| | ᠡᠨᠡ ᠦᠭᠡ ᠠᠴᠠ ᠪᠠᠨ ᠪᠤᠯᠵᠤ | ᠡᠵᠢ ᠳᠡᠭᠡᠨ ᠪᠢᠰᠢᠭᠦᠢ ᠯᠡ ᠵᠢᠮᠡᠯᠡᠭᠦᠯᠵᠦ ᠦᠰᠦᠯᠠ | ᠡᠯᠵᠢᠭᠡ ᠰᠢᠭ ᠵᠦᠷᠢᠭᠦᠳ ᠢᠶᠠᠷ ᠢᠶᠠᠨ | ᠬᠤᠨᠢ ᠰᠢᠭ᠋ ᠨᠤᠮᠤᠬᠠᠨ ᠠᠮᠢᠲᠠᠳ ᠲᠤ ᠳᠠᠭᠤᠳᠠᠭᠤᠯᠵᠤ | ᠲᠢᠭ ᠲᠠᠢ ᠲᠢᠭ ᠦᠭᠡᠢ ᠠᠯᠳᠠᠭᠠᠨ ᠤ ᠪᠠᠨ ᠡᠮᠦᠨᠡ ᠠᠴᠠ | ᠲᠡᠷ ᠬᠢᠲᠡᠯᠡ᠂ ᠴᠡᠷᠢᠭ ᠰᠢᠭ ᠪᠤᠰᠬᠠᠳᠠᠭ | ᠭᠠᠭᠴᠠ ᠵᠠᠩᠵᠤᠨ ᠦᠭᠡ ᠪᠠᠨ | ᠭᠠᠷᠴᠠᠭᠠ ᠦᠭᠡᠢ ᠣᠳᠣ ᠴᠦ ᠬᠡᠯᠡᠨᠡ ᠪᠢ | ᠶᠠᠭᠠᠬᠢᠳᠠᠭ ᠶᠤᠮ︕ | ᠵᠠᠭᠤ ᠲᠠᠲᠠᠵᠤ᠂ ᠳᠠᠭᠤᠤ ᠳᠠᠭᠤᠯᠠᠬᠤ ᠶᠢᠨ ᠡᠮᠦᠨᠡ | ᠵᠠᠭᠤ ᠵᠠᠭᠤᠨ ᠨᠢᠳᠦᠨ ᠤ ᠡᠮᠦᠨᠡ ᠰᠢᠯᠦᠭ ᠢᠶᠠᠨ ᠤᠩᠰᠢᠬᠤ ᠶᠢᠨ ᠡᠮᠦᠨᠡ | ᠳᠠᠷᠠᠰᠤ ᠰᠢᠭ᠋ ᠬᠥᠭᠡᠰᠦᠷᠡᠭᠰᠡᠨ ᠳᠤᠷᠠᠯᠠᠯ ᠳᠤ ᠵᠢᠷᠦᠬᠡ ᠪᠠᠨ ᠵᠢᠪᠦᠭᠦᠯᠵᠦ | ᠳᠠᠷᠠᠭᠠ ᠨᠢ ᠬᠡᠷᠡᠭ ᠦᠭᠡᠢ ᠶᠤᠮ ᠰᠢᠭ ᠤᠷᠠᠵᠤ ᠵᠤᠷᠠᠵᠤ ᠶᠠᠪᠤᠬᠤ ᠳᠠᠭᠠᠨ | ᠳᠠᠩᠳᠠ ᠢᠯᠠᠬᠤ ᠦᠭᠡᠢ ᠠᠮᠢᠳᠤᠷᠠᠯ ᠤᠨ ᠶᠡᠭᠡ ᠲᠤᠯᠤᠭᠠᠨ ᠳᠤ | ᠳᠠᠶᠢᠰᠤᠨ ᠢᠶᠠᠨ ᠦᠷᠦ ᠡᠪᠡᠳᠦᠭᠡᠳ ᠬᠠᠯᠠᠭᠠᠯᠠᠵᠤ ᠰᠠᠭᠤᠬᠤ ᠳᠠᠭᠠᠨ ᠴᠦ | ᠶᠠᠭᠠᠬᠢᠳᠠᠭ ᠶᠤᠮ︕ ᠭᠡᠳᠡᠭ ᠡᠨᠡ ᠯᠡ ᠦᠭᠡ ᠪᠠᠷ ᠢᠶᠠᠨ | ᠢᠯᠠᠵᠤ ᠶᠠᠪᠤᠭᠠ ᠶᠤᠮ ᠪᠢ | ᠶᠠᠭᠠᠬᠢᠳᠠᠭ ᠶᠤᠮ︕ | ᠡᠨᠡ ᠦᠭᠡ ᠨᠠᠮᠠ ᠶᠢ | ᠡᠮᠨᠡᠯᠭᠡ ᠶᠢᠨ ᠬᠥᠰᠢᠩᠭᠢ ᠤᠷᠤᠨ ᠳᠡᠭᠡᠷᠡ ᠠᠴᠠ | ᠭᠠᠶᠢᠬᠠᠭᠰᠠᠨ ᠡᠮᠴᠢ ᠨᠠᠷ ᠤᠨ ᠨᠢᠳᠦᠨ ᠳᠡᠭᠡᠷᠡ | ᠭᠠᠷ ᠠᠴᠠ ᠮᠢᠨᠢ ᠰᠤᠭᠤ ᠲᠠᠲᠠᠵᠤ ᠪᠤᠰᠬᠠᠭᠰᠠᠨ ᠶᠤᠮ | ᠵᠥᠭᠡᠯᠡᠨ ᠵᠥᠭᠡᠯᠡᠨ ᠶᠠᠪᠤᠭᠰᠠᠭᠠᠷ ᠠᠲᠠᠯᠠ | ᠵᠥᠷᠢᠭᠦᠯᠡᠭᠡᠳ ᠡᠯᠡᠭᠳᠡᠭᠰᠡᠨ ᠬᠤᠷᠸᠠ ᠤᠷᠤᠭᠤ | ᠵᠥᠷᠢᠭᠦᠳ ᠳᠡᠷᠰᠬᠡᠨ ᠠᠭᠠᠰᠢ ᠪᠠᠷ ᠢᠶᠠᠨ | ᠶᠠᠭᠠᠬᠢᠳᠠᠭ ᠶᠤᠮ︕ ᠭᠡᠵᠦ ᠪᠢ ᠬᠠᠰᠬᠢᠷᠤᠭᠰᠠᠨ ᠶᠤᠮ | ᠳᠡᠯᠡᠬᠡᠢ ᠳᠠᠶᠢᠪᠠᠯᠵᠠᠨ᠂ ᠭᠠᠵᠠᠷ ᠡᠷᠢᠶᠡᠯᠵᠡᠵᠦ | ᠳᠡᠨᠵᠢᠭᠡᠨᠡᠨ ᠨᠤᠮᠤᠷᠴᠤ᠂ ᠬᠥᠯ ᠳᠡᠭᠡᠷᠡ ᠪᠠᠨ ᠪᠤᠰᠬᠤ ᠳᠤ ᠮᠢᠨᠢ | ᠳᠡᠷᠭᠡᠳᠡ ᠡᠨᠡ ᠦᠭᠡ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠭᠦᠶᠦᠵᠦ ᠢᠷᠡᠭᠡᠳ | ᠳᠠᠮᠨᠠᠨ ᠲᠦᠰᠢᠵᠦ᠂ ᠲᠠᠶᠠᠭ ᠮᠡᠲᠦ ᠲᠤᠯᠤᠭᠰᠠᠨ ᠶᠤᠮ︕ | ᠭᠠᠩᠭᠠᠩ ᠢᠷᠠᠭᠤ ᠨᠠᠶᠢᠷᠠᠭ ᠲᠤᠨᠢ ᠰᠡᠩᠬᠡᠷᠡᠳᠡᠭ ᠪᠠᠶᠢᠲᠤᠭᠠᠢ | ᠭᠠᠭᠴᠠ ᠶᠠᠷᠢᠳᠠᠭ ᠦᠭᠡᠨ ᠳᠤᠨᠢ ᠲᠡᠩᠬᠡᠷᠡᠳᠡᠭ ᠡᠬᠡ ᠬᠡᠯᠡ ᠮᠢᠨᠢ︕ | ᠢᠩᠭᠡᠨ ᠢᠷᠠᠭᠤ ᠡᠭᠡᠰᠢᠭ ᠠᠴᠠ ᠨᠢ ᠪᠣᠲᠤᠭᠤ ᠰᠢᠭ᠋ ᠮᠢᠨᠦ ᠤᠶᠠᠭᠠ ᠲᠠᠢ | ᠢᠵᠢᠢ ᠡᠬᠡ ᠬᠡᠯᠡ ᠲᠠᠢ ᠪᠠᠨ ᠪᠠᠶᠢᠬᠤ ᠳᠤ ᠪᠢ᠂ ᠶᠠᠭᠠᠬᠢᠵᠤ ᠴᠦ ᠶᠠᠪᠤᠭᠰᠠᠨ | ᠶᠠᠭᠠᠬᠢᠳᠠᠭ ᠶᠤᠮ︕ |