| | ᠬᠦᠮᠦᠨ ᠤ ᠪᠡᠶᠡ ᠳᠤ ︽ᠤᠰᠤ ᠨᠦᠬᠦᠪᠦᠷᠢᠯᠡᠬᠦ︾ ᠨᠢ ᠮᠠᠰᠢ ᠴᠢᠬᠤᠯᠠ᠃ ︽ᠤᠰᠤ ᠤᠤᠭᠤᠵᠤ︾ ᠤᠰᠤ | ᠨᠦᠬᠦᠬᠦ ᠠᠴᠠ ᠭᠠᠳᠠᠨᠠ ︽ᠢᠳᠡᠬᠦ ᠪᠠᠷ ᠳᠠᠮᠵᠢᠨ︾ ᠤᠰᠤ ᠨᠦᠬᠦᠪᠦᠷᠢᠯᠡᠬᠦ ᠨᠢ ᠨᠡᠩ ᠴᠢᠬᠤᠯᠠ᠃ ᠲᠤᠰ | ᠬᠤᠭᠤᠴᠠᠭᠠᠨ ᠤ ︽ᠳᠤᠮᠳᠠᠳᠤ ᠤᠯᠤᠰ ᠤᠨ ᠢᠳᠡᠭᠡᠨ ᠤ ᠪᠦᠷᠢᠯᠳᠦᠭᠦᠨ ᠤ ᠬᠦᠰᠦᠨᠦᠭᠳᠦ︾ ᠳᠤᠮᠳᠠᠬᠢ ᠬᠠᠮᠢᠶᠠ | ᠪᠦᠬᠦᠢ ᠲᠤᠭᠠ ᠪᠠᠷᠢᠮᠲᠠ ᠶᠢ ᠦᠨᠳᠦᠰᠦᠯᠡᠨ᠂ ᠲᠡᠳᠡᠭᠡᠷ ᠢᠳᠡᠭᠡᠨ ᠤ ᠶᠢᠷᠲᠢᠨᠴᠦ ᠳᠠᠬᠢ ︽ᠪᠠᠶᠢᠭᠠᠯᠢᠯᠢᠭ ᠤᠮᠳᠠᠭᠠᠨ︾ | ᠪᠤᠯᠬᠤ ᠨᠤᠭᠤᠭᠠ ᠵᠢᠮᠢᠰ ᠢ ᠬᠤᠷᠢᠶᠠᠩᠭᠤᠶᠢᠯᠠᠪᠠᠯ᠄ | ᠦᠷᠭᠡᠰᠦᠲᠦ ᠬᠡᠮᠬᠡ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 95.8% ᠶᠢ ᠡᠵᠡᠯᠡᠨᠡ᠃ ᠰᠤᠷᠭᠤᠭ ᠠᠮᠲᠠ | ᠲᠠᠢ ᠦᠷᠭᠡᠰᠦᠲᠦ ᠬᠡᠮᠬᠡ ᠨᠢ ᠵᠤᠨ ᠤ ᠤᠯᠠᠷᠢᠯ ᠳᠤ ᠡᠷᠲᠡ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ ᠭᠠᠷᠴᠤ᠂ ᠲᠡᠭᠦᠨ ᠳᠤ | ᠠᠬᠤᠭᠤᠯᠤᠭᠳᠠᠬᠤ ᠤᠰᠤᠨ ᠤ ᠬᠡᠮᠵᠢᠶᠡ ᠨᠢ ᠦᠨᠳᠦᠷ᠂ ᠢᠯᠴᠢ ᠶᠢᠨ ᠡᠨᠧᠷᠭᠢ ᠪᠠᠭᠠ᠂ ᠪᠡᠶᠡ ᠶᠢᠨ ᠰᠢᠩᠭᠡᠨ ᠢ | ᠨᠦᠬᠦᠪᠦᠷᠢᠯᠡᠬᠦ ᠳᠤ ᠲᠤᠰᠠᠲᠠᠢ᠃ ᠬᠢᠲᠠᠳ ᠡᠮᠨᠡᠯᠭᠡ ᠳᠤ ᠦᠵᠡᠬᠦ ᠪᠠᠷ ᠦᠷᠭᠡᠰᠦᠲᠦ ᠬᠡᠮᠬᠡ ᠨᠢ ᠬᠠᠯᠠᠭᠤᠨ ᠢ ᠲᠠᠭᠤᠵᠤ | ᠤᠰᠤ ᠨᠦᠬᠦᠪᠦᠷᠢᠯᠡᠨ᠂ ᠬᠤᠤᠷ ᠢ ᠲᠠᠶᠢᠯᠵᠤ ᠬᠠᠪᠤᠳᠠᠷ ᠢ ᠠᠷᠢᠯᠭᠠᠨ᠂ ᠴᠠᠩᠭᠠᠬᠤ ᠶᠢ ᠲᠠᠶᠢᠯᠵᠦ᠂ ᠨᠠᠷᠠᠰᠢᠬᠤ ᠠᠴᠠ | ᠰᠡᠷᠭᠡᠶᠢᠯᠡᠬᠦ ᠳᠤ ᠮᠠᠰᠢ ᠲᠤᠬᠢᠷᠠᠮᠵᠢᠲᠠᠢ᠃ ᠦᠷᠭᠡᠰᠦᠲᠦ ᠬᠡᠮᠬᠡ ᠨᠢ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠸᠢᠲ᠋ᠠᠮᠢᠨ Ｃ ᠸᠢᠲ᠋ᠠᠮᠢᠨ | Ｅ ᠵᠡᠷᠭᠡ ᠰᠢᠮᠡ ᠲᠡᠵᠢᠭᠡᠯ ᠤᠨ ᠪᠤᠳᠠᠰ ᠠᠬᠤᠭᠤᠯᠤᠭᠳᠠᠵᠤ ᠴᠢᠰᠤᠨ ᠰᠢᠬᠢᠷ ᠴᠢᠰᠤᠨ ᠦᠭᠡᠬᠦ ᠶᠢ ᠪᠠᠭᠤᠷᠠᠭᠤᠯᠬᠤ | ᠦᠢᠯᠡᠳᠦᠯ ᠲᠠᠢ᠃ ᠳᠡᠯᠢᠭᠦᠦ ᠬᠤᠳᠤᠭᠤᠳᠤᠨ ᠬᠦᠢᠲᠡᠨ ᠬᠡᠢ᠂ ᠰᠠᠷᠠ ᠶᠢᠨ ᠭᠬᠢᠷ ᠤᠨ ᠡᠮᠦᠨᠡ ᠬᠤᠶᠢᠨᠠᠬᠢ | ᠬᠤᠭᠤᠴᠠᠭᠠᠨ ᠳᠤ ᠪᠠᠶᠢᠭᠠ ᠡᠮᠡᠭᠳᠡᠶᠢᠴᠦᠳ ᠦᠷᠭᠡᠰᠦᠲᠦ ᠬᠡᠮᠬᠡ ᠶᠢ ᠪᠠᠭᠠ ᠢᠳᠡᠪᠡᠯ ᠵᠤᠬᠢᠨᠠ᠃ | ᠲᠠᠷᠪᠤᠰ ᠤᠨ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 93.3% ᠶᠢ ᠡᠵᠡᠯᠡᠨᠡ᠃ ᠲᠠᠷᠪᠤᠰ ᠨᠢ ᠰᠢᠬᠢᠷᠯᠢᠭ | ᠠᠮᠲᠠ ᠲᠠᠢ ᠤᠰᠤ ᠤᠯᠠᠨ᠂ ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠢᠳᠡᠬᠦ ︽ᠵᠢᠮᠢᠰ ᠤᠨ ᠸᠠᠩ︾ ᠪᠠᠶᠢᠵᠤ᠂ ᠬᠠᠯᠠᠭᠤᠨ ᠢ | ᠬᠦᠭᠡᠭᠡᠵᠦ ᠨᠠᠷᠠᠰᠢᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ᠂ ᠴᠠᠩᠭᠠᠬᠤ ᠶᠢ ᠲᠠᠶᠢᠯᠵᠦ ᠰᠢᠭᠡᠯᠭᠡᠬᠦ ᠳᠤ ᠲᠤᠰᠠᠲᠠᠢ᠃ ᠲᠦᠪᠡᠳ | ᠬᠠᠰᠢ ᠶᠢᠨ ᠤᠯᠠᠭᠠᠨ ᠡᠳ᠋᠂ ᠬᠤ ᠯᠤᠤᠪᠠᠩ ᠤᠨ ᠡᠳ᠋ ᠠᠴᠠ ᠭᠠᠳᠠᠨᠠ ᠲᠠᠷᠪᠤᠰ ᠨᠢ ᠨᠢᠭᠡᠨ ᠭᠤᠸᠠ ᠶᠢᠨ ᠠᠮᠢᠨᠤ᠋ | ᠬᠦᠴᠢᠯ ᠭᠡᠬᠦ ᠪᠠᠶᠢᠭᠠᠯᠢᠯᠢᠭ ᠪᠤᠳᠠᠰ ᠠᠬᠤᠭᠤᠯᠤᠭᠳᠠᠵᠤ᠂ ᠲᠡᠷᠡ ᠨᠢ ᠯᠤᠭᠰᠢᠭᠤᠨ ᠰᠤᠳᠠᠯ ᠤᠨ ᠴᠢᠳᠠᠮᠵᠢ ᠶᠢ | ᠳᠡᠭᠡᠭᠰᠢᠯᠡᠭᠦᠯᠬᠦ᠂ ᠴᠢᠰᠤᠨ ᠳᠠᠷᠤᠯᠲᠠ ᠶᠢ ᠪᠠᠭᠤᠷᠠᠭᠤᠯᠬᠤ ᠳᠤ ᠵᠤᠬᠢᠬᠤ ᠦᠢᠯᠡᠳᠦᠯ ᠲᠠᠢ᠃ ᠰᠠᠨᠠᠭᠤᠯᠬᠤ ᠴᠢᠬᠤᠯᠠᠲᠠᠢ | ᠨᠢ ᠲᠠᠷᠪᠤᠰ ᠢ ᠬᠡᠳᠦ ᠠᠷᠪᠢᠨ ᠢᠳᠡᠬᠦ ᠨᠢ ᠮᠠᠷᠢᠶᠠᠯᠠᠬᠦ ᠲᠦᠭᠰᠢᠭᠦᠷᠢ ᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠡᠳᠦᠷ ᠪᠤᠯᠭᠠᠨ | 200-350 ᠭᠷᠡᠮ ᠢᠳᠡᠪᠡᠯ ᠵᠤᠬᠢᠨᠠ᠃ | ᠤᠰᠤᠨ ᠯᠤᠤᠪᠠᠩ ᠤᠨ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 92.9% ᠶᠢ ᠡᠵᠡᠯᠡᠨᠡ᠃ ᠴᠠᠭᠠᠨ ᠯᠤᠤᠪᠠᠩ | ᠲᠠᠢ ᠠᠳᠠᠯᠢ ᠦᠭᠡᠢ ᠨᠢ ᠤᠰᠤᠨ ᠯᠤᠤᠪᠠᠩ ᠨᠢ ᠵᠤᠨ ᠤᠯᠠᠨ ᠲᠤᠬᠢᠶᠠᠯᠳᠤᠵᠤ ᠲᠡᠭᠦᠨ ᠳᠤ ᠠᠬᠤᠭᠤᠯᠤᠭᠳᠠᠬᠤ | ᠸᠢᠲ᠋ᠠᠮᠢᠨ Ｃ ᠨᠢ ᠨᠡᠯᠢᠶᠡᠳ ᠤᠯᠠᠨ᠂ ᠠᠳᠠᠯᠢ ᠵᠢᠩ ᠤᠨ ᠴᠠᠭᠠᠨ ᠯᠤᠤᠪᠠᠩ ᠤᠨ 2 ᠳᠠᠬᠢᠨ᠃ ᠡᠭᠦᠨ ᠠᠴᠠ | ᠭᠠᠳᠠᠨᠠ᠂ ᠲᠡᠷᠡ ᠨᠢ ᠢᠳᠡᠰᠢᠨ ᠰᠢᠷᠬᠡᠭᠯᠢᠭ ᠡᠳ᠋ ᠡᠯᠪᠡᠭ ᠠᠬᠤᠭᠤᠯᠤᠭᠳᠠᠵᠤ᠂ ᠭᠡᠳᠡᠰᠦᠨ ᠤ ᠬᠦᠳᠡᠯᠭᠡᠭᠡᠨ ᠢ | ᠠᠬᠢᠭᠤᠯᠵᠤ᠂ ᠪᠡᠶᠡ ᠶᠢᠨ ᠲᠤᠲᠤᠷᠠᠬᠢ ᠬᠠᠶᠠᠭᠳᠠᠮᠠᠯ ᠪᠤᠳᠠᠰ ᠢ ᠭᠠᠳᠠᠭᠰᠢᠯᠠᠭᠤᠯᠬᠤ ᠳᠤ ᠲᠤᠰᠠᠲᠠᠢ᠂ ᠰᠢᠭᠡᠯᠭᠡᠬᠦ᠂ | ᠢᠳᠡᠰᠢ ᠶᠢ ᠰᠢᠩᠭᠡᠭᠡᠬᠦ ᠴᠢᠳᠠᠮᠵᠢ ᠲᠠᠢ᠂ ᠡᠭᠦᠨ ᠠᠴᠠ ᠭᠠᠳᠠᠨᠠ ᠠᠷᠢᠬᠢ ᠲᠠᠶᠢᠯᠬᠤ ᠦᠢᠯᠡᠳᠦᠯ ᠲᠠᠢ᠃ ᠤᠰᠤᠨ | ᠯᠤᠤᠪᠠᠩ ᠨᠢ ᠰᠢᠬᠢᠷᠯᠢᠭ ᠠᠮᠲᠠ ᠶᠢᠨ ᠳᠤᠮᠳᠠ ᠪᠠᠭ᠋ᠠᠨ ᠭᠤᠱᠤᠭᠤᠨ ᠬᠠᠯᠠᠭᠤᠨ ᠠᠮᠲᠠ ᠲᠠᠢ ᠪᠠᠶᠢᠵᠤ᠂ | ᠲᠦᠭᠦᠬᠡᠢ ᠪᠠᠷ ᠢᠳᠡᠬᠦ ᠳᠤ ᠮᠠᠰᠢ ᠲᠤᠬᠢᠷᠠᠨᠠ᠃ | ᠭᠠᠳᠢᠷᠠ ᠵᠢᠮᠢᠰ ᠤᠨ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 92.2% ᠢ ᠡᠵᠡᠯᠡᠨᠡ᠃ ᠰᠢᠬᠢᠷᠯᠢᠭ ᠠᠮᠲᠠ | ᠲᠠᠢ᠂ ᠰᠢᠭᠦᠰᠦ ᠤᠯᠠᠨ ᠭᠠᠳᠢᠷᠠ ᠵᠢᠮᠢᠰ ᠨᠢ ᠵᠤᠨ ᠤ ᠤᠯᠠᠷᠢᠯ ᠳᠤ ᠮᠠᠰᠢ ᠰᠠᠶᠢᠨ ᠤᠰᠤ ᠨᠦᠬᠦᠪᠦᠷᠢᠯᠡᠬᠦ ᠢᠳᠡᠭᠡᠨ | ᠮᠦᠨ᠃ ᠭᠠᠳᠢᠷᠠ ᠵᠢᠮᠢᠰ ᠨᠢ ᠵᠤᠨ ᠤ ᠤᠯᠠᠷᠢᠯ ᠳᠤ ᠮᠠᠰᠢ ᠰᠠᠶᠢᠨ ᠤᠰᠤ ᠨᠦᠬᠦᠪᠦᠷᠢᠯᠡᠬᠦ ᠢᠳᠡᠭᠡᠨ ᠮᠦᠨ᠃ | ᠭᠠᠳᠢᠷᠠ ᠵᠢᠮᠢᠰ ᠨᠢ ᠪᠠᠰᠤᠵᠤ ᠪᠤᠯᠤᠰᠢ ᠦᠭᠡᠢ ᠰᠢᠮᠡ ᠲᠡᠵᠢᠭᠡᠯ ᠤᠨ ᠦᠨᠡ ᠦᠷᠲᠡᠭ ᠲᠠᠢ᠃ ᠬᠤ᠋ ᠯᠤᠤᠪᠠᠩ ᠤᠨ | ᠡᠳ᠋᠂ ᠸᠢᠲ᠋ᠠᠮᠢᠨ Ｃ ᠠᠴᠠ ᠭᠠᠳᠠᠨᠠ ᠭᠠᠳᠢᠷᠠ ᠵᠢᠮᠢᠰ ᠲᠤ ᠤᠭᠤᠷᠠᠭ ᠢ ᠵᠠᠳᠠᠷᠠᠭᠤᠯᠬᠤ ᠢᠰᠬᠡᠭᠦᠷ ᠡᠯᠪᠡᠭ | ᠠᠬᠤᠭᠤᠯᠤᠭᠳᠠᠵᠤ᠂ ᠰᠢᠩᠭᠡᠭᠡᠯᠲᠡ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠡᠯᠢᠭᠡ ᠶᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠲᠠᠢ᠃ ᠭᠠᠳᠢᠷᠠ | ᠵᠢᠮᠢᠰ ᠤᠨ ᠰᠢᠬᠢᠷ ᠨᠢ ᠲᠠᠷᠪᠤᠰ ᠠᠴᠠ ᠦᠨᠳᠦᠷ ᠪᠠᠶᠢᠵᠤ ᠡᠳᠦᠷ ᠲᠤ 200-350 ᠭᠷᠡᠮ ᠢᠳᠡᠪᠡᠯ ᠵᠤᠬᠢᠨᠠ᠃ | ᠲᠦᠪᠡᠳ ᠬᠠᠰᠢ ᠶᠢᠨ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 94.4% ᠶᠢ ᠡᠵᠡᠯᠡᠨᠡ᠃ ᠲᠦᠪᠡᠳ ᠬᠠᠰᠢ | ᠨᠢ ᠢᠳᠡᠰᠢᠨ ᠨᠤᠭᠤᠭᠠ ᠪᠠ ᠵᠢᠮᠢᠰ ᠤᠨ ᠬᠢᠯᠢ ᠶᠢᠨ ᠱᠤᠭᠤᠮ ᠢ ᠳᠠᠪᠠᠭᠰᠠᠨ ᠨᠢᠭᠡᠨ ᠢᠳᠡᠭᠡᠨ ᠪᠠᠶᠢᠵᠤ᠂ | ᠲᠦᠭᠦᠬᠡᠢ ᠪᠠᠷ ᠢᠳᠡᠬᠦ ᠦᠶᠡᠰ᠂ ᠲᠡᠷᠡ ᠨᠢ ︽ᠤᠰᠤ ᠨᠦᠬᠦᠪᠦᠷᠢᠯᠡᠬᠦ ᠤᠬᠢ ᠢᠳᠡᠭᠡᠨ︾ ᠪᠠᠶᠢᠳᠠᠭ᠃ ᠲᠦᠪᠡᠳ | ᠬᠠᠰᠢ ᠶᠢᠨ ᠬᠠᠮᠤᠭ ᠤᠨ ᠬᠤᠪᠤᠷ ᠦᠨᠡᠲᠡᠢ ᠪᠦᠷᠢᠯᠳᠦᠭᠦᠨ ᠨᠢ ᠲᠦᠪᠡᠳ ᠬᠠᠰᠢ ᠶᠢᠨ ᠤᠯᠠᠭᠠᠨ ᠡᠳ᠋᠂᠂ ᠲᠡᠷᠡ ᠨᠢ | ᠮᠠᠰᠢ ᠴᠢᠩᠭᠠ ᠢᠰᠦᠯᠳᠦᠬᠦ ᠶᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠮᠵᠢ ᠪᠠ ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠮᠵᠢ ᠪᠠᠷ ᠢᠶᠠᠨ ᠨᠡᠷᠡ | ᠠᠯᠳᠠᠷᠰᠢᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠦᠪᠡᠳ ᠬᠠᠰᠢ ᠨᠢ ᠪᠠᠰᠠ ᠬᠤ᠋ ᠯᠤᠤᠪᠠᠩ ᠤᠨ ᠡᠳ᠋᠂ ᠢᠳᠡᠰᠢᠨ | ᠰᠢᠷᠬᠡᠭᠯᠢᠭ ᠡᠳ᠋᠂ ᠸᠢᠲ᠋ᠠᠮᠢᠨ Ｃ ᠪᠠ ᠺᠠᠯᠢ ᠶᠢᠨ ᠰᠠᠶᠢᠨ ᠢᠷᠡᠯᠲᠡ ᠮᠦᠨ᠃ ᠲᠠᠶᠢᠯᠪᠤᠷᠢᠯᠠᠬᠤ ᠴᠢᠬᠤᠯᠠᠲᠠᠢ ᠨᠢ | ᠲᠦᠪᠡᠳ ᠬᠠᠰᠢ ᠶᠢᠨ ᠤᠯᠠᠭᠠᠨ ᠡᠳ᠋ ᠤᠨ ᠦᠮᠡᠨ ᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠮᠵᠢ ᠶᠢ ᠪᠦᠷᠢᠨ ᠪᠠᠳᠠᠷᠠᠭᠤᠯᠬᠤ ᠭᠡᠪᠡᠯ ᠬᠠᠮᠤᠭ | ᠰᠠᠶᠢᠨ ᠨᠢ ᠲᠦᠪᠡᠳ ᠬᠠᠰᠢ ᠶᠢ ᠲᠦᠭᠦᠬᠡᠢ ᠪᠠᠷ ᠢᠳᠡᠨᠡ᠃ | ᠶᠠᠨᠵᠤ ᠭᠦᠢᠯᠡᠰᠦ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 92% ᠢ ᠡᠵᠡᠯᠡᠨᠡ᠃ ᠶᠠᠨᠵᠦ ᠭᠦᠢᠯᠡᠰᠦ ᠶᠢᠨ | ᠰᠢᠭᠦᠰᠦ ᠤᠯᠠᠨ᠂ ᠬᠦᠴᠢᠯᠯᠢᠭ ᠠᠮᠲᠠ ᠲᠠᠢ᠂ ᠸᠢᠲ᠋ᠠᠮᠢᠨ Ｃ᠂᠂ ᠸᠢᠲ᠋ᠠᠮᠢᠨ B2᠂ ᠬᠤ ᠯᠤᠤᠪᠠᠩ ᠤᠨ ᠡᠳ᠋᠂ | ᠨᠢᠮᠪᠡᠭᠡ ᠶᠢᠨ ᠬᠦᠴᠢᠯ᠂ ᠠᠯᠮᠤᠷᠠᠳ ᠤᠨ ᠬᠦᠴᠢᠯ ᠵᠡᠷᠭᠡ ᠡᠯᠪᠡᠭ ᠠᠬᠤᠭᠤᠯᠤᠭᠳᠠᠨᠠ᠃ ᠵᠢᠮᠢᠰ ᠤᠨ ᠴᠢᠨᠠᠷ ᠨᠢ | ᠪᠦᠯᠢᠶᠡᠨ ᠪᠠᠶᠢᠵᠤ ᠠᠮᠲᠠ ᠨᠢ ᠬᠦᠴᠢᠯᠯᠢᠭ᠂ ᠴᠠᠩᠭᠠᠬᠤ ᠶᠢ ᠲᠠᠶᠢᠯᠵᠦ᠂ ᠢᠳᠡᠰᠢ ᠶᠢ ᠰᠢᠩᠭᠡᠭᠡᠨ᠂ ᠪᠦᠭᠡᠯᠵᠢᠵᠦ | ᠰᠠᠭᠤᠯᠭᠠᠬᠤ ᠶᠢ ᠵᠤᠭᠰᠤᠭᠠᠬᠤ ᠦᠢᠯᠡᠳᠦᠯ ᠲᠠᠢ᠃ ᠭᠡᠪᠡᠴᠦ ᠶᠠᠨᠵᠦ ᠭᠦᠢᠯᠡᠰᠦ ᠨᠢ ᠬᠦᠴᠢᠯᠯᠢᠭ ᠬᠤᠳᠤᠭᠤᠳᠤᠨ | ᠬᠦᠴᠢᠯ ᠬᠡᠲᠦ ᠤᠯᠠᠨ᠂ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠬᠤᠳᠤᠭᠤᠳᠤᠨ ᠦᠷᠪᠢᠰᠦᠯ᠂ ᠬᠤᠳᠤᠭᠤᠳᠤᠨ ᠰᠢᠷᠬᠠᠯᠠᠭᠠ ᠲᠠᠢ | ᠬᠦᠮᠦᠰ ᠪᠠᠭᠠ ᠢᠳᠡᠪᠡᠯ ᠵᠤᠬᠢᠨᠠ᠃ | ᠠᠮᠲᠠᠲᠤ ᠬᠡᠮᠬᠡ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 92.9% ᠶᠢ ᠡᠵᠡᠯᠡᠨᠡ᠃ ᠭᠤᠶᠤ ᠠᠮᠲᠠ ᠲᠠᠢ᠂ | ᠠᠩᠭᠢᠯᠦᠮᠠ ᠦᠨᠦᠷ ᠲᠠᠢ ᠠᠮᠲᠠᠲᠤ ᠬᠡᠮᠬᠡ ᠨᠢ ᠵᠤᠨ ᠤ ᠤᠯᠠᠷᠢᠯ ᠳᠤ ᠬᠦᠮᠦᠰ ᠤᠨ ᠬᠠᠮᠤᠭ ᠢᠳᠡᠬᠦ ᠳᠤᠷᠠᠲᠠᠢ | ᠵᠢᠮᠢᠰ ᠤᠨ ᠨᠢᠭᠡ ᠨᠢ ᠪᠤᠯᠵᠠᠢ᠃ ᠪᠠᠶᠢᠴᠠᠭᠠᠯᠲᠠ ᠶᠢ ᠦᠨᠳᠦᠰᠦᠯᠡᠪᠡᠯ᠂ ᠠᠮᠲᠠᠲᠤ ᠬᠡᠮᠬᠡ ᠨᠢ ᠲᠠᠷᠪᠤᠰ ᠲᠠᠢ | ᠠᠳᠠᠯᠢᠳᠬᠠᠪᠠᠯ᠂ ᠠᠮᠲᠠᠲᠤ ᠬᠡᠮᠬᠡ ᠶᠢᠨ ᠤᠰᠤ ᠪᠠ ᠤᠭᠤᠷᠠᠭ ᠨᠢ ᠨᠡᠯᠢᠶᠡᠳ ᠪᠠᠭᠠ᠂ ᠭᠡᠪᠡᠴᠦ ᠠᠩᠭᠢᠯᠤᠮᠠ ᠪᠤᠳᠠᠰ᠂ | ᠤᠯᠠᠨ ᠲᠦᠷᠦᠯ ᠤᠨ ᠡᠷᠦᠳᠡᠰᠦᠨ ᠪᠤᠳᠠᠰ ᠪᠠ ᠸᠢᠲ᠋ᠠᠮᠢᠨ Ｃ ᠵᠡᠷᠭᠡ ᠲᠡᠵᠢᠭᠡᠯ ᠡᠳ᠋ ᠤᠨ ᠠᠬᠤᠭᠤᠯᠤᠭᠳᠠᠴᠠ ᠪᠠᠷ | ᠲᠠᠷᠪᠤᠰ ᠠᠴᠠ ᠦᠨᠳᠦᠷ ᠪᠠᠶᠢᠳᠠᠭ᠃ ᠵᠤᠨ ᠤ ᠤᠯᠠᠷᠢᠯ ᠳᠤ ᠠᠮᠲᠠᠲᠤ ᠬᠡᠮᠬᠡ ᠢᠳᠡᠬᠦ ᠨᠢ ᠬᠠᠯᠠᠭᠤᠨ ᠢ ᠬᠦᠭᠡᠭᠡᠵᠦ᠂ | ᠴᠠᠩᠭᠠᠬᠤ ᠶᠢ ᠲᠠᠶᠢᠯᠵᠦ᠂ ᠪᠠᠰᠠ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠡᠯᠢᠭᠡ ᠪᠠ ᠭᠡᠳᠡᠰᠦᠨ ᠵᠠᠮ ᠤᠨ ᠰᠢᠰᠲ᠋ᠧᠮ ᠳᠤ ᠲᠤᠰᠠᠲᠠᠢ᠃ | ᠠᠮᠲᠠᠲᠤ ᠬᠡᠮᠬᠡ ᠶᠢᠨ ᠰᠢᠬᠢᠷ ᠤᠨ ᠠᠬᠤᠭᠤᠯᠤᠭᠳᠠᠴᠠ ᠨᠢ ᠲᠠᠷᠪᠤᠰ ᠲᠠᠢ ᠤᠶᠢᠷᠠᠯᠴᠠᠭᠠ ᠪᠠᠶᠢᠵᠤ ᠠᠷᠪᠢᠨ ᠢᠳᠡᠬᠦ ᠳᠤ | ᠲᠤᠬᠢᠷᠠᠬᠤ ᠦᠭᠡᠢ᠃ | ᠲᠦᠭᠦᠬᠡᠢ ᠨᠤᠭᠤᠭᠠ ᠶᠢᠨ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ 95.7 ᠶᠢ ᠡᠵᠡᠯᠡᠨᠡ᠃ ᠲᠦᠭᠦᠬᠡᠢ | ᠨᠤᠭᠤᠭᠠ ᠶᠢᠨ ᠤᠰᠤᠨ ᠤ ᠠᠬᠤᠭᠤᠯᠤᠭᠳᠠᠴᠠ ᠨᠢ ᠦᠷᠭᠡᠰᠦᠲᠦ ᠬᠡᠮᠬᠡ ᠠᠴᠠ ᠳᠤᠤᠷᠠ ᠦᠭᠡᠢ ᠪᠠᠶᠢᠵᠤ᠂ ᠲᠡᠷᠡ ᠨᠢ | ᠬᠠᠯᠠᠭᠤᠨ ᠢ ᠬᠦᠭᠡᠭᠡᠬᠦ ᠦᠷᠪᠢᠰᠦᠯ ᠢ ᠳᠠᠷᠤᠬᠤ ᠨᠤᠶᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ᠃ ᠡᠭᠦᠨ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠲᠦᠭᠦᠬᠡᠢ ᠨᠤᠭᠤᠭᠠ ᠨᠢ ᠰᠡᠷᠢᠭᠦᠨ ᠴᠢᠨᠠᠷᠲᠠᠢ ᠪᠠᠶᠢᠵᠤ᠂ ᠰᠢᠭᠡᠯᠭᠡᠬᠦ ᠰᠢᠩᠭᠡᠭᠡᠯᠲᠡ ᠶᠢ | ᠰᠠᠶᠢᠵᠢᠷᠠᠭᠤᠯᠬᠤ᠂ ᠢᠳᠡᠰᠢᠨ ᠳᠤᠷᠠᠰᠢᠯ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠵᠡᠷᠭᠡ ᠦᠢᠯᠡᠳᠦᠯ ᠲᠠᠢ᠃ ᠰᠢᠭᠤᠳ ᠢᠳᠡᠵᠦ | ᠪᠤᠯᠬᠤ ᠠᠴᠠ ᠭᠠᠳᠠᠨᠠ ᠪᠠᠰᠠ ᠲᠦᠭᠦᠬᠡᠢ ᠨᠤᠭᠤᠭᠠ ᠶᠢ ᠲᠠᠯᠬᠠ ᠳᠤ ᠬᠠᠪᠴᠢᠭᠤᠯᠬᠤ ᠪᠤᠶᠤ ᠰᠢᠷᠠᠭᠰᠠᠨ ᠮᠢᠬᠠᠨ ᠤ | ᠬᠠᠪᠰᠤᠷᠤᠮᠠᠯ ᠨᠤᠭᠤᠭᠠ ᠪᠠᠷ ᠢᠳᠡᠵᠦ ᠪᠤᠯᠬᠤ ᠤᠰᠤ ᠨᠦᠬᠦᠪᠦᠷᠢᠯᠡᠬᠦ ᠳᠤ ᠮᠠᠰᠢ ᠰᠠᠶᠢᠨ ᠨᠤᠭᠤᠭᠠ ᠪᠤᠯᠤᠨᠠ᠃ |