ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠵᠠᠰᠠᠭ ᠤᠨ ᠢᠯᠡᠳᠭᠡᠯ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠪᠠᠷᠭᠤᠴᠤᠳ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016-07-25
ᠱ᠊᠂ ᠳᠤᠯᠮ᠎ᠠ ᠬᠦᠬᠡ ᠮᠤᠩᠭᠤᠯ ᠤᠨ ᠦᠶ᠎ᠡ ᠠᠴᠠ ᠵᠤᠷᠢᠭ ᠢᠶᠠᠨ ᠭᠠᠶᠢᠬᠠᠭᠤᠯᠵᠤ ᠬᠦᠯᠦᠨ ᠪᠤᠶᠢᠷ ᠤᠨ ᠲᠡᠭᠷᠢ ᠲᠤᠤᠷ᠎ᠠ ᠡᠮᠡᠭᠡᠯ ᠳᠡᠭᠡᠷ᠎ᠡ ᠪᠠᠨ ᠬᠠᠩᠬᠠᠶᠢᠵᠤ ᠬᠦᠢᠲᠡᠨ ᠬᠠᠯᠠᠭᠤᠨ ᠬᠤᠶᠠᠷ ᠲᠤ ᠡᠮᠲᠡᠷᠡᠭᠡ ᠨᠢ ᠦᠭᠡᠢ ᠶᠠᠪᠤᠭᠰᠠᠨ ᠬᠦᠮᠦᠡᠯᠢᠭ ᠰᠠᠶᠢᠬᠠᠨ ᠰᠡᠳᠬᠢᠯᠲᠦ ᠪᠠᠷᠭᠤ ᠲᠦᠮᠡᠨ ᠢ ᠳᠠᠭᠤᠯᠠᠮᠤ ᠠᠯᠤᠨ ᠭᠤᠸ᠎ᠠ ᠬᠠᠲᠤᠨ ᠤ ᠤᠷᠤᠭ᠂ ᠠᠯᠳᠠᠷᠲᠦ ᠴᠢᠩᠭᠢᠰ ᠤᠨ ᠤᠳᠤᠮ ᠠᠯᠲᠠᠨ ᠡᠮᠡᠭᠡᠯ ᠤᠨ ᠳᠤᠮᠤᠭ ᠠᠤᠭ᠎ᠠ ᠳᠡᠭᠡᠳᠦᠰ ᠤᠨ ᠴᠡᠷᠢᠭ ᠠᠯᠢᠪᠠ ᠶᠢ ᠡᠷᠭᠢᠨ ᠳᠤᠷᠠᠰᠬᠤ ᠳᠤ ᠪᠠᠷᠭᠤ ᠶᠢᠨ ᠲᠡᠦᠬᠡ ᠲᠤᠳᠤᠷᠠᠨ᠎ᠠ ᠠᠮᠤᠭᠤᠯᠠᠩ ᠳᠦᠯᠭᠡᠨ ᠬᠦᠮᠦᠰ ᠤᠨ ᠰᠠᠶᠢᠬᠠᠨ ᠠᠯᠳᠠᠷ ᠳᠤᠷᠠᠶᠢᠨ᠎ᠠ ᠪᠠᠷᠭᠤ ᠶᠢᠨ ᠦᠨᠳᠦᠷ ᠪᠠᠭᠠᠲᠤᠷ ᠠᠴᠠ ᠮᠠᠩᠯᠠᠢ ᠸᠠᠩ ᠢ ᠬᠦᠷᠲᠡᠯ᠎ᠡ ᠪᠠᠭᠠᠲᠤᠷ ᠵᠤᠷᠢᠭᠲᠤ ᠡᠷᠡᠴᠦᠦᠯ ᠲᠡᠦᠬᠡᠨ ᠳᠤ ᠮᠦᠩᠬᠡᠷᠡᠭᠰᠡᠨ ᠨᠢ ᠦᠨᠡᠨᠲᠡᠢ ᠪᠦᠬᠡ ᠯᠠᠮ᠎ᠠ ᠠᠴᠠ ᠡᠬᠢᠯᠡᠭᠡᠳ ᠬᠦᠴᠦ ᠲᠡᠩᠬᠡᠭᠡᠲᠦ ᠡᠷᠡᠴᠦᠦᠯ ᠪᠦᠬᠦᠯᠢ ᠪᠦᠲᠦᠨ ᠵᠠᠭᠤᠨ ᠢᠶᠠᠷ ᠨᠡᠷ᠎ᠡ ᠪᠠᠨ ᠮᠦᠩᠬᠡᠯᠡᠭᠰᠡᠨ ᠨᠢ ᠪᠠᠭ᠋ᠠᠲᠠᠢ ᠦᠬᠡᠷᠲᠦ ᠬᠦᠢᠲᠡᠨ ᠬᠤᠶᠠᠷ ᠦᠷᠭᠦᠯᠵᠢ ᠤᠶᠢᠷᠠᠬᠠᠨ ᠪᠠᠶᠢᠭᠰᠠᠨ ᠴᠦ ᠦᠢᠯᠡ ᠵᠠᠶᠠᠭᠠᠨ ᠤ ᠲᠠᠪᠢᠯᠠᠩ ᠢᠶᠠᠷ ᠬᠤᠯᠠᠳᠤᠭᠠᠳ ︽ᠨᠡᠭᠦᠭᠰᠡᠨ︾ ᠴᠦ ᠪᠤᠢ ᠬᠦᠯᠦᠨ᠂ ᠪᠦᠢᠷ ᠬᠤᠶᠠᠷ ᠠᠯᠤᠰ ᠵᠠᠶᠢᠳᠠᠭᠤ ᠤᠷᠤᠰᠢᠭᠰᠠᠨ ᠴᠦ ᠬᠦᠢᠰᠦ ᠶᠢᠨ ᠶᠡᠭᠡ ᠬᠤᠯᠪᠤᠭ᠎ᠠ᠂ ᠠᠮᠢᠨ ᠬᠠᠶᠢᠷ᠎ᠠ ᠨᠢᠭᠡᠲᠦᠭᠰᠡᠨ ᠨᠢ ᠪᠤᠢ ᠬᠤᠶᠢᠰᠢ ᠪᠠᠨ ᠤᠷᠤᠭᠰᠢ ᠪᠠᠨ ᠨᠡᠭᠦᠭᠰᠡᠭᠡᠷ ᠵᠠᠭᠤᠨ ᠵᠠᠭᠤᠨ ᠢ ᠲᠤᠭᠤᠯᠤᠭᠰᠠᠨ ᠴᠦ ᠬᠤᠶᠠᠷ ᠭᠤᠷᠪᠠ ᠲᠠᠰᠤᠷᠠᠵᠤ᠂ ᠵᠠᠭᠤᠷᠠᠳᠤ ᠶᠢᠨ ᠵᠤᠪᠠᠯᠠᠩ ᠠᠮᠰᠠᠭᠰᠠᠨ ᠴᠦ ᠬᠤᠷᠸ᠎ᠠ ᠶᠢᠨ ᠮᠤᠩᠭᠤᠯ ᠲᠤᠭᠤᠷᠭᠠᠲᠠᠨ ᠳᠤ ᠬᠠᠯᠠᠭᠤᠨ ᠡᠯᠢᠭᠡ ᠪᠠᠷ ᠢᠶᠠᠨ ᠪᠠᠭᠲᠠᠬᠤ ᠬᠤᠯᠠ ᠶᠢᠨ ᠶᠡᠭᠡ ᠪᠤᠳᠤᠯᠲᠠᠨ ᠤ ᠬᠠᠳᠠᠨ ᠵᠤᠷᠢᠭ ᠤᠨ ᠲᠡᠦᠬᠡ ᠪᠤᠢ ᠬᠠᠨ ᠪᠤᠭᠤᠷᠤᠯ ᠡᠪᠦᠭᠡᠳ ᠨᠢ ᠡᠩᠬᠦᠷᠡᠶᠢᠬᠡᠨ ᠦᠷᠡᠰ ᠢᠶᠠᠨ ᠰᠤᠷᠭᠠᠳᠠᠭ ᠬᠠᠴᠠᠷ ᠭᠤᠸ᠎ᠠ ᠦᠬᠢᠳ ᠨᠢ ᠡᠷ᠎ᠡ ᠶᠢᠨ ᠢᠶᠠᠨ ᠬᠡᠢ ᠮᠤᠷᠢ ᠶᠢ ᠳᠡᠭᠡᠳᠦᠯᠡᠳᠡᠭ ᠬᠠᠶᠢᠯᠭᠠᠨ ᠰᠡᠳᠬᠢᠯᠲᠦ ᠦᠷᠡᠰ ᠨᠢ ᠡᠵᠢ ᠶᠢᠨ ᠢᠶᠠᠨ ᠠᠴᠢ ᠶᠢ ᠰᠠᠨᠠᠳᠠᠭ ᠬᠠᠯᠠᠭᠤᠨ ᠡᠯᠢᠭᠡᠨ ᠰᠠᠳᠤᠨ ᠢᠶᠠᠷ ᠢᠶᠠᠨ ᠡᠬᠡ ᠤᠷᠤᠨ ᠢᠶᠠᠨ ᠬᠠᠶᠢᠷᠠᠯᠠᠳᠠᠭ ᠳᠡᠯᠡᠬᠡᠢ ᠳᠤ ᠴᠦᠭᠡᠨ ᠴᠦ ᠪᠠᠷᠭᠤᠴᠤᠳ ᠳᠡᠭᠡᠳᠦᠰ ᠤᠨ ᠬᠠᠯᠠᠭᠤᠨ ᠤᠭᠰᠠᠭ᠎ᠠ ᠳᠡᠯᠭᠡᠷ ᠠᠭᠤᠳᠠᠮ ᠰᠡᠳᠬᠢᠯ ᠲᠠᠢ ᠲᠢᠭ ᠲᠠᠢ ᠶᠠᠪᠤᠭᠰᠠᠨ ᠬᠦᠮᠦᠰ ᠡᠵᠢ ᠶᠢᠨ ᠢᠶᠠᠨ ᠠᠷᠤᠭ ᠢ ᠡᠭᠦᠷᠦᠯᠴᠡᠵᠦ ᠦᠬᠢᠳ ᠨᠢ ᠳᠠᠷᠤᠤᠬᠠᠨ ᠦᠰᠦᠭᠰᠡᠨ ᠡᠴᠢᠭᠡ ᠶᠢᠨ ᠢᠶᠠᠨ ᠤᠷᠭ᠎ᠠ ᠶᠢ ᠲᠠᠩᠨᠠᠶᠢᠳᠠᠵᠤ ᠬᠦᠪᠡᠭᠦᠳ ᠨᠢ ᠲᠤᠭᠤᠯᠭᠠᠪᠤᠷ ᠲᠠᠢ ᠰᠤᠷᠤᠭᠰᠠᠨ ᠰᠠᠷᠬᠢᠨᠠᠭ ᠲᠤᠭᠤᠨᠤ ᠲᠠᠢ ᠭᠡᠷ ᠨᠢ ᠰᠠᠯᠬᠢᠨ ᠳᠤ ᠤᠨᠠᠵᠤ ᠪᠠᠶᠢᠭ᠎ᠠ ᠦᠭᠡᠢ ᠰᠠᠶᠢᠬᠠᠨ ᠲᠦᠷᠦᠭᠰᠡᠨ ᠬᠡᠦᠬᠡᠨ ᠨᠦᠭᠦᠳ ᠨᠢ ᠰᠠᠯᠠᠩ ᠵᠠᠳᠠᠭᠠᠢ ᠶᠠᠪᠤᠭ᠎ᠠ ᠦᠭᠡᠢ ᠰᠠᠨᠠᠭ᠎ᠠ ᠭᠦᠳᠦᠰᠬᠡᠨ ᠡᠷᠡᠴᠦᠦᠯ ᠨᠢ ᠰᠠᠮᠠᠭᠤᠨ ᠬᠡᠷᠡᠭ ᠲᠠᠷᠢᠭ᠎ᠠ ᠦᠭᠡᠢ ᠰᠠᠷᠠ ᠨᠠᠷᠠ ᠲᠠᠢ ᠬᠤᠷᠸ᠎ᠠ ᠳᠤ ᠬᠦᠮᠦᠨ ᠴᠢᠨᠠᠷ ᠢᠶᠠᠨ ᠭᠡᠭᠡᠭᠡ ᠦᠭᠡᠢ ᠮᠤᠷᠢᠨ ᠳᠡᠯ ᠳᠡᠭᠡᠷ᠎ᠡ ᠲᠠᠷᠴᠤᠭᠯᠠᠵᠤ ᠬᠡᠢ ᠮᠤᠷᠢ ᠲᠠᠢ ᠶᠠᠪᠤᠳᠠᠭ ᠤᠯᠤᠰ ᠮᠤᠩᠭᠤᠯ ᠢᠶᠠᠨ ᠭᠡᠰᠡᠨ ᠰᠡᠳᠬᠢᠯ ᠢᠶᠠᠨ ᠬᠡᠵᠢᠶ᠎ᠡ ᠴᠦ ᠬᠠᠶᠠᠭ᠎ᠠ ᠦᠭᠡᠢ ᠬᠦᠮᠦᠰ ᠮᠠᠯᠴᠢᠨ ᠮᠤᠩᠭᠤᠯ ᠤᠨ ᠦᠷᠡᠰ ᠪᠠᠷᠭᠤ ᠶᠢᠨ ᠬᠠᠯᠠᠭᠤᠨ ᠠᠮᠢ ᠮᠢᠬ᠎ᠠ ᠴᠢᠰᠤᠨ ᠤ ᠲᠦᠷᠦᠯ ᠢᠶᠠᠨ ᠮᠠᠷᠲᠠᠵᠤ ᠪᠠᠶᠢᠭᠰᠠᠨ ᠤᠳᠠᠭ᠎ᠠ ᠦᠭᠡᠢ ᠤᠷᠤᠭ᠎ᠠ ᠪᠤᠰᠬᠠᠭ᠎ᠠ ᠴᠠᠭ ᠤᠨ ᠢᠯᠳᠦ ᠮᠡᠰᠡ ᠬᠠᠷᠰᠢᠭᠰᠠᠨ ᠴᠦ ᠤᠷᠱᠤᠨ᠂ ᠬᠡᠷᠦᠯᠦᠨ ᠭᠤᠤᠯ ᠤᠨ ᠤᠷᠤᠰᠬᠠᠯ ᠲᠠᠲᠠᠷᠠᠵᠤ ᠪᠠᠶᠢᠭ᠎ᠠ ᠦᠭᠡᠢ ᠤᠨᠤᠵᠤ ᠠᠯᠳᠠᠬᠤ ᠬᠤᠷᠸ᠎ᠠ ᠶᠢᠨ ᠤᠢ ᠭᠠᠰᠢᠭᠤᠨ ᠢ ᠠᠮᠰᠠᠭᠰᠠᠨ ᠴᠦ ᠤᠶᠢᠴᠢᠵᠤ ᠪᠤᠰᠬᠤ ᠵᠠᠶᠠᠭᠠᠨ ᠳᠡᠭᠡᠷ᠎ᠡ ᠡᠪᠦᠳᠦᠭ ᠰᠦᠬᠦᠷᠡᠵᠦ ᠦᠵᠡᠭᠡ ᠦᠭᠡᠢ ᠪᠠᠷᠭᠤᠴᠤᠳ ᠭᠡᠳᠡᠭ ᠦᠨᠡᠭᠡᠷ ᠮᠤᠩᠭᠤᠯ ᠵᠢᠷᠦᠬᠡᠨ ᠤ ᠲᠠᠰᠤᠷᠬᠠᠢ ᠪᠠᠭ᠋ᠠᠲᠤᠵᠤ ᠳᠡᠭᠡᠳᠦᠯᠡᠨ ᠦᠭᠦᠯᠡᠪᠡᠯ ᠮᠤᠬᠤᠰᠢ ᠦᠭᠡᠢ ᠵᠤᠷᠢᠭᠲᠠᠨ ᠤ ᠡᠯᠳᠡᠷᠬᠡᠢ ᠪᠠᠶᠢᠭᠠᠯ ᠠᠴᠠ ᠴᠠᠭᠠᠰᠢᠬᠢ ᠨᠤᠲᠤᠭ ᠲᠠᠢ ᠡᠴᠢᠭᠡ ᠳᠡᠭᠡᠳᠦᠰ ᠤᠨ ᠤᠷᠤᠭ ᠪᠠᠷᠢᠨ ᠲᠠᠯᠪᠢᠨ ᠬᠡᠯᠡᠬᠦ ᠳᠤ ᠡᠵᠡᠨ ᠴᠢᠩᠭᠢᠰ ᠤᠨ ᠤᠳᠤᠮ᠃
 
ᠢᠷᠡᠯᠲᠡ᠄ ᠬᠤᠩ ᠱᠠᠨ ᠲᠤᠭᠤᠷᠢᠭ ᠤᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠩᠭᠤᠯ ᠮᠢᠨᠦ
ᠤᠳᠬᠤᠢ᠂ ᠤᠷᠤᠰᠢᠬᠤᠢ
ᠬᠡᠲᠦᠷᠬᠡᠢ ᠬᠠᠶᠢᠷᠠᠲᠠᠢ ᠴᠢᠮ᠎ᠠ ᠳᠠᠭᠠᠨ ᠪᠢ
ᠵᠠᠯᠠᠭᠤ ᠨᠠᠰᠤ
ᠳᠦᠷᠪᠡᠨ ᠴᠠᠭ
2014-2015 © ︽ᠮᠥᠩᠬᠡ ᠭᠠᠯ︾ ᠺᠣᠮᠫᠢᠦ᠋ᠲ᠋ᠧᠷ ᠰᠣᠹᠲ ᠤᠨ ᠪᠦᠷᠢᠨ ᠪᠤᠰᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05002246号