠠᠯ︾ ᠺᠣᠮᠫᠢᠦ᠋ᠲ᠋ᠧᠷ ᠰᠣᠹᠲ ᠤᠨ ᠪᠦᠷᠢᠨ ᠪᠤᠰᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05002246号