| | ᠵᠤᠬᠢᠶᠠᠭᠴᠢ᠄ ᠱ᠊᠂ ᠨᠠᠴᠤᠭᠳᠤᠷᠵᠢ | ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ | ᠴᠢᠨ᠋ᠸᠠ ᠶᠢᠨ ᠱᠠᠭᠠ ᠴᠣᠪᠤᠷᠠᠯ ᠪᠢᠴᠢᠭ | | ᠠᠩᠬᠠᠨ ᠳᠠᠭᠠᠨ ᠨᠢᠭᠡᠨ ᠮᠤᠳᠤᠨ ᠠᠴᠠ ᠣᠷᠭᠤᠭᠰᠠᠨ ᠨᠠᠪᠴᠢ ᠨᠤᠭᠤᠳ | ᠠᠳᠠᠭ ᠲᠤ ᠰᠠᠯᠬᠢᠨ ᠳᠤ ᠬᠡᠶᠢᠰᠴᠦ ᠠᠷᠪᠠᠨ ᠵᠦᠭ ᠪᠤᠲᠠᠷᠠᠬᠤ ᠮᠡᠳᠦ | ᠠᠮᠠᠷᠠᠭ ᠢᠨᠠᠭ ᠪᠣᠯᠵᠤ ᠨᠢᠭᠡᠨ ᠣᠷᠤᠨᠠ ᠲᠦᠷᠦᠭᠰᠡᠳ ᠪᠦᠬᠦᠨ | ᠠᠷᠭᠠ ᠦᠭᠡᠢ ᠦᠢᠯᠡ ᠪᠠᠷ ᠦᠪᠡᠷ ᠦᠪᠡᠷ ᠬᠠᠭᠠᠴᠠᠵᠤ ᠤᠳᠤᠨᠠ | ᠭᠡᠵᠦ ︽ᠰᠤᠪᠠᠰᠢᠳᠢ︾ ᠶᠢᠨ ᠲᠤᠲᠤᠷᠠᠬᠢ ᠨᠢᠭᠡᠨ ᠪᠠᠳᠠᠭ ᠰᠢᠯᠦᠭ ᠢ ᠤᠩᠰᠢᠬᠤ ᠳᠤ ᠨᠢᠯᠪᠤᠰᠤᠨ ᠤ ᠲᠤᠰᠤᠯ | ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠤᠶᠠᠷ ᠬᠠᠴᠠᠷ ᠢ ᠨᠢ ᠳᠠᠭᠠᠵᠤ ᠪᠦᠮᠪᠦᠷᠢᠪᠡ᠃ ᠭᠡᠪᠡᠴᠦ ᠴᠢᠩᠭᠦᠨᠵᠡᠪ ᠰᠡᠳᠬᠢᠯ ᠤᠨ | ᠰᠢᠨᠠᠯᠤᠯ ᠳᠤ ᠠᠪᠲᠠᠵᠤ ᠪᠠᠶᠢᠭᠠ ᠪᠠᠨ ᠮᠡᠳᠡᠵᠦ ᠨᠢᠯᠪᠤᠰᠤ ᠪᠠᠨ ᠬᠠᠭᠤᠷᠠᠢ ᠪᠤᠯᠲᠠᠯᠠ ᠠᠷᠴᠢᠯᠠ᠃ | ᠁ ᠁ | ᠳ᠋ᠠᠷᠮᠠ ᠲᠤᠯᠤᠭᠠᠢ ᠪᠠᠨ ᠰᠡᠭᠰᠦᠷᠴᠦ᠄ | - ᠲᠡᠶᠢᠮᠦ ᠪᠢᠰᠢ ᠰᠢᠦ᠂ ᠨᠠᠷᠠᠠᠭᠡᠷᠡᠯ ᠮᠢᠨᠢ᠃ ᠪᠢᠳᠡ ᠮᠠᠨᠵᠤ ᠬᠠᠭᠠᠨ ᠤ ᠦᠭᠡᠳᠡ ᠠᠴᠠ ᠪᠤᠰᠤᠨ | ᠲᠡᠮᠡᠴᠡᠭᠰᠡᠨ ᠮᠢᠨᠢ ᠪᠤᠷᠤᠭᠤ ᠪᠢᠰᠢ ᠡ᠂ ᠵᠦᠪ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠡᠪ ᠬᠦᠴᠦ ᠪᠠᠨ ᠨᠢᠭᠡᠳᠬᠡᠵᠦ ᠴᠢᠳᠠᠭᠰᠠᠨ | ᠦᠭᠡᠢ ᠠᠴᠠ ᠢᠩᠭᠢᠵᠦ ᠬᠤᠬᠢᠷᠠᠬᠤ ᠳᠤ ᠬᠦᠷᠦᠯᠡ᠃ ᠮᠣᠷᠳᠠᠬᠤ ᠶᠢᠨ ᠬᠠᠵᠠᠭᠠᠢ ᠭᠡᠭᠴᠢ ᠪᠠᠷ ᠪᠢᠳᠡ ᠬᠡᠲᠦᠷᠬᠡᠢ | ᠪᠤᠳᠤᠯᠭᠠ ᠦᠭᠡᠢ ᠬᠦᠳᠡᠯᠵᠦ ᠬᠦᠩᠭᠡᠳᠡᠯᠡ᠃ ᠰᠠᠶᠢᠨ ᠵᠡᠭᠡᠵᠦ ᠪᠠᠵᠠᠭᠠᠵᠤ ᠬᠦᠳᠡᠯᠬᠦ ᠶᠤᠰᠤᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ | ᠬᠠᠯᠬᠠ ᠤᠶᠢᠷᠠᠳ ᠬᠤᠶᠠᠷ ᠨᠢᠭᠡᠳᠬᠦ ᠭᠡᠳ ᠦᠭᠡᠳᠡ ᠲᠠᠢ ᠶᠠᠭᠤᠮᠠ ᠪᠤᠯᠤᠭᠰᠠᠨ ᠦᠭᠡᠢ᠃ ᠮᠠᠨᠵᠤ ᠭᠡᠳᠡᠭ ᠴᠢᠨᠢ | ᠲᠡᠶᠢᠮᠦ ᠠᠮᠠᠷ ᠳᠠᠶᠢᠰᠦᠨ ᠪᠢᠰᠢ ᠡ᠃ ᠁ ᠶᠡᠷᠦ ᠨᠢ ᠮᠠᠨᠵᠤ ᠭᠦᠷᠦᠨ ᠤ ᠲᠠᠯᠬᠢᠨ ᠳᠤ ᠣᠷᠤᠭᠰᠠᠨ ᠪᠦᠬᠦ ᠠᠷᠠᠳ | ᠲᠥᠮᠡᠨ ᠪᠦᠭᠦᠳᠡᠭᠡᠷ ᠢᠶᠠᠨ ᠨᠢᠭᠡᠳᠴᠦ ᠨᠢᠭᠡᠨ ᠵᠡᠷᠭᠡ ᠪᠤᠰᠤᠨ ᠲᠡᠮᠡᠴᠡᠬᠦ ᠬᠡᠷᠡᠭᠲᠡᠢ ᠪᠠᠶᠢᠭᠰᠠᠨ ᠶᠤᠮ᠃ ᠭᠡᠪᠡᠴᠦ ᠭᠡᠮ | ᠨᠢ ᠤᠷᠢᠳ ᠭᠡᠮᠰᠢᠯ ᠨᠢ ᠬᠤᠶᠢᠨᠠ ᠭᠡᠭᠴᠢ ᠪᠠᠷ ᠪᠤᠯᠤᠯᠠ᠃ ᠮᠠᠨᠵᠤ ᠬᠠᠭᠠᠨ ᠪᠢᠳᠡᠨ ᠢ ᠪᠤᠳᠤᠯᠢᠭᠰᠠᠭᠠᠷ ᠪᠠᠶᠢᠲᠠᠯᠠ | ᠬᠦᠴᠦ ᠶᠢ ᠰᠠᠯᠭᠠᠨ᠂ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠴᠣᠬᠢᠯᠠ᠃ ᠵᠠ ᠶᠠᠭᠠᠬᠢᠬᠤ ᠪᠤᠢ᠂ ᠬᠡᠷᠡᠭ ᠡᠶᠢᠮᠦ ᠪᠣᠯᠤᠭᠰᠠᠨ ᠬᠤᠶᠢᠨᠠ | ᠬᠡᠴᠢᠨᠡᠬᠡᠨ ᠬᠠᠷᠠᠮᠰᠠᠨ ᠭᠠᠰᠢᠭᠤᠳᠠᠪᠠᠴᠤ ᠨᠢᠭᠡᠨᠲᠡ ᠣᠷᠤᠶᠢᠲᠠᠵᠠᠢ᠃ ᠪᠢ ᠦᠨᠦᠳᠦᠷ ᠬᠤᠯᠠ ᠭᠠᠵᠠᠷ ᠶᠠᠪᠤᠬᠤ ᠶᠢᠨ | ᠡᠮᠦᠨᠡ ᠬᠤᠳᠤᠭᠲᠤ ᠶᠢᠨ ᠡᠨᠡ ᠶᠢᠷᠲᠢᠨᠴᠦ ᠳᠤ ᠦᠯᠡᠳᠡᠭᠡᠭᠰᠡᠨ ᠭᠠᠭᠴᠠ ᠶᠠᠭᠤᠮᠠ᠂ ᠡᠨᠡ ᠬᠥᠪᠡᠭᠦᠨ ᠲᠠᠢ ᠠᠶᠠᠷᠯᠠᠨ | ᠰᠠᠯᠬᠤ ᠭᠡᠰᠡᠨ ᠶᠣᠮ᠃ ᠮᠢᠨᠦ ᠰᠠᠶᠢᠨ ᠨᠦᠬᠦᠷ ᠴᠢᠩᠭᠦᠨᠵᠡᠪ᠂ ᠮᠢᠨᠦ ᠨᠤᠮ ᠤᠨ ᠰᠠᠲᠤᠨ ᠬᠤᠳᠤᠭᠲᠤ ᠬᠤᠶᠠᠷ ᠨᠠᠮᠠᠶᠢ | ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠨᠳᠤᠭᠰᠠᠨ ᠪᠠᠭᠤᠷᠠᠭᠰᠠᠨ ᠢ ᠰᠤᠳᠤᠷ ᠲᠡᠦᠬᠡᠨ ᠳᠤ ᠲᠡᠮᠳᠡᠭᠯᠡᠨ ᠪᠢᠴᠢᠵᠦ ᠬᠤᠶᠢᠴᠢ | ᠥᠶᠡ ᠳᠤ ᠳᠠᠭᠤᠷᠢᠶᠠᠯ᠂ ᠴᠡᠭᠡᠷᠯᠡᠯ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠡᠷᠬᠢᠮᠯᠡᠨ ᠵᠠᠬᠢᠭᠰᠠᠨ ᠪᠢᠯᠡ᠃ ᠪᠢ ᠲᠡᠷᠡ | ᠬᠤᠶᠠᠷ ᠤᠨ ᠵᠠᠬᠢᠶᠠ ᠵᠠᠷᠯᠢᠭ ᠢ ᠪᠡᠶᠡᠯᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠮᠤᠩᠭᠤᠯ ᠤᠨ ᠬᠠᠭᠤᠴᠢᠨ ᠲᠡᠦᠬᠡ ᠨᠠᠮᠲᠠᠷ᠂ ᠨᠡᠩ | ᠢᠯᠠᠩᠭᠤᠶᠠ ᠰᠡᠭᠦᠯ ᠤᠨ ᠶᠠᠪᠤᠳᠠᠯ ᠢ ᠵᠦᠪᠬᠡᠨ ᠮᠡᠳᠡᠬᠦ ᠲᠡᠳᠦᠢ ᠦᠭᠡᠢ᠂ ᠲᠡᠭᠦᠨ ᠳᠤ ᠪᠡᠶᠡ ᠪᠠᠷ ᠣᠷᠤᠯᠴᠠᠵᠤ ᠶᠠᠪᠤᠯᠠ | ᠃ ᠡᠨᠡ ᠪᠦᠬᠦᠨ ᠢ ᠪᠢ ᠡᠰᠡ ᠪᠢᠴᠢᠪᠡᠯ ᠬᠡᠨ ᠪᠢᠴᠢᠬᠦ ᠪᠢᠯᠡ᠃ ᠴᠢ ᠬᠦᠦ ᠪᠠᠨ ᠲᠤᠮᠤ ᠪᠣᠯᠤᠮᠠᠭᠴᠠ ᠪᠢᠴᠢᠭ | ᠦᠰᠦᠭ ᠲᠤ ᠰᠢᠮᠳᠠᠨ ᠰᠣᠷᠭᠠ᠂ ᠡᠷᠳᠡᠮ ᠨᠣᠮ ᠲᠠᠢ ᠬᠦᠮᠦᠨ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ᠃ ᠡᠴᠢᠭᠡ ᠨᠢ ᠶᠡᠭᠡ ᠤᠬᠠᠭᠠᠨᠲᠠᠢ | ᠬᠦᠮᠦᠨ ᠪᠠᠶᠢᠭᠰᠠᠨ ᠶᠤᠮ᠃ ᠳ᠋ᠠᠷᠮᠠ ᠭᠦᠦᠰᠢ ᠶᠢᠨ ᠵᠤᠬᠢᠶᠠᠭᠰᠠᠨ ︽ᠪᠣᠯᠤᠷ ᠲᠣᠯᠢ︾ ᠭᠡᠳᠡᠭ ᠲᠡᠦᠬᠡ ᠶᠢ ᠵᠠᠪᠠᠯ | ᠣᠯᠵᠤ ᠤᠩᠰᠢᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠲᠡᠭᠦᠨ ᠳᠤ ᠬᠡᠯᠡᠵᠦ ᠰᠠᠨᠠᠭᠤᠯᠤᠭᠠᠷᠠᠢ᠃ ᠮᠢᠨᠦ ᠪᠢᠴᠢᠬᠦ ᠲᠡᠷᠡ ᠨᠣᠮ ᠠᠴᠠ ᠡᠨᠡ | ᠬᠦᠪᠡᠭᠦᠨ ᠪᠤᠯᠤᠨ ᠶᠡᠷᠦ ᠨᠢ ᠮᠤᠩᠭᠤᠯ ᠲᠤᠭᠠᠲᠠᠨ ᠬᠡᠨ ᠪᠦᠬᠦᠨ ᠮᠠᠨ ᠤ ᠮᠤᠩᠭᠤᠯ ᠤᠨ ᠮᠠᠨᠳᠤᠭᠰᠠᠨ ᠪᠠᠭᠤᠷᠠᠭᠰᠠᠨ ᠢ | ᠲᠣᠯᠢᠨ ᠳᠤ ᠬᠠᠷᠠᠬᠤ ᠮᠡᠲᠦ ᠮᠡᠳᠡᠵᠦ ᠠᠪᠤᠨᠠ᠃ ᠵᠠ ᠮᠡᠨᠳᠦ ᠰᠠᠶᠢᠨ ᠰᠠᠭᠤᠭᠠᠷᠠᠢ ᠨᠡᠷᠡᠡᠭᠡᠷᠡᠯ ᠮᠢᠨᠢ᠂ ᠮᠢᠨᠦ ᠶᠠᠪᠤᠬᠤ | ᠴᠠᠭ ᠪᠣᠯᠤᠯᠠ᠃ ᠪᠣᠷᠬᠠᠨ ᠲᠡᠭᠷᠢ᠂ ᠬᠤᠳᠤᠭᠲᠤ ᠶᠢᠨ ᠰᠠᠬᠢᠭᠤᠰᠤ ᠲᠠ ᠬᠤᠶᠠᠷ ᠢ ᠢᠪᠡᠭᠡᠨ ᠳᠡᠳᠬᠦᠬᠦ ᠪᠣᠯᠲᠤᠭᠠᠢ︕ | | ᠨᠡᠷᠡᠡᠭᠡᠷᠡᠯ ᠣᠭᠢᠯᠠᠨ ᠬᠦᠦ ᠪᠠᠨ ᠠᠪᠴᠤ ᠳ᠋ᠠᠷᠮᠠ ᠠᠴᠠ ᠠᠳᠢᠰ ᠠᠪᠬᠤ ᠭᠡᠲᠡᠯᠡ ᠳ᠋ᠠᠷᠮᠠ ᠬᠠᠷᠢᠨ | ᠬᠦᠪᠡᠭᠦᠨ ᠠᠴᠠ ᠠᠳᠢᠰ ᠠᠪᠴᠤ᠄ | - ᠬᠠᠪᠤᠷ ᠪᠣᠯᠵᠤ ᠴᠡᠴᠡᠭ ᠤᠨ ᠬᠤᠷᠠ ᠣᠷᠣᠵᠤ᠂ ᠲᠦᠮᠡᠨ ᠪᠤᠳᠠᠰ ᠳᠡᠯᠭᠡᠷᠡᠬᠦ ᠮᠡᠲᠦ ᠮᠠᠨ ᠤ ᠮᠤᠩᠭᠤᠯ | ᠠᠷᠪᠠᠨ ᠲᠠᠪᠤᠨ ᠤ ᠰᠠᠷᠠ᠂ ᠠᠲᠠᠷ ᠭᠠᠵᠠᠷ ᠤᠨ ᠴᠡᠴᠡᠭ ᠰᠢᠭ ᠮᠠᠨᠳᠤᠨ ᠪᠠᠳᠠᠷᠠᠬᠤ ᠴᠠᠭ ᠢᠷᠡᠨᠡ ᠡ᠂ ᠯᠠᠪ ᠢᠷᠡᠨᠡ᠂ | ᠯᠠᠪᠲᠠᠶᠠ ᠢᠷᠡᠨᠡ ᠡ᠃ ᠨᠡᠷᠡᠡᠭᠡᠷᠡᠯ ᠮᠢᠨᠢ︕ ᠭᠡᠳ ᠳᠤᠯᠳᠤᠢ ᠪᠠᠨ ᠠᠪᠤᠨ ᠰᠢᠳᠡᠮᠡᠭᠴᠡ ᠭᠠᠷᠴᠤ ᠤᠳᠪᠠ᠃ | ᠬᠡᠳᠦᠶᠢᠪᠡᠷ ᠲᠤᠰ ᠨᠣᠮ ᠢ ᠤᠩᠰᠢᠵᠤ ᠦᠭᠡᠨ ᠤ ᠪᠠᠶᠠᠯᠢᠭ ᠢ ᠭᠠᠶᠢᠬᠠᠨ ᠪᠠᠭ᠋ᠠᠲᠤᠭᠰᠠᠨ ᠴᠦ ᠤᠯᠢᠭᠲᠠᠢ | ᠰᠠᠶᠢᠬᠠᠨ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠦ ᠴᠢᠳᠠᠭᠠ ᠦᠭᠡᠢ ᠶᠢᠨ ᠬᠠᠷᠠᠭᠠ ᠪᠠᠷ ᠵᠦᠪᠬᠡᠨ ᠨᠣᠮ ᠤᠨ ᠲᠡᠭᠦᠰᠬᠡᠯ ᠤᠨ | ᠬᠡᠰᠡᠭ ᠠᠴᠠ ᠬᠠᠭᠤᠯᠤᠨ ᠰᠡᠶᠢᠷᠡᠭᠦᠯᠦᠯᠡ᠃ ᠡᠬᠡ ᠬᠡᠯᠡᠨ ᠤ ᠪᠠᠨ ᠤᠷᠠᠨ ᠪᠠᠶᠠᠯᠢᠭ ᠢ ᠮᠡᠳᠡᠷᠡᠵᠦ᠂ ᠬᠡᠯᠡ | ᠨᠠᠶᠢᠷᠠᠭᠤᠯᠭᠠ ᠶᠢᠨ ᠤᠷᠠᠨ ᠪᠠᠶᠠᠯᠢᠭ ᠠᠴᠠ ᠨᠢ ᠰᠤᠷᠤᠯᠴᠠᠶᠤ ᠭᠡᠮᠡᠨ ᠪᠢ ᠬᠠᠯᠬᠠ ᠵᠤᠬᠢᠶᠠᠯᠴᠢ ᠶᠢᠨ ᠨᠣᠮ ᠲᠡᠭᠦᠪᠦᠷᠢ | ᠪᠤᠶᠤ ᠪᠦᠷᠢᠨᠳᠡᠭᠦᠰ᠂ ᠮᠦᠩᠬᠡ ᠵᠡᠷᠭᠡ ᠶᠢᠨ ᠦᠪᠦᠷ ᠮᠤᠩᠭᠤᠯ ᠵᠤᠬᠢᠶᠠᠯᠴᠢᠳ ᠤᠨ ᠪᠦᠲᠦᠭᠡᠯ ᠠᠴᠠ ᠤᠩᠰᠢᠬᠤ | ᠳᠤᠷᠠᠲᠠᠢ᠃ ᠲᠠ ᠵᠠᠪ ᠲᠠᠢ ᠪᠤᠯᠤᠭᠠᠳ ᠰᠤᠨᠢᠷᠬᠠᠯ ᠲᠠᠢ ᠪᠣᠯ ︽ᠪᠤᠯᠤᠷ ᠲᠣᠯᠢ︾ ᠶᠢ ᠤᠩᠰᠢᠭᠠᠷᠠᠢ᠃ | | | |