| | ᠴᠤᠤᠳᠤᠯ ᠤᠨ ᠬᠤᠯᠠᠨ | | | | ᠨᠠᠮᠤᠷ ᠤᠨ ᠠᠭᠤᠯᠠᠨᠠ ᠪᠤᠭᠤ ᠶᠢᠨ ᠤᠷᠤᠮᠳᠠᠬᠤ ᠶᠢ ᠰᠤᠨᠤᠰᠤᠭᠠᠷᠠᠢ | ᠨᠠᠮᠠ ᠶᠢ ᠤᠬᠠᠭᠠᠵᠢᠬᠤ ᠶᠢ ᠦᠵᠡᠬᠦ ᠭᠡᠵᠦ ᠡᠵᠢ ᠮᠢᠨᠢ ᠲᠠ ᠤᠷᠲᠤ ᠨᠠᠰᠤᠯᠠᠭᠠᠷᠠᠢ | ᠮᠠᠨᠴᠤᠢ ᠳᠠᠭᠠᠨ ᠢᠷᠡᠵᠦ ᠲᠠᠨ ᠢ ᠪᠢ ᠭᠠᠭᠴᠠᠬᠠᠨ ᠤᠳᠠᠭᠠ ᠵᠢᠷᠭᠠᠭᠠᠭᠰᠠᠨ | ᠮᠠᠭᠠᠳ ᠦᠭᠡᠢ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠠᠩᠳᠠ ᠵᠤᠪᠠᠭᠠᠭᠰᠠᠨ | ᠭᠠᠭᠴᠠᠬᠠᠨ ᠨᠠᠮᠠ ᠶᠢ ᠭᠡᠵᠦ ᠲᠠ | ᠭᠠᠵᠠᠷ ᠳᠡᠭᠡᠷᠡ ᠬᠡᠴᠢᠨᠡᠬᠡᠨ ᠣᠪᠠᠳᠢᠰ ᠲᠠᠢ ᠲᠦᠷᠦᠭᠰᠡᠨ ᠶᠤᠮ ᠪᠤᠢ︖ | ᠪᠠᠷᠢᠭᠤᠪᠴᠢ ᠶᠢ ᠮᠢᠨᠢ ᠡᠰᠬᠡᠵᠦ᠂ ᠬᠤᠷᠢᠮ ᠤᠨ ᠡᠮᠦᠰᠬᠡᠯ ᠴᠢᠮᠡᠭᠯᠡᠵᠦ | ᠪᠠᠯᠴᠢᠷ ᠠᠴᠠ ᠮᠢᠨᠢ ᠡᠳᠦᠢ ᠬᠦᠷᠲᠡᠯᠡ ᠲᠠ ᠤᠶᠤᠳᠠᠯᠴᠢᠨ ᠶᠠᠪᠤᠯᠠ | ᠤᠲᠠᠴᠢ ᠮᠠᠨᠠᠯᠢ ᠶᠢᠨ ᠬᠤᠪᠢᠯᠭᠠᠨ ᠡᠶᠢᠮᠦ ᠪᠠᠶᠢᠳᠠᠭ ᠦᠦ ᠭᠡᠯᠲᠡᠢ | ᠤᠷᠤᠨ ᠳᠡᠭᠡᠷᠡ ᠠᠴᠠ ᠮᠢᠨᠢ ᠠᠯᠭᠠᠰᠠᠯ ᠦᠭᠡᠢ ᠲᠤᠩᠭᠤᠶᠢᠵᠤ | ᠲᠡᠷᠡᠨ ᠳᠡᠭᠡᠷᠡ ᠨᠠᠮᠠ ᠶᠢ ᠪᠦᠯᠢᠶᠡᠷᠴᠦ ᠬᠤᠨᠤᠬᠤ ᠪᠤᠯᠭᠠᠨ ᠳᠤ | ᠳᠡᠯᠡᠬᠡᠢ ᠳᠤ ᠬᠠᠮᠤᠭ ᠤᠨ ᠰᠠᠶᠢᠨ ᠡᠮᠴᠢ ᠮᠢᠨᠢ ᠲᠠ ᠪᠠᠶᠢᠯᠠ | ᠠᠭᠠᠰᠢ ᠪᠠᠨ ᠡᠪᠳᠡᠨ ᠡᠷᠬᠡᠯᠡᠵᠦ ᠶᠠᠳᠠᠭᠰᠠᠨ ᠨᠠᠮᠠ ᠶᠢ | ᠠᠷᠭᠠᠳᠠᠭᠰᠠᠨ ᠳᠠᠭᠠᠨ᠂ ᠠᠯᠢᠶᠠᠯᠠᠭᠴᠢ ᠪᠤᠯᠵᠤ ᠡᠮᠦᠨᠡ ᠮᠢᠨᠢ ᠲᠠ ᠡᠷᠭᠢᠯᠳᠦᠭᠰᠡᠨ | ︽ᠠ᠊︾ ᠦᠰᠦᠭ ᠪᠢᠴᠢᠬᠦ ᠭᠡᠳ ᠪᠤᠳᠤᠯᠢᠵᠤ ᠴᠦᠬᠦᠵᠦ ᠰᠠᠭᠤᠬᠤ ᠳᠤ ᠮᠢᠨᠢ | ᠠᠯᠳᠠᠭᠠ ᠲᠠᠢ ᠪᠠᠶᠢᠬᠤ ᠳᠤᠨᠢ ᠤᠯᠠᠶᠢᠮᠠ ᠴᠠᠶᠢᠮᠠ ︽ ᠤᠨᠴᠠ︾ ᠲᠠᠯᠪᠢᠳᠠᠭ ᠪᠠᠭᠰᠢ ᠶᠠᠪᠤᠯᠠ | ᠴᠠᠭ ᠤᠷᠤᠶᠢᠲᠠᠭᠰᠠᠨ ᠪᠤᠯᠵᠤᠭᠠᠨ ᠠᠴᠠ ᠡᠷᠭᠢᠵᠦ ᠢᠷᠡᠬᠦ ᠳᠤ | ᠴᠠᠭᠳᠠᠭᠠ᠂ ᠡᠰᠡᠬᠦᠯᠡ ᠡᠭᠦᠳᠡᠨ ᠤ ᠮᠠᠨᠠᠭᠠᠴᠢ | ᠰᠠᠷᠠ ᠨᠠᠷᠠᠨ ᠤ ᠡᠭᠡᠯᠵᠢ ᠦᠭᠡᠢ ᠭᠠᠯ ᠰᠠᠬᠢᠭᠰᠠᠨ ᠲᠤᠭᠤᠭᠠᠴᠢ | ᠰᠠᠩ ᠤᠨ ᠪᠤᠶᠢᠪᠤᠷ ᠲᠤ ᠠᠷᠴᠠ ᠤᠭᠤᠭᠢᠭᠤᠯᠵᠤ ᠮᠠᠨᠢ ᠤᠩᠰᠢᠭᠰᠠᠨ ᠯᠠᠮᠠ ᠡ ᠁ | ᠰᠢᠬᠦᠷ ᠲᠡᠭᠷᠢ ᠶᠢᠨ ᠳᠤᠤᠷᠠ ᠠᠯᠳᠠᠵᠤ ᠠᠳᠡᠬᠦ ᠲᠤᠭᠠᠯᠠᠩ ᠳᠤ ᠮᠢᠨᠢ | ᠰᠢᠭᠦᠬᠦ ᠶᠢᠨ ᠲᠤᠭᠲᠠᠭᠠᠯ ᠤᠩᠰᠢᠳᠠᠭ ᠶᠠᠯᠠᠯᠠᠭᠴᠢ ᠨᠢ ᠲᠠ ᠮᠦᠷᠲᠡᠯᠡ | ᠳᠠᠭᠠᠭᠠᠮᠠᠢ ᠶᠡᠭᠡ ᠬᠠᠶᠢᠷᠠ ᠲᠠᠨᠢ ᠠᠨᠠᠢ ᠯᠠ ᠬᠡᠪ ᠢᠶᠠᠷ ᠢᠶᠠᠨ | ᠳᠠᠪᠠᠵᠤ ᠵᠠᠭᠠᠯᠳᠤᠭᠰᠠᠨ ᠦᠮᠦᠭᠯᠡᠭᠴᠢ ᠪᠤᠯᠵᠤ ᠵᠤᠪᠠᠯᠠᠩ ᠠᠴᠠ ᠨᠠᠮᠠ ᠶᠢ ᠰᠤᠯᠠᠯᠠᠨᠠ ᠡ | ᠵᠢᠭᠵᠢᠳ ᠪᠤᠷᠬᠠᠨ ᠢ ᠤᠯᠠᠨ ᠮᠤᠲᠤᠷ ᠲᠠᠢ ᠭᠡᠯᠴᠡᠨᠡ | ᠵᠢᠵᠢᠭᠬᠡᠨ ᠡᠨᠡ ᠪᠡᠶᠡ ᠴᠢᠨᠢ ᠲᠡᠭᠦᠨ ᠠᠴᠠ ᠴᠦ ᠤᠯᠠᠨ ᠭᠠᠷ ᠲᠠᠢ | ᠡᠯᠪᠡᠭ ᠶᠡᠭᠡ ᠬᠠᠶᠢᠷᠠ᠂ ᠡᠵᠢ ᠭᠡᠳᠡᠭ ᠨᠡᠷᠡ ᠲᠠᠨᠢ | ᠡᠨᠡ ᠤᠷᠴᠢᠯᠠᠩ ᠠᠴᠠ ᠠᠪᠤᠭᠰᠠᠨ ᠬᠠᠮᠤᠭ ᠤᠨ ᠲᠤᠮᠤ ᠠᠯᠳᠠᠷ ᠡ︕ | ᠵᠡᠭᠦᠦ ᠶᠢᠨ ᠰᠦᠪᠡᠭᠴᠢ ᠪᠠᠷ ᠴᠦ ᠪᠠᠭᠲᠠᠬᠤ ᠤᠨ ᠵᠢᠯ ᠤᠨ ᠤᠷᠤᠰᠬᠠᠯ ᠳᠤ | ᠵᠦᠭᠡᠷ ᠯᠡ ᠳᠡᠷᠭᠡᠳᠡ ᠮᠢᠨᠢ ᠪᠠᠶᠢᠵᠤ ᠬᠠᠶᠢᠷᠠᠯᠠ | ᠢᠵᠢᠢ ᠭᠡᠵᠦ ᠳᠠᠭᠤᠳᠠᠬᠤ ᠪᠤᠯᠭᠠᠨ ᠳᠠᠭᠠᠨ ᠪᠠᠶᠠᠷᠯᠠᠳᠠᠭ | ᠢᠵᠢᠯᠢ ᠬᠡᠳᠦᠨ ᠬᠡᠦᠬᠡᠳ ᠲᠡᠭᠡᠨ ᠤᠷᠲᠤ ᠨᠠᠰᠤᠯᠠᠵᠤ ᠬᠠᠶᠢᠷᠠᠯᠠ ᠡ︕ |