| | | ᠮᠢᠨᠤ ᠠᠪᠠᠭᠠ ᠶᠢᠨ ᠬᠢ | | | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠪᠠᠷᠢᠭᠤ ᠳᠠᠬᠢ ᠮᠤᠩᠭᠤᠯ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠲᠠᠪᠤ᠂ ᠭᠤᠷᠪᠠ ᠠᠩᠬᠢ ᠶᠢᠨ ᠴᠢᠨᠳᠠᠭᠠᠨ | | | | ᠪᠢᠷᠠᠭᠤ ᠠᠴᠠ ᠮᠤᠷᠳᠠᠵᠥ᠂ ᠮᠤᠵᠢ ᠠᠯᠤᠰᠯᠠᠭᠰᠠᠨ ᠶᠡᠭᠡ ᠵᠠᠮ ᠢᠶᠠᠷ ᠵᠡᠬᠦᠨᠰᠢ ᠶᠠᠪᠤᠭᠰᠠᠭᠠᠷ ᠳ᠋ᠠᠪᠠᠨ | ᠪᠠᠯᠭᠠᠰᠤ ᠶᠢ ᠦᠩᠭᠡᠷᠡᠵᠥ ᠠᠷᠪᠠᠭᠠᠳ ᠺᠢᠯᠦᠮᠧᠲᠷ ᠶᠠᠪᠤᠪᠠᠯ ︽ᠭᠤᠷᠪᠠᠨ ᠬᠠᠷᠠ ᠠᠭᠤᠯᠠ︾ ᠶᠢ ᠲᠤᠰᠢᠵᠥ ︽ | ᠭᠤᠷᠭᠤᠤᠯᠳᠠᠢ ᠭᠤᠤᠯ︾ ᠢ ᠢᠰᠬᠦᠯᠤᠭ᠍ᠰᠡᠨ ᠲᠠᠩᠰᠤᠭ ᠰᠠᠶᠢᠬᠠᠨ ᠲᠠᠯᠠ ᠳᠡᠭᠡᠷᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠯᠠ | ᠲᠦᠭᠦᠷᠳᠡᠯᠡ ᠪᠡᠯᠴᠢᠵᠥ᠂ ᠬᠤᠸᠡᠷ ᠴᠡᠴᠡᠭ ᠦᠩᠭᠡ ᠪᠤᠯᠢᠶᠠᠯᠳᠤᠨ ᠲᠡᠯᠭᠡᠷᠡᠭᠡᠳ ᠬᠤᠷᠠ ᠪᠤᠷᠤᠭᠠᠨ ᠴᠠᠭ ᠴᠠᠭ ᠲᠤ | ᠪᠠᠨ ᠰᠢᠪᠡᠷᠡᠭᠰᠡᠨ ᠵᠢᠷᠤᠭ ᠰᠢᠭ᠋ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠨᠢᠳᠤᠨ ᠳᠤ ᠮᠢᠨᠢ ᠬᠠᠷᠠᠭᠳᠠᠬᠤ ᠪᠤᠯᠤᠨᠠ᠃ ᠡᠨᠡ ᠪᠤᠯ ᠮᠢᠨᠤ | ᠠᠪᠤ ᠶᠢᠨ ᠲᠦᠷᠤᠭ᠍ᠰᠡᠨ ᠨᠤᠳᠤᠭ ︽ᠶᠢᠰᠤᠨᠮᠤᠳᠤ ᠭᠠᠴᠠᠭᠠ︾ ᠶᠤᠮ᠃ ᠪᠢ ᠠᠮᠠᠷᠠᠯᠳᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠪᠠᠨ | ︽ᠶᠢᠰᠤᠨᠮᠤᠳᠤ︾ ᠳᠤ ᠪᠠᠶᠢᠭᠠ ᠠᠪᠠᠭᠠ ᠶᠢᠨ ᠳᠤ ᠪᠠᠨ ᠤᠴᠢᠵᠥ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠤᠳᠤᠭ ᠲᠡᠭᠡᠷᠡ ᠡᠷᠭᠡ | ᠲᠤᠷᠠ ᠪᠠᠷ ᠢᠶᠠᠨ ᠲᠤᠭᠯᠠᠳᠠᠭ᠃ ᠮᠢᠨᠤ ᠬᠠᠮᠤᠭ ᠲᠤᠭᠯᠠᠬᠤ ᠲᠤᠷᠠᠳᠠᠢ ᠨᠢ ᠮᠤᠩᠭᠤᠯ ᠭᠡᠷ ᠤᠨ ᠴᠢᠨᠡᠭᠡ ᠦᠨᠳᠤᠷ | ᠦᠨᠳᠤᠷ ᠱᠤᠪᠤᠭᠤᠷ ᠡᠷᠭᠢ ᠲᠠᠢ ᠨᠢᠭᠡᠨ ᠬᠡᠰᠡᠭ ᠮᠠᠩᠬᠠᠨ ᠭᠠᠵᠠᠷ ᠪᠤᠯᠤᠨᠠ᠃ ᠡᠯᠤᠨᠴᠡ ᠡᠪᠦᠭᠡ ᠶᠢᠨ ᠦᠶᠡ ᠳᠤ | ᠶᠢᠰᠤᠨᠮᠤᠳᠤ ᠭᠠᠴᠠᠭᠠ ᠨᠢ ᠪᠠᠭᠠᠷᠢᠨ ᠤ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠦᠩᠭᠡ ᠦᠵᠡᠮᠵᠢ ᠪᠦᠷᠢᠳᠤᠭ᠍ᠰᠡᠨ | ᠪᠠᠶᠠᠨ ᠭᠠᠴᠠᠭᠠ ᠶᠢᠨ ᠨᠢᠭᠡ ᠪᠠᠶᠢᠵᠥ ᠰᠡᠬᠦᠯ ᠳᠤ ᠪᠠᠨ ᠤᠯᠠᠨ ᠮᠠᠯ ᠤᠨ ᠬᠦᠯ ᠢᠶᠠᠷ ᠢᠳᠡᠭᠳᠡᠵᠥ ᠡᠶᠢᠮᠤᠷᠬᠦ ᠡᠷᠬᠢ | ᠪᠤᠢ ᠪᠤᠯᠪᠠ ᠬᠡᠵᠥ ᠠᠪᠤ ᠮᠢᠨᠢ ᠨᠠᠳᠠ ᠬᠡᠯᠡᠵᠥ ᠦᠭᠬᠦᠭᠰᠡᠨ ᠶᠤᠮ᠃ ᠡᠨᠡ ᠡᠷᠬᠢ ᠤᠳ ᠨᠢ ᠠᠰᠬᠠᠳᠤ ᠶᠢᠨ ᠴᠢᠯᠠᠭᠤ | ᠲᠠᠢ ᠨᠠᠯᠢᠶᠡᠳ ᠠᠳᠠᠯᠢ ᠪᠤᠯᠬᠤᠷ ᠪᠢ ︽ᠰᠢᠷᠤᠢ ᠶᠢᠨ ᠣᠢ︾ ᠬᠡᠵᠥ ᠨᠡᠷᠡᠯᠡᠪᠠ᠃ ᠠᠪᠠᠭᠠ ᠶᠢᠨ ᠬᠦᠤ ᠠᠨᠢᠷ ᠪᠢᠳᠡ | ᠬᠤᠶᠠᠭᠤᠯᠠ ︽ᠰᠢᠷᠤᠢ ᠶᠢᠨ ᠤᠢ︾ ᠲᠤᠮᠳᠠᠭᠤᠷ ᠨᠢᠭᠤᠯᠴᠠᠭᠠᠵᠥ᠂ ᠲᠠᠭᠤᠯᠴᠠᠭᠠᠵᠥ ᠪᠠᠰᠠ ᠺᠠᠯᠠ ︵ᠪᠠᠭᠠᠷᠢᠨᠴᠣᠳ | ᠬᠡᠰᠡᠭ ᠲᠠᠢ ᠰᠢᠷᠤᠢ ᠶᠢ ᠺᠠᠯᠠ ᠭᠡᠳᠡᠭ︶ ᠪᠠᠷ ᠨᠢ ᠴᠤᠬᠢᠯᠴᠠᠭᠠᠵᠥ ᠨᠠᠭᠠᠳᠬᠤ ᠪᠠ ᠡᠯᠳᠡᠪ ᠡᠰᠡᠨ ᠠᠮᠢᠳᠠᠨ᠂ ᠫᠤᠤ᠂ | ᠲᠡᠷᠭᠡ ᠵᠡᠷᠭᠡ ᠶᠢ ᠰᠡᠶᠢᠯᠵᠥ ᠨᠠᠭᠠᠳᠳᠠᠭ᠃ ᠵᠠᠷᠢᠮ ᠳᠤ ᠪᠠᠨ ᠬᠤᠷᠠᠭᠠ ᠢᠰᠢᠭᠡ ᠪᠠᠰᠠ ᠭᠦᠶᠦᠯᠳᠦᠨ ᠢᠷᠡᠵᠥ ᠡᠨᠡ | ᠡᠷᠬᠢᠨ ᠳᠡᠭᠡᠷᠡ ᠲᠤᠭᠯᠠᠬᠤ ᠳᠤ ᠪᠢ ᠪᠠᠭᠠ ᠠᠴᠠ ᠪᠠᠨ ᠠᠶᠤᠮᠠᠲᠠᠭᠠᠢ ᠪᠤᠯᠬᠤᠷ ᠬᠤᠷᠠᠭᠠ ᠢᠰᠢᠭᠡ ᠠᠴᠠ ᠨᠢ ᠴᠦ | ᠠᠶᠤᠳᠠᠭ᠃ ᠭᠡᠳᠡᠯᠠ ᠠᠨᠢᠷ ᠨᠠᠳᠠ ᠠᠴᠠ ᠬᠤᠶᠠᠷ ᠨᠠᠰᠤ ᠲᠠᠬᠦᠤ ᠪᠠᠶᠢᠳᠠᠯᠠ ᠪᠠᠨ ᠶᠠᠭᠤᠨ ᠠᠴᠠ ᠴᠦ ᠠᠶᠤᠬᠤ | ᠦᠭᠡᠢ ᠪᠢᠴᠢᠬᠠᠨ ᠲᠠᠰᠢᠭᠤᠷ ᠢᠶᠠᠨ ᠪᠠᠷᠢᠵᠥ ᠬᠤᠷᠠᠭᠠ ᠢᠰᠢᠭᠡ ᠶᠢ ᠭᠤᠳᠤᠶᠢᠳᠠᠯᠠ ᠬᠦᠭᠡᠭᠡᠵᠥ ᠶᠠᠪᠤᠭᠤᠯᠤᠭᠠᠳ | ᠨᠠᠮᠠ ᠶᠢ ᠬᠠᠷᠠᠭᠠᠳ ᠢᠨᠢᠶᠡᠬᠦ ᠨᠢ ᠶᠠᠭ ᠯᠠ ︽ᠮᠠᠯ ᠠᠴᠠ ᠪᠠᠨ ᠠᠶᠤᠭᠰᠠᠨ ᠮᠤᠩᠭᠤᠯ︾ ᠬᠡᠵᠥ ᠡᠯᠡᠭᠯᠡᠵᠥ | ᠲᠤᠭᠤᠬᠢᠯᠠᠵᠥ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠳᠠᠭ ᠶᠤᠮ᠃ | ᠬᠦᠳᠡᠭᠡ ᠨᠤᠳᠤᠭ ᠤᠨ ᠰᠠᠶᠢᠬᠠᠨ ᠪᠦᠭᠦᠳᠡ ᠳᠤ ᠪᠦᠪᠠᠶᠢᠯᠡᠭᠳᠡᠨ ᠲᠤᠭᠯᠠᠬᠤ ᠨᠢ ᠬᠡᠤᠭᠡᠳ ᠨᠠᠰᠤᠨ ᠤ ᠮᠢᠨᠢ | ᠬᠠᠮᠤᠭ ᠤᠨ ᠶᠡᠭᠡ ᠵᠢᠷᠭᠠᠯ ᠰᠢᠭ᠋ ᠨᠠᠳᠠ ᠪᠤᠳᠤᠭᠳᠠᠵᠥ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠲᠠᠰᠬᠠᠯ ᠲᠠᠭᠠᠭᠠᠯᠭᠠᠪᠤᠷᠢ ᠬᠡᠵᠥ ᠤᠶᠢᠯᠡ | ᠪᠠᠨ ᠦᠵᠡᠬᠦ ᠦᠭᠡᠢ ᠪᠠᠷ ᠬᠦᠳᠡᠭᠡ ᠨᠤᠳᠤᠭ ᠲᠤ ᠪᠠᠨ ᠨᠠᠭᠠᠳᠴᠥ ᠲᠤᠭᠯᠠᠭᠠᠳ ᠪᠠᠶᠢᠪᠠᠯ ᠶᠠᠮᠠᠷ ᠭᠤᠶᠤ ᠪᠤᠢ ᠬᠡᠵᠥ | ᠪᠢ ᠦᠷᠬᠦᠯᠵᠢ ᠪᠤᠳᠤᠳᠠᠭ ᠪᠠᠶᠢᠪᠠ᠃ | ᠡᠨᠡ ᠵᠤᠨ ᠤ ᠠᠮᠠᠷᠠᠯᠳᠠ ᠳᠤ ᠪᠢ ᠠᠪᠠᠭᠠ ᠶᠢᠨ ᠳᠤ ᠪᠠᠨ ᠤᠴᠢᠬᠤ ᠳᠤ ᠠᠪᠠᠭᠠ ᠶᠢᠨ ᠬᠢ ᠮᠠᠰᠢ ᠶᠡᠭᠡ | ᠬᠤᠪᠢᠷᠠᠯᠳᠠ ᠭᠠᠷᠤᠭᠰᠠᠨ ᠪᠠᠶᠢᠯᠠ᠃ ᠠᠨᠢᠷ ᠨᠠᠢᠮᠠᠨ ᠨᠠᠰᠤ ᠲᠠᠢ ᠪᠤᠯᠤᠭᠰᠠᠨ ᠠᠴᠠ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠯᠭᠠᠬᠤ | ᠶᠢᠨ ᠲᠦᠯᠤᠬᠡ ᠲᠡᠳᠡ ᠳ᠋ᠠᠪᠠᠨ ᠪᠠᠯᠭᠠᠰᠤᠨ ᠳᠤ ᠨᠠᠬᠦᠵᠥ ᠢᠷᠡᠭᠡᠳ ᠨᠢᠭᠡ ᠨᠤᠷᠠᠮᠠᠷ ᠪᠤᠯᠤᠭᠰᠠᠨ ᠮᠠᠭᠤ ᠪᠠᠶᠢᠰᠢᠩ ᠭᠡᠷ | ᠲᠦᠷᠢᠶᠡᠰᠤᠯᠠᠵᠥ ᠰᠠᠭᠤᠭᠰᠠᠨ ᠪᠠᠶᠢᠯᠠ᠃ ᠮᠢᠨᠤ ᠠᠪᠠᠭᠠ ᠡᠵᠢ ᠶᠢᠰᠤᠨᠮᠤᠳᠤ ᠳᠤ ᠮᠠᠯ ᠢ ᠬᠠᠰᠢᠶᠠᠯᠠᠵᠥ ᠲᠠᠵᠢᠭᠡᠬᠦ | ᠪᠤᠯᠤᠭᠰᠠᠨ ᠠᠴᠠ ᠠᠮᠢᠳᠤᠷᠠᠯ ᠤᠨ ᠬᠦᠴᠢᠷ ᠢ ᠲᠠᠭᠠᠭᠠᠯ ᠦᠭᠡᠢ ᠬᠢᠳᠠᠳ ᠲᠠᠢ ᠲᠠᠷᠢᠶᠠ ᠲᠠᠷᠢᠵᠥ ᠠᠮᠢᠳᠤᠷᠠᠬᠤ ᠪᠠᠷ | ᠠᠨᠢᠷ᠂ ᠠᠪᠠᠭᠠ ᠪᠠ ᠡᠮᠡᠭᠡ ᠭᠤᠷᠪᠠᠭᠤᠯᠠ ᠶᠢ ᠬᠠᠶᠠᠭᠠᠳ ᠶᠠᠪᠤᠴᠢᠬᠠᠵᠠᠢ ᠬᠡᠨᠡ᠃ ᠠᠪᠠᠭᠠ ᠮᠢᠨᠢ ᠤᠳᠤ ᠰᠢᠪᠠᠷ | ᠪᠠᠷᠢᠯᠭᠠ ᠶᠢᠨ ᠠᠵᠢᠯ ᠬᠢᠵᠥ ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠨᠠ᠃ ᠪᠢ ᠠᠪᠠᠭᠠ ᠠᠴᠠ ︽ᠶᠢᠰᠤᠨᠮᠤᠳᠤ ᠳᠤ ᠪᠠᠨ | ᠰᠠᠭᠤᠭᠰᠠᠨ ᠪᠤᠯ ᠶᠠᠮᠠᠷ ᠭᠤᠶᠤ ᠪᠤᠢ︖︾ ᠬᠡᠬᠦ ᠳᠤ᠄ ︽ᠠᠢ︕ ᠶᠢᠰᠤᠨᠮᠤᠳᠤ ᠤᠤᠯ ᠤᠨ ᠬᠢ ᠲᠠᠢ ᠪᠠᠨ ᠠᠳᠠᠯᠢ | ᠦᠭᠡᠢ ᠪᠤᠯᠤᠭᠰᠠᠨ᠂ ᠤᠴᠢᠷ ᠨᠢ ᠪᠠᠶᠢᠭᠠᠯᠢ ᠶᠢᠨ ᠭᠠᠩ ᠭᠠᠮᠰᠢᠭ ᠬᠦᠮᠤᠰ ᠤᠨ ᠵᠦᠢ ᠵᠤᠬᠢᠰ ᠦᠭᠡᠢ ᠠᠰᠢᠭᠯᠠᠭᠰᠠᠨ | ᠠᠴᠠ ᠡᠪᠡᠰᠤᠨ ᠤ ᠤᠷᠭᠤᠯᠳᠠ ᠮᠠᠭᠤᠳᠠᠵᠥ᠂ ᠮᠠᠯ ᠢ ᠪᠦᠬᠦᠯᠢ ᠵᠢᠯ ᠢᠶᠠᠷ ᠬᠠᠰᠢᠶᠠᠯᠠᠵᠥ ᠵᠠᠷᠤᠯᠭᠠ ᠨᠠᠮᠡᠭᠳᠡᠭᠰᠡᠨ ᠠᠴᠠ | ᠮᠠᠯᠴᠢᠳ ᠠᠮᠢᠳᠤᠷᠠᠬᠤ ᠠᠷᠭᠠ ᠦᠭᠡᠢ ᠪᠤᠯᠵᠥ ᠭᠠᠳᠠᠭᠰᠢ ᠬᠦᠯᠤᠰᠤᠨ ᠠᠵᠢᠯ ᠬᠢᠬᠦ ᠪᠠᠷ ᠭᠠᠷᠤᠭᠰᠠᠨ ᠪᠠ ᠵᠠᠷᠢᠮ ᠨᠢ | ᠬᠡᠤᠬᠡᠳ ᠢᠶᠠᠨ ᠪᠢᠴᠢᠭ ᠦᠵᠡᠬᠦᠯᠬᠦ ᠪᠠᠷ ᠬᠤᠳᠠ ᠳᠤ ᠤᠷᠤᠭᠰᠠᠨ ᠠᠴᠠ ᠶᠢᠰᠤᠨᠮᠤᠳᠤ ᠳᠤ ᠬᠦᠮᠤᠨ ᠠᠮᠢᠳᠠᠨ ᠤ | ᠪᠠᠷᠠ ᠴᠦᠭᠡᠷᠡᠵᠥ ᠵᠠᠷᠢᠮ ᠠᠶᠢᠯ ᠤᠨ ᠡᠬᠦᠳᠡ ᠴᠤᠩᠬᠤ ᠨᠢ ᠰᠠᠯᠬᠢᠨ ᠳᠤ ᠰᠠᠪᠠᠯᠠᠬᠤ ᠨᠢ ᠶᠠᠭ ᠯᠠ ᠲᠧᠯᠸᠢᠰ ᠳᠡᠭᠡᠷᠡ | ᠭᠠᠷᠳᠠᠭ ︿ᠴᠢᠳᠬᠦᠷ ᠤᠨ ᠲᠤᠰᠬᠤᠨ﹀ ᠰᠢᠭ᠋ ᠵᠢᠬᠡᠬᠦᠦ ᠬᠦᠷᠦᠭᠦᠯᠳᠡᠭ ᠭᠡᠵᠥ ᠠᠪᠠᠭᠠ ᠮᠢᠨᠢ ᠰᠠᠨᠠᠭᠠ ᠠᠯᠳᠠᠨ | ᠶᠠᠷᠢᠵᠥ ᠪᠢᠯᠡ᠃ | ᠪᠢ ᠡᠨᠡ ᠵᠤᠨ ᠤ ᠠᠮᠠᠷᠠᠯᠳᠠ ᠳᠤ ᠠᠪᠠᠭᠠ ᠶᠢᠨ ᠳᠤ ᠪᠠᠨ ᠤᠴᠢᠭᠠᠳ ᠲᠠᠮᠡᠢ ᠪᠠᠶᠠᠷ ᠬᠦᠷ ᠲᠠᠢ ᠨᠠᠭᠠᠳᠴᠥ | ᠴᠢᠳᠠᠭᠰᠠᠨ ᠦᠭᠡᠢ᠃ | | | ︵ᠳᠤᠰ ᠵᠤᠬᠢᠶᠠᠯ ᠡᠷᠳᠡᠨᠢᠳᠤᠭᠳᠠᠬᠤ ᠶᠢᠨ ᠮᠡᠨᠳᠦᠯᠡᠭᠰᠡᠨᠵᠠᠭᠤᠨ ᠵᠢᠯ ᠤᠨ ᠤᠢ ᠶᠢ ᠳᠤᠷᠠᠰᠬᠠᠬᠤ ᠬᠡᠰᠢᠭᠲᠡᠨ | ᠬᠤᠰᠢᠭᠤᠨ ᠤ ᠰᠤᠷᠤᠭᠴᠢᠳ ᠤᠨ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠳᠤᠭᠤᠶᠢᠯᠠᠩ ᠤᠨ ᠳᠡᠳ᠋ ᠪᠠᠶᠢᠷᠢᠨ ᠳᠤ ᠰᠢᠯᠭᠠᠷᠠᠪᠠ︶ | | | | | | | | | |