| | ᠭᠦ᠊᠂ ᠪᠦᠷᠢᠨᠪᠠᠶᠠᠷ | | ᠮᠦᠩᠭᠡ ᠲᠡᠭᠷᠢ ᠶᠢᠨ ᠵᠢᠰᠦ ᠬᠦᠨᠳᠦᠯᠡᠵᠦ | ᠮᠦᠩᠭᠦᠨ ᠲᠤᠪᠴᠢ ᠶᠢᠨ ᠤᠳᠬᠠ ᠶᠢ ᠳᠡᠯᠭᠡᠵᠦ | ᠮᠤᠩᠭᠤᠯ ᠪᠦᠰᠡᠭᠦᠢ ᠶᠢᠨ ᠤᠷᠠᠨ ᠮᠤᠲᠤᠷ ᠠᠴᠠ | ᠮᠤᠷᠢᠲᠠᠨ ᠤᠳᠤᠮ ᠤᠨ ᠳᠡᠪᠡᠯ ᠮᠡᠨᠳᠦᠯᠡᠨᠡ᠃ | ᠳᠡᠪᠡᠯ ᠤᠨ ᠵᠠᠭᠠᠮᠠ ᠪᠠᠨ ᠪᠤᠰᠤᠭᠠ ᠪᠤᠳᠤᠵᠤ | ᠳᠡᠯᠡᠬᠡᠢ ᠲᠦᠭᠦᠷᠢᠭᠯᠡᠵᠦ ᠲᠤᠭᠤᠷᠢᠭ ᠵᠢᠷᠤᠨᠠ᠃ | ᠳᠡᠯᠭᠡᠷ ᠦᠷᠭᠡᠨ ᠮᠦᠷᠦ ᠶᠢ ᠨᠢ ᠲᠦᠭᠡᠯᠡᠵᠦ | ᠳᠡᠯᠢᠮ ᠬᠢᠷᠢ ᠠᠭᠤᠵᠢᠮ ᠵᠢᠱᠢᠨᠡ᠃ | ᠠᠳᠠᠷ ᠤᠨ ᠰᠠᠯᠬᠢ ᠶᠢ ᠵᠢᠰᠢᠭᠦᠦ ᠵᠠᠯᠠᠬᠤ ᠪᠠᠷ | ᠠᠰᠬᠠᠨ ᠡᠩᠭᠡᠷ ᠢ ᠳᠠᠰᠢᠭᠤ ᠪᠤᠯᠭᠠᠨᠠ᠃ | ᠠ᠊ ᠶᠢᠨ ᠠᠶᠢᠮᠠᠭ ᠢ᠊ ᠢᠶᠠᠷ ᠦᠯᠢᠭᠡᠷᠯᠡᠵᠦ | ᠠᠴᠤᠭ ᠰᠢᠯᠪᠢ ᠶᠢ ᠠᠮᠢᠳᠤᠯᠢᠭ ᠲᠤᠬᠢᠶᠠᠨᠠ᠃ | ᠡ᠊ ᠰᠢᠳᠤ ᠶᠢ ᠨᠢ ᠡᠭᠡᠮᠦᠨ ᠳᠤ ᠰᠤᠶᠢᠵᠤ | ᠡᠩᠭᠡᠷ ᠤᠨ ᠲᠠᠰᠢᠭᠤ ᠶᠢ ᠰᠦᠪᠡᠭᠡᠨ ᠳᠤ ᠵᠦᠷᠢᠭᠦᠯᠦᠨᠡ᠃ | ᠡᠯᠢᠭᠡᠨ ᠳᠤ ᠰᠢᠷᠭᠤᠬᠤ ᠵᠢᠪᠠᠷ ᠢ ᠬᠤᠷᠢᠵᠤ | ᠢ᠊ ᠶᠢᠨ ᠰᠢᠯᠪᠢ ᠶᠢ ᠰᠤᠭᠤᠨ ᠳᠤ ᠲᠤᠪᠴᠢᠯᠠᠨᠠ᠃ | ᠡᠮᠦᠰᠬᠦ ᠳᠡᠪᠡᠯ ᠤᠨ ᠵᠠᠭᠠᠮᠠ ᠵᠠᠬᠠ ᠶᠢ | ᠡᠪᠲᠡᠢ ᠲᠤᠬᠢᠲᠠᠢ ᠤᠷᠠᠯᠢᠭ ᠵᠤᠬᠢᠶᠠᠨᠠ | ᠡᠷᠭᠦᠨ ᠲᠠᠯᠪᠢᠬᠤ ᠰᠤᠭᠤ ᠶᠢᠨ ᠠᠮᠢᠰᠬᠤᠭᠠ | ᠡᠪᠯᠡᠭᠦᠨ ᠰᠢᠯᠤᠭᠤᠨ ᠬᠠᠨᠴᠤᠢ ᠱᠤᠳᠤᠷᠠᠨᠠ᠃ | ᠴᠤᠯᠪᠤᠭᠤᠷ ᠰᠤᠶᠢᠵᠤ ᠵᠢᠯᠤᠭᠤ ᠰᠤᠩᠭᠠᠬᠤ ᠪᠠᠷ | ᠴᠤᠮᠪᠤᠩ ᠬᠠᠨᠴᠤᠢ ᠳᠤ ᠲᠤᠷᠤᠤ ᠪᠠᠭᠤᠯᠭᠠᠨᠠ᠃ | ᠴᠤᠮᠬᠠᠨ ᠨᠤᠭᠤᠯᠤᠭᠠ ᠬᠤᠨᠢᠶᠠᠰᠤ ᠳᠠᠷᠤᠵᠤ | ᠴᠤᠬᠤᠮᠴᠦ ᠡᠪᠯᠢᠭ ᠳᠠᠰᠢᠶᠠ ᠲᠠᠯᠪᠢᠨᠠ᠃ | ᠦᠯᠵᠡᠢ ᠮᠦᠷ ᠲᠠᠢ ᠵᠢᠯᠤᠭᠤ ᠡᠯᠭᠦᠭᠡᠳ | ᠦᠯᠡᠮᠡᠢ ᠦᠨᠳᠡᠶᠢᠨ ᠳᠦᠷᠦᠭᠡᠯᠡᠬᠦ ᠶᠢᠨ ᠵᠠᠭᠤᠷᠠ | ᠦᠷᠢᠶᠡ ᠮᠤᠷᠢᠨᠤ ᠡᠷᠭᠢᠴᠡᠭᠡ ᠭᠦᠢᠴᠡᠬᠦ | ᠡᠭᠦᠯᠡᠨ ᠬᠡ ᠲᠠᠢ ᠤᠭᠤᠨᠤ ᠠᠮᠠᠳᠠᠨᠠ᠃ | ᠠᠭᠰᠠᠭᠠᠵᠤ ᠡᠮᠦᠰᠪᠡᠯ ᠭᠡᠭᠡᠮᠰᠦᠭ ᠪᠤᠰᠴᠤ | ᠠᠯᠠᠭᠠ ᠳᠠᠷᠤᠮᠠ ᠰᠦᠪᠡᠭᠡ ᠳᠠᠷᠤᠨᠠ᠃ | ᠠᠷᠤ ᠶᠢᠨ ᠬᠤᠷᠮᠤᠢ ᠶᠢ ᠪᠢᠲᠡᠭᠦᠦ ᠳᠡᠪᠢᠰᠴᠦ | ᠠᠯᠲᠠᠨ ᠪᠦᠷᠭᠦᠳ ᠤᠨ ᠰᠡᠭᠦᠯ ᠳᠡᠯᠭᠡᠨᠡ᠃ | ᠳᠡᠪᠡᠯ ᠤᠨ ᠡᠩᠭᠡᠷ ᠢᠶᠠᠨ ᠬᠤᠷᠭᠤᠢ ᠴᠢᠮᠭᠡᠷᠯᠡᠵᠦ | ᠲᠡᠭᠷᠢ ᠶᠢᠨ ᠤᠶᠤᠳᠠᠯ ᠢ ᠵᠦᠢᠷᠯᠡᠵᠦ ᠴᠢᠮᠡᠨᠡ᠃ | ᠲᠡᠭᠦᠨ ᠤ ᠲᠤᠭᠤᠷᠢᠨ ᠳᠤ ᠤᠳᠤ ᠰᠢᠭᠢᠳᠬᠡᠷᠯᠡᠵᠦ | ᠲᠤᠪᠴᠢ ᠲᠡᠪᠡᠭᠡ ᠶᠢ ᠮᠦᠩᠭᠦ ᠪᠠᠷ ᠬᠠᠳᠠᠨᠠ᠃ | ᠤᠳᠠᠭᠠᠨ ᠡᠮᠦᠰᠬᠦ ᠳᠤ ᠴᠢᠨᠠᠷ ᠢ ᠪᠠᠬᠢᠯᠡᠵᠦ | ᠤᠴᠢᠭ ᠪᠦᠷᠢ ᠳᠤᠨᠢ ᠦᠯᠵᠡᠢ ᠵᠠᠩᠭᠢᠳᠤᠨᠠ᠃ | ᠡᠮᠦᠨᠡ ᠬᠤᠶᠢᠨᠠ ᠬᠤᠶᠠᠷ ᠬᠤᠷᠮᠤᠢ ᠶᠢ | ᠤᠷᠲᠤᠷᠢᠭ ᠤᠲᠠᠰᠤ ᠪᠠᠷ ᠬᠤᠯᠪᠤᠵᠤ ᠬᠠᠪᠤᠨᠠ᠃ | ᠤᠷᠠᠨ ᠰᠠᠨᠠᠭᠠ ᠶᠢᠷᠲᠢᠨᠴᠦ ᠡᠷᠭᠢᠵᠦ | ᠦᠷᠭᠡᠷᠢᠭ ᠱᠤᠭᠤᠮ ᠢᠶᠠᠷ ᠪᠦᠰᠡ ᠳᠠᠷᠤᠨᠠ᠃ | ᠳᠡᠯᠡᠬᠡᠢ ᠡᠵᠢ ᠶᠢᠨ ᠡᠩᠭᠡᠷᠳᠤᠤ ᠳᠡᠪᠡᠯ | ᠳᠡᠯᠭᠡᠷᠡᠬᠦ ᠵᠤᠨ ᠤ ᠡᠩᠬᠡ ᠶᠢᠨ ᠬᠡᠶᠢᠮᠦᠷᠢ᠃ | ᠵᠠᠭᠠᠮᠠ ᠪᠠᠨ ᠬᠦᠨᠳᠦᠯᠡᠬᠦ ᠮᠤᠩᠭᠤᠯ ᠰᠤᠶᠤᠯ | ᠵᠠᠬᠠ ᠦᠭᠡᠢ ᠬᠤᠷᠸᠠ ᠶᠢᠨ ᠮᠦᠩᠬᠡ ᠶᠢᠨ ᠬᠤᠶᠢᠮᠤᠷ᠃ | ᠡᠳᠦᠷ ᠲᠤᠵᠢ ᠳᠠᠭᠠᠨ ᠡᠮᠦᠰᠬᠦ ᠬᠤᠪᠴᠠᠯᠠᠭᠠ | ᠦᠳᠡᠰᠢ ᠶᠢᠨ ᠤᠨᠲᠠᠯᠭᠠ ᠳᠤ ᠬᠦᠨᠵᠢᠯᠡ ᠬᠤᠴᠢᠯᠭᠠ | ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠤ ᠦᠶᠡ ᠶᠢᠨ ᠦᠶᠡ ᠶᠢ | ᠦᠰᠬᠡᠵᠦ ᠬᠦᠮᠦᠵᠢᠭᠦᠯᠬᠦ ᠮᠤᠩᠭᠤᠯ ᠬᠤᠷᠸᠠ᠃ | ᠲᠦᠯ ᠮᠠᠯ ᠳᠤ ᠠᠵᠢᠯ ᠤᠨ ᠬᠤᠪᠴᠠᠰᠤ | ᠲᠦᠷᠦ ᠶᠢᠨ ᠶᠤᠰᠤᠯᠠᠯ ᠳᠤ ᠵᠠᠰᠠᠯ ᠤᠨ ᠵᠢᠰᠦ | ᠲᠦᠮᠡᠨ ᠦᠶᠡ ᠦᠷᠡ ᠳᠡᠭᠡᠨ ᠤᠯᠠᠮᠵᠢᠯᠠᠬᠤ | ᠲᠦᠷᠦᠯᠬᠢ ᠮᠠᠨ ᠤ ᠮᠤᠩᠭᠤᠯ ᠳᠡᠪᠡᠯ ᠡ︕ |