| | ᠱ᠊᠂ ᠴᠢᠯᠠᠭᠤᠨᠪᠠᠭᠠᠲᠤᠷ | | ᠬᠠᠯᠢᠭᠤᠨ ᠰᠠᠯᠬᠢᠨ ᠳᠤ ᠰᠠᠮᠨᠠᠭᠤᠯᠤᠨ | ᠬᠠᠷᠠᠬᠠᠨ ᠭᠡᠵᠢᠭᠡ ᠪᠠᠨ ᠰᠤᠯᠠ ᠲᠠᠯᠪᠢᠭᠠᠴᠢ ᠴᠢ ᠮᠢᠨᠢ | ᠬᠤᠩᠭᠤᠷ ᠵᠢᠷᠦᠬᠡᠨ ᠤ ᠳᠤᠭᠳᠤᠯᠤᠯ ᠳᠤ ᠤᠶᠠᠷᠠᠭᠤᠯᠵᠤ | ᠬᠠᠶᠢᠷᠠ ᠶᠢᠨ ᠬᠠᠷᠠᠴᠠᠨ ᠳᠤ ᠵᠠᠳᠠᠷᠠᠭᠤᠯᠵᠤ ᠲᠠᠯᠪᠢᠭᠠᠴᠢ | ᠴᠡᠯᠮᠡᠭᠦᠨ ᠰᠠᠯᠬᠢᠨ ᠤ ᠵᠦᠭᠡᠯᠡᠬᠡᠨ ᠢᠯᠪᠢᠭᠡ ᠪᠠᠷ | ᠴᠠᠶᠢᠯᠭᠠᠨ ᠰᠡᠳᠬᠢᠯ ᠤᠨ ᠪᠦᠷᠢᠯᠸᠠ ᠪᠤᠯᠤᠭᠠᠴᠢ | ᠴᠠᠭ ᠤᠨ ᠤᠷᠤᠰᠬᠠᠯ ᠢ ᠳᠠᠷᠬᠠᠯᠠᠨ ᠮᠡᠳᠡᠭᠡᠯᠡᠭᠰᠡᠨ | ᠴᠡᠴᠡᠭ ᠤᠨ ᠤᠶᠠᠬᠠᠨ ᠮᠦᠰᠢᠶᠡᠯ ᠪᠤᠯᠤᠭᠠᠴᠢ | ᠤᠰᠤᠨ ᠤ ᠰᠢᠪᠠᠭᠤᠳ ᠳᠤᠷᠠᠯᠠᠯ ᠵᠠᠭᠤᠵᠤ | ᠠᠭᠤᠯᠠ ᠶᠢᠨ ᠴᠠᠭᠠᠨᠠ ᠬᠠᠯᠢᠨ ᠳᠡᠭᠦᠯᠢᠬᠦ ᠳᠤ | ᠤᠷᠢᠬᠠᠨ ᠰᠠᠯᠬᠢᠨ ᠳᠤ ᠳᠡᠷᠪᠡᠭᠦᠯᠦᠨ ᠪᠠᠶᠢᠵᠤ | ᠤᠷᠲᠤᠬᠠᠨ ᠭᠡᠵᠢᠭᠡ ᠪᠠᠨ ᠰᠤᠯᠠ ᠲᠠᠯᠪᠢᠭᠠᠴᠢ | ᠦᠳᠡᠰᠢ ᠶᠢᠨ ᠴᠢᠯᠦᠭᠡᠨ ᠳᠤ ᠰᠢᠪᠠᠨᠠᠬᠦ | ᠦᠨᠡᠨᠴᠢᠬᠡᠨ ᠬᠠᠶᠢᠷᠠᠯᠠᠯ ᠳᠤ ᠪᠦᠪᠡᠶᠢᠯᠡᠭᠳᠡᠬᠦ | ᠤᠭᠲᠠᠷᠭᠤᠢ ᠶᠢᠨ ᠰᠠᠯᠬᠢᠨ ᠰᠡᠪᠡᠯᠵᠡᠭᠦᠯᠦᠨ ᠬᠡᠶᠢᠰᠬᠡᠵᠦ | ᠤᠳᠤᠳ ᠤᠨ ᠳᠤᠤᠷᠠ ᠭᠡᠵᠢᠭᠡ ᠪᠠᠨ ᠠᠰᠬᠠᠷᠠᠭᠤᠯᠤᠭᠠᠴᠢ᠃ | | | ᠰᠡᠷᠢᠭᠦᠨ ᠦᠨᠳᠦᠷᠯᠢᠭ ᠤᠨ ᠰᠠᠯᠬᠢ ᠨᠢ | ᠰᠡᠮᠡᠷᠡᠨ ᠰᠡᠮᠡᠷᠡᠭᠦᠯᠵᠦ ᠦᠯᠢᠶᠡᠬᠦ ᠶᠤᠮ | ᠰᠡᠳᠬᠢᠯ ᠤᠨ ᠠᠷᠢᠭᠤᠨ ᠦᠭᠡᠰ ᠢᠶᠠᠨ | ᠰᠡᠮᠡᠭᠡᠷᠬᠡᠨ ᠠᠨᠢᠷᠯᠠᠵᠤ ᠰᠢᠪᠠᠨᠡᠬᠦ ᠶᠤᠮ | ᠵᠠᠳᠠᠭᠠᠢ ᠲᠡᠭᠷᠢ ᠶᠢᠨ ᠰᠠᠯᠬᠢᠨ ᠳᠤ | ᠵᠠᠳᠠᠭᠠᠢ ᠭᠡᠵᠢᠭᠡ ᠪᠠᠨ ᠲᠠᠯᠪᠢᠭᠠᠴᠢ | ᠠᠭᠠᠷ ᠲᠡᠭᠷᠢ ᠶᠢᠨ ᠠᠶᠠᠰ ᠲᠤ | ᠨᠠᠮᠢᠷᠠᠲᠠᠯᠠ ᠬᠡᠶᠢᠰᠬᠡᠨ ᠲᠠᠯᠪᠢᠭᠠᠴᠢ | ᠠᠯᠠᠭ ᠬᠤᠷᠸᠠ ᠶᠢᠨ ᠬᠦᠮᠦᠰ ᠤᠨ | ᠠᠭᠠᠰᠢ ᠶᠢ ᠴᠢᠩᠨᠠᠵᠤ ᠲᠠᠯᠪᠢᠭᠠᠴᠢ | ᠬᠠᠷᠠᠬᠠᠨ ᠭᠡᠵᠢᠭᠡ ᠪᠠᠨ ᠴᠢ ᠮᠢᠨᠢ | ᠬᠠᠮᠢᠭᠠ ᠴᠦ ᠭᠡᠰᠡᠨ ᠰᠤᠯᠠ ᠲᠠᠯᠪᠢᠭᠠᠴᠢ | ᠬᠠᠷᠠᠭᠠ ᠪᠤᠯᠢᠶᠠᠯᠳᠤᠭᠰᠠᠨ ᠬᠠᠷᠠᠴᠤᠳ ᠢ | ᠬᠠᠶᠢᠷᠠᠯᠠᠲᠠᠯᠠ ᠨᠢ ᠭᠡᠵᠢᠭᠡ ᠪᠠᠨ ᠲᠠᠯᠪᠢᠭᠠᠴᠢ᠃ | | | | ︵ᠵᠢᠷᠤᠭ ᠢ ᠰᠦᠯᠵᠢᠶᠡᠨ ᠠᠴᠠ ᠠᠪᠤᠪᠠ︶ |