| ᠰᠢᠯᠢ ᠶᠢᠨ ᠭᠤᠤᠯ᠂ ᠴᠢᠨ ᠤᠯᠤᠰ ᠤᠨ ᠡᠬᠢ ᠪᠠᠷ ᠡᠯᠡ ᠬᠤᠰᠢᠭᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ | ᠴᠢᠭᠤᠯᠭᠠᠨ ᠪᠤᠯᠤᠭᠰᠠᠨ ᠠᠴᠠ ᠡᠶᠢᠨᠬᠦ ᠨᠡᠷᠡᠰᠢᠪᠡ᠃ ᠪᠦᠬᠦ ᠠᠶᠢᠮᠠᠭ ᠨᠢ ᠰᠢᠯᠢᠩᠬᠤᠲᠠ᠂ ᠡᠷᠢᠶᠡᠨ ᠬᠤᠲᠠ᠂ | ᠳᠤᠯᠤᠨᠨᠠᠭᠤᠷ ᠰᠢᠶᠠᠨ᠂ ᠠᠪᠠᠭᠠ ᠬᠤᠰᠢᠭᠤ᠂ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ | ᠂ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤ᠂ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠲᠠᠶᠢᠪᠤᠰᠧ ᠬᠤᠰᠢᠭᠤ᠂ ᠰᠢᠯᠤᠭᠤᠨ ᠬᠦᠪᠡᠭᠡᠲᠦ | ᠴᠠᠭᠠᠨ ᠬᠤᠰᠢᠭᠤ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤ᠂ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤ ᠵᠡᠷᠭᠡ 2 ᠬᠤᠲᠠ᠂ 1 ᠰᠢᠶᠠᠨ᠂ | 9 ᠬᠤᠰᠢᠭᠤ ᠶᠢ ᠪᠠᠭᠲᠠᠭᠠᠵᠤ᠂ ᠨᠤᠲᠤᠭ ᠳᠡᠪᠢᠰᠬᠡᠷ ᠤᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 20.25 ᠲᠦᠮᠡᠨ ᠺᠢᠯᠦᠮᠧᠲᠷ᠂ | ᠶᠡᠷᠦᠩᠬᠡᠢ ᠬᠦᠮᠦᠨ ᠠᠮᠠ ᠨᠢ 100.3 ᠭᠠᠷᠤᠢ ᠲᠦᠮᠡ ᠪᠠᠶᠢᠳᠠᠭ᠃ ᠠᠶᠢᠮᠠᠭ ᠤᠨ ᠵᠠᠬᠢᠷᠭᠠ ᠨᠢ ᠲᠠᠯᠠ ᠨᠤᠲᠤᠭ ᠤᠨ | ᠭᠡᠷᠡᠯᠲᠤ ᠰᠤᠪᠤᠳ ᠭᠡᠮᠡᠭᠳᠡᠭᠰᠡᠨ ᠰᠢᠯᠢᠩᠬᠤᠲᠠ ᠳᠤ ᠪᠤᠢ᠃ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠪᠤᠯ ᠠᠮᠢ ᠠᠬᠤᠢ | ᠲᠡᠩᠴᠡᠭᠦᠷᠢᠲᠡᠢ᠂ ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠰᠠᠶᠢᠨ᠂ ᠠᠭᠤᠳᠠᠮ ᠲᠡᠭᠰᠢ ᠬᠡᠭᠡᠷᠡ ᠲᠠᠯᠠ ᠲᠠᠢ ᠪᠤᠯᠬᠤᠷ ᠮᠠᠯ ᠠᠵᠤ | ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠮᠠᠰᠢ ᠲᠤᠬᠢᠷᠠᠮᠵᠢᠲᠠᠢ ᠨᠤᠲᠤᠭ ᠶᠤᠮ᠃ ᠠᠳᠡᠬᠢ ᠦᠬᠡᠷ᠂ ᠬᠤᠨᠢ᠂ ᠠᠳᠤᠭᠤ᠂ | ᠲᠡᠮᠡᠭᠡᠨ ᠤ ᠶᠡᠷᠦᠩᠬᠡᠢ ᠲᠤᠭᠠ ᠪᠠ ᠮᠢᠬᠠ ᠨᠤᠤᠰᠤ᠂ ᠠᠷᠠᠰᠤ ᠵᠡᠷᠭᠡ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯᠲᠠ ᠨᠢ | ᠪᠦᠬᠦ ᠤᠷᠤᠨ ᠳᠤ ᠲᠡᠷᠢᠭᠦᠯᠡᠵᠦ ᠪᠠᠶᠢᠬᠤ ᠪᠦᠭᠡᠳ ᠮᠠᠨ ᠤ ᠤᠷᠤᠨ ᠪᠠ ᠤᠯᠤᠰ ᠤᠨ ᠭᠤᠤᠯ ᠪᠤᠯᠬᠤ ᠲᠠᠸᠠᠷ ᠤᠨ ᠮᠠᠯ | ᠠᠵᠤ ᠠᠬᠤᠢ ᠶᠢᠨ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠵᠠᠢ᠃ ᠭᠤᠤᠯ ᠮᠠᠯ ᠤᠨ ᠲᠡᠵᠢᠭᠡᠪᠦᠷᠢ ᠶᠢᠨ ᠲᠦᠷᠦᠯ ᠵᠦᠢᠯ ᠭᠡᠪᠡᠯ ᠦᠪᠦᠷ | ᠮᠤᠩᠭᠤᠯ ᠤᠨ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ᠂ ᠦᠵᠦᠮᠦᠴᠢᠨ ᠤ ᠪᠠᠮᠪᠠᠭᠠᠷ ᠰᠡᠭᠦᠯᠲᠦ ᠬᠤᠨᠢ᠂ ᠰᠦᠨᠢᠳ ᠬᠤᠨᠢ᠂ | ᠦᠵᠦᠮᠦᠴᠢᠨ ᠤ ᠨᠤᠤᠯᠤᠷᠲᠤ ᠢᠮᠠᠭᠠ᠂ ᠲᠠᠯᠠ ᠨᠤᠲᠤᠭ ᠤᠨ ᠤᠯᠠᠭᠠᠨ ᠦᠬᠡᠷ᠂ ᠦᠵᠦᠮᠦᠴᠢᠨ ᠦᠬᠡᠷ᠂ | ᠵᠢᠭᠠᠰᠤᠲᠠᠢ ᠦᠬᠡᠷ᠂ ᠦᠵᠦᠮᠦᠴᠢᠨ ᠠᠳᠤᠭᠤ᠂ ᠰᠢᠯᠢ ᠶᠢᠨ ᠭᠤᠤᠯ ᠠᠳᠤᠭᠤ᠂ ᠰᠦᠨᠢᠳ ᠤᠨ ᠬᠤᠤᠰ ᠪᠦᠬᠦᠲᠦ | ᠲᠡᠮᠡᠭᠡ ᠵᠡᠷᠭᠡ ᠪᠤᠢ᠃ | | ᠨᠡᠭᠦᠳᠡᠯ ᠮᠠᠯᠵᠢᠯ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠠᠪᠤᠭᠠᠳ ᠬᠢᠵᠦ ᠢᠷᠡᠭᠰᠡᠨ ᠠᠵᠤ | ᠠᠮᠢᠳᠤᠷᠠᠯ ᠤᠨ ᠠᠷᠭᠠ ᠬᠡᠯᠪᠡᠷᠢ ᠶᠤᠮ᠃ ᠮᠠᠯᠵᠢᠬᠤ ᠰᠤᠶᠤᠯ ᠪᠤᠯ ᠪᠠᠶᠢᠭᠠᠯᠢ ᠶᠢ ᠰᠢᠲᠦᠨ ᠡᠷᠬᠢᠮᠯᠡᠨ ᠬᠦᠨᠳᠦᠳᠬᠡᠳᠡᠭ | ᠰᠤᠶᠤᠯ ᠪᠤᠯᠬᠤ ᠶᠢ ᠦᠢᠯᠡᠳᠦᠯᠭᠡ ᠨᠢᠭᠡᠨᠲᠡ ᠭᠡᠷᠡᠴᠢᠯᠡᠪᠡ᠃ ᠭᠡᠪᠡᠴᠦ ᠠᠮᠢ ᠠᠬᠤᠢ ᠮᠠᠭᠤᠲᠠᠵᠤ᠂ ᠪᠡᠯᠴᠢᠭᠡᠷ ᠤᠰᠤ | ᠲᠠᠴᠢᠷᠳᠠᠨ᠂ ᠲᠠᠯᠠ ᠨᠤᠲᠤᠭ ᠡᠯᠡᠰᠦᠷᠬᠡᠭᠵᠢᠵᠦ ᠪᠠᠶᠢᠭᠠ ᠡᠨᠡ ᠡᠷᠡᠨ ᠳᠤ ᠬᠡᠷᠬᠢᠨ ᠮᠠᠯᠵᠢᠬᠤ᠂ ᠮᠠᠯ ᠤᠨ ᠠᠰᠢᠭ | ᠰᠢᠮᠡ ᠪᠠᠨ ᠬᠡᠷᠬᠢᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠁ ᠵᠡᠷᠭᠡ ᠪᠤᠯ ᠮᠠᠯᠵᠢᠯ ᠠᠮᠢᠳᠤᠷᠠᠯ ᠲᠠᠢ ᠮᠤᠩᠭᠤᠯᠴᠤᠳ ᠤᠨ ᠡᠮᠦᠨᠡ | ᠲᠠᠯᠪᠢᠭᠳᠠᠵᠤ ᠪᠠᠶᠢᠭᠠ ᠲᠤᠮᠤ ᠠᠰᠠᠭᠤᠳᠠᠯ ᠮᠦᠨ᠃ ᠡᠭᠦᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠤ | ᠮᠠᠯᠴᠢᠳ ᠤᠨ ᠬᠢᠵᠦ ᠪᠠᠶᠢᠭᠠ ᠬᠤᠷᠰᠢᠶᠠ ᠪᠠᠶᠢᠭᠤᠯᠬᠤ ᠡᠰᠡᠬᠦᠯᠡ ᠮᠠᠯᠴᠢᠨ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠡᠷᠬᠢᠯᠡᠬᠦ ᠁ | ᠵᠡᠷᠭᠡ ᠪᠤᠯ ᠪᠦᠷ ᠪᠦᠲᠦᠮᠵᠢᠲᠡᠢ ᠰᠠᠶᠢᠨ ᠭᠠᠷᠬᠤ ᠵᠠᠮ ᠪᠤᠯᠬᠤ ᠶᠤᠮ᠃ | | | ᠡᠵᠢ ᠨᠠᠭᠤᠷ ᠪᠤᠯ ᠮᠠᠨ ᠤ ᠤᠷᠤᠨ ᠤ ᠬᠠᠮᠤᠭ ᠤᠨ ᠲᠤᠮᠤ ᠴᠡᠩᠬᠡᠭ ᠳᠠᠪᠤᠰᠤᠨ ᠨᠠᠭᠤᠷ ᠪᠤᠯᠬᠤ ᠪᠦᠭᠡᠳ | ᠦᠢ ᠲᠦᠮᠡᠨ ᠮᠤᠩᠭᠤᠯᠴᠤᠳ ᠢ ᠲᠡᠵᠢᠭᠡᠨ ᠤᠮᠳᠠᠯᠠᠭᠰᠠᠨ ᠡᠷᠳᠡᠨᠢ ᠶᠢᠨ ᠨᠠᠭᠤᠷ ᠶᠤᠮ᠃ ᠡᠵᠢ ᠨᠠᠭᠤᠷ ᠢ ᠯᠢᠶᠤᠤ | ᠤᠯᠤᠰ ᠤᠨ ᠦᠶᠡ ᠳᠤ ᠨᠡᠭᠡᠭᠡᠨ ᠠᠰᠢᠭᠯᠠᠵᠤ ︽ᠦᠯᠡᠮᠵᠢ ᠲᠡᠵᠢᠭᠡᠯᠲᠦ ᠨᠠᠭᠤᠷ︾ ᠭᠡᠮᠡᠨ ᠨᠡᠷᠡᠯᠡᠵᠦ ᠪᠠᠶᠢᠵᠠᠢ᠃ | | ᠶᠤᠸᠠᠨ ᠤᠯᠤᠰ ᠤᠨ ᠱᠠᠩᠲᠤ ᠬᠤᠲᠠ ᠶᠢᠨ ᠪᠠᠭᠤᠷᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠰᠢᠯᠤᠭᠤᠨ ᠬᠦᠬᠡ | ᠬᠤᠰᠢᠭᠤᠨ ᠤ ᠱᠠᠩᠲᠤ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠪᠤᠢ᠃ 1251 ᠤᠨ ᠳᠤ ᠮᠦᠩᠬᠡ ᠬᠠᠭᠠᠨ ᠰᠠᠭᠤᠷᠢᠨ ᠳᠤ | ᠰᠠᠭᠤᠮᠠᠭᠴᠠ ᠳᠡᠭᠦᠦ ᠬᠤᠪᠢᠯᠠᠢ ᠪᠠᠨ ᠭᠤᠪᠢ ᠶᠢᠨ ᠡᠮᠦᠨᠡᠲᠦ ᠶᠢ ᠶᠡᠷᠦᠩᠬᠡᠶᠢᠯᠡᠨ ᠵᠠᠬᠢᠷᠬᠤ ᠴᠡᠷᠢᠭ ᠤᠨ ᠵᠠᠰᠠᠭ ᠤᠨ | ᠶᠡᠷᠦᠩᠬᠡᠢ ᠵᠠᠬᠢᠷᠤᠭᠴᠢ ᠪᠠᠷ ᠲᠤᠮᠢᠯᠠᠭᠰᠠᠨ ᠪᠦᠭᠡᠳ ᠤᠷᠳᠤᠨ ᠶᠠᠮᠤᠨ ᠪᠠᠶᠢᠭᠤᠯᠬᠤ ᠶᠢ ᠨᠢ ᠵᠦᠪᠰᠢᠶᠡᠷᠡᠭᠰᠡᠨ ᠪᠢᠯᠡ᠃ | ᠡᠶᠢᠨᠬᠦ 1256 ᠤᠨ ᠳᠤ ᠬᠤᠪᠢᠯᠠᠢ ᠠᠯᠲᠠᠩᠬᠤᠸᠠᠲᠤ ᠲᠠᠯᠠ ᠳᠤ ᠱᠠᠩᠲᠤ ᠬᠤᠲᠠ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠶᠤᠮ᠃ | ᠠᠯᠲᠠᠩᠬᠤᠸᠠᠲᠤ ᠲᠠᠯᠠ ᠪᠤᠯ ᠤᠷᠢᠳᠤ ᠠᠯᠲᠠᠨ ᠤᠯᠤᠰ ᠤᠨ ᠱᠢᠽᠦ᠋ᠩ ᠬᠠᠭᠠᠨ ᠤ ᠵᠤᠰᠠᠭᠠᠯ ᠤᠨ ᠤᠷᠳᠤ ᠪᠠᠶᠢᠭᠤᠯᠵᠤ | ᠵᠤᠰᠠᠳᠠᠭ ᠭᠠᠵᠠᠷ ᠪᠠᠶᠢᠵᠠᠢ᠃ ᠡᠨᠡ ᠭᠠᠵᠠᠷ ᠠᠯᠲᠠᠩᠬᠤᠸᠠ ᠴᠡᠴᠡᠭ ᠳᠡᠯᠭᠡᠷᠡᠳᠡᠭ ᠠᠴᠠ ᠱᠢᠽᠦ᠋ᠩ ᠬᠠᠭᠠᠨ ︽ᠠᠯᠲᠠᠨ | ︵莲︶ ᠭᠡᠮᠡᠭᠴᠢ ᠬᠡᠯᠬᠢᠶᠡ ︵连︶ ᠪᠤᠯᠠᠢ᠂ ᠠᠯᠲᠠᠨ ᠮᠦᠴᠢᠷ ᠬᠠᠰ ᠨᠠᠪᠴᠢ ᠶᠢᠨ ᠪᠠᠷᠢᠯᠳᠤᠯᠭᠠ ᠪᠤᠯᠠᠢ︾ | ᠭᠡᠬᠦ ᠤᠳᠬᠠ ᠲᠠᠢ ᠭᠡᠮᠡᠨ ︽ᠠᠯᠲᠠᠩᠬᠤᠸᠠᠲᠤ ᠲᠠᠯᠠ︾ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠭᠡᠳᠡᠭ᠃ ᠦᠨᠡᠬᠡᠷ ᠴᠦ ᠡᠨᠡ ᠭᠠᠵᠠᠷ | ᠠᠯᠲᠠᠨ ᠦᠩᠭᠡᠲᠦ ᠰᠢᠷᠠ ᠴᠡᠴᠡᠭ ᠳᠡᠯᠭᠡᠷᠡᠳᠡᠭ ᠨᠢ ᠪᠠᠶᠢᠭᠠᠯᠢ ᠶᠢᠨ ᠨᠢᠭᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠤᠯᠤᠭᠰᠠᠨ ᠶᠤᠮ | ᠳ᠋ᠠᠭ︕ ᠡᠶᠢᠨᠬᠦ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠱᠠᠩᠲᠤ ᠬᠤᠲᠠ ᠨᠢ ᠶᠡᠭᠡ ᠬᠠᠭᠠᠨ ᠤ ᠵᠤᠰᠠᠯᠠᠩ ᠤᠨ ᠤᠷᠳᠤᠨ | ᠪᠤᠯᠤᠭᠰᠠᠨ ᠪᠦᠭᠡᠳ ᠡᠮᠦᠨᠡᠲᠦ ᠶᠢᠨ ᠵᠦᠩᠶᠤᠸᠠᠨ ᠤᠷᠤᠨ᠂ ᠤᠮᠠᠷᠠᠲᠤ ᠶᠢᠨ ᠲᠠᠯᠠ ᠨᠤᠲᠤᠭ ᠢ ᠬᠤᠯᠪᠤᠭᠰᠠᠨ ᠤᠯᠤᠰ | ᠲᠦᠷᠦ᠂ ᠴᠡᠷᠢᠭ ᠳᠠᠶᠢᠨ᠂ ᠠᠵᠤ ᠠᠬᠤᠢ ᠶᠢᠨ ᠴᠢᠬᠤᠯᠠ ᠪᠤᠭᠤᠮᠲᠠ ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ | | 1362 ᠤᠨ ᠤ 12 ᠰᠠᠷᠠ ᠳᠤ ᠶᠤᠸᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠶᠢᠨ ᠪᠤᠰᠤᠯᠭᠠ ᠶᠢᠨ | ᠴᠡᠷᠢᠭ ᠤᠨ ᠨᠢᠭᠡᠨ ᠰᠠᠯᠠᠭᠠ ᠪᠤᠯᠬᠤ ᠭᠤᠸᠠᠨ ᠳ᠋ᠦᠸᠧ᠂ ᠫᠦᠸᠧ ᠲᠸᠦ ᠫᠠᠨ᠂ ᠹᠧᠩ ᠴᠠᠩ ᠵᠢᠦ᠂ ᠱᠠ ᠯᠢᠦ | ᠡᠯ ᠤᠨ ᠳᠠᠶᠢᠴᠢᠯᠠᠭᠰᠠᠨ ᠲᠦᠪᠲᠦ ᠴᠡᠷᠢᠭ ᠱᠠᠩᠳᠤ ᠬᠤᠲᠠ ᠶᠢ ᠳᠠᠭᠠᠷᠢᠨ ᠡᠵᠡᠯᠡᠵᠦ ᠭᠠᠯᠳᠠᠵᠠᠢ᠃ ᠶᠡᠭᠡ ᠭᠠᠯ | ᠭᠤᠷᠪᠠᠨ ᠰᠠᠷᠠ ᠨᠤᠴᠤᠵᠤ᠂ ᠬᠠᠮᠤᠭ ᠬᠤᠷᠤᠰᠤᠯᠲᠠᠢ ᠨᠢ ᠪᠦᠬᠦᠶᠢᠯᠡ ᠲᠡᠦᠬᠡ ᠶᠢᠨ ᠳᠤᠷᠠᠰᠬᠠᠯᠲᠤ ᠰᠤᠳᠤᠷ ᠪᠢᠴᠢᠭ ᠢ | ᠦᠨᠡᠰᠦ ᠪᠤᠯᠭᠠᠨ ᠬᠠᠶᠠᠪᠠ᠃ ᠡᠶᠢᠨᠬᠦ ︽ᠲᠡᠳᠡᠨᠦᠰ ᠭᠠᠭᠴᠠ ᠱᠠᠩᠳᠤ ᠶᠢ ᠯᠠ ᠰᠢᠲᠠᠭᠠᠭᠰᠠᠨ ᠪᠢᠰᠢ᠂ ᠨᠢᠭᠡ | ᠦᠨᠳᠦᠰᠦᠲᠡᠨ ᠴᠢᠨᠠᠭᠰᠢᠯᠠᠪᠠᠯ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠪᠤᠯᠪᠠᠰᠤᠨ ᠰᠤᠶᠤᠯ ᠢ ᠲᠠᠯᠬᠢᠲᠠᠭᠰᠠᠨ ᠠᠭᠤᠴᠢᠯᠠᠵᠤ | ᠪᠤᠯᠤᠰᠢ ᠦᠭᠡᠢ ᠶᠠᠯᠠ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠶᠤᠮ︾᠃ 1369 ᠤᠨ ᠤ 6 ᠰᠠᠷᠠ ᠶᠢᠨ 1 ᠤ ᠡᠳᠦᠷ ᠮᠢᠩ | ᠤᠯᠤᠰ ᠤᠨ ᠲᠤᠰᠠᠯᠠᠭᠴᠢ ᠵᠠᠩᠵᠤᠨ ᠴᠠᠩ ᠢᠦᠢ ᠴᠦᠨ᠂ ᠵᠢᠭᠦᠷ ᠤᠨ ᠵᠠᠩᠵᠤᠨ ᠯᠢ ᠸᠧᠨ ᠵᠦᠩ ᠠᠷᠪᠠᠨ ᠲᠦᠮᠡᠨ | ᠴᠡᠷᠢᠭ ᠢᠶᠠᠷ ᠮᠤᠩᠭᠤᠯ ᠤᠷᠤᠨ ᠢ ᠳᠤᠪᠲᠤᠯᠤᠨ 17 ᠤ ᠡᠳᠦᠷ ᠱᠠᠩᠲᠤ ᠶᠢ ᠤᠤᠯᠭᠠᠯᠠᠨ ᠡᠵᠡᠯᠡᠭᠡᠳ ᠲᠤᠶᠢᠯᠪᠤᠷᠢᠲᠠᠢ | ᠭᠠᠯᠳᠠᠵᠤ ᠤᠷᠬᠢᠪᠠ᠃ ᠡᠶᠢᠨᠬᠦ 1274 ᠠᠴᠠ 1369 ᠤᠨ ᠪᠤᠯᠲᠠᠯᠠ 95 ᠵᠢᠯ ᠮᠤᠩᠭᠤᠯ ᠬᠠᠭᠠᠳ ᠤᠨ | ᠵᠤᠰᠠᠭᠠᠯ ᠤᠨ ᠤᠷᠳᠤᠨ ᠪᠤᠯᠤᠭᠰᠠᠨ ᠱᠠᠩᠳᠤ ᠬᠤᠲᠠ ᠠᠳᠡ ᠬᠦᠷᠦᠭᠡᠳ ᠲᠡᠦᠬᠡ ᠶᠢᠨ ᠠᠶᠠᠨ ᠢᠶᠠᠨ ᠳᠠᠭᠤᠰᠬᠠᠵᠤ | ᠡᠬᠡ ᠭᠠᠵᠠᠷ ᠲᠠᠭᠠᠨ ᠦᠨᠢᠲᠡ ᠰᠢᠩᠭᠡᠪᠡ︕ ᠦᠨᠡᠨᠳᠡᠭᠡᠨ ᠲᠡᠦᠬᠡ ᠴᠦ ᠲᠡᠷᠡ᠂ ᠲᠦᠷᠦ ᠴᠦ ᠲᠡᠷᠡ ᠦᠪᠡᠷ ᠢᠶᠠᠨ | ᠬᠠᠶᠢᠷᠠᠯᠠᠵᠤ ᠬᠢᠮᠠᠭᠠᠳᠠᠬᠤ ᠦᠭᠡᠢ ᠪᠤᠯ ᠯᠠᠪᠲᠠᠢ ᠦᠷᠦᠭᠡᠯ ᠳᠤ ᠢᠳᠡᠭᠳᠡᠨ ᠬᠠᠶᠢᠯᠤᠭᠳᠠᠨᠠ᠃ ᠡᠨᠡ ᠶᠤᠰᠤ ᠶᠢ ᠱᠠᠩᠳᠤ | ᠬᠤᠲᠠ ᠶᠢᠨ ᠪᠠᠭᠤᠷᠢ ᠮᠢᠩᠭᠠᠨ ᠤᠨ ᠤ ᠲᠤᠷᠰᠢ ᠮᠤᠩᠭᠤᠯᠴᠤᠳ ᠲᠠᠭᠠᠨ ᠰᠢᠪᠡᠨᠡᠭᠰᠡᠭᠡᠷ ᠢᠷᠡᠯᠡ ᠁ ᠡᠭᠦᠨ ᠠᠴᠠ | ᠭᠠᠳᠠᠨᠠ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠬᠤᠩᠭᠤᠷ ᠠᠭᠤᠯᠠᠨ ᠤ ᠬᠠᠳᠠᠨ ᠵᠢᠷᠤᠭ᠂ ᠲᠦᠩᠬᠦᠷ ᠤᠨ ᠠᠪᠤᠷᠭᠤ | ᠭᠦᠷᠪᠡᠯ ᠤᠨ ᠴᠢᠯᠠᠭᠤᠵᠢᠮᠠᠯ ᠁ ᠵᠡᠷᠭᠡ ᠪᠤᠯ ᠪᠦᠷ ᠦᠪ ᠰᠤᠶᠤᠯ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠡᠷᠳᠡᠨᠢ ᠶᠢᠨ ᠬᠦᠷᠦᠩᠭᠡ | ᠂ ᠬᠠᠭᠤᠴᠢ ᠤᠯᠠᠮᠵᠢᠯᠠᠯ ᠪᠢᠯᠡ᠃ | | | | | | ᠰᠢᠯᠢ ᠶᠢᠨ ᠭᠤᠤᠯ ᠪᠤᠯ ᠤᠷᠠᠨ ᠪᠠᠷᠢᠯᠳᠤᠭᠠᠨᠲᠤ ᠠᠪᠤᠷᠭᠤ ᠶᠢᠨ ᠨᠤᠲᠤᠭ᠂ ᠤᠷᠲᠤ ᠶᠢᠨ ᠳᠠᠭᠤᠤ ᠶᠢᠨ | ᠤᠶᠠᠩᠭᠠᠨ ᠦᠯᠦᠭᠡᠢ ᠶᠤᠮ᠃ 1666 ᠤᠨ ᠳᠤ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠮᠤᠩᠭᠤᠯ ᠳᠤ ᠢᠷᠡᠭᠰᠡᠨ ᠢ | ᠤᠭᠲᠤᠬᠤ ᠲᠦᠷᠦ ᠶᠢᠨ ᠶᠡᠭᠡ ᠮᠢᠩᠭᠠᠨ ᠪᠦᠬᠡ ᠶᠢᠨ ᠨᠠᠶᠢᠷ ᠤᠨ ᠲᠡᠷᠢᠭᠦᠨ ᠠᠨᠵᠤᠤ᠂ ᠠᠷᠪᠠᠨ ᠵᠢᠷᠭᠤᠭᠠᠲᠠᠢ | ᠴᠤᠶᠢᠵᠠᠮᠰᠤ᠂ ᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠪᠠᠭᠰᠢ ᠶᠢᠨ ᠤᠯᠠᠭᠠᠨ᠂ ᠳᠠᠭᠤᠤ ᠲᠠᠢ ᠪᠦᠬᠡ ᠳᠦᠭᠦᠷᠡᠩᠵᠠᠨᠠ᠂ ᠠᠯᠳᠠᠷ | ᠶᠡᠬᠡᠲᠡᠢ ᠢᠨᠵᠠᠭᠠᠨ ᠶᠤᠨᠳᠤᠨ᠂ ᠠᠪᠤᠷᠭᠤ ᠰᠡᠩᠭᠡ᠂ ᠠᠷᠪᠠᠨ ᠭᠤᠷᠪᠠᠨ ᠵᠢᠯ ᠪᠤᠰᠤᠭᠠ ᠶᠠᠪᠤᠭᠰᠠᠨ ᠴᠠᠭᠠᠨᠵᠠᠭᠠᠨ᠂ | ᠭᠢᠨᠢᠰ ᠤᠨ ᠲᠡᠮᠳᠡᠭᠯᠡᠯᠲᠦ 2048 ᠪᠦᠬᠡ ᠲᠠᠢ ᠨᠠᠶᠢᠷ ᠤᠨ ᠮᠠᠩᠯᠠᠢ ᠮᠢ᠊᠂ ᠰᠤᠶᠤᠯ᠂ ᠬᠤᠶᠠᠷ ᠤᠳᠠᠭᠠᠨ ᠤ ᠮᠢᠩᠭᠠᠨ | ᠪᠦᠬᠡ ᠲᠠᠢ ᠨᠠᠶᠢᠷ ᠤᠨ ᠲᠡᠷᠢᠭᠦᠨ ᠪᠠᠶᠠᠷᠪᠠᠭᠠᠲᠤᠷ ᠁ ᠡᠳᠡᠨᠡᠷ ᠪᠤᠯ ᠪᠦᠷ ᠡᠨᠡ ᠨᠤᠲᠤᠭ ᠤᠨ ᠠᠪᠤᠷᠭᠤ | ᠪᠦᠬᠡᠴᠦᠦᠯ ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠤ ᠪᠠᠭᠠᠲᠤᠷ ᠢᠳᠡᠲᠡᠳ ᠪᠢᠯᠡ᠃ ᠮᠤᠩᠭᠤᠯ ᠪᠦᠬᠡ ᠪᠤᠯ ᠮᠤᠩᠭᠤᠯ ᠰᠤᠶᠤᠯ ᠤᠨ | ᠤᠬᠢ᠂ ᠮᠤᠩᠭᠤᠯ ᠲᠦᠮᠡᠨ ᠤ ᠪᠠᠭ᠋ᠠᠷᠬᠠᠯ᠂ ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠤ ᠬᠡᠢ ᠮᠤᠷᠢ ᠶᠢᠨ ᠳᠠᠯᠠᠯᠭᠠ ᠶᠤᠮᠰᠠᠨ᠃ | ᠮᠤᠩᠭᠤᠯ ᠪᠦᠬᠡ ᠪᠤᠯ ᠡᠷᠬᠡ ᠴᠢᠯᠦᠭᠡᠲᠦ ᠲᠡᠮᠡᠴᠡᠭᠡᠨ ᠮᠦᠨ᠃ ᠡᠷᠡ ᠴᠢᠳᠠᠯ ᠤᠨ ᠦᠵᠡᠯᠴᠡᠭᠡᠨ ᠮᠦᠨ᠂ ᠤᠷᠠ | ᠮᠡᠷᠭᠡᠵᠢᠯ ᠤᠨ ᠦᠷᠢᠰᠦᠭᠡᠨ ᠮᠦᠨ᠂ ᠡᠪ ᠨᠠᠶᠢᠷ ᠤᠨ ᠪᠠᠷᠢᠯᠳᠤᠭᠠᠨ ᠮᠦᠨ᠃ ᠬᠠᠷᠠᠴᠤ ᠶᠢᠨ ᠬᠦᠦ ᠴᠦ ᠬᠠᠭᠠᠨ ᠤ | ᠬᠦᠦ ᠲᠠᠢ ᠪᠠᠷᠢᠯᠳᠤᠵᠤ ᠪᠤᠯᠬᠤ᠂ ᠬᠠᠶᠠᠭᠳᠠᠭᠰᠠᠨ ᠨᠢᠭᠡ ᠪᠠᠨ ᠡᠷᠭᠦᠵᠦ ᠪᠤᠰᠬᠠᠬᠤ᠂ ᠡᠪᠦᠳᠦᠭ ᠰᠢᠷᠤᠶᠢᠳᠠᠪᠠᠯ | ᠤᠨᠠᠭᠰᠠᠨ ᠢᠶᠠᠷ ᠪᠤᠳᠤᠬᠤ᠂ ᠡᠪᠡᠰᠦᠨ ᠨᠠᠮᠠᠭᠠ ᠰᠢᠭᠦᠷᠡᠪᠡᠴᠦ ᠤᠶᠢᠴᠢᠭᠰᠠᠨ ᠢᠶᠠᠷ ᠭᠠᠷᠭᠠᠬᠤ᠂ ᠬᠠᠷᠠ ᠬᠦᠴᠦ ᠪᠠᠷ | ᠳᠠᠷᠤᠯᠠᠬᠤ ᠭᠡᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠷᠠ ᠰᠠᠨᠠᠭᠠ ᠲᠠᠢ ᠬᠤᠤᠷᠯᠠᠬᠤ ᠭᠡᠵᠦ ᠪᠤᠯᠬᠤ ᠦᠭᠡᠢ᠂ ᠨᠤᠭᠤᠭᠠᠨ ᠲᠤᠷᠭᠠᠨ | ᠲᠠᠯᠠ ᠳᠡᠭᠡᠷᠡ ᠪᠠᠨ ᠨᠦᠷᠢᠵᠦ ᠲᠤᠯᠤᠭᠠᠳ ᠬᠡᠳᠦᠨ ᠡᠳᠦᠷ ᠪᠤᠯᠳᠠᠭ ᠁ ᠦᠭᠡᠢ ᠶᠡᠷᠦᠨᠢ ᠠᠯᠢ ᠲᠠᠯᠠ ᠪᠠᠷ | ᠠᠪᠴᠤ ᠬᠡᠯᠡᠭᠰᠡᠨ ᠴᠦ ᠮᠤᠩᠭᠤᠯ ᠪᠦᠬᠡ ᠪᠤᠯ ᠨᠢᠭᠡᠨ ᠭᠠᠶᠢᠬᠠᠮᠰᠢᠭᠲᠤ ᠨᠠᠭᠠᠳᠤᠮ ᠲᠡᠭᠷᠢᠯᠢᠭ ᠰᠤᠶᠤᠯ ᠪᠠᠶᠢᠭᠠ ᠶᠤᠮ᠃ | ᠡᠶᠢᠮᠦ ᠳᠡᠭᠡᠨ ᠮᠤᠩᠭᠤᠯ ᠲᠦᠮᠡᠨ ᠮᠠᠨᠢ ᠠᠯᠢ ᠡᠷᠲᠡ ᠠᠴᠠ ᠪᠦᠬᠡ ᠪᠠᠨ ᠪᠠᠷᠢᠯᠳᠤᠭᠤᠯᠵᠤ᠂ ᠪᠦᠬᠡ ᠪᠠᠨ ᠰᠤᠨᠢᠷᠬᠠᠵᠤ᠂ | ᠪᠦᠬᠡ ᠪᠠᠨ ᠮᠠᠨᠳᠤᠭᠤᠯᠵᠤ᠂ ᠪᠦᠬᠡ ᠪᠠᠨ ᠬᠠᠭᠤᠴᠢᠯᠠᠵᠤ ᠢᠷᠡᠭᠰᠡᠨ ᠪᠢᠯᠡ︕ ᠤᠳᠤ ᠡᠷᠡᠨ ᠳᠤ ᠠᠯᠢᠪᠠ ᠪᠦᠬᠦᠨ | ᠪᠦᠷ ᠳᠠᠶᠠᠩᠴᠢᠯᠠᠵᠤ ᠪᠤᠢ᠃ ᠡᠶᠢᠮᠦ ᠳᠡᠭᠡᠨ ᠮᠤᠩᠭᠤᠯ ᠪᠦᠬᠡ ᠴᠦ ᠠᠯᠢ ᠨᠢᠭᠡᠨ ᠡᠳᠦᠷ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠲᠠᠮᠢᠷ | ᠪᠤᠯᠵᠤ᠂ ᠤᠯᠢᠮᠫᠢᠺ ᠤᠨ ᠲᠠᠪᠴᠠᠩ ᠳᠡᠭᠡᠷᠡ ᠤᠷᠢᠶᠠ ᠬᠠᠩᠭᠢᠨᠠᠭᠤᠯᠤᠨ ᠪᠠᠷᠢᠯᠳᠤᠬᠤ ᠶᠤᠰᠤᠲᠠᠢ᠃ ᠭᠡᠬᠦ ᠳᠤ ᠪᠢᠳᠡ | ᠮᠤᠩᠭᠤᠯ ᠪᠦᠬᠡ ᠪᠠᠨ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠪᠤᠯᠭᠠᠶᠠ ᠭᠡᠪᠡᠯ ᠪᠦᠬᠡ ᠪᠠᠨ ᠨᠡᠩ ᠭᠦᠨ ᠰᠤᠳᠤᠯᠵᠤ᠂ ᠪᠦᠬᠡ ᠪᠠᠨ | ᠤᠯᠠᠮ ᠳᠦᠷᠢᠮᠵᠢᠭᠦᠯᠵᠦ᠂ ᠤᠨᠤᠭᠠ ᠲᠠᠭᠠᠷᠠᠭᠤᠯᠬᠤ ᠠᠴᠠ ᠡᠬᠢᠯᠡᠭᠡᠳ ᠤᠨᠠᠵᠤ ᠤᠶᠢᠴᠢᠬᠤ ᠳᠤᠨᠢ ᠬᠦᠷᠲᠡᠯᠡ ᠪᠦᠷ | ᠨᠠᠷᠢᠨ ᠰᠢᠷᠢᠨ ᠳᠦᠷᠢᠮ ᠭᠤᠷᠢᠮ ᠭᠠᠷᠭᠠᠬᠤ ᠴᠢᠬᠤᠯᠠᠲᠠᠢ︕ ᠡᠨᠡ ᠠᠵᠢᠯ ᠢ ᠪᠦᠬᠡ ᠳᠤ ᠬᠠᠶᠢᠷᠠᠲᠠᠢ ᠬᠦᠮᠦᠰ ᠠᠴᠠ | ᠪᠦᠬᠦ ᠮᠤᠩᠭᠤᠯ ᠲᠦᠮᠡᠨ ᠮᠢᠨᠢ ᠬᠠᠮᠲᠤᠪᠡᠷ ᠬᠢᠬᠦ ᠬᠡᠷᠡᠭᠲᠡᠢ᠃ ᠡᠭᠦᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠬᠢᠨ ᠨᠢᠭᠡᠨᠲᠡ ᠡᠨᠡ | ᠠᠵᠢᠯ ᠢ ᠲᠦᠷᠦᠭᠦᠯᠡᠨ ᠬᠢᠵᠦ ᠡᠬᠢᠯᠡᠯᠡ᠃ ᠤᠳᠤ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠬᠤᠰᠢᠭᠤ ᠪᠤᠯᠭᠠᠨ ᠳᠤ | ᠪᠦᠬᠡ ᠶᠢᠨ ᠬᠤᠯᠪᠤᠭᠠ ᠪᠦᠬᠡ ᠶᠢᠨ ᠺᠯᠦ᠋ᠪ ᠲᠠᠢ᠃ ᠲᠡᠷᠡ ᠮᠦᠷᠲᠡᠭᠡᠨ 2012 ᠤᠨ ᠤ ᠮᠦᠩᠭᠦᠨ ᠡᠪᠦᠯ ᠵᠡᠭᠦᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤ ᠨᠢ ᠪᠦᠬᠦ ᠤᠷᠤᠨ ᠤ ᠮᠤᠩᠭᠤᠯ ᠪᠦᠬᠡ ᠶᠢᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠢ ᠠᠮᠵᠢᠯᠲᠠ | ᠲᠠᠢ ᠬᠢᠭᠰᠡᠨ ᠶᠤᠮ᠃ ︽ᠪᠠᠭᠠ ᠠᠴᠠ ᠡᠬᠢᠯᠡᠵᠦ ᠶᠡᠭᠡ ᠶᠢ ᠪᠦᠲᠦᠭᠡᠨᠡ︾ ᠭᠡᠳᠡᠭᠴᠢᠯᠡᠨ ᠪᠢᠳᠡ ᠬᠦᠮᠦᠨ ᠪᠤᠯᠭᠠᠨ | ᠪᠦᠬᠡ ᠪᠠᠨ ᠬᠠᠶᠢᠷᠠᠯᠠᠵᠤ ᠪᠦᠬᠡ ᠪᠠᠨ ᠠᠩᠬᠠᠷᠴᠤ ᠪᠦᠬᠡ ᠶᠢᠨ ᠲᠤᠬᠠᠢ ᠪᠠᠭᠠ ᠴᠦ ᠭᠡᠰᠡᠨ ᠠᠵᠢᠯ ᠬᠢᠳᠡᠭ ᠯᠡ ᠶᠤᠮ | ᠪᠤᠯ ᠮᠤᠩᠭᠤᠯ ᠪᠦᠬᠡ ᠶᠢᠨ ᠠᠯᠲᠠᠨ ᠵᠠᠩᠭᠢᠶᠠ ᠯᠠᠪᠲᠠᠢ ᠤᠯᠢᠮᠫᠢᠺ ᠤᠨ ᠲᠠᠪᠤᠨ ᠴᠠᠭᠠᠷᠢᠭ ᠤᠨ ᠨᠢᠭᠡ ᠪᠤᠯᠵᠤ ᠳᠡᠯᠡᠬᠡᠢ | ᠨᠡᠶᠢᠲᠡ ᠶᠢᠨ ᠪᠤᠯᠬᠤ ᠶᠤᠮ᠃ | | | | ᠮᠤᠩᠭᠤᠯ ᠪᠦᠬᠡ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠮᠤᠩᠭᠤᠯ ᠰᠤᠶᠤᠯ ᠤᠨ ᠤᠬᠢ ᠮᠤᠩᠭᠤᠯ ᠲᠦᠮᠡᠨ ᠤ ᠪᠠᠭ᠋ᠠᠷᠬᠠᠯ | ᠪᠤᠯᠤᠭᠰᠠᠨ ᠭᠠᠶᠢᠬᠠᠮᠰᠢᠭᠲᠤ ᠤᠷᠠᠯᠢᠭ ᠪᠤᠯ ᠤᠷᠲᠤ ᠶᠢᠨ ᠳᠠᠭᠤᠤ ᠪᠢᠯᠡ᠃ ᠡᠷᠲᠡ ᠦᠶᠡ ᠶᠢᠨ ᠮᠤᠩᠭᠤᠯ | ᠪᠠᠭᠠᠲᠤᠷᠴᠤᠳ ︽ᠠᠷᠤᠯᠠᠢ︾ ᠭᠡᠬᠦ ᠳᠠᠭᠤᠤ ᠪᠠᠨ ᠠᠶᠠᠯᠤᠭᠤᠯᠤᠨ ᠳᠠᠭᠤᠯᠠᠭᠠᠳ ᠳᠠᠭᠠᠷᠢᠯᠲᠠ ᠬᠢᠬᠦ ᠳᠤ ᠦᠷᠦᠭᠡᠯ | ᠦᠨᠳᠦᠰᠦᠲᠡᠨ ︽ᠠᠶᠠ᠂ ᠲᠡᠭᠷᠢ ᠶᠢᠨ ᠡᠭᠡᠰᠢᠭ︾ ᠭᠡᠮᠡᠨ ᠰᠦᠷᠳᠡᠭᠡᠳ ᠳᠠᠶᠢᠳᠤᠯ ᠦᠭᠡᠢ ᠪᠠᠭᠤᠵᠤ ᠦᠭᠴᠦ | ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠡᠨᠡ ᠬᠠᠨ ᠲᠡᠭᠷᠢ ᠶᠢᠨ ᠷᠢᠳᠢᠳᠦ ᠠᠶᠠᠯᠭᠤᠨ ᠢ ᠳᠡᠯᠡᠬᠡᠢ ᠶᠢᠨ ᠰᠤᠨᠤᠷ ᠲᠤ ᠬᠦᠷᠭᠡᠭᠰᠡᠨ | ᠭᠠᠪᠢᠶᠠᠲᠠᠨ ᠪᠤᠯ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠠᠪᠠᠭ᠋ᠠᠨᠠᠷ ᠬᠤᠰᠢᠭᠤᠨ ︵ᠤᠳᠤ ᠶᠢᠨ ᠰᠢᠯᠢᠩᠬᠤᠲᠠ︶ ᠤ | ᠯᠾᠠᠵᠠᠪ ᠶᠤᠮ᠃ ᠲᠡᠷᠡ ᠤᠷᠲᠤ ᠶᠢᠨ ᠳᠠᠭᠤᠤ ᠪᠠᠷ ᠢᠶᠠᠨ ᠲᠡᠮᠴᠦᠭᠳᠦᠩᠷᠦᠪ ᠸᠠᠩ ᠠᠴᠠ ︽ᠲᠡᠷᠢᠭᠦᠨ ᠨᠤᠶᠠᠨ ᠤ | ᠳᠠᠭᠤᠴᠢᠨ︾ ᠴᠤᠯᠠ ᠬᠦᠷᠲᠡᠵᠦ᠂ ᠲᠦᠷᠦ ᠤᠯᠤᠰ ᠢᠶᠠᠷ ᠢᠶᠠᠨ ᠠᠯᠲᠠᠨ ᠮᠧᠲᠠᠯ ᠢᠶᠠᠷ ᠱᠠᠩᠨᠠᠭᠤᠯᠤᠨ᠂ ᠠᠷᠠᠳ | ᠲᠦᠮᠡᠨ ᠢᠶᠠᠷ ᠢᠶᠠᠨ ᠳᠠᠷᠬᠠᠨ ᠳᠠᠭᠤᠴᠢᠨ ᠭᠡᠵᠦ ᠨᠡᠷᠡᠯᠡᠭᠦᠯᠦᠨ᠂ ᠠᠷᠠᠳ ᠤᠨ ᠵᠠᠰᠠᠭ ᠠᠴᠠ ︽ᠠᠯᠲᠠᠨ ᠲᠡᠮᠡᠭᠡ︾ ︵ | ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠠᠮᠤᠭ ᠤᠨ ᠦᠨᠳᠦᠷ ᠱᠠᠩᠨᠠᠯ︶ ᠱᠠᠩ ᠬᠦᠷᠲᠡᠵᠡᠢ᠃ ᠡᠶᠢᠨᠬᠦ ᠡᠶᠢᠮᠦ | ᠰᠠᠶᠢᠬᠠᠨ ᠤᠷᠲᠤ ᠶᠢᠨ ᠳᠠᠭᠤᠤ ᠶᠢᠨ ᠦᠪ ᠤᠯᠠᠮᠵᠢᠯᠠᠯ ᠤᠳᠤᠮ ᠰᠤᠳᠤᠷ ᠲᠠᠢ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠨᠢ | ᠤᠷᠲᠤ ᠶᠢᠨ ᠳᠠᠭᠤᠤ ᠪᠠᠨ ᠬᠠᠮᠠᠭᠠᠯᠠᠵᠤ ᠬᠦᠭᠵᠢᠭᠦᠯᠬᠦ ᠠᠵᠢᠯ ᠢ ᠮᠠᠰᠢ ᠭᠦᠢᠴᠡᠳ ᠬᠢᠵᠦ ᠵᠡᠭᠦᠨ ᠦᠵᠦᠮᠦᠴᠢᠨ | ᠬᠤᠰᠢᠭᠤ ᠵᠡᠷᠭᠡ ᠨᠢ 2500 ᠬᠦᠮᠦᠨ ᠤ ᠨᠠᠶᠢᠷᠠᠯ ᠲᠠᠢ ᠤᠷᠲᠤ ᠶᠢᠨ ᠳᠠᠭᠤᠤ ᠶᠢ ᠳᠠᠭᠤᠯᠠᠭᠠᠳ ᠤᠷᠲᠤ ᠶᠢᠨ | ᠳᠠᠭᠤᠤ ᠶᠢᠨ ᠢᠷᠠᠭᠤ ᠡᠭᠡᠰᠢᠭ ᠢ ᠳᠡᠯᠡᠬᠡᠢ ᠶᠢᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠲᠤ ᠪᠦᠪᠡᠶᠢᠯᠡᠨ ᠤᠯᠤᠰ ᠢᠶᠠᠷ | ᠵᠦᠪᠰᠢᠶᠡᠷᠡᠭᠦᠯᠦᠭᠰᠡᠨ ︽ᠤᠷᠲᠤ ᠶᠢᠨ ᠳᠠᠭᠤᠤ ᠶᠢᠨ ᠠᠯᠲᠠᠨ ᠦᠯᠦᠭᠡᠢ︾ ᠪᠤᠯᠤᠭᠰᠠᠨ ᠪᠢᠯᠡ︕ | | ᠰᠢᠯᠢ ᠶᠢᠨ ᠭᠤᠤᠯ ᠪᠤᠯ ᠦᠢ ᠲᠦᠮᠡᠨ ᠡᠷᠳᠡᠮᠲᠡᠨ ᠴᠢᠳᠠᠪᠤᠷᠢᠲᠠᠨ ᠢ ᠪᠤᠶᠢᠵᠢᠭᠤᠯᠤᠭᠰᠠᠨ ᠰᠢᠳᠢᠲᠦ ᠨᠤᠲᠤᠭ | ᠶᠤᠮ᠃ ᠶᠡᠭᠡ ᠭᠦᠦᠰᠢ᠂ ᠨᠡᠷᠡᠲᠦ ᠤᠷᠴᠢᠭᠤᠯᠤᠭᠴᠢ᠂ ᠠᠯᠳᠠᠷᠲᠤ ᠰᠢᠯᠦᠭᠴᠢᠨ᠂ ᠴᠢᠭᠡᠴᠢ ᠵᠠᠩᠵᠤᠨ᠂ ᠠᠮᠠᠨ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠁ ᠴᠤᠯᠭᠤᠷᠠᠨ ᠭᠠᠷᠴᠤ ᠤᠯᠤᠰ ᠭᠡᠷ ᠲᠡᠭᠡᠨ ᠬᠦᠴᠦᠨ ᠢᠶᠠᠨ ᠡᠷᠭᠦᠵᠦ ᠨᠤᠲᠤᠭ | ᠤᠰᠤᠨ ᠤ ᠪᠠᠨ ᠠᠯᠳᠠᠷ ᠢ ᠡᠷᠭᠦᠵᠦ ᠶᠠᠪᠤᠭᠰᠠᠨ ᠪᠢᠯᠡ᠃ ᠠᠯᠳᠠᠷᠲᠤ ᠲᠤᠭᠠᠨ ᠤ ᠤᠬᠠᠭᠠᠨᠲᠠᠨ᠂ ᠤᠳᠤᠨ ᠤᠷᠤᠨᠴᠢ᠂ | ᠭᠠᠵᠠᠷ ᠵᠦᠢ ᠶᠢᠨ ᠬᠡᠮᠵᠢᠨ ᠵᠢᠷᠤᠭᠯᠠᠭᠴᠢ ᠮᠢᠩᠭᠠᠲᠤ ᠪᠤᠯ 1692 ᠤᠨ ᠳᠤ ᠤᠳᠤ ᠶᠢᠨ ᠰᠢᠯᠢ ᠶᠢᠨ ᠭᠤᠤᠯ | ᠠᠶᠢᠮᠠᠭ ᠤᠨ ᠰᠢᠯᠤᠭᠤᠨ ᠴᠠᠭᠠᠨ ᠬᠤᠰᠢᠭᠤᠨ ᠳᠤ ᠲᠦᠷᠦᠭᠰᠡᠨ ᠬᠦᠮᠦᠨ ᠶᠤᠮ᠃ ᠲᠡᠷᠡ ᠪᠤᠯ ᠳᠠᠯᠠᠨ ᠭᠤᠷᠪᠠᠲᠠᠢ | ᠨᠠᠰᠤᠨ ᠨᠦᠭᠴᠢᠲᠡᠯᠡ ᠪᠠᠨ ᠮᠠᠨ ᠤ ᠤᠯᠤᠰ ᠤᠨ ᠤᠳᠤᠨ ᠤᠷᠤᠨ ᠪᠠ ᠲᠤᠭᠠᠨ ᠤ ᠤᠬᠠᠭᠠᠨ᠂ ᠭᠠᠵᠠᠷ ᠵᠦᠢ ᠶᠢᠨ | ᠰᠤᠳᠤᠯᠤᠯ ᠳᠤ ᠠᠯᠢᠪᠠ ᠪᠠᠨ ᠡᠷᠭᠦᠭᠰᠡᠨ ᠭᠠᠪᠢᠶᠠᠲᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠲᠠᠨ ᠪᠢᠯᠡ᠃ ᠲᠡᠭᠦᠨ ᠤ 1744 ᠤᠨ ᠳᠤ | ᠲᠡᠮᠳᠡᠭᠯᠡᠭᠰᠡᠨ ᠤᠳᠤᠨ ᠤᠷᠤᠨ ᠤ ᠬᠦᠰᠦᠨᠦᠭᠲᠦ ᠳᠤᠨᠢ 3000 ᠠᠰᠢᠲᠠ ᠶᠢᠨ ᠤᠳᠤᠨ ᠠᠴᠠ ᠢᠯᠡᠭᠦᠦ 33 | ᠤᠳᠤ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠢᠯᠡ᠃ ᠡᠨᠡ ᠨᠢ ᠮᠦᠨᠴᠦ ᠬᠠᠨ ᠲᠡᠭᠷᠢ ᠶᠢᠨ ᠶᠡᠭᠡ ᠴᠡᠭᠡᠯ ᠳᠤ ᠮᠢᠩᠭᠠᠲᠤ ᠭᠡᠰᠡᠨ ᠮᠤᠩᠭᠤᠯ | ᠨᠡᠷᠡ ᠲᠠᠢ ᠤᠳᠤ ᠪᠠᠶᠢᠳᠠᠭ ᠤᠨ ᠤᠴᠢᠷ ᠪᠤᠶᠤ᠃ ︽ᠪᠠᠷᠠᠭᠤᠨᠰᠢ ᠵᠤᠷᠴᠢᠭᠰᠠᠨ ᠦᠯᠢᠭᠡᠷ︾ ᠢ ᠤᠷᠴᠢᠭᠤᠯᠤᠭᠰᠠᠨ | ᠯᠤᠪᠰᠠᠩᠴᠦ᠋ᠯᠳᠦᠮ᠂ ᠠᠩᠭ᠍ᠯᠢ ᠶᠢᠨ ᠡᠵᠡᠷᠬᠡᠭ ᠳᠦᠷᠢᠮᠡᠬᠡᠶᠢᠯᠡᠯ ᠢ ᠡᠰᠡᠷᠭᠦᠴᠡᠨ ᠤᠯᠤᠰ ᠢᠶᠠᠨ ᠬᠠᠮᠠᠭᠠᠯᠠᠭᠰᠠᠨ | ᠭᠠᠪᠢᠶᠠᠲᠤ ᠵᠠᠩᠵᠤᠨ ᠢᠦᠢ ᠴᠢᠶᠠᠨ ᠨᠠᠷ ᠪᠤᠯ ᠪᠦᠷ ᠤᠤᠯ ᠤᠨ ᠴᠠᠬᠠᠷ ᠤᠨ ᠬᠤᠰᠢᠭᠤᠳ ᠤᠨ ᠬᠦᠮᠦᠨ ᠪᠢᠯᠡ᠃ | ᠲᠡᠳᠡᠨᠡᠷ ᠤᠨ ᠦᠯᠡᠳᠡᠭᠡᠭᠰᠡᠨ ᠡᠷᠳᠡᠮ ᠨᠤᠮ ᠤᠨ ᠱᠦᠯᠲᠦ ᠪᠦᠲᠦᠭᠡᠯ ᠤᠳ ᠨᠢ ᠤᠳᠤ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ | ᠤᠶᠤᠨ ᠢ ᠤᠮᠳᠠᠯᠠᠨ ᠪᠠᠶᠢᠨᠠ᠃ | ︽ᠲᠡᠭᠡᠭᠡ ᠬᠢᠪᠡᠯ ᠬᠤᠩᠭᠢᠶᠠ ᠨᠢ ᠨᠢᠭᠡ | ᠳᠡᠪᠰᠢᠭᠦᠯᠵᠦ ᠪᠠᠷᠢᠪᠠᠯ ᠬᠦᠮᠦᠷᠭᠡ ᠨᠢ ᠨᠢᠭᠡ | ᠳᠠᠷᠤᠭᠠᠳ ᠠᠪᠤᠪᠠᠯ ᠲᠠᠰᠢᠶᠠ ᠨᠢ ᠨᠢᠭᠡ | ᠲᠠᠬᠢᠮ ᠳᠤᠨᠢ ᠰᠠᠭᠤᠪᠠᠯ ᠬᠦᠰᠢᠭᠡ ᠨᠢ ᠨᠢᠭᠡ | ᠡᠷᠭᠦᠭᠡᠳ ᠭᠠᠷᠭᠠᠪᠠᠯ ᠡᠪᠦᠳᠦᠭᠯᠡᠨᠡ | ᠦᠰᠦᠭᠡᠢ ᠲᠠᠲᠠᠪᠠᠯ ᠵᠦᠷᠢᠭᠦᠯᠡᠨᠡ | ᠰᠤᠭᠤᠨ ᠳᠤᠨᠢ ᠤᠷᠤᠪᠠᠯ ᠳᠠᠷᠤᠭᠳᠠᠨᠠ | ᠰᠤᠯᠠᠬᠠᠨ ᠵᠤᠭᠰᠤᠪᠠᠯ ᠮᠤᠰᠬᠢᠭᠳᠠᠨᠠ︾ ᠭᠡᠵᠦ ᠮᠤᠩᠭᠤᠯ ᠪᠦᠬᠡ ᠶᠢᠨ ᠤᠷᠠ ᠮᠡᠷᠭᠡᠵᠢᠯ᠂ ᠬᠢᠳᠡᠯ ᠬᠠᠶᠠᠴᠠ | ᠂ ᠶᠤᠰᠤ ᠳᠦᠷᠢᠮ᠂ ᠢᠳᠡ ᠬᠦᠴᠦᠨ᠂ ᠡᠶᠡ ᠨᠠᠶᠢᠷ ᠢ ᠪᠦᠬᠦᠨ ᠢ ᠪᠠᠭᠲᠠᠭᠠᠨ ᠰᠢᠯᠦᠭᠯᠡᠭᠰᠡᠨ ᠨᠢᠭᠡᠨ ︽ᠪᠦᠬᠡ ᠶᠢᠨ | ᠬᠤᠯᠪᠤᠭᠠ︾ ᠭᠡᠰᠡᠨ ᠭᠠᠶᠢᠬᠠᠮᠰᠢᠭᠲᠤ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠳᠠᠭ᠃ ᠲᠡᠭᠷᠢ ᠭᠠᠵᠠᠷ ᠤᠨ ᠳᠤᠮᠳᠠ ᠪᠤᠰᠤᠭᠠ | ᠪᠠᠷᠢᠯᠳᠤᠳᠠᠭ ᠮᠤᠩᠭᠤᠯ ᠪᠦᠬᠡ ᠲᠠᠢ ᠪᠠᠨ ᠠᠳᠠᠯᠢ ᠲᠦᠭ ᠲᠦᠮᠡᠨ ᠤ ᠴᠡᠭᠡᠵᠢᠯᠡᠬᠦᠢ ᠳᠤ ᠪᠤᠰᠤᠭᠠ ᠦᠯᠡᠳᠡᠭᠰᠡᠨ ᠡᠨᠡ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠵᠤᠬᠢᠶᠠᠭᠴᠢ ᠪᠤᠯ ᠤᠳᠤ ᠶᠢᠨ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠦᠵᠦᠮᠦᠴᠢᠨ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠡᠷᠢᠶᠡᠨ ᠭᠤᠪᠢ ᠰᠤᠮᠤ ᠪᠠᠷ ᠨᠤᠲᠤᠭᠲᠠᠢ ᠨᠡᠷᠡᠲᠦ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠭᠠᠮᠠᠯᠠ ᠪᠢᠯᠡ︕ ᠲᠡᠷᠡ | ᠮᠠᠨᠢ ᠮᠠᠨ ᠠᠴᠠ ᠰᠠᠯᠤᠭᠠᠳ ᠤᠨ ᠤᠳᠠᠭᠰᠠᠨ ᠴᠦ ᠲᠡᠭᠦᠨ ᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠨᠢ ᠲᠡᠭᠷᠢ ᠶᠢᠨ ᠴᠡᠴᠡᠭ | ᠸᠠᠩᠰᠠᠮᠪᠠᠷᠠᠤ ᠰᠢᠭ᠋ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠲᠠᠯᠠ ᠳᠠᠭᠠᠨ ᠳᠡᠯᠭᠡᠷᠡᠭᠰᠡᠭᠡᠷ ᠪᠠᠶᠢᠨᠠ᠃ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠴᠢᠨ | ᠦᠶᠡ ᠶᠢᠨ ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠠᠭᠤᠷᠢᠯᠠᠭᠴᠢ ᠨᠠ᠊᠂ ᠰᠠᠶᠢᠨᠴᠤᠭᠲᠤ ᠴᠦ ᠰᠢᠯᠢ ᠶᠢᠨ ᠭᠤᠤᠯ | ᠠᠶᠢᠮᠠᠭ ᠤᠨ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠬᠦᠮᠦᠨ ᠭᠡᠰᠡᠨ ᠢ ᠮᠡᠳᠡᠯᠲᠡᠢ ᠳ᠋ᠠ︕ | | ᠰᠢᠯᠢ ᠶᠢᠨ ᠭᠤᠤᠯ᠂ ᠰᠢᠯᠢ ᠶᠢᠨ ᠭᠤᠤᠯ | ᠠᠯᠳᠠᠷᠲᠤ ᠮᠢᠩᠭᠠᠲᠤ ᠶᠢᠨ ᠠᠯᠲᠠᠨ ᠦᠯᠦᠭᠡᠢ ᠰᠢᠯᠢ ᠶᠢᠨ ᠭᠤᠤᠯ | ᠠᠪᠤᠷᠭᠤ ᠳᠦᠭᠦᠷᠡᠩᠵᠠᠨᠠ ᠶᠢᠨ ᠪᠦᠬᠡ ᠶᠢᠨ ᠮᠠᠨᠴᠤᠢ ᠰᠢᠯᠢ ᠶᠢᠨ ᠭᠤᠤᠯ | ᠠᠷᠪᠠᠨ ᠵᠢᠷᠭᠤᠭᠠᠲᠤ ᠴᠦᠢᠵᠠᠮᠰᠤ ᠶᠢᠨ ᠠᠯᠳᠠᠷ ᠳᠤᠮᠤᠭ ᠲᠠᠢ ᠰᠢᠯᠢ ᠶᠢᠨ ᠭᠤᠤᠯ | ᠠᠭᠤᠤ ᠰᠤᠶᠤᠯ ᠤᠨ ᠪᠠᠶᠠᠨ ᠰᠠᠩ ᠵᠢᠷᠭᠠᠯᠠᠩᠲᠤ ᠲᠠᠯᠠ ᠨᠤᠲᠤᠭ ᠰᠢᠯᠢ ᠶᠢᠨ ᠭᠤᠤᠯ | ᠤᠷᠲᠤ ᠶᠢᠨ ᠳᠠᠭᠤᠤ ᠶᠢᠨ ᠤᠶᠠᠩᠭᠠᠨ ᠡᠭᠡᠰᠢᠭ ᠲᠠᠢ ᠰᠢᠯᠢ ᠶᠢᠨ ᠭᠤᠤᠯ | ᠤᠷᠠᠨ ᠪᠠᠷᠢᠯᠳᠤᠭᠠᠨᠲᠤ ᠠᠪᠤᠷᠭᠤ ᠶᠢᠨ ᠨᠤᠲᠤᠭ ᠰᠢᠯᠢ ᠶᠢᠨ ᠭᠤᠤᠯ | ᠡᠵᠡᠨ ᠴᠢᠩᠭᠢᠰ ᠤᠨ ᠳᠦᠷᠢ ᠪᠠᠷ ᠠᠮᠢᠯᠠᠭᠰᠠᠨ ᠪᠤᠭᠳᠠ ᠠᠭᠤᠯᠠ ᠲᠠᠢ ᠰᠢᠯᠢ ᠶᠢᠨ ᠭᠤᠤᠯ | ᠡᠷᠡᠯᠬᠡᠭ ᠪᠡᠯᠭᠦᠳᠡᠢ ᠶᠢᠨ ᠪᠦᠬᠡ ᠪᠠᠷ ᠪᠠᠬᠢᠯᠡᠭᠰᠡᠨ ᠪᠠᠲᠤ ᠰᠠᠬᠢᠭᠤᠯ ᠲᠠᠢ ᠰᠢᠯᠢ ᠶᠢᠨ ᠭᠤᠤᠯ᠃ | |