| ᠲᠡᠯᠡᠮᠡᠨ ᠵᠢᠷᠤᠭᠠ ᠮᠦᠷᠡᠨ ᠰᠢᠭ ᠤᠨ ᠵᠢᠯ ᠤᠷᠤᠰᠤᠨᠠ | ᠲᠠᠪᠢᠯᠠᠩ ᠵᠠᠶᠠᠭᠠᠨ ᠤ ᠡᠷᠬᠡᠨ ᠳᠤ ᠪᠠᠶᠠᠰᠤᠯ ᠭᠤᠨᠢᠭ ᠡᠭᠡᠯᠵᠢᠯᠡᠨᠡ | ᠦᠳᠡᠰᠢ ᠮᠠᠨᠳᠤᠭᠰᠠᠨ ᠰᠠᠷᠠᠨ ᠦᠷᠯᠦᠭᠡ ᠪᠤᠯᠬᠤ ᠳᠤ ᠪᠦᠲᠡᠭᠢᠷᠡᠨᠡ | ᠦᠯᠢᠭᠡᠷ ᠳᠤᠮᠤᠭ ᠤᠨ ᠶᠢᠷᠲᠢᠨᠴᠦ ᠵᠡᠭᠦᠳᠦᠨ ᠳᠤᠮᠳᠠ ᠮᠢᠨᠢ ᠵᠠᠮᠬᠠᠷᠠᠨᠠ | ᠮᠦᠴᠡ ᠮᠦᠴᠡ ᠪᠠᠷ ᠦᠩᠭᠡᠷᠡᠵᠦ ᠤᠨ ᠵᠢᠯ ᠤᠷᠤᠰᠤᠨᠠ | ᠮᠦᠷ ᠮᠦᠷ ᠢᠶᠠᠨ ᠬᠢᠰᠬᠢᠵᠦ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠦᠷᠭᠦᠯᠵᠢᠯᠡᠨᠡ | ᠮᠦᠰᠦᠳᠦᠯ ᠤᠰᠤᠳᠤᠯ ᠰᠤᠯᠢᠯᠴᠠᠵᠤ ᠳᠦᠷᠪᠡᠨ ᠤᠯᠠᠷᠢᠯ ᠡᠷᠭᠢᠨᠡ | ᠮᠡᠷᠭᠡᠨ ᠮᠤᠩᠬᠠᠭ ᠦᠵᠡᠯᠴᠡᠵᠦ ᠲᠡᠦᠬᠡ ᠪᠤᠯᠵᠤ ᠲᠡᠮᠳᠡᠭᠯᠡᠭᠳᠡᠨᠡ | ᠡᠷᠬᠡ ᠠᠰᠢᠭ ᠤᠨ ᠡᠭᠦᠳᠡᠨ ᠳᠤ ᠬᠦᠮᠦᠨ ᠨᠡᠷᠡ ᠪᠠᠨ ᠭᠤᠲᠤᠭᠠᠨᠠ | ᠦᠰᠢᠯ ᠭᠢᠰᠠᠯ ᠤᠨ ᠡᠷᠬᠡᠨ ᠳᠤ ᠬᠢᠲᠤᠭᠠ ᠰᠡᠯᠡᠮᠡ ᠡᠷᠭᠦᠯᠴᠡᠨᠡ | ᠡᠯᠪᠡᠷᠢᠯ ᠠᠴᠢᠯᠠᠯ ᠤᠨ ᠳᠠᠪᠠᠭᠠ ᠮᠤᠷᠤᠢ ᠰᠠᠷᠤᠢ ᠦᠷᠭᠦᠯᠵᠢᠯᠡᠨᠡ | ᠦᠨᠡᠨ ᠬᠤᠳᠠᠯ ᠠᠭᠤᠰᠤᠯᠴᠠᠵᠤ ᠴᠠᠭ ᠢᠶᠠᠨ ᠳᠠᠭᠠᠵᠤ ᠪᠦᠮᠪᠦᠷᠢᠨᠡ | ᠢᠯᠠᠵᠤ ᠢᠯᠠᠭᠳᠠᠬᠤ ᠶᠢᠨ ᠲᠡᠩᠨᠡᠭᠦᠷ ᠳᠡᠭᠡᠷᠡ ᠢᠷᠠᠭᠤ ᠳᠠᠭᠤᠯᠠᠯ ᠬᠤᠴᠤᠷᠤᠨᠠ | ᠢᠷᠡᠵᠦ ᠪᠤᠴᠠᠬᠤ ᠶᠢᠨ ᠵᠠᠶᠠᠭᠠᠨ ᠳᠡᠭᠡᠷᠡ ᠮᠦᠰᠦ ᠴᠢᠨᠠᠷ ᠨᠢ ᠳᠤᠷᠠᠶᠢᠨᠠ | ᠲᠦᠮᠡᠨ ᠵᠢᠯ ᠤᠷᠤᠰᠤᠭᠰᠠᠨ ᠴᠦ ᠤᠨ ᠵᠢᠯ ᠳᠤ ᠲᠡᠭᠦᠰᠬᠡᠯ ᠦᠭᠡᠢ | ᠲᠡᠭᠦᠨ ᠤ ᠳᠤᠮᠳᠠ ᠬᠡᠷᠬᠢᠨ ᠵᠦᠴᠦᠭᠡᠯᠡᠭᠰᠡᠨ ᠴᠦ ᠬᠦᠮᠦᠨ ᠤ ᠨᠠᠰᠤ ᠪᠤᠭᠤᠨᠢᠬᠠᠨ᠃ |