| | ᠰᠡᠴᠡ ᠪᠠᠬᠢ ᠪᠤᠯ ︽ᠨᠢᠷᠤᠭᠤᠨ ᠮᠤᠩᠭᠤᠯ︾ ᠤᠨ ᠵᠦᠷᠬᠢᠨ ᠤᠪᠤᠭᠲᠠᠨ ᠤ ᠲᠦᠷᠦᠭᠦᠦ ᠶᠤᠮ᠃ ᠴᠢᠩᠭᠢᠰ | ᠬᠠᠭᠠᠨ ᠤ ᠲᠦᠷᠦᠯ ᠤᠪᠤᠭᠲᠠᠨ ᠪᠤᠯᠬᠤ ᠪᠦᠭᠡᠳ ᠳᠡᠭᠡᠷᠡ ᠦᠶᠡ ᠪᠤᠯᠤᠨᠠ᠃ ᠤᠤᠯ ᠳᠠᠭᠠᠨ ᠵᠠᠮᠤᠬᠠ ᠳᠤ | ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠵᠠᠢ᠃ 1181-1189 ᠤᠨ ᠤ ᠬᠤᠭᠤᠷᠤᠨᠳᠤ ᠵᠠᠮᠤᠬᠠ ᠠᠴᠠ ᠬᠠᠭᠠᠴᠠᠨ ᠰᠠᠯᠵᠤ | ᠲᠡᠮᠦᠵᠢᠨ ᠢ ᠳᠠᠭᠠᠭᠰᠠᠨ ᠪᠠᠶᠢᠨᠠ᠃ | 1189 ᠤᠨ ᠳᠤ ᠬᠠᠮᠤᠭ ᠮᠤᠩᠭᠤᠯ ᠤᠨ ᠢᠵᠠᠭᠤᠷᠲᠠᠨ ᠨᠠᠷ ᠵᠦᠪᠯᠡᠯᠳᠦᠵᠦ᠂ ᠲᠡᠮᠦᠵᠢᠨ ᠢ ᠬᠠᠭᠠᠨ | ᠡᠷᠭᠦᠮᠵᠢᠯᠡᠪᠡ᠃ ᠡᠨᠡ ᠤᠳᠠᠭᠠ ᠶᠢᠨ ᠢᠵᠠᠭᠤᠷᠲᠠᠨ ᠤ ᠬᠤᠷᠠᠯᠳᠠᠢ ᠳᠤ ᠰᠡᠴᠡ ᠪᠠᠬᠢ ᠢᠵᠠᠭᠤᠷᠲᠠᠨ ᠤ ᠬᠤᠪᠢ ᠪᠠᠷ | ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠠᠯᠲᠠᠨ᠂ ᠬᠤᠴᠠᠷ ᠲᠠᠢ ᠬᠡᠳᠦᠭᠦᠯᠡ ᠲᠠᠩᠭᠠᠷᠢᠭᠯᠠᠭᠰᠠᠨ ᠨᠢ᠄ ︽ᠡᠷᠬᠢᠮ ᠲᠠᠨ ᠢ ᠪᠠᠨ | ᠬᠠᠭᠠᠨ ᠪᠤᠯᠭᠠᠴᠢᠬᠠᠪᠠᠯ ᠪᠢᠳᠡ᠂ ᠤᠯᠠᠨ ᠳᠠᠶᠢᠨ ᠳᠤ ᠤᠷᠤᠶᠢᠯᠠᠨ ᠶᠠᠪᠤᠵᠤ᠂ ᠤᠨᠴᠠ ᠭᠤᠸᠠ ᠦᠬᠢᠳ ᠢ ᠤᠯᠵᠠᠯᠠᠵᠤ | ᠂ ᠤᠷᠳᠤᠨ ᠰᠠᠶᠢᠨ ᠭᠡᠷ ᠢ ᠠᠪᠴᠤ᠂ ᠤᠯᠠᠨ ᠤ ᠬᠠᠭᠠᠨ ᠲᠡᠮᠦᠵᠢᠨ ᠳᠤ ᠡᠷᠭᠦᠶᠡ᠃ ᠬᠠᠷᠢ ᠶᠢᠨ ᠢᠷᠭᠡᠨ ᠢ ᠬᠠᠯᠳᠠᠨ | ᠳᠤᠪᠲᠤᠯᠵᠤ᠂ ᠬᠠᠴᠠᠷ ᠭᠤᠸᠠ ᠬᠠᠲᠤᠨ ᠢ ᠤᠯᠵᠠᠯᠠᠵᠤ᠂ ᠬᠠᠳᠠᠷᠢ ᠰᠠᠶᠢᠲᠤ ᠠᠭᠲᠠ ᠶᠢ ᠬᠦᠭᠡᠭᠡᠵᠦ ᠠᠪᠴᠢᠷᠠᠵᠤ | ᠦᠭᠭᠦᠶᠡ᠃ ᠤᠷᠤᠭᠠ ᠭᠦᠷᠦᠭᠡᠰᠦ ᠶᠢ ᠠᠪᠠᠯᠠᠬᠤ ᠴᠠᠭ ᠲᠤ ᠤᠲᠤᠵᠤ ᠤᠶᠢᠷᠠᠲᠤᠭᠤᠯᠵᠤ ᠦᠭᠭᠦᠶᠡ ᠪᠢᠳᠡ᠃ ᠤᠢ | ᠭᠦᠷᠦᠭᠡᠰᠦ ᠶᠢ ᠠᠩᠨᠠᠬᠤ ᠴᠠᠭ ᠲᠤ ᠤᠯᠵᠠ ᠭᠠᠷᠭᠠᠵᠤ ᠦᠭᠭᠦᠶᠡ ᠪᠢᠳᠡ᠃ ᠬᠡᠭᠡᠷᠡ ᠶᠢᠨ ᠭᠦᠷᠦᠭᠡᠰᠦ ᠶᠢ ᠭᠡᠲᠡᠵᠦ | ᠠᠪᠠᠯᠠᠬᠤ ᠳᠤ ᠬᠡᠪᠡᠯᠢ ᠶᠢ ᠨᠢ ᠨᠡᠶᠢᠯᠡᠲᠡᠯᠡ ᠰᠢᠬᠠᠵᠤ ᠦᠭᠭᠦᠶᠡ᠃ ᠭᠤᠤ ᠶᠢᠨ ᠭᠦᠷᠦᠭᠡᠰᠦ ᠶᠢ ᠠᠩᠨᠠᠬᠤ ᠴᠠᠭ ᠲᠤ | ᠭᠤᠶᠠ ᠶᠢ ᠨᠢ ᠨᠡᠶᠢᠯᠡᠲᠡᠯᠡ ᠰᠢᠬᠠᠵᠤ ᠦᠭᠭᠦᠶᠡ᠃ ᠬᠠᠳᠬᠤᠯᠳᠤᠬᠤ ᠳᠠᠶᠢᠨ ᠪᠤᠯᠬᠤ ᠴᠠᠭ ᠲᠤ ᠬᠠᠭᠠᠨ ᠲᠡᠮᠦᠵᠢᠨ | ᠴᠢᠨᠦ ᠬᠠᠲᠠᠭᠤ ᠵᠠᠷᠯᠢᠭ ᠢ ᠬᠠᠶᠢᠬᠤᠷᠬᠤ ᠦᠭᠡᠢ ᠶᠠᠪᠤᠪᠠᠰᠤ᠂ ᠬᠠᠲᠤᠨ ᠡᠮᠡ ᠠᠴᠠ ᠬᠠᠭᠠᠴᠠᠭᠤᠯᠤᠨ ᠰᠠᠯᠭᠠᠵᠤ᠂ | ᠬᠠᠮᠤᠭ ᠶᠠᠭᠤᠮᠠ ᠶᠢ ᠬᠠᠮᠤᠷᠤᠨ ᠠᠪᠴᠤ᠂ ᠬᠠᠷᠠ ᠲᠤᠯᠤᠭᠠᠢ ᠶᠢ ᠮᠢᠨᠢ ᠬᠠᠶᠠᠵᠤ ᠤᠳᠤᠭᠳᠤᠨ᠃ ᠡᠩᠬᠡ ᠴᠠᠭ ᠠᠴᠠ | ᠲᠡᠮᠦᠵᠢᠨ ᠴᠢᠨᠦ ᠡᠶᠡ ᠵᠠᠷᠯᠢᠭ ᠢ ᠡᠰᠡ ᠳᠠᠭᠠᠬᠤ ᠪᠤᠯᠪᠠᠰᠤ ᠡᠵᠡᠯᠡᠭᠰᠡᠨ ᠠᠷᠠᠳ ᠢ ᠠᠪᠴᠤ᠂ ᠡᠮᠡ ᠬᠡᠦᠬᠡᠳ ᠢ | ᠪᠤᠯᠢᠶᠠᠵᠤ᠂ ᠡᠨᠡ ᠪᠡᠶᠡ ᠶᠢ ᠮᠢᠨᠢ ᠡᠵᠡᠭᠦᠢ ᠭᠠᠵᠠᠷᠠ ᠬᠦᠭᠡᠭᠡᠵᠦ ᠤᠷᠬᠢ︾ ᠭᠡᠪᠡ᠃ | ᠰᠡᠴᠡ ᠪᠠᠬᠢ ᠲᠦᠷᠦᠭᠦᠲᠡᠢ ᠬᠡᠳᠦᠨ ᠢᠵᠠᠭᠤᠷᠲᠠᠨ ᠪᠤᠯ ᠠᠮᠠᠨ ᠳᠡᠭᠡᠷᠡ ᠪᠠᠨ ᠵᠠ ᠭᠡᠵᠦ ᠠᠷᠤ ᠬᠤᠶᠢᠨᠠ | ᠨᠢ ᠲᠦᠢ ᠭᠡᠬᠦ ᠬᠤᠶᠠᠷ ᠨᠢᠭᠤᠷᠲᠠᠨ ᠶᠤᠮ᠃ ᠲᠡᠳᠡᠨᠦᠰ ᠲᠡᠮᠦᠵᠢᠨ ᠢ ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠭᠰᠡᠨ ᠵᠤᠷᠢᠯᠭᠠ ᠨᠢ | ᠦᠪᠡᠷᠰᠡᠳ ᠤᠨ ᠮᠠᠨᠤᠤᠯ ᠪᠤᠯᠭᠠᠬᠤ ᠪᠠᠷ ᠭᠤᠷᠢᠳᠠᠵᠠᠢ᠃ ᠲᠡᠳᠡᠨᠦᠰ ᠤᠨ ᠪᠤᠳᠠᠲᠤ ᠠᠵᠢᠯᠯᠠᠭᠠ ᠨᠢ ᠡᠭᠦᠨ ᠢ ᠪᠦᠷᠢᠨ | ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠨᠠ᠃ | 1189 ᠤᠨ ᠳᠤ ᠲᠡᠮᠦᠵᠢᠨ ᠪᠤᠯᠤᠨ ᠵᠠᠮᠤᠬᠠ ᠶᠡᠭᠡ ᠪᠠᠷ ᠲᠤᠯᠤᠯᠳᠤᠭᠰᠠᠨ ᠪᠠᠶᠢᠵᠠᠢ᠃ ᠲᠡᠮᠦᠵᠢᠨ | ᠦᠪᠡᠷ ᠤᠨ ᠭᠤᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠢᠶᠠᠨ ᠠᠷᠪᠠᠨ ᠭᠤᠷᠪᠠᠨ ᠬᠦᠷᠢᠶᠡᠨ ᠢᠶᠠᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠵᠠᠮᠤᠬᠠ ᠶᠢ | ᠤᠭᠲᠤᠨ ᠪᠠᠶᠢᠯᠳᠤᠪᠠ᠃ ᠰᠡᠴᠡ ᠪᠠᠬᠢ᠂ ᠳᠡᠭᠦᠦ ᠲᠠᠶᠢᠴᠦ ᠨᠠᠷ ᠲᠠᠢ ᠪᠠᠨ ᠵᠢᠷᠭᠤᠳᠤᠭᠠᠷ ᠬᠦᠷᠢᠶᠡᠨ ᠪᠤᠯᠵᠤ | ᠪᠠᠶᠢᠯᠳᠤᠭᠠᠨ ᠳᠤ ᠤᠷᠤᠯᠴᠠᠪᠠ᠃ | ︽ᠠᠷᠪᠠᠨ ᠭᠤᠷᠪᠠᠨ ᠬᠦᠷᠢᠶᠡᠨ ᠤ ᠪᠠᠶᠢᠯᠳᠤᠭᠠᠨ︾ ᠤ ᠳᠠᠷᠠᠭᠠ ᠬᠤᠩᠬᠤᠲᠠᠨ᠂ ᠤᠷᠤᠭᠤᠳ᠂ ᠮᠠᠩᠭᠤᠳ | ᠵᠡᠷᠭᠡ ᠤᠪᠤᠭᠲᠠᠨ ᠵᠠᠮᠤᠬᠠ ᠠᠴᠠ ᠤᠷᠪᠠᠵᠤ᠂ ᠲᠡᠮᠦᠵᠢᠨ ᠳᠤ ᠳᠠᠭᠠᠷᠠ ᠢᠷᠡᠵᠡᠢ᠃ ᠮᠤᠩᠭᠤᠯ ᠤᠨ ᠲᠠᠯᠠ ᠠᠴᠠ | ᠡᠳᠡᠨᠦᠰ ᠢ ᠬᠠᠯᠠᠭᠤᠨ ᠢᠶᠠᠷ ᠤᠭᠲᠤᠨ ᠠᠪᠴᠤ ᠦᠪᠡᠳᠡᠭᠰᠢ ᠶᠡᠭᠡ ᠬᠤᠷᠢᠮ ᠬᠢᠵᠦ ᠨᠠᠶᠢᠷᠯᠠᠯᠳᠤᠪᠠ᠃ ᠬᠤᠷᠢᠮ ᠳᠤ | ᠵᠦᠷᠬᠢᠨ ᠤ ᠰᠡᠴᠡ ᠪᠠᠬᠢ ᠶᠢᠨ ᠡᠬᠡ ᠳᠤ ᠤᠷᠢᠳ ᠢᠶᠠᠷ ᠠᠷᠢᠬᠢ ᠪᠠᠷᠢᠭᠰᠠᠨ ᠳᠤ ᠬᠤᠷᠢᠵᠢᠨ ᠬᠠᠲᠤᠨ᠂ ᠬᠤᠭᠤᠷᠴᠢᠨ | ᠬᠠᠲᠤᠨ ︵ᠡᠨᠡ ᠬᠤᠶᠠᠷ ᠪᠤᠯ ᠵᠦᠷᠬᠢᠨ ᠤᠪᠤᠭᠲᠠᠨ ᠤ ᠢᠵᠠᠭᠤᠷᠲᠠᠨ ᠤ ᠬᠠᠲᠤᠳ ᠪᠤᠯᠤᠯᠲᠠᠢ︶ ᠬᠤᠶᠠᠷ ᠬᠠᠲᠤᠨ᠂ | ᠰᠡᠴᠡ ᠪᠠᠬᠢ ᠶᠢᠨ ᠡᠬᠡ ᠶᠢ ᠬᠦᠨᠳᠦᠯᠡᠭᠡᠳ ᠲᠡᠳᠡᠨᠦᠰ ᠢ ᠬᠦᠨᠳᠦᠯᠡᠭᠰᠡᠨ ᠦᠭᠡᠢ ᠭᠡᠮᠡᠨ ᠬᠢᠯᠢᠩᠨᠡᠨ᠂ ᠬᠤᠷᠢᠮ ᠢ | ᠡᠷᠬᠢᠯᠡᠭᠴᠢ ᠰᠢᠬᠢᠭᠦᠷ ︵ᠴᠢᠩᠭᠢᠰ ᠬᠠᠭᠠᠨ ᠤ ᠲᠦᠰᠢᠮᠡᠯ︶ ᠭᠡᠳᠡᠭ ᠤᠨ ᠬᠠᠴᠠᠷ ᠢ ᠠᠯᠠᠭᠠᠳᠠᠭᠰᠠᠨ ᠪᠠᠶᠢᠨᠠ᠃ | ᠮᠦᠨ ᠴᠦ ᠡᠨᠡ ᠤᠳᠠᠭᠠ ᠶᠢᠨ ᠬᠤᠷᠢᠮ ᠳᠤ ᠵᠦᠷᠬᠢᠨ ᠤ ᠪᠦᠷᠢ ᠪᠦᠬᠡ ᠭᠡᠳᠡᠭ ᠤᠨ ᠳᠠᠭᠠᠯᠲᠠ ᠨᠢ | ᠲᠡᠮᠦᠵᠢᠨ ᠤ ᠬᠢᠨ ᠤ ᠮᠤᠷᠢᠨ ᠤᠶᠠᠭᠠᠨ ᠠᠴᠠ ᠨᠢᠭᠡᠨ ᠴᠤᠯᠪᠤᠭᠤᠷ ᠬᠤᠯᠠᠭᠠᠶᠢᠯᠠᠭᠠᠳ ᠪᠡᠯᠭᠦᠳᠡᠢ ᠳᠤ ᠪᠠᠷᠢᠭᠳᠠᠪᠠ᠃ | ᠪᠦᠷᠢ ᠪᠦᠬᠡ ᠦᠪᠡᠷ ᠤᠨ ᠳᠠᠭᠠᠯᠲᠠ ᠪᠠᠨ ᠵᠢᠮᠡᠯᠡᠭᠰᠡᠨ ᠦᠭᠡᠢ ᠮᠦᠷᠲᠡᠭᠡᠨ ᠬᠠᠷᠢᠨ ᠲᠡᠭᠦᠨ ᠢᠶᠠᠨ ᠦᠮᠦᠭᠯᠡᠵᠦ᠂ | ᠪᠡᠯᠭᠦᠳᠡᠢ ᠶᠢᠨ ᠮᠦᠷᠦ ᠶᠢ ᠴᠠᠪᠴᠢᠨ ᠰᠢᠷᠬᠠᠲᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠰᠡᠴᠡ ᠪᠠᠬᠢ ᠲᠦᠷᠦᠭᠦᠲᠡᠢ ᠵᠦᠷᠬᠢᠨ ᠤ | ᠢᠵᠠᠭᠤᠷᠲᠠᠨ ᠨᠠᠷ ᠤᠨ ᠡᠳᠡᠭᠡᠷ ᠠᠵᠢᠯᠯᠠᠭᠠ ᠨᠢ ᠲᠡᠮᠦᠵᠢᠨ ᠳᠤ ᠤᠮᠤᠭ ᠰᠦᠷ ᠢᠶᠠᠨ ᠦᠵᠡᠭᠦᠯᠵᠦ ᠪᠠᠶᠢᠬᠤ ᠶᠠᠪᠤᠳᠠᠯ | ᠪᠤᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ᠃ | 1196 ᠤᠨ ᠳᠤ ᠲᠡᠮᠦᠵᠢᠨ ᠲᠠᠲ᠋ᠠᠷᠴᠤᠳ ᠲᠠᠢ ᠠᠩᠬᠠ ᠤᠳᠠᠭᠠ ᠪᠠᠶᠢᠯᠳᠤᠬᠤ ᠦᠶᠡ ᠳᠤ ᠵᠦᠷᠬᠢᠨ ᠤ | ᠰᠡᠴᠡ ᠪᠠᠬᠢ ᠵᠢᠴᠢ ᠲᠡᠭᠦᠨ ᠤ ᠳᠡᠭᠦᠦ ᠲᠠᠶᠢᠴᠤ ᠨᠠᠷ ᠲᠤ ᠡᠯᠴᠢ ᠢᠯᠡᠭᠡᠵᠦ ᠲᠦᠷᠭᠡᠨ ᠪᠠᠶᠢᠯᠳᠤᠭᠠᠨᠠ | ᠤᠷᠤᠯᠴᠠᠬᠤ ᠪᠠᠷ ᠢᠷᠡᠬᠦ ᠶᠢ ᠱᠠᠭᠠᠷᠳᠠᠵᠠᠢ᠃ ᠭᠡᠲᠡᠯᠡ ᠡᠳᠡᠨᠦᠰ ᠵᠤᠷᠢᠭᠤᠳᠠ ᠪᠠᠷ ᠤᠴᠢᠭᠰᠠᠨ ᠦᠭᠡᠢ ᠪᠢᠯᠡ᠃ ᠨᠡᠩ | ᠬᠦᠨᠳᠦ ᠰᠦᠷᠡᠬᠡᠢ ᠶᠠᠪᠤᠳᠠᠯ ᠭᠡᠪᠡᠯ ᠲᠡᠮᠦᠵᠢᠨ ᠲᠠᠲ᠋ᠠᠷᠴᠤᠳ ᠲᠠᠢ ᠪᠠᠶᠢᠯᠳᠤᠬᠤ ᠡᠨᠡ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ᠂ | ᠰᠡᠴᠡ ᠪᠠᠬᠢ᠂ ᠲᠠᠶᠢᠴᠤ ᠬᠤᠶᠠᠷ ᠲᠡᠮᠦᠵᠢᠨ ᠤ ᠠᠷᠤ ᠲᠠᠯᠠ ᠶᠢ ᠳᠠᠭᠠᠷᠢᠨ ᠲᠤᠪᠲᠤᠯᠵᠤ᠂ ᠠᠷᠪᠠᠨ ᠬᠦᠮᠦᠨ ᠢ ᠠᠯᠠᠵᠤ | ᠂ ᠤᠯᠠᠨ ᠬᠦᠮᠦᠨ ᠤ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠳᠡᠭᠡᠷᠡᠮᠳᠡᠭᠡᠳ ᠶᠠᠪᠤᠵᠠᠢ᠃ ᠲᠡᠮᠦᠵᠢᠨ ᠡᠨᠡ ᠴᠢᠮᠡᠭᠡ ᠶᠢ | ᠰᠤᠨᠤᠰᠤᠭᠠᠳ ᠶᠡᠬᠡᠲᠡ ᠬᠢᠯᠢᠩᠨᠡᠵᠦ᠂ ᠪᠡᠶᠡ ᠪᠠᠷ ᠢᠶᠠᠨ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠰᠡᠴᠡ ᠪᠠᠬᠢ ᠲᠦᠷᠦᠭᠦᠲᠡᠢ ᠵᠦᠷᠬᠢᠨ ᠢ | ᠳᠠᠶᠢᠯᠠᠷᠠ ᠮᠤᠷᠳᠠᠪᠠ᠃ | ᠰᠡᠴᠡ ᠪᠠᠬᠢ᠂ ᠲᠠᠶᠢᠴᠤ ᠨᠠᠷ ᠬᠡᠷᠦᠯᠦᠨ ᠤ ᠬᠦᠳᠡᠭᠡ ᠠᠷᠠᠯ ᠤᠨ ᠳᠤᠯᠤᠭᠠᠨ ᠪᠤᠯᠳᠠᠭ ᠭᠡᠰᠡᠨ ᠭᠠᠵᠠᠷ | ᠲᠡᠮᠦᠵᠢᠨ ᠳᠤ ᠳᠡᠶᠢᠯᠦᠭᠳᠡᠭᠡᠳ ᠭᠡᠷ ᠤᠨ ᠬᠦᠮᠦᠰ ᠢᠶᠠᠨ ᠠᠪᠴᠤ ᠠᠮᠢ ᠵᠢᠭᠤᠳᠠᠨ ᠲᠤᠳᠠᠭᠠᠪᠠ᠃ 1197 ᠤᠨ ᠳᠤ | ᠰᠡᠴᠡ ᠪᠠᠬᠢ ᠳᠡᠭᠦᠦ ᠲᠠᠶᠢᠴᠤ ᠲᠠᠢ ᠪᠠᠨ ᠳᠠᠯᠠᠳᠤ ᠠᠮᠠᠰᠠᠷ ᠭᠡᠰᠡᠨ ᠭᠠᠵᠠᠷ ᠲᠡᠮᠦᠵᠢᠨ ᠤ ᠴᠡᠷᠢᠭ ᠲᠤ ᠠᠯᠠᠭᠳᠠᠪᠠ᠃ | ᠢᠩᠭᠢᠭᠡᠳ ᠵᠦᠷᠬᠢᠨ ᠤ ᠠᠷᠠᠳ ᠢᠷᠭᠡᠳ ᠲᠡᠮᠦᠵᠢᠨ ᠤ ᠡᠷᠬᠡᠰᠢᠶᠡᠯ ᠳᠤ ᠤᠷᠤᠪᠠ᠃ |