| | ᠨᠠᠮᠤᠷ ᠪᠤᠴᠠᠬᠤ ᠳᠤ | ᠨᠠᠷᠠᠨ ᠬᠤᠯᠠᠳᠠᠨᠠ | ᠨᠠᠯᠠᠭᠠᠷᠬᠠᠨ ᠳᠡᠯᠡᠬᠡᠢ ᠳᠤ ᠪᠤᠳᠤᠯ ᠡᠮᠲᠡᠷᠡᠨᠡ᠃ | ᠨᠠᠶᠢᠷᠠᠭ ᠤᠨ ᠪᠠᠳᠠᠭ ᠠᠴᠠ ᠮᠦᠷ ᠬᠠᠰᠤᠭᠳᠠᠵᠤ | ᠨᠠᠰᠤᠨ ᠤ ᠨᠠᠮᠤᠷ ᠤᠨ ᠴᠠᠭᠠᠨ ᠦᠰᠦ ᠨᠡᠮᠡᠭᠳᠡᠭᠡ ᠦᠦ︖ | ᠴᠠᠰᠤ ᠪᠤᠲᠠᠷᠠᠭᠠ ᠲᠤᠯᠤᠭᠠᠳ ᠤᠨ ᠤᠷᠤᠢ ᠰᠢᠭ᠋ | ᠴᠠᠯ ᠪᠤᠭᠤᠷᠤᠯ ᠡᠵᠢ ᠮᠢᠨᠢ ᠤᠯᠠᠮ ᠬᠦᠭᠰᠢᠷᠡᠭᠡ ᠦᠦ︖ | ᠴᠠᠭ ᠴᠠᠭ ᠤᠨ ᠢᠮ ᠲᠠᠮᠠᠭᠠ ᠲᠠᠢ | ᠠᠮᠢᠳᠤᠷᠠᠯ ᠤᠨ ᠠᠯᠲᠠᠨ ᠡᠳᠦᠷ ᠤᠳ | ᠠᠷᠤ ᠠᠷᠤ ᠠᠴᠠ ᠪᠠᠨ ᠯᠡ ᠴᠤᠪᠤᠷᠠᠨᠠ᠃ | ᠨᠠᠷᠠᠲᠤ ᠶᠢᠨ ᠵᠠᠢ ᠳᠤ ᠳᠠᠩᠴᠢ ᠬᠤᠪᠤᠷᠬᠠᠨ ᠶᠠᠪᠤᠭᠰᠠᠨ | ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠦᠶᠡ ᠮᠢᠨᠢ ᠰᠠᠨᠠᠭᠳᠠᠨᠠ | ᠨᠠᠳᠠᠳᠤ ᠬᠤᠭᠤᠴᠠᠭᠠ ᠦᠭᠡᠢ ᠤᠷᠲᠤ ᠶᠠᠪᠤᠭᠰᠠᠨ | ᠬᠠᠶᠢᠷᠠ ᠶᠢᠨ ᠵᠠᠬᠢᠶᠠ ᠲᠠᠢ ᠨᠠᠮᠤᠷ ᠪᠤᠳᠤᠭᠳᠠᠨᠠ᠃ | ᠨᠠᠮᠤᠭᠤᠬᠠᠨ ᠤᠳᠠ ᠨᠢ ᠨᠠᠪᠴᠢᠰ ᠢᠶᠠᠷ ᠤᠭᠢᠯᠠᠳᠠᠭ | ᠨᠤᠲᠤᠭ ᠤᠨ ᠲᠡᠷᠡ ᠪᠠᠷᠠ ᠰᠦᠮᠡᠯᠵᠡᠬᠦ ᠪᠠᠷ | ᠨᠠᠳᠠᠳᠤ ᠰᠡᠳᠬᠢᠯ ᠤᠨ ᠬᠠᠯᠠ ᠠᠮᠳᠠᠯᠠᠭᠤᠯᠤᠭᠰᠠᠨ | ᠮᠦᠷᠦᠭᠡᠳᠦᠯ ᠤᠨ ᠬᠤᠨᠤᠭ ᠤᠳ ᠦᠷᠭᠦᠯᠵᠢᠯᠡᠨᠡ᠃ | ᠨᠠᠮᠤᠷ ᠪᠤᠴᠠᠬᠤ ᠳᠤ | ᠰᠠᠷᠠᠨ ᠬᠡᠦᠰᠢᠯᠡᠨᠡ | ᠰᠠᠶᠢᠬᠠᠨ ᠬᠤᠷᠸᠠ ᠳᠤ ᠰᠡᠳᠬᠢᠯ ᠬᠦᠨᠳᠡᠶᠢᠷᠡᠨᠡ᠃ | ᠲᠤᠬᠤᠢ ᠶᠢᠨ ᠴᠢᠨᠡᠭᠡᠨ ᠡᠭᠦᠯᠡᠰ ᠠᠴᠠ | ᠬᠦᠢᠲᠡᠨ ᠪᠤᠷᠤᠭᠠᠨ ᠱᠠᠭᠢᠬᠤ ᠳᠤ | ᠲᠤᠷᠭᠠᠨ ᠨᠤᠭᠤᠭᠠᠨ ᠤᠯᠢᠶᠠᠰᠤᠨ ᠤ | ᠨᠠᠪᠴᠢᠰ ᠰᠢᠷᠭᠠᠯᠳᠤᠨ ᠬᠡᠶᠢᠰᠦᠨᠡ | ᠲᠤᠭᠤᠰᠤ ᠮᠠᠨᠠᠷᠠᠭᠰᠠᠨ ᠲᠠᠯᠠ | ᠬᠢᠷᠠᠭᠤ ᠲᠠᠢ ᠦᠷᠯᠦᠭᠡ ᠴᠠᠶᠢᠷᠠᠬᠤ ᠳᠤ | ᠲᠤᠭᠤᠨᠤ ᠲᠠᠢ ᠴᠠᠭᠠᠨ ᠭᠡᠷ ᠠᠴᠠ | ᠠᠷᠭᠠᠯ ᠤᠨ ᠤᠳᠤᠭᠠ ᠪᠤᠷᠭᠢᠯᠤᠨᠠ᠃ | ᠠᠮᠢᠳᠤᠷᠠᠯ ᠬᠠᠶᠢᠷᠠ ᠶᠢᠨ ᠨᠤᠲ ᠡᠭᠡᠰᠢᠭᠯᠡᠭᠰᠡᠨ | ᠠᠵᠢᠯ ᠬᠦᠳᠡᠯᠮᠦᠷᠢ ᠶᠢᠨ ᠠᠶᠠᠰ ᠬᠦᠭᠵᠢᠮᠳᠡᠭᠰᠡᠨ | ᠰᠠᠨᠠᠬᠤ ᠠᠴᠠ ᠵᠤᠷᠢᠭ ᠬᠦᠷᠬᠦ ᠦᠭᠡᠢ | ᠰᠠᠷᠠᠭᠤᠯᠬᠠᠨ ᠨᠤᠲᠤᠭ ᠤᠨ ᠨᠠᠮᠤᠷ ᠮᠢᠨᠢ ᠡ︕ | ᠳᠤᠷᠠᠯᠠᠯ ᠪᠤᠶᠤ ᠬᠠᠭᠠᠴᠠᠯ ᠤᠨ ᠨᠢᠯᠪᠤᠰᠤ ᠲᠠᠢ | ᠳᠤᠷᠠᠰᠤᠯ ᠪᠤᠶᠤ ᠮᠦᠷᠦᠭᠡᠳᠦᠯ ᠤᠨ ᠳᠠᠭᠤᠤ ᠲᠠᠢ | ᠳᠦᠷᠪᠡᠨ ᠤᠷᠴᠢᠯ ᠤᠨ ᠡᠮᠵᠡᠭᠬᠡᠨ ᠮᠦᠴᠡ | ᠳᠤᠤᠯᠢᠮᠠ ᠲᠠᠯᠠ ᠠᠴᠠ ᠮᠢᠨᠢ | ᠨᠠᠮᠤᠷ ᠬᠡᠵᠢᠶᠡᠳᠡ ᠪᠤᠴᠠᠬᠤ ᠦᠭᠡᠢ᠃ |