| | ᠴᠢᠯᠠᠭᠤᠨ ᠪᠤᠯ ᠲᠡᠷᠯᠡᠬᠢᠨ ᠮᠤᠩᠭᠤᠯᠴᠤᠳ ᠤᠨ ᠰᠦᠯᠲᠦᠰ ᠠᠶᠢᠮᠠᠭ ᠤᠨ ᠰᠤᠷᠬᠠᠨ ᠰᠢᠷᠠ ᠶᠢᠨ | ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠮᠦᠨ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠬᠦᠯᠦᠭ ᠤᠨ ᠨᠢᠭᠡ᠂ ᠮᠦᠨ ᠴᠦ ᠨᠠᠢᠮᠠᠨ | ᠦᠷᠯᠦᠭ ᠤᠨ ᠨᠢᠭᠡᠨ ᠨᠢ ᠪᠤᠯᠤᠨᠠ᠃ | 1177 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠲᠠᠶᠢᠴᠢᠭᠤᠳ ᠠᠶᠢᠮᠠᠭ ᠲᠤ ᠪᠠᠷᠢᠭᠳᠠᠵᠤ᠂ ᠠᠮᠢ ᠨᠠᠰᠤᠨ ᠳᠤ ᠠᠶᠤᠯ | ᠲᠦᠭᠰᠢᠭᠦᠷᠢ ᠤᠴᠠᠷᠠᠭᠰᠠᠨ ᠡᠨᠡ ᠬᠦ ᠵᠠᠩᠭᠢᠯᠠᠭᠠ ᠶᠢᠨ ᠦᠶᠡ ᠳᠤ ᠴᠢᠯᠠᠭᠤᠨ ᠡᠴᠢᠭᠡ ᠰᠤᠷᠬᠠᠨ ᠰᠢᠷᠠ ᠨᠠᠷ ᠲᠠᠢ ᠪᠠᠨ | ᠬᠠᠮᠲᠤ ᠲᠡᠮᠦᠵᠢᠨ ᠢ ᠭᠡᠷ ᠲᠡᠭᠡᠨ ᠨᠢᠭᠤᠨ ᠳᠠᠯᠳᠠᠯᠠᠵᠤ᠂ ᠲᠠᠶᠢᠴᠢᠭᠤᠳ ᠠᠴᠠ ᠠᠮᠢ ᠶᠢ ᠨᠢ ᠠᠪᠤᠷᠠᠵᠤ ᠭᠠᠷᠭᠠᠪᠠ᠃ | ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠲᠡᠮᠦᠵᠢᠨ ᠳᠤ ᠤᠨᠤᠬᠤ ᠮᠤᠷᠢ ᠪᠠ ᠬᠦᠨᠡᠰᠦ ᠪᠡᠯᠡᠳᠬᠡᠵᠦ ᠦᠭᠭᠦᠭᠡᠳ ᠨᠤᠲᠤᠭ ᠵᠦᠭ ᠨᠢ | ᠮᠤᠷᠳᠠᠭᠤᠯᠤᠭᠰᠠᠨ ᠪᠢᠯᠡ᠃ ᠡᠶᠢᠮᠦ ᠠᠴᠠ ᠴᠢᠯᠠᠭᠤᠨ ᠪᠤᠯ ᠴᠢᠩᠭᠢᠰ ᠬᠠᠭᠠᠨ ᠲᠡᠮᠦᠵᠢᠨ ᠤ ᠠᠮᠢ ᠶᠢ ᠠᠪᠤᠷᠠᠭᠰᠠᠨ | ᠠᠴᠢᠲᠤ ᠬᠦᠮᠦᠨ ᠶᠤᠮ᠃ | 1202 ᠤᠨ ᠳᠤ ᠲᠡᠮᠦᠵᠢᠨ ᠲᠠᠶᠢᠴᠢᠭᠤᠳ ᠲᠠᠢ ᠰᠢᠷᠦᠭᠦᠨ ᠪᠠᠶᠢᠯᠳᠤᠵᠤ᠂ ᠮᠠᠰᠢ ᠶᠡᠭᠡ ᠢᠯᠠᠯᠲᠠ | ᠤᠯᠵᠠᠢ᠃ ᠲᠠᠶᠢᠴᠢᠭᠤᠳ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠰᠤᠯᠲᠤᠰ ᠠᠶᠢᠮᠠᠭ ᠤᠨ ᠴᠢᠯᠠᠭᠤᠨ ᠡᠴᠢᠭᠡ ᠠᠬᠠ | ᠲᠠᠢ ᠪᠠᠨ ᠴᠢᠩᠭᠢᠰ ᠬᠠᠭᠠᠨ ᠳᠤ ᠨᠡᠶᠢᠯᠡᠷᠡ ᠬᠦᠷᠴᠦ ᠢᠷᠡᠵᠡᠢ᠃ ᠴᠢᠩᠭᠢᠰ ᠬᠠᠭᠠᠨ ᠪᠠᠶᠠᠷ ᠲᠠᠢ ᠪᠠᠷ ᠬᠦᠯᠢᠶᠡᠨ | ᠠᠪᠴᠤ ᠳᠡᠷᠭᠡᠳᠡ ᠪᠠᠨ ᠦᠯᠡᠳᠡᠭᠡᠭᠰᠡᠨ ᠪᠢᠯᠡ᠃ ᠢᠩᠭᠢᠭᠡᠳ ᠴᠢᠯᠠᠭᠤᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠷ ᠴᠢᠩᠭᠢᠰ | ᠬᠠᠭᠠᠨ ᠳᠤ ᠦᠢᠯᠡᠴᠢᠯᠡᠵᠡᠢ᠃ | ᠨᠢᠭᠡ ᠤᠳᠠᠭᠠ ᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠮᠤᠷᠢᠨ ᠠᠴᠠ ᠪᠠᠨ ᠤᠶᠢᠴᠢᠵᠤ ᠳᠠᠶᠢᠰᠤᠨ ᠤ ᠵᠠᠩᠵᠤᠨ ᠵᠢᠳᠠᠯᠠᠮᠠᠷ | ᠪᠠᠶᠢᠲᠠᠯᠠ᠂ ᠴᠢᠯᠠᠭᠤᠨ ᠳᠡᠪᠬᠡᠷᠦᠨ ᠪᠤᠰᠴᠤ ᠳᠠᠶᠢᠰᠤᠨ ᠤ ᠵᠠᠩᠵᠤᠨ ᠢ ᠵᠢᠳᠠᠯᠠᠨ ᠠᠯᠠᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ | ᠡᠭᠦᠨ ᠢ ᠦᠵᠡᠭᠡᠳ ᠡᠷᠡᠬᠡᠢ ᠭᠤᠵᠤᠶᠢᠯᠭᠠᠨ ᠮᠠᠭᠲᠠᠵᠤ᠂ ᠪᠠᠭᠠᠲᠤᠷ ᠴᠤᠯᠠ ᠱᠠᠩᠨᠠᠭᠰᠠᠨ ᠭᠡᠨᠡ᠃ | 1206 ᠤᠨ ᠳᠤ ᠮᠤᠩᠭᠤᠯ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠠᠳ ᠴᠢᠩᠭᠢᠰ ᠬᠠᠭᠠᠨ ᠭᠠᠪᠢᠶᠠᠲᠠᠨ ᠢᠶᠠᠨ | ᠱᠠᠩᠨᠠᠬᠤ ᠳᠤ ᠴᠢᠯᠠᠭᠤᠨ ᠳᠤ ᠬᠠᠭᠠᠨ ᠤ ᠵᠠᠬᠠ ᠳᠤ ᠪᠡᠶᠡ ᠪᠠᠷ ᠢᠷᠡᠵᠦ ᠰᠠᠨᠠᠭᠰᠠᠨ ᠢᠶᠠᠨ ᠬᠡᠯᠡᠬᠦ᠂ ᠲᠤᠲᠠᠭᠰᠠᠨ ᠢᠶᠠᠨ | ᠭᠤᠶᠤᠬᠤ ᠪᠦᠷᠢᠨ ᠡᠷᠬᠡ ᠶᠢ ᠦᠭᠴᠡᠢ᠃ ᠲᠡᠭᠦᠨ ᠳᠤ ᠦᠨᠳᠦᠷ ᠬᠡᠷᠬᠡᠮ ᠦᠪᠡᠳᠡᠭᠰᠢ ᠠᠯᠳᠠᠷ ᠢ ᠤᠯᠭᠤᠵᠤ᠂ ᠪᠠᠰᠠ | ᠮᠠᠭᠲᠠᠭᠰᠠᠨ ᠨᠢ᠄ | ᠬᠠᠷᠠ ᠪᠠᠭᠠ ᠨᠠᠰᠤᠨ ᠳᠠᠭᠠᠨ | ᠬᠠᠯᠲᠠᠨ ᠲᠠᠶᠢᠴᠢᠭᠤᠳ ᠲᠤ ᠪᠠᠷᠢᠭᠳᠠᠵᠤ | ᠬᠠᠯᠠ ᠲᠠᠮᠤ ᠶᠢ ᠠᠮᠰᠠᠬᠤᠢ ᠦᠶᠡ ᠳᠤ | ᠬᠠᠨᠢᠯᠠᠵᠤ ᠲᠤᠰᠠᠯᠠᠭᠰᠠᠨ ᠴᠢᠯᠠᠭᠤᠨ ᠮᠢᠨᠢ︕ | ᠦᠰᠲᠡᠨ ᠳᠠᠶᠢᠰᠤᠨ ᠢ ᠳᠠᠷᠤᠬᠤ ᠳᠤ | ᠦᠮᠦᠭ ᠲᠦᠰᠢᠭ ᠪᠤᠯᠤᠭᠰᠠᠨ | ᠦᠯᠦᠭᠡᠢ ᠨᠤᠲᠤᠭ ᠢᠶᠠᠨ ᠨᠢᠭᠡᠳᠬᠡᠬᠦ ᠳᠤ | ᠦᠷᠯᠦᠭ ᠬᠦᠴᠦᠨ ᠢᠶᠠᠨ ᠵᠢᠳᠬᠦᠭᠰᠡᠨ | ᠬᠠᠷᠢᠲᠠᠨ ᠳᠠᠶᠢᠰᠤᠨ ᠢ ᠤᠰᠠᠳᠬᠠᠬᠤ ᠳᠤ | ᠬᠠᠳᠠᠨ ᠵᠤᠷᠢᠭ ᠢᠶᠠᠷ ᠬᠠᠳᠬᠤᠯᠳᠤᠭᠰᠠᠨ | ᠬᠠᠮᠤᠭ ᠮᠤᠩᠭᠤᠯ ᠢ ᠲᠤᠭᠲᠠᠨᠢᠭᠤᠯᠬᠤ ᠳᠤ | ᠬᠠᠯᠠᠰᠢᠷᠠᠯ ᠦᠭᠡᠢ ᠲᠡᠮᠡᠴᠡᠭᠰᠡᠨ ᠴᠢᠯᠠᠭᠤᠨ ᠮᠢᠨᠢ︕ | ᠴᠢᠯᠠᠭᠤᠨ ᠤ ᠲᠦᠷᠦᠭᠰᠡᠨ ᠤᠨ ᠰᠠᠷᠠ ᠪᠠ ᠨᠠᠰᠤ ᠪᠠᠷᠠᠭᠰᠠᠨ ᠤᠨ ᠰᠠᠷᠠ ᠶᠢᠨ ᠲᠤᠬᠠᠢ ᠲᠡᠦᠬᠡᠨ | ᠪᠢᠴᠢᠭ ᠲᠤ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠯ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠤᠶᠢᠷᠠ ᠶᠢᠨ ᠲᠡᠦᠬᠡᠨ ᠪᠢᠴᠢᠭ ᠲᠤ | ᠬᠠᠷᠠᠭᠳᠠᠳᠠᠭ ᠪᠤᠯᠪᠠᠴᠤ᠂ ᠤᠨᠤᠪᠴᠢᠲᠠᠢ ᠭᠡᠵᠦ ᠬᠡᠯᠡᠬᠦᠶᠡ ᠪᠡᠷᠬᠡ᠃ ᠵᠢᠱᠢᠶᠡᠯᠡᠪᠡᠯ᠄ ︽ᠴᠢᠩᠭᠢᠰ ᠬᠠᠭᠠᠨ ᠤ | ᠬᠦᠯᠦᠭ ᠤᠳ︾ ᠭᠡᠳᠡᠭ ᠨᠤᠮ ᠳᠤ ︽ᠪᠠᠷᠤᠭ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠬᠡᠳᠦᠨ ᠨᠠᠰᠤ ᠠᠬᠠ᠂ ᠠᠯᠲᠠᠨ ᠤᠯᠤᠰ ᠢ | ᠳᠠᠶᠢᠯᠠᠬᠤ ᠳᠠᠶᠢᠨ ᠤ ᠦᠶᠡ ᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠤᠯᠤᠯᠲᠠᠢ︾ ᠭᠡᠵᠡᠢ᠃ ︽ᠴᠢᠩᠭᠢᠰ ᠬᠠᠭᠠᠨ ᠤ ᠲᠤᠪᠴᠢᠶᠠᠨ︾ | ᠳᠤ ︽ᠦᠭᠡᠳᠡᠢ ᠬᠠᠭᠠᠨ ᠤ ᠦᠶᠡ ᠳᠤ ᠶᠡᠭᠡ ᠵᠠᠩᠵᠤᠨ ᠴᠢᠯᠠᠭᠤᠨ ᠠᠯᠲᠠᠨ ᠤᠯᠤᠰ ᠲᠤ ᠳᠠᠶᠢᠯᠠᠷᠠ ᠶᠠᠪᠤᠵᠤ | ᠪᠠᠶᠢᠭᠰᠠᠨ ᠪᠢᠯᠡ︾ ᠭᠡᠵᠡᠢ᠃ |