| | ᠬᠠᠶᠢᠳᠤ ᠪᠤᠯ ᠦᠭᠡᠳᠡᠢ ᠬᠠᠭᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠬᠠᠰᠢ ᠶᠢᠨ ᠬᠦᠪᠡᠭᠦᠨ ᠪᠤᠯᠤᠨᠠ᠃ ᠲᠡᠷᠡ | ᠰᠦᠰᠦ ᠵᠤᠷᠢᠭᠲᠠᠢ ᠭᠠᠷᠮᠠᠭᠠᠢ ᠪᠠᠭᠠᠲᠤᠷ ᠡᠷᠡ ᠶᠤᠮ᠃ | 1251 ᠤᠨ ᠳᠤ ᠮᠦᠩᠬᠡ ᠮᠤᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ᠂ | ᠬᠠᠶᠢᠳᠤ ᠶᠢᠨ ᠤᠶᠢᠷᠠ ᠲᠦᠷᠦᠯ ᠨᠢ ᠤᠷᠪᠠᠭᠰᠠᠨ ᠶᠠᠯᠠ ᠪᠠᠷ ᠰᠢᠢᠳᠬᠡᠭᠳᠡᠵᠦ᠂ ᠠᠯᠠᠭᠳᠠᠵᠤ᠂ ᠴᠦᠯᠡᠭᠳᠡᠵᠦ | ᠪᠠᠶᠢᠭᠰᠠᠨ ᠢ ᠲᠡᠷᠡ ᠨᠢᠳᠦ ᠪᠠᠷ ᠢᠶᠠᠨ ᠬᠠᠷᠠᠵᠤ ᠪᠠᠶᠢᠵᠠᠢ᠃ ᠢᠯᠠᠩᠭᠤᠶᠠ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠪᠠᠨ ᠨᠠᠭᠠᠰᠢ | ᠡᠵᠡᠮᠰᠢᠭᠰᠡᠭᠡᠷ ᠢᠷᠡᠭᠰᠡᠨ ︽ᠦᠭᠡᠳᠡᠢ ᠬᠠᠨᠲᠤ ᠤᠯᠤᠰ︾ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠢᠶᠠᠨ ᠬᠡᠳᠦᠨ ᠲᠡᠶᠢᠰᠢ | ᠬᠡᠰᠡᠭᠯᠡᠭᠳᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠠᠶᠢᠳᠤ ᠶᠢᠨ ᠤᠶᠢᠷᠠ ᠲᠦᠷᠦᠯ ᠤᠨ ᠴᠡᠷᠢᠭ ᠵᠠᠬᠢᠷᠬᠤ ᠡᠷᠬᠡ ᠪᠠᠨ ᠴᠦ ᠴᠦᠮ | ᠬᠠᠰᠤᠭᠳᠠᠭᠰᠠᠨ ᠪᠢᠯᠡ᠃ ᠵᠤᠯ ᠵᠠᠪᠰᠢᠶᠠᠨ ᠢᠶᠠᠷ ᠬᠠᠶᠢᠳᠤ ᠤᠷᠪᠠᠭᠴᠢ ᠪᠠᠷ ᠠᠪᠲᠠᠭᠳᠠᠭᠰᠠᠨ ᠦᠭᠡᠢ᠂ ᠬᠠᠶᠢᠶᠠᠯᠢ | ᠤᠷᠤᠨ ᠢ ᠡᠵᠡᠮᠰᠢᠯ ᠨᠤᠲᠤᠭ ᠢᠶᠠᠷ ᠬᠤᠪᠢᠳᠠᠵᠤ ᠤᠯᠵᠠᠢ᠃ ᠲᠡᠷᠡ ᠦᠶᠡ ᠳᠤ ᠬᠠᠶᠢᠳᠤ ᠰᠢᠨᠡ ᠰᠤᠩᠭᠤᠭᠳᠠᠭᠰᠠᠨ | ᠬᠠᠭᠠᠨ ᠮᠦᠩᠬᠡ ᠶᠢᠨ ᠵᠠᠷᠯᠢᠭ ᠪᠠ ᠲᠤᠬᠢᠷᠠᠭᠤᠯᠤᠯᠲᠠ ᠶᠢ ᠳᠠᠭᠤᠨ ᠦᠭᠡᠢ ᠬᠦᠯᠢᠶᠡᠬᠦ ᠠᠴᠠ ᠦᠭᠡᠷᠡ ᠶᠠᠮᠠᠷ ᠠᠷᠭᠠ | ᠪᠠᠶᠢᠬᠤ ᠠᠵᠢ᠃ ᠭᠡᠪᠡᠴᠦ ᠲᠤᠯᠤᠢ ᠶᠢᠨ ᠤᠭᠰᠠᠭᠠᠲᠠᠨ ᠪᠤᠯ ᠲᠡᠭᠦᠨ ᠤ ᠦᠰᠲᠡᠨ ᠮᠦᠨ ᠭᠡᠰᠡᠨ ᠦᠵᠡᠯᠲᠡ ᠨᠢ | ᠬᠠᠶᠢᠳᠤ ᠶᠢᠨ ᠳᠠᠷᠢᠬᠢᠨ ᠳᠤ ᠪᠠᠲᠤ ᠪᠠᠬᠢ ᠪᠦᠭᠡᠳ ᠦᠨᠢ ᠡᠭᠦᠷᠢᠲᠡ ᠬᠠᠳᠠᠭᠠᠯᠠᠭᠳᠠᠵᠠᠢ᠃ | 1259 ᠤᠨ ᠳᠤ ᠮᠦᠩᠬᠡ ᠬᠠᠭᠠᠨ ᠡᠮᠦᠨᠡᠲᠦ ᠰᠦᠩ ᠤᠯᠤᠰ ᠢ ᠪᠠᠶᠢᠯᠳᠤᠵᠤ ᠪᠠᠶᠢᠭᠠᠳ ᠵᠠᠪᠰᠢᠶᠠᠨ | ᠪᠤᠰᠤ ᠪᠠᠷ ᠨᠠᠰᠤ ᠪᠠᠷᠠᠪᠠ᠃ 1260 ᠤᠨ ᠠᠴᠠ ᠡᠬᠢᠯᠡᠨ ᠬᠤᠪᠢᠯᠠᠢ᠂ ᠠᠷᠢᠭᠪᠦ᠋ᠬᠡ ᠬᠤᠶᠠᠷ ᠬᠤᠭᠤᠷᠤᠨᠳᠤ ᠪᠠᠨ | ᠶᠡᠭᠡ ᠬᠠᠭᠠᠨ ᠤ ᠰᠠᠭᠤᠷᠢᠨ ᠢ ᠪᠤᠯᠢᠶᠠᠯᠳᠤᠵᠤ ᠳᠠᠶᠢᠳᠤᠪᠠ᠃ 1262 ᠤᠨ ᠳᠤ ᠢᠯ ᠬᠠᠨᠲᠤ ᠤᠯᠤᠰ ᠤᠨ ᠦᠯᠡᠬᠦ | ᠠᠯᠲᠠᠨ ᠤᠷᠳᠤᠨᠲᠤ ᠬᠠᠨᠲᠤ ᠤᠯᠤᠰ ᠤᠨ ᠪᠡᠷᠬᠡ ᠲᠠᠢ ᠨᠤᠲᠤᠭ ᠳᠡᠪᠢᠰᠬᠡᠷ ᠪᠤᠯᠢᠶᠠᠯᠳᠤᠨ ᠶᠡᠭᠡ ᠲᠤᠯᠤᠯᠳᠤᠭᠠᠨ | ᠪᠤᠯᠪᠠ᠃ ᠡᠨᠡ ᠮᠡᠲᠦ ᠲᠦᠷᠭᠡᠨ ᠬᠤᠪᠢᠷᠠᠯᠲᠠ ᠭᠠᠷᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠬᠠᠶᠢᠳᠤ ᠪᠦᠰᠡᠯᠡᠯᠲᠡ ᠠᠴᠠ ᠪᠠᠨ | ᠲᠠᠶᠢᠯᠤᠭᠳᠠᠭᠠᠳ᠂ ᠬᠦᠴᠦ ᠪᠠᠨ ᠬᠤᠷᠠᠮᠳᠤᠭᠤᠯᠵᠤ ᠲᠤᠯᠤᠢ ᠶᠢᠨ ᠤᠭᠰᠠᠭᠠ ᠠᠴᠠ ᠦᠰᠢᠶᠡ ᠪᠠᠨ ᠠᠪᠬᠤ ᠴᠠᠭ | ᠲᠤᠬᠢᠶᠠᠯ ᠢ ᠤᠯᠭᠤᠭᠰᠠᠨ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠬᠠᠶᠢᠳᠤ ᠲᠤᠯᠤᠢ ᠶᠢᠨ ᠤᠭᠰᠠᠭᠠᠲᠠᠨ ᠢ ᠡᠰᠡᠷᠭᠦᠴᠡᠭᠰᠡᠨ | ᠰᠢᠯᠲᠠᠭᠠᠨ ᠤ ᠨᠢᠭᠡ ᠨᠢ ᠪᠤᠯᠤᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠡᠷᠡ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠦᠭᠡᠳᠡᠢ ᠬᠠᠭᠠᠨ ᠤ | ᠤᠮᠪᠤᠯᠤ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠬᠠᠭᠠᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠶᠤᠰᠤᠲᠠᠢ ᠭᠡᠵᠦ ᠦᠵᠡᠭᠰᠡᠨ ᠨᠢ ᠪᠠᠰᠠ | ᠨᠢᠭᠡᠨ ᠰᠢᠯᠲᠠᠭᠠᠨ ᠪᠤᠯᠬᠤ ᠶᠤᠮ᠃ | ᠬᠠᠶᠢᠲᠤ ᠠᠷᠢᠭᠪᠦ᠋ᠬᠡ ᠶᠢᠨ ᠤᠷᠪᠠᠯᠭᠠᠨ ᠢ ᠳᠠᠯᠳᠠᠭᠤᠷ ᠳᠡᠮᠵᠢᠬᠦ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ ᠦᠪᠡᠷ ᠤᠨ ᠰᠦᠷ | ᠬᠦᠴᠦ ᠪᠠᠨ ᠦᠷᠭᠡᠳᠬᠡᠬᠦ ᠪᠠᠷ ᠤᠷᠤᠯᠳᠤᠵᠠᠢ᠃ ᠲᠡᠷᠡ ᠤᠷᠢᠳ ᠢᠶᠠᠷ ᠴᠠᠭᠠᠳᠠᠢ ᠬᠠᠨᠲᠤ ᠤᠯᠤᠰ ᠤᠨ ᠮᠦᠪᠡᠷᠢᠭᠱᠡ ︵ | ᠬᠠᠷᠠ ᠦᠯᠡᠬᠦ ᠶᠢᠨ ᠬᠦᠪᠡᠭᠦᠨ︶ ᠬᠠᠨ ᠲᠠᠢ ᠬᠤᠯᠪᠤᠭᠠ ᠪᠠᠶᠢᠭᠤᠯᠵᠠᠢ᠃ ᠬᠤᠪᠢᠯᠠᠢ ᠬᠠᠭᠠᠨ ᠡᠨᠡ ᠴᠢᠮᠡᠭᠡ ᠶᠢ | ᠰᠤᠨᠤᠰᠤᠭᠠᠳ ᠮᠦᠪᠡᠷᠢᠭᠱᠡ ᠶᠢ ᠪᠠᠶᠢᠯᠭᠠᠵᠤ ᠦᠪᠡᠷ ᠤᠨ ᠨᠠᠮᠲᠠᠨ ᠪᠤᠯᠬᠤ ᠪᠠᠯᠠᠬᠠ ᠶᠢ ᠬᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠪᠡ᠃ | ᠬᠤᠪᠢᠯᠠᠢ ᠶᠢᠨ ᠪᠠᠯᠠᠬᠠ ᠲᠠᠢ ᠬᠤᠯᠪᠤᠭᠠᠯᠠᠨ ᠬᠤᠶᠠᠷ ᠲᠠᠯᠠ ᠠᠴᠠ ᠨᠢ ᠬᠠᠪᠴᠢᠵᠤ ᠴᠤᠬᠢᠬᠤ ᠠᠷᠭᠠ ᠪᠠᠰᠢᠷ ᠢ | ᠬᠠᠶᠢᠳᠤ ᠨᠡᠪᠲᠡ ᠦᠵᠡᠵᠦ ᠭᠠᠷᠤᠭᠠᠳ᠂ ᠪᠡᠶᠡ ᠪᠠᠷ ᠢᠶᠠᠨ ᠶᠡᠭᠡ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠴᠠᠭᠠᠳᠠᠢ ᠬᠠᠨᠲᠤ ᠤᠯᠤᠰ ᠢ | ᠳᠤᠪᠲᠤᠯᠪᠠ᠃ ᠪᠠᠯᠠᠬᠠ ᠡᠰᠡᠷᠭᠦᠴᠡᠨ ᠪᠠᠶᠢᠯᠳᠤᠭᠰᠠᠨ ᠪᠤᠯᠪᠠᠴᠦ ᠬᠠᠶᠢᠳᠤ ᠳᠤ ᠳᠡᠶᠢᠯᠦᠭᠳᠡᠭᠡᠳ ᠠᠷᠭᠠ ᠪᠤᠰᠤ | ᠡᠪᠰᠡᠪᠡ᠃ ᠡᠨᠡ ᠨᠢ ᠴᠠᠭᠠᠳᠠᠢ ᠬᠠᠨᠲᠤ ᠤᠯᠤᠰ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠬᠠᠶᠢᠳᠤ ᠶᠢᠨ ᠮᠡᠳᠡᠯ ᠳᠤ ᠤᠷᠤᠭᠰᠠᠨ ᠢ | ᠬᠠᠷᠠᠭᠤᠯᠪᠠ᠃ ᠪᠠᠯᠠᠬᠠ ᠦᠬᠦᠭᠰᠡᠨ ᠬᠤᠶᠢᠨᠠ 1272 ᠤᠨ ᠳᠤ ᠬᠠᠶᠢᠳᠤ ᠪᠠᠯᠠᠬᠠ ᠶᠢᠨ ᠬᠦᠪᠡᠭᠦᠨ ᠲᠤᠸᠠ ᠶᠢ | ᠬᠠᠨ ᠡᠷᠭᠦᠮᠵᠢᠯᠡᠪᠡ᠃ ᠬᠠᠶᠢᠳᠤ ᠲᠤᠸᠠ ᠲᠠᠢ ᠬᠤᠯᠪᠤᠭᠠᠯᠠᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠤᠷᠤᠨ ᠢ ᠡᠵᠡᠷᠬᠡᠵᠦ᠂ | ᠬᠤᠪᠢᠯᠠᠢ ᠶᠢᠨ ᠲᠦᠷᠦ ᠳᠤ ᠲᠤᠩ ᠶᠡᠭᠡ ᠰᠦᠷᠳᠡᠭᠦᠯᠦᠯ ᠪᠤᠯᠪᠠ᠃ | 1275 ᠤᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠬᠠᠶᠢᠳᠤ ᠶᠢᠨ ᠲᠤᠪᠲᠤᠯᠤᠯᠲᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ | ᠦᠪᠡᠷ ᠤᠨ ᠬᠦᠪᠡᠭᠦᠨ ᠪᠸᠢ ᠫᠢᠩ ᠸᠠᠩ ᠨᠤᠮᠤᠬᠠᠨ᠂ ᠮᠦᠩᠬᠡ ᠶᠢᠨ ᠬᠦᠪᠡᠭᠦᠨ ᠰᠢᠷᠭᠢ᠂ ᠲᠡᠮᠦᠭᠡ ᠤᠳᠴᠢᠭᠢᠨ ᠤ | ᠬᠤᠶᠢᠴᠢᠰ ᠲᠤᠭᠲᠠᠮᠤ ᠳᠤ ᠴᠡᠷᠢᠭ ᠦᠭᠴᠦ ᠪᠠᠷᠠᠭᠤᠨ ᠬᠤᠶᠢᠲᠤ ᠤᠷᠤᠨ ᠢ ᠪᠠᠬᠢᠯᠡᠨ ᠰᠠᠬᠢᠭᠤᠯᠪᠠ᠃ 1277 | ᠤᠨ ᠳᠤ ᠲᠤᠭᠲᠠᠮᠤ᠂ ᠰᠢᠷᠭᠢ ᠨᠠᠷ ᠤᠷᠪᠠᠯᠭᠠᠨ ᠭᠠᠷᠭᠠᠵᠤ᠂ ᠬᠠᠷᠠ ᠬᠤᠷᠢᠨ ᠢ ᠪᠠᠶᠢᠯᠳᠤᠨ ᠡᠵᠡᠯᠡᠬᠦ ᠪᠠᠷ ᠳᠡᠪᠰᠢᠪᠡ᠃ | ᠬᠠᠶᠢᠳᠤ ᠡᠨᠡ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ᠂ ᠨᠤᠮᠤᠬᠠᠨ ᠤ ᠰᠠᠬᠢᠵᠤ ᠰᠠᠭᠤᠭᠠ ᠠᠯᠢᠮᠠᠯᠢᠭ ︵ᠰᠢᠨᠵᠢᠶᠠᠩ ᠤᠨ | ᠡᠾᠦ᠋ᠸᠧ ᠴᠧᠩ ᠬᠤᠲᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠲᠤ︶ ᠢ ᠡᠵᠡᠯᠡᠨ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠬᠠᠶᠢᠳᠤ ᠢᠯᠠᠯᠲᠠ ᠶᠢᠨ | ᠡᠷᠴᠢᠨ ᠳᠡᠭᠡᠷᠡ ᠦᠪᠡᠷ ᠤᠨ ᠡᠷᠬᠡᠰᠢᠶᠡᠯ ᠤᠨ ᠬᠦᠷᠢᠶᠡ ᠪᠠᠨ ᠲᠡᠭᠷᠢ ᠠᠭᠤᠯᠠ ᠶᠢᠨ ᠠᠷᠤ ᠦᠪᠦᠷ ᠬᠦᠷᠲᠡᠯᠡ | ᠦᠷᠭᠡᠳᠬᠡᠪᠡ᠃ | 1287 ᠤᠨ ᠳᠤ ᠬᠠᠶᠢᠳᠤ ᠵᠡᠭᠦᠨ ᠬᠤᠶᠢᠲᠤ ᠤᠷᠤᠨ ᠤ ᠨᠠᠶᠠᠨ ︵ᠤᠳᠴᠢᠭᠢᠨ ᠤ ᠦᠷᠡᠰ︶ ᠲᠠᠢ | ᠬᠠᠷᠢᠯᠴᠠᠭᠠ ᠬᠤᠯᠪᠤᠭᠠ ᠠᠪᠤᠯᠴᠠᠵᠤ᠂ ᠬᠤᠪᠢᠯᠠᠢ ᠬᠠᠭᠠᠨ ᠢ ᠬᠤᠶᠠᠷ ᠲᠠᠯᠠ ᠠᠴᠠ ᠨᠢ ᠬᠠᠪᠴᠢᠵᠤ ᠪᠠᠶᠢᠯᠳᠤᠬᠤ ᠪᠠᠷ | ᠲᠤᠭᠲᠠᠵᠠᠢ᠃ ᠡᠨᠡ ᠬᠦ ᠲᠦᠯᠦᠪᠯᠡᠭᠡ ᠪᠠᠨ ᠪᠡᠶᠡᠯᠡᠭᠦᠯᠬᠦ ᠶᠢᠨ ᠲᠦᠯᠦᠭᠡ᠂ ᠠᠷᠪᠠᠨ ᠲᠦᠮᠡᠨ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ | ᠨᠠᠶᠠᠨ ᠲᠠᠢ ᠨᠡᠶᠢᠯᠡᠯᠳᠦᠬᠦ ᠪᠠᠷ ᠪᠡᠯᠡᠳᠬᠡᠪᠡ᠃ ᠭᠡᠲᠡᠯᠡ ᠪᠤᠳᠠᠲᠤ ᠬᠡᠷᠡᠭ ᠪᠤᠳᠤᠭᠰᠠᠨ ᠤ ᠡᠰᠡᠷᠭᠦ ᠪᠤᠯᠵᠤ᠂ ᠨᠠᠶᠠᠨ | ᠬᠤᠪᠢᠯᠠᠢ ᠳᠤ ᠪᠤᠲᠠ ᠴᠤᠬᠢᠭᠳᠠᠵᠤ᠂ ᠬᠠᠶᠢᠳᠤ ᠶᠢᠨ ᠲᠦᠯᠦᠪᠯᠡᠭᠡ ᠬᠡᠢ ᠬᠤᠭᠤᠰᠤᠨ ᠪᠤᠯᠵᠠᠢ᠃ | 1288 ᠤᠨ ᠳᠤ ᠬᠠᠶᠢᠳᠤ ᠠᠷᠢᠭᠪᠦ᠋ᠬᠡ ᠶᠢᠨ ᠠᠬᠠᠮᠠᠳ ᠬᠦᠪᠡᠭᠦᠨ ᠮᠢᠩᠯᠢᠳᠡᠮᠦᠷ ᠲᠠᠢ ᠬᠤᠯᠪᠤᠭᠠᠯᠠᠨ | ᠬᠠᠷᠠ ᠬᠤᠷᠢᠨ ᠢ ᠪᠠᠶᠢᠯᠳᠤᠬᠤ ᠪᠠᠷ ᠮᠤᠷᠳᠠᠪᠠ᠃ ᠲᠡᠷᠡ ᠦᠶᠡ ᠳᠤ ᠬᠠᠷᠠ ᠬᠤᠷᠢᠨ ᠢ ᠬᠤᠪᠢᠯᠠᠢ ᠶᠢᠨ ᠠᠯᠳᠠᠷᠲᠤ | ᠦᠷᠯᠦᠭ ᠪᠠᠶᠠᠨ ᠰᠠᠬᠢᠵᠤ ᠪᠠᠶᠢᠪᠠ᠃ ᠡᠨᠡ ᠤᠳᠠᠭᠠ ᠶᠢᠨ ᠳᠠᠶᠢᠯᠠᠯᠳᠤᠭᠠᠨ ᠳᠤ ᠮᠢᠩᠯᠢᠲᠡᠮᠦᠷ ᠠᠪᠤᠰᠢ ᠦᠭᠡᠢ | ᠳᠡᠶᠢᠯᠦᠭᠳᠡᠭᠡᠳ᠂ ᠪᠠᠶᠠᠨ ᠳᠤ ᠪᠠᠭᠤᠵᠤ ᠦᠭᠪᠡ᠃ ᠪᠠᠶᠠᠨ ᠤ ︽ᠳᠠᠶᠢᠰᠤᠨ ᠢ ᠦᠳᠦᠭᠡᠨ ᠤᠷᠤᠭᠤᠯᠬᠤ︾ ᠠᠷᠭᠠ | ᠳᠤᠨᠢ ᠬᠠᠶᠢᠳᠤ ᠠᠪᠲᠠᠭᠳᠠᠭᠠᠳ ᠴᠡᠷᠢᠭ ᠳᠠᠷᠤᠭᠳᠠᠵᠤ ᠤᠬᠤᠷᠢᠪᠠ᠃ | ᠬᠠᠶᠢᠳᠤ ᠶᠢᠨ ᠤᠷᠪᠠᠯᠭᠠᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠭᠤᠴᠢ ᠭᠠᠷᠤᠢ ᠵᠢᠯ ᠬᠦᠴᠦ ᠴᠢᠳᠠᠯ ᠤᠶᠤᠨ | ᠤᠬᠠᠭᠠᠨ ᠢᠶᠠᠨ ᠵᠠᠷᠤᠴᠠᠭᠤᠯᠤᠭᠰᠠᠨ ᠪᠤᠯᠪᠠᠴᠤ ᠲᠡᠭᠦᠨ ᠢ ᠲᠦᠪᠰᠢᠳᠬᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠢᠯᠡ᠃ ᠡᠨᠡ ᠨᠢ | ᠲᠡᠭᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠲᠤᠶᠢᠯ ᠤᠨ ᠬᠠᠷᠠᠮᠰᠠᠯᠲᠠᠢ ᠬᠡᠷᠡᠭ ᠪᠤᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ᠃ 1294 | ᠤᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠨᠠᠰᠤ ᠪᠠᠷᠠᠪᠠ᠃ ᠬᠠᠶᠢᠳᠤ᠂ ᠬᠤᠪᠢᠯᠠᠢ ᠬᠢᠭᠡᠳ ᠪᠠᠶᠠᠨ ᠤ ᠦᠬᠦᠭᠰᠡᠨ ᠢ ᠰᠤᠨᠤᠰᠤᠭᠠᠳ | ᠴᠠᠭᠠᠳᠠᠢ ᠬᠠᠨᠲᠤ ᠤᠯᠤᠰ ᠤᠨ ᠲᠤᠸᠠ ᠲᠠᠢ ᠶᠡᠭᠡ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠶᠤᠸᠠᠨ ᠤᠯᠤᠰ ᠢ ᠳᠠᠶᠢᠯᠠᠬᠤ ᠪᠠᠷ ᠮᠤᠷᠳᠠᠪᠠ᠃ | | ᠬᠠᠶᠢᠳᠤ ᠪᠤᠯᠤᠨ ᠲᠤᠸᠠ ᠠᠯᠲᠠᠢ ᠠᠭᠤᠯᠠ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠶᠤᠸᠠᠨ ᠤᠯᠤᠰ ᠤᠨ ᠴᠡᠷᠢᠭ | ᠲᠠᠢ ᠤᠯᠠᠨ ᠤᠳᠠᠭᠠ ᠰᠢᠷᠦᠭᠦᠨ ᠪᠠᠶᠢᠯᠳᠤᠵᠤ᠂ ᠬᠤᠶᠠᠷ ᠡᠲᠡᠭᠡᠳ ᠢᠶᠠᠷ ᠢᠶᠠᠨ ᠬᠡᠨ ᠬᠡᠨ ᠢᠶᠠᠨ ᠢᠯᠠᠵᠤ ᠴᠢᠳᠠᠬᠤ | ᠦᠭᠡᠢ ᠪᠠᠶᠢᠵᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠴᠧᠩᠽᠦ᠋ᠩ ᠬᠠᠭᠠᠨ ᠴᠡᠷᠢᠭ ᠨᠡᠮᠡᠨ ᠵᠠᠩᠵᠤᠨ ᠲᠤᠮᠢᠯᠠᠵᠤ ᠪᠠᠶᠢᠯᠳᠤᠬᠤ | ᠬᠦᠴᠦᠨ ᠢᠶᠠᠨ ᠨᠡᠩ ᠬᠦᠴᠦᠷᠬᠡᠭᠵᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠬᠠᠶᠢᠳᠤ ᠶᠢᠨ ᠴᠡᠷᠢᠭ ᠤᠨ ᠬᠦᠴᠦᠨ ᠮᠡᠬᠦᠰᠲᠡᠭᠡᠳ | 1301 ᠤᠨ ᠳᠤ ᠲᠡᠮᠦᠷ ᠬᠠᠭᠠᠨ ᠤ ᠠᠴᠢ ᠬᠦᠪᠡᠭᠦᠨ ᠬᠠᠶᠢᠰᠠᠩ ᠤᠨ ᠶᠡᠭᠡ ᠴᠡᠷᠢᠭ ᠲᠤ ᠢᠯᠠᠭᠳᠠᠵᠤ᠂ ᠬᠠᠶᠢᠳᠤ | ᠲᠡᠮᠦᠷ ᠤᠳᠠᠭᠰᠠᠨ ᠦᠭᠡᠢ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠪᠠ᠃ | 1303 ᠤᠨ ᠳᠤ ᠬᠠᠶᠢᠳᠤ ᠶᠢᠨ ᠬᠦᠪᠡᠭᠦᠨ ᠴᠡᠪᠡᠷ ᠬᠢᠭᠡᠳ ᠴᠠᠭᠠᠳᠠᠢ ᠬᠠᠨᠲᠤ ᠤᠯᠤᠰ ᠤᠨ ᠲᠤᠸᠠ ᠬᠠᠨ | ᠡᠯᠴᠢ ᠶᠠᠪᠤᠭᠤᠯᠵᠤ ᠡᠪᠰᠡᠨ ᠨᠠᠶᠢᠷᠠᠮᠳᠠᠬᠤ ᠶᠢ ᠭᠤᠶᠤᠭᠰᠠᠨ ᠢᠶᠠᠷ ᠳᠠᠶᠢᠨ ᠵᠤᠭᠰᠤᠵᠠᠢ᠃ |