| ᠬᠦᠶᠦᠭ ᠪᠤᠯ ᠦᠭᠡᠳᠡᠢ ᠬᠠᠭᠠᠨ ᠤ ᠠᠬᠠᠮᠠᠳ ᠬᠦᠪᠡᠭᠦᠨ ᠪᠤᠯᠤᠨᠠ᠃ 1206 ᠤᠨ ᠳᠤ ᠲᠦᠷᠡᠭᠡᠨᠡ | ᠬᠠᠲᠤᠨ ᠠᠴᠠ ᠲᠦᠷᠦᠵᠡᠢ᠃ 1246 ᠤᠨ ᠳᠤ ᠬᠠᠭᠠᠨᠲᠤ ᠮᠤᠩᠭᠤᠯ ᠤᠯᠤᠰ ᠤᠨ ᠭᠤᠷᠪᠠᠳᠤᠭᠠᠷ ᠦᠶᠡ ᠶᠢᠨ ᠶᠡᠭᠡ | ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠭᠳᠡᠪᠡ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ | ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ | 1233 ᠤᠨ ᠳᠤ ᠬᠦᠶᠦᠭ ᠡᠴᠢᠭᠡ ᠶᠢᠨ ᠢᠶᠠᠨ ᠵᠠᠷᠯᠢᠭ ᠢᠶᠠᠷ ᠬᠠᠭᠠᠨᠲᠤ ᠮᠤᠩᠭᠤᠯ ᠤᠯᠤᠰ ᠤᠨ ᠵᠡᠭᠦᠨ | ᠭᠠᠷ ᠤᠨ ᠴᠡᠷᠢᠭ ᠢ ᠳᠠᠶᠢᠴᠢᠯᠠᠵᠤ ᠯᠢᠶᠤᠤᠳᠦ᠋ᠩ ᠤᠷᠤᠨ ᠢ ᠲᠦᠪᠰᠢᠳᠬᠡᠬᠦ ᠪᠠᠷ ᠮᠤᠷᠳᠠᠵᠠᠢ᠃ 1234 ᠤᠨ ᠤ | ᠬᠠᠪᠤᠷ ᠲᠡᠷᠡ ᠵᠦᠷᠴᠢᠳ ᠤᠨ ᠤᠷᠪᠠᠭᠰᠠᠨ ᠲᠦᠷᠦᠭᠦᠦ ᠹᠦᠰᠢᠶᠠᠨ ᠸᠠᠨᠨᠦ ᠶᠢ ᠠᠮᠢᠳᠤ ᠪᠠᠷ ᠪᠠᠷᠢᠵᠤ ᠯᠢᠶᠤᠤᠳᠦ᠋ᠩ | ᠤᠷᠤᠨ ᠢ ᠲᠦᠪᠰᠢᠳᠬᠡᠪᠡ᠃ | 1235 ᠤᠨ ᠳᠤ ᠦᠭᠡᠳᠡᠢ ᠬᠠᠭᠠᠨ ᠠᠬᠠᠮᠠᠳ ᠪᠦᠪᠡᠭᠦᠳ ᠤᠨ ᠠᠶᠠᠨ ᠳᠠᠶᠢᠨ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ | ᠪᠠᠷᠠᠭᠤᠨᠰᠢ ᠳᠠᠶᠢᠯᠠᠵᠠᠢ᠃ ᠡᠨᠡ ᠤᠳᠠᠭᠠ ᠶᠢᠨ ᠠᠶᠠᠨ ᠳᠠᠶᠢᠨ ᠢ ᠪᠠᠲᠤ ᠶᠡᠷᠦᠩᠬᠡᠶᠢᠯᠡᠨ ᠵᠠᠬᠢᠷᠴᠤ᠂ ᠬᠠᠭᠠᠨᠲᠤ | ᠮᠤᠩᠭᠤᠯ ᠤᠯᠤᠰ ᠤᠨ ᠭᠤᠤᠯ ᠴᠡᠷᠢᠭ ᠢ ᠬᠦᠶᠦᠭ ᠠᠬᠠᠯᠠᠭᠰᠠᠨ ᠪᠠᠶᠢᠨᠠ᠃ | 1236 ᠤᠨ ᠠᠴᠠ 1239 ᠤᠨ ᠤ ᠬᠠᠪᠤᠷ ᠪᠤᠯᠲᠠᠯᠠ᠂ ᠪᠠᠲᠤ ᠶᠢᠨ ᠵᠢᠯᠤᠭᠤᠳᠤᠭᠰᠠᠨ ᠮᠤᠩᠭᠤᠯ ᠤᠨ | ᠠᠷᠪᠠᠨ ᠭᠤᠷᠪᠠᠨ ᠲᠦᠮᠡᠨ ᠶᠡᠭᠡ ᠴᠡᠷᠢᠭ ᠪᠤᠯᠭᠠᠷ ᠤᠯᠤᠰ ᠢ ᠪᠠᠭᠤᠯᠭᠠᠨ ᠠᠪᠴᠤ᠂ ᠬᠢᠪᠴᠠᠭ ᠤᠯᠤᠰ ᠢ ᠡᠵᠡᠯᠡᠵᠦ᠂ | ᠤᠷᠤᠰ ᠤᠯᠤᠰ ᠤᠨ ᠵᠡᠭᠦᠨ ᠬᠤᠶᠢᠲᠤ ᠬᠡᠰᠡᠭ ᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠤᠨ ᠠᠪᠤᠪᠠ᠃ ᠡᠳᠡᠭᠡᠷ ᠶᠡᠭᠡ | ᠳᠠᠶᠢᠯᠠᠯᠳᠤᠭᠠᠨ ᠳᠤ ᠬᠦᠶᠦᠭ ᠮᠤᠩᠭᠤᠯ ᠤᠨ ᠭᠤᠤᠯ ᠴᠡᠷᠢᠭ ᠢ ᠵᠢᠯᠤᠭᠤᠳᠤᠨ ᠡᠷᠡᠯᠬᠡᠭ ᠢᠶᠠᠷ ᠪᠠᠶᠢᠯᠳᠤᠵᠠᠢ᠃ | 1239 ᠤᠨ ᠳᠤ ᠪᠠᠲᠤ ᠴᠡᠷᠢᠭ ᠢᠶᠠᠨ ᠲᠠᠲᠠᠵᠤ ᠳ᠋ᠤᠨ ᠮᠦᠷᠡᠨ ᠤ ᠬᠦᠪᠡᠭᠡ ᠳᠤ ᠪᠠᠭᠤᠳᠠᠯᠯᠠᠵᠤ᠂ ᠤᠷᠲᠤ | ᠬᠤᠭᠤᠴᠠᠭᠠ ᠪᠠᠷ ᠴᠡᠭᠴᠡᠯᠡᠨ ᠠᠮᠠᠷᠠᠪᠠ᠃ ᠢᠩᠭᠢᠭᠡᠳ ᠲᠡᠳᠡ ᠢᠯᠠᠯᠲᠠ ᠪᠠᠨ ᠪᠡᠯᠭᠡᠯᠡᠵᠦ ᠨᠠᠶᠢᠷᠯᠠᠭᠰᠠᠨ ᠪᠠᠶᠢᠵᠠᠢ᠃ | ᠶᠡᠭᠡ ᠨᠠᠶᠢᠷ ᠳᠡᠭᠡᠷᠡ ᠪᠠᠲᠤ ᠠᠬᠠᠮᠠᠳ ᠤᠨ ᠬᠤᠪᠢ ᠪᠠᠷ ᠨᠢᠭᠡ ᠬᠤᠶᠠᠷ ᠠᠶᠠᠭᠠ ᠰᠠᠷᠬᠤᠳ ᠲᠡᠷᠢᠭᠦᠯᠡᠨ ᠤᠤᠭᠤᠭᠰᠠᠨ | ᠪᠠᠶᠢᠨᠠ᠃ ᠡᠭᠦᠨ ᠳᠤ ᠪᠦᠷᠢ ᠳᠤᠷᠠ ᠦᠭᠡᠶᠢᠴᠡᠵᠦ ᠬᠡᠯᠡᠭᠰᠡᠨ ᠨᠢ᠄ ︽ᠪᠠᠲᠤ ᠪᠢᠳᠡ ᠬᠤᠶᠠᠷ ᠠᠳᠠᠯᠢ ᠪᠠᠶᠢᠲᠠᠯᠠ | ᠶᠠᠭᠠᠬᠢᠭᠠᠳ ᠲᠡᠷᠢᠭᠦᠯᠡᠨ ᠤᠤᠭᠤᠬᠤ ᠪᠢᠯᠡ᠃ ᠲᠡᠷᠡ ᠰᠠᠴᠠᠭᠤᠷᠬᠠᠬᠤ ᠰᠠᠨᠠᠭᠠ ᠲᠠᠢ ᠰᠠᠬᠠᠯᠲᠤ ᠡᠮᠡᠭᠡᠨ ᠢ | ᠦᠰᠦᠬᠡᠢ ᠪᠠᠷ ᠳᠠᠪᠲᠠᠵᠤ᠂ ᠦᠯᠮᠡᠢ ᠪᠠᠷ ᠬᠢᠰᠬᠢᠴᠢᠬᠦ ᠶᠤᠮᠰᠠᠨ︕︾ ᠭᠡᠪᠡ᠃ ᠪᠠᠲᠤ ᠳᠤ ᠳᠤᠷᠠ ᠦᠭᠬᠡᠢ ᠬᠦᠶᠦᠭ | ᠡᠯᠭᠦᠵᠦ ᠠᠪᠤᠭᠠᠳ᠄ ︽ᠪᠢᠳᠡ ᠬᠤᠶᠠᠷ ᠲᠡᠷᠡ ᠨᠤᠮᠤ ᠰᠤᠮᠤ ᠠᠭᠰᠠᠭᠰᠠᠨ ᠡᠬᠡᠨᠡᠷ ᠤᠨ ᠡᠭᠡᠮ ᠢ ᠪᠤᠷᠤᠤᠬᠠᠢ ᠪᠠᠷ | ᠵᠤᠳᠤᠬᠤ ᠶᠤᠮᠰᠠᠨ︕︾ ᠭᠡᠵᠦ ᠳᠤᠷᠤᠮᠵᠢᠯᠠᠨ ᠬᠡᠯᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠪᠠᠶᠢᠳᠠᠯ ᠢ ᠦᠭᠡᠳᠡᠢ ᠤᠯᠵᠤ ᠮᠡᠳᠡᠭᠡᠳ | ᠶᠡᠭᠡ ᠯᠡ ᠬᠢᠯᠢᠩᠨᠡᠵᠦ᠂ ᠬᠦᠶᠦᠭ ᠪᠦᠷᠢ ᠶᠢ ᠳᠠᠭᠤᠳᠠᠨ ᠢᠷᠡᠭᠦᠯᠦᠭᠡᠳ ᠴᠢᠩᠭᠠ ᠵᠢᠮᠡᠯᠡᠪᠡ᠃ ᠲᠡᠭᠡᠭᠡᠳ ᠰᠠᠶᠢᠳ | ᠲᠦᠰᠢᠮᠡᠳ ᠤᠨ ᠬᠠᠮᠢᠭᠠ ᠭᠠᠷᠤᠭᠰᠠᠨ ᠬᠡᠷᠡᠭ ᠢ ᠬᠠᠮᠢᠭᠠ ᠨᠢ ᠰᠢᠢᠳᠪᠦᠷᠢᠯᠡᠪᠡᠯ ᠳᠡᠭᠡᠷᠡ ᠭᠡᠰᠡᠨ ᠢᠳᠬᠠᠯ ᠢ | ᠵᠦᠪᠰᠢᠶᠡᠷᠡᠵᠦ ᠬᠦᠶᠦᠭ᠂ ᠪᠦᠷᠢ ᠶᠢ ᠪᠠᠷᠠᠭᠤᠨᠰᠢ ᠪᠠᠲᠤ ᠶᠢᠨ ᠳᠡᠷᠭᠡᠳᠡ ᠪᠤᠴᠠᠭᠠᠵᠠᠢ᠃ ᠬᠦᠶᠦᠭ ᠵᠡᠭᠦᠨ | ᠡᠸᠦ᠋ᠷᠦᠫᠡ ᠳᠤ ᠬᠦᠷᠴᠦ ᠠᠶᠠᠨ ᠳᠠᠶᠢᠨ ᠢᠶᠠᠨ ᠦᠷᠭᠦᠯᠵᠢᠯᠡᠨ ᠬᠢᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠪᠠᠲᠤ ᠲᠠᠢ ᠬᠠᠮᠲᠤ | ᠡᠮᠦᠨᠡᠲᠦ ᠤᠷᠤᠰ᠂ ᠪᠤᠯᠭᠠᠷ᠂ ᠬᠠᠩᠭᠠᠷᠢ ᠵᠡᠷᠭᠡ ᠤᠯᠤᠰ ᠲᠤ ᠳᠤᠪᠲᠤᠯᠤᠯᠲᠠ ᠬᠢᠪᠡ᠃ | 1241 ᠤᠨ ᠤ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠦᠭᠡᠳᠡᠢ ᠬᠠᠭᠠᠨ ᠨᠠᠰᠤ ᠪᠠᠷᠠᠬᠤ ᠦᠶᠡ ᠳᠤ ᠬᠦᠶᠦᠭ | ᠬᠠᠩᠭᠠᠷᠢ ᠤᠯᠤᠰ ᠲᠤ ᠪᠠᠶᠢᠯᠳᠤᠵᠤ ᠪᠠᠶᠢᠵᠠᠢ᠃ 1242 ᠤᠨ ᠳᠤ ᠲᠡᠷᠡ ᠡᠨᠡ ᠬᠦ ᠵᠤᠯ ᠪᠤᠰᠤ ᠴᠢᠮᠡᠭᠡ ᠶᠢ ᠤᠯᠵᠤ | ᠰᠤᠨᠤᠰᠤᠭᠠᠳ᠂ ᠳᠠᠷᠠᠭᠠ ᠵᠢᠯ ᠤᠨ ᠬᠠᠪᠤᠷ ᠡᠴᠢᠬᠡ ᠬᠠᠭᠠᠨ ᠤ ᠪᠠᠨ ᠪᠡᠯᠪᠡᠰᠦᠷᠡᠯ ᠳᠤ ᠤᠷᠤᠯᠴᠠᠬᠤ ᠪᠠᠷ ᠵᠡᠭᠦᠨᠰᠢ | ᠪᠤᠴᠠᠪᠠ᠃ | 1246 ᠤᠨ ᠤ ᠬᠠᠪᠤᠷ ᠬᠦᠶᠦᠭ ᠬᠠᠭᠠᠨᠲᠤ ᠮᠤᠩᠭᠤᠯ ᠤᠯᠤᠰ ᠤᠨ ᠭᠤᠷᠪᠠᠳᠤᠭᠠᠷ ᠦᠶᠡ ᠶᠢᠨ ᠶᠡᠭᠡ | ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠭᠳᠡᠵᠡᠢ᠃ | ᠬᠦᠶᠦᠭ ᠶᠡᠭᠡ ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠪᠠᠷ ᠰᠠᠮᠠᠭᠤᠷᠠᠯ ᠢ | ᠲᠦᠪᠰᠢᠷᠡᠭᠦᠯᠵᠦ᠂ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠨᠠᠭᠠᠰᠢᠬᠢ ᠵᠠᠰᠠᠭ ᠢ ᠲᠠᠬᠢᠨ ᠰᠡᠷᠭᠦᠭᠡᠵᠡᠢ᠃ | 1246 ᠤᠨ ᠳᠤ ᠬᠦᠶᠦᠭ ᠬᠠᠭᠠᠨ ᠡᠸᠦ᠋ᠷᠦᠫᠡ ᠶᠢᠨ ᠷᠤᠮ ᠤᠨ ᠱᠠᠰᠢᠨ ᠤ ᠬᠠᠭᠠᠨ ᠠᠴᠠ ᠲᠤᠮᠢᠯᠠᠭᠰᠠᠨ | ᠫᠯᠠᠨ ᠺᠠᠷᠫᠢᠨ ᠢ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠪᠠ᠃ ᠲᠡᠷᠡ ᠦᠪᠡᠷ ᠤᠨ ᠠᠯᠳᠠᠷᠲᠤ ᠵᠤᠬᠢᠶᠠᠯ ︽ᠫᠯᠠᠨ ᠺᠠᠷᠫᠢᠨ ᠤ | ᠵᠢᠭᠤᠯᠴᠢᠯᠠᠯ ᠤᠨ ᠲᠡᠮᠳᠡᠭᠯᠡᠯ︾ ᠳᠡᠭᠡᠨ ᠬᠦᠶᠦᠭ ᠬᠠᠭᠠᠨ ᠢ᠄ ︽ᠶᠡᠭᠡ ᠬᠠᠭᠠᠨ ᠤ ᠨᠠᠰᠤᠨ ᠰᠡᠭᠦᠳᠡᠷ ᠨᠢ ᠪᠠᠷᠤᠭ | ᠳᠦᠴᠢ ᠠᠴᠠ ᠳᠦᠴᠢᠨ ᠲᠠᠪᠤᠲᠠᠢ ᠪᠠᠶᠢᠬᠤ ᠪᠤᠶᠤ ᠡᠰᠡᠬᠦᠯᠡ ᠠᠷᠠᠢ ᠵᠢᠭᠠᠬᠠᠨ ᠠᠬᠠ ᠴᠦ ᠪᠠᠶᠢᠵᠤ ᠮᠡᠳᠡᠨᠡ᠃ | ᠲᠡᠭᠦᠨ ᠤ ᠪᠡᠶᠡ ᠪᠢᠯᠳᠠᠷ ᠨᠢ ᠳᠡᠶᠢᠮᠦ ᠴᠦ ᠦᠨᠳᠦᠷ ᠪᠢᠰᠢ᠂ ᠬᠤᠯᠠ ᠶᠢ ᠪᠤᠳᠤᠯᠬᠢᠯᠠᠳᠠᠭ ᠬᠤᠷᠴᠠ ᠰᠠᠮᠪᠠᠭᠠᠯᠢᠭ ᠡᠷᠡ | ᠮᠦᠷᠲᠡᠭᠡᠨ ᠬᠠᠲᠠᠭᠤ ᠰᠢᠷᠦᠭᠦᠨ ᠵᠠᠩ ᠲᠠᠢ᠂ ᠬᠡᠷᠰᠡᠦ ᠪᠤᠯᠭᠤᠮᠵᠢᠭᠤᠨ ᠬᠦᠮᠦᠨ᠃ ᠲᠡᠭᠦᠨ ᠳᠤ ᠴᠠᠭ ᠢᠮᠠᠭᠲᠠ ᠪᠠᠷᠠ | ᠪᠤᠯᠵᠤ ᠶᠠᠪᠤᠭᠴᠢ ᠡᠾᠷᠢᠰᠲ᠋ᠤᠰ ᠤᠨ ᠱᠠᠰᠢᠨᠲᠠᠨ ᠤ ᠬᠡᠯᠡᠬᠦ ᠪᠠᠷ ᠪᠤᠯ ᠡᠨᠡ ᠬᠠᠭᠠᠨ ᠤ ᠬᠦᠩᠭᠡᠨ ᠬᠠᠭᠤᠮᠠᠭᠠᠢ | ᠮᠦᠰᠢᠶᠡᠵᠦ ᠱᠤᠭᠯᠠᠬᠤ ᠪᠤᠶᠤ ᠳᠤᠷᠠ ᠲᠠᠪᠠ ᠪᠠᠷ ᠢᠶᠠᠨ ᠶᠠᠪᠤᠵᠤ ᠰᠠᠭᠤᠬᠤ ᠶᠢ ᠬᠡᠨ ᠴᠦ ᠶᠡᠷᠦ ᠤᠯᠵᠤ ᠦᠵᠡᠭᠰᠡᠨ | ᠤᠳᠠᠭᠠ ᠦᠭᠡᠢ ᠭᠡᠨᠡ ᠁︾ ᠭᠡᠵᠦ ᠪᠢᠴᠢᠵᠡᠢ᠃ | ᠫᠯᠠᠨ ᠺᠠᠷᠫᠢᠨ ᠵᠡᠷᠭᠡ ᠬᠦᠮᠦᠰ ᠬᠦᠶᠦᠭ ᠬᠠᠭᠠᠨ ᠤ ᠡᠮᠦᠨᠡ ᠰᠦᠭᠦᠳᠴᠦ᠂ ᠱᠠᠰᠢᠨ ᠤ ᠬᠠᠭᠠᠨ ᠠᠴᠠ | ᠬᠦᠶᠦᠭ ᠬᠠᠭᠠᠨ ᠳᠤ ᠦᠭᠭᠦᠭᠰᠡᠨ ᠵᠠᠬᠢᠲᠠᠯ ᠢ ᠤᠩᠰᠢᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠵᠠᠬᠢᠳᠠᠯ ᠤᠨ ᠠᠭᠤᠯᠭᠠ ᠨᠢ | ᠭᠤᠤᠯᠳᠠᠭᠤ ᠬᠠᠭᠠᠨᠲᠤ ᠮᠤᠩᠭᠤᠯ ᠤᠯᠤᠰ ᠤᠨ ᠦᠷᠦᠨᠡᠳᠠᠬᠢᠨ ᠳᠤ ᠬᠢᠭᠰᠡᠨ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠢ ᠰᠢᠭᠦᠮᠵᠢᠯᠡᠵᠦ᠂ | ᠬᠡᠷᠪᠡ ᠡᠨᠡ ᠬᠦ ᠠᠵᠢᠯᠯᠠᠭᠠ ᠪᠠᠨ ᠵᠤᠭᠰᠤᠬᠤ ᠦᠭᠡᠢ ᠪᠤᠯ ᠰᠠᠬᠢᠭᠤᠯᠰᠤᠨ ᠢ ᠬᠢᠯᠢᠩᠨᠡᠭᠦᠯᠦᠨᠡ ᠭᠡᠵᠦ ᠰᠦᠷᠳᠡᠭᠦᠯᠦᠨ | ᠬᠡᠯᠡᠪᠡ᠃ ᠡᠭᠦᠨ ᠤ ᠵᠡᠷᠭᠡᠴᠡᠭᠡ ᠪᠠᠷ ᠮᠤᠩᠭᠤᠯᠴᠤᠳ ᠢ ᠡᠾᠷᠢᠰᠲ᠋ᠤᠰ ᠤᠨ ᠱᠠᠰᠢᠨ ᠳᠤ ᠤᠷᠤᠬᠤ ᠶᠢ ᠬᠦᠰᠡᠭᠰᠡᠨ | ᠪᠠᠶᠢᠵᠠᠢ᠃ ᠬᠦᠶᠦᠭ ᠬᠠᠭᠠᠨ ᠶᠡᠭᠡ ᠪᠢᠴᠢᠭᠡᠴᠢ ᠬᠢᠩᠭᠠᠢ ᠪᠠᠷ ᠬᠠᠷᠢᠭᠤ ᠵᠠᠬᠢᠳᠠᠯ ᠪᠢᠴᠢᠭᠦᠯᠪᠡ᠃ | ᠁ | 1246 ᠤᠨ ᠳᠤ ᠬᠦᠶᠦᠭ ᠬᠠᠭᠠᠨ ᠪᠡᠶᠡ ᠰᠤᠪᠢᠯᠠᠬᠤ ᠪᠠᠷ ᠦᠪᠡᠷ ᠤᠨ ᠡᠵᠡᠮᠰᠢᠯ ᠨᠤᠲᠤᠭ ᠡᠮᠢᠯ | ᠵᠦᠭ ᠢᠶᠠᠨ ᠮᠤᠷᠢᠯᠠᠪᠠ᠃ ᠲᠤᠰ ᠵᠢᠯ ᠤᠨ ᠳᠦᠷᠪᠡᠳᠦᠭᠡᠷ ᠰᠠᠷᠠ ᠳᠤ ᠬᠤᠮᠰᠢᠭᠡᠷ ︵ᠰᠢᠨᠵᠢᠶᠠᠩ ᠤᠨ ᠪᠤᠯᠠᠭᠠᠨ | ᠭᠤᠤᠯ ᠤᠨ ᠡᠬᠢᠨ ᠳᠤ ᠪᠤᠢ︶ ᠲᠤ ᠬᠦᠷᠴᠦ ᠨᠠᠰᠤ ᠪᠠᠷᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠳᠦᠴᠢᠨ ᠬᠤᠶᠠᠷ ᠨᠠᠰᠤᠲᠠᠢ | ᠪᠦᠯᠦᠭᠡ᠃ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠭᠤᠷᠪᠠᠨ ᠵᠢᠯ ᠰᠠᠭᠤᠵᠠᠢ᠃ ᠬᠦᠶᠦᠭ ᠬᠠᠭᠠᠨ ᠨᠠᠰᠤ ᠨᠦᠭᠴᠢᠭᠰᠡᠨ ᠤ ᠳᠠᠷᠠᠭᠠ | ᠲᠡᠭᠦᠨ ᠤ ᠬᠠᠶᠢᠷᠠᠲᠠᠢ ᠬᠠᠲᠤᠨ ᠬᠠᠶᠢᠮᠢᠰᠢ ᠲᠦᠷ ᠴᠠᠭ ᠲᠦᠷᠦ ᠵᠠᠰᠠᠭᠰᠠᠨ ᠶᠤᠮ᠃ | ᠬᠤᠪᠢᠯᠠᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠬᠦᠶᠦᠭ ᠬᠠᠭᠠᠨ ᠢ ᠳ᠋ᠢᠩᠽᠦ᠋ᠩ᠂ ᠵᠢᠶᠠᠨᠫᠢᠩ | ᠭᠡᠵᠦ ᠨᠡᠬᠡᠮᠵᠢᠯᠡᠨ ᠴᠤᠯᠠᠯᠠᠪᠠ᠃ | ᠬᠦᠶᠦᠭ ᠬᠠᠭᠠᠨ ᠭᠤᠷᠪᠠᠨ ᠬᠦᠪᠡᠭᠦᠨ ᠲᠠᠢ᠂ ᠳᠠᠷᠤᠢ ᠬᠤᠴᠠ᠂ ᠨᠤᠬᠤ᠂ ᠬᠤᠬᠤ ᠨᠠᠷ ᠪᠤᠯᠤᠨᠠ᠃ | |