| | | ᠨᠠᠷᠠᠰᠤ ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠭᠠᠨ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ | | | ᠬᠤᠯᠪᠤᠭᠠᠨ ᠤ ᠤᠯᠠᠨ ᠲᠠ ᠪᠦᠬᠦᠨ ᠢᠶᠠᠷ ᠢᠶᠠᠨ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠡᠨᠡ ᠦᠳᠡᠰᠢ ᠡᠬᠡ ᠬᠡᠯᠡ ᠪᠠᠨ | ᠬᠠᠶᠢᠷᠠᠯᠠᠬᠤ ᠬᠤᠯᠪᠤᠭᠠᠨ ᠤ ᠲᠠᠪᠴᠠᠩ ᠢᠶᠠᠷ ᠲᠠ ᠨᠠᠷ ᠲᠠᠢ ᠵᠤᠯᠭᠠᠬᠤ ᠪᠤᠯᠤᠭᠰᠠᠨ ᠳᠤ ᠪᠠᠨ ᠲᠤᠩ ᠪᠠᠶᠠᠷᠲᠠᠢ ᠪᠠᠶᠢᠨᠠ᠃ | ᠦᠨᠦᠳᠦᠷ ᠪᠢ ︿ᠬᠡᠦᠬᠡᠳ ᠢᠶᠠᠨ ᠪᠢᠳᠡ ᠨᠤᠮ ᠲᠠᠢ ᠬᠤᠯᠪᠤᠶᠠ﹀ ᠭᠡᠬᠦ ᠰᠡᠳᠦᠪ ᠢᠶᠠᠷ ᠶᠠᠷᠢᠶᠠ ᠬᠢᠬᠦ ᠪᠠᠷ ᠪᠠᠶᠢᠨᠠ᠃ ᠲᠤᠰ | ᠶᠠᠷᠢᠶᠠ ᠪᠠᠨ ᠪᠢ ︿ᠬᠡᠯᠡ ᠪᠠ ᠨᠤᠮ ᠤᠩᠰᠢᠬᠤ ᠶᠢᠨ ᠬᠤᠯᠪᠤᠭᠳᠠᠯ᠂ ᠬᠡᠦᠭᠡᠳ ᠤᠳ ᠤᠨ ᠮᠤᠩᠭᠤᠯ ᠨᠤᠮ ᠢᠶᠠᠨ ᠤᠩᠰᠢᠵᠤ | ᠪᠠᠶᠢᠭᠠ ᠪᠠᠶᠢᠳᠠᠯ ᠤᠨ ᠲᠤᠬᠠᠢ ᠪᠠᠶᠢᠴᠠᠭᠠᠯᠲᠠ ᠵᠢᠴᠢ ᠰᠤᠷᠤᠭᠴᠢᠳ ᠤᠨ ᠨᠤᠮ ᠤᠩᠰᠢᠬᠤ ᠲᠤᠭᠠ ᠬᠡᠮᠵᠢᠶᠠ ᠶᠢ ᠶᠠᠭᠠᠬᠢᠵᠤ | ᠳᠡᠭᠡᠭᠰᠢᠯᠡᠭᠦᠯᠬᠦ ᠲᠤᠬᠠᠢ﹀ ᠬᠡᠬᠦ ᠭᠤᠷᠪᠠᠨ ᠲᠠᠯᠠ ᠪᠠᠷ ᠶᠠᠷᠢᠶᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠨᠠ᠃ | ᠲᠡᠭᠡᠪᠡᠯ᠂ ᠲᠤᠰ ᠬᠦᠮᠦᠨ ᠬᠤᠷᠢᠭᠠᠳ ᠵᠢᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠳᠤ ᠪᠡᠶᠡᠳᠡᠨ | ᠤᠷᠤᠯᠴᠠᠭᠰᠠᠨ ᠤᠴᠢᠷ ᠠᠴᠠ ᠦᠨᠦᠳᠦᠷ ᠤᠨ ᠠᠭᠤᠯᠭᠠ ᠪᠠᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠦᠭᠡᠳ ᠤᠨ ᠤᠨᠴᠠᠯᠢᠭ | ᠪᠠᠶᠢᠳᠠᠯ ᠠᠴᠠ ᠡᠭᠦᠰᠴᠦ ᠶᠠᠷᠢᠶᠠ︕ | ᠨᠢᠭᠡ᠂ ᠬᠡᠯᠡ ᠪᠠ ᠨᠤᠮ ᠤᠩᠰᠢᠬᠤ ᠶᠢᠨ ᠬᠤᠯᠪᠤᠭᠳᠠᠯ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠬᠡᠯᠡ ᠪᠢᠴᠢᠭ ᠢᠶᠠᠨ ᠵᠦᠪ ᠤᠩᠰᠢᠵᠤ᠂ ᠵᠦᠪ ᠪᠢᠴᠢᠵᠦ᠂ ᠵᠦᠪ | ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠬᠢᠷᠢ ᠲᠦᠪᠰᠢᠨ ᠨᠢ ᠲᠡᠭᠦᠨ ᠤ ᠨᠤᠮ ᠤᠩᠰᠢᠬᠤ ᠳᠠᠳᠬᠠᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠯ ᠲᠠᠢ ᠭᠡᠵᠦ | ᠦᠵᠡᠵᠦ ᠪᠤᠢ᠃ ᠲᠥᠩᠭᠡᠵᠢ ᠬᠢᠴᠢᠶᠡᠯ ᠪᠠᠭᠤᠮᠠᠭᠴᠠ ᠪᠤᠶᠤ ᠠᠮᠠᠷᠠᠯᠲᠠ ᠲᠠᠯᠪᠢᠮᠠᠭᠴᠠ ᠡᠳᠦᠷᠵᠢᠨ ᠲᠧᠯᠸᠢᠰ᠂ ᠺᠤᠮᠫᠢᠦ᠋ᠲ᠋ᠧᠷ | ᠱᠠᠭᠠᠶᠢᠨ᠂ ᠭᠠᠷ ᠤᠲᠠᠰᠤ ᠤᠷᠤᠯᠳᠤᠵᠤ ᠠᠳᠠᠭ ᠨᠠᠭᠠᠲᠤ ᠵᠠᠬᠠ ᠳᠤ ᠪᠠᠨ ᠠᠬᠠᠮᠠᠳ ᠲᠤᠮᠤᠭᠠ ᠲᠠᠢ ᠬᠦᠮᠦᠰ ᠭᠡᠷ ᠲᠤ ᠨᠢ | ᠤᠷᠤᠵᠤ ᠢᠷᠡᠬᠦ ᠳᠤ ᠠᠮᠤᠷ ᠠᠰᠠᠭᠤᠬᠤ ᠶᠢ ᠪᠠᠶᠢᠲᠤᠭᠠᠢ᠂ ᠲᠤᠯᠤᠭᠠᠢ ᠡᠷᠭᠦᠨ ᠳᠡᠭᠰᠢ ᠬᠠᠷᠠᠬᠤ ᠴᠦ ᠴᠢᠯᠦᠭᠡ ᠦᠭᠡᠢ | ᠦᠨᠦᠳᠦᠷ ᠤᠨ ᠮᠠᠨ ᠤ ᠬᠡᠦᠬᠡᠳ ᠤᠳ ᠲᠤ ᠡᠬᠡ ᠬᠡᠯᠡ ᠲᠠᠢ ᠪᠠᠨ ᠠᠭᠤᠯᠵᠠᠵᠤ ᠵᠤᠯᠭᠠᠬᠤ ᠴᠠᠭ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ | ᠦᠭᠡᠢ ᠴᠦᠬᠡᠨ ᠪᠠᠶᠢᠨᠠ᠃ ᠨᠡᠩ ᠢᠯᠠᠩᠭᠤᠶᠠ ᠡᠬᠡ ᠬᠡᠯᠡ ᠪᠠᠨ ᠤᠩᠰᠢᠵᠤ ᠡᠬᠡ ᠬᠡᠯᠡ ᠪᠠᠨ ᠪᠢᠴᠢᠬᠦ ᠴᠠᠭ ᠭᠡᠪᠡᠯ ᠭᠠᠷᠠᠭ | ᠪᠦᠷᠢ ᠶᠢᠨ ︿ᠠᠷᠪᠠᠨ᠂ ᠳᠦᠴᠢᠨ ᠮᠢᠨᠦ᠋ᠲ﹀ ᠠᠴᠠ ᠪᠤᠰᠤᠳ ᠴᠠᠭ ᠦᠨᠳᠦᠰᠦᠨ ᠳᠤ ᠪᠠᠨ ᠦᠭᠡᠢ ᠪᠤᠯᠵᠠᠢ᠃ ᠮᠠᠨ ᠤ | ᠮᠤᠩᠭᠤᠯ ᠬᠡᠦᠬᠡᠳ ᠤᠳ ᠤᠨ ᠬᠡᠯᠡ ᠪᠢᠴᠢᠭ ᠢᠶᠠᠨ ᠤᠩᠰᠢᠵᠤ ᠪᠠᠶᠢᠭᠠ ᠪᠢᠴᠢᠵᠦ ᠪᠠᠶᠢᠭᠠ ᠴᠠᠭ ᠴᠤᠬᠤᠮ ᠬᠡᠳᠦᠢ ᠪᠠᠶᠢᠳᠠᠭ | ᠪᠤᠢ︖ ᠲᠤᠤᠷᠠ ᠪᠢ ᠳᠦᠬᠦᠮᠬᠡᠨ ᠪᠤᠳᠤᠭᠰᠠᠨ ᠪᠠᠶᠢᠳᠠᠯ ᠢᠶᠠᠨ ᠲᠠ ᠪᠦᠬᠦᠨ ᠳᠤ ᠲᠣᠯᠢᠳᠠᠭᠤᠯᠤᠶᠠ︕ | 1 ᠵᠢᠯ = 2 ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠ = 8 ᠰᠠᠷᠠ = 240 ᠡᠳᠦᠷ =34 ᠭᠠᠷᠠᠭ = 340 | ᠬᠢᠴᠢᠶᠡᠯ =13600 ᠮᠢᠨᠦ᠋ᠲ = 227 ᠴᠠᠭ =11 ᠡᠳᠦᠷ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠡᠬᠡ ᠬᠡᠯᠡ ᠪᠠᠨ ᠤᠩᠰᠢᠵᠤ | ᠪᠢᠴᠢᠵᠦ ᠪᠠᠶᠢᠭᠠ ᠴᠠᠭ ᠦᠨᠳᠦᠰᠦᠨ ᠳᠤ ᠪᠠᠨ ᠨᠢᠬᠡ ᠵᠢᠯ ᠤᠨ ᠠᠷᠪᠠᠨ ᠨᠢᠭᠡᠨ ᠡᠳᠦᠷ ᠤᠨ ᠯᠠ ᠤᠷᠴᠢᠮ ᠪᠠᠶᠢᠨᠠ᠃ | | ᠡᠶᠢᠮᠦ ᠪᠠᠶᠢᠳᠠᠯ ᠤᠨ ᠲᠤᠤᠷᠠ ᠮᠤᠩᠭᠤᠯ ᠦᠭᠡ ᠪᠠᠨ ᠶᠠᠭᠠᠬᠢᠵᠤ ᠵᠦᠪ ᠤᠩᠰᠢᠵᠤ ᠵᠦᠪ ᠪᠢᠴᠢᠵᠦ ᠰᠤᠷᠴᠤ | ᠴᠢᠳᠠᠬᠤ ᠪᠤᠢ︖ ᠡᠶᠢᠮᠦ ᠬᠠᠳᠠᠭᠤ ᠪᠡᠷᠬᠡ ᠤᠷᠴᠢᠨ ᠳᠠᠬᠢ ᠮᠠᠨ ᠤ ᠬᠡᠯᠡᠨ ᠤ ᠪᠠᠭᠰᠢ ᠨᠠᠷ ᠤᠨ ᠵᠤᠪᠠᠯᠠᠩ ᠢ ᠬᠡᠨ | ᠤᠶᠢᠯᠠᠭᠠᠬᠤ ᠪᠤᠢ︖ ᠪᠦᠬᠦ ᠨᠡᠶᠢᠭᠡᠮ ᠬᠤᠪᠢᠷᠠᠵᠤ᠂ ᠴᠠᠭ ᠦᠶᠡ ᠬᠤᠪᠢᠷᠠᠵᠤ ᠪᠠᠶᠢᠭᠠ ᠡᠨᠡ ᠴᠠᠭ ᠦᠶᠡ ᠳᠤ ᠪᠢᠳᠡ᠂ | ᠲᠡᠷᠡ ᠪᠦᠬᠦᠨ ᠢ ᠬᠤᠪᠢᠷᠠᠭᠤᠯᠵᠤ ᠠᠪᠴᠢᠷᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠴᠤᠯᠤ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠢᠶᠠᠨ ᠡᠭᠡᠭᠦᠯᠵᠦ | ᠠᠪᠴᠢᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠴᠦ ᠭᠡᠰᠡᠨ ᠨᠤᠮ ᠠᠴᠠ ᠰᠠᠯᠤᠭᠰᠠᠨ ᠬᠡᠦᠬᠡᠳ ᠢᠶᠠᠨ ᠪᠢᠳᠡ ᠡᠭᠡᠭᠦᠯᠵᠦ ᠠᠪᠴᠢᠷᠠᠵᠤ ᠴᠢᠳᠠᠨᠠ | ᠭᠡᠵᠦ ᠪᠤᠳᠤᠵᠤ ᠪᠠᠶᠢᠨᠠ᠃ ᠬᠡᠦᠬᠡᠳ ᠤᠳ ᠮᠢᠨᠢ ᠮᠤᠩᠭᠤᠯ ᠨᠣᠮ ᠢᠶᠠᠨ ᠤᠩᠰᠢᠬᠤ ᠲᠤᠷᠠᠳᠠᠢ᠂ ᠮᠤᠩᠭᠤᠯ ᠨᠤᠮ ᠲᠠᠢ ᠪᠠᠨ | ᠬᠠᠨᠢᠯᠠᠵᠤ ᠪᠠᠶᠢᠭᠰᠠᠨ ᠴᠠᠭ ᠲᠤ᠂ ᠡᠬᠡ ᠬᠡᠯᠡ ᠪᠠᠨ ᠵᠦᠪ ᠰᠠᠶᠢᠬᠠᠨ ᠬᠡᠷᠡᠭᠯᠡᠵᠦ ᠯᠠᠪ ᠴᠢᠳᠠᠨᠠ ᠭᠡᠵᠦ ᠪᠢ ᠬᠤᠪᠢᠨ ᠳᠤ ᠪᠠᠨ | ᠦᠵᠡᠵᠦ ᠪᠤᠢ᠃ | ᠬᠤᠶᠠᠷ᠂ ᠮᠤᠩᠭᠤᠯ ᠨᠤᠮ ᠢᠶᠠᠨ ᠤᠩᠰᠢᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠪᠠ ᠮᠤᠩᠭᠤᠯ ᠲᠧᠯᠸᠢᠰ ᠢᠶᠠᠨ ᠦᠵᠡᠬᠦ ᠲᠤᠷᠠ | ᠪᠠᠬᠠ ᠶᠢᠨ ᠲᠤᠬᠠᠢ ᠬᠢᠭᠰᠡᠨ ᠪᠠᠶᠢᠴᠠᠭᠠᠯᠲᠠ | ᠳᠡᠭᠡᠷᠡ ᠭᠠᠷᠠᠭ ᠪᠢ ᠮᠠᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡ ᠪᠠᠭᠰᠢ ᠪᠠᠨ ᠨᠠᠶᠢᠳᠠᠵᠤ ᠬᠤᠶᠡᠷ ᠬᠤᠪᠢ ᠪᠠᠶᠢᠴᠠᠭᠠᠯᠲᠠ | ᠬᠢᠯᠭᠡᠭᠰᠡᠨ ᠪᠠᠶᠢᠨᠠ᠃ ᠨᠢᠭᠡ ᠨᠢ ᠭᠠᠷ ᠤᠲᠠᠰᠤ ᠪᠠᠷ ᠲᠤᠭᠯᠠᠬᠠᠤ᠂ ᠲᠧᠯᠸᠢᠰ ᠦᠵᠡᠬᠦ ᠪᠠ ᠨᠤᠮ ᠤᠩᠰᠢᠬᠤ ᠡᠨᠡ ᠭᠤᠷᠪᠠᠨ | ᠠᠵᠢᠯᠯᠠᠭᠠᠨ ᠤ ᠠᠯᠢᠨ ᠳᠤ ᠨᠢ ᠲᠤᠷᠠ ᠪᠠᠭ᠋ᠠᠲᠠᠢ ᠪᠠᠶᠢᠬᠤ ᠲᠤᠬᠠᠢ ᠪᠠᠶᠢᠴᠠᠭᠠᠯᠲᠠ︔ ᠨᠦᠬᠦᠬᠡ ᠨᠢ ᠬᠢᠲᠡᠳ ᠮᠤᠩᠭᠤᠯ | ᠬᠤᠶᠠᠷ ᠲᠧᠯᠸᠢᠰ ᠤᠨ ᠠᠯᠢ ᠶᠢ ᠨᠢ ᠦᠵᠡᠬᠦ ᠲᠤᠷᠠᠲᠠᠢ ᠪᠠᠶᠢᠳᠠᠭ ᠲᠤᠬᠠᠢ ᠪᠠᠶᠢᠴᠠᠭᠠᠯᠲᠠ ᠪᠤᠯᠤᠨᠠ᠃ | ᠡᠭᠦᠨ ᠢ ᠭᠤᠤᠯᠳᠠᠭᠤ ᠲᠦᠷᠪᠡ ᠲᠠᠪᠤᠳᠤᠭᠠᠷ ᠤᠨ ᠤ ᠲᠦᠴᠢᠭᠡᠳ ᠰᠤᠷᠤᠭᠴᠢ ᠶᠢᠨ ᠲᠤᠮᠳᠠ ᠬᠢᠭᠰᠡᠨ ᠶᠤᠮ᠃ | ᠲᠤᠰ ᠪᠠᠶᠢᠴᠠᠭᠠᠯᠲᠠ ᠠᠴᠠ ᠦᠵᠡᠪᠡᠯ 48 ᠬᠡᠦᠬᠡᠳ ᠤᠨ ᠳᠤᠮᠳᠠ ᠭᠠᠷ ᠤᠲᠠᠰᠤ ᠪᠠ ᠲᠧᠯᠸᠢᠰ ᠢ ᠨᠢᠭᠡᠳᠦᠭᠡᠷ ᠰᠤᠩᠭᠤᠯᠲᠠ | ᠪᠤᠯᠭᠠᠭᠰᠠᠨ ᠨᠢ 40 ᠬᠡᠦᠬᠡᠳ ᠪᠠᠶᠢᠵᠤ᠂ ᠮᠤᠩᠭᠤᠯ ᠨᠤᠮ ᠤᠩᠰᠢᠬᠤ ᠪᠠᠷ ᠨᠢᠭᠡᠳᠦᠭᠡᠷ ᠰᠤᠩᠭᠤᠯᠲᠠ ᠪᠤᠯᠭᠠᠭᠰᠠᠨ ᠨᠢ | ᠵᠦᠪᠬᠡᠨ 8 ᠰᠤᠷᠤᠭᠴᠢ ᠪᠤᠢ᠃ ︿ᠠᠯᠢ ᠲᠧᠯᠸᠢᠰ ᠢ ᠨᠢ ᠦᠵᠡᠬᠦ ᠲᠤᠷᠠᠲᠠᠢ ᠪᠤᠢ﹀ ᠬᠡᠬᠦ ᠪᠠᠶᠢᠴᠠᠭᠠᠯᠲᠠ ᠳᠤ 46 ᠬᠡᠦᠬᠡᠳ | ᠠᠴᠠ ᠮᠤᠩᠭᠤᠯ ᠲᠧᠯᠸᠢᠰ ᠢ ᠵᠦᠪᠬᠡᠨ 10 ᠬᠡᠦᠬᠡᠳ ᠰᠤᠩᠭᠤᠭᠰᠠᠨ ᠪᠠᠶᠢᠨᠠ᠃ ᠳᠡᠭᠡᠬᠦ ᠮᠦᠷᠲᠡᠭᠡᠨ ᠡᠨᠡ ᠠᠷᠪᠠᠨ | ᠰᠤᠷᠤᠭᠴᠢ ᠶᠢᠨ ᠲᠤᠳᠤᠷᠠ ᠠᠪᠤ ᠡᠵᠢ ᠪᠠᠨ ᠳᠠᠭᠠᠵᠤ ᠠᠷᠭᠠ ᠦᠭᠡᠢ ᠦᠵᠡᠵᠦ ᠪᠠᠶᠢᠨᠠ ᠭᠡᠰᠡᠨ ᠬᠦᠮᠦᠨ ᠪᠠᠰᠠ ᠨᠡᠯᠢᠶᠡᠳ | ᠪᠤᠢ᠃ ᠦᠨᠡᠨ ᠳᠤ ᠪᠠᠨ ᠡᠨᠡᠬᠦ ᠪᠠᠶᠢᠴᠠᠭᠠᠯᠲᠠ ᠶᠢ ᠬᠢᠭᠰᠡᠨ ᠴᠦ᠂ ᠬᠢᠭᠰᠡᠨ ᠦᠭᠡᠢ ᠴᠦ ᠡᠶᠢᠮᠦ ᠦᠷᠡ ᠳ᠋ᠦᠩ ᠭᠠᠷᠤᠨᠠ | ᠭᠡᠳᠡᠭ ᠢ ᠪᠢᠳᠠ ᠲᠤᠳᠤᠷᠬᠠᠢ ᠮᠡᠳᠡᠵᠦ ᠪᠠᠶᠢᠨᠠ᠃ | ᠭᠡᠪᠡᠴᠦ ᠮᠢᠨᠦ ᠦᠵᠡᠬᠦ ᠪᠠᠷ ᠡᠨᠡ ᠪᠦᠬᠦᠨ ᠢ ᠪᠢᠳᠡ ᠪᠦᠷᠢᠮᠦᠰᠦᠨ ᠦᠭᠡᠷᠡᠴᠢᠯᠡᠬᠦ ᠪᠤᠯᠤᠯᠴᠠᠭᠠ ᠦᠭᠡᠢ ᠴᠦ ᠭᠡᠰᠡᠨ | ᠬᠡᠷᠪᠡ ᠬᠠᠮᠲᠤ ᠪᠠᠷ ᠴᠢᠷᠮᠠᠶᠢᠳᠠᠭ ᠯᠠ ᠪᠤᠯ ᠬᠠᠮᠤᠭ ᠨᠠᠭᠠᠲᠤ ᠵᠠᠬᠠ ᠳᠤ ᠪᠠᠨ ᠪᠢᠳᠠ ᠨᠤᠮ ᠪᠠ ᠬᠡᠦᠬᠡᠳ ᠤᠨ ᠢᠶᠠᠨ | ᠬᠤᠭᠤᠷᠤᠨᠳᠤᠬᠢ ᠵᠠᠢ ᠶᠢ ᠯᠠᠪ ᠤᠶᠢᠷᠠᠲᠤᠭᠤᠯᠵᠤ ᠴᠢᠳᠠᠨᠠ᠃ | ᠭᠤᠷᠪᠠ᠂ ᠰᠤᠷᠤᠭᠴᠢᠳ ᠤᠨ ᠨᠤᠮ ᠤᠩᠰᠢᠬᠤ ᠲᠤᠭᠠ ᠬᠡᠮᠵᠢᠶᠠ ᠶᠢ ᠶᠠᠭᠠᠬᠢᠵᠦ ᠳᠡᠭᠡᠭᠰᠢᠯᠡᠭᠦᠯᠬᠦ ᠲᠤᠬᠠᠢ | ᠲᠦᠬᠦᠮ ᠰᠠᠨᠠᠯ | 1᠂ ᠲᠤᠮᠤᠴᠤᠤᠯ ᠦᠪᠡᠷ ᠤᠨ ᠪᠡᠶᠡ ᠠᠴᠠ ᠪᠠᠨ ᠡᠬᠢᠯᠡᠵᠦ ᠨᠤᠮ ᠲᠠᠢ ᠤᠶᠢᠷᠠᠲᠤᠨ ᠬᠡᠦᠬᠡᠳ ᠢᠶᠠᠨ ᠨᠦᠯᠦᠭᠡᠯᠡᠨᠡ | ᠃ ᠬᠡᠦᠬᠡᠳ ᠤᠳ ᠮᠢᠨᠢ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠢᠷᠡᠪᠡᠯ ᠪᠠᠭᠰᠢ ᠶᠢᠨ ᠢᠶᠠᠨ ᠨᠤᠮ ᠤᠩᠰᠢᠬᠤ ᠶᠢ ᠦᠵᠡᠵᠦ ᠭᠡᠷ ᠲᠤ ᠪᠠᠨ | ᠬᠠᠷᠢᠪᠠᠯ ᠲᠤᠮᠤᠴᠤᠤᠯ ᠨᠢ ᠮᠤᠩᠭᠤᠯ ᠨᠤᠮ ᠢᠶᠠᠨ ᠤᠩᠰᠢᠵᠤ ᠪᠠᠶᠢᠪᠠᠯ ᠬᠡᠦᠬᠡᠳ ᠤᠨ ᠨᠤᠮ ᠤᠨ ᠲᠤᠬᠠᠢ ᠤᠶᠢᠯᠠᠭᠠᠯᠲᠠ ᠪᠠᠰᠠ | ᠤᠨᠳᠤᠤ ᠪᠤᠯᠬᠤ ᠪᠠᠶᠢᠬᠠ᠃ ᠡᠬᠦᠨ ᠢ ᠪᠢᠳᠡ ᠪᠠᠭᠰᠢ ᠪᠠ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠠᠷᠢᠴᠠᠭᠠ ᠬᠠᠷᠢᠯᠴᠠᠭᠠ ᠪᠠᠷ ᠳᠠᠮᠵᠢᠨ | ᠪᠡᠶᠡᠯᠡᠬᠦᠯᠵᠦ ᠪᠤᠯᠤᠨᠠ ᠭᠡᠵᠦ ᠪᠤᠳᠤᠵᠤ ᠪᠤᠢ᠃ | 2᠂ ᠨᠤᠮ ᠤᠨ ᠤᠷᠴᠢᠨ ᠢ ᠪᠤᠢ ᠪᠤᠯᠭᠠᠵᠤ ᠪᠤᠯᠤᠨᠠ᠃ ᠰᠤᠷᠭᠠᠭᠤᠯᠢ ᠪᠠᠷ ᠠᠪᠴᠦ ᠬᠡᠯᠡᠪᠡᠯ ᠠᠩᠬᠢ ᠶᠢᠨ ᠭᠡᠷ᠂ | ᠪᠠᠶᠢᠷᠢ ᠶᠢᠨ ᠭᠡᠷ᠂ ᠠᠰᠠᠷ ᠤᠨ ᠭᠤᠳᠤᠮᠵᠢ ᠴᠢᠨᠠᠭᠰᠢᠯᠠᠪᠠᠯ ᠲᠤᠭᠤᠭᠠᠨ ᠭᠡᠷ᠂᠂᠂᠂ ᠲᠠᠷᠤᠢ ᠰᠤᠷᠭᠠᠭᠤᠯᠢ ᠶᠢᠨ ᠦᠨᠴᠦᠭ | ᠪᠤᠯᠤᠩ ᠪᠦᠷᠢ ᠳᠤ ᠨᠤᠮ ᠪᠢᠴᠢᠭ ᠳᠡᠯᠭᠡᠭᠳᠡᠵᠦ᠂ ᠭᠡᠷ ᠲᠤ ᠪᠠᠨ ᠴᠦ ᠭᠡᠰᠡᠨ ᠨᠤᠮ ᠢᠯᠡᠷᠡᠬᠦ ᠪᠤᠯᠤᠯᠴᠠᠭᠠ ᠲᠠᠢ ᠭᠠᠵᠠᠷ | ᠪᠤᠯᠭᠠᠨ ᠳᠤ ᠨᠤᠮ ᠳᠡᠯᠭᠡᠭᠳᠡᠵᠦ ᠪᠠᠶᠢᠪᠠᠯ ᠬᠡᠦᠬᠡᠳ ᠤᠨ ᠳᠠᠭᠤᠷᠢᠶᠠᠮᠠᠲᠠᠭᠠᠢ ᠵᠠᠩ ᠠᠴᠠ ᠪᠤᠯᠤᠭᠠᠳ ᠴᠦ ᠭᠡᠰᠡᠨ ᠨᠤᠮ | ᠤᠩᠰᠢᠬᠤ ᠲᠤᠭᠠ ᠬᠡᠮᠵᠢᠶᠠ ᠠᠶᠠᠨᠳᠠᠭᠠᠨ ᠨᠡᠮᠡᠭᠳᠡᠬᠦ ᠪᠤᠯᠤᠯᠴᠠᠭᠠ ᠲᠠᠢ᠃ | 3᠂ ᠨᠤᠮ ᠤᠩᠰᠢᠬᠤ ᠲᠤᠷᠠ ᠪᠠᠬᠠ ᠶᠢ ᠪᠤᠢ ᠪᠤᠯᠭᠠᠨᠠ᠃ ᠳᠠᠷᠤᠢ ᠬᠡᠦᠬᠡᠳ ᠢ ᠨᠤᠮ ᠤᠨ ᠬᠤᠷᠤᠬᠠᠢ ᠲᠠᠢ | ᠪᠤᠯᠭᠠᠨᠠ᠃ ᠦᠨᠡᠨ ᠳᠤ ᠪᠠᠨ ᠦᠨᠦᠳᠦᠷ ᠤᠨ ᠮᠠᠨ ᠤ ᠬᠡᠦᠬᠡᠳ ᠤᠳ ᠤᠨ ᠨᠤᠮ ᠤᠩᠰᠢᠬᠤ ᠲᠤᠷᠠ ᠦᠭᠡᠢ ᠪᠠᠶᠢᠭᠠ | ᠰᠢᠯᠲᠠᠭᠠᠨ ᠤ ᠳᠤᠳᠤᠷᠠᠬᠢ ᠶᠡᠬᠡᠬᠡᠨ ᠬᠡᠮᠵᠢᠶᠠᠨ ᠤ ᠰᠢᠯᠲᠠᠭᠠᠨ ᠨᠢ ᠭᠡᠷ ᠤᠨ ᠠᠬᠠᠮᠠᠳ ᠲᠤ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠨᠠ | ᠃ ᠦᠨᠦᠳᠦᠷ ᠬᠡᠦᠬᠡᠳ ᠢ ᠨᠤᠮ ᠳᠤ ᠳᠠᠭᠠᠭᠤᠯᠵᠤ ᠤᠷᠤᠬᠤ ᠬᠦᠮᠦᠨ ᠦᠭᠡᠢ ᠪᠤᠯᠵᠠᠢ᠃ | 4᠂ ᠠᠯᠪᠠᠳᠠᠯᠭᠠ ᠶᠢ ᠬᠡᠷᠡᠭᠯᠡᠨᠡ᠃ ᠠᠯᠪᠠᠳᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠠᠮᠲᠠᠨ ᠳᠤ ᠨᠢ ᠤᠷᠤᠭᠤᠯᠵᠤ ᠠᠶᠠᠨᠳᠠᠭᠠᠨ | ᠲᠤᠷᠠᠲᠠᠢ ᠪᠤᠯᠭᠠᠨᠠ᠃ ᠬᠡᠨ ᠬᠦᠮᠦᠨ ᠢ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠤᠨ ᠶᠠᠭᠤᠮᠠ ᠲᠠᠢ ᠤᠶᠢᠷᠠᠲᠤᠭᠤᠯᠵᠤ ᠲᠠᠰᠤᠯᠴᠠᠭᠤᠯᠬᠤ ᠳᠤ | ᠵᠠᠷᠢᠮ ᠦᠶᠡ ᠳᠤ ᠠᠯᠪᠠᠳᠠᠯᠭᠠ ᠨᠢ ᠲᠤᠩ ᠶᠡᠭᠡ ᠦᠢᠯᠡᠳᠦᠯ ᠢ ᠦᠵᠡᠬᠦᠯᠳᠡᠭ᠃ ᠲᠤᠮᠤ ᠬᠦᠮᠦᠨ ᠴᠦ ᠭᠡᠰᠡᠨ ᠠᠯᠪᠠᠳᠠᠯᠭᠠ | ᠶᠢᠨ ᠲᠤᠤᠷᠠ ᠡᠭᠦᠷᠭᠡ ᠪᠡᠶᠡᠯᠡᠬᠦᠯᠬᠦ ᠳᠤ ᠦᠷᠡ ᠠᠰᠢᠭ ᠰᠠᠶᠢᠨ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ ᠪᠠᠶᠢᠬᠤ ᠳᠤ ᠬᠡᠦᠬᠡᠳ ᠢ ᠶᠠᠭᠤᠨ | ᠬᠡᠯᠡᠬᠦ ᠪᠤᠢ᠃ ᠡᠶᠢᠮᠦ ᠠᠴᠠ ᠵᠠᠷᠢᠮ ᠦᠶᠡ ᠳᠤ ᠵᠤᠬᠢᠬᠤ ᠠᠯᠪᠠᠳᠠᠯᠭᠠ ᠱᠠᠭᠠᠷᠳᠠᠯᠭᠠ ᠶᠢ ᠲᠤᠯᠭᠠᠵᠤ ᠡᠭᠦᠷᠭᠡ ᠲᠠᠢ | ᠤᠩᠰᠢᠭᠤᠯᠵᠤ ᠪᠤᠯᠤᠨᠠ᠃ ᠵᠢᠱᠢᠶᠡᠯᠡᠪᠡᠯ᠄ ᠡᠭᠦᠷᠭᠡ ᠲᠤᠰᠢᠶᠠᠬᠤ᠂ ᠳᠠᠰᠬᠠᠯ ᠳᠠᠭᠠᠭᠠᠯᠭᠠᠪᠤᠷᠢ ᠦᠯᠡᠳᠡᠭᠡᠬᠦ᠂ ᠤᠷᠤᠯᠳᠤᠭᠠᠨ | ᠮᠦᠷᠦᠶᠢᠴᠡᠭᠡᠨ ᠳᠤ ᠤᠷᠤᠯᠴᠠᠬᠤ ᠶᠢ ᠱᠠᠭᠠᠷᠳᠠᠬᠤ᠂ ᠲᠤᠤᠷ ᠰᠦᠯᠵᠢᠶᠠ ᠸᠢᠴᠠᠲ ᠵᠡᠷᠭᠡ ᠶᠢ ᠠᠰᠢᠭᠯᠠᠵᠤ ᠨᠤᠮ ᠤᠩᠰᠢᠬᠤ | ᠪᠠᠶᠢᠳᠠᠯ ᠢ ᠬᠢᠨᠠᠨ ᠪᠠᠶᠢᠴᠠᠭᠠᠬᠤ ᠵᠡᠷᠭᠡ ᠬᠡᠯᠪᠡᠷᠢ ᠪᠠᠷ ᠶᠠᠪᠤᠭᠳᠠᠭᠤᠯᠵᠤ ᠪᠦᠷ ᠪᠤᠯᠤᠨᠠ᠃ | ᠬᠡᠦᠭᠡᠳ ᠢ ᠪᠠᠨ ᠪᠢᠳᠡ ᠬᠢᠴᠢᠶᠡᠯ ᠢ ᠨᠢ ᠵᠦᠪ ᠤᠩᠰᠢᠭᠤᠯᠵᠤ᠂ ᠦᠰᠦᠭ ᠶᠢ ᠨᠢ ᠵᠦᠪ ᠪᠢᠴᠢᠭᠦᠯᠵᠦ ᠵᠦᠪ | ᠬᠡᠷᠡᠭᠯᠡᠭᠦᠯᠵᠦ ᠰᠤᠷᠭᠠᠶᠠ ᠭᠡᠪᠡᠯ ᠨᠤᠮ ᠤᠨ ᠦᠢᠯᠡᠳᠦᠯ ᠲᠤᠩ ᠶᠡᠭᠡ ᠭᠡᠵᠦ ᠪᠤᠳᠤᠭᠰᠠᠨ ᠳᠤ ᠪᠠᠨ ᠦᠪᠡᠷ ᠤᠨ ᠦᠵᠡᠯᠲᠡ | ᠪᠠᠨ ᠲᠡᠭᠡᠷᠡᠬᠢ ᠮᠡᠳᠦ ᠶᠠᠷᠢᠯᠠ᠃ ᠲᠤᠰ ᠬᠦᠮᠦᠨ ᠤ ᠮᠡᠳᠡᠯᠭᠡ ᠬᠢᠭᠡᠳ ᠬᠠᠷᠠᠴᠠ ᠶᠢᠨ ᠬᠢᠵᠠᠭᠠᠷ ᠲᠠᠢ ᠠᠴᠠ ᠪᠤᠯᠵᠤ | ᠠᠰᠠᠭᠤᠳᠠᠯ ᠢ ᠵᠠᠳᠠᠯᠬᠤ ᠦᠷᠭᠡᠴᠡ ᠭᠦᠨᠴᠡ ᠶᠢᠨ ᠬᠡᠮᠵᠢᠶᠡ ᠬᠦᠷᠦᠯᠴᠡᠬᠦ ᠦᠭᠡᠢ ᠨᠢ ᠳᠠᠮᠵᠢᠭ ᠦᠭᠡᠢ᠃ ᠡᠶᠢᠮᠦ ᠠᠴᠠ | ᠡᠷᠬᠢᠮ ᠲᠠ ᠨᠠᠷ ᠤᠨ ᠰᠢᠭᠦᠮᠵᠢᠯᠡᠯ ᠲᠠᠢ ᠪᠠᠷ ᠰᠤᠨᠤᠰᠴᠤ᠂ ᠡᠷᠬᠢᠮ ᠨᠠᠨᠳᠢᠨ ᠰᠠᠨᠠᠯ ᠢᠶᠠᠨ ᠦᠭᠴᠦ ᠪᠠᠶᠢᠬᠤ ᠶᠢ ᠬᠦᠰᠡᠵᠦ | ᠪᠠᠶᠢᠨᠠ᠃ | ᠬᠠᠮᠤᠭ ᠰᠡᠭᠦᠯ ᠳᠤ᠂ ᠪᠢᠳᠡ ᠪᠦᠬᠦᠨ ᠬᠠᠮᠲᠦ ᠪᠠᠷ ᠴᠢᠷᠮᠠᠶᠢᠵᠤ ︽ᠬᠡᠦᠬᠡᠳ ᠢ ᠪᠠᠨ ᠨᠤᠮ ᠲᠠᠢ ᠬᠤᠯᠪᠤᠶᠠ︾ | ᠭᠡᠵᠦ ᠤᠷᠢᠶᠠᠯᠠᠨ ᠦᠨᠦᠳᠦᠷ ᠤᠨ ᠶᠠᠷᠢᠶᠠ ᠪᠠᠨ ᠦᠨᠳᠦᠷᠯᠡᠭᠦᠯᠦᠶᠠ︕ | | |