| | ᠮᠡᠭᠦᠵᠢᠨ ᠰᠡᠭᠦᠯᠲᠦ ᠪᠤᠯ ᠲᠠᠲ᠋ᠠᠷ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ︵ᠲᠦᠷᠦᠭᠦᠦ︶ ᠪᠤᠯᠤᠨᠠ᠃ | ᠲᠠᠲ᠋ᠠᠷ ᠠᠶᠢᠮᠠᠭ ᠪᠤᠯ ᠬᠦᠯᠦᠨ ᠪᠤᠶᠢᠷ ᠤᠷᠴᠢᠮ ᠢᠶᠠᠷ ᠨᠤᠲᠤᠭᠯᠠᠵᠤ ᠪᠠᠶᠢᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ | ᠦᠶᠡ ᠳᠤ ᠲᠠᠲ᠋ᠠᠷ ᠠᠶᠢᠮᠠᠭ ᠳᠤᠯᠤᠭᠠᠨ ᠲᠦᠮᠡᠨ ᠡᠷᠦᠬᠡ ᠲᠠᠢ ᠨᠢᠭᠡᠨ ᠬᠦᠴᠦᠷᠬᠡᠭ ᠠᠶᠢᠮᠠᠭ ᠪᠠᠶᠢᠵᠠᠢ᠃ ᠠᠶᠢᠮᠠᠭ ᠤᠨ | ᠲᠤᠲᠤᠷᠠ ᠪᠠᠨ ᠠᠶᠢᠷᠢᠭᠤᠳ ᠲᠠᠲ᠋ᠠᠷ᠂ ᠪᠤᠶᠢᠷᠢᠭᠤᠳ ᠲᠠᠲ᠋ᠠᠷ᠂ ᠵᠦᠢᠨ ᠲᠠᠲ᠋ᠠᠷ᠂ ᠴᠠᠭᠠᠨ ᠲᠠᠲ᠋ᠠᠷ᠂ ᠠᠯᠴᠢ ᠲᠠᠲ᠋ᠠᠷ᠂ | ᠳᠤᠲᠠᠭᠤᠳ ᠲᠠᠲ᠋ᠠᠷ᠂ ᠠᠯᠤᠬᠠᠢ ᠲᠠᠲ᠋ᠠᠷ᠂ ᠠᠯᠲᠠᠨ ᠲᠠᠲ᠋ᠠᠷ ᠵᠡᠷᠭᠡ ᠰᠠᠯᠪᠤᠷᠢ ᠬᠤᠪᠢᠶᠠᠳᠠᠭ᠃ ᠲᠠᠲ᠋ᠠᠷᠴᠤᠳ 1127 | ᠤᠨ ᠳᠤ ᠠᠯᠲᠠᠨ ᠤᠯᠤᠰ ᠲᠤ ᠬᠠᠷᠢᠶᠠᠯᠠᠭᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ᠂ ︽ᠬᠠᠷᠢ ᠶᠢ ᠬᠠᠷᠢ ᠪᠠᠷ ᠵᠠᠬᠢᠷᠬᠤ︾ ᠠᠯᠲᠠᠨ | ᠤᠯᠤᠰ ᠤᠨ ᠳᠡᠷᠰᠯᠡᠭᠦᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠬᠡᠷᠡᠭᠵᠢᠭᠦᠯᠬᠦ ᠬᠠᠮᠤᠭ ᠤᠨ ᠨᠠᠶᠢᠳᠠᠪᠤᠷᠢᠲᠠᠢ ᠬᠦᠴᠦᠨ ᠪᠤᠯᠵᠤ᠂ | ᠪᠦᠬᠦ ᠮᠤᠩᠭᠤᠯ ᠠᠶᠢᠮᠠᠭ ᠤᠳ ᠤᠨ ᠠᠰᠢᠭ ᠲᠤᠰᠠ ᠶᠢ ᠬᠤᠳᠠᠯᠳᠤᠵᠤ᠂ ᠬᠠᠷᠢ ᠶᠢᠨ ᠨᠤᠶᠠᠷᠬᠠᠭᠴᠢᠳ ᠤᠨ ᠰᠢᠳᠤᠷᠭᠤ | ᠵᠢᠷᠤᠭᠠ ᠨᠤᠬᠠᠢ ᠪᠤᠯᠵᠠᠢ᠃ ᠬᠡᠷᠡᠶᠢᠳ ᠠᠶᠢᠮᠠᠭ ᠤᠨ ᠸᠠᠩ ᠬᠠᠨ ᠤ ᠡᠪᠦᠭᠡ ᠡᠴᠢᠭᠡ ᠪᠤᠶᠢᠷᠤᠭ ᠬᠠᠨ ᠢ ᠲᠠᠲ᠋ᠠᠷᠴᠤᠳ | ᠪᠠᠷᠢᠵᠤ᠂ ᠠᠯᠲᠠᠨ ᠤᠯᠤᠰ ᠲᠤ ᠬᠦᠷᠭᠡᠵᠦ ᠠᠯᠠᠭᠤᠯᠤᠭᠰᠠᠨ᠃ ᠮᠤᠩᠭᠤᠯ ᠤᠨ ᠠᠮᠪᠠᠭᠠᠢ ᠬᠠᠨ ᠢ ᠲᠠᠲ᠋ᠠᠷᠴᠤᠳ | ᠪᠠᠷᠢᠵᠤ ᠠᠯᠲᠠᠨ ᠤᠯᠤᠰ ᠲᠤ ᠬᠦᠷᠭᠡᠵᠦ ᠠᠯᠠᠭᠤᠯᠤᠭᠰᠠᠨ᠂ ᠪᠠᠰᠠ ᠴᠢᠩᠭᠢᠰ ᠬᠠᠭᠠᠨ ᠤ ᠡᠴᠢᠭᠡ ᠶᠢᠰᠦᠭᠡᠢ | ᠪᠠᠭᠠᠲᠤᠷ ᠢ ᠲᠠᠲ᠋ᠠᠷᠴᠤᠳ ᠬᠤᠤᠷᠠ ᠢᠳᠡᠭᠦᠯᠦᠨ ᠠᠯᠠᠭᠰᠠᠨ ᠶᠤᠮ᠃ ᠢᠩᠭᠢᠭᠡᠳ ᠲᠠᠲ᠋ᠠᠷ ᠠᠶᠢᠮᠠᠭ ᠨᠢ ᠮᠤᠩᠭᠤᠯ | ᠠᠶᠢᠮᠠᠭ ᠲᠠᠢ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠡᠪᠯᠡᠷᠡᠰᠢ ᠦᠭᠡᠢ ᠦᠰᠢᠶᠡ ᠬᠤᠷᠤᠰᠤᠯ ᠢ ᠵᠠᠩᠭᠢᠳᠤᠭᠰᠠᠨ ᠪᠠᠶᠢᠨᠠ᠃ | 1194 ᠤᠨ ᠳᠤ ᠮᠤᠩᠭᠤᠯ ᠤᠨ ᠬᠠᠳᠠᠬᠢᠨ᠂ ᠰᠠᠯᠵᠢᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠠᠯᠲᠠᠨ ᠤᠯᠤᠰ ᠤᠨ | ᠬᠢᠯᠢ ᠳᠤ ᠬᠠᠯᠳᠠᠵᠠᠢ᠃ 1195 ᠤᠨ ᠳᠤ ᠠᠯᠲᠠᠨ ᠤᠯᠤᠰ ᠴᠡᠷᠢᠭ ᠲᠤᠮᠢᠯᠠᠨ ᠬᠦᠯᠦᠨ ᠨᠠᠭᠤᠷ ᠬᠠᠪᠢ ᠳᠠᠬᠢ | ᠬᠠᠲᠠᠬᠢᠨ᠂ ᠰᠠᠯᠵᠢᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠢ ᠳᠠᠶᠢᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠤᠳᠠᠭᠠ ᠶᠢᠨ ᠳᠠᠶᠢᠨ ᠳᠤ ᠲᠠᠲ᠋ᠠᠷ | ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠮᠡᠭᠦᠵᠢᠨ ᠰᠡᠭᠦᠯᠲᠦ ᠪᠠᠰᠠ ᠴᠡᠷᠢᠭ ᠲᠤᠮᠢᠯᠠᠵᠤ᠂ ᠠᠯᠲᠠᠨ ᠤᠯᠤᠰ ᠢ ᠬᠠᠪᠰᠤᠷᠴᠤ | ᠪᠠᠶᠢᠯᠳᠤᠭᠠᠳ ᠠᠳᠤᠭᠤ ᠮᠠᠯ᠂ ᠡᠳ᠋ ᠪᠤᠳᠠᠰ ᠢ ᠶᠡᠭᠡ ᠪᠠᠷ ᠳᠡᠭᠡᠷᠡᠮᠳᠡᠨ ᠤᠯᠵᠠᠢ᠃ ᠠᠯᠲᠠᠨ ᠤᠯᠤᠰ ᠤᠨ ᠴᠡᠷᠢᠭ | ᠤᠯᠤᠭᠰᠠᠨ ᠤᠯᠵᠠ ᠠᠰᠢᠭ ᠪᠠᠭᠠ ᠪᠤᠯᠵᠤ᠂ ᠮᠡᠭᠦᠵᠢᠨ ᠰᠡᠭᠦᠯᠲᠦ ᠲᠦᠷᠦᠭᠦᠦ ᠲᠠᠢ ᠲᠠᠲ᠋ᠠᠷᠴᠤᠳ ᠲᠤ ᠳᠤᠷᠠ | ᠦᠭᠡᠶᠢᠴᠡᠭᠰᠡᠨ ᠪᠦᠭᠡᠳ ᠪᠤᠷᠤᠭᠤᠰᠢᠶᠠᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠲᠠᠲ᠋ᠠᠷᠴᠤᠳ ᠬᠢᠯᠢᠩᠨᠡᠭᠡᠳ ᠴᠡᠷᠢᠭ ᠬᠦᠳᠡᠯᠭᠡᠵᠦ | ᠠᠯᠲᠠᠨ ᠤᠯᠤᠰ ᠤᠨ ᠴᠡᠷᠢᠭ ᠢ ᠳᠠᠭᠠᠷᠢᠨ ᠳᠤᠪᠲᠤᠯᠪᠠ᠃ ᠠᠯᠲᠠᠨ ᠤᠯᠤᠰ ᠤᠨ ᠲᠦᠷᠦ ᠠᠴᠠ ᠲᠠᠲ᠋ᠠᠷᠴᠤᠳ ᠢ | ᠤᠷᠪᠠᠭᠰᠠᠨ ᠶᠠᠯᠠ ᠨᠦᠮᠦᠷᠦᠭᠦᠯᠵᠦ᠂ 1196 ᠤᠨ ᠳᠤ ᠸᠠᠨᠬᠢᠨ ᠴᠢᠩᠰᠠᠩ ᠳᠤ ᠶᠡᠭᠡ ᠴᠡᠷᠢᠭ ᠦᠭᠴᠦ | ᠳᠤᠪᠲᠤᠯᠤᠭᠤᠯᠪᠠ᠃ ᠠᠯᠲᠠᠨ ᠤᠯᠤᠰ ᠤᠨ ᠴᠡᠷᠢᠭ ᠲᠠᠲ᠋ᠠᠷᠴᠤᠳ ᠲᠤ ᠨᠡᠬᠡᠮᠵᠢᠯᠡᠭᠳᠡᠵᠦ ᠬᠡᠷᠦᠯᠦᠨ ᠭᠤᠤᠯ ᠳᠤ | ᠬᠦᠷᠦᠭᠡᠳ ᠪᠦᠰᠡᠯᠡᠭᠳᠡᠵᠦ᠂ ᠬᠡᠳᠦᠨ ᠡᠳᠦᠷ ᠬᠦᠳᠡᠯᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠡᠨᠡ ᠦᠶᠡ ᠳᠤ | ᠸᠠᠨᠬᠢᠨ ᠴᠢᠩᠰᠠᠩ ᠤᠷᠠᠨ ᠠᠷᠭᠠ ᠭᠠᠷᠭᠠᠵᠤ᠂ ᠰᠦᠨᠢ ᠶᠢᠨ ᠭᠦᠨ ᠳᠤ ᠪᠦᠰᠡᠯᠡᠯᠲᠡ ᠶᠢ ᠰᠢᠪᠲᠤᠯᠤᠨ ᠭᠠᠷᠤᠭᠠᠳ᠂ | ᠲᠠᠲ᠋ᠠᠷᠴᠤᠳ ᠤᠨ ᠠᠷᠤ ᠲᠠᠯᠠ ᠶᠢ ᠳᠠᠭᠠᠷᠢᠨ ᠳᠤᠪᠲᠤᠯᠵᠤ ᠴᠦᠯᠪᠡᠨ ᠳᠡᠭᠡᠷᠡᠮᠳᠡᠵᠡᠢ᠃ ᠲᠠᠲ᠋ᠠᠷᠴᠤᠳ ᠠᠷᠭᠠ ᠪᠤᠰᠤ | ᠤᠬᠤᠷᠢᠨ ᠶᠠᠪᠤᠭᠰᠠᠨ ᠳᠤ ᠠᠯᠲᠠᠨ ᠤᠯᠤᠰ ᠤᠨ ᠵᠠᠩᠵᠤᠨ ᠸᠠᠨᠬᠢᠨ ᠠᠨᠺᠦᠸᠧ ᠨᠢᠭᠡᠨ ᠰᠠᠯᠠᠭᠠ ᠴᠡᠷᠢᠭ ᠳᠠᠭᠠᠭᠤᠯᠤᠨ | ᠮᠡᠭᠦᠵᠢᠨ ᠰᠡᠭᠦᠯᠲᠦ ᠶᠢ ᠨᠡᠬᠡᠭᠰᠡᠨ ᠪᠠᠶᠢᠨᠠ᠃ | ᠲᠡᠮᠦᠵᠢᠨ ᠡᠨᠡ ᠴᠢᠮᠡᠭᠡ ᠶᠢ ᠰᠤᠨᠤᠰᠤᠭᠠᠳ ᠬᠡᠷᠡᠶᠢᠳ ᠤᠨ ᠸᠠᠩ ᠬᠠᠨ ᠲᠠᠢ ᠬᠠᠮᠲᠤᠷᠠᠵᠤ᠂ ᠠᠯᠲᠠᠨ | ᠤᠯᠤᠰ ᠤᠨ ᠴᠡᠷᠢᠭ ᠢ ᠬᠠᠪᠰᠤᠷᠤᠨ ᠲᠠᠲ᠋ᠠᠷᠴᠤᠳ ᠲᠠᠢ ᠪᠠᠶᠢᠯᠳᠤᠪᠠ᠃ ᠡᠨᠡ ᠦᠶᠡ ᠳᠤ ᠲᠠᠲ᠋ᠠᠷ ᠤᠨ ᠮᠡᠭᠦᠵᠢᠨ | ᠰᠡᠭᠦᠯᠲᠦ ᠤᠯᠵᠠ ᠭᠤᠤᠯ ᠤᠨ ᠬᠤᠰᠤᠲᠤ ᠰᠢᠲᠦᠭᠡᠨ᠂ ᠨᠠᠷᠠᠲᠤ ᠰᠢᠲᠦᠭᠡᠨ ᠭᠡᠳᠡᠭ ᠭᠠᠵᠠᠷ ᠬᠤᠷᠢᠶᠠ ᠪᠠᠬᠢᠯᠡᠯᠲᠡ | ᠪᠠᠶᠢᠭᠤᠯᠤᠨ ᠳᠠᠶᠢᠰᠤᠨ ᠢ ᠬᠤᠷᠢᠭᠯᠠᠵᠤ ᠪᠠᠶᠢᠵᠠᠢ᠃ ᠲᠡᠮᠦᠵᠢᠨ᠂ ᠸᠠᠩ ᠬᠠᠨ ᠲᠤᠭᠤᠷᠢᠯ ᠬᠤᠶᠠᠭᠤᠯᠠ | ᠲᠠᠲ᠋ᠠᠷᠴᠤᠳ ᠤᠨ ᠪᠠᠬᠢᠯᠡᠯᠲᠡ ᠶᠢ ᠡᠪᠳᠡᠯᠵᠦ ᠰᠢᠪᠲᠤᠯᠤᠨ ᠤᠷᠤᠭᠠᠳ᠂ ᠮᠡᠭᠦᠵᠢᠨ ᠰᠡᠭᠦᠯᠲᠦ ᠶᠢ ᠪᠠᠷᠢᠵᠤ ᠲᠡᠨᠳᠡ ᠨᠢ | ᠠᠯᠠᠪᠠ᠃ | ᠮᠡᠭᠦᠵᠢᠨ ᠰᠡᠭᠦᠯᠲᠦ ᠠᠯᠠᠭᠳᠠᠭᠰᠠᠨ ᠤ ᠬᠤᠶᠢᠨᠠ᠂ ᠲᠠᠲ᠋ᠠᠷᠴᠤᠳ ᠤᠨ ᠦᠯᠡᠳᠡᠭᠳᠡᠯ ᠲᠡᠮᠦᠵᠢᠨ ᠳᠤ ᠤᠷᠢᠳ | ᠬᠤᠵᠢᠳ ᠬᠤᠶᠠᠷ ᠤᠳᠠᠭᠠ ᠴᠤᠬᠢᠭᠳᠠᠭᠠᠳ ᠲᠤᠶᠢᠯᠪᠤᠷᠢᠲᠠᠢ ᠮᠦᠬᠦᠭᠡᠭᠳᠡᠭᠰᠡᠨ ᠪᠢᠯᠡ᠃ |