| | ᠬᠡᠦᠬᠡᠳ ᠪᠤᠯ ᠬᠦᠨᠳᠡᠭᠡ ᠦᠭᠡᠢ ᠴᠡᠪᠡᠷ ᠴᠠᠭᠠᠨ ᠴᠠᠭᠠᠰᠤ ᠪᠠᠶᠢᠵᠤ᠂ ᠬᠦᠰᠡᠯ ᠢᠷᠡᠭᠡᠳᠦᠢ ᠶᠢᠨ ᠲᠦᠰᠦᠪ ᠵᠢᠷᠤᠭ ᠢ | ᠬᠡᠷᠬᠢᠵᠦ ᠵᠢᠷᠤᠬᠤ ᠨᠢ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠢᠨᠢ ᠶᠠᠪᠤᠳᠠᠯ ᠭᠡᠵᠦ ᠬᠦᠮᠦᠰ ᠦᠵᠡᠭᠰᠡᠭᠡᠷ ᠢᠷᠡᠵᠡᠢ᠃ ︽ᠰᠤᠷᠭᠠᠯ ᠲᠠᠢ | ᠭᠡᠷ ᠠᠴᠠ ᠰᠤᠷᠲᠠᠯ ᠲᠠᠢ ᠬᠡᠦᠬᠡᠳ︾ ᠭᠡᠳᠡᠭ ᠢᠶᠠᠷ ᠦᠨᠡᠨᠳᠡᠭᠡᠨ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠬᠢᠨᠢ ᠦᠵᠡᠯ ᠰᠠᠨᠠᠭᠠ᠂ ᠦᠭᠡ | ᠶᠠᠷᠢᠶᠠ᠂ ᠦᠢᠯᠡ ᠠᠵᠢᠯᠯᠠᠭᠠ᠂ ᠪᠤᠳᠤᠯ ᠰᠡᠳᠬᠢᠯ᠂ ᠪᠤᠯᠪᠠᠰᠤᠷᠠᠯ ᠬᠢᠴᠢᠶᠡᠯ᠂ ᠬᠦᠮᠦᠨ ᠴᠢᠨᠠᠷ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠳᠡᠭᠡᠷᠡ | ᠬᠡᠦᠬᠡᠳ ᠤᠨ ᠪᠡᠶᠡ ᠳᠡᠭᠡᠷᠡ ᠢᠯᠡᠷᠡᠯ ᠢᠶᠠᠨ ᠤᠯᠳᠠᠭ᠃ ᠶᠠᠮᠠᠷᠴᠤ ᠰᠡᠷᠡᠭᠳᠡᠯ ᠦᠭᠡᠢ ᠶᠢᠨ ᠳᠤᠮᠳᠠ ᠬᠡᠦᠬᠡᠳ ᠢᠶᠠᠨ ᠪᠢᠳᠡ | ᠨᠦᠯᠦᠭᠡᠯᠡᠵᠦ ᠰᠤᠷᠭᠠᠵᠤ ᠬᠤᠵᠢᠮ ᠬᠤᠶᠢᠰᠢᠲᠠ ᠶᠢᠨ ᠵᠠᠮ ᠮᠦᠷ ᠢ ᠨᠢ ᠵᠢᠭᠠᠵᠤ ᠵᠠᠬᠢᠵᠤ ᠪᠠᠶᠢᠳᠠᠭ ᠢᠶᠠᠨ ᠤᠶᠢᠯᠠᠭᠠᠵᠤ | ᠬᠢᠴᠢᠶᠡᠯᠲᠡᠢ ᠪᠢᠯᠡ᠃ | ᠤᠯᠠᠨ ᠤ ᠮᠡᠳᠡᠭᠡᠵᠢ ᠪᠠᠷ ᠤᠳᠤ ᠶᠢᠨ ᠤᠯᠠᠩᠬᠢ ᠭᠡᠷ ᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠢᠶᠠᠨ ᠬᠦᠮᠦᠨ ᠪᠤᠯᠬᠤ ᠶᠢᠨ | ᠠᠩᠬᠠᠨ ᠤ ᠭᠠᠷᠤᠭᠠᠨ ᠠᠴᠠ ᠨᠢ ᠦᠷᠦᠭᠡᠯ ᠪᠤᠰᠤᠳ ᠠᠴᠠ ᠤᠷᠢᠳᠠᠵᠤ ᠶᠠᠪᠤᠭᠤᠯᠤᠨᠠ ᠭᠡᠮᠡᠨ ᠬᠢᠷᠢ ᠠᠴᠠ ᠨᠢ ᠬᠡᠲᠦᠷᠡᠭᠰᠡᠨ | ᠬᠦᠨᠳᠦ ᠳᠠᠷᠤᠭᠠᠰᠤ ᠶᠢ ᠮᠦᠷᠦᠨ ᠳᠤᠨᠢ ᠲᠠᠯᠪᠢᠵᠤ᠂ ᠰᠡᠳᠬᠢᠯ ᠳᠤᠨᠢ ᠲᠤᠯᠭᠠᠨᠠ᠃ ᠡᠨᠡ ᠲᠡᠷᠡ ᠡᠷᠳᠡᠮ ᠰᠤᠷᠭᠠᠵᠤ | ᠴᠢᠳᠠᠪᠤᠷᠢᠲᠠᠨ ᠪᠤᠯᠭᠠᠨᠠ ᠭᠡᠮᠡᠨ ᠡᠶᠢᠮᠦ ᠲᠡᠶᠢᠮᠦ ᠪᠤᠯᠪᠠᠰᠤᠷᠠᠯ ᠤᠨ ᠬᠢᠴᠢᠶᠡᠯ ᠳᠤ ᠤᠷᠤᠭᠤᠯᠤᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ | ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠡᠳ᠋ᠯᠡᠪᠡᠯ ᠵᠤᠬᠢᠰᠲᠠᠢ ᠨᠠᠭᠠᠳᠴᠤ ᠲᠤᠭᠯᠠᠬᠤ ᠪᠠ ᠤᠨᠲᠠᠵᠤ ᠡᠷᠬᠡᠯᠡᠬᠦ ᠡᠷᠬᠡ ᠴᠢᠯᠦᠭᠡ ᠶᠢ ᠨᠢ | ᠬᠠᠰᠤᠨᠠ᠃ ᠦᠪᠡᠷ ᠤᠨ ᠰᠤᠷᠴᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠡᠷᠳᠡᠮ ᠢᠶᠠᠨ ᠬᠡᠦᠬᠡᠳ ᠲᠡᠭᠡᠨ ᠰᠤᠷᠬᠤ ᠶᠢ ᠨᠠᠶᠢᠳᠠᠵᠤ ᠦᠪᠡᠷ ᠤᠨ | ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠵᠤᠷᠢᠯᠭᠠ ᠪᠠᠨ ᠬᠡᠦᠬᠡᠳ ᠲᠡᠭᠡᠨ ᠪᠡᠶᠡᠯᠡᠭᠦᠯᠬᠦ ᠶᠢ ᠱᠠᠭᠠᠷᠳᠠᠨᠠ᠃ | ᠪᠢᠳᠡᠨ ᠳᠤ ᠬᠡᠦᠬᠡᠳ ᠠᠴᠠ ᠢᠯᠡᠭᠦᠦ ᠨᠠᠰᠤ ᠵᠢᠯ᠂ ᠦᠩᠭᠡᠷᠡᠯᠲᠡ ᠲᠤᠷᠰᠢᠯᠭᠠ᠂ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ | ᠪᠠᠶᠢᠳᠠᠭ ᠭᠡᠬᠦ ᠳᠤ ᠬᠡᠦᠬᠡᠳ ᠲᠤ ᠬᠠᠷᠢᠨ ᠦᠪᠡᠷ ᠤᠨ ᠬᠢᠨᠢ ᠦᠵᠡᠯ ᠪᠤᠳᠤᠯ᠂ ᠳᠤᠷᠠ ᠰᠤᠨᠢᠷᠬᠠᠯ᠂ ᠵᠤᠷᠢᠯᠭᠠ ᠬᠠᠷᠠᠯᠲᠠ | ᠪᠠᠶᠢᠳᠠᠭ ᠰᠢᠦ᠃ ᠪᠠᠶᠢᠷᠢ ᠪᠠᠨ ᠰᠤᠯᠢᠵᠤ ᠪᠤᠳᠤᠯᠬᠢᠯᠠᠨ ᠪᠤᠳᠠᠲᠠᠢ ᠪᠠᠷ ᠵᠠᠳᠠᠯᠵᠤ ᠦᠵᠡᠪᠡᠯ ᠪᠢᠳᠡ ᠬᠠᠰᠢᠯᠠ ᠬᠡᠨ ᠠᠯᠢᠨ ᠢᠶᠠᠨ | ᠬᠦᠨᠳᠦᠳᠬᠡᠵᠦ ᠬᠡᠦᠬᠡᠳ ᠲᠠᠢ ᠪᠠᠨ ᠬᠠᠮᠲᠤ ᠬᠦᠮᠦᠵᠢᠨ ᠪᠤᠶᠢᠵᠢᠪᠠᠯ ᠵᠤᠬᠢᠨᠠ᠃ ᠠᠪᠤ ᠡᠵᠢ ᠨᠢ ᠪᠤᠯᠴᠢᠬᠠᠯᠠ ᠭᠡᠳ | ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠬᠤ ᠶᠢ ᠬᠦᠩᠭᠡᠪᠴᠢᠯᠡᠵᠦ ᠪᠤᠯᠤᠰᠢ ᠦᠭᠡᠢ᠂ ᠨᠡᠩ ᠴᠦ ᠬᠠᠨᠴᠤᠢ ᠰᠡᠭᠰᠦᠷᠦᠨ ᠨᠢᠳᠦ ᠡᠷᠡᠶᠢᠯᠭᠡᠨ | ᠡᠨᠡ ᠶᠢ ᠰᠤᠷᠴᠤ ᠲᠡᠷᠡ ᠶᠢ ᠬᠢ ᠭᠡᠵᠦ ᠬᠡᠦᠬᠡᠳ ᠢᠶᠠᠨ ᠵᠠᠩᠳᠤᠷᠴᠤ ᠵᠠᠬᠢᠵᠤ ᠪᠤᠯᠳᠠᠭ ᠪᠢᠰᠢ᠃ ︽ᠬᠡᠯᠡᠵᠦ ᠰᠤᠷᠭᠠᠬᠤ ᠠᠴᠠ | ᠬᠢᠵᠦ ᠦᠵᠡᠭᠦᠯ︾ ᠭᠡᠳᠡᠭᠴᠢᠯᠡᠨ ᠪᠢᠳᠡᠨ ᠤ ᠬᠠᠭᠤᠳᠠᠮ ᠶᠠᠷᠢᠶᠠ ᠬᠤᠭᠤᠰᠤᠨ ᠰᠤᠷᠭᠠᠯ ᠠᠴᠠ ᠢᠯᠡᠭᠦᠦ ᠪᠡᠶᠡᠴᠢᠯᠡᠨ ᠬᠢᠵᠦ | ᠦᠵᠡᠭᠦᠯᠦᠨ ᠪᠤᠳᠠᠲᠠᠢ ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠪᠢᠰᠢᠷᠡᠭᠦᠯᠬᠦ ᠨᠢ ᠨᠡᠩ ᠢᠯᠡᠭᠦᠦ ᠨᠦᠯᠦᠭᠡᠯᠡᠬᠦ ᠬᠦᠴᠦᠨ ᠢᠲᠡᠭᠡᠭᠦᠯᠬᠦ ᠬᠦᠴᠦᠨ | ᠲᠠᠢ ᠪᠠᠶᠢᠳᠠᠭ᠃ ᠬᠡᠳᠦᠶᠢᠪᠡᠷ ᠭᠡᠷ ᠤᠨ ᠠᠬᠠᠮᠠᠳ ᠪᠤᠯ ᠬᠡᠦᠬᠡᠳ ᠤᠨ ᠠᠩᠬᠠᠨ ᠤ ᠪᠠᠭᠰᠢ ᠭᠡᠳᠡᠭ ᠪᠤᠯᠪᠠᠴᠤ ᠮᠢᠨᠦ | ᠦᠵᠡᠬᠦ ᠪᠠᠷ ᠬᠡᠦᠬᠡᠳ ᠪᠠᠰᠠᠴᠤ ᠡᠴᠢᠭᠡ ᠡᠬᠡ ᠶᠢᠨ ᠢᠶᠠᠨ ᠪᠠᠭᠰᠢ ᠪᠤᠯᠵᠤ ᠪᠤᠯᠳᠠᠭ᠃ ᠦᠭᠡ ᠬᠡᠯᠡᠨ ᠳᠤ ᠤᠷᠤᠬᠤ ᠠᠴᠠ ᠪᠠᠨ | ᠡᠮᠦᠨᠡ ᠦᠭᠡᠳᠡ ᠠᠴᠠ ᠠᠩᠭᠠᠯᠵᠠᠨ ᠢᠨᠢᠶᠡᠬᠦ ᠳᠤ ᠪᠡᠶᠡ ᠰᠡᠳᠬᠢᠯ ᠲᠤᠭᠳᠤᠯᠤᠨ ᠪᠠᠶᠠᠷ ᠵᠢᠷᠭᠠᠯ ᠪᠢᠯᠬᠠᠳᠠᠭ᠃ ᠪᠢᠴᠢᠭ ᠤᠨ | ᠪᠤᠭᠴᠤ ᠪᠠᠨ ᠮᠦᠷᠦᠪᠴᠢᠯᠡᠨ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠬᠠᠷᠢᠵᠤ ᠢᠷᠡᠭᠡᠳ ᠡᠳᠦᠷ ᠤᠨ ᠪᠤᠯᠤᠭᠰᠠᠨ ᠤᠴᠢᠷ ᠢᠶᠠᠨ ᠶᠠᠷᠢᠬᠤ | ᠳᠤᠨᠢ ᠶᠠᠮᠠᠷᠴᠤ ᠭᠠᠶᠢᠬᠠᠯᠲᠠᠢ ᠰᠠᠶᠢᠬᠠᠨ ᠳᠤᠮᠤᠭ ᠦᠯᠢᠭᠡᠷ ᠰᠤᠨᠤᠰᠤᠭᠰᠠᠨ ᠪᠤᠯᠵᠤ ᠲᠤᠲᠤᠷᠠ ᠲᠠᠯᠪᠢᠭᠤᠷᠠᠵᠤ ᠤᠴᠢᠳᠠᠭ᠃ | ᠡᠳᠦᠷ ᠲᠤᠲᠤᠮ ᠢᠶᠠᠨ ᠦᠰᠦᠨ ᠪᠤᠶᠢᠵᠢᠵᠤ ᠦᠪᠡᠷ ᠲᠠᠢ ᠴᠢᠨᠢ ᠵᠠᠪᠳᠠᠭᠤ ᠪᠤᠯᠬᠤ ᠪᠤᠶᠤ ᠤᠳᠠᠵᠤ ᠲᠦᠳᠡᠯ ᠦᠭᠡᠢ | ᠪᠡᠶᠡ ᠠᠴᠠ ᠴᠢᠨᠢ ᠦᠨᠳᠦᠷ ᠪᠤᠯᠴᠢᠬᠠᠭᠠᠳ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠬᠦ ᠦᠶᠡᠰ ᠲᠡᠷᠡ ᠪᠠᠶᠠᠷ ᠪᠠᠭ᠋ᠠᠳᠤᠯ ᠤᠮᠤᠭᠰᠢᠯ | ᠵᠤᠷᠢᠭᠵᠢᠯ ᠢ ᠶᠠᠭᠤᠨ ᠢᠶᠠᠷ ᠦᠯᠢᠳᠬᠡᠨᠡ ᠪᠢᠯᠡ᠃ ᠭᠡᠬᠦ ᠳᠡᠭᠡᠨ ᠬᠤᠷᠸᠠ ᠳᠤ ᠬᠤᠤᠰ ᠦᠭᠡᠢ ᠡᠶᠢᠮᠦᠷᠬᠦ ᠪᠠᠶᠠᠷ ᠪᠠᠭ᠋ᠠᠳᠤᠯ | ᠬᠦᠴᠦᠨ ᠴᠢᠳᠠᠯ ᠢ ᠬᠡᠦᠬᠡᠳ ᠯᠡ ᠪᠢᠳᠡᠨ ᠳᠤ ᠤᠯᠭᠤᠵᠤ ᠦᠭᠳᠡᠭ ᠰᠢᠦ᠃ | ᠡᠨᠡ ᠳᠡᠯᠡᠬᠡᠢ ᠳᠤ ᠠᠮᠢᠳᠤᠷᠠᠬᠤ ᠳᠠᠭᠠᠨ ᠬᠦᠮᠦᠨ ᠪᠤᠯᠵᠤ ᠬᠦᠮᠦᠵᠢᠨ ᠪᠤᠶᠢᠵᠢᠬᠤ ᠨᠢ ᠬᠠᠮᠤᠭ ᠤᠨ ᠴᠢᠬᠤᠯᠠ ᠭᠡᠵᠦ | ᠪᠢ ᠦᠵᠡᠨᠡ᠃ ᠲᠡᠭᠦᠯᠳᠡᠷ ᠰᠠᠶᠢᠬᠠᠨ ᠵᠠᠩ ᠠᠭᠠᠯᠢ᠂ ᠬᠦᠮᠦᠨ ᠴᠢᠨᠠᠷ᠂ ᠬᠡᠪ ᠪᠤᠯᠪᠠᠰᠤᠷᠠᠯ᠂ ᠶᠤᠰᠤ ᠰᠤᠷᠲᠠᠬᠤᠨ᠂ | ᠤᠬᠠᠭᠠᠨ ᠰᠠᠨᠠᠭᠠ᠂ ᠡᠷᠳᠡᠮ ᠮᠡᠳᠡᠯᠭᠡ ᠨᠢ ᠰᠠᠶ᠋ᠢ ᠶᠢᠷᠲᠢᠨᠴᠦ ᠳᠤ ᠤᠷᠤᠨ ᠪᠠᠶᠢᠷᠢ ᠪᠠᠨ ᠤᠯᠵᠤ ᠤᠷᠤᠰᠢᠨ ᠲᠤᠭᠲᠠᠨᠢᠬᠤ᠂ | ᠴᠢᠨᠠᠭᠰᠢᠯᠠᠨ ᠠᠮᠵᠢᠯᠲᠠ ᠤᠯᠬᠤ ᠶᠢᠨ ᠤᠷᠢᠳᠠᠯ ᠨᠦᠬᠦᠴᠡᠯ ᠪᠤᠯᠵᠤ ᠪᠤᠯᠳᠠᠭ᠃ ᠡᠶᠢᠮᠦᠷᠬᠦ ᠴᠢᠬᠤᠯᠠ ᠡᠯᠧᠮᠧᠨ᠋ᠲ ᠢ | ᠪᠦᠷᠢᠯᠳᠦᠭᠦᠯᠬᠦ ᠳᠤ ᠨᠠᠰᠤ ᠵᠢᠯ ᠤᠨ ᠬᠢᠵᠠᠭᠠᠷ ᠦᠭᠡᠢ ᠲᠤᠯᠠ ᠬᠦᠮᠦᠨ ᠪᠦᠬᠦᠨ ᠲᠡᠭᠦᠨ ᠤ ᠡᠮᠦᠨᠡ ᠰᠢᠯᠭᠠᠯᠲᠠ ᠶᠢ | ᠬᠦᠯᠢᠶᠡᠭᠴᠢ ᠪᠤᠯᠬᠤ ᠠᠴᠠ ᠪᠢᠰᠢ ᠰᠢᠭᠦᠭᠴᠢ ᠪᠤᠯᠵᠤ ᠳᠡᠶᠢᠯᠳᠡᠭ ᠦᠭᠡᠢ᠂ ᠡᠶᠢᠮᠦ ᠠᠴᠠ ᠡᠬᠢᠯᠡᠯᠲᠡ ᠪᠠᠶᠢᠬᠤ ᠠᠴᠠ ᠪᠢᠰᠢ | ᠡᠴᠦᠰ ᠲᠡᠭᠦᠰᠬᠡᠯ ᠦᠭᠡᠢ ᠬᠦᠮᠦᠨ ᠪᠤᠯᠵᠤ ᠬᠦᠮᠦᠵᠢᠨ ᠪᠤᠶᠢᠵᠢᠬᠤ ᠡᠨᠡᠬᠦ ᠤᠷᠲᠤ ᠠᠶᠠᠨ ᠳᠤ ᠬᠡᠦᠬᠡᠳ ᠲᠠᠢ ᠪᠠᠨ ᠪᠢᠳᠡ | ᠨᠢᠭᠡᠯᠡ ᠱᠤᠭᠤᠮ ᠳᠡᠭᠡᠷᠡ ᠪᠠᠶᠢᠳᠠᠭ ᠶᠤᠮ ᠡ᠃ |