| | ᠦᠰᠴᠦ ᠲᠦᠷᠦᠭᠰᠡᠨ ᠨᠤᠲᠤᠭ ᠭᠡᠵᠦ | ᠦᠷᠦ ᠵᠢᠷᠦᠬᠡᠨ ᠤ ᠤᠶᠠᠩᠭᠠ ᠶᠤᠮ | ᠦᠶᠡ ᠶᠢᠨ ᠦᠶᠡ ᠳᠤ ᠪᠠᠭ᠋ᠠᠳᠤᠬᠤ | ᠦᠨᠢᠷ ᠠᠮᠢᠳᠤᠷᠠᠯ ᠤᠨ ᠪᠠᠭᠤᠴᠠ ᠶᠤᠮ | ᠬᠠᠩᠭᠢᠨᠠᠲᠠᠯᠠ ᠳᠠᠭᠤᠯᠠᠬᠤ ᠡᠪᠦᠭᠡᠳᠦᠨ ᠮᠢᠨᠢ | ᠬᠠᠶᠢᠷᠠ ᠶᠢᠨ ᠰᠢᠲᠦᠭᠡᠨ ᠨᠤᠲᠤᠭ ᠶᠤᠮ | ᠬᠠᠷᠠᠨ ᠬᠠᠷᠠᠨ ᠪᠠᠶᠠᠰᠬᠤ ᠳᠤ | ᠬᠠᠮᠤᠭ ᠪᠦᠬᠦᠨ ᠨᠢ ᠬᠦᠷᠦᠩᠭᠡ ᠶᠤᠮ | ᠰᠠᠷᠠᠪᠴᠢᠯᠠᠨ ᠬᠠᠷᠠᠬᠤ ᠡᠮᠡᠭᠡᠳ ᠤᠨ ᠮᠢᠨᠢ | ᠰᠠᠴᠤᠯᠢ ᠪᠠᠨ ᠡᠷᠭᠦᠬᠦ ᠨᠤᠲᠤᠭ ᠶᠤᠮ | ᠰᠠᠨᠠᠨ ᠰᠠᠨᠠᠨ ᠤᠶᠠᠷᠠᠭᠤᠯᠤᠨ ᠤᠶᠠᠩᠭᠠᠯᠠᠬᠤ | ᠰᠡᠳᠬᠢᠯ ᠵᠢᠷᠦᠬᠡᠨ ᠤ ᠬᠢᠨᠢ ᠴᠤᠤᠷᠢᠶᠠ ᠶᠤᠮ | ᠲᠤᠭᠯᠠᠵᠤ ᠦᠰᠦᠭᠰᠡᠨ ᠨᠤᠲᠤᠭ ᠤᠨ ᠮᠢᠨᠢ | ᠦᠷᠭᠡᠰᠦᠲᠦ ᠵᠠᠩᠭᠤᠤ ᠨᠢ ᠴᠦ ᠡᠷᠳᠡᠨᠢ ᠶᠤᠮ | ᠳᠠᠭᠤᠯᠠᠵᠤ ᠶᠠᠪᠤᠭᠰᠠᠨ ᠪᠡᠯᠴᠢᠭᠡᠷ ᠤᠨ ᠬᠢᠨᠢ | ᠦᠯᠦᠩ ᠴᠠᠭᠠᠨ ᠨᠢ ᠴᠦ ᠰᠢᠮᠡᠯᠢᠭ ᠶᠤᠮ | ᠬᠠᠨ ᠲᠡᠭᠷᠢ ᠠᠴᠠ ᠰᠤᠶᠤᠷᠬᠠᠯ ᠲᠠᠢ | ᠬᠠᠮᠤᠭ ᠪᠦᠬᠦᠨ ᠢ ᠢᠪᠡᠭᠡᠭᠰᠡᠨ | ᠬᠠᠯᠠᠭᠤᠨ ᠵᠢᠷᠦᠬᠡᠨ ᠤ ᠤᠶᠠᠭᠠ ᠶᠤᠮ | ᠲᠡᠮᠡᠦᠯᠡᠭᠡᠳ ᠬᠦᠷᠦᠭᠡᠳ ᠤᠴᠢᠬᠤ ᠳᠤ | ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠨᠢ ᠰᠠᠶᠢᠬᠠᠨ ᠶᠤᠮ | ᠲᠤᠭᠯᠠᠵᠤ ᠭᠦᠶᠦᠯᠳᠦᠭᠡᠳ ᠶᠠᠪᠤᠬᠤ ᠳᠤ | ᠲᠤᠰᠤᠨ ᠰᠠᠯᠬᠢ ᠨᠢ ᠰᠡᠪᠡᠯᠵᠡᠬᠦ ᠶᠤᠮ | ᠠᠳᠤᠭᠤ ᠪᠠᠨ ᠮᠠᠨᠠᠭᠰᠠᠨ ᠪᠤᠭᠤᠷᠤᠯ ᠤᠨ ᠮᠢᠨᠢ | ᠦᠦᠷ ᠤᠨ ᠰᠢᠭᠦᠳᠡᠷᠢ ᠲᠠᠢ ᠪᠡᠯᠴᠢᠭᠡᠷ ᠶᠤᠮ | ᠤᠷᠭᠠ ᠪᠠᠨ ᠬᠦᠯᠢᠭᠰᠡᠨ ᠲᠤᠪᠤᠴᠠᠭ ᠨᠢ ᠴᠦ | ᠤᠷᠢᠳᠦ ᠶᠢᠨ ᠳᠤᠮᠤᠭ ᠲᠠᠢ ᠭᠠᠵᠠᠷ ᠶᠤᠮ | ᠪᠤᠮᠠᠨ ᠰᠦᠷᠦᠭ ᠲᠦᠯᠵᠢᠭᠰᠡᠨ | ᠪᠤᠶᠠᠨ ᠤ ᠬᠤᠷᠤᠢ ᠲᠠᠢ ᠵᠤᠰᠠᠭᠠᠯ ᠶᠤᠮ | ᠪᠤᠷᠤᠭᠠᠨ ᠬᠤᠷᠠ ᠵᠤᠬᠢᠴᠠᠭᠰᠠᠨ | ᠪᠤᠮᠪᠠ ᠶᠢᠨ ᠰᠠᠶᠢᠬᠠᠨ ᠨᠡᠭᠦᠳᠡᠯ ᠶᠤᠮ | ᠬᠦᠨᠦᠭ ᠪᠢᠯᠬᠠᠷᠠᠭᠰᠠᠨ ᠰᠦ ᠶᠢᠨ ᠬᠢᠨᠢ | ᠬᠦᠷᠦᠩᠭᠡ ᠪᠠᠶᠠᠨ ᠨᠠᠮᠤᠷᠵᠢᠶᠠ ᠶᠤᠮ | ᠬᠦᠮᠡᠯᠢ ᠲᠠᠭᠠᠨᠠ ᠬᠠᠯᠢᠭᠤᠷᠠᠨ | ᠬᠤᠷᠸᠠ ᠳᠤ ᠬᠤᠪᠤᠷᠬᠠᠨ ᠪᠠᠭᠤᠴᠠ ᠶᠤᠮ | ᠪᠠᠭ᠋ᠠᠳᠤᠨ ᠪᠠᠭ᠋ᠠᠳᠤᠨ ᠬᠠᠷᠠᠬᠤ ᠳᠤ | ᠪᠠᠶᠠᠨ ᠲᠠᠩᠰᠤᠭ ᠦᠯᠦᠭᠡᠢ ᠶᠤᠮ | ᠪᠠᠭ᠋ᠠᠷᠬᠠᠨ ᠪᠠᠭ᠋ᠠᠷᠬᠠᠨ ᠰᠤᠨᠢᠷᠬᠠᠬᠤ ᠳᠤ | ᠪᠠᠳᠠᠭ ᠰᠢᠯᠦᠭ ᠤᠨ ᠤᠨᠳᠤᠷᠤᠯ ᠶᠤᠮ | ᠲᠦᠪᠡᠭᠳᠡᠵᠦ ᠲᠡᠨᠦᠭᠰᠡᠨ ᠢᠷᠭᠡᠳ | ᠨᠦᠮᠦᠷᠢ ᠳᠤᠨᠢ ᠠᠮᠢ ᠵᠢᠭᠤᠭᠰᠠᠨ ᠶᠤᠮ | ᠲᠡᠩᠬᠡᠭᠡ ᠤᠷᠤᠭᠰᠠᠨ ᠢᠷᠭᠡᠳ | ᠨᠤᠲᠤᠭ ᠤᠨ ᠰᠠᠶᠢᠨ ᠳᠤ ᠠᠮᠢᠳᠤᠷᠠᠭᠰᠠᠨ ᠶᠤᠮ | ᠳᠠᠭᠤᠤ ᠪᠠᠨ ᠳᠠᠭᠤᠯᠠᠭᠠᠳ ᠤᠶᠠᠩᠭᠠᠯᠠᠬᠤ ᠳᠤ | ᠨᠤᠲᠤᠭ ᠤᠨ ᠬᠡᠰᠢᠭ ᠢᠪᠡᠭᠡᠬᠦ ᠶᠤᠮ | ᠳᠤᠮᠤᠭ ᠢ ᠨᠢ ᠴᠢᠩᠨᠠᠭᠠᠳ ᠪᠢᠴᠢᠭᠯᠡᠬᠦ ᠳᠤ | ᠨᠤᠲᠤᠭ ᠤᠨ ᠴᠤᠤᠷᠢᠶᠠ ᠬᠠᠩᠭᠢᠨᠠᠬᠤ ᠶᠤᠮ | ᠮᠢᠨᠦ ᠲᠦᠷᠦᠭᠰᠡᠨ ᠨᠤᠲᠤᠭ ᠭᠡᠵᠦ | ᠮᠢᠩᠭᠠᠨ ᠢ ᠡᠯᠡᠭᠡᠭᠰᠡᠨ ᠲᠡᠦᠬᠡ ᠶᠤᠮ | ᠮᠠᠷᠭᠠᠰᠢ ᠶᠢᠨ ᠬᠦᠰᠡᠯ ᠢ ᠳᠠᠯᠠᠯᠤᠭᠰᠠᠨ | ᠮᠢᠩᠭᠠᠨ ᠢ ᠤᠭᠲᠤᠬᠤ ᠳᠠᠭᠤᠤ ᠶᠤᠮ᠃ | | |