| ᠱ᠊᠂ ᠳᠤᠯᠮᠠ | ᠰᠠᠶᠢᠬᠠᠨ ᠡᠷᠡ ᠶᠢᠨ ᠬᠠᠷᠠᠴᠠᠨ ᠳᠤ ᠰᠢᠲᠠᠵᠤ ᠶᠠᠪᠤᠭᠰᠠᠨ ᠪᠢ | ᠰᠠᠯᠠᠭᠠ ᠵᠠᠮ ᠤᠨ ᠡᠷᠬᠡ ᠪᠠᠷ ᠬᠠᠭᠠᠴᠠᠵᠤ ᠦᠵᠡᠭᠰᠡᠨ ᠪᠢ | ᠦᠦᠷ ᠤᠨ ᠴᠣᠯᠮᠣᠨ ᠢ ᠵᠢᠷᠦᠬᠡᠨ ᠳᠡᠭᠡᠨ ᠰᠢᠭᠢᠳᠬᠡᠴᠢᠬᠡᠭᠡᠳ ᠳᠠᠪᠠᠷᠠᠵᠤ ᠶᠠᠪᠤᠭᠰᠠᠨ ᠪᠢ | ᠡᠭᠦᠯᠡ ᠲᠠᠢ ᠲᠡᠭᠷᠢ ᠰᠢᠭ ᠪᠠᠷᠤᠶᠢᠭᠠᠳ ᠭᠤᠨᠢᠵᠤ ᠴᠦ ᠦᠵᠡᠭᠰᠡᠨ ᠪᠢ | ᠬᠦᠢᠯᠡᠨ ᠲᠡᠭᠷᠢ ᠶᠢᠨ ᠳᠤᠤᠷᠠ ᠵᠤᠪᠠᠵᠤ᠂ ᠵᠢᠷᠭᠠᠵᠤ | ᠬᠦᠮᠦᠨ ᠤ ᠯᠡ ᠦᠵᠡᠬᠦ ᠶᠤᠰᠤᠲᠠᠢ ᠶᠢ ᠦᠵᠡᠵᠦ ᠶᠠᠪᠤᠭᠰᠠᠨ | ᠦᠷᠦᠰᠢᠶᠡᠯ ᠦᠭᠡᠢ ᠬᠤᠷᠸᠠ ᠳᠤ ᠬᠠᠶᠢᠷᠠᠲᠤ ᠶᠢ ᠪᠠᠨ ᠠᠯᠳᠠᠴᠢᠬᠠᠭᠠᠳ | ᠡᠪᠦᠳᠦᠭ ᠪᠣᠬᠢᠷᠴᠤ᠂ ᠰᠡᠳᠬᠢᠯ ᠵᠢᠩᠲᠡᠵᠦ ᠶᠠᠪᠤᠭᠰᠠᠨ | ᠤᠷᠴᠢᠯᠠᠩ ᠨᠠᠳᠠ ᠶᠡᠭᠡ ᠶᠢ ᠠᠮᠰᠠᠭᠤᠯᠤᠭᠰᠠᠨ | ︽ᠣᠷᠭᠢᠯᠣᠭᠤᠨ ᠳᠠᠷᠠᠰᠤ᠂ ᠭᠠᠰᠢᠭᠤᠨ ᠤᠮᠳᠠᠭᠠ︾ | ᠠᠯᠢ ᠠᠯᠢᠨ ᠢ ᠨᠢ ᠠᠮᠰᠠᠭᠤᠯᠤᠭᠰᠠᠨ | ᠣᠳᠣ ᠪᠣᠯ ᠬᠠᠷᠢᠨ ᠪᠢ ᠴᠦᠮ ᠢ ᠭᠠᠳᠠᠷᠯᠠᠨᠠ | ᠳᠠᠪᠠᠷᠠᠵᠤ ᠰᠠᠭᠭᠠᠪᠠᠯ ᠳᠠᠷᠢ ᠤᠨᠢᠯᠠᠭᠠ ᠲᠠᠢ ᠶᠢ ᠴᠦ ᠮᠡᠳᠡᠨᠡ | ᠭᠤᠨᠢᠵᠤ ᠭᠤᠲᠤᠷᠠᠪᠠᠯ ᠭᠤᠯᠠᠰᠠᠵᠤ ᠤᠨᠠᠳᠠᠭ ᠢ ᠴᠦ ᠮᠡᠳᠡᠨᠡ | ᠰᠠᠶᠢᠬᠠᠨ ᠢ ᠰᠢᠯᠢᠪᠡᠯ ᠭᠤᠯᠤᠭᠳᠠᠳᠠᠭ ᠢ ᠮᠡᠳᠡᠨᠡ | ᠰᠠᠭᠠᠷ ᠢ ᠪᠠᠰᠠ ᠭᠤᠯᠤᠬᠤ ᠶᠢ ᠪᠠᠨ ᠤᠬᠠᠭᠠᠷᠠᠨᠠ | ᠠᠮᠰᠠᠭᠰᠠᠨ ᠪᠦᠬᠦᠨ ᠮᠢᠨᠢ ᠴᠦᠮ ᠠᠯᠢᠮᠠ ᠪᠠᠶᠢᠭᠠ ᠦᠭᠡᠢ ᠡ | ᠡᠳ᠋ᠯᠡᠭᠰᠡᠨ ᠪᠦᠬᠦᠨ ᠮᠢᠨᠢ ᠴᠦᠮ ᠡᠷᠳᠡᠨᠢ ᠪᠠᠶᠢᠭᠠ ᠦᠭᠡᠢ ᠡ | ᠤᠴᠠᠷᠠᠭᠰᠠᠨ ᠪᠦᠬᠦᠨ ᠠᠮᠠᠷᠠᠭ ᠪᠠᠶᠢᠭᠠ ᠦᠭᠡᠢ ᠡ | ᠠᠭᠤᠯᠵᠠᠭᠰᠠᠨ ᠪᠦᠬᠦᠨ ᠨᠦᠬᠦᠷ ᠪᠠᠶᠢᠭᠠ ᠦᠭᠡᠢ ᠡ | ᠭᠡᠯᠡ ᠴᠦ ᠪᠢ ᠬᠤᠷᠸᠠ ᠶᠢ ᠲᠠᠨᠢᠭᠰᠠᠨ ᠤ ᠪᠠᠨ ᠬᠢᠷᠢ ᠪᠠᠷ | ᠭᠡᠷᠡᠯ ᠰᠡᠭᠦᠳᠡᠷ ᠢ ᠢᠯᠭᠠᠨ ᠲᠤᠩᠭᠠᠵᠤ | ᠨᠠᠷᠠᠲᠤ ᠣᠷᠴᠢᠯᠠᠩ ᠤᠨ ᠬᠦᠮᠦᠨ ᠵᠠᠶᠠᠭᠠᠨ ᠳᠤ | ᠨᠠᠶᠢᠷᠠᠭᠴᠢ ᠬᠡᠪ ᠢᠶᠠᠷ ᠢᠶᠠᠨ ᠯᠠ ᠦᠯᠡᠳᠡᠪᠡ ᠰᠢᠦ ᠳ᠋ᠠ᠃ |