| ᠳ᠋᠊᠂ ᠤᠷᠢᠶᠠᠩᠬᠠᠢ | | ᠲᠤᠲᠠᠭᠤ ᠨᠦᠬᠦᠭᠡᠰᠦ ᠠᠮᠢᠳᠤᠷᠠᠯ ᠳᠤ ᠵᠦᠩᠳᠡᠭᠡᠨ︕ | ᠭᠦᠢᠴᠡᠨᠡ ᠭᠡᠵᠦ ᠦᠭᠡᠢ ᠬᠤᠶᠢᠨᠠ | ᠳᠠᠭᠤ ᠦᠭᠡᠢ ᠯᠡ᠂ ᠭᠤᠨᠢᠭ ᠦᠭᠡᠢ ᠨᠢᠳᠦ ᠪᠠᠷ | ᠣᠷᠴᠢᠯᠠᠩ ᠤᠷᠤᠭᠤ ᠢᠨᠢᠶᠡᠵᠦ | ᠭᠤᠳᠤᠮᠵᠢᠨ ᠤ ᠪᠠᠨ ᠡᠬᠢᠨ ᠳᠤ | ᠤᠷᠤᠭᠰᠢ ᠪᠠᠨ ᠬᠤᠶᠠᠷ᠂ ᠠᠷᠤᠨᠰᠢ ᠪᠠᠨ ᠬᠤᠶᠠᠷ | ᠭᠠᠭᠴᠠᠭᠠᠷ ᠢᠶᠠᠨ ᠴᠦ ᠬᠠᠮᠢᠶᠠ ᠦᠭᠡᠢ | ᠪᠥᠵᠢᠭᠯᠡᠬᠦ ᠬᠡᠷᠡᠭᠲᠡᠢ︕ | ᠳᠠᠷᠠᠰᠤ ᠤᠤᠭᠤᠵᠤ᠂ ᠴᠢᠳᠬᠦᠷ ᠵᠡᠭᠦᠳᠦᠯᠡᠵᠦ | ︽ᠳᠠᠵᠢ ᠦᠭᠡᠢ ᠨᠢᠭᠡ ᠬᠦᠭᠡᠷᠦᠬᠦᠨ ᠠᠮᠠᠷᠠᠭ ᠲᠠᠢ | ᠬᠥᠨᠵᠢᠯᠡ ᠲᠤᠲᠤᠷᠠ ᠠᠯᠢᠮᠠ ᠪᠤᠯᠢᠶᠠᠯᠳᠤᠵᠤ | ᠬᠦᠬᠦᠷᠡᠯᠳᠦᠨ ᠲᠡᠶᠢᠴᠢᠯᠡᠭᠰᠡᠭᠡᠷ ᠰᠦᠨᠢ ᠶᠢ ᠪᠠᠷᠠᠭᠠᠳ | ᠦᠷᠯᠦᠭᠡ ᠤᠷᠤ ᠪᠠᠨ ᠬᠤᠷᠢᠶᠠᠯᠭᠠᠯᠠ︕︾ ᠭᠡᠵᠦ | ᠰᠢᠨᠡ ᠰᠢᠯᠦᠭ ᠵᠣᠬᠢᠶᠠᠨ | ᠴᠢᠩᠭᠠ ᠪᠠᠷ ᠤᠩᠰᠢᠬᠤ ᠬᠡᠷᠡᠭᠲᠡᠢ︕ | ᠲᠤᠲᠠᠭᠤ ᠨᠦᠬᠦᠭᠡᠰᠦ ᠠᠮᠢᠳᠤᠷᠠᠯ ᠳᠤ ᠵᠦᠩᠳᠡᠭᠡᠨ︕ | ᠭᠦᠢᠴᠡᠨᠡ ᠭᠡᠵᠦ ᠦᠭᠡᠢ ᠬᠤᠶᠢᠨᠠ | ᠳᠠᠭᠤ ᠦᠭᠡᠢ ᠯᠡ᠂ ᠭᠤᠳᠢᠭ ᠦᠭᠡᠢ ᠬᠦᠯ ᠢᠶᠠᠷ | ᠣᠷᠴᠢᠯᠠᠩ ᠢ ᠢᠰᠬᠦᠴᠢᠵᠦ | ᠭᠤᠳᠤᠮᠵᠢᠨ ᠤ ᠪᠠᠨ ᠡᠬᠢᠨ ᠳᠤ | ᠤᠷᠤᠭᠰᠢ ᠪᠠᠨ ᠭᠤᠷᠪᠠ᠂ ᠠᠷᠤᠨᠰᠢ ᠪᠠᠨ ᠬᠤᠶᠠᠷ | ᠬᠡᠨ ᠲᠠᠢ ᠴᠦ ᠬᠠᠮᠢᠶᠠ ᠦᠭᠡᠢ | ᠪᠥᠵᠢᠭᠯᠡᠬᠦ ᠬᠡᠷᠡᠭᠲᠡᠢ︕ | ᠬᠠᠷᠢᠨ ᠁ ᠬᠡᠨ ᠲᠠᠢ︖ ᠁ ᠬᠡᠵᠢᠶᠡ︖ | ᠬᠠᠷᠢᠭᠤ ᠣᠯᠳᠠᠬᠤ ᠦᠭᠡᠢ ᠵᠣᠪᠠᠯᠠᠩᠲᠤ ᠠᠰᠠᠭᠤᠯᠲᠠ | ᠬᠠᠴᠢᠨ ᠬᠦᠢᠲᠡᠨ ᠭᠤᠨᠢᠭ ᠤᠷᠤᠰᠬᠠᠨᠠ︕ | ᠬᠠᠷᠠᠮᠰᠠᠭᠠᠳ ᠴᠦ ᠪᠠᠰᠠ ᠶᠠᠭᠠᠬᠢᠬᠤ ᠪᠤᠢ | ᠬᠠᠮᠢᠭᠠᠰᠢ ᠳᠠᠭᠠᠨ ᠯᠠ ᠪᠢ ᠰᠢᠯᠦᠭ ᠢᠶᠠᠨ ᠨᠢᠭᠡᠨᠲᠡ | ︽ᠲᠤᠲᠠᠭᠤ ᠨᠦᠬᠦᠭᠡᠰᠦ ᠠᠮᠢᠳᠤᠷᠠᠯ ᠳᠤ ᠵᠦᠩᠳᠡᠭᠡᠨ︕︾ ᠭᠡᠵᠦ | ᠳᠤᠷᠠ ᠦᠭᠡᠢ ᠬᠦᠷᠦᠮᠡ ᠶᠣᠷᠤ ᠶᠢᠨ ᠦᠨᠡᠨ ᠢᠶᠠᠷ | ᠳᠠᠭᠤ ᠦᠭᠡᠢ ᠭᠤᠷᠪᠠᠨ ᠴᠡᠭ ᠣᠷᠬᠢᠵᠤ | ᠡᠬᠢᠨ ᠳᠤᠨᠢ ᠳᠠᠭᠤᠰᠬᠠᠭᠰᠠᠨ ᠠᠴᠠ ᠬᠤᠶᠢᠰᠢ | ᠳᠠᠭᠤ ᠦᠭᠡᠢ ᠯᠡ᠂ ᠭᠤᠨᠢᠭ ᠦᠭᠡᠢ ᠨᠢᠳᠦ ᠪᠠᠷ | ᠣᠷᠴᠢᠯᠠᠩ ᠤᠷᠤᠭᠤ ᠢᠨᠢᠶᠡᠵᠦ | ᠳᠠᠭᠤ ᠦᠭᠡᠢ ᠯᠡ᠂ ᠭᠤᠳᠢᠭ ᠦᠭᠡᠢ ᠬᠦᠯ ᠢᠶᠠᠷ | ᠣᠷᠴᠢᠯᠠᠩ ᠢ ᠢᠰᠬᠦᠴᠢᠵᠦ | ᠡᠳᠦᠷ ᠪᠦᠷᠢ ᠰᠢᠨᠡ ᠰᠢᠯᠦᠭ ᠢᠶᠠᠷ | ᠰᠢᠨᠡ ᠳᠠᠷᠠᠰᠤ ᠨᠡᠷᠡᠵᠦ | ᠥᠨᠢ ᠡᠷᠲᠡ ᠠᠴᠠ ᠨᠦᠬᠦᠭᠡᠰᠦ ᠲᠤᠲᠠᠭᠤ ᠠᠮᠢᠳᠤᠷᠠᠯ ᠤᠨ | ᠬᠠᠭᠤᠷᠠᠢ ᠦᠨᠳᠦᠰᠦᠨ ᠳᠤ ᠰᠡᠷᠵᠢᠮ | ᠡᠷᠭᠦᠬᠦ ᠠᠴᠠ ᠶᠠᠭᠠᠬᠢᠬᠤ ᠪᠤᠢ︕ |