| ᠴᠦᠢᠵᠢᠡᠤᠤᠠᠰᠠᠷ ᠪᠠᠷᠤᠭ 1260 ᠤᠨ ᠤ ᠦᠶᠡ ᠪᠠᠷ ᠰᠢᠨᠵᠢᠶᠠᠩ᠂ ᠲᠦᠪᠡᠳ᠂ ᠬᠦᠬᠡᠨᠠᠭᠤᠷ ᠭᠤᠷᠪᠠᠨ | ᠤᠷᠤᠨ ᠤ ᠠᠭᠤᠯᠵᠠᠷ ᠲᠤ ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠪᠤᠷᠬᠠᠨ ᠤ ᠨᠤᠮ ᠢ ᠬᠦᠨ ᠪᠢᠰᠢᠯᠭᠠᠵᠤ᠂ ᠰᠢᠳᠢ ᠶᠢ | ᠤᠯᠤᠭᠰᠠᠨ ᠱᠢᠷᠳᠡᠭᠡᠪᠡ ᠵᠠᠯᠠᠭᠤ ᠭᠡᠷᠡᠯ ᠭᠡᠳᠡᠭ ᠬᠦᠮᠤᠨ ᠤ ᠭᠡᠷ ᠲᠤ ᠲᠦᠷᠤᠵᠡᠢ᠃ ᠳᠡᠭᠦᠨ ᠤ ᠪᠠᠭᠠ ᠶᠢᠨ ᠨᠡᠷᠡ ᠨᠢ | ᠳ᠋ᠠᠮᠢᠳᠳᠤᠷᠵᠢ ᠭᠡᠳᠡᠭ ᠪᠦᠭᠡᠳ ᠳᠦᠢᠨ ᠪᠤᠯᠤᠭᠰᠠᠨ ᠤ ᠬᠤᠶᠢᠨᠠ ᠴᠦᠢᠵᠢᠡᠤᠤᠠᠰᠠᠷ ᠭᠡᠮᠡᠨ ᠨᠡᠷᠡᠯᠡᠪᠡ᠃ ᠤᠯᠤᠰ ᠤᠨ | ᠪᠠᠭᠰᠢ ᠪᠠᠶᠢᠭᠰᠠᠨ ᠫᠠᠭᠪᠠ ᠳᠡᠭᠦᠨ ᠤ ᠨᠡᠷᠡ ᠶᠢ ᠴᠦᠢᠬᠦᠠᠤᠤᠠᠰᠠᠷ ᠭᠡᠵᠦ ᠬᠠᠯᠠᠨ ᠦᠡᠭᠭᠡᠷᠡᠭᠰᠡᠨ ᠪᠦᠭᠡᠳ ᠵᠠᠷᠢᠮ ᠨᠤᠮ | ᠰᠤᠳᠤᠷ ᠲᠤ ᠪᠠᠰᠠ ︽ᠨᠤᠮ ᠤᠨ ᠭᠡᠷᠡᠯ — ᠨᠤᠮᠤᠨᠭᠡᠷᠡᠯ︾ ᠭᠡᠵᠦ ᠤᠷᠴᠢᠭᠤᠯᠤᠨ ᠠᠪᠤᠭᠰᠠᠨ ᠪᠠᠶᠢᠳᠠᠭ ᠶᠤᠮ᠃ | 1265 ᠤᠨ ᠳᠤ᠂ ᠴᠦᠢᠵᠢᠡᠤᠤᠠᠰᠠᠷ ᠳᠠᠪᠤᠨ ᠨᠠᠰᠤᠳᠠᠢ ᠳᠠᠭᠠᠨ ᠰᠦᠮᠡ ᠳᠤ ᠰᠠᠭᠤᠵᠤ ᠨᠤᠮ | ᠰᠤᠷᠤᠭᠠᠳ᠂ 1295 ᠤᠨ ᠪᠤᠯᠬᠤ ᠳᠤ᠂ ᠡᠷᠳᠡᠮ ᠨᠤᠮ ᠳᠤ ᠶᠡᠬᠡᠳᠡ ᠴᠠᠭᠠᠷᠠᠵᠤ᠂ ᠳᠠᠪᠤᠨ ᠤᠬᠠᠭᠠᠨ ᠳᠤ | ᠨᠡᠪᠳᠡᠷᠡᠭᠡᠳ ᠪᠠᠷᠠᠭᠤᠨ ᠲᠦᠪᠡᠳ ᠲᠤ ᠠᠯᠳᠠᠷᠰᠢᠵᠠᠢ᠃ | 1295 ᠤᠨ ᠳᠤ᠂ ᠦᠯᠵᠡᠶᠢᠳᠤ ᠬᠠᠭᠠᠨ ᠳᠡᠮᠤᠷ ᠤᠨ ᠤᠷᠢᠯᠭᠠ ᠪᠠᠷ ᠮᠤᠩᠭᠤᠯ ᠳᠤ ᠢᠷᠡᠵᠦ ᠱᠠᠰᠳᠢᠷ᠂ | ᠰᠤᠳᠤᠷ ᠳ᠋ᠠᠨᠳᠠᠷᠢᠰ᠂ ︽ᠪᠤᠳᠢᠴᠠᠷᠠ ᠠᠸᠠᠳᠠᠷᠠ︾ ᠵᠡᠷᠭᠡ ᠤᠯᠠᠨ ᠨᠤᠮ ᠪᠢᠴᠢᠭ ᠢ ᠤᠷᠴᠢᠭᠤᠯᠵᠤ ᠨᠠᠶᠢᠷᠠᠭᠤᠯᠪᠠ᠃ | 1308 — 1311 ᠤᠨ ᠤ ᠬᠤᠭᠤᠷᠤᠨᠳᠤ᠂ ᠬᠠᠶᠢᠰᠠᠩ ᠬᠦᠯᠦᠭ ᠬᠠᠭᠠᠨ ᠳᠤ ᠬᠦᠨᠳᠤ ᠬᠡᠷᠡᠭᠯᠡᠭᠳᠡᠵᠦ᠂ ︽ | ᠪᠠᠨᠵᠠᠷᠠᠭᠴᠠ︾ ︵ᠳᠠᠪᠤᠨ ᠰᠠᠬᠢᠶᠠ︶ ᠵᠡᠷᠭᠡ ᠶᠢ ᠤᠷᠴᠢᠭᠤᠯᠵᠤ᠂ ︽ᠪᠤᠳᠢᠴᠠᠷᠠ ᠠᠸᠠᠳᠠᠷᠠ ᠶᠢᠨ ᠳᠠᠶᠢᠯᠪᠤᠷᠢ︾ ᠪᠠ | ︽ᠵᠢᠷᠤᠭᠡᠨ ᠤ ᠳᠤᠯᠳᠤ︾ ᠵᠡᠷᠭᠡ ᠨᠤᠮ ᠢᠶᠠᠨ ᠪᠢᠴᠢᠭᠡᠳ ᠶᠡᠭᠡ ᠨᠡᠶᠢᠰᠯᠡᠯ ᠳ᠋ᠠ ᠳ᠋ᠦ᠋ ︵ᠪᠡᠭᠡᠵᠢᠩ︶ ᠳᠤ ᠭᠡᠪᠯᠡᠭᠦᠯᠵᠡᠢ | ᠃ 1312 ᠤᠨ ᠤ 10 ᠰᠠᠷᠠ ᠳᠤ ᠴᠦᠢᠵᠢᠡᠤᠤᠠᠰᠠᠷ ᠪᠤᠶᠠᠨᠳᠤ ᠬᠠᠭᠠᠨ ᠤ ᠰᠢᠳᠠᠷ ᠯᠠᠮᠠ ᠪᠤᠯᠵᠤ᠂ ᠤᠯᠤᠰ ᠤᠨ | ᠪᠠᠭᠰᠢ ᠡᠷᠭᠦᠮᠵᠢᠯᠡᠭᠳᠡᠪᠡ᠃ | ᠴᠦᠢᠵᠢᠡᠤᠤᠠᠰᠠᠷ ᠪᠤᠯ ᠮᠤᠩᠭᠤᠯ ᠭᠡᠯᠡᠨ ᠵᠦᠢ᠂ ᠠᠪᠢᠶᠠᠠ ᠤ ᠵᠦᠢ᠂ ᠦᠭᠡᠰ ᠤᠨ ᠰᠠᠩ ᠤᠨ | ᠰᠤᠳᠤᠯᠤᠯ ᠳᠤ ᠴᠦᠮ ᠠᠩᠬᠠ ᠠᠯᠬᠤᠮ ᠤᠨ ᠰᠠᠭᠤᠷᠢ ᠶᠢ ᠳᠠᠯᠪᠢᠵᠤ ᠦᠭᠭᠦᠭᠰᠡᠨ ᠬᠦᠮᠤᠨ ᠶᠤᠮ᠃ ᠲᠡᠷᠡ ᠫᠠᠭᠪᠠ | ᠯᠠᠮᠠ ᠶᠢᠨ ᠵᠤᠬᠢᠶᠠᠭᠰᠠᠨ ᠳᠦᠷᠪᠡᠯᠵᠢᠨ ᠦᠰᠦᠭ ᠢ ︽ᠪᠤᠷᠬᠠᠨ ᠤ ᠨᠤᠮ ᠢ ᠤᠷᠴᠢᠭᠤᠯᠵᠤ ᠡᠰᠡ ᠪᠤᠯᠤᠭᠰᠠᠨ︾ | ᠭᠡᠳᠡᠭ ᠨᠡᠷᠡ ᠪᠠᠷ ᠤᠷᠬᠢᠭᠤᠯᠤᠭᠰᠠᠨ ᠪᠦᠭᠡᠳ ᠤᠶᠢᠭᠤᠷᠵᠢᠨ ᠮᠤᠩᠭᠤᠯ ᠦᠰᠦᠭ ᠢ ᠴᠤ ᠨᠢᠭᠡ ᠠᠯᠬᠤᠮ ᠰᠢᠨᠡᠴᠢᠯᠡᠨ | ᠰᠠᠶᠢᠵᠢᠷᠠᠭᠤᠯᠵᠠᠢ᠃ ᠲᠡᠷᠡ ᠤᠶᠢᠭᠤᠷ ᠦᠰᠦᠭ ᠤᠨ ᠳᠤᠳᠠᠭᠤ ᠶᠢ ᠨᠦᠭᠦᠵᠤ᠂ ᠮᠤᠩᠭᠤᠯ ᠦᠰᠦᠭ ᠲᠤ ᠦᠭᠡᠢ | ᠪᠠᠶᠢᠭᠰᠠᠨ ︵ᠤᠳᠤᠬᠢ ᠫᠠ᠊᠂ ᠱ᠊︶ ᠢ ᠨᠡᠮᠡᠨ ᠵᠤᠬᠢᠶᠠᠵᠤ᠂ ︽ᠵ᠊᠂ ᠶ᠊︾ ᠶᠢᠨ ᠳᠦᠷᠰᠤ ᠶᠢ ᠰᠠᠯᠭᠠᠨ᠂ ᠨᠡᠶᠢᠳᠡ | 123 ᠦᠶᠡᠳᠤ ᠦᠰᠦᠭ ᠪᠤᠯᠭᠠᠨ ᠵᠢᠭᠰᠠᠭᠠᠭᠠᠳ᠂ ᠠᠩᠬᠠ ᠠᠯᠬᠤᠮ ᠮᠤᠩᠭᠤᠯ ᠭᠡᠯᠡᠨ ᠳᠤ ᠬᠡᠷᠡᠭᠯᠡᠭᠳᠡᠬᠦ ᠴᠠᠭᠠᠨ | ᠲᠤᠯᠤᠭᠠᠢ ᠶᠢᠨ ᠦᠰᠦᠭ ᠢ ᠪᠦᠷᠢᠯᠳᠤᠭᠦᠯᠵᠦ᠂ ᠮᠤᠩᠭᠤᠯ ᠭᠡᠯᠡᠨ ᠤ ᠦᠭᠡᠰ ᠤᠨ ᠤᠳᠬᠠ ᠶᠢ ᠢᠯᠭᠠᠬᠤ ᠳᠤ | ᠬᠡᠷᠡᠭᠯᠡᠭᠳᠡᠬᠦ ᠭᠤᠤᠯ ᠠᠪᠢᠶᠠ ︵ᠠᠪᠢᠶᠠᠯᠠᠪᠤᠷᠢ︶ ᠨᠤᠭᠤᠳ ᠢ ᠢᠯᠡᠷᠭᠡᠶᠢᠯᠡᠭᠰᠡᠨ ᠦᠰᠦᠭ ᠤᠨ ᠰᠢᠰᠲ᠋ᠧᠮ ᠢ | ᠦᠭᠡᠷᠡᠴᠢᠯᠡᠨ ᠵᠤᠬᠢᠶᠠᠪᠠ᠃ ᠵᠠᠷᠢᠮ ᠡᠷᠳᠡᠮᠳᠡᠳ ᠳᠡᠭᠦᠨ ᠤ ᠵᠤᠬᠢᠶᠠᠭᠰᠠᠨ 123 ᠦᠶᠡᠳᠤ ᠦᠰᠦᠭ ᠤᠨ ᠴᠠᠭᠠᠨ | ᠲᠤᠯᠤᠭᠠᠢ ᠶᠢᠨ ᠳᠠᠪᠬᠤᠷᠳᠠᠭᠰᠠᠨ ︽ᠵᠠ ᠵᠠ ᠵᠢ ᠵᠤ᠋ ᠵᠤ᠋ ᠵᠦ᠋ ᠵᠦ᠋︾ ᠪᠠ ︽ ᠢᠶᠠᠷ︾ ᠳᠠᠭᠠᠪᠤᠷᠢ ᠶᠢ ᠭᠠᠷᠭᠠᠭᠠᠳ | ᠭᠡᠷᠡᠭ ᠳᠡᠭᠡᠷᠡ ᠪᠠᠨ 115 ᠭᠡᠵᠦ ᠦᠵᠡᠵᠦ ᠪᠤᠢ᠃ | ᠴᠦᠢᠵᠢᠡᠤᠤᠠᠰᠠᠷ ᠡᠩ ᠳᠡᠷᠢᠭᠦᠨ ᠳᠤ᠂ ᠮᠤᠩᠭᠤᠯ ᠦᠰᠦᠭ ᠢ ᠴᠢᠩᠭᠠ᠂ ᠬᠦᠨᠳᠡᠢ᠂ ᠰᠠᠭᠠᠷᠮᠠᠭ ᠭᠡᠵᠦ | ᠭᠤᠷᠪᠠ ᠬᠤᠪᠢᠶᠠᠭᠰᠠᠨ ᠪᠦᠭᠡᠳ ᠮᠤᠩᠭᠤᠯ ᠭᠡᠯᠡᠨ ᠤ ᠠᠪᠢᠶᠠ ᠵᠤᠬᠢᠴᠠᠬᠤ ᠶᠤᠰᠤ ᠶᠢ ᠠᠩᠬᠠ ᠠᠯᠬᠤᠮ ᠵᠦᠪ | ᠳᠠᠶᠢᠯᠪᠤᠷᠢᠯᠠᠵᠠᠢ᠃ ᠲᠡᠷᠡ ᠪᠠᠰᠠ ᠡᠨᠡᠳᠭᠡᠭ ᠭᠡᠯᠡᠨ ᠤ ᠰᠢᠨᠵᠢᠯᠡᠯ ᠤᠨ ᠮᠠᠬᠠᠪᠤᠳ ᠢᠶᠠᠷ ᠢᠯᠭᠠᠬᠤ ᠵᠡᠷᠭᠡ ᠵᠢᠷᠤᠮ | ᠭᠤᠷᠤᠮ ᠢ ᠠᠰᠢᠭᠯᠠᠵᠤ᠂ ᠮᠤᠩᠭᠤᠯ ᠭᠡᠯᠡᠨ ᠤ ᠠᠪᠢᠶᠠᠯᠠᠪᠤᠷᠢ ᠶᠢ ᠨᠡᠯᠢᠶᠡᠳ ᠤᠨᠤᠪᠴᠢᠳᠠᠢ ᠳᠠᠶᠢᠯᠪᠤᠷᠢᠯᠠᠭᠰᠠᠨ ᠶᠤᠮ᠃ | ᠴᠦᠢᠵᠢᠡᠤᠤᠠᠰᠠᠷ ︽ᠳᠠᠭᠤᠳᠠᠬᠤᠢ ᠶᠢᠨ ᠳᠠᠶᠢᠨ ᠢᠯᠭᠠᠯ ᠯᠤᠭᠠ ᠬᠠᠮᠳᠤ︾ ᠨᠠᠢᠮᠠᠨ ᠳᠠᠶᠢᠨ ᠢᠯᠭᠠᠯ ᠭᠠᠷᠭᠠᠭᠰᠠᠨ | ᠪᠦᠭᠡᠳ ᠳᠠᠶᠢᠨ ᠢᠯᠭᠠᠯ ᠤᠨ ᠳᠠᠭᠠᠪᠤᠷᠢ ᠳᠠᠭᠠᠭᠤᠯᠬᠤ ᠳᠦᠷᠢᠮ ᠢ ᠨᠡᠯᠢᠶᠡᠳ ᠰᠠᠶᠢᠨ ᠵᠠᠳᠠᠯᠤᠨ ᠰᠢᠨᠵᠢᠯᠡᠭᠰᠡᠨ ᠪᠠᠶᠢᠯᠠ | ᠃ ᠴᠦᠢᠵᠢᠡᠤᠤᠠᠰᠠᠷ ᠪᠠᠰᠠ ᠦᠰᠦᠭ ᠤᠨ ᠳᠦᠷᠢᠮ ᠤᠨ ᠵᠦᠪ ᠪᠢᠴᠢᠯᠭᠡ᠂ ᠵᠦᠪ ᠳᠠᠭᠤᠳᠠᠯᠭᠠ ᠶᠢᠨ ᠳᠠᠯᠠ ᠪᠠᠷ | ᠨᠠᠷᠢᠨ ᠳᠦᠷᠢᠮ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠮᠦᠷᠳᠡᠯᠭᠡ ᠪᠠᠷᠢᠮᠳᠠᠯᠠᠯ ᠪᠤᠯᠬᠤ ︽ᠭᠤᠤᠯ ᠶᠤᠰᠤᠨ︾ ᠢ ᠨᠡᠭᠡᠭᠡᠵᠡᠢ᠃ | ᠳᠡᠭᠦᠨ ᠤ ᠲᠡᠷᠡ ︽ᠳᠤᠮᠳᠠᠳᠤ ᠰᠤᠯᠠ ᠪᠠᠷ ᠡᠬᠢ ᠠᠳᠠᠭ ᠢ ᠮᠡᠳᠡᠭᠦᠢ︔ ᠠᠯᠳᠠᠷᠰᠢᠭᠰᠠᠨ ᠢᠶᠠᠷ ᠮᠡᠳᠡᠭᠦᠢ︔ | ᠳᠡᠪᠢᠰᠭᠡᠷ ᠢᠶᠠᠷ ᠮᠡᠳᠡᠭᠦᠢ︔ ᠤᠳᠬᠠᠰ ᠤᠨ ᠬᠦᠴᠤᠨ ᠢᠶᠠᠷ ᠢᠯᠭᠠᠨ ᠳᠤᠳᠤᠯᠠᠬᠤᠢ︾ ᠵᠡᠷᠭᠡ ᠳᠦᠷᠪᠡᠨ ᠵᠠᠷᠴᠢᠮ ᠪᠤᠯ | ᠭᠡᠷᠡᠭ ᠳᠡᠭᠡᠷᠡ ᠪᠠᠨ ᠮᠤᠩᠭᠤᠯ ᠭᠡᠯᠡᠨ ᠤ ᠦᠰᠦᠭ ᠤᠨ ᠳᠦᠷᠢᠮ ᠤᠨ ᠦᠭᠡ ᠶᠢᠨ ᠵᠦᠢ᠂ ᠠᠪᠢᠶᠠᠨ ᠤ ᠵᠦᠢ ᠪᠠ | ᠤᠯᠠᠮᠵᠢᠯᠠᠯ ᠤᠨ ᠪᠤᠶᠤ ᠳᠡᠤᠭᠡᠨ ᠤ ᠵᠡᠷᠭᠡ ᠭᠤᠤᠯ ᠭᠤᠤᠯ ᠵᠠᠷᠴᠢᠮ ᠤᠳ ᠪᠤᠯᠤᠨᠠ᠃ ᠡᠭᠦᠨ ᠳᠤ ᠳᠦᠷᠰᠤ ᠢᠯᠭᠠᠬᠤ | ᠵᠡᠷᠭᠡ ᠳᠦᠷᠢᠮ ᠢ ︽ᠡᠳ᠋︾ ᠦᠭᠡ ᠪᠠᠷ ᠡᠰᠢᠯᠡᠨ ᠳᠠᠶᠢᠯᠪᠤᠷᠢᠯᠠᠪᠠ᠃ ᠳᠡᠭᠦᠨ ᠤ ᠳᠤᠭᠳᠠᠭᠠᠭᠰᠠᠨ ︽ᠠᠨ ᠠᠪ ᠠᠭ | ᠠᠮ ᠠᠯ ᠠᠢ ᠠᠷ ᠠᠳ ᠠᠤ ᠬᠢᠭᠡᠳ ᠠᠡᠭ ᠯᠤᠭᠠ ᠠᠷᠪᠠᠨ ᠨᠢᠭᠡᠨ ᠳ᠋ᠠᠩ ᠳᠡᠪᠢᠰᠭᠡᠷ︾ ᠪᠠ ︽ᠠᠶᠢᠯ︾᠂ ︽ | ᠡᠶᠢᠨ︾ ᠭᠡᠬᠦ ᠮᠡᠳᠤ ᠳᠠᠪᠬᠤᠷ ᠳᠡᠪᠢᠰᠭᠡᠷ ᠪᠠᠶᠢᠬᠤ ᠶᠢ ᠳᠤᠳᠤᠯᠠᠨ ︽ᠳᠡᠪᠢᠰᠭᠡᠷᠯᠡᠭᠦᠢ ᠶᠤᠰᠤᠨ︾ ᠠᠨᠤ ᠡᠳᠤᠭᠡ ᠴᠤ | ᠭᠡᠰᠡᠨ ᠮᠠᠰᠢ ᠶᠡᠭᠡ ᠰᠤᠳᠤᠯᠬᠤ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠪᠠᠶᠢᠭᠰᠠᠭᠠᠷ ᠪᠠᠶᠢᠨᠠ᠃ | ᠴᠦᠢᠵᠢᠡᠤᠤᠠᠰᠠᠷ ᠮᠤᠩᠭᠤᠯ ᠪᠢᠴᠢᠭ ᠤᠨ ᠭᠡᠯᠡ ᠶᠢ ᠠᠩᠬᠠ ᠳᠦᠷᠢᠮᠵᠢᠭᠦᠯᠵᠦ᠂ ︽ᠭᠠᠨᠵᠤᠤᠷ︾᠂ ︽ | ᠳ᠋ᠨᠨᠵᠤᠤᠷ︾ ᠵᠡᠷᠭᠡ ᠠᠪᠤᠷᠭᠤ ᠲᠤᠮᠤ ᠨᠤᠮ ᠰᠤᠳᠤᠷ ᠤᠳ ᠢ ᠤᠷᠴᠢᠭᠤᠯᠵᠤ ᠳᠠᠶᠢᠯᠪᠤᠷᠢᠯᠠᠬᠤ᠂ ᠳᠡᠭᠦᠨᠴᠢᠯᠡᠨ | ᠪᠤᠰᠤᠳ ᠨᠤᠮ ᠰᠤᠳᠤᠷ ᠢ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠵᠤ ᠰᠤᠷᠳᠠᠯᠴᠢᠯᠠᠨ ᠳᠡᠯᠭᠡᠷᠡᠭᠦᠯᠬᠦ ᠳᠤ ᠴᠤ ᠶᠡᠭᠡᠭᠡᠨ ᠭᠠᠪᠢᠶᠠ | ᠵᠢᠳᠭᠦᠯ ᠭᠠᠷᠭᠠᠵᠤ ᠪᠢᠯᠡ᠃ | ᠴᠦᠢᠵᠢᠡᠤᠤᠠᠰᠠᠷ ᠪᠤᠯ ᠮᠤᠩᠭᠤᠯ ᠭᠡᠯᠡᠨ ᠤ ᠤᠤᠭᠠᠨ ᠤᠷᠴᠢᠭᠤᠯᠤᠭᠴᠢ ᠶᠢᠨ ᠨᠢᠭᠡ ᠨᠢ ᠪᠤᠯᠤᠨᠠ᠃ ᠲᠡᠷᠡ | ᠪᠤᠯ ︽ᠰᠤᠳᠤᠷ ᠳᠠᠷᠨᠢ ᠶᠢ ᠤᠷᠴᠢᠭᠤᠯᠬᠤ ᠵᠢᠷᠤᠮ ᠢ ᠭᠠᠷᠭᠠᠭᠰᠠᠨ︾ ᠤᠷᠴᠢᠭᠤᠯᠭᠠ ᠶᠢᠨ ᠤᠬᠠᠭᠠᠨᠳᠠᠨ ᠶᠤᠮ᠃ | ᠡᠨᠡᠳᠭᠡᠭ᠂ ᠲᠦᠪᠡᠳ ᠭᠡᠯᠡᠨ ᠠᠴᠠ ᠨᠤᠮ ᠰᠤᠳᠤᠷ ᠤᠷᠴᠢᠭᠤᠯᠬᠤ ᠶᠠᠪᠤᠳᠠᠯ ᠳᠡᠭᠦᠨ ᠤ ᠦᠶᠡ ᠠᠴᠠ ᠡᠬᠢᠯᠡᠭᠰᠡᠨ | ᠪᠦᠭᠡᠳ ᠵᠦᠪᠬᠡᠨ ᠱᠠᠰᠢᠨ ᠤ ᠨᠤᠮ ᠰᠤᠳᠤᠷ ᠤᠷᠴᠢᠭᠤᠯᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠳᠠᠪᠤᠨ ᠤᠬᠠᠭᠠᠨ ᠤ ᠨᠤᠮ | ᠰᠤᠳᠤᠷ ᠢ ᠨᠡᠶᠢᠳᠡᠮ ᠤᠷᠴᠢᠭᠤᠯᠵᠤ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠠᠶᠢᠵᠠᠢ᠃ ᠡᠨᠡ ᠳᠠᠯᠠ ᠪᠠᠷ ᠳᠡᠭᠦᠨ ᠢ ᠬᠢᠳᠠᠳ ᠤᠨ | ᠤᠷᠴᠢᠭᠤᠯᠭᠠ ᠶᠢᠨ ᠤᠨᠤᠯᠳᠠᠨ ᠪᠦᠭᠡᠳ ᠬᠦᠨ ᠤᠬᠠᠭᠠᠨᠳᠠᠨ ᠳᠠᠩᠰᠤᠭ ᠯᠠᠮᠠ ᠲᠠᠢ ᠠᠳᠠᠯᠢᠳᠬᠠᠵᠤ ᠪᠤᠯᠤᠮᠠᠷ ᠶᠤᠮ᠃ | ᠴᠦᠢᠵᠢᠡᠤᠤᠠᠰᠠᠷ ᠪᠠᠰᠠ ᠪᠤᠳᠤᠯᠭᠠᠳᠠᠨ ᠪᠦᠭᠡᠳ ᠬᠦᠨ ᠤᠬᠠᠭᠠᠨᠳᠠᠨ ᠪᠢᠯᠡ᠃ ᠲᠡᠷᠡ ᠭᠡᠳᠤᠨ ᠦᠶᠡ ᠶᠢᠨ | ᠬᠠᠭᠠᠳ ᠤᠨ ᠰᠢᠳᠠᠷ ᠯᠠᠮᠠ ᠶᠠᠪᠤᠵᠤ᠂ ᠱᠠᠰᠢᠨ ᠤ ᠵᠠᠩ ᠦᠢᠯᠡ ᠰᠠᠬᠢᠯ ᠰᠠᠸᠠᠷ ᠢ ᠤᠯᠠᠮ ᠪᠦᠷᠢᠨ ᠳᠡᠭᠦᠯᠳᠡᠷ | ᠪᠤᠯᠭᠠᠵᠤ᠂ ᠪᠤᠳ᠋ᠳ᠋ᡁᠨ ᠤ ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠵᠦ᠂ ᠪᠦᠬᠡ ᠮᠦᠷᠭᠦᠯ ᠢ ᠤᠰᠠᠳᠬᠠᠬᠤ ᠪᠠᠷ ᠴᠢᠷᠮᠠᠶᠢᠨ ᠳᠡᠮᠡᠴᠡᠪᠡ᠃ | ᠲᠡᠷᠡ ᠪᠤᠯ ᠡᠷᠳᠡᠨ ᠤ ᠡᠨᠡᠳᠭᠡᠭ ᠳ᠋ᠠᠬᠢᠨ ᠤ ᠬᠦᠨ ᠤᠬᠠᠭᠠᠨ ᠪᠤᠯᠤᠨ ᠱᠠᠰᠢᠨ ᠤ ᠬᠦᠨ ᠤᠬᠠᠭᠠᠨ ᠢ ᠰᠤᠳᠤᠯᠤᠨ | ᠰᠢᠨᠵᠢᠯᠡᠵᠦ ᠰᠤᠷᠳᠠᠯᠴᠢᠯᠠᠨ ᠨᠡᠪᠳᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠠᠬᠠᠮᠠᠳ ᠡᠷᠳᠡᠮᠳᠡᠨ ᠤ ᠨᠢᠭᠡ ᠨᠢ ᠪᠤᠯᠤᠨᠠ᠃ ᠳᠡᠭᠦᠨ ᠤ | ᠪᠢᠴᠢᠭᠰᠡᠨ ︽ᠪᠤᠳᠢᠴᠠᠷᠠ ᠠᠸᠠᠳᠠᠷᠠ ᠶᠢᠨ ᠳᠠᠶᠢᠯᠪᠤᠷᠢ︾ ᠪᠤᠯ ᠬᠦᠨ ᠤᠬᠠᠭᠠᠨ ︵ᠱᠠᠰᠢᠨ ᠤ ᠬᠦᠨ ᠤᠬᠠᠭᠠᠨ ᠳᠤ | ᠪᠠᠭᠳᠠᠵᠤ ᠪᠤᠢ︶ ᠤ ᠵᠤᠬᠢᠶᠠᠯ ᠪᠤᠯᠬᠤ ᠪᠦᠭᠡᠳ ︽ᠠᠷᠪᠠᠨ ᠬᠤᠶᠠᠷ ᠵᠤᠬᠢᠶᠠᠩᠭᠤᠢ︾ ᠨᠢ ᠴᠤ ᠱᠠᠰᠢᠨ ᠤ ᠬᠦᠨ | ᠤᠬᠠᠭᠠᠨ ᠤ ᠨᠡᠯᠢᠶᠡᠳ ᠴᠢᠬᠤᠯᠠ ᠵᠤᠬᠢᠶᠠᠯ ᠪᠤᠯᠬᠤ ᠶᠤᠮ᠃ | ᠴᠦᠢᠵᠢᠡᠤᠤᠠᠰᠠᠷ ᠵᠢᠷᠠᠭᠠᠳ ᠨᠠᠰᠤᠯᠠᠭᠠᠳ ᠪᠠᠷᠤᠭ 1320 ᠤᠨ ᠳᠤ ᠨᠠᠰᠤ ᠪᠠᠷᠠᠵᠠᠢ᠃ ᠴᠦᠢᠵᠢᠡᠤᠤᠠᠰᠠᠷ | ᠪᠤᠯ ᠮᠤᠩᠭᠤᠯ᠂ ᠤᠶᠢᠭᠤᠷ᠂ ᠡᠨᠡᠳᠭᠡᠭ ︵ᠰᠠᠨᠰᠺᠷᠢᠲ︶᠂ ᠲᠦᠪᠡᠳ ᠵᠡᠷᠭᠡ ᠤᠯᠠᠨ ᠭᠡᠯᠡᠨ ᠳᠤ ᠨᠡᠪᠳᠡᠷᠡᠭᠰᠡᠨ | ᠮᠤᠩᠭᠤᠯ ᠭᠡᠯᠡᠨ ᠤ ᠤᠤᠭᠠᠨ ᠰᠢᠨᠵᠢᠯᠡᠭᠡᠳᠡᠨ ᠪᠤᠯᠬᠤ ᠪᠦᠭᠡᠳ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠰᠤᠶᠤᠯ ᠤᠨ ᠶᠡᠭᠡ | ᠵᠢᠳᠭᠦᠯᠳᠡᠨ ᠪᠤᠯᠬᠤ ᠶᠤᠮ᠃ |