| | ᠬᠤᠯᠠ ᠶᠠᠪᠤᠵᠤ ᠪᠠᠷᠢᠯᠳᠤᠭᠠ ᠦᠭᠡᠢ ᠰᠤᠮᠤ ᠶᠢᠨ ᠵᠠᠭᠠᠨ | ᠬᠤᠲᠠ ᠤᠷᠤᠵᠤ ᠵᠤᠳᠤᠭᠯᠠᠭᠠ ᠦᠭᠡᠢ ᠰᠣᠮᠣ ᠶᠢᠨ ᠵᠠᠭᠠᠨ | ᠠᠶᠢᠷᠠᠮ ᠤᠨ ᠭᠤᠷᠪᠠᠨ ᠵᠢᠯ ᠬᠢᠯᠢ ᠳᠡᠭᠡᠷᠡ ᠵᠤᠭᠰᠤᠵᠤ | ᠠᠵᠠ ᠲᠤᠲᠠᠵᠤ ᠠᠯᠳᠠᠷ ᠲᠤ ᠣᠷᠤᠭᠠ ᠦᠭᠡᠢ ᠰᠣᠮᠣ ᠶᠢᠨ ᠵᠠᠭᠠᠨ | ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ ᠶᠡᠭᠡ ᠪᠠᠶᠠᠷ ᠨᠠᠭᠠᠳᠤᠮ ᠳᠤ | ᠠᠪᠤᠷᠭᠤ ᠨᠤᠭᠤᠳ ᠢ ᠷᠠᠳᠢᠤ᠋ ᠪᠠᠷ ᠴᠣᠯᠠᠯᠠᠬᠤ ᠳᠤ | ᠥᠪᠡᠷ ᠢ ᠪᠠᠨ ᠴᠣᠯᠠᠯᠠᠭᠰᠠᠨ ᠰᠢᠭ᠋ ᠪᠠᠶᠠᠷᠯᠠᠳᠠᠭ | ᠭᠤᠶᠠ ᠪᠠᠨ ᠠᠯᠠᠭᠠᠳᠠᠳᠠᠭ ᠰᠣᠮᠣ ᠶᠢᠨ ᠵᠠᠭᠠᠨ | ᠡᠮᠡᠭᠡᠯ ᠳᠡᠭᠡᠷᠡ ᠲᠥᠷᠦᠭᠰᠡᠨ ᠰᠢᠭ ᠡᠷᠢᠯ ᠳᠤ ᠶᠠᠪᠤᠵᠤ | ᠡᠷᠡ ᠪᠣᠷᠣ ᠬᠠᠷᠴᠠᠭᠠᠢ ᠶᠢ ᠲᠡᠷᠯᠢᠭ ᠢᠶᠠᠨ ᠭᠠᠨᠳᠠᠲᠠᠯᠠ | ᠬᠡᠭᠡᠷᠡ ᠳᠠᠭᠤᠯᠠᠵᠤ | ᠮᠣᠷᠢ ᠰᠢᠨᠵᠢᠵᠦ ᠥᠰᠦᠭᠰᠡᠨ | ᠪᠠᠰᠠ ᠥᠳᠡᠯᠡᠬᠦ ᠰᠣᠮᠣ ᠶᠢᠨ ᠵᠠᠭᠠᠨ | ᠬᠤᠷᠢ ᠲᠠᠢ ᠳᠤ ᠪᠠᠨ ᠰᠤᠷᠤᠭᠰᠠᠨ ᠭᠠᠭᠴᠠ ᠮᠡᠭᠡ ᠪᠠᠨ | ᠬᠤᠷᠢᠭᠠ ᠦᠭᠡᠢ ᠴᠦ ᠬᠢᠳᠡᠭ ᠬᠤᠷᠢᠭᠰᠠᠨ ᠴᠦ ᠪᠠᠰᠠ ᠬᠢᠳᠡᠭ | ᠬᠢᠬᠦ ᠪᠠᠷ ᠢᠶᠠᠨ ᠳᠠᠪᠠᠳᠠᠭ | ᠵᠠᠷ ᠦᠭᠡᠢ ᠠᠴᠠ ᠵᠠᠯᠠᠭᠤᠴᠤᠳ ᠢ | ᠵᠠᠷ ᠲᠠᠢ ᠠᠴᠠ ᠵᠠᠭᠠᠨ ᠢ ᠨᠢ ᠴᠦ ᠳᠠᠪᠠᠳᠠᠭ ᠰᠣᠮᠣ ᠶᠢᠨ ᠵᠠᠭᠠᠨ | ᠭᠠᠭᠴᠠ ᠲᠡᠷᠡ ᠮᠡᠭᠡ ᠨᠢ ᠭᠠᠷ ᠳᠤᠩᠭᠤᠢ | ᠨᠢᠳᠤᠨᠤᠨ ᠵᠢᠯ ᠤᠨ ᠨᠠᠭᠠᠳᠤᠮ ᠳᠤ | ᠨᠤᠭᠲᠤ ᠭᠠᠨᠵᠤᠭᠠᠯᠠᠵᠤ ᠢᠷᠡᠭᠰᠡᠨ | ᠬᠦᠷᠰᠢ ᠰᠣᠮᠣ ᠶᠢᠨ ᠬᠦᠷᠦᠰᠦ ᠲᠠᠢ ᠬᠦᠷᠭᠡᠷ | ᠰᠥᠰᠦ ᠲᠠᠢ ᠬᠦᠷᠡᠩ ᠡᠷᠡ ᠶᠢ | ᠪᠠᠷᠳᠠᠮ ᠵᠠᠩ ᠬᠡᠦᠬᠡᠨ ᠨᠦᠭᠦᠳ ᠤᠨ ᠬᠠᠷᠠᠴᠠ | ᠵᠠᠰᠠᠭᠤᠯ ᠲᠠᠢ ᠨᠢ ᠬᠠᠮᠲᠤ ᠳᠤᠩᠭᠤᠶᠢᠯᠳᠤᠵᠤ ᠬᠠᠶᠠᠴᠢᠬᠠᠭᠠᠳ | ᠮᠠᠨᠠᠭᠠ ᠲᠠᠢ ᠬᠦᠶ᠋ᠢ ᠭᠡᠵᠦ | ᠠᠳᠤᠭᠤᠨ ᠳᠤ ᠪᠠᠨ ᠶᠠᠭᠠᠷᠠᠭᠠᠳ | ᠮᠠᠨᠠᠨᠲᠠᠢ ᠠᠭᠤᠯᠠ ᠤᠷᠤᠭᠤ ᠳᠡᠷᠭᠢᠭᠦᠯᠵᠦ ᠤᠳᠤᠭᠠᠳ | ᠮᠠᠷᠭᠠᠰᠢ ᠨᠢ ᠴᠦ ᠢᠷᠡᠭᠡ ᠦᠭᠡᠢ ᠰᠣᠮᠣ ᠶᠢᠨ ᠵᠠᠭᠠᠨ | ᠨᠠᠭᠠᠳᠤᠮ ᠢᠶᠠᠨ ᠴᠢᠮᠡᠭᠰᠡᠨ ᠵᠠᠭᠠᠨ | ᠨᠠᠰᠤᠲᠠᠨ ᠢᠶᠠᠨ ᠪᠠᠶᠠᠰᠬᠠᠭᠰᠠᠨ ᠵᠠᠭᠠᠨ | ᠬᠡᠦᠬᠡᠳ ᠤᠳ ᠢᠶᠠᠨ ᠡᠷᠬᠡᠯᠡᠭᠦᠯᠵᠦ ᠬᠦᠵᠦᠭᠦᠨ ᠳᠡᠭᠡᠷᠡ ᠪᠠᠨ ᠮᠣᠷᠳᠠᠭᠤᠯᠵᠤ | ᠰᠤᠷ ᠡᠯᠳᠡᠵᠦ ᠠᠳᠤᠭᠤ ᠳᠡᠯᠯᠡᠵᠦ | ᠰᠣᠮᠣᠨ ᠳᠠᠭᠠᠨ ᠯᠠ ᠪᠠᠷᠢᠯᠳᠤᠵᠤ | ᠳᠠᠩᠳᠠ ᠪᠢᠰᠢ ᠭᠡᠯᠡ ᠴᠦ ᠲᠡᠷᠢᠭᠦᠯᠡᠵᠦ | ᠳᠠᠭᠠ ᠬᠥᠲᠦᠯᠦᠭᠰᠡᠨ ᠰᠣᠮᠣ ᠶᠢᠨ ᠵᠠᠭᠠᠨ | ᠳᠡᠭᠡᠰᠦ ᠠᠯᠬᠤᠵᠤ ᠪᠠᠷᠢᠯᠳᠤᠬᠤ ᠪᠠᠷ ᠤᠳᠤᠪᠠᠯ | ᠳᠡᠪᠵᠢᠶᠡ ᠨᠢ ᠦᠭᠡᠶᠢᠯᠡᠬᠦ ᠰᠣᠮᠣ ᠶᠢᠨ ᠵᠠᠭᠠᠨ | ᠥᠭᠡᠳᠡ ᠠᠷᠤᠰᠠᠵᠤ ᠵᠤᠳᠤᠭᠯᠠᠬᠤ ᠪᠠᠷ ᠤᠳᠤᠪᠠᠯ | ᠡᠪᠦᠭᠡᠳ ᠨᠢ ᠤᠶᠢᠳᠬᠤ ᠰᠣᠮᠣ ᠶᠢᠨ ᠵᠠᠭᠠᠨ |