| ᠵᠤᠨ ᠤ ᠬᠠᠯᠠᠭᠤᠨ ᠨᠠᠷᠠᠨ ᠳᠤ ᠰᠢᠯ ᠵᠡᠭᠦᠬᠦ ᠨᠢ ᠨᠠᠷᠠᠨ ᠤ ᠬᠤᠷᠴᠠ ᠭᠡᠷᠡᠯ ᠠᠴᠠ ᠰᠡᠷᠭᠡᠶᠢᠯᠡᠬᠦ᠂ ᠨᠢᠳᠦ | ᠪᠤᠯᠤᠨ ᠨᠢᠭᠤᠷ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠤᠯᠠᠨ ᠲᠠᠯᠠ ᠶᠢᠨ ᠰᠠᠶᠢᠨᠲᠠᠢ ᠲᠠᠯᠠ ᠪᠠᠶᠢᠳᠠᠭ ᠴᠦ ᠪᠠᠰᠠ ᠠᠩᠬᠠᠷᠬᠤ | ᠵᠦᠢᠯ ᠤᠯᠠᠨ ᠪᠤᠢ᠃ | 1. ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠᠨ ᠤ ᠰᠠᠴᠤᠷᠠᠭ | ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ ᠶᠢ ᠲᠤᠲᠤᠷᠠ ᠨᠢ ABC ᠭᠡᠵᠦ ᠭᠤᠷᠪᠠᠨ ᠵᠦᠢᠯ ᠳᠤ ᠠᠩᠭᠢᠯᠠᠳᠠᠭ᠃ ᠡᠳᠡᠭᠡᠷ | ᠨᠢ ᠠᠷᠠᠰᠤ ᠶᠢ ᠰᠢᠷᠠᠵᠤ᠂ ᠡᠷᠲᠡ ᠬᠦᠭᠰᠢᠷᠡᠭᠦᠯᠳᠡᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠨᠢᠳᠦ ᠶᠢ ᠭᠡᠮᠲᠦᠭᠡᠬᠦ ᠰᠦᠷᠭᠡᠦ ᠦᠢᠯᠡᠳᠦᠯ | ᠲᠠᠢ ᠶᠤᠮ᠃ | A ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ᠄ ᠨᠢᠳᠦᠨ ᠳᠤ ᠬᠠᠮᠤᠭ ᠤᠨ ᠶᠡᠭᠡ ᠠᠶᠤᠯ ᠤᠴᠠᠷᠠᠭᠤᠯᠬᠤ ᠲᠤᠶᠠᠭᠠ ᠪᠤᠯ | ᠳᠠᠷᠤᠢ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ ᠪᠤᠯᠬᠤ ᠶᠤᠮ᠃ ᠡᠨᠡᠬᠦ ᠲᠤᠶᠠᠭᠠ ᠨᠢ ᠨᠢᠳᠦᠨ ᠤ ᠭᠦᠨ ᠳᠤ ᠨᠡᠪᠲᠡᠷᠡᠨ ᠨᠢᠳᠦᠨ ᠤ | ᠲᠤᠤᠷᠯᠢᠭ ᠪᠦᠷᠬᠦᠪᠴᠢ ᠶᠢ ᠭᠡᠮᠲᠦᠭᠡᠳᠡᠭ᠃ | B ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ᠄ ᠡᠨᠡᠬᠦ ᠵᠦᠢᠯ ᠤᠨ ᠶᠠᠭᠠᠨ ᠲᠤᠶᠠᠭᠠ ᠨᠢ ᠬᠦᠮᠦᠨ ᠤ ᠨᠢᠳᠦ ᠪᠤᠯᠤᠨ ᠡᠪᠡᠷᠯᠢᠭ | ᠰᠠᠯᠢᠰᠤᠲᠤ ᠪᠦᠷᠬᠦᠪᠴᠢ ᠶᠢ ᠲᠦᠯᠡᠬᠦ ᠠᠶᠤᠯᠲᠠᠢ ᠪᠦᠭᠡᠳ ᠴᠢᠨᠠᠭᠰᠢᠯᠠᠪᠠᠯ ᠠᠷᠠᠰᠤᠨ ᠤ ᠬᠤᠤᠷᠠᠲᠤ ᠬᠠᠪᠤᠳᠠᠷ ᠢ ᠴᠦ | ᠡᠭᠦᠰᠬᠡᠬᠦ ᠠᠶᠤᠯᠲᠠᠢ ᠪᠠᠶᠢᠳᠠᠭ᠃ | C ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ᠄ ᠡᠨᠡᠬᠦ ᠶᠠᠭᠠᠨ ᠲᠤᠶᠠᠭᠠ ᠨᠢ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠤᠤᠷ ᠬᠦᠨᠦᠭᠡᠯ | ᠶᠡᠬᠡᠲᠡᠢ ᠪᠠᠶᠢᠳᠠᠭ᠃ ᠬᠠᠷᠢᠨ ᠡᠨᠡᠬᠦ ᠭᠡᠷᠡᠯ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠤ ᠬᠦᠷᠬᠦ ᠠᠴᠠ ᠡᠮᠦᠨᠡ ᠠᠭᠠᠷ ᠮᠠᠨᠳᠠᠯ | ᠰᠢᠩᠭᠡᠭᠡᠵᠦ ᠠᠪᠴᠢᠬᠠᠳᠠᠭ ᠪᠤᠯᠬᠤᠷ ᠨᠢᠳᠦ ᠪᠠᠨ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ ᠠᠴᠠ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠤᠯᠠᠳᠠ ᠲᠠ | ᠨᠠᠷᠠᠨ ᠰᠢᠯ ᠢᠶᠠᠨ ᠡᠷᠬᠡᠪᠰᠢ ᠵᠦᠪ ᠰᠤᠩᠭᠤᠬᠤ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ | ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ᠂ ᠲᠠ ᠡᠳᠡᠭᠡᠷ ᠠᠶᠤᠮᠰᠢᠭᠲᠤ ᠬᠤᠤᠷᠲᠤ ᠲᠤᠶᠠᠭᠠᠨ ᠠᠴᠠ ᠨᠢᠳᠦ ᠪᠤᠯᠤᠨ | ᠠᠷᠠᠰᠤ ᠪᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠨᠠᠷᠠᠨ ᠰᠢᠯ ᠢ ᠵᠦᠪ ᠰᠤᠩᠭᠤᠬᠤ ᠬᠡᠷᠡᠭᠲᠡᠢ᠃ | 2. ᠨᠠᠷᠠᠨ ᠰᠢᠯ ᠢ ᠬᠡᠷᠬᠢᠨ ᠰᠤᠩᠭᠤᠬᠤ ᠪᠤᠢ | ᠨᠠᠷᠠᠨ ᠰᠢᠯ ᠤᠳ ᠭᠠᠳᠠᠷ ᠳᠦᠷᠰᠦ ᠬᠡᠯᠪᠡᠷᠢ ᠠᠴᠠ ᠭᠠᠳᠠᠨᠠ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠᠨ ᠤ ᠰᠠᠴᠤᠷᠠᠭ ᠠᠴᠠ | ᠬᠠᠮᠠᠭᠠᠯᠠᠬᠤ ᠴᠢᠳᠠᠪᠬᠢ ᠪᠠᠷ ᠢᠶᠠᠨ ᠬᠤᠭᠤᠷᠤᠨᠳᠤ ᠪᠠᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ | ᠲᠤᠩᠭᠠᠯᠠᠭ ᠰᠢᠯ ︵0 ᠵᠡᠷᠭᠡ︶ — ᠨᠠᠷᠠᠨ ᠤ ᠭᠡᠷᠡᠯ ᠢ 80-100 ᠬᠤᠪᠢ ᠳᠠᠮᠵᠢᠭᠤᠯᠳᠠᠭ ᠪᠠᠶᠢᠨᠠ᠃ | ᠡᠨᠡᠬᠦ ᠲᠦᠷᠦᠯ ᠤᠨ ᠰᠢᠯ ᠨᠢ ᠬᠦᠮᠦᠨ ᠤ ᠨᠢᠳᠦ ᠶᠢ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠᠨ ᠠᠴᠠ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ | ᠪᠦᠭᠡᠳ ᠶᠡᠷᠦ ᠳᠡᠭᠡᠨ ᠭᠡᠷ ᠲᠡᠭᠡᠨ ᠪᠤᠶᠤ ᠤᠷᠤᠢ ᠶᠢᠨ ᠴᠠᠭ ᠢᠶᠠᠷ ᠭᠤᠶᠤᠯᠠᠯ ᠪᠤᠯᠭᠠᠨ ᠵᠡᠭᠦᠬᠦ ᠳᠤ ᠯᠡ ᠲᠤᠬᠢᠷᠠᠮᠵᠢᠲᠠᠢ | ᠪᠠᠶᠢᠳᠠᠭ᠃ | ᠭᠡᠷᠡᠯ ᠲᠠᠢ ᠰᠢᠯ ︵1 ᠵᠡᠷᠭᠡ︶ — ᠨᠠᠷᠠᠨ ᠤ ᠭᠡᠷᠡᠯ ᠢ 43-80 ᠬᠤᠪᠢ ᠳᠠᠮᠵᠢᠭᠤᠯᠳᠠᠭ ᠪᠤᠯᠬᠤᠷ ᠬᠡᠲᠦ | ᠶᠠᠭᠠᠨ ᠲᠤᠶᠠᠭᠠᠨ ᠠᠴᠠ ᠪᠦᠷᠢᠮᠦᠰᠦᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠲᠠ ᠡᠭᠦᠨ ᠢ ᠬᠤᠲᠠ | ᠭᠠᠵᠠᠷ ᠢᠶᠠᠷ ᠶᠠᠪᠤᠬᠤ ᠳᠠᠭᠠᠨ ᠵᠡᠭᠦᠵᠦ ᠪᠤᠯᠤᠨᠠ᠃ ᠭᠡᠬᠦ ᠳᠡᠭᠡᠨ ᠨᠠᠷᠠ ᠰᠢᠭᠤᠳ ᠲᠤᠰᠴᠤ ᠭᠡᠷᠡᠯ ᠬᠠᠷᠢᠴᠠᠩᠭᠤᠢ | ᠬᠤᠷᠴᠠ ᠪᠤᠯᠬᠤ ᠬᠦᠳᠡᠭᠡ ᠭᠠᠵᠠᠷ ᠶᠠᠪᠤᠬᠤ ᠳᠠᠭᠠᠨ ᠵᠡᠭᠦᠬᠦ ᠦᠭᠡᠢ ᠪᠤᠯ ᠰᠠᠶᠢᠨ᠃ | ᠳᠤᠮᠳᠠᠴᠢ ᠰᠢᠯ ︵2 ᠵᠡᠷᠭᠡ︶ — ᠨᠠᠷᠠᠨ ᠤ ᠭᠡᠷᠡᠯ ᠢ 18-43 ᠬᠤᠪᠢ ᠳᠠᠮᠵᠢᠭᠤᠯᠳᠠᠭ᠃ ᠡᠶᠢᠮᠦᠷᠬᠦ | ᠰᠢᠯ ᠢ ᠵᠤᠨ ᠤ ᠤᠯᠠᠷᠢᠯ ᠢᠶᠠᠷ ᠬᠤᠲᠠ ᠶᠢᠨ ᠭᠤᠳᠤᠮᠵᠢ ᠪᠠᠷ ᠵᠤᠭᠠᠯᠠᠬᠤ ᠦᠶᠡ ᠳᠤ ᠵᠡᠭᠦᠬᠦ ᠳᠤ ᠨᠡᠩ ᠲᠤᠬᠢᠷᠠᠮᠵᠢᠲᠠᠢ | ᠪᠠᠶᠢᠳᠠᠭ᠃ | ᠬᠦᠴᠦᠲᠡᠢ ᠰᠢᠯ ︵3 ᠵᠡᠷᠭᠡ︶ — ᠨᠠᠷᠠᠨ ᠤ ᠭᠡᠷᠡᠯ ᠢ 8-18 ᠬᠤᠪᠢ ᠳᠠᠮᠵᠢᠭᠤᠯᠳᠠᠭ ᠪᠤᠯᠬᠤᠷ | ᠬᠦᠮᠦᠨ ᠤ ᠨᠢᠳᠦ ᠶᠢ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ ᠵᠤᠷᠢᠯᠭᠠ ᠳᠤ ᠦᠨᠳᠦᠰᠦᠨ ᠳᠡᠭᠡᠨ ᠬᠦᠷᠴᠦ | ᠴᠢᠳᠠᠳᠠᠭ᠃ ᠡᠶᠢᠮᠦᠷᠬᠦ ᠰᠢᠯ ᠢ ᠲᠠ ᠮᠠᠰᠢᠨ ᠪᠠᠷᠢᠬᠤ᠂ ᠠᠭᠠᠷ ᠰᠠᠯᠬᠢᠨ ᠳᠤ ᠭᠠᠷᠬᠤ ᠳᠠᠭᠠᠨ ᠴᠦᠮ ᠵᠡᠭᠦᠵᠦ ᠪᠤᠯᠤᠨᠠ | ᠃ | ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠰᠢᠯ ︵4 ᠵᠡᠷᠭᠡ︶ — ᠡᠶᠢᠮᠦᠷᠬᠦ ᠰᠢᠯ ᠨᠢ ᠨᠠᠷᠠᠨ ᠤ ᠭᠡᠷᠡᠯ ᠢ 3-8 ᠬᠤᠪᠢ | ᠳᠠᠮᠵᠢᠭᠤᠯᠵᠤ᠂ ᠲᠠᠨ ᠤ ᠨᠢᠳᠦ ᠶᠢ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠᠨ ᠠᠴᠠ ᠬᠠᠮᠤᠭ ᠤᠨ ᠰᠠᠶᠢᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠳᠠᠭ᠃ | ᠡᠶᠢᠮᠦᠷᠬᠦ ᠰᠢᠯ ᠢ ᠲᠠ ᠨᠠᠷᠠᠨ ᠤ ᠭᠡᠷᠡᠯ ᠬᠤᠷᠴᠠ ᠭᠠᠵᠠᠷ᠂ ᠴᠠᠰᠤᠨ ᠳᠤ ᠭᠤᠯᠭᠤᠬᠤ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠵᠡᠭᠦᠵᠦ | ᠪᠤᠯᠤᠨᠠ᠃ | 3. ᠴᠢᠨᠠᠷ ᠮᠠᠭᠤᠲᠠᠢ ᠨᠠᠷᠠᠨ ᠰᠢᠯ ᠢ ᠪᠢᠲᠡᠬᠡᠢ ᠠᠪᠤᠭᠠᠷᠠᠢ | ᠬᠦᠮᠦᠰ ᠲᠤᠬᠢᠷᠠᠮᠵᠢ ᠦᠭᠡᠢ ᠨᠠᠷᠠᠨ ᠰᠢᠯ ᠰᠤᠩᠭᠤᠭᠰᠠᠨ ᠠᠴᠠ ᠪᠤᠯᠵᠤ ᠨᠢᠳᠦ ᠲᠡᠷᠡᠴᠢᠯᠡᠨ ᠡᠷᠡᠭᠦᠯ | ᠮᠡᠨᠳᠦ ᠪᠠᠨ ᠴᠦ ᠬᠤᠬᠢᠷᠠᠭᠤᠯᠬᠤ ᠠᠶᠤᠯᠲᠠᠢ ᠪᠠᠶᠢᠳᠠᠭ᠃ ᠲᠠ ᠬᠦᠳᠡᠭᠡ ᠬᠡᠭᠡᠷᠡ ᠵᠤᠭᠠᠴᠠᠵᠤ ᠶᠠᠪᠤᠬᠤ ᠳᠠᠭᠠᠨ 0 | ᠵᠡᠷᠭᠡ ᠪᠠ 2 ᠵᠡᠷᠭᠡ ᠶᠢᠨ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠ ᠠᠴᠠ ᠰᠠᠶᠢᠲᠤᠷ ᠬᠠᠮᠠᠭᠠᠯᠠᠵᠤ ᠦᠯᠦ ᠳᠡᠶᠢᠯᠬᠦ ᠰᠢᠯ ᠢ ᠵᠡᠭᠦᠵᠦ | ᠪᠤᠯᠬᠤ ᠦᠭᠡᠢ᠂ ᠲᠡᠶᠢᠮᠦᠷᠬᠦ ᠰᠢᠯ ᠨᠢ ᠭᠡᠳᠡᠷᠬᠦ ᠪᠠᠨ ᠬᠤᠤᠷ ᠪᠤᠯᠵᠤ ᠰᠢᠯ ᠵᠡᠭᠦᠬᠦ ᠦᠭᠡᠢ ᠪᠠᠨ ᠴᠦ ᠬᠦᠷᠬᠦ ᠦᠭᠡᠢ | ᠪᠤᠯᠭᠠᠳᠠᠭ ᠶᠤᠮ᠃ ᠡᠶᠢᠮᠦ ᠠᠴᠠ ᠰᠢᠯ ᠬᠤᠳᠠᠯᠳᠤᠵᠤ ᠠᠪᠬᠤ ᠳᠠᠭᠠᠨ ᠰᠠᠶᠢᠲᠤᠷ ᠠᠰᠠᠭᠤᠵᠤ ᠯᠠᠪᠯᠠᠭᠰᠠᠨ ᠤ ᠳᠠᠷᠠᠭᠠ | ᠰᠤᠩᠭᠤᠯᠲᠠ ᠪᠠᠨ ᠬᠢᠭᠡᠷᠡᠢ᠃ ᠬᠡᠲᠦ ᠶᠠᠭᠠᠨ ᠲᠤᠶᠠᠭᠠᠨ ᠠᠴᠠ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠵᠦᠭᠡᠷ ᠯᠡ | ᠭᠤᠶᠤᠮᠰᠤᠭ ᠬᠠᠷᠠᠭᠳᠠᠭᠤᠯᠬᠤ ᠰᠢᠯ ᠤᠳ ᠨᠢ ᠨᠢᠳᠦ ᠶᠢ ᠭᠡᠮᠲᠦᠭᠡᠬᠦ ᠠᠶᠤᠯᠲᠠᠢ ᠪᠠᠶᠢᠬᠤ ᠶᠢ ᠰᠠᠨᠠᠭᠤᠯᠤᠶᠠ᠃ | 4. ᠨᠠᠷᠠᠨ ᠰᠢᠯ ᠵᠡᠭᠦᠬᠦ ᠶᠢᠨ ᠰᠠᠶᠢᠨᠲᠠᠢ ᠲᠠᠯᠠ | ᠨᠠᠷᠠᠨ ᠰᠢᠯ ᠵᠡᠭᠦᠭᠰᠡᠨ ᠦᠭᠡᠢ ᠪᠠᠶᠢᠳᠠᠯ ᠳᠤ ᠨᠢᠳᠦ ᠭᠡᠮᠲᠦᠵᠦ ᠠᠷᠠᠰᠤ ᠬᠠᠭᠤᠷᠠᠶᠢᠰᠢᠨ ᠰᠢᠷᠠᠭᠳᠠᠬᠤ | ᠲᠤᠬᠢᠶᠠᠯᠳᠤᠯ ᠬᠠᠷᠢᠴᠠᠩᠭᠤᠢ ᠦᠨᠳᠦᠷ ᠪᠠᠶᠢᠳᠠᠭ ᠪᠢᠯᠡ᠃ ᠲᠡᠭᠡᠪᠡᠯ ᠨᠠᠷᠠᠨ ᠰᠢᠯ ᠵᠡᠭᠦᠬᠦ ᠶᠢᠨ ᠰᠠᠶᠢᠲᠠᠢ ᠲᠠᠯᠠ ᠶᠠᠭᠤ | ᠪᠠᠶᠢᠳᠠᠭ ᠪᠢᠯᠡ︖ | 10᠄ 00-16᠄ 00 ᠴᠠᠭ ᠤᠨ ᠬᠤᠭᠤᠷᠤᠨᠳᠦ ᠨᠠᠷᠠ ᠬᠠᠮᠤᠭ ᠤᠨ ᠶᠡᠭᠡ ᠪᠠᠷ ᠬᠤᠤᠷᠠᠲᠤ | ᠲᠤᠶᠠᠭᠠ ᠪᠠᠨ ᠰᠠᠴᠤᠷᠠᠭᠤᠯᠳᠠᠭ ᠪᠤᠯᠬᠤᠷ ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠤ ᠬᠡᠷᠪᠡ ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠪᠠᠷ | ᠲᠦᠯᠦᠪᠯᠡᠭᠰᠡᠨ ᠪᠤᠯ ᠵᠠᠪᠠᠯ ᠨᠠᠷᠠᠨ ᠰᠢᠯ ᠢᠶᠠᠨ ᠵᠡᠭᠦᠵᠦ ᠪᠠᠶᠢᠭᠠᠷᠠᠢ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1000 ᠮᠧᠲᠷ ᠡᠷᠭᠦᠭᠳᠡᠬᠦ ᠲᠤᠰᠤᠮ ᠬᠡᠲᠦ ᠶᠠᠭᠠᠨ | ᠲᠤᠶᠠᠭᠠᠨ ᠤ ᠬᠤᠤᠷᠠᠲᠤ ᠰᠠᠴᠤᠷᠠᠭ ᠤᠨ ᠮᠡᠳᠡᠷᠡᠭᠳᠡᠬᠦ ᠪᠠᠶᠢᠳᠠᠯ ᠨᠢ 5 ᠬᠤᠪᠢ ᠪᠠᠷ ᠨᠡᠮᠡᠭᠳᠡᠳᠡᠭ ᠶᠤᠮ᠃ | ᠲᠡᠶᠢᠮᠦ ᠠᠴᠠ ᠳᠠᠯᠠᠢ ᠶᠢᠨ ᠡᠷᠭᠢ᠂ ᠠᠮᠠᠷᠠᠯᠲᠠ ᠶᠢᠨ ᠭᠠᠵᠠᠷ ᠤᠳ ᠢᠶᠠᠷ ᠶᠠᠪᠤᠬᠤ ᠳᠠᠭᠠᠨ ᠨᠠᠷᠠᠨ ᠤ ᠲᠤᠶᠠᠭᠠᠨ ᠠᠴᠠ | ᠬᠠᠮᠠᠭᠠᠯᠠᠬᠤ ᠴᠢᠨᠠᠷ ᠰᠠᠶᠢᠨ ᠰᠢᠯ ᠰᠤᠩᠭᠤᠵᠤ ᠵᠡᠭᠦᠭᠡᠷᠡᠢ᠃ | ᠬᠡᠰᠡᠭ ᠬᠦᠮᠦᠰ ᠨᠠᠷᠠᠨ ᠰᠢᠯ ᠢ ᠵᠦᠪᠬᠡᠨ ᠨᠠᠷᠠᠨ ᠳᠤ ᠵᠡᠭᠦᠬᠦ ᠶᠤᠰᠤᠲᠠᠢ ᠭᠡᠵᠦ ᠪᠤᠳᠤᠬᠤ ᠮᠠᠭᠠᠳ᠂ ᠭᠡᠪᠡᠴᠦ | ᠪᠤᠷᠤᠭᠠᠨ ᠲᠠᠢ ᠶᠤᠮ ᠦᠦ ᠪᠦᠷᠬᠦᠭ ᠡᠳᠦᠷ ᠴᠦ ᠭᠡᠰᠡᠨ ᠵᠡᠭᠦᠵᠦ ᠨᠢᠳᠦ ᠪᠠᠨ ᠬᠠᠮᠠᠭᠠᠯᠠᠵᠤ ᠪᠤᠯᠬᠤ ᠶᠤᠮ᠃ |