| | ᠠᠮᠧᠷᠢᠺᠡ ᠶᠢᠨ ︽ᠡᠳᠦᠷ ᠪᠦᠷᠢ ᠶᠢᠨ ᠡᠮᠨᠡᠯᠭᠡ ᠶᠢᠨ ᠮᠡᠳᠡᠭᠡ︾ ᠰᠦᠯᠵᠢᠶᠡᠨ ᠤ ᠦᠷᠲᠡᠭᠡ ᠤᠶᠢᠷᠠ ᠳᠤ | ᠬᠡᠦᠬᠡᠨᠴᠦᠦᠯ ᠤᠨ ᠡᠬᠡ ᠠᠴᠠ ᠪᠠᠨ ᠤᠳᠤᠮᠯᠠᠵᠤ ᠮᠡᠳᠡᠬᠦ 9 ᠵᠦᠢᠯ ᠤᠨ ᠡᠪᠡᠳᠴᠢᠨ ᠢ ᠳ᠋ᠦᠩᠨᠡᠪᠡ᠄ | ᠬᠦᠬᠦᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠪᠠ ᠦᠨᠳᠡᠭᠡᠪᠴᠢ ᠶᠢᠨ ᠦᠮᠡᠨ᠄ ᠠᠩᠭ᠍ᠯᠢ ᠶᠢᠨ ᠡᠮᠦᠨᠡ ᠺᠠᠶᠢᠫᠦ᠋ᠳᠦ᠋ᠨ | ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠳᠤᠯᠭᠠᠲᠠᠳ ᠤᠨ ᠤᠯᠵᠤ ᠮᠡᠳᠡᠭᠰᠡᠨ ᠢᠶᠠᠷ᠂ ᠡᠬᠡ ᠨᠢ ᠬᠡᠷᠪᠡ ᠰᠠᠷᠠ ᠶᠢᠨ ᠭᠬᠢᠷ ᠨᠢ | ᠵᠤᠭᠰᠤᠬᠤ ᠠᠴᠠ ᠡᠮᠦᠨᠡ ᠬᠦᠬᠦᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠤᠯᠤᠭᠰᠠᠨ ᠪᠤᠯ ᠬᠡᠦᠬᠡᠨ ᠤ ᠬᠢᠨᠢ ᠬᠦᠬᠦᠨ | ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠪᠠ ᠦᠨᠳᠡᠭᠡᠪᠴᠢ ᠶᠢᠨ ᠦᠮᠡᠨ ᠳᠤ ᠨᠡᠷᠪᠡᠭᠳᠡᠬᠦ ᠪᠤᠯᠤᠮᠵᠢ ᠨᠢ ᠨᠡᠩ ᠶᠡᠭᠡ᠃ | ᠲᠠᠯᠠ ᠲᠤᠯᠤᠭᠠᠢ ᠡᠪᠡᠳᠬᠦ᠄ ᠰᠤᠳᠤᠯᠭᠠᠲᠠᠳ ᠤᠨ ᠢᠯᠡᠷᠡᠭᠦᠯᠦᠭᠰᠡᠨ ᠢᠶᠠᠷ᠂ ᠡᠬᠡ ᠨᠢ ᠲᠠᠯᠠ ᠲᠤᠯᠤᠭᠠᠢ | ᠡᠪᠡᠳᠳᠡᠭ ᠭᠡᠮ ᠲᠠᠢ ᠪᠤᠯ ᠬᠡᠦᠬᠡᠨ ᠨᠢ ᠡᠶᠢᠮᠦᠷᠬᠦ ᠡᠪᠡᠳᠴᠢᠨ ᠲᠠᠢ ᠪᠤᠯᠬᠤ ᠨᠤᠷᠮᠠ ᠪᠤᠰᠤᠳ ᠬᠦᠮᠦᠰ ᠠᠴᠠ 2-3 | ᠲᠠᠬᠢᠨ ᠦᠨᠳᠦᠷ ᠪᠠᠶᠢᠵᠤ᠂ ᠡᠬᠡ ᠨᠢ ᠠᠩᠬᠠ ᠡᠬᠢᠯᠡᠵᠦ ᠡᠪᠡᠳᠦᠭᠰᠡᠨ ᠨᠢ 17 ᠨᠠᠰᠤᠨ ᠠᠴᠠ ᠡᠮᠦᠨᠡ ᠮᠦᠷᠲᠡᠭᠡᠨ | ᠢᠯᠡᠷᠡᠯ ᠨᠢ ᠬᠦᠨᠳᠦ ᠪᠤᠯ ᠨᠡᠷᠪᠡᠭᠳᠡᠬᠦ ᠨᠤᠷᠮᠠ ᠨᠡᠩ ᠦᠨᠳᠦᠷ᠃ | ᠶᠠᠰᠤ ᠰᠡᠶᠢᠷᠡᠭᠵᠢᠬᠦ᠄ ᠶᠠᠫᠤᠨ ᠤ ᠰᠤᠳᠤᠯᠭᠠᠲᠠᠳ ᠤᠨ ᠦᠵᠡᠬᠦ ᠪᠠᠷ᠂ ᠡᠬᠡ ᠶᠢᠨ ᠬᠢᠨᠢ ᠶᠠᠰᠤᠨ ᠤ ᠨᠢᠭᠲᠠᠴᠠ | ᠨᠡᠯᠢᠶᠡᠳ ᠳᠤᠤᠷᠠ ᠪᠤᠯ ᠬᠡᠦᠬᠡᠨ ᠤ ᠬᠢᠨᠢ ᠶᠠᠰᠤ ᠰᠡᠶᠢᠷᠡᠭᠵᠢᠬᠦ ᠨᠤᠷᠮᠠ ᠲᠠᠬᠢᠨ ᠢᠶᠠᠷ ᠦᠨᠳᠦᠷ ᠪᠠᠶᠢᠳᠠᠭ᠃ ᠭᠠᠷᠠᠭ | ᠪᠦᠷᠢ 2-3 ᠤᠳᠠᠭᠠ ᠬᠦᠴᠦ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠬᠦ ᠪᠠ ᠬᠦᠴᠢᠯᠲᠦ᠋ᠷᠦᠭᠴᠢᠲᠦ ᠬᠦᠳᠡᠯᠭᠡᠭᠡᠨ ᠬᠢᠪᠡᠯ | ᠶᠠᠰᠤᠨ ᠤ ᠨᠢᠭᠲᠠᠴᠠ ᠶᠢ ᠨᠡᠮᠡᠭᠳᠡᠭᠦᠯᠳᠡᠭ᠃ | ᠦᠶᠡ ᠭᠡᠰᠢᠭᠦᠦ ᠶᠢᠨ ᠦᠷᠪᠢᠰᠦᠯ᠄ ᠠᠮᠧᠷᠢᠺᠡ ᠶᠢᠨ ᠸᠠᠰᠢᠩᠲ᠋ᠣᠨ ᠳᠠᠬᠢ ᠦᠶᠡ ᠭᠡᠰᠢᠭᠦᠦ ᠶᠢᠨ | ᠡᠪᠡᠳᠴᠢᠨ ᠤ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠳ ᠤᠨ ᠤᠯᠵᠤ ᠮᠡᠳᠡᠭᠰᠡᠨ ᠢᠶᠠᠷ᠂ ᠬᠡᠷᠦᠬᠦ ᠴᠢᠨᠠᠷᠲᠠᠢ ᠦᠶᠡ ᠭᠡᠰᠢᠭᠦᠦ ᠶᠢᠨ | ᠦᠷᠪᠢᠰᠦᠯ᠂ ᠭᠠᠷ ᠤᠨ ᠠᠯᠠᠭᠠ ᠶᠢᠨ ᠦᠶᠡ ᠭᠡᠰᠢᠭᠦᠦ ᠶᠢᠨ ᠦᠷᠪᠢᠰᠦᠯ ᠤᠯᠠᠩᠬᠢ ᠳᠠᠭᠠᠨ ᠤᠳᠤᠮᠯᠠᠯ ᠠᠴᠠ ᠪᠤᠯᠳᠠᠭ | ᠂ ᠭᠡᠶᠡ ᠡᠪᠦᠳᠦᠭ ᠤᠨ ᠶᠠᠰᠤᠨ ᠤ ᠦᠶᠡ ᠭᠡᠰᠢᠭᠦᠦ ᠶᠢᠨ ᠦᠷᠪᠢᠰᠦᠯ ᠪᠡᠶᠡ ᠶᠢᠨ ᠬᠦᠨᠳᠦ ᠪᠠ ᠲᠠᠮᠢᠷ ᠤᠨ | ᠬᠦᠳᠡᠯᠭᠡᠭᠡᠨ ᠠᠴᠠ ᠪᠤᠯᠵᠤ ᠨᠡᠷᠪᠡᠭᠳᠡᠬᠦ ᠨᠢ ᠠᠷᠪᠢᠨ᠃ | ᠰᠢᠳᠦ ᠬᠤᠷᠤᠬᠠᠶᠢᠲᠤᠬᠤ ᠪᠠ ᠪᠤᠶᠢᠯᠠ ᠶᠢᠨ ᠡᠪᠡᠳᠴᠢᠨ᠄ ᠰᠤᠳᠤᠯᠭᠠᠨ ᠳᠤ ᠤᠯᠵᠤ ᠮᠡᠳᠡᠭᠰᠡᠨ ᠢᠶᠠᠷ᠂ | 45% ᠶᠢᠨ ᠰᠢᠳᠤ ᠬᠤᠷᠤᠬᠠᠶᠢᠲᠤᠬᠤ ᠪᠠ 39% ᠶᠢᠨ ᠪᠤᠶᠢᠯᠠ ᠶᠢᠨ ᠠᠰᠠᠭᠤᠳᠠᠯ ᠤᠳᠤᠮᠯᠠᠯ ᠠᠴᠠ ᠪᠤᠯᠳᠠᠭ᠂ | ᠠᠮᠠᠨ ᠬᠦᠨᠳᠡᠢ ᠶᠢᠨ ᠡᠪᠡᠳᠴᠢᠨ ᠤ ᠤᠳᠤᠮᠯᠠᠯ ᠲᠠᠢ ᠬᠦᠮᠦᠰ ᠨᠠᠭᠠᠲᠤ ᠵᠠᠬᠠ ᠳᠠᠭᠠᠨ ᠬᠤᠶᠠᠷ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ | ᠰᠢᠳᠦ ᠪᠠᠨ ᠪᠠᠶᠢᠴᠠᠭᠠᠯᠭᠠᠵᠤ᠂ ᠡᠳᠦᠷ ᠪᠦᠷᠢ ᠬᠤᠶᠠᠷ ᠤᠳᠠᠭᠠ ᠰᠢᠳᠦ ᠪᠠᠨ ᠱᠤᠸᠠᠰᠠᠲᠠᠬᠤ ᠶᠢᠨ ᠬᠠᠮᠲᠤ ᠠᠮᠠ | ᠵᠠᠶᠢᠯᠬᠤ ᠤᠰᠤ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ | ᠭᠠᠩᠰᠠᠷᠠᠬᠤ᠄ ︽ᠡᠩ ᠤᠨ ᠤᠶᠤᠨ ᠰᠠᠨᠠᠭᠠᠨ ᠤ ᠡᠪᠡᠳᠴᠢᠨ ᠤ ᠰᠤᠳᠤᠯᠤᠯ︾ ᠰᠡᠳᠬᠦᠯ ᠳᠤ | ᠨᠡᠶᠢᠲᠡᠯᠡᠭᠰᠡᠨ ᠨᠢᠭᠡᠨ ᠰᠤᠳᠤᠯᠭᠠᠨ ᠤ ᠬᠡᠯᠡᠬᠦ ᠪᠠᠷ᠂ ᠭᠠᠩᠰᠠᠷᠠᠬᠤ ᠭᠡᠮ ᠤᠨ ᠤᠳᠤᠮᠯᠠᠬᠤ ᠨᠤᠷᠮᠠ ᠨᠢ 40% | ᠬᠦᠷᠳᠡᠭ᠃ ᠰᠤᠳᠤᠯᠭᠠᠲᠠᠳ ᠤᠨ ᠰᠠᠨᠠᠭᠤᠯᠬᠤ ᠪᠠᠷ᠂ ᠬᠦᠴᠢᠯᠲᠦ᠋ᠷᠦᠭᠴᠢᠲᠦ ᠬᠦᠳᠡᠯᠭᠡᠭᠡᠨ ᠢᠯᠡᠭᠦᠦ ᠬᠢᠵᠦ | ᠡᠸᠦ᠋ᠮᠢᠭᠠ 3 ᠦᠭᠡᠬᠦᠨ ᠬᠦᠴᠢᠯ ᠢᠯᠡᠭᠦᠦ ᠰᠢᠩᠭᠡᠭᠡᠪᠡᠯ ᠭᠠᠩᠰᠠᠷᠠᠯ ᠢ ᠠᠷᠢᠯᠭᠠᠬᠤ ᠳᠤ ᠲᠤᠰᠠᠲᠠᠢ᠃ | ᠵᠢᠷᠦᠬᠡᠨ ᠡᠪᠡᠳᠴᠢᠨ᠄ ᠵᠢᠷᠦᠬᠡ ᠴᠢᠰᠤᠨ ᠰᠤᠳᠠᠯ ᠤᠨ ᠡᠪᠡᠳᠴᠢᠨ ᠤ ᠬᠠᠭᠠᠰ ᠡᠪᠡᠳᠴᠢᠯᠡᠬᠦ ᠡᠯᠧᠮᠧᠨ᠋ᠲ ᠨᠢ | ᠤᠳᠤᠮᠯᠠᠯ ᠠᠴᠠ ᠪᠤᠯᠳᠠᠭ᠃ ᠡᠬᠡ ᠨᠢ ᠬᠡᠷᠪᠡ 65 ᠨᠠᠰᠤᠨ ᠠᠴᠠ ᠡᠮᠦᠨᠡ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠤᠯᠤᠭᠰᠠᠨ ᠪᠤᠯ | ᠬᠡᠦᠬᠡᠨ ᠤ ᠬᠢᠨᠢ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠬᠦ ᠨᠤᠷᠮᠠ 25%-30% ᠪᠠᠷ ᠨᠡᠮᠡᠭᠳᠡᠳᠡᠭ᠃ | ᠬᠦᠭᠰᠢᠷᠡᠯ ᠤᠨ ᠬᠤᠭᠤᠴᠠᠭᠠᠨ ᠤ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠭᠡᠮ᠄ 2400 ᠡᠮᠡᠭᠲᠡᠢ ᠳᠤ ᠬᠠᠨᠳᠤᠭᠤᠯᠤᠭᠰᠠᠨ | ᠨᠢᠭᠡᠨ ᠪᠠᠶᠢᠴᠠᠭᠠᠯᠲᠠ ᠳᠤ ᠤᠯᠵᠤ ᠮᠡᠳᠡᠭᠰᠡᠨ ᠢᠶᠠᠷ᠂ ᠬᠦᠭᠰᠢᠷᠡᠯ ᠤᠨ ᠬᠤᠭᠤᠴᠠᠭᠠᠨ ᠤ ᠶᠡᠷᠦᠩᠬᠡᠶᠢᠡᠯᠭᠰᠡᠨ ᠭᠡᠮ ᠲᠠᠢ | ᠡᠮᠡᠭᠲᠡᠶᠢᠴᠦᠦᠯ ᠤᠨ ᠲᠤᠲᠤᠷᠠ ᠨᠠᠭᠠᠲᠤ ᠵᠠᠬᠠ ᠳᠠᠭᠠᠨ ᠬᠠᠭᠠᠰ ᠨᠢ ᠤᠳᠤᠮᠯᠠᠯ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ | ᠠᠷᠢᠬᠢᠨ ᠳᠤ ᠰᠢᠨᠤᠬᠤ᠄ ᠠᠮᠧᠷᠢᠺᠡ ᠶᠢᠨ ᠹᠦᠰᠢᠨᠢᠶᠠ ᠵᠸᠦ ᠶᠢᠨ ᠠᠷᠢᠬᠢᠨ ᠰᠢᠨᠤᠯ ᠢ ᠡᠮᠨᠡᠬᠦ ᠭᠠᠵᠠᠷ ᠤᠨ | ᠰᠤᠳᠤᠯᠭᠠᠲᠠᠳ ᠤᠨ ᠤᠯᠵᠤ ᠮᠡᠳᠡᠭᠰᠡᠨ ᠢᠶᠠᠷ᠂ ᠠᠷᠢᠬᠢ ᠶᠡᠭᠡ ᠤᠤᠭᠤᠳᠠᠭ ᠡᠮᠡᠭᠲᠡᠢ ᠶᠢᠨ ᠬᠡᠦᠬᠡᠨ ᠨᠢ ᠬᠤᠵᠢᠮ | ᠠᠷᠢᠬᠢᠨ ᠰᠢᠨᠤᠯ ᠲᠠᠢ ᠪᠤᠯᠬᠤ ᠨᠤᠷᠮᠠ ᠪᠤᠰᠤᠳ ᠠᠴᠠ 3-4 ᠲᠠᠬᠢᠨ ᠦᠨᠳᠦᠷ ᠪᠠᠶᠢᠳᠠᠭ᠃ |