| | ᠠᠯᠠᠬᠤᠰᠢ ᠲᠢᠬᠢᠳ ᠬᠤᠷᠢ ︵ᠠᠯᠠᠬᠤᠰᠢ ᠭᠡᠳᠡᠭ ᠨᠢ ᠨᠡᠷᠡ᠂ ᠲᠢᠬᠢᠳ ᠬᠤᠷᠢ ᠭᠡᠳᠡᠭ ᠨᠢ ᠴᠤᠯᠠ︶ ᠪᠤᠯ | ᠤᠩᠭᠤᠳ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠪᠤᠯᠤᠨᠠ᠃ | ᠤᠩᠭᠤᠳ ᠠᠶᠢᠮᠠᠭ ᠨᠢ ᠠᠷᠪᠠᠨ ᠬᠤᠶᠠᠷ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠪᠠᠷ ᠤᠳᠤ ᠶᠢᠨ | ᠦᠪᠦᠷ ᠮᠤᠩᠭᠤᠯ ᠤᠨ ᠳᠠᠯᠠᠨ ᠬᠠᠷᠠ ᠠᠭᠤᠯᠠ ᠳᠠᠭᠠᠤ ᠭᠤᠪᠢ ᠭᠠᠵᠠᠷ ᠢᠶᠠᠷ ᠨᠤᠲᠤᠭᠯᠠᠵᠤ ᠪᠠᠶᠢᠵᠠᠢ᠃ ᠷᠠᠰᠢᠳ᠋ ᠤᠨ | ᠬᠡᠯᠡᠬᠦ ᠪᠠᠷ᠂ ᠪᠦᠬᠦ ᠠᠶᠢᠮᠠᠭ ᠨᠢ ᠳᠦᠷᠪᠡᠨ ᠮᠢᠩᠭᠠᠨ ᠡᠷᠦᠬᠡ ᠲᠠᠢ ᠪᠠᠶᠢᠭᠰᠠᠨ ᠭᠡᠯᠡ᠃ | ᠠᠯᠠᠬᠤᠰᠢ ᠲᠢᠬᠢᠳ ᠬᠤᠷᠢ ᠤᠯᠤᠰ ᠲᠦᠷᠦ ᠶᠢᠨ ᠲᠠᠯᠠ ᠪᠠᠷ ᠰᠡᠷᠭᠡᠭ ᠪᠦᠭᠡᠳ ᠬᠤᠯᠠ ᠶᠢᠨ ᠬᠠᠷᠠᠴᠠ | ᠬᠡᠲᠦ ᠶᠢᠨ ᠪᠤᠳᠤᠯᠭᠠ ᠲᠠᠢ ᠬᠦᠮᠦᠨ ᠶᠤᠮ᠃ 1203 ᠤᠨ ᠳᠤ ᠬᠡᠷᠡᠶᠢᠳ ᠠᠶᠢᠮᠠᠭ ᠮᠤᠩᠭᠤᠯ ᠳᠤ ᠮᠦᠬᠦᠭᠡᠭᠳᠡᠭᠰᠡᠨ | ᠶᠠᠪᠤᠳᠠᠯ ᠨᠢ ᠬᠦᠴᠦᠷᠬᠡᠭ ᠨᠠᠢᠮᠠᠨ ᠠᠶᠢᠮᠠᠭ ᠢ ᠳᠤᠩᠰᠤᠯᠭᠠᠪᠠ᠃ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠲᠠᠶᠠᠨ ᠬᠠᠨ ᠮᠠᠰᠢ | ᠵᠢᠷᠦᠬᠡᠰᠢᠶᠡᠵᠦ᠂ ᠤᠷᠢᠳ ᠢᠶᠠᠷ ᠭᠠᠷ ᠬᠦᠳᠡᠯᠵᠦ ᠲᠡᠮᠦᠵᠢᠨ ᠢ ᠰᠦᠨᠦᠭᠡᠬᠦ ᠶᠢᠨ ᠲᠦᠯᠦᠭᠡ᠂ ᠠᠯᠠᠬᠤᠰᠢ ᠲᠢᠬᠢᠳ | ᠬᠤᠷᠢ ᠶᠢᠨ ᠳᠡᠷᠭᠡᠳᠡ ᠡᠯᠴᠢ ᠲᠤᠮᠢᠯᠠᠵᠤ᠂ ᠬᠤᠶᠠᠷ ᠡᠲᠡᠭᠡᠳ ᠢᠶᠠᠷ ᠢᠶᠠᠨ ᠬᠤᠯᠪᠤᠭᠠᠯᠠᠨ ᠮᠤᠩᠭᠤᠯ ᠢ ᠬᠠᠪᠴᠢᠨ | ᠴᠤᠬᠢᠰᠤᠭᠠᠢ ᠭᠡᠵᠦ ᠬᠡᠯᠡᠭᠦᠯᠪᠡ᠃ | ᠲᠡᠮᠦᠵᠢᠨ ᠤ ᠠᠯᠳᠠᠷ ᠨᠡᠷᠡ ᠨᠢ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠤᠨ ᠭᠠᠳᠠᠨᠠ ᠲᠤᠲᠤᠨᠠ ᠠᠯᠳᠠᠷᠰᠢᠵᠤ᠂ ᠡᠷᠡᠯᠬᠡᠭ | ᠬᠦᠴᠦᠨ ᠨᠢ ᠡᠳᠦᠷ ᠠᠴᠠ ᠡᠳᠦᠷ ᠬᠦᠴᠦᠷᠬᠡᠭᠵᠢᠭᠡᠳ᠂ ᠮᠤᠩᠭᠤᠯ ᠬᠡᠯᠡᠲᠡᠨ ᠨᠦᠭᠦᠳ ᠤᠳᠠᠯ ᠦᠭᠡᠢ ᠲᠡᠭᠦᠨ ᠳᠤ | ᠨᠢᠭᠡᠳᠬᠡᠭᠳᠡᠬᠦ ᠪᠤᠯᠤᠨᠠ ᠭᠡᠳᠡᠭ ᠢ ᠠᠯᠠᠬᠤᠰᠢ ᠲᠢᠬᠢᠳ ᠬᠤᠷᠢ ᠨᠢᠭᠡᠨᠲᠡ ᠦᠵᠡᠵᠦ ᠭᠠᠷᠤᠭᠰᠠᠨ ᠪᠠᠶᠢᠵᠠᠢ᠃ ᠲᠡᠷᠡ | ᠦᠴᠦᠬᠡᠨ ᠴᠦ ᠲᠠᠲᠠᠭᠠᠯᠵᠠᠯ ᠦᠭᠡᠢ ᠪᠠᠷ ᠨᠠᠢᠮᠠᠨ ᠤ ᠡᠯᠴᠢ ᠳᠤ᠄ ︽ᠪᠠᠷᠠᠭᠤᠨ ᠭᠠᠷ ᠪᠤᠯᠤᠨ ᠦᠯᠦ ᠴᠢᠳᠠᠬᠤ ᠪᠢ︾ | ᠭᠡᠵᠦ ᠬᠠᠷᠢᠭᠤ ᠢᠯᠡᠭᠡᠭᠡᠳ᠂ ᠪᠠᠰᠠ ᠴᠢᠩᠭᠢᠰ ᠬᠠᠭᠠᠨ ᠤ ᠳᠡᠷᠭᠡᠳᠡ ᠡᠯᠴᠢ ᠲᠤᠮᠢᠯᠠᠨ ᠶᠠᠪᠤᠭᠤᠯᠵᠤ᠂ ᠲᠠᠶᠠᠨ ᠬᠠᠨ ᠤ | ᠵᠢᠰᠦᠷ ᠠᠷᠭᠠ ᠵᠠᠯᠢᠬᠠᠢ ᠮᠡᠭᠡ ᠪᠠ ᠲᠡᠭᠦᠨ ᠤ ᠬᠤᠤᠪᠢᠯᠳᠤᠨ ᠤᠬᠠᠭᠠᠯᠠᠭᠰᠠᠨ ᠢ ᠴᠦᠮ ᠬᠡᠯᠡᠵᠦ ᠦᠭᠪᠡ᠃ ᠲᠡᠭᠦᠨ ᠤ | ᠡᠨᠡ ᠬᠦ ᠠᠵᠢᠯᠯᠠᠭᠠ ᠨᠢ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠮᠦᠬᠦᠭᠡᠭᠳᠡᠬᠦ ᠶᠠᠪᠤᠴᠠ ᠶᠢ ᠲᠦᠷᠭᠡᠳᠬᠡᠭᠰᠡᠨ ᠪᠦᠭᠡᠳ ᠴᠢᠩᠭᠢᠰ | ᠬᠠᠭᠠᠨ ᠤ ᠪᠦᠬᠦ ᠮᠤᠩᠭᠤᠯ ᠢ ᠨᠢᠭᠡᠳᠬᠡᠬᠦ ᠠᠭᠤᠤ ᠶᠡᠭᠡ ᠦᠢᠯᠡᠰ ᠢ ᠰᠢᠭᠤᠳ ᠳᠡᠮᠵᠢᠭᠰᠡᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ | 1204 ᠤᠨ ᠳᠤ ᠲᠡᠮᠦᠵᠢᠨ ᠤᠷᠢᠳ ᠢᠶᠠᠷ ᠭᠠᠷ ᠬᠦᠳᠡᠯᠵᠦ᠂ ᠬᠦᠴᠦᠷᠬᠡᠭ ᠨᠠᠢᠮᠠᠨ ᠠᠶᠢᠮᠠᠭ ᠢ | ᠮᠦᠬᠦᠭᠡᠵᠡᠢ᠃ | 1206 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠪᠦᠬᠦ ᠮᠤᠩᠭᠤᠯ ᠢ ᠦᠨᠳᠦᠰᠦᠨ ᠳᠡᠭᠡᠨ ᠨᠢᠭᠡᠳᠬᠡᠵᠦ᠂ ᠬᠠᠭᠠᠨᠲᠤ | ᠮᠤᠩᠭᠤᠯ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ ᠭᠠᠪᠢᠶᠠᠲᠠᠨ ᠢᠶᠠᠨ ᠱᠠᠩᠨᠠᠵᠤ᠂ ᠲᠤᠰᠢᠶᠠᠯᠲᠠᠨ ᠢᠶᠠᠨ ᠲᠤᠮᠢᠯᠠᠬᠤ ᠦᠶᠡ ᠳᠤ᠂ | ᠠᠯᠠᠬᠤᠰᠢ ᠲᠢᠬᠢᠳ ᠬᠤᠷᠢ ᠶᠢ ᠨᠠᠶᠠᠨ ᠨᠠᠢᠮᠠᠨ ᠭᠠᠪᠢᠶᠠᠲᠠᠨ ᠤ ᠨᠢᠭᠡ ᠪᠠᠷ ᠱᠠᠩᠨᠠᠭᠰᠠᠨ ᠪᠦᠭᠡᠳ ᠮᠢᠩᠭᠠᠨ ᠤ | ᠨᠤᠶᠠᠨ ᠢᠶᠠᠷ ᠲᠤᠮᠢᠯᠠᠵᠠᠢ᠃ ᠪᠠᠰᠠ ᠬᠠᠭᠠᠨ ᠤ ᠭᠦᠩᠵᠦ ᠶᠢ ᠱᠠᠩᠨᠠᠵᠤ ᠬᠦᠷᠭᠡᠨ ᠪᠤᠯᠭᠠᠪᠠ᠃ | 1211 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠶᠡᠭᠡ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠠᠯᠲᠠᠨ ᠤᠯᠤᠰ ᠢ ᠳᠠᠶᠢᠯᠠᠪᠠ᠃ | ᠠᠯᠠᠬᠤᠰᠢ ᠲᠢᠬᠢᠳ ᠬᠤᠷᠢ ᠬᠠᠷᠢᠶᠠᠲᠤ ᠨᠠᠷ ᠢᠶᠠᠨ ᠳᠠᠭᠠᠭᠤᠯᠤᠨ ᠡᠨᠡ ᠤᠳᠠᠭᠠ ᠶᠢᠨ ᠳᠠᠶᠢᠯᠠᠯᠳᠤᠭᠠᠨ ᠳᠤᠨᠢ ᠵᠠᠮᠴᠢᠯᠠᠨ | ᠶᠠᠪᠤᠵᠠᠢ᠃ | 1305 ᠤᠨ ᠳᠤ ᠶᠤᠸᠠᠨ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠲᠡᠮᠦᠷ ᠬᠠᠭᠠᠨ ᠠᠴᠠ ᠠᠯᠠᠬᠤᠰᠢ | ᠲᠢᠬᠢᠳ ᠬᠤᠷᠢ ᠳᠤ ᠭᠤᠤ ᠲᠠᠩ ᠵᠦᠩ ᠡᠦ ᠸᠠᠩ ᠤᠨ ᠴᠤᠯᠠ ᠶᠢ ᠨᠡᠬᠡᠮᠵᠢᠯᠡᠨ ᠡᠷᠭᠦᠮᠵᠢᠯᠡᠭᠰᠡᠨ ᠪᠦᠭᠡᠳ ᠬᠦᠰᠢᠶᠡ | ᠪᠤᠰᠬᠠᠵᠤ ᠭᠠᠪᠢᠶᠠ ᠶᠢ ᠨᠢ ᠲᠡᠮᠳᠡᠭᠯᠡᠵᠡᠢ᠃ |