| | ᠳᠤᠷᠠᠨ ᠪᠠᠶᠢᠭᠰᠠᠨ ᠦᠭᠡᠢ ᠪᠤᠯ ᠤᠳᠤ ᠦᠶᠡ ᠶᠢᠨ ᠤᠳᠤᠨ ᠤᠷᠤᠨ ᠤ ᠰᠤᠳᠤᠯᠭᠠᠨ ᠭᠡᠵᠦ ᠪᠠᠶᠢᠵᠤ | ᠴᠢᠳᠠᠰᠢ ᠦᠭᠡᠢ ᠶᠤᠮ᠃ 1609 ᠤᠨ ᠳᠤ᠂ ᠢᠲ᠋ᠠᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠲᠠᠨ ᠭᠠᠯᠢᠯᠸᠢ ᠨᠢᠭᠡᠨ ᠳ᠋ᠢᠶᠠᠮᠧᠲᠷ | ᠨᠢ 4.2 ᠰᠡᠨᠲ᠋ᠢᠮᠧᠲᠷ ᠪᠤᠯᠬᠤ ᠦᠪᠡᠷᠲᠡᠭᠡᠨ ᠦᠢᠯᠡᠳᠦᠭᠰᠡᠨ ᠳᠤᠷᠠᠨ ᠢᠶᠠᠷ ᠰᠠᠷᠠᠨ ᠪᠦᠮᠪᠦᠷᠴᠡᠭ ᠤᠨ ᠭᠠᠳᠠᠷᠭᠤ ᠶᠢᠨ | ᠦᠨᠳᠦᠷ ᠨᠠᠮ ᠳᠡᠭᠰᠢ ᠪᠤᠰᠤ ᠴᠠᠭᠠᠷᠢᠭ ᠠᠭᠤᠯᠠ ᠶᠢ ᠤᠯᠵᠤ ᠬᠠᠷᠠᠵᠤ᠂ ᠳᠤᠷᠠᠨ ᠢᠶᠠᠷ ᠤᠳᠤᠨ ᠴᠤᠭᠴᠠᠰ ᠢ | ᠠᠵᠢᠭᠯᠠᠭᠰᠠᠨ ᠠᠩᠬᠠᠨ ᠤ ᠬᠦᠮᠦᠨ ᠪᠤᠯᠵᠠᠢ᠃ | ᠤᠳᠤ ᠦᠶᠡ ᠶᠢᠨ ᠤᠳᠤᠨ ᠤᠷᠤᠨ ᠤ ᠳᠤᠷᠠᠨ ᠨᠢ ᠬᠤᠭᠤᠷᠠᠯᠲᠠ ᠳᠤᠷᠠᠨ᠂ ᠤᠶᠢᠯᠲᠠᠲᠤ ᠳᠤᠷᠠᠨ᠂ | ᠬᠤᠭᠤᠷᠠᠯᠲᠠ ᠤᠶᠢᠯᠲᠠᠲᠤ ᠳᠤᠷᠠᠨ ᠭᠡᠵᠦ ᠭᠤᠷᠪᠠᠨ ᠶᠡᠭᠡ ᠲᠦᠷᠦᠯ ᠳᠤ ᠬᠤᠪᠢᠶᠠᠵᠤ᠂ ᠤᠯᠠᠨ ᠶᠠᠩᠵᠤ ᠶᠢᠨ ᠪᠤᠢ᠃ | ᠷᠠᠳᠢᠤ᠋ ᠳᠤᠷᠠᠨ ᠭᠡᠭᠴᠢ ᠳᠦᠭᠦᠮ ᠢᠶᠠᠷ ᠬᠡᠯᠡᠪᠡᠯ᠂ ᠤᠳᠤᠨ ᠴᠤᠭᠴᠠᠰ ᠤᠨ ᠷᠠᠳᠢᠤ᠋ ᠳᠤᠯᠭᠢᠶᠠᠨ ᠢ ᠬᠦᠯᠢᠶᠡᠨ ᠠᠪᠳᠠᠭ | ᠳᠤᠷᠠᠨ ᠪᠤᠯᠤᠨᠠ᠃ ᠲᠡᠭᠦᠨ ᠤ ᠠᠵᠢᠯᠯᠠᠬᠤ ᠶᠤᠰᠤ ᠨᠢ ᠤᠳᠤᠨ ᠴᠤᠭᠴᠠᠰ ᠠᠴᠠ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠷᠠᠳᠢᠤ᠋ | ᠳᠤᠯᠭᠢᠶᠠᠨ ᠢ ᠤᠶᠢᠯᠲᠠ ᠶᠢᠨ ᠭᠠᠳᠠᠷᠭᠤ ᠪᠠᠷ ᠤᠶᠢᠵᠤ᠂ ᠢᠵᠢᠯᠢ ᠹᠠᠰ ︵ᠬᠡᠪ ᠪᠠᠶᠢᠳᠠᠯ︶ ᠢᠶᠠᠷ ᠨᠡᠶᠢᠲᠡ ᠶᠢᠨ | ᠲᠦᠪᠯᠡᠷᠡᠯ ᠤᠨ ᠴᠢᠭ ᠲᠤ ᠲᠦᠪᠯᠡᠷᠡᠭᠦᠯᠵᠦ ᠵᠢᠷᠤᠭ ᠳᠦᠷᠰᠦ ᠪᠦᠲᠦᠭᠡᠨᠡ᠃ | 9 ᠰᠠᠷᠠ ᠶᠢᠨ25 ᠤ ᠡᠳᠦᠷ᠂ ︽ᠲᠡᠭᠷᠢ ᠶᠢᠨ ᠨᠢᠳᠦ︾ ᠭᠡᠮᠡᠭᠳᠡᠭᠰᠡᠨ 500 ᠮᠧᠲᠷ ᠤᠨ ᠳ᠋ᠢᠶᠠᠮᠧᠲᠷ | ᠪᠦᠬᠦᠢ ᠪᠦᠮᠪᠦᠷᠭᠡᠨ ᠭᠠᠳᠠᠷᠭᠤ ᠲᠠᠢ ᠷᠠᠳᠢᠤ᠋ ᠳᠤᠷᠠᠨ ︵FAST︶ ᠳᠤᠮᠳᠠᠳᠤ ᠤᠯᠤᠰ ᠤᠨ ᠭᠦᠢᠵᠸᠦ ᠮᠤᠵᠢ ᠶᠢᠨ | ᠫᠢᠩ ᠲᠠᠩ ᠰᠢᠶᠠᠨ ᠤ ᠺᠠᠰᠲ᠋ᠧ ᠬᠤᠲᠤᠭᠤᠷ ᠲᠤ ᠠᠰᠢᠭᠯᠠᠯᠲᠠ ᠳᠤ ᠤᠷᠤᠵᠠᠢ᠃ ᠡᠨᠡ ᠪᠤᠯ ᠮᠠᠨ ᠤ ᠤᠯᠤᠰ ᠤᠨ | ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠮᠡᠳᠡᠯᠭᠡ ᠶᠢᠨ ᠦᠮᠴᠢᠯᠡᠯ ᠤᠨ ᠡᠷᠬᠡ ᠪᠦᠬᠦᠢ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠳ᠋ᠢᠶᠠᠮᠧᠲᠷ ᠨᠢ ᠬᠠᠮᠤᠭ | ᠶᠡᠭᠡ᠂ ᠬᠠᠮᠤᠭ ᠬᠤᠷᠴᠠ ᠰᠡᠷᠭᠡᠭ ᠷᠠᠳᠢᠤ᠋ ᠳᠤᠷᠠᠨ ᠪᠤᠯᠤᠨᠠ᠃ | | 1.FAST ᠬᠡᠳᠦᠢ ᠲᠤᠮᠤ ᠪᠤᠢ︖ | 500 ᠮᠧᠲᠷ ᠤᠨ ᠳ᠋ᠢᠶᠠᠮᠧᠲᠷ ᠪᠦᠬᠦᠢ FAST ᠳᠤᠷᠠᠨ ᠪᠤᠯ ᠤᠳᠤᠬᠢ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠳ᠋ᠢᠶᠠᠮᠧᠲᠷ | ᠨᠢ ᠬᠠᠮᠤᠭ ᠶᠡᠭᠡ ᠳ᠋ᠠᠩ ᠴᠤᠭᠴᠠ ᠶᠢᠨ ᠷᠠᠳᠢᠤ᠋ ᠳᠤᠷᠠᠨ ᠪᠤᠯᠤᠨᠠ᠃ ᠲᠡᠭᠦᠨ ᠤ ᠬᠦᠯᠢᠶᠡᠨ ᠠᠪᠬᠤ ᠭᠠᠳᠠᠷᠭᠤ ᠨᠢ 30 | ᠪᠠᠷᠢᠮᠵᠢᠶᠠᠲᠤ ᠬᠦᠯ ᠪᠦᠮᠪᠦᠭᠡᠨ ᠤ ᠲᠠᠯᠠᠪᠠᠢ ᠲᠠᠢ ᠲᠡᠩᠴᠡᠨᠡ᠃ FAST ᠢ ᠨᠢᠭᠡ ᠲᠤᠮᠤ ︽ᠨᠢᠳᠦ︾ ᠪᠠᠷ | ᠵᠢᠱᠢᠶᠡᠯᠡᠪᠡᠯ᠂ ᠡᠨᠡᠬᠦ ᠲᠤᠮᠤ ︽ᠨᠢᠳᠦ︾ ᠶᠢᠨ ᠨᠢᠳᠦᠨ ᠠᠯᠢᠮᠠ ᠶᠢᠨ ᠳ᠋ᠢᠶᠠᠮᠧᠲᠷ ᠨᠢ 500 ᠮᠧᠲᠷ᠂ ᠭᠡᠷᠡᠯ ᠤᠨ | ᠰᠠᠴᠤᠷᠠᠭ ᠢ ᠬᠦᠯᠢᠶᠡᠨ ᠠᠪᠬᠤ ᠨᠢᠳᠦᠨ ᠴᠡᠴᠡᠭᠡᠢ ᠶᠢᠨ ᠳ᠋ᠢᠶᠠᠮᠧᠲᠷ ᠨᠢ 300 ᠮᠧᠲᠷ ᠪᠠᠶᠢᠳᠠᠭ᠃ | | 2.FAST ᠢ ᠪᠠᠶᠢᠭᠤᠯᠬᠤ ᠳᠤ ᠬᠡᠳᠦᠢ ᠵᠢᠯ ᠬᠡᠷᠡᠭᠯᠡᠭᠰᠡᠨ ᠪᠤᠢ︖ | FAST ᠳᠤᠷᠠᠨ ᠨᠢ ᠰᠠᠨᠠᠭᠠᠴᠢᠯᠠᠭᠠᠲᠤ ᠤᠶᠢᠯᠲᠠ ᠶᠢᠨ ᠭᠠᠳᠠᠷᠭᠤ ᠶᠢᠨ ᠰᠢᠰᠲ᠋ᠧᠮ᠂ ᠲᠤᠰᠬᠠᠯ ᠤᠨ | ᠡᠬᠢ ᠶᠢ ᠲᠤᠯᠭᠠᠭᠤᠷᠢᠯᠠᠬᠤ ᠰᠢᠰᠲ᠋ᠧᠮ᠂ ᠬᠠᠶᠢᠨ ᠬᠡᠮᠵᠢᠬᠦ ᠪᠤᠯᠤᠨ ᠡᠵᠡᠮᠳᠡᠬᠦ ᠰᠢᠰᠲ᠋ᠧᠮ᠂ ᠬᠦᠯᠢᠶᠡᠨ ᠠᠪᠬᠤ ᠮᠠᠰᠢᠨ | ᠲᠦᠬᠦᠭᠡᠷᠦᠮᠵᠢ ᠵᠢᠴᠢ ᠬᠠᠶᠢᠨ ᠬᠡᠮᠵᠢᠬᠦ ᠰᠠᠭᠤᠷᠢᠨ ᠵᠡᠷᠭᠡ ᠬᠡᠳᠦᠨ ᠶᠡᠭᠡ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠵᠡᠢ᠃ | ᠰᠠᠨᠠᠭᠠᠴᠢᠯᠠᠭᠠᠲᠤ ᠤᠶᠢᠯᠲᠠ ᠶᠢᠨ ᠭᠠᠳᠠᠷᠭᠤ ᠨᠢ ᠲᠦᠮᠡ ᠭᠠᠷᠤᠢ ᠪᠤᠯᠤᠳ ᠭᠢᠨᠵᠢ ᠪᠤᠯᠤᠨ 4450 ᠬᠡᠰᠡᠭ | ᠤᠶᠢᠯᠲᠠ ᠶᠢᠨ ᠨᠢᠭᠡᠴᠡ ᠶᠢᠨ ᠰᠡᠯᠪᠢᠩ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠳᠠᠭ᠃ ᠨᠠᠨ ᠷᠧᠨ ᠳ᠋ᠦᠩ ᠢᠶᠠᠷ | ᠲᠦᠷᠦᠭᠦᠯᠦᠭᠦᠯᠦᠭᠰᠡᠨ ᠮᠠᠨ ᠤ ᠤᠯᠤᠰ ᠤᠨ ᠤᠳᠤᠨ ᠤᠷᠤᠨ ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠲᠠᠨ 1994 ᠤᠨ ᠳᠤ | FAST ᠢ ᠪᠠᠶᠢᠭᠤᠯᠬᠤ ᠲᠦᠰᠦᠯ ᠳᠤᠷᠠᠳᠴᠤ᠂ ᠪᠡᠯᠡᠳᠬᠡᠯ ᠰᠤᠳᠤᠯᠭᠠᠨ ᠠᠴᠠ ᠪᠤᠳᠠᠲᠠᠢ ᠪᠠᠶᠢᠭᠤᠯᠤᠭᠳᠠᠬᠤ | ᠪᠤᠯᠲᠠᠯᠠ 22 ᠵᠢᠯ ᠬᠡᠷᠡᠭᠰᠡᠵᠡᠢ᠃ | 3.FAST ᠢᠶᠠᠷ ᠬᠡᠳᠦᠢ ᠬᠤᠯᠠ ᠶᠢ ᠠᠵᠢᠭᠯᠠᠵᠤ ᠳᠡᠶᠢᠯᠬᠦ ᠪᠤᠢ︖ | FAST ᠢᠶᠠᠷ 137 ᠳ᠋ᠦᠩᠰᠢᠭᠤᠷ ᠭᠡᠷᠡᠯ ᠵᠢᠯ ᠤᠨ ᠴᠠᠭᠠᠲᠤᠬᠢ ᠴᠠᠬᠢᠯᠭᠠᠨ ᠰᠤᠷᠢᠨᠵᠢᠨ ᠲᠤᠬᠢᠶᠠ ᠶᠢ | ᠬᠦᠯᠢᠶᠡᠨ ᠠᠪᠴᠤ᠂ ᠰᠠᠨᠰᠠᠷ ᠤᠷᠴᠢᠯᠠᠩ ᠤᠨ ᠬᠦᠪᠡᠭᠡ ᠬᠢᠵᠠᠭᠠᠷ ᠲᠤ ᠬᠦᠷᠲᠡᠯᠡ ᠬᠠᠶᠢᠨ ᠰᠢᠨᠵᠢᠯᠡᠵᠦ ᠳᠡᠶᠢᠯᠦᠨᠡ᠃ | ᠭᠧᠷᠮᠡᠨ ᠤ ᠪᠦᠸᠧ᠊ — ᠡᠸ᠋ᠨ 100 ᠮᠧᠲᠷ ᠤᠨ ᠳᠤᠷᠠᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ FAST ᠤᠨ ᠬᠤᠷᠴᠠ | ᠰᠡᠷᠭᠡᠭ ᠤᠨ ᠬᠡᠮᠵᠢᠶᠡ 10 ᠳᠠᠬᠢᠨ ᠤᠷᠴᠢᠮ ᠨᠡᠮᠡᠭᠳᠡᠵᠡᠢ︔ ᠠᠮᠧᠷᠢᠺᠡ ᠶᠢᠨ ᠠᠷᠧᠰᠢᠪᠦ᠋ᠸᠧ 350 ᠮᠧᠲᠷ ᠤᠨ | ᠳᠤᠷᠠᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ FAST ᠤᠨ ᠶᠡᠷᠦᠩᠬᠡᠢ ᠴᠢᠳᠠᠪᠤᠷᠢ 10 ᠳᠠᠬᠢᠨ ᠤᠷᠴᠢᠮ ᠳᠡᠭᠡᠭᠰᠢᠯᠡᠵᠡᠢ᠃ | ᠵᠢᠱᠢᠶᠡᠯᠡᠨ ᠬᠡᠯᠡᠪᠡᠯ᠂ ᠰᠠᠷᠠᠨ ᠪᠦᠮᠪᠦᠷᠴᠡᠭ ᠳᠡᠭᠡᠷᠡ ᠤᠲᠠᠰᠤ ᠪᠠᠷ ᠶᠠᠷᠢᠯᠴᠠᠵᠤ ᠪᠠᠶᠢᠭᠠ ᠬᠦᠮᠦᠨ ᠤ ᠮᠡᠳᠡᠭᠡ | ᠵᠠᠩᠭᠢ ᠶᠢ FAST ᠰᠡᠷᠭᠡᠭ ᠢᠶᠠᠷ ᠬᠠᠶᠢᠨ ᠮᠡᠳᠡᠵᠦ ᠴᠢᠳᠠᠨᠠ᠃ FAST ᠢᠶᠠᠷ ᠢᠷᠡᠭᠡᠳᠦᠢ ᠳᠤ ᠤᠭᠲᠠᠷᠭᠤᠢ ᠶᠢᠨ | ᠨᠢᠰᠦᠭᠦᠷ ᠤᠨ ᠠᠶᠠᠯᠠᠬᠤ ᠵᠠᠮ ᠢ ᠬᠠᠶᠢᠨ ᠵᠢᠭᠠᠬᠤ ᠰᠤᠳᠤᠯᠭᠠᠨ ᠬᠢᠵᠦ ᠪᠤᠯᠤᠨᠠ᠃ | | 4.FAST ᠢᠶᠠᠷ ᠶᠠᠭᠤ ᠶᠢ ᠠᠵᠢᠭᠯᠠᠵᠤ ᠳᠡᠶᠢᠯᠬᠦ ᠪᠤᠢ︖ | FAST ᠢᠶᠠᠷ ᠤᠳᠤᠨ ᠤᠷᠤᠨ ᠤ ᠬᠠᠷᠢᠯᠴᠠᠨ ᠦᠢᠯᠡᠴᠢᠯᠡᠬᠦ ᠮᠡᠳᠡᠭᠡ ᠵᠠᠩᠭᠢ ᠶᠢ ᠬᠠᠶᠢᠨ ᠰᠢᠨᠵᠢᠯᠡᠵᠦ᠂ | ᠳᠠᠯᠳᠠ ᠪᠤᠳᠠᠰ ᠢ ᠬᠠᠶᠢᠨ ᠮᠡᠳᠡᠵᠦ᠂ ᠬᠠᠷᠠ ᠨᠦᠬᠡ ᠶᠢᠨ ᠮᠠᠰ ᠢ ᠬᠠᠶᠢᠨ ᠬᠡᠮᠵᠢᠵᠦ᠂ ᠲᠡᠷᠡᠴᠢᠯᠡᠨ ᠪᠠᠶᠢᠵᠤ ᠮᠡᠳᠡᠬᠦ | ᠭᠠᠳᠠᠭᠠᠲᠤ ᠤᠷᠴᠢᠯᠠᠩ ᠤᠨ ᠪᠤᠯᠪᠠᠰᠤᠨ ᠢ ᠬᠠᠶᠢᠨ ᠡᠷᠢᠵᠦ ᠪᠤᠯᠤᠨᠠ᠃ ᠰᠠᠨᠰᠠᠷ ᠤᠷᠴᠢᠯᠠᠩ ᠳᠠᠬᠢ ᠰᠠᠭᠠᠷᠮᠠᠭ | ᠤᠰᠤᠲᠦ᠋ᠷᠦᠭᠴᠢ ᠶᠢ ᠰᠢᠨᠵᠢᠯᠡᠨ ᠪᠠᠶᠢᠴᠠᠭᠠᠵᠤ᠂ ᠯᠤᠭᠰᠢᠯ ᠤᠳᠤ ᠶᠢ ᠠᠵᠢᠭᠯᠠᠬᠤ ᠵᠢᠴᠢ ᠰᠠᠨᠰᠠᠷ ᠤᠨ ᠨᠢᠰᠦᠭᠦᠷ ᠢ | ᠬᠠᠶᠢᠨ ᠬᠡᠮᠵᠢᠬᠦ᠂ ᠴᠢᠮᠡᠭᠡ ᠬᠤᠯᠪᠤᠭᠠ ᠶᠢᠨ ᠬᠡᠷᠡᠭᠯᠡᠭᠡᠨ ᠳᠤ ᠠᠰᠢᠭᠯᠠᠵᠤ ᠪᠤᠯᠤᠨᠠ᠃ ᠲᠦᠯᠦᠪᠯᠡᠭᠡ ᠪᠠᠷ᠂ FAST | ᠳᠤᠷᠠᠨ ᠮᠠᠨ ᠤ ᠤᠯᠤᠰ ᠤᠨ ᠪᠤᠰᠤᠳ 5 ᠰᠠᠭᠤᠷᠢ ᠷᠠᠳᠢᠤ᠋ ᠳᠤᠷᠠᠨ ᠲᠠᠢ ︽ᠲᠡᠭᠷᠢ ᠶᠢᠨ ᠨᠢᠳᠦᠨ︾ ᠤ ᠰᠦᠷᠦᠭ ᠢ | ᠪᠦᠷᠢᠯᠳᠦᠭᠦᠯᠵᠦ᠂ ᠤᠳᠤᠨ ᠴᠤᠭᠴᠠᠰ ᠲᠤ ᠨᠠᠷᠢᠨ ᠤᠨᠤᠪᠴᠢᠲᠠᠢ ᠬᠠᠶᠢᠯᠲᠠ ᠰᠢᠨᠵᠢᠯᠡᠯᠲᠡ ᠬᠢᠬᠦ ᠪᠤᠯᠤᠨᠠ᠃ | ᠡᠭᠦᠨ ᠳᠤ ᠭᠠᠳᠠᠭᠠᠳᠤ ᠭᠠᠷᠠᠭ ᠤᠨ ᠠᠮᠢᠳᠤ ᠪᠤᠳᠠᠰ ᠲᠤ ᠬᠠᠶᠢᠯᠲᠠ ᠬᠢᠬᠦ ᠪᠤᠯ FAST ᠤᠨ ᠨᠢᠭᠡ ᠴᠢᠬᠤᠯᠠ | ᠡᠭᠦᠷᠭᠡ ᠪᠤᠯᠬᠤ ᠪᠤᠯᠤᠨᠠ᠃ | ᠲᠡᠯᠡᠬᠡᠢ ᠶᠢᠨ ᠨᠡᠷᠡᠲᠡᠢ ᠷᠠᠳᠢᠤ᠋ ᠳᠤᠷᠠᠨ | ᠴᠢᠯᠢ ᠶᠢᠨ ᠬᠤᠶᠢᠲᠤ ᠪᠡᠶᠡ ᠶᠢᠨ ᠡᠯᠡᠰᠦᠨ ᠴᠦᠯ ᠳᠠᠬᠢ ᠠᠲ᠋ᠠᠺᠠᠮᠠ ᠲᠤᠮᠤ ᠬᠡᠯᠪᠡᠷᠢ ᠶᠢᠨ ᠮᠢᠯᠢᠮᠧᠲᠷ | ᠳᠤᠯᠭᠢᠶᠠᠨ ᠤ ᠠᠨᠲ᠋ᠢᠨᠠ ᠵᠢᠭᠰᠠᠭᠠᠯ ︵ALMA︶ | ᠫᠦᠸ᠋ᠷᠲ᠋ᠤ᠋ ᠷᠢᠺᠤ ᠠᠷᠠᠯ ᠤᠨ ᠭᠠᠯᠲᠤ ᠠᠭᠤᠯᠠᠨ ᠤ ᠠᠮᠠᠰᠠᠷ ᠲᠠᠬᠢ ᠠᠮᠧᠷᠢᠺᠡ ᠶᠢᠨ ᠠᠷᠧᠰᠪᠦ᠋ᠸᠧ 350 | ᠮᠧᠲᠷ ᠤᠨ ᠷᠠᠳᠢᠤ᠋ ᠳᠤᠷᠠᠨ ︵ARECIBO︶ | ᠠᠦ᠋ᠰᠲᠷᠠᠯᠢᠶᠠ ᠶᠢᠨ ᠮᠧᠷᠴᠢᠰᠤᠨ ᠤᠷᠤᠨ ᠳᠠᠬᠢ ᠲᠡᠭᠰᠢ ᠳᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠵᠢᠭᠰᠠᠭᠠᠯ ᠤᠨ ᠷᠠᠳᠢᠤ᠋ | ᠳᠤᠷᠠᠨ ︵ASKAP︶ | ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠲᠠᠯᠠ ᠪᠠᠷ ᠡᠷᠭᠢᠵᠦ ᠪᠤᠯᠳᠠᠭ ᠲᠤᠮᠤ ᠳᠤᠷᠠᠨ ᠤ ᠨᠢᠭᠡ ᠪᠤᠯᠬᠤ ᠭᠧᠷᠮᠡᠨ ᠤ | ᠡᠸ᠋ᠹᠧᠯᠰᠪᠧᠷᠭᠧ ᠷᠠᠳᠢᠤ᠋ ᠳᠤᠷᠠᠨ ︵Effelsberg︶ | ᠠᠽᠢᠶᠠ ᠶᠢᠨ ᠬᠠᠮᠤᠭ ᠲᠤᠮᠤ ᠦᠨᠴᠦᠭ ᠢᠶᠠᠷ ᠡᠷᠭᠢᠵᠦ ᠪᠤᠯᠳᠠᠭ ᠷᠠᠳᠢᠤ᠋ ᠳᠤᠷᠠᠨ — ᠳᠤᠮᠳᠠᠳᠤ ᠤᠯᠤᠰ ᠤᠨ | ᠱᠠᠩᠬᠠᠢ ᠶᠢᠨ ᠱᠧᠱᠠᠨ ᠤ 65 ᠮᠧᠲᠷ ᠤᠨ ᠷᠠᠳᠢᠤ᠋ ᠳᠤᠷᠠᠨ |