| | — — ᠪᠤᠷᠵᠢᠬᠢᠨ ᠵᠠᠮᠴᠠᠭᠠᠨ | ᠡᠪᠦᠭᠡ ᠶᠢᠨ ᠭᠡᠷ ᠤᠨ ᠲᠤᠭᠤᠨᠤ | ᠤᠶᠠᠭᠰᠠᠨ ᠬᠠᠳᠠᠭ ᠢᠶᠠᠷ ᠢᠶᠠᠨ | ᠲᠡᠭᠷᠢ ᠲᠠᠢ ᠦᠭᠡᠰᠡᠵᠦ | ᠦᠨᠳᠦᠷ ᠯᠡ ᠠᠭᠤᠯᠠ ᠮᠢᠨᠢ | ᠪᠡᠯ ᠤᠨ ᠢᠶᠠᠨ ᠴᠡᠴᠡᠭ ᠢᠶᠠᠷ | ᠲᠠᠯᠠ ᠲᠠᠢ ᠵᠤᠯᠭᠠᠯᠳᠤᠭᠰᠠᠨ ᠵᠤᠨ | ᠪᠢ ᠲᠦᠷᠦᠭᠰᠡᠨ | ᠡᠨᠡ ᠯᠡ ᠲᠤᠷᠭᠠᠨ ᠲᠡᠭᠡᠷᠡ ᠦᠩᠭᠦᠷᠢᠵᠦ ᠬᠦᠮᠦᠨ ᠪᠤᠯᠤᠭ ᠭᠡᠵᠦ | ᠡᠷᠭᠢᠨ ᠤ ᠪᠠᠨ ᠴᠠᠭᠠᠨ ᠰᠢᠷᠦᠢ ᠶᠢ ᠲᠠᠪᠢᠰᠴᠦ | ᠡᠮᠡᠭᠡ ᠮᠢᠨᠢ ᠪᠦᠤᠪᠠᠢ ᠠᠶᠠᠯᠤᠭᠰᠠᠨ | ᠤᠶᠠᠬᠠᠨ ᠪᠤᠭᠤᠷᠤᠯ ᠡᠵᠢ ᠪᠠᠨ ᠰᠠᠨᠠᠬᠤ ᠳᠤ | ᠰᠠᠯᠬᠢᠨ ᠤ ᠭᠢᠨᠢ ᠦᠵᠦᠭᠦᠷ ᠠᠴᠠ ᠪᠠᠶᠢᠳᠠᠯᠠ ᠰᠦ ᠠᠮᠳᠠᠭᠳᠠᠵᠦ | ᠤᠩᠭᠤᠭᠰᠠᠨ ᠲᠡᠪᠡᠯ ᠤᠨ ᠭᠢᠨᠢ ᠡᠩᠭᠡᠷ ᠲᠤᠨᠢ ᠬᠦᠷᠲᠠᠯᠡ | ᠨᠠᠷᠠ ᠪᠤᠷᠤᠭᠠᠨ ᠤ ᠦᠨᠦᠷ ᠨᠡᠪᠴᠢᠭᠰᠡᠨ | ᠤᠩᠨᠢᠭᠤᠳ ᠤᠨ ᠡᠯᠡᠰᠦᠨ ᠲᠡᠭᠡᠷᠡ ᠪᠦᠮᠪᠦᠷᠢᠵᠦ ᠭᠦᠯ ᠳᠤ ᠤᠷᠤᠭᠠᠳ | ᠤᠷᠴᠢᠯᠠᠩ ᠳᠤ ᠦᠨᠡᠨ ᠶᠠᠪᠤᠵᠦ ᠡᠰᠡ ᠴᠢᠳᠠᠪᠠᠯ | ᠨᠤᠲᠤᠭ ᠴᠢᠨᠢ ᠭᠤᠮᠤᠳᠠᠨᠠ ᠭᠡᠵᠦ | ᠠᠪᠤ ᠮᠢᠨᠢ ᠭᠡᠯᠡᠭᠰᠡᠨ | ᠠᠷᠪᠠᠨ ᠨᠠᠢᠮᠠᠲᠠᠢ ᠨᠠᠮᠤᠷ ᠤᠨ ᠤᠶᠤᠲᠠᠨ ᠢᠶᠠᠷ ᠢᠷᠡᠭᠦ ᠦᠷᠯᠦᠭᠡ | ᠠᠰᠬᠠᠷᠠᠭᠰᠠᠨ ᠴᠠᠭᠠᠨ ᠰᠦ ᠪᠠᠷ ᠲᠦᠷᠦᠭᠡ ᠶᠤ᠋ ᠶᠢ ᠮᠢᠨᠢ ᠲᠡᠪᠲᠦᠭᠡᠵᠦ | ᠬᠠᠷᠢᠯᠠ ᠴᠤ ᠰᠦᠯᠳᠡ ᠪᠤᠰᠤᠭᠠ ᠲᠡᠤᠭᠡ ᠲᠠᠢ ᠪᠢᠯᠡ᠂ | ᠬᠠᠯᠢᠯᠠ ᠴᠤ ᠵᠤᠭᠰᠤᠭᠠ ᠨᠦᠭᠴᠢᠭᠰᠡᠨ ᠲᠡᠭᠡᠳᠦᠰ ᠲᠠᠢ ᠪᠢᠯᠡ᠂ | ᠬᠠᠷᠠᠶᠢᠭᠰᠠᠨ ᠳᠠᠭᠠᠨ ᠬᠦᠷᠬᠦ ᠠᠵᠢᠨᠠᠢ ᠰᠢᠭ᠋ ᠲᠠᠯ ᠪᠤᠰᠤᠭᠠ ᠶᠠᠪᠤᠬᠤ ᠪᠢᠵᠠ᠃ | ᠬᠠᠷᠪᠤᠭᠰᠠᠨ ᠳᠠᠭᠠᠨ ᠲᠤᠯᠬᠤ ᠰᠤᠮᠤ ᠰᠢᠭ᠋ ᠬᠤᠷᠳᠤ ᠪᠤᠰᠤᠭᠠ ᠵᠢᠳᠭᠦᠬᠦ ᠪᠢᠵᠠ ᠭᠡᠵᠦ | ᠮᠠᠩᠬᠠᠨ ᠤ ᠰᠢᠷᠠ ᠵᠠᠮ ᠢᠶᠠᠷ ᠪᠠᠷᠠ ᠲᠠᠰᠤᠷᠠᠳᠠᠯᠠ ᠮᠢᠨᠢ ᠰᠠᠷᠠᠪᠴᠢᠯᠠᠵᠦ | ᠮᠠᠩᠬᠠᠶᠢᠬᠤ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠤᠷᠤᠭᠤ | ᠡᠵᠢ ᠮᠢᠨᠢ ᠨᠠᠮᠠᠢᠢ ᠦᠳᠡᠭᠰᠡᠨ | ᠮᠠᠭᠠᠳ ᠦᠭᠡᠢ᠂ ᠡᠳᠡᠭᠡᠷ ᠯᠡ ᠮᠦᠴᠡ ᠤᠳ ᠠᠴᠠ ᠡᠭᠢᠯᠡᠵᠦ | ᠮᠠᠷᠳᠠᠰᠢ ᠦᠭᠡᠢ ᠦᠰᠢᠯ ᠮᠡᠳᠦ ᠨᠢᠭᠡᠨ ᠭᠦᠰᠡᠯ | ᠰᠡᠳᠭᠢᠯ ᠲᠤᠳᠤᠷᠠ ᠮᠢᠨᠢ ᠦᠰᠦᠭᠰᠡᠨ | ᠬᠠᠨ ᠲᠡᠭᠷᠢ ᠠᠴᠠ ᠤᠳᠤᠮ ᠲᠠᠢ ᠨᠡᠭᠦᠳᠡᠯᠴᠢᠨ ᠤᠪᠤᠭ ᠤᠨ ᠲᠦᠯᠦᠬᠡ ᠭᠡᠵᠦ | ᠬᠠᠳᠠᠨ ᠶᠠᠰᠤ ᠬᠤᠭᠤᠷᠠᠪᠠᠴᠤ ᠬᠠᠳᠠᠭᠤ ᠡᠪᠦᠳᠦᠭ ᠨᠤᠭᠤᠷᠠᠬᠤ ᠦᠭᠡᠢ ᠭᠡᠵᠦ | ᠬᠠᠯᠠᠭᠤᠨ ᠰᠢᠯᠥᠭ ᠤᠨ ᠮᠦᠷ ᠢᠶᠠᠷ ᠵᠤᠷᠢᠭ ᠤᠨ ᠰᠡᠯᠡᠮᠡ ᠢᠷᠯᠡᠭᠰᠡᠨ | ᠬᠠᠳᠠᠭᠤ ᠪᠤᠳᠤᠯ ᠤᠨ ᠰᠢᠨᠳᠠᠰᠤ ᠢᠶᠠᠷ ᠬᠦᠰᠡᠯ ᠤᠨ ᠲᠤᠭ ᠬᠤᠷᠦ᠋ᠢᠯᠠᠭᠰᠠᠨ | ᠬᠠᠨ ᠤᠪᠰᠢ ᠶᠢᠨ ᠮᠤᠷᠢᠳᠦ ᠪᠠᠭᠠᠳᠤᠷ ᠤᠨ ᠠᠷᠢᠭᠤᠨ ᠲᠡᠩᠭᠠᠷᠢᠭ ᠮᠡᠳᠦ | ᠬᠠᠷᠠᠳᠠᠬᠤ ᠮᠡᠳᠦ ᠨᠢᠭᠡᠨ ᠪᠤᠳᠤᠯ ᠵᠢᠷᠦᠭᠡᠨ ᠲᠤᠳᠤᠷᠠ ᠮᠢᠨᠢ ᠴᠠᠪᠴᠢᠷᠠᠭᠰᠠᠨ᠂᠂᠂᠂ | |