| | ᠬᠦᠬᠡ ᠮᠠᠯᠠᠭᠠᠢ ᠨᠢ ᠬᠠᠶᠠᠭᠠᠨ ᠳᠤ ᠡᠯᠭᠦᠭᠡᠰᠦᠲᠡᠢ | ᠬᠦᠩᠭᠢᠨᠡᠭᠦᠷ ᠷᠠᠳᠢᠤ᠋ ᠨᠢ ᠰᠢᠷᠡᠭᠡᠨ ᠳᠤ ᠲᠠᠯᠪᠢᠭᠠᠰᠤᠲᠠᠢ | ᠬᠦᠵᠢ ᠤᠲᠤᠯᠭᠠ ᠨᠢ ᠬᠤᠷᠤᠭᠤᠨ ᠳᠤ ᠬᠢᠭᠡᠰᠦᠲᠡᠢ | ᠬᠦᠦ ᠶᠢᠨ ᠬᠢᠨᠢ ᠨᠢᠳᠦᠨ ᠳᠤ ᠨᠢᠯᠪᠤᠰᠤ ᠪᠦᠷᠬᠦᠭᠡᠰᠦᠲᠡᠢ | ᠠᠶᠠᠭᠠᠨ ᠤ ᠬᠢᠨᠢ ᠢᠷᠤᠭᠠᠯ ᠠᠭᠤᠷᠰᠢᠵᠤ ᠬᠠᠲᠠᠯᠠ | ᠠᠮᠪᠠᠨ ᠤ ᠬᠢᠨᠢ ᠨᠢᠭᠤᠷ ᠴᠠᠭᠠᠷᠢᠭᠯᠠᠵᠤ ᠡᠷᠢᠶᠡᠨᠳᠦᠯᠡ | ᠠᠪᠳᠠᠷᠠ ᠶᠢᠨ ᠬᠢᠨᠢ ᠬᠤᠪᠴᠠᠰᠤ ᠡᠵᠡᠭᠦᠶᠢᠷᠡᠵᠦ ᠦᠯᠡᠳᠡᠯᠡ | ᠠᠯᠠᠭ ᠦᠷᠡ ᠨᠢ ᠤᠭᠢᠯᠠᠵᠤ ᠬᠤᠴᠤᠷᠤᠯᠠ | ᠠᠭᠤᠯᠠ ᠠᠭᠤᠯᠠ ᠶᠢᠨ ᠴᠠᠭᠠᠨᠠ ᠠᠴᠠ ᠤᠲᠠᠰᠤ ᠪᠠᠷ ᠶᠠᠷᠢᠳᠠᠭ | ᠠᠭᠤᠯᠵᠠᠵᠤ ᠠᠭᠤᠯᠵᠠᠬᠤ ᠶᠢᠨ ᠴᠠᠭ ᠢᠶᠠᠷ ᠦᠨᠦᠰᠦᠭᠦᠯᠦᠭᠡᠳ ᠵᠤᠯᠭᠠᠳᠠᠭ | ᠬᠠᠪᠤᠷ ᠬᠠᠪᠤᠷ ᠤᠨ ᠡᠬᠢ ᠪᠠᠷ ᠳᠤᠭᠳᠤᠯᠵᠤ ᠰᠠᠯᠤᠯᠴᠠᠳᠠᠭ | ᠬᠠᠭᠠᠴᠠᠵᠤ ᠰᠠᠯᠤᠭᠰᠠᠨ ᠤ ᠬᠤᠶᠢᠨᠠ ᠵᠡᠭᠦᠳᠦᠯᠡᠵᠦ ᠯᠡ ᠵᠤᠭᠤᠭᠳᠠᠬᠤ ᠨᠢ ᠳ᠋ᠠ | ᠬᠤᠷᠭᠤᠨ ᠤ ᠬᠢᠨᠢ ᠰᠢᠬᠢᠷ ᠢ ᠨᠢ ᠬᠤᠪᠳᠤᠭᠯᠠᠨ ᠢᠳᠡᠬᠦ ᠳᠡᠭᠡᠨ | ᠬᠤᠷᠸᠠ ᠶᠢᠨ ᠵᠢᠮᠡ ᠶᠢ ᠤᠬᠠᠭᠠᠷᠠᠭᠠ ᠦᠭᠡᠢ ᠶᠠᠪᠤᠵᠠᠢ | ᠬᠠᠶᠢᠷᠠ ᠶᠢᠨ ᠪᠦᠦᠪᠡᠢ ᠳᠤ ᠪᠢᠯᠠᠭᠤᠷᠠᠨ ᠵᠢᠷᠭᠠᠬᠤ ᠳᠠᠭᠠᠨ | ᠬᠠᠯᠢᠬᠤ ᠶᠢᠨ ᠭᠤᠨᠢᠭ ᠢ ᠮᠡᠳᠡᠭᠡ ᠦᠭᠡᠢ ᠦᠩᠭᠡᠷᠡᠵᠡᠢ | ᠮᠦᠩᠭᠦᠨ ᠬᠢᠷᠠᠭᠤ ᠴᠠᠶᠢᠷᠠᠭᠰᠠᠨ ᠡᠪᠦᠯ ᠤᠨ ᠡᠬᠢᠨ ᠰᠠᠷᠠ | ᠮᠦᠩᠬᠡ ᠪᠤᠰᠤ ᠶᠢᠨ ᠦᠨᠡᠨ ᠢ ᠨᠢᠳᠦ ᠪᠠᠷ ᠢᠶᠠᠨ ᠦᠵᠡᠯᠡ | ᠮᠦᠳᠳᠦ ᠯᠡ ᠠᠭᠤᠯᠵᠠᠨᠠ ᠭᠡᠵᠦ ᠮᠤᠷᠳᠠᠳᠠᠭ ᠪᠠᠶᠢᠭᠰᠠᠨ ᠪᠤᠯ | ᠮᠦᠨᠦᠬᠡᠨ ᠳᠡᠯᠡᠬᠡᠢ ᠠᠴᠠ ᠪᠠᠷᠠ ᠦᠭᠡᠢ ᠬᠤᠯᠠᠳᠠᠵᠠᠢ᠂ ᠡᠪᠦᠭᠡ ᠮᠢᠨᠢ | ᠰᠠᠯᠤᠯᠴᠠᠵᠤ ᠶᠠᠪᠤᠬᠤ ᠪᠠᠷ ᠬᠤᠭᠤᠰᠤᠷᠠᠨᠠ | ᠰᠠᠷᠠ ᠰᠢᠨᠡᠳ ᠢᠶᠠᠷ ᠡᠵᠡᠭᠦᠶᠢᠷᠡᠨᠡ | ᠰᠠᠨᠠᠭᠠᠯᠵᠠᠨ ᠳᠤᠷᠠᠰᠬᠤ ᠳᠤ ᠦᠨᠦᠴᠢᠷᠡᠨᠡ | ᠰᠠᠷᠠᠪᠴᠢᠯᠠᠵᠤ᠂ ᠡᠪᠦᠭᠡ ᠪᠠᠨ ᠦᠭᠡᠶᠢᠯᠡᠨᠡᠮ᠃ | |