| ᠤᠶᠢᠷᠠ ᠳᠤ ᠨᠢᠭᠡᠨ ᠵᠤᠷᠪᠤᠰ ︽ᠬᠠᠷᠠᠩᠭᠤᠢ ᠳᠤ ᠭᠠᠷ ᠤᠲᠠᠰᠤ ᠦᠵᠡᠪᠡᠯ ᠠᠮᠠᠷᠬᠠᠨ ᠬᠠᠷᠠᠭᠠ ᠠᠯᠳᠠᠬᠤ︾ | ᠲᠤᠬᠠᠢ ᠸᠢᠴᠠᠲ ᠤᠨ ᠠᠭᠤᠯᠭᠠ ᠨᠢ ᠨᠠᠶᠢᠵᠠ ᠶᠢᠨ ᠬᠦᠷᠢᠶᠡᠨ ᠳᠤ ︽ᠲᠦᠷᠭᠡᠨ︾ ᠢᠶᠠᠷ ᠲᠦᠭᠡᠭᠰᠡᠨ ᠪᠠᠶᠢᠨᠠ᠃ | ᠲᠤᠰ ᠮᠡᠳᠡᠭᠡᠯᠡᠯ ᠳᠤ ᠬᠡᠯᠡᠭᠰᠡᠨ ᠨᠢ᠂ ︽ᠰᠧᠴᠦᠸᠠᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠸᠠ ᠰᠢ ᠡᠮᠨᠡᠯᠭᠡ ᠶᠢᠨ | ᠬᠤᠷᠢᠶᠠᠨ ᠤ ᠨᠢᠳᠦᠨ ᠰᠠᠯᠠᠭᠠᠨ ᠤ ᠡᠷᠬᠢᠯᠡᠭᠴᠢ ᠯᠢ ᠯᠢ ᠫᠷᠦᠹᠧᠰᠰᠤᠷ ᠵᠠᠳᠠᠷᠠᠭᠤᠯᠤᠭᠰᠠᠨ ᠢᠶᠠᠷ᠂ ᠤᠷᠤᠢ ᠳ᠋ᠧᠩ | ᠤᠨᠲᠠᠷᠠᠭᠠᠭᠰᠠᠨ ᠤ ᠰᠡᠭᠦᠯᠡᠷ ᠭᠠᠷ ᠤᠲᠠᠰᠤ ᠶᠢ ᠶᠠᠭᠠᠬᠢᠭᠰᠠᠨ ᠴᠦ ᠦᠵᠡᠵᠦ ᠪᠤᠯᠬᠤ ᠦᠭᠡᠢ᠂ ᠭᠠᠷ ᠤᠲᠠᠰᠤᠨ ᠤ | ᠴᠢᠩᠭᠠ ᠭᠡᠷᠡᠯ ᠨᠢᠳᠦᠨ ᠳᠡᠭᠡᠷᠡ 30 ᠮᠢᠨᠦ᠋ᠲ ᠠᠴᠠ ᠳᠡᠭᠡᠭᠰᠢ ᠡᠭ᠍ᠴᠡ ᠲᠤᠰᠪᠠᠯ ᠬᠠᠷᠠᠭᠠ ᠶᠢ ᠲᠦᠷᠭᠡᠨ | ᠮᠠᠭᠤᠲᠠᠭᠤᠯᠬᠤ ᠮᠦᠷᠲᠡᠭᠡᠨ ᠡᠷᠭᠢᠵᠦ ᠪᠤᠯᠤᠰᠢ ᠦᠭᠡᠢ ᠰᠢᠷᠠ ᠲᠤᠯᠪᠤ ᠪᠤᠯᠭᠠᠵᠤ ᠬᠤᠪᠢᠷᠠᠭᠤᠯᠤᠨᠠ᠃ ᠰᠢᠷᠠ ᠲᠤᠯᠪᠤ | ᠪᠤᠯᠵᠤ ᠬᠤᠪᠢᠷᠠᠪᠠᠯ ᠳᠠᠷᠤᠢ ᠨᠢᠳᠦᠨ ᠤ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠠᠳᠠᠯᠢ ᠬᠠᠷᠠᠭᠠ ᠠᠯᠳᠠᠭᠤᠯᠬᠤ ᠪᠤᠯᠤᠨᠠ᠂ | ᠤᠴᠢᠷ ᠨᠢ ᠤᠳᠤ ᠦᠶᠡ ᠶᠢᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠨᠢ ᠰᠢᠷᠠ ᠲᠤᠯᠪᠤ ᠶᠢ ᠵᠠᠰᠠᠬᠤᠶᠠ ᠪᠡᠷᠬᠡ ᠲᠤᠯᠠ ᠡᠳᠡᠭᠡᠷᠡᠬᠦ ᠶᠢ | ᠨᠡᠩ ᠬᠡᠯᠡᠯᠭᠡᠨ ᠦᠭᠡᠢ︾ ᠭᠡᠳᠡᠭ ᠮᠡᠳᠡᠭᠡᠯᠡᠯ ᠨᠢ ᠮᠠᠰᠢ ᠤᠯᠠᠨ ᠤᠨᠲᠠᠬᠤ ᠠᠴᠠ ᠡᠮᠦᠨᠡ ᠭᠠᠷ ᠤᠲᠠᠰᠤ ᠦᠵᠡᠳᠡᠭ | ᠵᠠᠩᠰᠢᠯ ᠲᠠᠢ ᠬᠦᠮᠦᠰ ᠢ ᠡᠮᠢᠶᠡᠯᠭᠡᠵᠦ᠂ ᠵᠠᠷᠢᠮ ᠨᠢᠳᠦᠨ ᠬᠡᠰᠡᠭ ᠢᠶᠠᠷ ᠡᠪ ᠦᠭᠡᠢ ᠬᠦᠮᠦᠰ ᠨᠡᠩ ᠴᠦ ᠡᠭᠦᠨ ᠤ | ᠲᠦᠯᠦᠭᠡ ᠵᠤᠪᠠᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠡᠨᠡᠬᠦ ᠪᠤᠳᠠᠲᠠᠢ ᠬᠡᠷᠡᠭ ᠤᠨ ᠦᠨᠡᠨ ᠢ ᠲᠤᠳᠤᠷᠬᠠᠶᠢᠯᠠᠬᠤ ᠶᠢᠨ ᠲᠦᠯᠦᠭᠡ ᠰᠤᠷᠪᠤᠯᠵᠢᠯᠠᠭᠴᠢ ᠰᠧᠴᠤᠸᠠᠨ | ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠸᠠ ᠰᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠨᠢᠳᠦᠨ ᠰᠠᠯᠠᠭᠠ ᠶᠢᠨ ᠠᠯᠪᠠᠨ ᠰᠦᠯᠵᠢᠶᠡᠨ | ᠳᠡᠭᠡᠷᠡ ᠭᠠᠷᠴᠤ᠂ ᠠᠵᠢᠯᠲᠠᠨ ᠤ ᠪᠦᠷᠢᠯᠳᠦᠯ ᠤᠨ ᠨᠡᠷᠡᠰ ᠠᠴᠠ ᠯᠢ ᠯᠢ ᠭᠡᠳᠡᠭ ᠫᠷᠤᠹᠧᠰᠰᠤᠷ ᠤᠨ ᠨᠡᠷᠡ ᠶᠢ ᠡᠷᠢᠵᠦ | ᠤᠯᠤᠭᠰᠠᠨ ᠦᠭᠡᠢ ᠪᠠᠶᠢᠯᠠ᠃ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠲᠦᠭᠡᠭᠰᠡᠨ ᠪᠤᠳᠠᠲᠠᠢ ᠬᠡᠯᠡᠯᠭᠡ ᠶᠢᠨ ᠲᠤᠬᠠᠢ ᠳ᠋ᠦᠩ ᠨᠠᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠲᠤ ᠵᠦᠩ ᠲᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠨᠢᠳᠦᠨ ᠰᠠᠯᠠᠭᠠᠨ ᠤ | ᠡᠷᠬᠢᠯᠡᠭᠴᠢ ᠡᠮᠴᠢ ᠵᠠᠩ ᠷᠦᠢ ᠡᠨᠡᠬᠦ ᠬᠡᠯᠡᠯᠭᠡ ᠶᠢ ᠦᠭᠡᠶᠢᠰᠬᠡᠭᠰᠡᠨ ᠪᠠᠶᠢᠨᠠ᠂ ᠲᠡᠷᠡ ᠬᠡᠯᠡᠭᠰᠡᠨ ᠨᠢ᠂ ᠬᠠᠷᠠᠩᠭᠤᠢ ᠳᠤ | ᠭᠠᠷ ᠤᠲᠠᠰᠤ ᠦᠵᠡᠪᠡᠯ ᠬᠠᠷᠠᠭᠠ ᠠᠯᠳᠠᠬᠤ ᠭᠡᠳᠡᠭ ᠬᠡᠯᠡᠯᠭᠡ ᠨᠢ ᠤᠨᠤᠪᠴᠢ ᠦᠭᠡᠢ᠃ ᠦᠨᠡᠨ ᠳᠡᠭᠡᠨ ᠴᠢᠩᠭᠠ | ᠭᠡᠷᠡᠯ ᠨᠢ ᠨᠢᠳᠦᠨ ᠳᠡᠭᠡᠷᠡ ᠡᠭ᠍ᠴᠡ ᠲᠤᠰᠪᠠᠯ ᠯᠠᠪᠲᠠᠢ ᠮᠠᠭᠤ ᠶᠤᠮ᠂ ᠢᠯᠠᠩᠭᠤᠶᠠ ᠬᠠᠷᠠᠩᠭᠤᠢ ᠭᠠᠵᠠᠷ ᠲᠤ ᠨᠢᠳᠦᠨ ᠤ | ᠬᠡᠦᠬᠡᠨ ᠬᠠᠷᠠᠭᠠ ᠠᠶᠠᠨᠳᠠᠭᠠᠨ ᠲᠤᠮᠤᠷᠠᠵᠤ᠂ ᠨᠢᠳᠦᠨ ᠳᠤ ᠤᠷᠤᠬᠤ ᠭᠡᠷᠡᠯ ᠴᠢᠩᠭᠠᠷᠠᠬᠤ ᠠᠴᠠ ᠰᠢᠷᠠ ᠲᠤᠯᠪᠤ ᠶᠢᠨ | ᠤᠷᠤᠨ ᠢ ᠭᠡᠮᠲᠦᠭᠡᠬᠦ ᠨᠢ ᠬᠡᠯᠡᠯᠭᠡᠨ ᠦᠭᠡᠢ᠂ ᠭᠡᠪᠡᠴᠦ ᠭᠠᠷ ᠤᠲᠠᠰᠤᠨ ᠤ ᠭᠡᠷᠡᠯ ᠨᠢ ᠬᠠᠷᠠᠭᠠ ᠶᠢ ᠠᠯᠳᠠᠭᠤᠯᠬᠤ | ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ ᠦᠭᠡᠢ ᠶᠤᠮ ᠭᠡᠪᠡ᠃ ᠵᠠᠩ ᠷᠦᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠠᠶᠢᠯᠪᠤᠷᠢᠯᠠᠵᠤ ᠬᠡᠯᠡᠭᠰᠡᠨ ᠨᠢ᠂ | ᠰᠢᠷᠠ ᠲᠤᠯᠪᠤ ᠨᠢ ᠨᠢᠳᠦᠨ ᠤ ᠲᠤᠤᠷᠯᠢᠭ ᠪᠦᠷᠬᠦᠪᠴᠢ ᠶᠢᠨ ᠳᠤᠮᠳᠠ ᠴᠢᠬᠤᠯᠠ ᠪᠤᠯᠬᠤ ᠬᠡᠰᠡᠭ ᠪᠠᠶᠢᠵᠤ᠂ ᠲᠡᠷᠡ ᠨᠢ | ᠬᠠᠷᠠᠭᠠᠨ ᠤ ᠨᠠᠷᠢᠯᠢᠭ ᠮᠡᠳᠡᠷᠡᠯ ᠪᠤᠯᠬᠤ ᠪᠦᠭᠡᠳ ᠪᠠᠰᠠ ᠬᠠᠮᠤᠭ ᠤᠨ ᠨᠢᠮᠭᠡᠨ᠂ ᠬᠠᠮᠤᠭ ᠤᠨ ᠠᠮᠠᠷᠬᠠᠨ ᠭᠡᠮᠲᠦᠳᠡᠭ | ᠬᠡᠰᠡᠭ ᠪᠤᠯᠤᠨᠠ᠃ ᠬᠡᠷᠪᠡ ᠰᠢᠷᠠ ᠲᠤᠯᠪᠤ ᠶᠢᠨ ᠬᠡᠰᠡᠭ ᠤᠨ ᠡᠰ ᠮᠠᠭᠤᠲᠠᠪᠠᠯ ᠰᠢᠷᠠ ᠲᠤᠯᠪᠤ ᠬᠤᠪᠢᠷᠠᠭᠠᠳ | ᠬᠠᠷᠠᠭᠠ ᠶᠢ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠠᠷ ᠬᠠᠷᠰᠢᠯᠠᠵᠤ᠂ ᠬᠦᠨᠳᠦ ᠨᠤᠴᠢᠲᠠᠢ ᠦᠶᠡᠰ 2-3 ᠰᠠᠷᠠ ᠪᠤᠯᠪᠠᠯ ᠳᠠᠷᠤᠢ | ᠬᠠᠷᠠᠭᠠ ᠶᠢ ᠠᠯᠳᠠᠭᠤᠯᠬᠤ ᠪᠤᠯᠤᠨᠠ᠃ ᠤᠳᠤ ᠬᠡᠳᠦᠨ ᠠᠶᠤᠯᠲᠤ ᠡᠯᠧᠮᠧᠨ᠋ᠲ ᠤᠨ ᠰᠢᠷᠠ ᠲᠤᠯᠪᠤ ᠶᠢ ᠶᠡᠬᠡᠪᠡᠷ | ᠬᠤᠪᠢᠷᠠᠭᠤᠯᠬᠤ ᠠᠶᠤᠯᠲᠠᠢ ᠭᠡᠳᠡᠭ ᠢ ᠨᠢᠭᠡᠨᠲᠡ ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠨᠠ᠄ ᠨᠢᠭᠡᠳᠦᠭᠡᠷ ᠨᠢ ᠨᠠᠰᠤ ᠪᠤᠯᠤᠨᠠ᠂ ᠨᠠᠰᠤ ᠨᠢ | ᠬᠡᠳᠦᠢ ᠶᠡᠭᠡ ᠪᠤᠯ ᠨᠡᠷᠪᠡᠭᠳᠡᠬᠦ ᠪᠤᠯᠤᠯᠴᠠᠭᠠ ᠨᠢ ᠲᠡᠳᠦᠢ ᠶᠡᠭᠡ ᠪᠠᠶᠢᠳᠠᠭ︔ ᠬᠤᠶᠠᠳᠤᠭᠠᠷ ᠨᠢ ᠴᠢᠨᠠᠷ ᠤᠨ ᠢᠯᠭᠠᠯ | ᠪᠤᠯᠤᠨᠠ᠂ ᠰᠤᠳᠤᠯᠭᠠ ᠢᠯᠡᠷᠡᠭᠦᠯᠦᠭᠰᠡᠨ ᠨᠢ᠂ ᠡᠮᠡᠭᠲᠡᠢ ᠬᠦᠮᠦᠨ ᠤ ᠨᠡᠷᠪᠡᠭᠳᠡᠬᠦ ᠠᠶᠤᠯ ᠨᠢ ᠡᠷᠡᠭᠲᠡᠢ ᠬᠦᠮᠦᠨ ᠠᠴᠠ | ᠬᠤᠶᠠᠷ ᠲᠠᠬᠢᠨ ᠦᠨᠳᠦᠷ ᠪᠠᠶᠢᠳᠠᠭ︔ ᠭᠤᠷᠪᠠᠳᠤᠭᠠᠷ ᠨᠢ ᠪᠠᠶᠢᠩᠭᠤ ᠬᠠᠷᠠᠭᠳᠠᠳᠠᠭ ᠴᠢᠰᠦᠨ ᠳᠠᠷᠤᠯᠲᠠ ᠦᠨᠳᠦᠷ᠂ | ᠴᠢᠰᠦᠨ ᠤ ᠦᠭᠡᠬᠦ ᠦᠨᠳᠦᠷ ᠵᠡᠷᠭᠡ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠪᠤᠯᠤᠨᠠ᠂ ᠡᠳᠡᠭᠡᠷ ᠡᠪᠡᠳᠴᠢᠨ ᠨᠢ ᠪᠠᠰᠠ | ᠰᠢᠷᠠ ᠲᠤᠯᠪᠤ ᠶᠢ ᠬᠤᠪᠢᠷᠠᠭᠠᠬᠤ ᠶᠢᠨ ᠴᠢᠬᠤᠯᠠ ᠪᠤᠯᠬᠤ ᠰᠢᠯᠲᠠᠭᠠᠨ ᠪᠠᠶᠢᠵᠤ ᠮᠡᠳᠡᠨᠡ︔ ᠳᠦᠷᠪᠡᠳᠦᠭᠡᠷ ᠨᠢ ᠲᠠᠮᠠᠬᠢ | ᠲᠠᠲᠠᠬᠤ ᠦᠭᠡᠢ ᠬᠦᠮᠦᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠠᠳᠠᠯᠢ ᠨᠠᠰᠤᠨ ᠤ ᠲᠠᠮᠠᠬᠢ ᠲᠠᠲᠠᠭᠰᠠᠳ ᠤᠨ ᠬᠦᠭᠰᠢᠷᠡᠯ ᠤᠨ | ᠰᠢᠷᠠ ᠲᠤᠯᠪᠤ ᠶᠢᠨ ᠬᠤᠪᠢᠷᠠᠬᠤ ᠬᠠᠷᠢᠴᠠᠯ ᠨᠢ ᠨᠡᠯᠢᠶᠡᠳ ᠦᠨᠳᠦᠷ ᠶᠤᠮ᠃ ᠭᠡᠪᠡᠴᠦ ᠡᠭᠦᠨ ᠢ ᠤᠳᠤ ᠰᠤᠳᠤᠯᠭᠠ ᠪᠠᠷ | ᠭᠡᠷᠡᠴᠢᠯᠡᠭᠡᠳᠦᠢ ᠪᠠᠶᠢᠨᠠ᠂ ᠰᠢᠷᠠ ᠲᠤᠯᠪᠤ ᠶᠢᠨ ᠬᠤᠪᠢᠷᠠᠬᠤ ᠨᠢ ᠤᠷᠤᠢ ᠳ᠋ᠧᠩ ᠤᠨᠲᠠᠷᠠᠭᠠᠭᠰᠠᠨ ᠤ ᠳᠠᠷᠠᠭᠠ ᠭᠠᠷ | ᠤᠲᠠᠰᠤ ᠦᠵᠡᠬᠦ ᠲᠠᠢ ᠰᠢᠭᠤᠳ ᠬᠠᠷᠢᠴᠠᠭᠠ ᠲᠠᠢ ᠭᠡᠪᠡ᠃ |