| ᠲᠦᠩᠯᠢᠶᠤᠤ ᠬᠤᠲᠠ᠂ ᠤᠤᠯ ᠤᠨ ᠵᠢᠷᠢᠮ ᠠᠶᠢᠮᠠᠭ᠃ ᠬᠤᠷᠴᠢᠨ᠂ ᠵᠠᠯᠠᠶᠢᠳ᠂ ᠳᠦᠷᠪᠡᠳ᠂ ᠭᠤᠷᠯᠤᠰ | ᠵᠡᠷᠭᠡ ᠳᠦᠷᠪᠡᠨ ᠠᠶᠢᠮᠠᠭ ᠤᠨ ᠠᠷᠪᠠᠨ ᠬᠤᠰᠢᠭᠤ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ︵ | ᠲᠦᠰᠢᠶᠡᠲᠦ ᠬᠤᠰᠢᠭᠤ︶ ᠵᠢᠷᠢᠮ ᠠᠭᠤᠯᠠᠨ ᠳᠤ ᠴᠢᠭᠤᠯᠭᠠᠨ ᠪᠤᠯᠳᠠᠭ ᠠᠴᠠ ᠵᠢᠷᠢᠮ ᠭᠡᠵᠦ ᠨᠡᠷᠡᠯᠡᠪᠡ᠃ ᠪᠠᠰᠠ ︽ | ᠪᠠᠭᠠᠷᠢᠨ ᠲᠠᠷᠢᠶᠠ︾ ᠴᠦ ᠭᠡᠳᠡᠭ᠃ ᠬᠤᠵᠢᠮ ᠨᠢ ᠬᠤ᠋ ᠱᠠᠨ ᠠᠴᠠ ᠵᠧᠩ ᠵᠢᠶᠠ ᠲᠦᠨ ᠬᠦᠷᠲᠡᠯᠡ ᠲᠡᠮᠦᠷ ᠵᠠᠮ | ᠳᠡᠪᠢᠰᠦᠭᠰᠡᠨ ᠠᠴᠠ ᠲᠤᠰ ᠭᠠᠵᠠᠷ ᠨᠢ ᠯᠢᠶᠤᠤᠳᠦ᠋ᠩ ᠤᠷᠤᠨ ᠳᠤ ᠨᠡᠪᠲᠡᠷᠡᠬᠦ ᠴᠢᠬᠤᠯᠠ ᠦᠷᠲᠡᠭᠡ ᠪᠤᠯᠤᠭᠰᠠᠨ ᠢᠶᠠᠷ | ︽ᠲᠦᠩᠯᠢᠶᠤᠤ︾ ︵ᠬᠢᠲᠠᠳ︶ ᠭᠡᠬᠦ ᠨᠡᠷᠡ ᠲᠠᠢ ᠪᠤᠯᠪᠠ︕ ᠪᠦᠬᠦ ᠬᠤᠲᠠ ᠨᠢ ᠬᠤᠷᠴᠢᠨ ᠲᠤᠭᠤᠷᠢᠭ᠂ | ᠬᠤᠤᠯᠢᠩᠭᠤᠤᠯ ᠬᠤᠲᠠ᠂ ᠺᠠᠶᠢᠯᠤ ᠰᠢᠶᠠᠨ᠂ ᠨᠠᠢᠮᠠᠨ ᠬᠤᠰᠢᠭᠤ᠂ ᠬᠦᠷᠢᠶᠡ ᠬᠤᠰᠢᠭᠤ᠂ ᠵᠠᠷᠤᠳ ᠬᠤᠰᠢᠭᠤ᠂ | ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤ᠂ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠲᠤ ᠬᠤᠰᠢᠭᠤ ᠵᠡᠷᠭᠡ 1 | ᠲᠤᠭᠤᠷᠢᠭ᠂ 1 ᠬᠤᠲᠠ᠂ 1 ᠰᠢᠶᠠᠨ᠂ 5 ᠬᠤᠰᠢᠭᠤ ᠶᠢ ᠪᠠᠭᠲᠠᠭᠠᠵᠤ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 6 ᠲᠦᠮᠡ ᠰᠢᠬᠠᠮ | ᠺᠦᠸᠠᠳ᠋ ᠺᠢᠯᠦᠮᠧᠲᠷ ᠪᠠᠶᠢᠵᠤ᠂ ᠶᠡᠷᠦᠩᠬᠡᠢ ᠬᠦᠮᠦᠨ ᠠᠮᠠ ᠨᠢ 310 ᠭᠠᠷᠤᠢ ᠲᠦᠮᠡ ᠪᠠᠶᠢᠳᠠᠭ᠃ ᠲᠦᠩᠯᠢᠶᠤᠤ | ᠬᠤᠲᠠ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠬᠠᠮᠤᠭ ᠤᠨ ᠤᠯᠠᠨ ᠪᠠᠶᠢᠳᠠᠭ ᠭᠠᠵᠠᠷ ᠤᠷᠤᠨ ᠶᠤᠮ᠃ ᠮᠤᠩᠭᠤᠯ ᠬᠦᠮᠦᠨ | 150 ᠲᠦᠮᠡ ᠪᠠᠶᠢᠵᠤ᠂ ᠪᠦᠬᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠦᠮᠦᠨ ᠠᠮᠠ ᠶᠢᠨ ᠳᠦᠷᠪᠡᠨ ᠤ ᠨᠢᠭᠡ ᠶᠢ ᠡᠵᠡᠯᠡᠳᠡᠭ ᠪᠢᠯᠡ | ᠃ | | ᠬᠤᠷᠴᠢᠨ ᠪᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠡᠭᠦᠦ ᠬᠠᠪᠤᠲᠤ ᠬᠠᠰᠠᠷ ᠤᠨ ᠦᠮᠴᠢᠯᠡᠵᠦ ᠬᠤᠪᠢᠳᠠᠭᠰᠠᠨ ᠭᠠᠵᠠᠷ | ᠨᠤᠲᠤᠭ ᠪᠤᠯᠬᠤ ᠶᠤᠮ᠃ ᠡᠨᠡ ᠲᠤᠬᠠᠢ ︽ᠰᠢᠷᠠ ᠲᠤᠭᠤᠵᠢ︾ ᠳᠤ ᠪᠦᠷᠢᠨ ᠲᠡᠮᠳᠡᠭᠯᠡᠯ ᠲᠠᠢ ᠪᠦᠭᠡᠳ ︽ᠪᠤᠭᠳᠠ | ᠪᠠᠭᠠᠲᠤᠷ ᠪᠡᠶᠡ ᠪᠠᠷ ᠳᠠᠶᠢᠯᠠᠭᠰᠠᠨ ᠲᠡᠮᠳᠡᠭᠯᠡᠯ︾ ᠳᠤ ︽ᠬᠤᠷᠴᠢᠨ ᠠᠶᠢᠮᠠᠭ ᠠᠨᠤ ᠪᠠᠶᠠᠰᠬᠤᠯᠠᠩ ᠬᠠᠳᠠ ᠳᠤ | ᠬᠠᠭᠠᠯᠭᠠ ᠶᠢᠨ ᠭᠠᠳᠠᠨᠠ ᠪᠤᠢ᠃ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠨᠠᠢᠮᠠᠨ ᠵᠠᠭᠤ ᠳᠠᠯᠠᠨ ᠭᠠᠵᠠᠷ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠪᠠᠨ | ᠬᠤᠶᠠᠷ ᠮᠢᠩᠭᠠ ᠪᠦᠭᠡᠳ ᠵᠠᠭᠤᠨ ᠭᠠᠵᠠᠷ ᠪᠤᠶᠤ᠃ ᠡᠮᠦᠨᠡ ᠬᠢᠵᠠᠭᠠᠷ ᠢᠨᠦ ᠮᠦᠭᠳᠡᠨ ᠤ ᠵᠠᠬᠠ ᠬᠡᠷᠡᠮ ᠳᠤᠷ ᠲᠤᠯᠵᠤ | ᠂ ᠬᠤᠶᠢᠲᠤ ᠬᠢᠵᠠᠭᠠᠷ ᠢᠨᠦ ᠰᠤᠯᠤᠨ ᠳᠤᠷ ᠬᠦᠷᠦᠮᠦᠢ᠃ ᠤᠭ ᠠᠨᠤ ᠶᠤᠸᠠᠨ ᠲᠠᠶᠢᠽᠤ ︵ᠴᠢᠩᠭᠢᠰ ᠬᠠᠭᠠᠨ︶ ᠶᠢᠨ | ᠳᠡᠭᠦᠦ ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠤᠶᠢᠴᠢ ᠪᠦᠯᠦᠭᠡ︾ ᠭᠡᠵᠡᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠬᠡᠳᠦᠨ ᠳᠡᠭᠦᠦ ᠨᠠᠷ ᠤᠨ | ᠲᠤᠲᠤᠷᠠ ᠬᠠᠰᠠᠷ ᠪᠤᠯ ᠡᠷᠡ ᠴᠢᠳᠠᠯ᠂ ᠡᠷᠡᠯᠬᠡᠭ ᠵᠤᠷᠢᠭ ᠲᠠᠢ ᠪᠦᠭᠡᠳ ᠭᠠᠪᠢᠶᠠ ᠶᠡᠭᠡ ᠲᠠᠢ ᠬᠦᠮᠦᠨ ᠶᠤᠮ᠃ ᠡᠨᠡ | ᠲᠤᠬᠠᠢ ᠪᠢᠳᠡ ᠴᠢᠩᠭᠢᠰ ᠬᠠᠭᠠᠨ ᠤ ︽ᠪᠡᠯᠭᠦᠳᠡᠢ ᠶᠢᠨ ᠪᠦᠬᠡ᠂ ᠬᠠᠰᠠᠷ ᠤᠨ ᠬᠠᠪᠤ ᠪᠠᠷ ᠳᠡᠯᠡᠬᠡᠢ ᠶᠢ ᠡᠵᠡᠯᠡᠪᠡᠢ︾ | ᠭᠡᠵᠦ ᠬᠡᠯᠡᠭᠰᠡᠨ ᠦᠭᠡ ᠪᠠ ᠦᠭᠡᠯᠦᠨ ᠡᠬᠡ ᠶᠢᠨ | ︽ᠬᠠᠰᠠᠷ ᠬᠠᠪᠤ ᠬᠦᠴᠦᠲᠡᠢ | ᠬᠠᠳᠬᠤᠯᠳᠤᠨ ᠵᠠᠶᠢᠯᠠᠭᠰᠠᠳ ᠢ | ᠬᠠᠷᠪᠤᠬᠤ ᠰᠤᠮᠤ ᠶᠢᠨ ᠬᠦᠴᠦ ᠪᠠᠷ | ᠬᠠᠮᠤᠵᠤ ᠠᠪᠴᠢᠷᠠᠳᠠᠭ ᠪᠢᠯᠡ︕ | ᠤᠭᠰᠢᠵᠤ ᠲᠤᠲᠠᠭᠠᠭᠰᠠᠳ ᠢ | ᠤᠨᠤᠬᠤ ᠰᠤᠮᠤ ᠶᠢᠨ ᠬᠦᠴᠦ ᠪᠠᠷ | ᠤᠷᠤᠭᠤᠯᠤᠨ ᠠᠪᠴᠢᠷᠠᠳᠠᠭ ᠪᠢᠯᠡ︕︾ ᠭᠡᠵᠦ ᠮᠠᠭᠲᠠᠭᠰᠠᠨ ᠠᠴᠠ ᠮᠡᠳᠡᠵᠦ ᠪᠤᠯᠤᠨᠠ᠃ ᠡᠶᠢᠨᠬᠦ | ᠬᠤᠷᠴᠢᠨ ᠨᠤᠲᠤᠭ ᠠᠴᠠ ᠬᠤᠪᠢᠳᠠᠵᠤ ᠦᠮᠴᠢᠯᠡᠭᠰᠡᠨ ᠡᠵᠡᠨ ᠢᠶᠠᠨ ᠰᠢᠭ ᠪᠠᠭᠠᠲᠤᠷ ᠬᠦᠴᠦᠲᠡᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ | ᠤᠳᠤ ᠪᠤᠯᠲᠠᠯᠠ ᠤᠳᠤᠨ ᠠᠴᠠ ᠤᠯᠠᠨ ᠭᠠᠷᠴᠤ ᠪᠢᠯᠡ᠃ | | ︽ᠤᠳᠬᠠ ᠰᠤᠶᠤᠯ ᠠᠨᠤ ᠤᠭᠰᠠᠭᠠ ᠶᠠᠰᠤᠲᠠᠨ ᠤ ᠮᠠᠨᠳᠤᠵᠤ ᠪᠠᠭᠤᠷᠠᠬᠤ ᠳᠤᠷ ᠬᠤᠯᠪᠤᠭᠳᠠᠯ ᠲᠠᠢ | ᠤᠴᠢᠷ︾ ᠢ ᠡᠷᠲᠡᠨ ᠲᠠᠨᠢᠨ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠤᠨ ᠪᠢᠴᠢᠭ ᠵᠢᠭᠠᠨ ︽ᠵᠡᠭᠦᠨ ᠮᠤᠩᠭᠤᠯ ᠤᠨ ᠪᠢᠴᠢᠭ ᠤᠨ | ᠬᠤᠷᠢᠶᠠ︾ ᠶᠢ ᠪᠠᠶᠢᠭᠤᠯᠵᠤ᠂ ᠪᠠᠷ ᠬᠡᠪᠯᠡᠯ ᠢᠶᠠᠷ ᠮᠤᠩᠭᠤᠯ ᠰᠤᠷᠬᠤ ᠪᠢᠴᠢᠭ ᠨᠠᠶᠢᠷᠠᠭᠤᠯᠤᠨ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ | ᠮᠤᠩᠭᠤᠯ ᠰᠤᠶᠤᠯ ᠤᠨ ᠵᠢᠳᠬᠦᠯᠲᠡᠨ ᠤ ᠨᠢᠭᠡ ᠪᠤᠯᠬᠤ ᠬᠡᠰᠢᠩᠭᠡ ᠪᠤᠯ ᠤᠤᠯ ᠤᠨ ᠵᠢᠷᠢᠮ ᠤᠨ ᠴᠢᠭᠤᠯᠭᠠᠨ ᠤ ᠬᠦᠮᠦᠨ | ᠶᠤᠮ᠃ ᠲᠡᠭᠦᠨ ᠤ ᠦᠢᠯᠡ ᠪᠠᠨ ᠦᠵᠡᠨ ᠬᠤᠷᠴᠢᠨ ᠨᠤᠲᠤᠭ ᠲᠤ ᠲᠠᠷᠢᠭᠰᠠᠨ ᠰᠤᠶᠤᠯ ᠤᠨ ᠦᠷᠡ ᠤᠳᠤ ᠪᠤᠮᠠᠨ | ᠴᠡᠴᠡᠭ ᠪᠤᠯᠤᠨ ᠳᠡᠯᠡᠬᠡᠢ ᠶᠢᠨ ᠡᠯᠡ ᠭᠠᠵᠠᠷ ᠳᠡᠯᠭᠡᠷᠡᠵᠦ ᠪᠤᠢ᠃ ᠮᠠᠨ ᠤ ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠴᠢᠨ ᠦᠶᠡ ᠶᠢᠨ | ᠮᠤᠩᠭᠤᠯ ᠵᠤᠬᠢᠶᠠᠯ ᠤᠨ ᠲᠡᠦᠬᠡᠨ ᠳᠠᠬᠢ ᠠᠩᠬᠠᠳᠠᠭᠴᠢ ᠲᠤᠭᠤᠵᠢ ︽ᠭᠠᠰᠢᠭᠤᠨ ᠤ ᠲᠤᠲᠤᠷᠠᠬᠢ ᠳᠡᠯᠴᠢᠯᠡᠭᠴᠢ ᠭᠡᠮᠡᠬᠦ | ᠦᠯᠢᠭᠡᠷ︾ ᠤᠨ ᠵᠤᠬᠢᠶᠠᠭᠴᠢ ᠷᠢᠨᠴᠢᠨᠬᠤᠷᠯᠤ ᠪᠤᠯ ᠵᠢᠷᠢᠮ ᠠᠶᠢᠮᠠᠭ ᠤᠨ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠬᠠᠷᠠᠭᠤᠤ ᠶᠢᠨ | ᠰᠢᠪᠡᠭᠡ ᠠᠶᠢᠯ ᠤᠨ ᠬᠦᠮᠦᠨ ᠶᠤᠮ᠃ ᠲᠡᠷᠡ ᠡᠨᠡ ᠲᠤᠭᠤᠵᠢ ᠪᠠᠨ 1940 ᠤᠨ ᠳᠤ ︽ᠤᠯᠠᠭᠠᠨ ᠪᠠᠷᠰ︾ | ᠰᠡᠳᠬᠦᠯ ᠳᠤ ᠦᠷᠭᠦᠯᠵᠢᠯᠡᠨ ᠨᠡᠶᠢᠲᠡᠯᠡᠭᠦᠯᠦᠭᠰᠡᠨ ᠶᠤᠮ᠃ ᠪᠡᠭᠡᠵᠢᠩ ᠳᠤ ︽ᠮᠤᠩᠭᠤᠯ ᠤᠳᠬᠠ ᠶᠢᠨ ᠰᠤᠷᠭᠠᠯ ᠤᠨ | ᠬᠤᠷᠠᠯ︾ ᠢ ᠪᠠᠶᠢᠭᠤᠯᠵᠤ᠂ ︽ᠤᠯᠠᠭᠠᠨ ᠪᠠᠷᠰ︾ ᠰᠡᠳᠬᠦᠯ ᠢ ᠡᠷᠬᠢᠯᠡᠨ ᠬᠡᠪᠯᠡᠭᠦᠯᠵᠦ ᠪᠠᠶᠢᠭᠰᠠᠨ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠤᠷᠴᠢᠨ ᠦᠶᠡ ᠶᠢᠨ ᠠᠯᠳᠠᠷᠲᠤ ᠰᠡᠳᠬᠦᠯᠴᠢ᠂ ᠨᠠᠶᠢᠷᠠᠭᠤᠯᠤᠭᠴᠢ᠂ ᠬᠡᠪᠯᠡᠭᠴᠢ᠂ ᠰᠤᠷᠭᠠᠨ | ᠬᠦᠮᠦᠵᠢᠯᠲᠡᠨ ᠪᠦᠬᠡᠬᠡᠰᠢᠭ ᠪᠤᠯ ᠵᠢᠷᠢᠮ ᠠᠶᠢᠮᠠᠭ ᠤᠨ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠪᠠᠬᠢ ᠤᠰᠤ ᠠᠶᠢᠯ ᠤᠨ ᠬᠦᠮᠦᠨ ᠶᠤᠮ᠃ | ᠰᠤᠷᠭᠠᠨ ᠬᠦᠮᠦᠵᠢᠯ ᠪᠤᠯ ᠳᠠᠷᠤᠮᠠᠯᠯᠠᠬᠤ ᠮᠠᠰᠢᠨ ᠪᠢᠰᠢ᠂ ᠡᠶᠢᠮᠦ ᠳᠡᠭᠡᠨ ᠪᠢᠳᠡ ᠵᠠᠭᠤᠨ ᠬᠡᠦᠬᠡᠳ ᠢ ᠨᠢᠭᠡ ᠬᠡᠦᠬᠡᠳ | ᠪᠤᠯᠭᠠᠨ ᠬᠦᠮᠦᠵᠢᠭᠦᠯᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠵᠠᠭᠤᠨ ᠬᠡᠦᠬᠡᠳ ᠢ ᠬᠤᠶᠠᠷ ᠵᠠᠭᠤᠨ ᠬᠡᠦᠬᠡᠳ ᠪᠤᠯᠭᠠᠨ | ᠬᠦᠮᠦᠵᠢᠭᠦᠯᠪᠡᠯ ᠵᠤᠬᠢᠨᠡ᠃ ᠡᠨᠡ ᠪᠤᠯ ᠰᠠᠶ᠋ᠢ ᠵᠢᠩᠬᠢᠨᠢ ᠰᠤᠷᠭᠠᠨ ᠬᠦᠮᠦᠵᠢᠯ ᠮᠦᠨ᠂ ᠡᠨᠡ ᠨᠢ ᠮᠦᠨᠴᠦ ᠦᠶᠡ | ᠦᠶᠡ ᠶᠢᠨ ᠬᠤᠷᠴᠢᠨᠴᠤᠳ ᠤᠨ ᠡᠷᠭᠦᠵᠦ ᠢᠷᠡᠭᠰᠡᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠤᠭ ᠪᠢᠯᠡ᠃ ᠡᠨᠡ ᠲᠤᠭ ᠢᠶᠠᠨ | ᠦᠨᠳᠦᠷ ᠠᠴᠠ ᠦᠨᠳᠦᠷ ᠡᠷᠭᠦᠨ ᠮᠠᠨᠳᠤᠭᠤᠯᠵᠤ ᠢᠷᠡᠭᠰᠡᠨ ᠤᠯᠠᠨ ᠭᠠᠪᠢᠶᠠᠲᠠᠨ ᠤ ᠨᠢᠭᠡ ᠨᠢ ᠪᠤᠯ ᠵᠢᠷᠢᠮ ᠤᠨ | ᠮᠤᠩᠭᠤᠯ ᠷᠠᠳᠢᠤ᠋ ᠮᠦᠨ᠃ ᠵᠢᠷᠢᠮ ᠤᠨ ᠮᠤᠩᠭᠤᠯ ᠷᠠᠳᠢᠤ᠋ ᠨᠡᠪᠲᠡᠷᠡᠭᠦᠯᠭᠡ 1959 ᠤᠨ ᠤ 1 ᠰᠠᠷᠠ ᠶᠢᠨ 1 ᠤ | ᠡᠳᠦᠷ ᠨᠡᠪᠲᠡᠷᠡᠭᠦᠯᠭᠡ ᠪᠠᠨ ᠡᠬᠢᠯᠡᠭᠦᠯᠵᠡᠢ᠃ | | ᠬᠤᠷᠴᠢᠨ ᠨᠤᠲᠤᠭ ᠪᠤᠯ ᠬᠤᠭᠤᠷ ᠤᠨ ᠦᠯᠢᠭᠡᠷ᠂ ᠬᠤᠯᠪᠤᠭᠠ᠂ ᠢᠷᠦᠭᠡᠯ ᠮᠠᠭᠲᠠᠭᠠᠯ᠂ ᠠᠨᠳᠠᠢ ᠪᠦᠵᠢᠭ᠂ | ᠬᠤᠷᠴᠢᠨ ᠦᠯᠢᠭᠡᠷᠲᠤ ᠠᠷᠠᠳ ᠤᠨ ᠳᠠᠭᠤᠤ᠂ ᠬᠤᠷᠴᠢᠨ ᠤᠷᠲᠤ ᠶᠢᠨ ᠳᠠᠭᠤᠤ᠂ ᠳᠠᠭᠠᠷᠢᠯᠴᠠᠭᠠ᠂ ᠤᠯᠠᠮᠵᠢᠯᠠᠯᠲᠤ | ᠳᠦᠷᠪᠡᠨ ᠤᠲᠠᠰᠤᠲᠤ ᠬᠤᠭᠤᠷ ᠪᠠ ᠴᠤᠭᠤᠷ᠂ ᠪᠦᠬᠡ ᠮᠦᠷᠭᠦᠯ ᠤᠨ ᠱᠠᠰᠢᠨ ᠤ ᠮᠡᠨᠳᠦᠯᠡᠭᠰᠡᠨ ᠲᠤᠷᠭᠠᠨ ᠬᠦᠷᠦᠰᠦ | ᠪᠦᠭᠡᠳ ᠦᠨᠳᠦᠰᠦᠲᠡᠨ ᠤ ᠪᠠᠭᠠᠲᠤᠷ ᠭᠠᠳᠠ ᠮᠡᠶᠢᠷᠡᠨ ᠤ ᠠᠯᠲᠠᠨ ᠦᠯᠦᠭᠡᠢ ᠶᠤᠮ᠃ ᠠᠨᠳᠠᠢ ᠪᠦᠵᠢᠭ ᠪᠤᠯ | ᠬᠠᠮᠤᠭ ᠤᠨ ᠡᠷᠲᠡᠨ ᠳᠡᠭᠡᠨ ᠡᠪᠡᠳᠴᠢᠨ ᠵᠠᠰᠠᠵᠤ ᠪᠡᠶᠡ ᠪᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠵᠤᠷᠢᠯᠭᠠ ᠠᠴᠠ ᠡᠭᠦᠰᠦᠭᠰᠡᠨ ᠶᠤᠮ᠃ | 1996 ᠤᠨ ᠳᠤ ︽ᠠᠨᠳᠠᠢ︾ ᠶᠢᠨ ᠡᠭᠦᠰᠦᠭᠰᠡᠨ ᠨᠤᠲᠤᠭ ᠬᠦᠷᠢᠶᠡ ᠬᠤᠰᠢᠭᠤ ᠶᠢ ᠤᠯᠤᠰ ᠤᠨ ᠰᠤᠶᠤᠯ ᠤᠨ | ᠶᠠᠮᠤᠨ ᠠᠴᠠ ︽ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠨᠳᠠᠢ ᠤᠷᠠᠯᠢᠭ ᠤᠨ ᠨᠤᠲᠤᠭ︾ ᠭᠡᠵᠦ ᠨᠡᠷᠡᠶᠢᠳᠦᠨ᠂ 2005 ᠤᠨ ᠳᠤ | ᠠᠨᠳᠠᠢ ᠪᠦᠵᠢᠭ ᠨᠢ ︽ᠤᠯᠤᠰ ᠤᠨ ᠳᠡᠰ ᠤᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ︾ | ᠲᠤ ᠵᠢᠭᠰᠠᠭᠠᠭᠳᠠᠵᠠᠢ᠃ ᠠᠯᠳᠠᠷᠲᠤ ᠬᠤᠭᠤᠷᠴᠢ ᠴᠤᠶᠢᠪᠠᠩ ︵1856 ᠤᠨ ᠳᠤ ᠵᠠᠷᠤᠳ ᠬᠤᠰᠢᠭᠤᠨ ᠤ | ᠳᠦᠷᠪᠡᠨ ᠨᠤᠲᠤᠭ ᠤᠨ ᠳᠠᠶᠢᠵᠢ ᠤᠯᠠᠭᠠᠨ ᠤ ᠭᠡᠷ ᠲᠤ ᠲᠦᠷᠦᠪᠡ︶᠂ ᠤᠷᠠᠨ ᠰᠠᠶᠢᠬᠠᠨᠴᠢ ᠫᠠᠵᠠᠢ ︵1902 | ᠤᠨ ᠤ 2 ᠰᠠᠷᠠ ᠶᠢᠨ 13 ᠤ ᠡᠳᠦᠷ ᠵᠠᠷᠤᠳ ᠬᠤᠰᠢᠭᠤᠨ ᠤ ᠪᠠᠶᠠᠷᠳᠤᠭᠤᠰᠢᠭᠤ ᠰᠤᠮᠤᠨ ᠤ ᠬᠦᠢᠰᠦ ᠶᠢᠨ | ᠠᠶᠢᠯ ᠤᠨ ᠶᠠᠳᠠᠭᠤ ᠮᠠᠯᠴᠢᠨ ᠢᠬᠡᠮᠤᠳᠰᠠᠩᠪᠤᠤ ᠶᠢᠨ ᠭᠡᠷ ᠲᠤ ᠲᠦᠷᠦᠵᠡᠢ︶᠂ ᠰᠢᠳᠢᠳᠦ ᠬᠤᠭᠤᠷᠴᠢ ᠮᠤᠤᠡᠦ᠋ᠬᠢᠨ ︵ | 1906 ᠤᠨ ᠤ 2 ᠰᠠᠷᠠ ᠶᠢᠨ 1 ᠤ ᠡᠳᠦᠷ ᠵᠠᠷᠤᠳ ᠬᠤᠰᠢᠭᠤᠨ ᠤ ᠦᠯᠵᠡᠶᠢᠮᠦ᠋ᠷᠡᠨ ᠰᠤᠮᠤᠨ ᠤ ᠲᠠᠪᠢᠨ | ᠠᠶᠢᠯ ᠤᠨ ᠶᠠᠳᠠᠭᠤ ᠮᠠᠯᠴᠢᠨ ᠰᠠᠩᠵᠠᠢ ᠶᠢᠨ ᠭᠡᠷ ᠲᠤ ᠲᠦᠷᠦᠵᠡᠢ︶ ᠨᠠᠷ ᠬᠤᠭᠤᠷ ᠤᠨ ᠦᠯᠢᠭᠡᠷ᠂ ᠬᠤᠯᠪᠤᠭᠠ ᠶᠢ | ᠤᠯᠤᠰ ᠤᠷᠤᠨ ᠳᠤ ᠲᠠᠨᠢᠭᠤᠯᠵᠤ᠂ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠤᠯᠠᠮᠵᠢᠯᠠᠨ ᠤᠷᠠᠯᠢᠭ ᠤᠨ ᠦᠨᠳᠦᠷ ᠲᠤ ᠬᠦᠷᠭᠡᠭᠰᠡᠨ | ᠪᠤᠯ ᠴᠠᠭᠠᠨᠪᠠᠷᠰ ᠨᠠᠷ ᠬᠤᠷᠴᠢᠨ ᠦᠯᠢᠭᠡᠷᠲᠤ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠮᠤᠩᠭᠤᠯ ᠲᠦᠮᠡᠨ ᠤ ᠴᠢᠬᠢᠨ ᠤ ᠰᠤᠨᠤᠷ ᠲᠤ | ᠡᠷᠭᠦᠭᠰᠡᠨ ᠭᠠᠪᠢᠶᠠᠲᠤ ᠳᠠᠭᠤᠴᠢᠨ ᠪᠢᠯᠡ︕ | | ᠪᠦᠬᠡ ᠮᠦᠷᠭᠦᠯ ᠤᠨ ᠱᠠᠰᠢᠨ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠰᠢᠲᠦᠵᠦ ᠪᠠᠶᠢᠭᠰᠠᠨ ᠪᠠᠯᠠᠷᠯᠢᠭ ᠱᠠᠰᠢᠨ ᠶᠤᠮ᠃ | ᠬᠠᠮᠤᠭ ᠤᠨ ᠳᠡᠭᠡᠳᠦ ︽ᠮᠦᠩᠬᠡ ᠲᠡᠭᠷᠢ︾ ᠪᠤᠯ ᠮᠤᠩᠭᠤᠯ ᠤᠨ ᠢᠵᠠᠭᠤᠷ ᠰᠢᠳᠦᠭᠡᠨ ᠶᠤᠮ᠃ ᠮᠤᠩᠭᠤᠯ ᠪᠦᠬᠡ ᠳᠤ | ᠮᠦᠩᠬᠡ ᠲᠡᠭᠷᠢ ᠪᠠᠷ ᠲᠦᠪᠯᠡᠭᠰᠡᠨ 99 ᠲᠡᠭᠷᠢ ᠭᠡᠵᠦ ᠪᠠᠶᠢᠳᠠᠭ᠃ ᠡᠶᠢᠨᠬᠦ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ | ᠲᠠᠬᠢᠯᠭᠠ ᠶᠢᠨ ᠡᠵᠡᠨ᠂ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ᠂ ᠠᠩᠬᠠᠨ ᠤ ᠰᠡᠭᠡᠭᠡᠲᠡᠨ᠂ ᠡᠮᠴᠢ ᠳᠤᠮᠴᠢ ᠵᠡᠷᠭᠡ ᠠᠳᠠᠯᠢ ᠪᠤᠰᠤ | ᠷᠤᠯᠧ ︵ᠬᠡᠯᠪᠡᠷᠢ︶ ᠢᠶᠠᠷ ᠢᠯᠡᠷᠡᠳᠡᠭ᠃ ᠳᠤᠮ ᠵᠠᠰᠠᠯᠭᠠ ᠪᠤᠯ ᠪᠦᠬᠡ ᠶᠢᠨ ᠶᠡᠷᠦᠳᠡ ᠶᠢᠨ ᠬᠡᠷᠡᠭᠯᠡᠳᠡᠭ ᠡᠮᠴᠢᠯᠡᠭᠡ | ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ ᠡᠭᠦᠨ ᠳᠤ ᠶᠠᠰᠤ ᠪᠠᠷᠢᠬᠤ᠂ ᠬᠠᠨᠠᠬᠤ ︵ᠴᠢᠰᠤ ᠲᠠᠯᠪᠢᠬᠤ︶᠂ ᠬᠠᠯᠠᠭᠤᠨ ᠵᠢᠩ | ᠲᠠᠯᠪᠢᠬᠤ᠂ ᠢᠯᠢᠵᠦ ᠨᠤᠬᠤᠯᠠᠬᠤ ᠁ ᠵᠡᠷᠭᠡ ᠡᠮᠴᠢᠯᠡᠭᠡ ᠪᠠᠶᠢᠳᠠᠭ᠃ ᠶᠠᠰᠤ ᠪᠠᠷᠢᠬᠤ ᠪᠤᠯ ᠳᠡᠯᠡᠬᠡᠢ ᠳᠤ | ᠠᠯᠳᠠᠷᠲᠠᠢ ᠳᠤᠮ ᠵᠠᠰᠠᠯᠭᠠ ᠪᠢᠯᠡ᠃ ᠢᠯᠠᠩᠭᠤᠶᠠ ᠬᠤᠷᠴᠢᠨ ᠨᠤᠲᠤᠭ ᠲᠤ ᠦᠶᠡ ᠤᠯᠠᠮᠵᠢᠯᠠᠨ ᠨᠡᠷᠡᠲᠦ ᠶᠠᠰᠤ | ᠪᠠᠷᠢᠭᠴᠢ ᠭᠠᠷᠳᠠᠭ ᠪᠦᠭᠡᠳ ᠶᠠᠰᠤ ᠪᠡᠷᠲᠡᠭᠰᠡᠨ ᠲᠦᠭ ᠲᠦᠮᠡᠨ ᠵᠤᠪᠠᠯᠠᠩᠲᠠᠨ ᠢ ᠳᠤᠮᠨᠠᠨ ᠡᠳᠡᠭᠡᠭᠰᠡᠨ ᠶᠤᠮ᠃ ᠤᠳᠤ | ᠴᠦ ᠭᠡᠰᠡᠨ ᠶᠠᠰᠤ ᠪᠠᠷᠢᠬᠤ ᠪᠠᠷ ᠢᠶᠠᠨ ᠬᠤᠷᠴᠢᠨ ᠨᠤᠲᠤᠭ ᠤᠨ ᠡᠮᠴᠢ ᠳᠤᠮᠴᠢ ᠨᠠᠷ ᠲᠦᠷᠦ ᠳᠤ ᠠᠯᠳᠠᠷᠲᠠᠢ | ᠲᠦᠮᠡᠨ ᠳᠡᠭᠡᠨ ᠴᠤᠯᠠ ᠲᠠᠢ ᠶᠠᠪᠤᠵᠤ ᠪᠤᠢ᠃ | | ᠭᠠᠳᠠ ᠮᠡᠶᠢᠷᠡᠨ ᠪᠤᠯ ᠬᠤᠷᠴᠢᠨ ᠨᠤᠲᠤᠭ ᠲᠤ ᠦᠰᠦᠨ ᠪᠤᠶᠢᠵᠢᠭᠰᠠᠨ ᠦᠨᠳᠦᠰᠦᠲᠡᠨ ᠤ ᠪᠠᠭᠠᠲᠤᠷ ᠶᠤᠮ᠃ | ᠲᠡᠷᠡ ᠳᠠᠷᠬᠠᠨ ᠬᠤᠰᠢᠭᠤᠨ ᠳᠤ ᠲᠦᠷᠦᠵᠦ ᠦᠰᠴᠦ᠂ ᠬᠤᠰᠢᠭᠤ ᠨᠤᠲᠤᠭ ᠤᠨ ᠢᠶᠠᠨ ᠴᠡᠷᠢᠭ ᠤᠨ ᠮᠡᠶᠢᠷᠡᠨ | ᠲᠤᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠳᠠᠷᠬᠠᠨ ᠸᠠᠩ ᠬᠤᠰᠢᠭᠤ ᠨᠤᠲᠤᠭ ᠤᠨ ᠢᠶᠠᠨ ᠭᠠᠵᠠᠷ ᠰᠢᠷᠤᠢ ᠶᠢ | ᠬᠤᠳᠠᠯᠳᠤᠬᠤ ᠶᠢ ᠦᠵᠡᠭᠡᠳ ᠲᠡᠰᠴᠦ ᠶᠠᠳᠠᠭᠰᠠᠨ ᠭᠠᠳᠠ ᠮᠡᠶᠢᠷᠡᠨ ᠴᠡᠷᠢᠭ ᠪᠠᠶᠢᠭᠤᠯᠤᠨ ᠪᠤᠰᠤᠯᠭᠠ ᠭᠠᠷᠭᠠᠵᠤ ᠵᠡᠭᠦᠨ | ᠬᠤᠶᠢᠲᠤ ᠶᠢᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠲᠠᠢ ᠵᠠᠳᠠ ᠲᠡᠮᠡᠴᠡᠭᠰᠡᠨ ᠪᠢᠯᠡ᠃ ᠪᠤᠰᠤᠯᠭᠠ 1929 ᠤᠨ ᠠᠴᠠ 1931 | ᠤᠨ ᠪᠤᠯᠲᠠᠯᠠ ᠬᠤᠶᠠᠷ ᠵᠢᠯ ᠢᠯᠡᠭᠦᠬᠡᠨ ᠪᠤᠯᠤᠭᠠᠳ ᠢᠯᠠᠭᠳᠠᠭᠰᠠᠨ ᠴᠦ ᠮᠤᠩᠭᠤᠯ ᠤᠷᠤᠨ ᠢ ᠳᠡᠭᠡᠰᠦᠯᠡᠵᠦ ᠠᠲᠠᠷ | ᠬᠠᠭᠠᠯᠪᠤᠷᠢᠯᠠᠨ ᠵᠤᠭᠤᠰ ᠮᠦᠩᠭᠦ ᠪᠠᠷ ᠤᠯᠤᠭᠠᠢ ᠪᠠᠨ ᠳᠦᠭᠦᠷᠭᠡᠬᠦ ᠭᠡᠰᠡᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠸᠠᠩ ᠭᠦᠩ ᠨᠠᠷ ᠲᠤ | ᠬᠦᠨᠳᠦ ᠴᠤᠬᠢᠯᠲᠠ ᠦᠭᠴᠦ᠂ ᠠᠷᠠᠳ ᠲᠦᠮᠡᠨ ᠤ ᠪᠠᠨ ᠳᠠᠭᠤᠷᠢᠶᠠᠯ ᠪᠤᠯᠤᠭᠰᠠᠨ ᠪᠢᠯᠡ᠃ ︽ᠤᠷᠤᠰ ᠤᠨ ᠨᠤᠲᠤᠭ | ᠳᠡᠪᠢᠰᠬᠡᠷ ᠦᠨᠡᠬᠡᠷ ᠲᠤᠩ ᠶᠡᠭᠡ᠂ ᠭᠡᠪᠡᠴᠦ ᠨᠢᠭᠡ ᠢᠮᠠᠬᠤ ᠴᠦ ᠢᠯᠡᠭᠦᠦ ᠭᠠᠵᠠᠷ ᠦᠭᠡᠢ︾ ᠭᠡᠵᠦ ᠤᠷᠤᠰ ᠤᠨ | ᠶᠡᠷᠦᠩᠬᠡᠶᠢᠯᠡᠭᠴᠢ ᠫᠦᠲ᠋ᠢᠨ ᠬᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠶᠤᠮ᠃ ᠡᠬᠡ ᠨᠤᠲᠤᠭ ᠭᠠᠵᠠᠷ ᠰᠢᠷᠤᠢ ᠶᠢᠨ ᠢᠶᠠᠨ ᠲᠦᠯᠦᠭᠡ | ᠤᠷᠤᠰᠬᠤ ᠴᠢᠰᠤᠨ ᠤᠯᠠᠶᠢᠬᠤ ᠠᠮᠢ ᠪᠠᠨ ᠦᠭᠳᠡᠭ ᠤᠨ ᠡᠴᠢᠨᠡ ᠤᠴᠢᠷ ᠠᠨᠤ ᠡᠨᠡ ᠠᠵᠠᠢ᠃ ᠬᠦᠮᠦᠨ ᠤ ᠠᠭᠤᠤ | ᠶᠡᠭᠡ ᠨᠢ ᠬᠡᠳᠦᠢ ᠤᠷᠲᠤ ᠨᠠᠰᠤᠯᠠᠭᠰᠠᠨ ᠳᠠᠭᠠᠨ ᠪᠠᠶᠢᠬᠤ ᠪᠢᠰᠢ ᠬᠠᠷᠢᠨ ᠬᠡᠳᠦᠢ ᠶᠠᠭᠤᠮᠠ ᠪᠦᠲᠦᠭᠡᠭᠰᠡᠨ ᠳᠤ ᠪᠠᠶᠢᠳᠠᠭ | ᠃ ᠭᠠᠳᠠ ᠮᠡᠶᠢᠷᠡᠨ ᠭᠤᠴᠢ ᠶᠢᠰᠦᠬᠡᠨ ᠨᠠᠰᠤᠯᠠᠭᠰᠠᠨ ᠪᠤᠯᠪᠠᠴᠤ ᠬᠦᠮᠦᠨ ᠵᠤᠨ ᠤ ᠪᠠᠨ ᠵᠢᠷᠦᠬᠡᠨ ᠲᠤᠯᠲᠤ ᠳᠤ | ᠦᠨᠢᠳᠡ ᠶᠢᠨ ᠰᠤᠪᠤᠷᠭᠠ ᠪᠤᠯᠵᠤ ᠰᠦᠨᠳᠡᠷᠯᠡᠨ ᠪᠤᠰᠴᠠᠢ︕ | | |