| | ᠪᠠᠳᠮᠠᠷᠢᠨᠴᠢᠨ | | ᠨᠠᠳᠠᠳᠤ ᠬᠡᠷᠡᠭ ᠲᠠᠢ ᠶᠠᠭᠤᠮᠠ ᠪᠠᠶᠢᠨᠠ | ᠨᠠᠪᠴᠢᠨ ᠳᠡᠭᠡᠷᠡ ᠪᠦᠮᠪᠦᠭᠡᠨᠡᠬᠦ ᠰᠢᠭᠦᠳᠡᠷᠢ | ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠮᠡᠯᠡᠰᠬᠢᠨ | ᠭᠠᠵᠠᠷ ᠲᠠᠭᠠᠨ ᠰᠢᠩᠭᠡᠬᠦ ᠰᠢᠭ | ᠨᠤᠲᠤᠭ ᠲᠠᠭᠠᠨ ᠨᠢᠭᠡᠳᠬᠦ ᠠᠮᠢᠳᠤᠷᠠᠯ | ᠨᠢᠳᠤᠨ ᠤ ᠬᠠᠷᠠᠴᠠᠨ ᠳᠤ ᠭᠢᠯᠠᠰᠬᠢᠨ | ᠲᠡᠦᠬᠡᠨ ᠳᠡᠭᠡᠨ ᠪᠤᠴᠠᠬᠤ ᠰᠢᠭ᠋ | ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠤᠩᠰᠢᠯᠭᠠ ᠲᠠᠢ | ᠨᠠᠷᠮᠠᠢ ᠮᠤᠩᠭᠤᠯ ᠤᠨ ᠬᠦᠮᠦᠵᠢᠯ ᠪᠠᠶᠢᠨᠠ | ᠨᠠᠰᠤᠨ ᠲᠤᠭᠠᠯᠠᠩ ᠤᠨ ᠨᠢᠭᠡ ᠯᠡ ᠠᠮᠢᠰᠬᠤᠭᠠ ᠪᠠᠶᠢᠭᠰᠠᠨ ᠴᠦ | ᠨᠠᠷᠠᠲᠤ ᠬᠤᠷᠸᠠ ᠳᠤ ᠴᠢᠯᠦᠭᠡ ᠲᠠᠢ ᠠᠮᠢᠳᠤᠷᠠᠵᠤ | ︽ᠬᠠᠳᠠᠨ ᠭᠡᠷ︾ ᠲᠡᠭᠡᠨ ᠶᠠᠪᠤᠬᠤ ᠪᠤᠯᠤᠭᠰᠠᠨ ᠴᠦ | ᠬᠠᠭᠠᠷᠬᠠᠢ ᠲᠤᠯᠢ ᠳᠤ ᠵᠢᠰᠦ ᠪᠠᠨ ᠦᠵᠡᠬᠦ ᠦᠭᠡᠢ | ᠬᠠᠶᠢᠷᠠᠲᠤ ᠬᠦᠮᠦᠨ ᠲᠠᠢ ᠪᠠᠨ ᠬᠠᠭᠠᠴᠠᠨ ᠰᠠᠯᠬᠤ ᠦᠭᠡᠢ | ᠬᠠᠭᠠᠨ ᠠᠭᠤᠯᠠ ᠰᠢᠭ᠋ ᠪᠠᠲᠤ ᠵᠤᠭᠰᠤᠨᠠ | | ᠨᠠᠳᠠᠳᠤ ᠬᠡᠷᠡᠭ ᠲᠠᠢ ᠶᠠᠭᠤᠮᠠ ᠪᠠᠶᠢᠨᠠ | ᠨᠤᠮ ᠤᠨ ᠬᠦᠷᠳᠦ ᠲᠠᠢ | ᠨᠡᠭᠦᠳᠡᠯ ᠤᠨ ᠴᠤᠪᠤᠭᠠ ᠲᠠᠢ | ᠲᠡᠩᠨᠡᠭᠡ ᠲᠡᠭᠰᠢ ᠲᠡᠮᠡᠭᠡᠨ ᠠᠴᠢᠶᠠ ᠲᠠᠢ | ᠲᠡᠩᠴᠡᠭᠦᠷᠢ ᠮᠦᠩᠬᠡ ᠲᠡᠭᠷᠢ ᠶᠢᠨ ᠰᠢᠲᠦᠭᠡᠨ ᠲᠠᠢ | ᠲᠠᠯᠠ ᠳᠤ ᠪᠡᠯᠴᠢᠬᠦ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠢ | ᠲᠡᠦᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠨᠡᠬᠦᠰ ᠬᠢᠶᠠᠨ ᠤ ᠳᠤᠮᠤᠭ ᠲᠠᠢ | ᠨᠡᠭᠦᠳᠡᠯ ᠰᠤᠶᠤᠯ ᠤᠨ ᠬᠦᠷᠦᠩᠭᠡ ᠪᠠᠶᠢᠨᠠ | | ᠨᠠᠳᠠᠳᠤ ᠬᠡᠷᠡᠭ ᠲᠠᠢ ᠶᠠᠭᠤᠮᠠ ᠪᠠᠶᠢᠨᠠ | ᠪᠠᠶᠢᠭᠠᠯᠢ ᠠᠬᠤᠢ ᠪᠦᠮᠪᠦᠷᠴᠡᠭ ᠪᠦᠲᠦᠨ | ᠨᠢᠭᠡ ᠯᠡ ᠲᠡᠩᠭᠡᠯᠢᠭ ᠲᠤ ᠤᠷᠤᠰᠢᠬᠤ ᠨᠢᠭᠡᠲᠦᠯ ᠤᠨ ᠵᠢᠮᠡ ᠶᠢ | ᠤᠳᠤᠨ ᠪᠠᠰᠠ ᠭᠠᠷᠬᠤ ᠦᠭᠡᠢ ᠤᠲᠤᠷ ᠲᠤᠪᠦ ᠳᠠᠭᠠᠨ | ᠤᠨᠲᠠᠵᠤ ᠪᠠᠶᠢᠭᠠᠳ ᠮᠡᠳᠡᠴᠢᠬᠡᠬᠦ | ᠤᠨᠠᠭᠠ ᠳᠠᠭᠠ ᠶᠢᠨ ᠪᠡᠯᠴᠢᠭᠡᠷ ᠲᠡᠭᠡᠨ | ᠤᠷᠭᠠ ᠶᠢᠨ ᠬᠤᠶᠢᠪᠢ ᠠᠴᠠ ᠪᠠᠨ ᠤᠬᠠᠭᠠᠷᠠᠬᠤ | ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠭᠠᠶᠢᠬᠠᠮᠰᠢᠭ ᠢ | ᠮᠠᠨ ᠤ ᠳᠡᠭᠡᠳᠦᠰ ᠤᠯᠠᠮᠵᠢᠯᠠᠭᠰᠠᠨ ᠶᠤᠮ | ᠮᠠᠷᠭᠠᠰᠢ ᠲᠠ ᠤᠮᠠᠷᠳᠠᠵᠤ | ᠮᠠᠨᠠᠨ ᠪᠤᠬᠢᠷᠲᠤᠯ ᠠᠴᠠ ᠡᠷᠢᠬᠦ ᠶᠤᠮ ᠪᠤᠯ | ᠮᠠᠬᠠᠪᠤᠳ ᠴᠢᠨᠠᠷ ᠴᠢᠨᠢ ᠡᠪᠳᠡᠷᠡᠵᠦ | ᠮᠠᠰᠢᠨ ᠬᠦᠮᠦᠨ ᠵᠠᠷᠤᠭᠰᠠᠨ ᠴᠦ | ᠮᠠᠭᠠᠳ ᠶᠠᠭᠤᠨ ᠤ ᠬᠡᠷᠡᠭ | ᠮᠦᠩᠬᠡ ᠤᠷᠤᠰᠢᠬᠤ ᠰᠤᠶᠤᠯ ᠢ | ᠮᠠᠨ ᠠᠴᠠ ᠲᠠᠬᠢᠭᠠᠳ ᠰᠤᠷᠤᠨᠠ | | ᠨᠠᠳᠠᠳᠤ ᠬᠡᠷᠡᠭ ᠲᠠᠢ ᠶᠠᠭᠤᠮᠠ ᠪᠠᠶᠢᠨᠠ | ᠭᠠᠯ ᠳᠤ ᠤᠷᠤᠭᠰᠠᠨ ᠴᠦ | ᠤᠰᠤ ᠪᠠᠨ ᠪᠤᠬᠢᠷᠳᠤᠭᠤᠯᠬᠤ ᠦᠭᠡᠢ | ᠤᠰᠤᠨ ᠳᠤ ᠤᠨᠠᠭᠰᠠᠨ ᠴᠦ | ᠰᠢᠷᠤᠢ ᠪᠠᠨ ᠤᠷᠤᠰᠬᠠᠬᠤ ᠦᠭᠡᠢ | ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠤᠯᠠᠮᠵᠢᠯᠠᠬᠤ ᠬᠡᠪ ᠴᠢᠨᠠᠷ ᠪᠠᠶᠢᠨᠠ᠃ |