| | ᠪᠤᠷᠤᠬᠤᠯ ᠪᠤᠯ ᠵᠦᠷᠬᠢᠨ ᠤ ᠬᠠᠷᠢᠶᠠᠲᠤ ᠦᠬᠦᠰᠢᠨ ᠤᠪᠤᠭ ᠤᠨ ᠬᠦᠮᠦᠨ᠃ ᠲᠡᠷᠡ ᠦᠭᠡᠯᠦᠨ ᠡᠬᠡ ᠶᠢᠨ | ᠲᠡᠵᠢᠭᠡᠭᠰᠡᠨ ᠳᠦᠷᠪᠡᠨ ᠬᠦᠪᠡᠭᠦᠨ ᠤ ᠨᠢᠭᠡ ᠨᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠬᠦᠯᠦᠭ ᠤᠨ ᠨᠢᠭᠡ᠂ ᠮᠦᠨ ᠴᠦ | ᠨᠠᠢᠮᠠᠨ ᠦᠷᠯᠦᠭ ᠤᠨ ᠨᠢᠭᠡ᠃ | 1197 ᠤᠨ ᠤ ᠡᠪᠦᠯ ᠴᠢᠩᠭᠢᠰ ᠬᠠᠭᠠᠨ ᠲᠠᠯᠠᠲᠤ ᠠᠮᠠᠰᠠᠷ ᠭᠡᠳᠡᠭ ᠭᠠᠵᠠᠷ ᠵᠦᠷᠬᠢᠨ ᠠᠶᠢᠮᠠᠭ ᠢ | ᠪᠠᠶᠢᠯᠳᠤᠵᠤ ᠳᠡᠶᠢᠯᠦᠭᠡᠳ᠂ ᠤᠯᠠᠨ ᠢᠷᠭᠡᠳ ᠢ ᠨᠢ ᠦᠮᠴᠢ ᠪᠤᠯᠭᠠᠨ ᠡᠵᠡᠯᠡᠵᠡᠢ᠃ ᠡᠨᠡ ᠤᠳᠠᠭᠠ ᠶᠢᠨ | ᠪᠠᠶᠢᠯᠳᠤᠭᠠᠨ ᠳᠤ ᠵᠦᠷᠬᠢᠨ ᠤ ᠨᠤᠲᠤᠭ ᠠᠴᠠ ᠴᠢᠩᠭᠢᠰ ᠬᠠᠭᠠᠨ ᠪᠤᠷᠤᠬᠤᠯ ᠭᠡᠳᠡᠭ ᠬᠦᠪᠡᠭᠦᠨ ᠢ ᠤᠯᠵᠤ᠂ | ᠦᠪᠡᠷ ᠤᠨ ᠡᠬᠡ ᠦᠭᠡᠯᠦᠨ ᠦᠵᠢᠨ ᠳᠤ ᠦᠭᠴᠦ ᠲᠡᠵᠢᠭᠡᠯᠭᠡᠪᠡ᠃ ᠡᠨᠡ ᠬᠦᠪᠡᠭᠦᠨ ᠪᠤᠯ ᠦᠭᠡᠯᠦᠨ ᠡᠬᠡ ᠶᠢᠨ | ᠲᠡᠵᠢᠭᠡᠭᠰᠡᠨ ᠬᠦᠪᠡᠭᠦᠳ ᠤᠨ ᠳᠦᠷᠪᠡᠳᠦᠭᠡᠷ ᠨᠢ ᠪᠤᠯᠤᠨᠠ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠴᠢᠩᠭᠢᠰ ᠬᠠᠭᠠᠨ ᠤ | ᠳᠦᠷᠪᠡᠳᠦᠭᠡᠷ ᠵᠢᠷᠦᠮ ᠤᠨ ᠳᠡᠭᠦᠦ ᠮᠦᠨ᠃ | ᠪᠤᠷᠤᠬᠤᠯ ᠬᠠᠷᠠᠬᠠᠨ ᠵᠠᠯᠠᠭᠤ ᠠᠴᠠ ᠪᠠᠨ ᠴᠢᠩᠭᠢᠰ ᠬᠠᠭᠠᠨ ᠢ ᠳᠠᠭᠠᠵᠤ᠂ ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ | ᠤᠪᠤᠭᠲᠠᠨ ᠢ ᠨᠢᠭᠡᠳᠬᠡᠬᠦ ᠲᠡᠮᠡᠴᠡᠯ ᠪᠠ ᠳᠠᠶᠢᠨ ᠳᠤ ᠤᠷᠤᠯᠴᠠᠵᠤ ᠶᠠᠪᠤᠪᠠ᠃ | 1203 ᠤᠨ ᠤ ᠬᠠᠪᠤᠷ ᠵᠤᠨ ᠤ ᠬᠤᠭᠤᠷᠤᠨᠳᠤ ᠴᠢᠩᠭᠢᠰ ᠬᠠᠭᠠᠨ ᠬᠡᠷᠡᠶᠢᠳ ᠤᠨ ᠸᠠᠩ ᠬᠠᠨ ᠲᠤᠭᠤᠷᠢᠯ | ᠲᠠᠢ ᠮᠠᠭᠤ ᠦᠨᠳᠦᠷ ᠭᠡᠳᠡᠭ ᠭᠠᠵᠠᠷ ᠰᠢᠷᠦᠭᠦᠨ ᠲᠤᠯᠤᠯᠳᠤᠵᠠᠢ᠃ ᠡᠨᠡ ᠤᠳᠠᠭᠠ ᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠬᠤᠶᠠᠷ | ᠡᠲᠡᠭᠡᠳ ᠤᠨ ᠠᠯᠢ ᠲᠠᠯᠠ ᠨᠢ ᠪᠤᠯᠪᠠᠴᠤ ᠬᠦᠨᠳᠦ ᠬᠤᠬᠢᠷᠠᠯ ᠠᠮᠰᠠᠪᠠ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠭᠤᠳᠠᠭᠠᠷ ᠬᠦᠪᠡᠭᠦᠨ | ᠦᠭᠡᠳᠡᠢ ᠬᠦᠨᠳᠦ ᠰᠢᠷᠬᠠᠲᠤᠵᠤ᠂ ᠪᠤᠷᠤᠬᠤᠯ ᠠᠮᠢ ᠶᠢ ᠨᠢ ᠠᠪᠤᠷᠠᠵᠤ ᠭᠠᠷᠭᠠᠭᠰᠠᠨ ᠪᠢᠯᠡ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ | ᠪᠤᠷᠤᠬᠤᠯ ︽ᠵᠡᠵᠡᠭᠡᠷ ᠦᠨᠳᠦᠷ ᠤᠨ ᠪᠠᠶᠢᠯᠳᠤᠭᠠᠨ︾᠂ ︽ᠨᠠᠬᠤ ᠬᠤᠨ ᠤ ᠪᠠᠶᠢᠯᠳᠤᠭᠠᠨ︾ ᠳᠤ ᠤᠷᠤᠯᠴᠠᠵᠤ᠂ | ᠪᠠᠶᠢᠯᠳᠤᠭᠠᠨ ᠤ ᠭᠠᠪᠢᠶᠠ ᠪᠠᠶᠢᠭᠤᠯᠵᠠᠢ᠃ | 1205 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠳᠤ ᠨᠢᠭᠡᠨᠲᠡ ᠪᠠᠭᠤᠵᠤ ᠦᠭᠭᠦᠭᠰᠡᠨ ᠤᠸᠠᠰ ᠮᠡᠷᠬᠢᠳ ᠲᠠᠬᠢᠨ | ᠤᠷᠪᠠᠭᠰᠠᠨ ᠳᠤ ᠪᠤᠷᠤᠬᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠪᠠᠷᠠᠭᠤᠨ ᠭᠠᠷ ᠤᠨ ᠴᠡᠷᠢᠭ ᠢ ᠳᠠᠶᠢᠴᠢᠯᠠᠨ ᠤᠸᠠᠰ | ᠮᠡᠷᠭᠢᠳ ᠢ ᠲᠦᠪᠰᠢᠳᠬᠡᠵᠡᠢ᠃ | 1206 ᠤᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠠᠬᠢ ᠤᠯᠠᠨ ᠠᠶᠢᠮᠠᠭ ᠢ ᠨᠢᠭᠡᠳᠬᠡᠵᠦ᠂ | ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠤᠨ ᠲᠦᠷᠦ ᠶᠢ ᠪᠠᠶᠢᠭᠤᠯᠵᠠᠢ᠃ ᠲᠡᠷᠡ ᠭᠠᠪᠢᠶᠠᠲᠠᠨ ᠢ ᠱᠠᠩᠨᠠᠵᠤ᠂ ᠲᠤᠰᠢᠶᠠᠯᠲᠠᠨ ᠢ | ᠲᠤᠮᠢᠯᠠᠭᠰᠠᠨ ᠪᠠᠶᠢᠨᠠ᠃ ᠪᠤᠷᠤᠬᠤᠯ ᠢ ᠨᠠᠶᠠᠨ ᠨᠠᠢᠮᠠᠨ ᠭᠠᠪᠢᠶᠠᠲᠠᠨ ᠤ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠢᠶᠠᠷ ᠱᠠᠩᠨᠠᠵᠤ᠂ ᠪᠠᠰᠠ | ᠮᠢᠩᠭᠠᠨ ᠤ ᠨᠤᠶᠠᠨ ᠡᠷᠭᠦᠮᠵᠢᠯᠡᠭᠰᠡᠨ ᠪᠦᠭᠡᠳ ᠪᠠᠷᠠᠭᠤᠨ ᠭᠠᠷ ᠤᠨ ᠭᠤᠷᠪᠠᠨ ᠲᠦᠮᠡ ᠨᠠᠢᠮᠠᠨ ᠮᠢᠩᠭᠠᠨ ᠴᠡᠷᠢᠭ ᠤᠨ | ᠳᠡᠳ᠋ ᠶᠡᠷᠦᠩᠬᠡᠢ ᠵᠠᠬᠢᠷᠤᠭᠴᠢ ᠪᠤᠯᠭᠠᠪᠠ᠃ ᠴᠢᠩᠭᠢᠰ ᠬᠠᠭᠠᠨ ᠪᠤᠷᠤᠬᠤᠯ ᠳᠤ ᠦᠨᠳᠦᠷ ᠬᠡᠷᠬᠡᠮ ᠦᠪᠡᠳᠡᠭᠰᠢ ᠠᠯᠳᠠᠷ ᠢ | ᠬᠦᠷᠲᠡᠭᠡᠨ ᠰᠤᠶᠤᠷᠬᠠᠬᠤ ᠪᠠᠷ ᠦᠯᠦ ᠪᠠᠷᠠᠮ ᠪᠠᠰᠠ ᠦᠷᠭᠦᠯᠵᠢ ᠮᠠᠭᠲᠠᠳᠠᠭ ᠶᠤᠮ᠃ ᠪᠤᠷᠤᠬᠤᠯ ᠢ ᠮᠠᠭᠲᠠᠭᠰᠠᠨ ᠨᠢ᠄ | ᠬᠤᠷᠳᠤᠨ ᠠᠶᠠᠨ ᠳᠤ ᠮᠤᠷᠳᠠᠵᠤ | ᠬᠤᠷᠠ ᠰᠦᠨᠢ ᠲᠤᠬᠢᠶᠠᠯᠳᠤᠪᠠᠴᠤ | ᠬᠤᠭᠤᠯᠠ ᠤᠮᠳᠠ ᠦᠭᠡᠢ ᠪᠠᠷ | ᠬᠤᠭᠤᠰᠤᠨ ᠬᠤᠨᠤᠭᠤᠯᠤᠭᠰᠠᠨ ᠤᠳᠠᠭᠠ ᠦᠭᠡᠢ᠂ | ᠶᠠᠭᠠᠷᠠᠯᠲᠠᠢ ᠳᠠᠶᠢᠨ ᠳᠤ ᠮᠤᠷᠳᠠᠵᠤ | ᠶᠠᠮᠪᠠᠷ ᠴᠦ ᠪᠡᠷᠬᠡᠰᠢᠶᠡᠯ ᠲᠤᠬᠢᠶᠠᠯᠳᠤᠪᠠᠴᠤ | ᠱᠦᠯᠦ ᠲᠠᠰᠤᠯᠳᠠᠭᠤᠯᠵᠤ | ᠦᠯ ᠠᠯᠳᠠᠭᠤᠯᠵᠤ ᠪᠠᠶᠢᠭᠰᠠᠨ ᠦᠭᠡᠢ᠃ | ᠬᠠᠷᠪᠤᠬᠤ ᠰᠤᠮᠤᠨ ᠳᠤ | ᠬᠠᠯᠬᠠᠪᠴᠢ ᠪᠤᠯᠤᠭᠰᠠᠨ | ᠰᠤᠷᠬᠢᠷᠠᠬᠤ ᠰᠤᠮᠤᠨ ᠳᠤ | ᠰᠠᠷᠠᠪᠴᠢ ᠪᠤᠯᠤᠭᠰᠠᠨ | ᠲᠤᠯᠤᠭᠠᠢ ᠪᠠᠨ ᠰᠢᠷᠬᠠᠲᠤᠬᠤ ᠳᠤ | ᠲᠤᠬᠤᠮ ᠢᠶᠠᠨ ᠡᠰᠡ ᠠᠯᠳᠠᠭᠰᠠᠨ | ᠬᠦᠰᠢᠨ ᠦᠬᠦᠰᠢᠨ ᠤ ᠰᠠᠶᠢᠨ ᠪᠤᠷᠤᠬᠤᠯ ᠮᠢᠨᠢ᠃ | 1215 ᠤᠨ ᠳᠤ ᠪᠤᠷᠤᠬᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠬᠤᠷᠢ ᠲᠦᠮᠡᠳ ᠤᠨ ᠪᠤᠰᠤᠯᠭᠠ ᠶᠢ | ᠳᠠᠷᠤᠩᠭᠤᠶᠢᠯᠠᠬᠤ ᠪᠠᠷ ᠮᠤᠷᠳᠠᠭᠠᠳ᠂ ᠵᠠᠮ ᠵᠠᠭᠤᠷᠠ ᠪᠠᠨ ᠬᠤᠷᠢ ᠲᠦᠮᠡᠳ ᠤᠨ ᠬᠦᠮᠦᠰ ᠲᠤ ᠪᠠᠷᠢᠭᠳᠠᠵᠤ ᠠᠯᠠᠭᠳᠠᠪᠠ | ᠃ |