| ᠳ᠋᠊᠂ ᠬᠤᠪᠢᠰᠬᠠᠯᠲᠤ | | | ᠠᠮᠤᠭᠤᠯᠠᠩ ᠨᠤᠲᠤᠭ ᠤᠨ ᠢᠶᠠᠨ | ᠬᠡᠶᠢᠮᠦᠷᠢ ᠡᠷᠭᠦᠵᠦ ᠦᠰᠦᠭᠰᠡᠨ ᠶᠤᠮ ᠪᠤᠯᠬᠤᠷ | ᠨᠠᠮᠤᠷ ᠲᠠᠭᠠᠨ ᠪᠢ ᠦᠵᠡᠰᠬᠦᠯᠡᠩ | ᠤᠮᠤᠭᠯᠠᠩ ᠬᠦᠯᠦᠭ ᠤᠨ ᠢᠶᠠᠨ | ᠬᠤᠷ ᠳᠡᠯ ᠳᠡᠭᠡᠭᠦᠷ ᠰᠠᠯᠬᠢ ᠲᠠᠭᠠᠯᠠᠨ ᠲᠤᠷᠨᠢᠭᠰᠠᠨ ᠶᠤᠮ ᠪᠤᠯᠬᠤᠷ | ᠨᠠᠮᠤᠷ ᠲᠠᠭᠠᠨ ᠪᠢ ᠪᠠᠶᠠᠰᠬᠤᠯᠠᠩ | ᠳᠤᠮᠤᠭ ᠤᠨ ᠬᠦᠬᠡ ᠠᠭᠤᠯᠠ ᠲᠠᠢ ᠪᠠᠨ | ᠡᠳᠦᠷᠵᠢᠨ ᠶᠠᠷᠢᠵᠦ ᠰᠠᠭᠤᠳᠠᠭ ᠶᠤᠮ ᠪᠤᠯᠬᠤᠷ | ᠨᠠᠮᠤᠷ ᠲᠠᠭᠠᠨ ᠪᠢ ᠰᠤᠨᠤᠰᠬᠤᠯᠠᠩ | ᠤᠳᠤ ᠲᠠᠢ ᠬᠦᠬᠡ ᠲᠡᠭᠷᠢ ᠲᠠᠢ ᠪᠠᠨ | ᠰᠦᠨᠢᠵᠢᠨ ᠱᠤᠯᠤᠭᠤᠨᠠᠵᠤ ᠬᠤᠨᠤᠳᠠᠭ ᠶᠤᠮ ᠪᠤᠯᠬᠤᠷ | ᠨᠠᠮᠤᠷ ᠲᠠᠭᠠᠨ ᠪᠢ ᠵᠢᠷᠭᠠᠯᠠᠩ | ᠰᠠᠯᠬᠢ ᠨᠢ ᠤᠶᠠᠩᠭᠠ ᠪᠠᠷ ᠡᠭᠡᠰᠢᠭᠯᠡᠵᠦ | ᠡᠪᠡᠰᠦᠨ ᠲᠤᠯᠤᠭᠠᠢ ᠨᠠᠶᠢᠭᠤᠬᠤ ᠪᠠᠷ | ᠤᠷᠤᠭ ᠤᠨ ᠤᠷᠤᠭ ᠡᠷᠢᠭᠳᠡᠨᠡ | ᠰᠠᠶᠢᠷᠢᠬᠢ ᠨᠢ ᠤᠭᠠᠯᠵᠠ ᠪᠠᠷ ᠠᠷᠯᠠᠵᠤ | ᠮᠦᠩᠭᠦᠨ ᠬᠠᠶᠢᠯ ᠮᠡᠯᠲᠡᠭᠡᠨᠡᠬᠦ ᠪᠠᠷ | ᠤᠰᠤᠨ ᠤ ᠰᠢᠪᠠᠭᠤᠳ ᠪᠤᠴᠠᠨᠠ | ᠨᠠᠷᠠ ᠨᠢ ᠭᠠᠯ ᠢᠶᠠᠷ ᠲᠦᠭᠡᠨᠡᠵᠦ | ᠡᠪᠦᠭᠡᠳ ᠤᠨ ᠨᠢᠷᠤᠭᠤ ᠲᠡᠨ᠋ᠶᠢᠬᠦ ᠪᠠᠷ | ᠠᠭᠤᠯᠠᠰ ᠤᠨ ᠤᠷᠤᠢ ᠰᠢᠷᠭᠠᠯᠳᠤᠨᠠ | ᠨᠠᠶᠢᠷᠠᠭ ᠠᠶᠢᠷᠠᠭ ᠨᠢ ᠬᠦᠭᠡᠰᠦᠷᠴᠦ | ᠡᠮᠡᠭᠡᠳ ᠤᠨ ᠬᠠᠭᠤᠴᠢ ᠦᠷᠭᠦᠯᠵᠢᠯᠡᠬᠦ ᠪᠠᠷ | ᠡᠭᠦᠯᠡᠰ ᠤᠨ ᠰᠡᠵᠢᠭᠦᠷ ᠰᠢᠵᠢᠷᠳᠦᠨᠡ | ᠨᠡᠭᠦᠳᠡᠯ ᠤᠨ ᠲᠤᠭᠤᠰᠤ ᠲᠠᠢ ᠨᠠᠮᠤᠷᠵᠢᠶᠠ | ᠦᠨᠢ ᠶᠢᠨ ᠲᠤᠤᠯᠢ ᠲᠠᠢ ᠨᠠᠯᠠᠭᠠᠷᠬᠠᠨ | ᠨᠡᠭᠦᠴᠡ ᠶᠢᠨ ᠪᠤᠯᠠᠭ ᠤᠨ ᠰᠢᠪᠠᠭᠤᠬᠠᠢ | ᠵᠡᠭᠦᠳᠦᠨ ᠴᠡᠩᠬᠡᠷ ᠠᠶᠠᠯᠭᠤᠨ | ᠳᠠᠭᠤᠤ ᠳᠠᠭᠤᠨ ᠤ ᠰᠢᠷᠤᠩᠬᠠᠢ — ᠨᠠᠮᠤᠷ ᠤᠨ ᠦᠷᠯᠦᠭᠡ | ᠰᠦᠷᠦᠭ ᠢᠶᠠᠷ ᠨᠠᠯᠤᠶᠢᠵᠤ ᠬᠤᠩᠭᠤᠷᠳᠠᠨᠠ | ᠳᠤᠷᠠᠰᠤᠯ ᠳᠤᠷᠠᠯᠠᠯ ᠤᠨ ᠪᠦᠮᠪᠦᠷᠡᠢ — ᠨᠠᠮᠤᠷ ᠤᠨ ᠦᠳᠡᠰᠢ | ᠤᠳᠤᠳ ᠲᠤᠭᠠᠯᠠᠵᠤ ᠭᠤᠩᠬᠠᠨᠠ | ᠰᠦᠨ ᠤ ᠦᠨᠦᠷ ᠲᠠᠢ ᠰᠠᠯᠬᠢ ᠪᠠᠷ ᠨᠢ | ᠰᠡᠳᠬᠢᠯ ᠢᠲᠡᠭᠡᠯ ᠢᠶᠠᠨ ᠠᠷᠭᠠᠳᠠᠵᠤ | ᠰᠦᠯ ᠤᠨ ᠦᠩᠭᠡ ᠲᠠᠢ ᠴᠢᠯᠠᠭᠤᠳ ᠢᠶᠠᠷ ᠨᠢ | ᠰᠦᠯᠳᠡ ᠤᠪᠤᠭᠠ ᠪᠠᠨ ᠪᠤᠮᠪᠤᠯᠠᠭᠰᠠᠨ | ᠨᠠᠮᠤᠷᠵᠢᠶᠠ ᠵᠦᠭ ᠢᠶᠠᠨ ᠨᠡᠭᠦᠨᠡ | ᠨᠠᠷᠠᠨ ᠠᠴᠠ ᠤᠶᠢᠷᠠᠬᠠᠨ ᠨᠡᠭᠦᠨᠡ | ᠡᠮᠦᠨᠡ ᠰᠢᠯᠢ ᠶᠢᠨ ᠴᠠᠭᠠᠨᠠᠬᠠᠨ | ᠬᠠᠳᠤᠯᠠᠩ ᠤᠨ ᠵᠠᠬᠠ ᠠᠴᠠ ᠨᠡᠭᠦᠨᠡ | ᠦᠷᠭᠡᠨ ᠵᠢᠷᠢ ᠶᠢᠨ ᠨᠠᠭᠠᠨᠠᠬᠠᠨ | ᠬᠠᠷᠠᠵᠠ ᠪᠤᠯᠠᠭ ᠠᠴᠠ ᠨᠡᠭᠦᠨᠡ | ᠬᠦᠳᠡᠭᠡ ᠭᠤᠪᠢ ᠶᠢᠨ ᠵᠠᠭᠠᠨ — | ᠬᠦᠯᠦᠭ ᠮᠤᠷᠢ ᠲᠠᠢ ᠪᠠᠨ ᠨᠡᠭᠦᠨᠡ | ᠬᠦᠳᠦᠰᠦᠨ ᠳᠡᠪᠡᠯ ᠲᠠᠢ ᠬᠠᠭᠠᠨ | ᠬᠦᠵᠢ ᠳᠡᠯᠡᠬᠡᠢ ᠲᠠᠢ ᠪᠠᠨ ᠨᠡᠭᠦᠨᠡ | ᠤᠰᠤᠨ ᠲᠡᠶᠢᠯᠤᠤ ᠲᠠᠢ ᠮᠤᠳᠤᠨ ᠲᠡᠷᠭᠡ | ᠴᠦᠷᠭᠦᠯᠡᠭᠡ ᠲᠠᠢ ᠪᠠᠨ ᠨᠡᠭᠦᠨᠡ | ᠤᠷᠢᠲᠠᠢ ᠠᠶᠢᠯ ᠤᠨ ᠵᠢᠭᠠᠬᠠᠨ ᠤᠶᠤᠬᠠᠢ | ᠪᠤᠯᠵᠤᠭᠠ ᠲᠠᠢ ᠪᠠᠨ ᠨᠡᠭᠦᠨᠡ | ᠦᠦᠷ ᠢᠶᠠᠷ ᠠᠴᠢᠭᠰᠠᠨ ᠬᠦᠰᠬᠡ | ᠡᠭᠦᠯᠡ ᠰᠢᠭ ᠢᠶᠠᠨ ᠨᠡᠭᠦᠨᠡ | ᠦᠨᠳᠦᠷ ᠬᠦᠲᠦᠯ ᠢ ᠳᠠᠪᠠᠨ | ᠦᠦᠬᠡ ᠲᠡᠦᠬᠡ ᠲᠠᠢ ᠪᠠᠨ ᠨᠡᠭᠦᠨᠡ | ᠨᠡᠭᠦᠳᠡᠯ ᠤᠨ ᠲᠤᠭᠤᠰᠤ ᠲᠠᠢ ᠨᠠᠮᠤᠷᠵᠢᠶᠠ | ᠦᠨᠢ ᠶᠢᠨ ᠲᠤᠤᠯᠢ ᠲᠠᠢ ᠨᠠᠯᠠᠭᠠᠷᠬᠠᠨ | ᠨᠡᠭᠦᠴᠡ ᠶᠢᠨ ᠪᠤᠯᠠᠭ ᠤᠨ ᠰᠢᠪᠠᠭᠤᠬᠠᠢ | ᠵᠡᠭᠦᠳᠦᠨ ᠴᠡᠩᠬᠡᠷ ᠠᠶᠠᠯᠭᠤᠨ | ᠨᠡᠭᠦᠨᠡ ᠡ — ᠨᠡᠭᠦᠳᠡᠯ ᠳᠠᠭᠠᠵᠤ ᠨᠢᠯᠬᠠᠷᠠᠳᠠᠭ | ᠪᠤᠳᠤᠯ ᠤᠨ ᠪᠤᠷᠤ ᠵᠢᠷᠤᠭ ᠨᠡᠭᠦᠨᠡ᠂ ᠨᠡᠭᠦᠨᠡ | ︵ᠤᠤᠬᠠᠢ — | ᠤᠨᠢᠶᠠᠷᠲᠤᠨ ᠬᠦᠬᠡᠷᠡᠬᠦ ᠠᠭᠤᠯᠠᠰ ᠤᠨ ᠪᠡᠯ ᠢᠶᠠᠷ | ᠨᠡᠭᠦᠳᠡᠯ ᠨᠠᠰᠢᠯᠠᠨᠠ︕ | ᠬᠦᠦᠭ — ᠴᠦᠬᠦ︶ |