| | — — ᠴᠠᠭᠠᠨ ᠲᠠᠲ᠋ᠠᠷ ᠮ᠊᠂ ᠰᠡᠴᠡᠨᠪᠠᠭᠠᠳᠤᠷ | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ | ᠴᠠᠭᠯᠠᠰᠢ ᠦᠬᠡᠢ ᠬᠦᠨ ᠬᠠᠶᠢᠷᠠ ᠶᠢᠨ ᠮᠡᠳᠡᠷᠡᠮᠵᠢ ᠶᠢ ᠤᠯᠳᠠᠭ | ᠴᠠᠭ ᠢ ᠨᠡᠪᠳᠡ ᠳᠤᠯᠢᠳᠠᠭᠰᠠᠨ ᠪᠤᠷᠬᠠᠨ ᠤ ᠠᠳᠢᠰ ᠢ ᠬᠦᠷᠳᠡᠳᠡᠭ | ᠪᠠᠶᠠᠷ ᠪᠠᠶᠠᠷ ᠤᠨ ᠳᠤᠮᠳᠠ ᠠᠴᠠ ᠰᠢᠯᠦᠭ ᠤᠨ ᠪᠠᠶᠠᠷ ᠢ ᠰᠤᠩᠭᠤᠳᠠᠭ | ᠪᠠᠳᠮᠠᠯᠢᠩᠬᠤᠸᠠ ᠴᠡᠴᠡᠭ ᠰᠢᠭ ᠰᠡᠷᠭᠦᠨ ᠮᠠᠨᠳᠤᠵᠤ ᠠᠮᠢᠳᠤᠷᠠᠳᠠᠭ ᠡ᠃ | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ ᠨᠤᠮ ᠳᠤ ᠮᠦᠩᠭᠡᠷᠡᠭᠰᠡᠨ | ᠨᠠᠴᠤᠭᠳᠤᠷᠵᠢ ᠶᠢᠨ ᠴᠢᠯᠡᠵᠤ ᠶᠠᠳᠠᠭᠰᠠᠨ ᠢ ᠤᠬᠠᠭᠠᠷᠠᠳᠠᠭ | ᠨᠤᠶᠠᠨ ᠤᠬᠠᠭᠠᠨ ᠤ ᠤᠭᠳᠠᠷᠭᠤᠢ ᠳᠤ ᠵᠠᠯᠠᠭᠤ ᠪᠠᠷ ᠢᠶᠠᠨ ᠰᠠᠴᠤᠷᠠᠭᠰᠠᠨ ᠢ ᠨᠢ ᠪᠢᠰᠢᠷᠡᠳᠡᠭ | ᠴᠠᠰᠤ ᠬᠠᠶᠠᠯᠠᠭᠰᠠᠨ ᠡᠪᠤᠯ ᠤᠨ ᠰᠦᠨᠢ ᠰᠢᠯᠦᠭ ᠢᠶᠠᠷ ᠳᠤᠯᠠᠭᠠᠴᠠᠵᠤ ᠬᠤᠨᠤᠳᠠᠭ | ᠴᠠᠩᠭᠠᠭᠰᠠᠨ ᠤᠶᠤᠨ ᠤ ᠪᠠᠨ ᠨᠢᠯᠬᠠ ᠮᠦᠴᠢᠷ ᠢ ᠮᠡᠷᠭᠡᠳ ᠤᠨ ᠲᠠᠩᠭᠠᠷᠢᠭ ᠢᠶᠠᠷ ᠤᠮᠳᠠᠯᠠᠳᠠᠭ ᠡ᠃ | | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ | ᠬᠠᠯᠬᠠ ᠶᠢᠨ ᠷᠢᠨᠴᠢᠨ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠡᠷᠳᠡᠨᠢᠳᠤᠭᠳᠠᠬᠤ ᠬᠤᠶᠠᠷ ᠢ ᠰᠢᠳᠦᠳᠡᠭ | ᠬᠠᠭᠠᠨ ᠮᠤᠩᠭᠤᠯ ᠬᠡᠯᠡᠨ ᠤ ᠮᠢᠨᠢ ᠠᠪᠤᠷᠠᠯ ᠤᠨ ᠰᠦᠯᠳᠡ ᠭᠡᠵᠤ ᠮᠦᠷᠭᠦᠳᠡᠭ | ᠴᠠᠬᠢᠯᠳᠠᠭ ᠤᠨ ᠨᠠᠮᠠᠭᠠ ᠮᠡᠯᠮᠡᠷᠡᠨ ᠦᠨᠦᠴᠢᠷᠡᠵᠤ ᠪᠢᠯᠢᠭᠳᠦ ᠬᠠᠷᠠᠴᠠ ᠶᠢ ᠨᠢ ᠦᠬᠡᠶᠢᠯᠡᠳᠡᠭ | ᠴᠢᠩ ᠦᠨᠡᠨ ᠨᠢ ᠦᠷᠬᠦᠯᠵᠢᠯᠡᠵᠤ ᠮᠤᠷᠢᠨ ᠬᠤᠭᠤᠷ ᠬᠤᠪᠢᠯᠳᠠᠭ ᠡ᠃ | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ | ᠮᠦᠩᠭᠡ ᠲᠡᠭᠷᠢ ᠶᠢᠨ ᠰᠤᠷᠮᠤᠤᠰᠤ ᠴᠠᠪᠴᠢᠯᠠᠬᠤ ᠶᠢ ᠠᠨᠢᠷᠲᠠᠲᠠᠭ | ᠮᠦᠷᠦᠭᠡᠳᠦᠯ ᠤᠨ ᠪᠤᠯᠵᠤᠮᠤᠷ ᠴᠢᠮᠡᠭᠡ ᠦᠬᠡᠢ ᠤᠬᠢᠯᠠᠬᠤ ᠶᠢ ᠰᠤᠨᠤᠰᠳᠠᠭ | ᠨᠠᠮᠤᠭᠤᠬᠠᠨ ᠡᠭᠡᠰᠢᠭᠯᠡᠬᠦ ᠰᠢᠯᠦᠭ ᠤᠨ ᠲᠠᠷᠨᠢ ᠠᠴᠠ ᠲᠤᠪ ᠲᠤᠩᠭᠠᠯᠠᠭ ᠢᠪᠢᠯᠳᠡᠭ | ᠨᠠᠷᠠ ᠪᠠᠷ ᠡᠮᠵᠢᠶᠡᠷᠢᠯᠡᠭᠰᠡᠨ ᠭᠡᠭᠡᠷᠡ ᠶᠢᠨ ᠴᠢᠯᠠᠭᠤᠳ ᠰᠢᠭ ᠳᠤᠪ ᠳᠤᠭᠤᠢ ᠪᠢᠰᠢᠯᠭᠠᠳᠠᠭ ᠡ᠃ | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ | ᠬᠦᠮᠦᠨ ᠤ ᠰᠠᠶᠢᠬᠠᠨ ᠰᠡᠳᠬᠢᠯ ᠤᠨ ᠲᠤᠷᠭᠠᠨ ᠭᠡᠮᠨᠡᠯ ᠢ ᠴᠢᠩᠨᠠᠳᠠᠭ | ᠬᠦᠳᠡᠭᠡ ᠭᠠᠩᠳᠠᠭᠰᠠᠨ ᠲᠡᠷᠡ ᠨᠢᠭᠡ ᠴᠡᠴᠡᠭ ᠤᠨ ᠰᠠᠨᠠᠭᠠ ᠠᠯᠳᠠᠬᠤ ᠶᠢ ᠰᠤᠨᠤᠰᠳᠠᠭ | ᠦᠩᠭᠡᠳᠤ ᠶᠢᠷᠳᠢᠨᠴᠤ ᠶᠢᠨ ᠳᠤᠭᠠᠯᠠᠯ ᠳᠤᠮᠳᠠ ᠰᠢᠯᠦᠭ ᠢᠶᠠᠷ ᠪᠢ ᠠᠮᠢᠰᠬᠤᠳᠠᠭ | ᠦᠨᠳᠦᠷ ᠲᠤ ᠳᠡᠭᠦᠯᠢᠭᠰᠡᠨ ᠪᠦᠷᠭᠦᠳ ᠰᠢᠭ ᠮᠤᠩᠭᠤᠯ ᠨᠤᠳᠤᠭ ᠢᠶᠠᠨ ᠰᠠᠬᠢᠳᠠᠭ ᠡ᠃ | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ | ᠳᠦᠷᠦᠯᠬᠢ ᠨᠤᠳᠤᠭ ᠤᠨ ᠮᠢᠨᠢ ᠮᠦᠬᠦᠯᠢᠭ ᠴᠢᠯᠠᠭᠤ ᠢᠷᠦᠭᠡᠯ ᠤᠩᠰᠢᠭᠰᠠᠨ ᠢ ᠮᠡᠳᠡᠷᠡᠳᠡᠭ | ᠲᠡᠭᠦᠰ ᠬᠠᠳᠠᠭᠤ ᠵᠠᠩ ᠠᠴᠠ ᠨᠢ ᠰᠢᠨᠳᠠᠰᠤ ᠴᠢᠩᠭᠠᠷᠠᠬᠤ ᠶᠢ ᠰᠤᠷᠳᠠᠭ | ᠤᠷᠴᠢᠯᠠᠩ ᠤᠨ ᠳᠠᠯᠠᠢ ᠳᠤ ᠰᠢᠯᠦᠭ ᠲᠠᠢ ᠬᠠᠮᠳᠤ ᠡᠨᠡᠷᠢᠯ ᠤᠨ ᠳᠠᠭᠤᠯᠠᠯ ᠢ ᠬᠦᠭᠵᠢᠮᠳᠡᠳᠡᠭ | ᠤᠳᠤᠳ ᠤᠨ ᠳᠤᠶᠠᠭᠠᠨ ᠳᠤ ᠲᠠ ᠨᠠᠷ ᠲᠠᠢ ᠪᠠᠨ ᠴᠤᠭ ᠰᠠᠶᠢᠨ ᠤ ᠦᠢᠯᠡ ᠶᠢ ᠴᠤᠭᠴᠠᠯᠠᠳᠠᠭ ᠡ᠃ | ᠢᠷᠠᠭᠤ ᠨᠠᠶᠢᠷᠠᠭ ᠠᠴᠠ ᠪᠢ | ᠬᠠᠪᠤᠷ ᠤᠨ ᠵᠠᠭᠦᠳᠤ ᠡᠪᠡᠰᠤᠨ ᠤ ᠭᠤᠤᠯ ᠢᠶᠠᠷ ᠬᠠᠩᠬᠢᠨᠠᠨ ᠯᠤᠭᠰᠢᠬᠤ ᠶᠢ ᠴᠢᠩᠨᠠᠳᠠᠭ | ᠬᠠᠮᠤᠭ ᠪᠦᠬᠦᠨ ᠢ ᠡᠨᠡᠷᠢᠨ ᠵᠢᠳᠭᠦᠭᠴᠢ ᠭᠤᠷᠤᠬᠠ ᠶᠢᠨ ᠰᠢᠪᠡᠨᠡᠭᠡ ᠶᠢ ᠳᠤᠷᠠᠰᠳᠠᠭ | ᠠᠯᠠᠭᠬᠠᠨ ᠳᠡᠯᠡᠬᠡᠢ ᠡᠷᠳᠡᠨ ᠤ ᠭᠡᠪ ᠢᠶᠠᠷ ᠢᠶᠠᠨ ᠴᠡᠪᠡᠷᠭᠡᠨ ᠪᠠᠶᠢᠬᠤ ᠶᠢ ᠳᠠᠭᠠᠳᠬᠠᠳᠠᠭ | ᠠᠯᠤᠰ ᠠᠴᠠ ᠪᠠᠷᠠ ᠨᠢ ᠳᠤᠳᠤᠷᠠᠨ ᠴᠢᠩᠬᠢᠰ ᠢᠷᠡᠬᠦ ᠶᠢ ᠬᠦᠯᠢᠶᠡᠳᠡᠭ ᠡ᠃ | | 2011 ᠣᠨ | |