| ᠳ᠋᠊᠂ ᠨᠠᠴᠤᠭᠳᠤᠷᠵᠢ | | ᠬᠠᠪᠤᠷ | | ᠮᠦᠩᠭᠡ ᠲᠡᠭᠷᠢ ᠶᠢᠨ ᠳᠤᠤᠷᠠ ᠮᠢᠩᠭᠠᠨ ᠮᠢᠩᠭᠠᠨ ᠬᠠᠪᠤᠷ | ᠮᠤᠩᠭᠤᠯ ᠤᠨ ᠰᠠᠶᠢᠬᠠᠨ ᠤᠷᠤᠨ ᠳᠤ ᠵᠢᠯ ᠵᠢᠯ ᠳᠡᠯᠭᠡᠷ | ᠡᠩᠬᠡ ᠤᠯᠠᠷᠢᠯ ᠬᠠᠩᠬᠤᠯᠬᠤ ᠳᠤ ᠬᠦᠮᠦᠨ ᠤ ᠰᠡᠳᠬᠢᠯ ᠲᠡᠨᠢᠭᠡᠷ | ᠡᠪᠡᠰᠤᠨ ᠤ ᠰᠤᠶᠤᠭᠠ ᠨᠤᠭᠤᠭᠠᠷᠠᠬᠤ ᠳᠤ ᠮᠤᠷᠤᠢ ᠮᠠᠯ ᠬᠠᠨᠠᠭᠠᠷ | ᠬᠤᠯᠠᠬᠢ ᠨᠠᠷᠠ ᠤᠶᠢᠷᠠᠳᠤᠵᠤ ᠬᠠᠰ ᠤᠨ ᠴᠠᠰᠤ ᠬᠠᠶᠢᠯᠬᠤ ᠳᠤ | ᠬᠤᠷᠸᠠ ᠳᠡᠯᠡᠬᠡᠢ ᠰᠢᠨᠡᠴᠢᠯᠡᠭᠳᠡᠨ ᠬᠠᠭᠤᠴᠢᠨ ᠶᠠᠭᠤᠮᠠ ᠬᠠᠯᠠᠭᠳᠠᠨᠠ | ᠬᠦᠬᠡᠷᠡᠭᠰᠡᠨ ᠮᠤᠳᠤ ᠴᠡᠴᠡᠭᠯᠡᠵᠦ ᠬᠡᠦᠬᠡᠳ ᠪᠠᠭᠠᠴᠤᠳ ᠨᠠᠭᠠᠳᠬᠤ ᠳᠤ | ᠬᠦᠭᠰᠢᠨ ᠬᠦᠮᠦᠨ ᠦᠪᠡᠷ ᠢ ᠪᠠᠨ ᠵᠠᠯᠠᠭᠤ ᠪᠤᠯᠤᠭᠰᠠᠨ ᠰᠢᠭ᠋ ᠰᠠᠨᠠᠨᠠ | ᠬᠡᠭᠡᠷᠡ ᠶᠢᠨ ᠭᠠᠯᠠᠭᠤ ᠠᠶᠢᠯᠴᠢᠯᠠᠨ ᠢᠷᠡᠵᠦ ᠭᠠᠩᠭᠠᠷ ᠭᠤᠩᠭᠠᠷ ᠳᠤᠩᠭᠤᠳᠬᠤ ᠳᠤ | ᠭᠡᠷ ᠲᠡᠭᠡᠨ ᠰᠠᠭᠤᠭᠰᠠᠨ ᠮᠠᠯᠴᠢᠨ ᠳᠠᠭᠤ ᠶᠢ ᠨᠢ ᠴᠢᠩᠨᠠᠭᠠᠳ ᠤᠶᠠᠷᠠᠨᠠ | ᠬᠠᠵᠠᠭᠤ ᠳᠠᠬᠢ ᠠᠭᠤᠯᠠᠨ ᠳᠤ ᠭᠤᠷᠤᠬᠠ ᠪᠤᠯᠠᠭ ᠬᠤᠷᠴᠢᠭᠢᠨᠠᠨ ᠤᠷᠤᠰᠬᠤ ᠳᠤ | ᠬᠠᠶᠠᠭᠠᠨ ᠳᠠᠬᠢ ᠢᠰᠢᠭᠡ ᠬᠤᠷᠠᠭᠠ ᠬᠦᠭᠵᠢᠮ ᠨᠡᠶᠢᠯᠡᠭᠦᠯᠦᠨ ᠮᠠᠶᠢᠯᠠᠨᠠ | ᠡᠶᠡᠯᠳᠡᠭ ᠤᠷᠢᠬᠠᠨ ᠠᠮᠢᠰᠬᠤᠯ ᠠᠷᠢᠭᠤᠬᠠᠨ ᠢᠶᠠᠷ ᠦᠨᠦᠷᠲᠦᠭᠡᠳ | ᠡᠷᠲᠡ ᠡᠳᠦᠭᠡ ᠶᠢ ᠪᠤᠳᠤᠭᠳᠠᠭᠤᠯᠤᠨ ᠨᠢᠭᠤᠭᠳᠠᠭᠰᠠᠨ ᠰᠡᠳᠬᠢᠯ ᠢ ᠰᠡᠷᠭᠦᠭᠡᠨᠡ | ᠦᠨᠢᠷ ᠰᠠᠶᠢᠬᠠᠨ ᠲᠦᠦᠯ ᠪᠠᠶᠠᠨ ᠬᠤᠲᠠ ᠶᠢ ᠴᠢᠮᠡᠬᠦ ᠳᠤ | ᠦᠯᠦᠭᠡᠢ ᠲᠠᠢ ᠪᠢᠴᠢᠬᠠᠨ ᠬᠡᠦᠬᠡᠳ ᠡᠴᠢᠭᠡ ᠡᠬᠡ ᠪᠠᠨ ᠪᠠᠶᠠᠰᠬᠠᠨᠠ | | ᠵᠤᠨ | | ᠴᠠᠭ ᠤᠨ ᠰᠠᠶᠢᠬᠠᠨ ᠵᠤᠨ ᠤ ᠡᠬᠢᠨ ᠳᠤ | ᠭᠠᠵᠠᠷ ᠤᠨ ᠰᠠᠶᠢᠬᠠᠨ ᠬᠠᠩᠭᠠᠢ ᠶᠢᠨ ᠨᠢᠷᠤᠭᠤᠨ ᠳᠤ | ᠬᠦᠬᠦᠬᠡ ᠰᠢᠪᠠᠭᠤ ᠤᠷᠢᠬᠠᠨ ᠢᠶᠠᠷ ᠳᠤᠩᠭᠤᠳᠬᠤ ᠳᠤ | ᠡᠨᠡ ᠳᠡᠯᠡᠬᠡᠢ ᠶᠠᠭᠤᠲᠠᠢ ᠲᠠᠭᠠᠯᠠᠮᠵᠢᠲᠠᠢ ᠪᠤᠢ︕ | ᠨᠤᠭᠤᠭᠠᠨ ᠤ ᠤᠨᠢᠶᠠᠷ ᠤᠭᠲᠠᠷᠭᠤᠢ ᠲᠤᠯᠵᠤ ᠵᠡᠷᠭᠡᠯᠭᠡᠨ ᠮᠢᠷᠠᠯᠵᠠᠬᠤ ᠳᠤ | ᠬᠦᠯᠦᠭ ᠮᠤᠷᠢ ᠤᠷᠲᠤ ᠢᠨᠴᠠᠭᠠᠵᠤ ᠲᠦᠷᠦᠭᠰᠡᠨ ᠨᠤᠲᠤᠭ ᠢ ᠵᠦᠭᠯᠡᠨᠡ | ᠴᠡᠴᠡᠭ ᠤᠨ ᠬᠤᠷᠠ ᠳᠡᠯᠡᠬᠡᠢ ᠶᠢᠨ ᠨᠢᠭᠤᠷ ᠢ ᠤᠭᠢᠶᠠᠬᠤ ᠳᠤ | ᠵᠠᠯᠠᠭᠤ ᠬᠦᠮᠦᠰ ᠤᠨ ᠰᠡᠳᠬᠢᠯ ᠰᠡᠷᠭᠦᠵᠦ ᠪᠡᠶᠡ ᠪᠡᠶᠡ ᠪᠠᠨ ᠪᠤᠳᠤᠨᠠ | ᠦᠵᠡᠰᠬᠦᠯᠡᠩᠲᠤ ᠠᠭᠤᠯᠠ ᠲᠤᠩᠭᠠᠯᠠᠭ ᠤᠰᠤ ᠵᠤᠨ ᠤ ᠴᠠᠭ ᠲᠤ ᠳᠡᠭᠰᠢ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠮᠤᠩᠭᠤᠯ ᠭᠠᠵᠠᠷ ᠤᠨ ᠪᠠᠶᠠᠰᠬᠤᠯᠠᠩ | ᠬᠡᠦᠬᠡᠳ ᠪᠠᠭᠠᠴᠤᠳ ᠤᠨ ᠭᠡᠶᠢᠨ ᠭᠤᠤᠯᠠᠬᠤ ᠨᠢ ᠬᠦᠨᠳᠡᠢ ᠲᠠᠯᠠ ᠳᠤ ᠢᠷᠠᠭᠤ | ᠬᠤᠷᠳᠤᠨ ᠮᠤᠷᠢ ᠢᠷᠠᠯᠵᠠᠬᠤ ᠨᠢ ᠬᠦᠮᠦᠨ ᠪᠦᠬᠦᠨ ᠤ ᠪᠠᠭ᠋ᠠᠳᠤᠯ | ᠠᠭᠤᠳᠠᠮ ᠲᠠᠯᠠ ᠳᠤ ᠨᠠᠭᠠᠳᠤᠮ ᠤᠨ ᠠᠶᠠᠯᠭᠤ ᠵᠦᠭᠡᠯᠡᠨ ᠢᠶᠠᠷ ᠴᠤᠤᠷᠢᠶᠠᠳᠤᠨᠠ | ᠬᠡᠭᠡᠷᠡ ᠬᠦᠳᠡᠭᠡ ᠳᠤ ᠮᠠᠯ ᠰᠦᠷᠦᠭ ᠳᠤᠷᠠ ᠪᠠᠷ ᠢᠶᠠᠨ ᠪᠡᠯᠴᠢᠨᠡ | ᠡᠷᠦᠬᠡ ᠪᠦᠷᠢ ᠶᠢᠨ ᠡᠭᠦᠳᠡᠨ ᠳᠤ ᠠᠶᠢᠷᠠᠭ ᠰᠠᠷᠬᠤᠳ ᠤᠨ ᠦᠨᠦᠷ ᠰᠡᠩᠭᠢᠨᠡᠨᠡ | ᠡᠶᠢᠮᠦ ᠰᠠᠶᠢᠬᠠᠨ ᠪᠠᠶᠠᠰᠬᠤᠯᠠᠩ ᠲᠠᠢ ᠲᠡᠶᠢᠮᠦ ᠰᠠᠶᠢᠬᠠᠨ ᠵᠢᠷᠭᠠᠯᠠᠩ ᠲᠠᠢ | | ᠨᠠᠮᠤᠷ | | ᠨᠠᠮᠤᠷ ᠤᠨ ᠰᠢᠷᠠ ᠨᠠᠷᠠ ᠨᠠᠳᠠ ᠳᠡᠭᠡᠷᠡ ᠴᠢᠮᠠ ᠳᠡᠭᠡᠷᠡ ᠳᠤᠰᠤᠨᠠ | ᠨᠠᠶᠢᠭᠤᠨ ᠨᠠᠶᠢᠭᠤᠬᠤ ᠤᠯᠠᠷᠢᠯ ᠳᠤᠨᠢ ᠪᠢᠳᠡ ᠪᠠᠰᠠ ᠨᠠᠶᠢᠭᠤᠨᠠ | ᠪᠤᠭᠤ ᠬᠠᠨᠳᠠᠭᠠᠢ ᠤᠷᠤᠮᠳᠠᠵᠤ ᠠᠭᠤᠯᠠ ᠤᠰᠤ ᠶᠢ ᠪᠠᠶᠠᠰᠬᠠᠬᠤ ᠳᠤ | ᠦᠬᠡᠷ ᠱᠠᠷ ᠮᠦᠭᠡᠷᠡᠯᠳᠦᠨ ᠮᠠᠯᠴᠢᠨ ᠬᠦᠮᠦᠨ ᠢ ᠵᠤᠭᠠᠴᠠᠭᠤᠯᠤᠨᠠ | ᠰᠠᠶᠢᠬᠠᠨ ᠤᠭᠲᠠᠷᠭᠤᠢ ᠶᠢᠨ ᠳᠤᠮᠳᠠ ᠨᠢᠮᠭᠡᠨ ᠴᠠᠭᠠᠨ ᠡᠭᠦᠯᠡ ᠨᠡᠭᠦᠬᠦ ᠳᠤ | ᠢᠳᠡᠷ ᠵᠠᠯᠠᠭᠤᠰ ᠠᠯᠤᠰ ᠭᠠᠵᠠᠷ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠳᠤ ᠤᠳᠤᠨᠠ | ᠲᠤᠩᠭᠠᠯᠠᠭ ᠮᠦᠷᠡᠨ ᠵᠦᠭᠡᠯᠡᠨ ᠵᠦᠭᠡᠯᠡᠨ ᠢᠶᠠᠷ ᠳᠤᠪ ᠳᠤᠭᠤᠢ ᠤᠷᠤᠰᠬᠤ ᠳᠤ | ᠲᠡᠭᠦᠨ ᠤ ᠳᠤᠲᠤᠷᠠ ᠰᠠᠷᠠ ᠮᠦᠰᠢᠶᠡᠵᠦ ᠢᠨᠠᠭ ᠤᠨ ᠦᠯᠢᠭᠡᠷ ᠰᠢᠪᠡᠨᠡᠨᠡ | ᠦᠷᠯᠦᠭᠡᠨ ᠤ ᠬᠢᠷᠠᠭᠤ ᠰᠤᠪᠤᠳ ᠤᠨ ᠠᠳᠠᠯᠢ ᠭᠢᠯᠲᠦᠭᠡᠨᠡᠨ ᠪᠤᠭᠤᠷᠤᠯᠲᠤᠬᠤ ᠳᠤ | ᠭᠠᠳᠠᠭᠠ ᠰᠤᠶᠢᠭᠰᠠᠨ ᠮᠤᠷᠢ ᠪᠦᠭ ᠪᠦᠭ ᠪᠦᠩ ᠪᠦᠩ ᠴᠡᠴᠡᠷᠡᠨᠡ | ᠭᠡᠷ ᠤᠨ ᠡᠵᠡᠨ ᠡᠷᠲᠡᠯᠡᠨ ᠦᠨᠡᠭᠡ ᠴᠢᠨ᠋ᠸᠠ ᠶᠢ ᠭᠦᠷᠦᠭᠡᠯᠡᠷᠡ ᠤᠳᠬᠤ ᠳᠤ | ᠡᠬᠡᠨᠡᠷ ᠬᠡᠦᠬᠡᠳ ᠠᠭᠠᠷᠴᠠ ᠨᠡᠷᠡᠵᠦ ᠲᠡᠭᠦᠨ ᠢ ᠬᠦᠯᠢᠶᠡᠨᠡ | ᠤᠷᠢᠬᠠᠨ ᠬᠤᠩᠭᠤᠷ ᠰᠠᠯᠬᠢ ᠡᠪᠡᠰᠦ ᠮᠤᠳᠤ ᠶᠢ ᠨᠠᠮᠢᠯᠵᠠᠭᠤᠯᠬᠤ ᠳᠤ | ᠬᠦᠭᠰᠢᠳ ᠵᠠᠯᠠᠭᠤᠰ ᠤᠨ ᠰᠡᠳᠬᠢᠯ ᠪᠦᠩ ᠪᠦᠩ ᠪᠦᠮᠪᠦᠷᠢᠨᠡ | ᠰᠢᠷᠠᠯᠠᠭᠰᠠᠨ ᠮᠤᠳᠤᠨ ᠤ ᠨᠠᠪᠴᠢ ᠬᠤᠶᠠᠷ ᠨᠢᠭᠡ ᠪᠠᠷ ᠤᠨᠠᠬᠤ ᠳᠤ | ᠰᠡᠳᠬᠢᠯ ᠤᠨ ᠳᠤᠲᠤᠷᠠᠬᠢ ᠤᠶᠢᠳᠬᠠᠷᠲᠤ ᠶᠠᠪᠤᠳᠠᠯ ᠬᠠᠶᠠ ᠬᠠᠶᠠ ᠪᠤᠳᠤᠭᠳᠠᠨᠠ | | ᠡᠪᠦᠯ | | ᠠᠯᠤᠰ ᠤᠨ ᠰᠠᠯᠬᠢ ᠵᠢᠬᠡᠭᠦᠨ ᠠᠮᠢᠰᠬᠤᠯ ᠢᠶᠠᠷ ᠳᠡᠰ ᠨᠢᠰ ᠭᠡᠬᠦ ᠳᠤ | ᠠᠯᠲᠠᠨ ᠳᠡᠯᠡᠬᠡᠢ ᠶᠢᠨ ᠠᠭᠤᠯᠠ ᠲᠠᠯᠠ ᠮᠦᠩᠭᠦᠨ ᠬᠤᠶᠠᠭ ᠡᠮᠦᠰᠦᠨᠡ | ᠡᠪᠦᠯ ᠤᠨ ᠰᠦᠨᠢ ᠲᠡᠭᠷᠢ ᠶᠢᠨ ᠤᠳᠤᠳ ᠤᠴᠢ ᠮᠡᠲᠦ ᠭᠢᠯᠠᠯᠵᠠᠬᠤ ᠳᠤ | ᠠᠭᠤᠳᠠᠮ ᠲᠠᠯᠠ ᠳᠤ ᠵᠢᠩᠴᠢᠨ ᠬᠦᠮᠦᠨ ᠤ ᠳᠠᠭᠤ ᠲᠤᠳᠤᠬᠠᠨ ᠰᠤᠨᠤᠰᠲᠠᠨᠠ | ᠦᠨᠳᠦᠷ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠪᠤᠳᠠᠩ ᠬᠦᠳᠡᠩ ᠵᠤᠭᠠᠴᠠᠭᠠᠳ | ᠦᠷᠭᠡᠨ ᠲᠠᠯᠠ ᠶᠢᠨ ᠬᠦᠨᠳᠡᠢ ᠨᠢᠳᠦ ᠭᠢᠯᠪᠠᠮᠠ ᠮᠡᠯᠴᠡᠶᠢᠬᠦ ᠳᠤ | ᠪᠡᠯᠴᠢᠭᠡᠷ ᠤᠨ ᠮᠠᠯ ᠰᠤᠷᠭᠤᠭ ᠦᠰᠦ ᠪᠠᠨ ᠭᠢᠯᠠᠯᠵᠠᠭᠤᠯᠤᠨ ᠪᠤᠴᠠᠬᠤ ᠳᠤ | ᠢᠳᠡᠷ ᠵᠠᠯᠠᠭᠤ ᠮᠠᠯᠴᠢᠨ ᠳᠡᠭᠦᠨ ᠢ ᠬᠤᠷᠢᠶᠠᠨ ᠢᠰᠬᠡᠷᠦᠨᠡ | ᠦᠨᠳᠦᠷ ᠭᠠᠵᠠᠷ ᠤᠨ ᠬᠦᠢᠲᠡᠨ ᠴᠢᠮᠦᠭᠡ ᠴᠠᠷᠴᠠᠮᠠ ᠡᠷᠴᠢᠲᠠᠢ | ᠮᠤᠩᠭᠤᠯ ᠤᠨ ᠵᠠᠯᠠᠭᠤᠰ ᠨᠢᠭᠤᠷ ᠲᠠᠭᠠᠨ ᠴᠤᠭ ᠲᠠᠢ ᠨᠢᠳᠦᠨ ᠳᠡᠭᠡᠨ ᠭᠠᠯ ᠲᠠᠢ | ᠵᠢᠷᠭᠤᠭᠠᠨ ᠮᠡᠴᠢᠳ ᠤᠷᠤᠢ ᠳᠡᠭᠡᠷᠡ ᠵᠤᠯᠠ ᠶᠢᠨ ᠭᠡᠷᠡᠯ ᠬᠠᠵᠠᠭᠤ ᠳᠤ | ᠬᠦᠭᠰᠢᠳ ᠡᠪᠦᠭᠡᠳ ᠭᠠᠯ ᠢ ᠪᠠᠵᠠᠭᠠᠨ ᠬᠠᠭᠤᠴᠢᠨ ᠦᠭᠡᠰ ᠢ ᠶᠠᠷᠢᠯᠴᠠᠨᠠ | ᠡᠪᠦᠯ ᠬᠠᠪᠤᠷ ᠵᠤᠨ ᠨᠠᠮᠤᠷ ᠳᠦᠷᠪᠡᠨ ᠤᠯᠠᠷᠢᠯ ᠡᠭᠡᠯᠵᠢᠯᠡᠵᠦ | ᠠᠭᠤᠯᠠ ᠤᠰᠤ ᠨᠠᠷᠠ ᠰᠠᠷᠠ ᠳᠦᠷᠪᠡ ᠲᠠᠢ ᠨᠦᠬᠦᠷᠯᠡᠨᠡ | ᠬᠦᠮᠦᠨ ᠪᠦᠷᠢ ᠦᠲᠡᠭᠦᠰ ᠢ ᠦᠳᠡᠵᠦ ᠨᠢᠯᠬᠠᠰ ᠢ ᠤᠭᠲᠤᠨ ᠪᠠᠶᠠᠰᠴᠤ | ᠮᠢᠩᠭᠠᠨ ᠮᠢᠩᠭᠠᠨ ᠵᠢᠯ ᠦᠴᠦᠬᠡᠨ ᠴᠦ ᠴᠢᠯᠦᠭᠡ ᠵᠠᠪ ᠦᠭᠡᠢ᠃ |