| | | ᠲᠦᠷᠦᠭᠡ | | ᠠᠩᠬᠠ ᠭᠤᠷᠪᠠ ᠶᠢᠨ ᠨᠢᠭᠡ ᠬᠢᠯᠠᠰᠤᠭᠠ | | | | | ᠦᠷᠯᠦᠭᠡᠨ ᠤ ᠨᠡᠷᠡ ᠠᠭᠤᠯᠠᠨ ᠤ ᠴᠠᠭᠠᠨᠠ ᠠᠴᠠ ᠠᠯᠭᠤᠷᠬᠠᠨ ᠮᠠᠨᠳᠤᠨᠠ᠃ ᠤᠭᠳᠠᠷᠭᠤᠢ ᠳᠤ ᠠᠯᠠᠭᠠᠨ | ᠴᠢᠨᠡᠭᠡᠨ ᠴᠤ ᠡᠬᠦᠯᠡ ᠦᠬᠡᠢ᠂ ᠵᠦᠪᠭᠡᠨ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠰᠢᠷᠠ ᠤᠯᠠᠭᠠᠨ ᠦᠩᠬᠡ ᠰᠤᠯᠤᠩᠭᠠᠷᠠᠨᠠ᠃ | ᠦᠭᠡᠷ ᠬᠤᠨᠢ ᠪᠡᠯᠴᠢᠭᠡᠷ ᠵᠦᠭ ᠢᠶᠠᠨ ᠢᠳᠡᠰᠢᠯᠡᠵᠦ ᠬᠠᠶᠠ ᠨᠢᠭᠡ ᠬᠤᠨᠢ ᠮᠠᠶᠢᠯᠠᠬᠤ ᠲᠠᠭᠤᠨ ᠦᠷᠯᠦᠭᠡᠨ ᠤ ᠨᠠᠮ | ᠬᠦᠮ ᠢ ᠡᠪᠳᠡᠨ ᠬᠦᠷᠴᠢᠬᠢᠨᠡᠬᠦ ᠭᠤᠤᠯ ᠤᠨ ᠤᠰᠤᠨ ᠳᠤ ᠬᠦᠭ ᠨᠡᠶᠢᠯᠡᠬᠦᠯᠦᠨ ᠬᠠᠪᠰᠤᠷᠭᠠᠬᠤ ᠨᠢ ᠬᠠᠮᠤᠭ | ᠰᠤᠩᠭᠤᠳᠠᠭ ᠠᠶᠠᠯᠭᠤ ᠶᠢ ᠴᠤ ᠠᠷᠠᠢ ᠲᠤᠯᠢᠳᠠᠭᠤᠯᠤᠮᠠᠷ ᠰᠠᠨᠠᠭᠳᠠᠭᠤᠯᠤᠨᠠ᠃ ᠦᠬᠡᠷ ᠮᠠᠯ ᠤᠨ ᠴᠢᠮᠡᠭᠡᠨ ᠳᠤ | ᠦᠷᠭᠦᠭᠰᠡᠨ ᠭᠠᠯᠠᠭᠤᠳ ᠭᠤᠤᠯ ᠤᠨ ᠬᠦᠪᠡᠬᠡᠨ ᠤ ᠡᠪᠡᠰᠦᠨ ᠲᠤᠳᠤᠷᠠ ᠠᠴᠠ ᠬᠤᠤᠰ ᠬᠤᠤᠰ ᠢᠶᠠᠷ ᠢᠶᠠᠨ ᠨᠢᠰᠦᠨ | ᠭᠠᠷᠴᠦ ᠭᠠᠩᠭᠠᠷ ᠭᠤᠩᠭᠤᠷ ᠲᠤᠤᠭᠠᠷᠤᠨ ᠲᠡᠭᠷᠢ ᠳᠤ ᠲᠡᠭᠳᠡᠨᠡ᠃ ᠲᠠᠯᠠ ᠶᠢᠨ ᠠᠭᠤᠳᠠᠮ ᠳᠤ ᠰᠠᠴᠤᠭᠳᠠᠭᠰᠠᠨ | ᠱᠠᠭᠠ ᠰᠢᠭ᠋ ᠮᠤᠩᠭᠤᠯ ᠭᠡᠷ ᠤᠳ ᠤᠨ ᠲᠤᠭᠤᠨᠤ ᠪᠠᠷ ᠠᠷᠭᠠᠯ ᠤᠨ ᠰᠢᠩᠭᠡᠨ ᠴᠡᠩᠭᠡᠷ ᠤᠳᠤᠭᠠ ᠰᠤᠭᠤᠨᠤᠭᠯᠠᠵᠤ᠂ | ᠠᠶᠢᠯ ᠭᠡᠷ᠂ ᠮᠠᠯ ᠰᠦᠷᠦᠭ ᠤᠨᠢᠶᠡᠷ ᠲᠤᠮᠳᠠ ᠬᠦᠪᠦᠯᠵᠡᠵᠦ ᠪᠠᠶᠢᠬᠤ ᠮᠡᠳᠤ ᠬᠠᠷᠠᠭᠳᠠᠨ ᠲᠠᠯᠠ ᠨᠤᠳᠤᠭ ᠤᠨ | ᠦᠷᠯᠦᠭᠡ ᠢᠩᠬᠢᠵᠦ ᠡᠬᠢᠯᠡᠨᠠ᠃ | ᠭᠠᠭᠴᠠ ᠰᠠᠭᠤᠷᠢ ᠮᠤᠩᠭᠤᠯ ᠭᠡᠷ ᠤᠨ ᠡᠮᠦᠨᠡ ᠲᠤᠮᠤ ᠭᠡᠭᠴᠢ ᠮᠤᠷᠢᠨ ᠵᠠᠯᠠ ᠲᠠᠢ᠂ ᠬᠡᠷ ᠤᠨ ᠬᠢᠨᠢ ᠠᠷᠤ | ᠳᠤ ᠪᠤᠷᠭᠠᠰᠤ ᠪᠠᠷ ᠬᠦᠷᠦᠭᠰᠡᠨ ᠬᠤᠨᠢᠨ ᠬᠤᠷᠤᠭᠠ ᠲᠠᠢ ᠠᠶᠢᠯ ᠪᠤᠯ ᠪᠢᠴᠢᠬᠠᠨ ᠲᠡᠮᠦᠷᠬᠤᠶᠠᠭ ᠤᠨ ᠬᠢᠨ ᠪᠠᠶᠢᠨᠠ᠃ | ᠲᠡᠬᠦᠨ ᠤ ᠠᠪᠤ ᠨᠢ ᠭᠡᠵᠦ ᠪᠦᠳᠦᠬᠦᠨ ᠬᠠᠳᠠᠭᠤᠨ ᠪᠠᠶᠠ ᠲᠠᠢ᠂ ᠰᠡᠷᠪᠡᠶᠢᠭᠰᠡᠨ ᠵᠤᠵᠠᠭᠠᠨ ᠬᠦᠮᠦᠰᠭᠡ ᠲᠠᠢ᠂ ᠪᠤᠯᠴᠢᠩ | ᠰᠢᠷᠪᠤᠰᠤ ᠨᠢ ᠵᠠᠩᠬᠢᠷᠠᠭᠰᠠᠨ ᠬᠡᠨ ᠦᠵᠡᠪᠡᠴᠦ ᠪᠠᠭ᠋ᠠᠷᠠᠮᠠᠷ ᠡᠷᠡ ᠶᠤᠮ᠃ ᠭᠡᠳᠡᠯᠡ ᠰᠢᠷᠪᠡᠵᠦ ᠠᠪᠬᠤ ᠳᠤ ᠨᠢ ᠬᠠᠳᠠ | ᠴᠢᠯᠠᠭᠤ ᠶᠢ ᠬᠠᠭᠠᠷᠠᠭᠤᠯᠤᠮᠠᠷ ᠰᠢᠷᠦᠬᠦᠨ ᠬᠠᠷᠠᠴᠠ ᠲᠠᠢ ᠬᠦᠮᠦᠨ᠃ ᠡᠵᠢ ᠨᠢ ᠭᠡᠵᠦ ᠤᠶᠢᠷᠠ ᠬᠠᠪᠢ ᠳᠤ ᠪᠠᠨ ᠨᠡᠷᠡ | ᠲᠠᠢ ᠰᠠᠶᠢᠬᠠᠨ ᠬᠡᠦᠬᠡᠨ ᠪᠠᠶᠢᠭᠰᠠᠨ ᠶᠤᠮ ᠰᠠᠨᠵᠠᠢ᠃ | ᠡᠨᠡ ᠦᠷᠯᠦᠭᠡ ᠲᠡᠮᠦᠷᠬᠤᠶᠠᠭ ᠤᠨ ᠠᠪᠤ ᠵᠤᠷᠰᠢᠯ ᠶᠤᠰᠤᠭᠠᠷ ᠡᠷᠳᠡᠯᠡᠨ ᠪᠤᠰᠴᠦ ᠬᠤᠨᠢ ᠪᠠᠨ ᠪᠡᠯᠴᠢᠭᠡᠷ ᠲᠤ | ᠨᠢ ᠭᠠᠷᠭᠠᠨᠠ᠃ ᠡᠵᠢ ᠨᠢ ᠦᠨᠢᠶᠠ ᠪᠠᠨ ᠰᠠᠭᠠᠭᠠᠴᠢᠬᠠᠭᠠᠳ ᠠᠭᠠᠷᠠᠤ ᠲᠠᠢ ᠰᠦ ᠪᠠᠨ ᠲᠡᠭᠦᠵᠢᠯᠡᠨ ᠭᠡᠷ ᠲᠤ ᠪᠠᠨ | ᠤᠷᠤᠵᠤ ᠢᠷᠠᠨ ᠭᠠᠷ ᠢᠶᠠᠨ ᠤᠬᠢᠶᠠᠬᠤ ᠶᠢᠨ ᠲᠠᠭᠤ᠄ ︽ᠲᠡᠮᠦᠷᠬᠤᠶᠠᠭ ᠡ︕ ᠮᠢᠨᠤ ᠬᠦᠦ ᠪᠤᠰ ᠡ︕︾ ᠭᠡᠵᠦ | ᠲᠠᠭᠤᠳᠠᠨᠠ᠃ ᠤᠨᠳᠠᠵᠤ ᠪᠠᠶᠢᠭᠰᠠᠨ ᠬᠦᠦ ᠡᠵᠢ ᠶᠢᠨ ᠢᠶᠠᠨ ᠲᠠᠭᠤᠨ ᠳᠤ ᠰᠡᠷᠢᠭᠰᠡᠨ ᠪᠤᠯᠪᠠᠴᠤ ᠨᠤᠶᠢᠷ ᠲᠤ ᠪᠠᠨ | ᠲᠡᠶᠢᠯᠦᠭᠳᠡᠨ ᠨᠢᠳᠦ ᠪᠠᠨ ᠨᠤᠬᠤᠯᠠᠵᠤ ᠠᠪᠤᠭᠠᠳ ᠲᠠᠬᠢᠨ ᠤᠨᠳᠠᠴᠢᠬᠠᠪᠠ᠃ ᠡᠵᠢ ᠨᠢ ᠰᠠᠭᠠᠯᠢ ᠶᠢᠨ ᠦᠨᠦᠷ | ᠰᠡᠩᠬᠢᠨᠡᠭᠦᠯᠦᠨ ᠬᠦᠦ ᠶᠢᠨ ᠢᠶᠠᠨ ᠲᠠᠯᠠ ᠳᠤ ᠢᠷᠡᠵᠦ ᠰᠠᠭᠤᠭᠠᠳ ᠦᠬᠦᠭᠡᠷᠳᠡᠨ ᠦᠨᠦᠰᠴᠦ ᠲᠤᠯᠤᠭᠠᠢ ᠶᠢ ᠨᠢ | ᠢᠯᠪᠢᠭᠰᠡᠭᠡᠷ᠄ ︽ᠮᠢᠨᠤ ᠬᠦᠦ ᠪᠤᠰᠬᠤ ᠦᠭᠡᠢ ᠶᠤᠮ ᠤᠤ︖ ᠨᠠᠮᠤᠷ ᠠᠴᠠ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠤ ᠰᠤᠷᠤᠭᠴᠢ | ᠪᠤᠯᠬᠤ ᠬᠦᠮᠦᠨ ᠡᠷᠳᠡ ᠪᠤᠰᠴᠤ ᠰᠤᠷᠬᠤ ᠶᠤᠮ ᠰᠢᠤ︕ ᠰᠤᠷᠤᠭᠴᠢ ᠬᠦᠮᠦᠨ ᠢᠩᠬᠢᠵᠦ ᠤᠨᠳᠠᠳᠠᠭ ᠦᠭᠡᠢ ᠶᠤᠮ︕ | ︾ ᠭᠡᠵᠦ ᠪᠦᠭᠰᠡᠨ ᠲᠡᠭᠡᠷᠡ ᠨᠢ ᠬᠦᠩᠭᠡᠨ ᠠᠯᠠᠭᠠᠳᠠᠨᠠ᠃ | ᠲᠡᠮᠦᠷᠬᠤᠶᠠᠭ ᠡᠨᠡ ᠨᠠᠮᠤᠷ ᠠᠴᠠ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠨᠠ᠃ ᠦᠪᠡᠷ ᠢᠶᠠᠨ ᠴᠤ ᠰᠤᠷᠭᠠᠭᠤᠯᠢ ᠳᠤ | ᠰᠠᠭᠤᠬᠤ ᠶᠡᠬᠡᠯᠡ ᠲᠤᠷᠠᠳᠠᠢ᠃ ᠦᠷᠯᠦᠭᠡ ᠳᠤ ᠪᠠᠨ ᠲᠡᠭᠦᠨ ᠢ ᠪᠤᠰᠬᠤ ᠦᠭᠡᠢ ᠪᠤᠯᠤᠭᠰᠠᠭᠠᠷ ᠡᠵᠢ ᠨᠢ ᠢᠩᠬᠢᠵᠦ | ᠬᠡᠯᠡᠪᠡᠯ ᠤᠭᠯᠤ ᠬᠠᠷᠠᠶᠢᠨ ᠪᠤᠰᠴᠢᠬᠠᠳᠠᠭ᠃ ᠵᠠᠷᠢᠮ ᠳᠤ ᠪᠠᠨ ᠪᠦᠷ᠄ ︽ᠪᠢ ᠰᠡᠭᠦᠯᠡᠷ ᠨᠢᠰᠭᠡᠯ ᠳᠤ ᠰᠠᠭᠤᠨᠠ᠂ | ᠨᠢᠰᠭᠡᠯ ᠵᠢᠯᠤᠭᠤᠳᠤᠨᠠ᠂᠂᠂᠂︾ ᠭᠡᠬᠦ ᠮᠡᠳᠦ ᠤᠯᠠᠨ ᠠᠷᠪᠢᠨ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠢᠶᠠᠨ ᠪᠡᠶᠡᠯᠡᠭᠰᠡᠨ ᠶᠤᠮ ᠰᠢᠭ | ᠶᠠᠷᠢᠳᠠᠭ᠃ ᠲᠡᠭᠡᠬᠦ ᠳᠤ ᠡᠵᠢ ᠨᠢ᠄ ︽ᠲᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ︕ ᠮᠢᠨᠤ ᠬᠦᠦ︕ ᠬᠤᠵᠢᠮ ᠲᠡᠯᠡᠬᠡᠢ ᠶᠢ ᠪᠦᠷ | ᠲᠤᠭᠤᠷᠢᠨᠠ᠂᠂᠂᠂ ᠲᠡᠭᠡᠭᠡᠳ ᠪᠠᠰᠠ ᠤᠯᠠᠨ ᠤᠯᠠᠨ ᠰᠠᠶᠢᠬᠠᠨ ᠶᠠᠭᠤᠮᠠ ᠶᠢ ᠦᠵᠡᠨᠠ᠂ ᠪᠦᠳᠦᠭᠡᠨᠠ᠂ ᠬᠢᠨᠠ᠂ | ᠵᠠᠷᠢᠮ ᠢ ᠨᠢ ᠪᠠᠰᠠ ᠠᠳᠡ ᠪᠠᠨ ᠠᠪᠴᠢᠷᠠᠨᠠ᠂᠂᠂᠂︾ ᠭᠡᠵᠦ ᠬᠡᠦᠬᠡᠳ ᠲᠠᠢ ᠪᠠᠨ ᠬᠡᠦᠬᠡᠳ ᠪᠤᠯᠵᠤ ᠶᠠᠷᠢᠵᠦ | ᠰᠠᠭᠤᠨᠠ᠃ | ᠬᠤᠩᠭᠤᠷ ᠰᠠᠯᠬᠢ ᠢᠯᠪᠢᠭᠰᠡᠨ ᠨᠠᠮᠤᠷ ᠤᠨ ᠨᠢᠭᠡᠨ ᠦᠷᠯᠦᠭᠡ ᠲᠡᠮᠦᠷᠬᠤᠶᠠᠭ ᠤᠨ ᠮᠤᠷᠢᠨ ᠵᠠᠯᠠ ᠲᠡᠭᠡᠷᠡ | ᠠᠪᠤ ᠶᠢᠨ ᠬᠢᠨᠢ ᠬᠦᠷᠡᠩ ᠮᠤᠷᠢ᠂ ᠲᠡᠮᠦᠷᠬᠤᠶᠠᠭ ᠤᠨ ᠲᠤᠬᠤᠮ ᠴᠠᠭᠠᠨ ᠨᠢ ᠤᠶᠠᠭᠠᠳᠠᠢ ᠪᠠᠶᠢᠯᠠ᠃ ᠭᠡᠷ ᠠᠴᠠ᠄ ︽ | ᠵᠠ︕ ᠮᠢᠨᠤ ᠬᠦᠦ ᠤᠳᠤ ᠰᠤᠷᠤᠭᠴᠢ ᠪᠤᠯᠬᠤ ᠨᠢ ᠳ᠋ᠠ︕ ᠪᠢᠴᠢᠭ ᠢᠶᠠᠨ ᠰᠠᠶᠢᠨ ᠰᠤᠷᠬᠤ ᠶᠤᠮ ᠰᠢᠤ︕︾ | ᠭᠡᠰᠡᠨ ᠡᠷᠠ ᠬᠦᠮᠦᠨ ᠤ ᠬᠦᠩᠬᠢᠨᠡᠮᠡ ᠲᠠᠭᠤᠨ ᠳᠤᠭᠤᠯᠳᠠᠨᠠ᠃ ᠦᠨᠦᠳᠦᠷ ᠲᠡᠮᠦᠷᠬᠤᠶᠠᠭ ᠰᠤᠷᠭᠠᠭᠤᠯᠢ ᠳᠤ | ᠶᠠᠪᠤᠬᠤ ᠪᠤᠯᠤᠭᠰᠠᠨ ᠶᠤᠮ ᠰᠠᠨᠵᠠᠢ᠃ ᠲᠡᠷᠡ ᠬᠦᠭᠰᠡᠨ ᠪᠠᠶᠠᠷᠯᠠᠵᠤ ᠪᠦᠷ ᠴᠤ ᠡᠷᠳᠡ ᠪᠤᠰᠴᠢᠬᠠᠭᠠᠳ ᠲᠦᠷᠭᠡᠨ | ᠶᠠᠪᠤᠬᠤ ᠪᠠᠷ ᠬᠦᠰᠡᠨ ᠬᠦᠯᠢᠶᠡᠨᠠ᠃ ᠡᠵᠢ ᠨᠢ ᠴᠠᠭᠠᠨᠠ ᠨᠢ ᠶᠠᠭᠠᠤᠮᠠ ᠶᠠᠷᠢᠯ ᠦᠭᠡᠢ ᠶᠠᠭᠤᠮᠠ ᠬᠡᠦᠮᠠ ᠶᠢ ᠨᠢ | ᠲᠦᠪᠬᠢᠨᠡᠭᠦᠯᠦᠨ ᠪᠠᠶᠢᠨ ᠪᠠᠶᠢᠨ ᠤᠷᠤᠨ ᠭᠠᠷᠤᠨᠠ᠃ | ᠰᠤᠷᠭᠠᠭᠤᠯᠢ ᠨᠢ ᠲᠡᠳᠡᠨ ᠤ ᠬᠢ ᠠᠴᠠ ᠨᠡᠯᠢᠶᠡᠳ ᠵᠠᠶᠢᠳᠠᠢ ᠤᠴᠢᠷ ᠠᠪᠤ ᠨᠢ ᠬᠦᠦ ᠪᠠᠨ ᠬᠠᠶᠢᠷᠠᠳᠠᠢ ᠮᠤᠷᠢ | ᠪᠠᠷ ᠨᠢ ᠬᠦᠷᠭᠡᠬᠦ ᠪᠠᠷ ᠪᠡᠯᠡᠳᠭᠡᠭᠰᠡᠨ ᠠᠵᠠᠢ᠃ ᠠᠪᠤ ᠬᠦᠦ ᠬᠤᠶᠠᠭᠤᠯᠠ ᠶᠠᠭᠤᠮᠠ ᠬᠡᠦᠮᠠ ᠪᠠᠨ ᠭᠠᠨᠵᠤᠭᠠᠯᠠᠨ ᠮᠤᠷᠢ | ᠪᠠᠨ ᠬᠦᠳᠦᠯᠦᠨ ᠭᠠᠷᠬᠤ ᠳᠤ ᠡᠵᠢ ᠨᠢ ᠲᠦᠷᠦᠭᠡᠨ ᠳᠤ ᠨᠢ ᠰᠦ ᠲᠤᠰᠤᠭᠠᠨ᠄ ︽ᠮᠢᠨᠤ ᠬᠦᠦ︕ ᠪᠢᠴᠢᠭ ᠢᠶᠠᠨ | ᠰᠠᠶᠢᠨ ᠰᠤᠷᠬᠤ ᠶᠤᠮ ᠰᠢᠤ︕ ᠪᠠᠭᠰᠢ ᠶᠢᠨ ᠢᠶᠠᠨ ᠦᠭᠡ ᠶᠢ ᠰᠤᠨᠤᠰ︕ ᠭᠡᠷ ᠢᠶᠠᠨ ᠪᠤᠤ ᠰᠠᠨᠠ︕ ᠭᠠᠷᠠᠭ | ᠲᠤᠮᠳᠠ ᠦᠵᠡᠬᠦ ᠪᠠᠷ ᠤᠴᠢᠨᠠ᠂᠂᠂᠂︾ ᠬᠡᠵᠦ ᠮᠠᠩᠨᠠᠢ ᠲᠡᠭᠡᠷᠡ ᠨᠢ ᠦᠨᠦᠰᠦᠨ ᠰᠠᠯᠵᠤ ᠶᠠᠳᠠᠬᠤ ᠳᠤ ᠠᠪᠤ ᠨᠢ | ᠲᠡᠬᠦᠨ ᠢ ᠡᠷᠭᠦᠨ ᠲᠤᠬᠤᠮ ᠴᠠᠭᠠᠨ ᠳᠤ ᠨᠢ ᠮᠤᠷᠳᠠᠭᠤᠯᠤᠯᠠ᠃ ᠬᠦᠮᠦᠨ ᠭᠡᠵᠦ ᠢᠩᠬᠢᠵᠦ ᠯᠠ ᠠᠪᠤ ᠶᠢᠨ ᠪᠤᠢ ᠳᠤ | ᠬᠦᠮᠦᠨ ᠲᠠᠨᠢᠵᠤ ᠠᠭᠳᠠ ᠶᠢᠨ ᠪᠤᠢ ᠳᠤ ᠭᠠᠵᠠᠷ ᠦᠵᠡᠬᠦ ᠶᠤᠮ ᠪᠠᠶᠢᠵᠠᠢ᠃ | ᠲᠡᠮᠦᠷᠬᠤᠶᠠᠭ ᠴᠤ ᠡᠵᠢ ᠠᠴᠠ ᠪᠠᠨ ᠰᠠᠯᠵᠤ ᠶᠠᠳᠠᠨ ᠨᠢᠯᠪᠤᠰᠤ ᠲᠠᠢ ᠨᠢᠳᠦ ᠪᠠᠷ ᠪᠠᠶᠢᠨ ᠪᠠᠶᠢᠨ ᠡᠷᠬᠢᠨ | ᠬᠠᠷᠠᠨᠠ᠃ ᠭᠡᠷ ᠤᠨ ᠡᠮᠦᠨᠠ ᠵᠤ ᠲᠡᠭᠡᠷᠡ ᠠᠴᠠ ᠰᠠᠴᠤᠯᠢ ᠡᠷᠭᠦᠨ ᠬᠦᠦ ᠪᠠᠨ ᠮᠤᠷᠳᠠᠭᠤᠯᠤᠭᠰᠠᠨ ᠡᠵᠢ ᠶᠢᠨ ᠪᠠᠷᠠ | ᠬᠠᠶᠠ ᠢᠯᠠ ᠭᠠᠷᠤᠨ᠂ ᠬᠠᠶᠠ ᠲᠠᠯᠳᠠ ᠤᠷᠤᠭᠰᠠᠭᠠᠷ᠂᠂᠂᠂ ᠭᠡᠰᠡᠨ ᠴᠤ ᠠᠪᠤ ᠶᠢᠨ ᠢᠶᠠᠨ᠄ ︽ᠡᠷᠡ ᠬᠦᠮᠦᠨ | ᠰᠢᠨᠳᠠᠰᠤ ᠬᠠᠳᠠᠭᠤ ᠶᠠᠪᠤᠳᠠᠭ ᠶᠤᠮ ᠰᠢᠤ︕︾ ᠭᠡᠰᠡᠨ ᠦᠭᠡ ᠶᠢ ᠨᠢ ᠰᠠᠨᠠᠵᠤ ᠴᠢᠳᠠᠨ ᠶᠠᠳᠠᠨ ᠨᠢᠯᠪᠤᠰᠤ ᠪᠠᠨ | ᠬᠤᠷᠢᠨᠠ᠃ ᠠᠪᠤ ᠶᠢᠨ ᠬᠢᠨᠢ ᠰᠢᠷᠦᠬᠦᠨ ᠬᠠᠷᠠᠴᠠ ᠲᠠᠢ ᠲᠦᠷᠯᠡᠭᠡᠷ ᠨᠢᠳᠦ ᠲᠡᠭᠦᠨ ᠢ ᠪᠢᠰᠢ ᠠᠯᠤᠰ ᠢ ᠰᠢᠷᠳᠡᠨ | ᠭᠠᠯᠬᠢᠭᠤᠯᠤᠨᠠ᠃ ᠲᠡᠷᠡ ᠠᠪᠤ ᠠᠴᠠ ᠪᠠᠨ ᠬᠤᠴᠤᠷᠤᠯ ᠦᠭᠡᠢ ᠮᠤᠷᠢ ᠪᠠᠨ ᠲᠠᠰᠢᠭᠤᠷᠳᠠᠨ ᠬᠦᠴᠦ ᠨᠡᠮᠡᠯᠡ᠃ ᠡᠷᠡ | ᠦᠰᠴᠦ ᠢᠰᠡᠭᠡᠢ ᠰᠤᠨᠳᠠᠭ ᠶᠤᠰᠤᠭᠠᠷ ᠪᠢᠴᠢᠬᠠᠨ ᠲᠡᠮᠦᠷᠬᠤᠶᠠᠭ ᠬᠠᠷᠠᠭᠠ ᠠᠯᠳᠠᠮᠠ ᠨᠤᠭᠤᠭᠠᠨ ᠲᠠᠯᠠ ᠶᠢᠨ ᠢᠶᠠᠨ | ᠦᠷᠦᠴᠡᠨ ᠳᠤ ᠬᠤᠷᠠᠭᠠ ᠢᠰᠢᠭᠡ᠂ ᠪᠢᠷᠠᠭᠤ ᠲᠤᠭᠤᠯ ᠲᠠᠢ ᠲᠤᠭᠯᠠᠭᠰᠠᠨ ᠪᠠᠯᠴᠢᠷ ᠦᠶᠡ ᠪᠠᠨ ᠤᠷᠬᠢᠨ ᠨᠠᠮᠤᠷ ᠤᠨ | ᠰᠢᠷᠠ ᠨᠠᠷᠠ ᠲᠤᠨᠤᠷᠠᠭᠰᠠᠨ ᠨᠠᠯᠠᠭᠠᠷ ᠰᠠᠶᠢᠬᠠᠨ ᠨᠠᠮᠤᠷ ᠤᠨ ᠡᠳᠦᠷ ᠢᠩᠬᠢᠵᠦ ᠯᠠ ᠡᠷᠳᠡᠮ ᠤᠨ ᠲᠦᠷᠦᠭᠡᠨ ᠳᠤ | ᠤᠮᠤᠭ ᠪᠠᠷᠳᠠᠮ ᠬᠢᠰᠬᠢᠯᠠ᠂᠂᠂᠂ | | | | ︵ᠳᠤᠰ ᠵᠤᠬᠢᠶᠠᠯ ᠡᠷᠳᠡᠨᠢᠳᠤᠭᠳᠠᠬᠤ ᠶᠢᠨ ᠮᠡᠨᠳᠦᠯᠡᠭᠰᠡᠨ ᠵᠠᠭᠤᠨ ᠵᠢᠯ ᠤᠨ ᠤᠢ ᠶᠢ ᠳᠤᠷᠠᠰᠬᠠᠬᠤ | ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ᠰᠤᠷᠤᠭᠴᠢᠳ ᠤᠨ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠠᠩᠬᠠ ᠳᠤᠮᠳᠠᠳᠤ ᠶᠢᠨ | ᠲᠤᠭᠤᠶᠢᠯᠠᠩ ᠤᠨ ᠭᠤᠷᠪᠠᠳᠤᠭᠠᠷ ᠪᠠᠶᠢᠷᠢᠨ ᠳᠤ ᠰᠢᠯᠭᠠᠷᠠᠪᠠ︶ | | |