| ᠮᠤᠩᠭᠤᠯᠴᠤᠳ ᠠᠯᠢ ᠡᠷᠲᠡ ᠠᠴᠠ ᠠᠪᠤᠭᠠᠳ ᠬᠡᠮᠵᠢᠬᠦ ᠨᠢᠭᠡᠴᠢ ᠶᠢᠨ ᠤᠬᠠᠭᠳᠠᠬᠤᠨ ᠲᠠᠢ ᠪᠠᠶᠢᠵᠤ | ᠤᠷᠲᠤ ᠤᠳᠠᠭᠠᠨ ᠤ ᠬᠤᠭᠤᠴᠠᠭᠠᠨ ᠤ ᠦᠢᠯᠡᠳᠪᠦᠷᠢᠯᠡᠯ ᠪᠠ ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠪᠠᠨ | ᠤᠷᠤᠰᠢᠨ ᠠᠮᠢᠳᠤᠷᠠᠬᠤ᠂ ᠰᠡᠳᠬᠢᠵᠦ ᠬᠢᠬᠦ᠂ ᠢᠳᠡᠵᠦ ᠤᠤᠭᠤᠬᠤ᠂ ᠡᠮᠦᠰᠴᠦ ᠵᠡᠭᠦᠬᠦ᠂ ᠡᠳ᠋ᠯᠡᠵᠦ ᠬᠡᠷᠡᠭᠰᠡᠬᠦ | ᠬᠦᠷᠲᠡᠯᠡ ᠪᠠᠨ ᠪᠦᠷ ᠦᠭᠡᠷᠡ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠠᠴᠠ ᠢᠯᠭᠠᠭᠠ ᠲᠠᠢ᠂ ᠦᠪᠡᠷ ᠤᠨ ᠢᠶᠠᠨ ᠦᠪ ᠤᠯᠠᠮᠵᠢᠯᠠᠯ | ᠲᠠᠢ᠂ ᠪᠤᠰᠤᠳ ᠠᠴᠠ ᠳᠠᠪᠰᠢᠩᠭᠤᠢ ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠤᠲᠤᠷᠠ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠤᠳᠤ | ᠴᠦ ᠭᠡᠰᠡᠨ ᠡᠳᠡᠭᠡᠷ ᠰᠠᠶᠢᠬᠠᠨ ᠦᠪ ᠰᠤᠶᠤᠯ ᠢᠶᠠᠨ ᠬᠠᠳᠠᠭᠠᠯᠠᠨ ᠬᠦᠭᠵᠢᠭᠦᠯᠵᠦ᠂ ᠵᠠᠯᠭᠠᠮᠵᠢᠯᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ᠃ | ᠬᠡᠮᠵᠢᠯᠲᠡ ᠪᠤᠯ ᠬᠦᠮᠦᠰ ᠤᠨ ᠦᠢᠯᠡᠳᠪᠦᠷᠢ ᠬᠦᠳᠡᠯᠮᠦᠷᠢ ᠶᠢᠨ ᠳᠤᠮᠳᠠ ᠠᠴᠠ ᠤᠯᠵᠤ ᠳ᠋ᠦᠩᠨᠡᠭᠰᠡᠨ ᠤᠷᠲᠤ ᠤᠬᠤᠷ | ᠂ ᠤᠶᠢᠷᠠ ᠬᠤᠯᠠ᠂ ᠬᠦᠨᠳᠦ ᠬᠦᠩᠭᠡᠨ᠂ ᠵᠤᠵᠠᠭᠠᠨ ᠨᠢᠮᠭᠡᠨ᠂ ᠶᠡᠭᠡ ᠪᠠᠭᠠ ᠶᠢᠨ ᠢᠯᠭᠠᠭᠠ ᠶᠢ ᠬᠡᠮᠵᠢᠬᠦ ᠦᠨᠳᠦᠰᠦᠨ | ᠨᠢᠭᠡᠴᠢ ᠮᠦᠨ᠃ | ᠮᠤᠩᠭᠤᠯ ᠬᠦᠮᠦᠨ ᠲᠡᠦᠬᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠶᠡᠷᠦ ᠠᠴᠠ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠪᠠᠷᠢᠮᠵᠢᠶᠠ ᠲᠠᠢ | ᠬᠡᠮᠵᠢᠯᠲᠡ ᠶᠢᠨ ᠨᠢᠭᠡᠴᠢ ᠶᠢ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠬᠡᠷᠡᠭᠯᠡᠬᠦ ᠪᠤᠯᠤᠯᠴᠠᠭᠠ ᠴᠦ ᠪᠠᠶᠢᠬᠤ ᠦᠭᠡᠢ᠃ ᠤᠴᠢᠷ ᠨᠢ | ᠮᠤᠩᠭᠤᠯ ᠬᠦᠮᠦᠨ ᠦᠪᠡᠷ ᠤᠨ ᠢᠶᠠᠨ ᠤᠶᠤᠨ ᠤᠬᠠᠭᠠᠨ ᠤ ᠪᠠᠨ ᠪᠠᠶᠠᠯᠢᠭ ᠤᠶᠢᠯᠠᠭᠠᠭᠳᠠᠬᠤᠨ ᠪᠠ ᠡᠩ ᠤᠨ | ᠠᠮᠢᠳᠤᠷᠠᠯ ᠤᠨ ᠲᠤᠷᠰᠢᠯᠭᠠ ᠪᠠᠷ ᠳ᠋ᠦᠩᠨᠡᠵᠦ ᠭᠠᠷᠭᠠᠭᠰᠠᠨ ᠶᠠᠭᠤᠮᠠᠨ ᠤ ᠤᠷᠲᠤ ᠤᠬᠤᠷ ᠢ ᠬᠡᠮᠵᠢᠵᠦ ᠴᠢᠳᠠᠬᠤ | ᠨᠢᠭᠡᠴᠢ ᠲᠠᠢ ᠪᠠᠶᠢᠳᠠᠭ᠃ ᠡᠨᠡᠬᠦ ᠨᠢᠭᠡᠴᠢ ᠪᠠᠷ ᠢᠶᠠᠨ ᠶᠠᠭᠤᠮᠠᠨ ᠤ ᠤᠷᠲᠤ ᠤᠬᠤᠷ ᠢ ᠬᠡᠮᠵᠢᠵᠦ ᠭᠠᠷᠭᠠᠭᠰᠠᠨ ᠦᠷᠡ | ᠳ᠋ᠦᠩ ᠨᠢ ᠳᠡᠯᠡᠬᠡᠢ ᠳ᠋ᠠᠬᠢᠨ ᠤ ᠡᠯᠡ ᠤᠯᠤᠰ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠪᠠᠷᠢᠮᠵᠢᠶᠠ ᠲᠤᠭᠲᠠᠭᠠᠯ ᠲᠠᠢ | ᡂᠢ ᠱᠤᠭᠤᠮ ᠢᠶᠠᠷ ᠬᠡᠮᠵᠢᠭᠰᠡᠨ ᠠᠴᠠ ᠵᠦᠷᠢᠶᠡ ᠠᠯᠳᠠᠭᠠ ᠦᠭᠡᠢ ᠨᠠᠷᠢᠨ ᠤᠨᠤᠪᠴᠢᠲᠠᠢ ᠪᠠᠷ ᠬᠡᠮᠵᠢᠵᠦ ᠴᠢᠳᠠᠳᠠᠭ᠃ | ᠨᠢᠭᠡ᠂ ᠮᠤᠩᠭᠤᠯᠴᠤᠳ ᠤᠨ ᠤᠷᠲᠤ ᠶᠢᠨ ᠬᠡᠮᠵᠢᠶᠡ ᠶᠢ ᠢᠯᠭᠠᠨ ᠬᠡᠮᠵᠢᠬᠦ ᠪᠠᠷᠢᠮᠵᠢᠶᠠᠨ ᠤ ᠲᠤᠬᠠᠢ | ᠮᠤᠩᠭᠤᠯᠴᠤᠳ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠴᠡᠭᠡᠨ ᠤ ᠳᠤᠮᠳᠠ ᠶᠠᠭᠤᠮᠠᠨ ᠤ ᠤᠷᠲᠤ ᠶᠢᠨ ᠬᠡᠮᠵᠢᠶᠡ ᠶᠢ | ᠬᠡᠮᠵᠢᠬᠦ ᠳᠡᠭᠡᠨ ᠬᠤᠷᠤᠭᠤ᠂ ᠰᠦᠭᠦᠮ᠂ ᠲᠦᠭᠡ᠂ ᠲᠤᠬᠤᠢ᠂ ᠳᠡᠯᠢᠮ᠂ ᠠᠯᠳᠠ ᠁ ᠭᠡᠳ ᠯᠡ ᠤᠯᠠᠨ | ᠲᠤᠭᠲᠠᠭᠰᠠᠨ ᠨᠢᠭᠡᠴᠢ ᠶᠢᠨ ᠪᠠᠷᠢᠮᠵᠢᠶᠠ ᠪᠠᠷ ᠲᠤᠭᠠᠯᠠᠨ ᠬᠡᠮᠵᠢᠳᠡᠭ ᠪᠠᠶᠢᠨᠠ᠃ ᠢᠩᠭᠢᠭᠡᠳ ᠯᠡ ᠶᠠᠮᠠᠷ ᠨᠢᠭᠡᠨ | ᠶᠠᠭᠤᠮᠠᠨ ᠤ ᠤᠷᠲᠤ ᠶᠢᠨ ᠬᠡᠮᠵᠢᠶᠡ ᠶᠢ ᠬᠡᠮᠵᠢᠨ ᠪᠠᠷᠤᠭᠴᠠᠭᠠᠯᠠᠬᠤ ᠳᠠᠭᠠᠨ ᠭᠠᠷ ᠤᠨ ᠨᠢᠭᠡ ᠬᠤᠷᠤᠭᠤ ᠠᠴᠠ ᠨᠠᠷᠢᠨ | ᠶᠠᠭᠤᠮᠠ ᠪᠠᠶᠢᠪᠠᠯ ᠬᠢᠮᠦᠰᠦᠨ ᠤ ᠴᠢᠨᠡᠭᠡᠨ᠂ ᠵᠠᠩᠭᠢᠯᠠᠭᠠ ᠶᠢᠨ ᠴᠢᠨᠡᠭᠡᠨ᠂ ᠪᠦᠭᠡᠰᠦ ᠴᠢᠨᠡᠭᠡᠨ ︵ᠲᠤᠩ ᠪᠠᠭᠠ ᠶᠢᠨ | ᠬᠡᠮᠵᠢᠶᠡ ᠳᠤ ᠪᠠᠭᠲᠠᠨᠠ︶᠂ ᠬᠢᠯᠭᠠᠰᠤᠨ ᠤ ᠴᠢᠨᠡᠭᠡᠨ ᠠᠴᠠ ᠬᠤᠮᠠᠬᠢ ᠶᠢᠨ ᠲᠤᠭᠤᠰᠤᠨ ᠴᠢᠨᠡᠭᠡᠨ ᠪᠤᠯᠲᠠᠯᠠ ᠪᠠᠭᠠᠰᠴᠤ | ᠂ ᠠᠯᠳᠠ ᠪᠤᠶᠤ ᠬᠡᠳᠦᠨ ᠠᠯᠳᠠ ᠠᠴᠠ ᠤᠷᠲᠤ ᠪᠠᠶᠢᠪᠠᠯ ᠡᠭᠦᠳᠡᠨ ᠬᠤᠶᠢᠮᠤᠷ ᠤᠨ ᠵᠠᠢ᠂ ᠠᠷᠭᠠᠮᠵᠢ ᠶᠢᠨ ᠵᠠᠢ᠂ | ᠡᠳᠦᠷ ᠤᠨ ᠭᠠᠵᠠᠷ᠂ ᠬᠤᠨᠤᠭ ᠤᠨ ᠭᠠᠵᠠᠷ᠂ ᠰᠠᠷᠠ ᠶᠢᠨ ᠭᠠᠵᠠᠷ᠂ ᠵᠢᠯ ᠤᠨ ᠭᠠᠵᠠᠷ ᠭᠡᠳ ᠤᠷᠲᠤᠰᠴᠤ | ᠲᠡᠭᠦᠨ ᠠᠴᠠ ᠪᠠᠨ ᠬᠠᠷᠠᠭᠠᠨ ᠤ ᠭᠠᠵᠠᠷ᠂ ᠰᠠᠨᠠᠭᠠᠨ ᠤ ᠭᠠᠵᠠᠷ ᠭᠡᠳ ᠦᠷᠭᠡᠳᠦᠨ ᠬᠤᠯᠠᠳᠴᠤ ᠶᠠᠪᠤᠳᠠᠭ ᠪᠠᠶᠢᠨᠠ᠃ | ᠮᠤᠩᠭᠤᠯᠴᠤᠳ ᠲᠤ ᠪᠡᠶᠡ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠬᠠᠷᠠᠭᠠ ᠬᠦᠷᠴᠦ᠂ ᠬᠠᠷᠠᠭᠠ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠰᠠᠨᠠᠭᠠ | ᠬᠦᠷᠦᠨᠡ ᠭᠡᠳᠡᠭ ᠰᠠᠶᠢᠬᠠᠨ ᠦᠭᠡ ᠪᠠᠶᠢᠳᠠᠭ᠃ | ᠮᠤᠩᠭᠤᠯ ᠬᠦᠮᠦᠨ ᠪᠠᠰᠠ ᠡᠳᠦᠷ᠂ ᠰᠦᠨᠢ ᠬᠤᠶᠠᠷ ᠢ ᠨᠢᠭᠡ ᠬᠤᠨᠤᠭ ᠢᠶᠠᠷ ᠦᠵᠡᠵᠦ᠂ ᠡᠳᠦᠷ ᠢ ᠦᠷ | ᠴᠠᠶᠢᠬᠤ᠂ ᠨᠠᠷᠠ ᠮᠠᠨᠳᠤᠬᠤ᠂ ᠪᠠᠭᠠ ᠦᠳᠡ᠂ ᠦᠳᠡ ᠳᠤᠮᠳᠠ᠂ ᠦᠳᠡ ᠶᠢᠨ ᠬᠤᠶᠢᠨᠠ᠂ ᠨᠠᠷᠠᠨ ᠨᠢᠭᠤᠬᠤ ᠦᠶᠡ᠂ | ᠴᠠᠭᠠᠨ ᠪᠦᠷᠦᠢ᠂ ᠬᠠᠷᠠ ᠪᠦᠷᠦᠢ᠂ ᠰᠦᠨᠢ ᠳᠤᠮᠳᠠ ᠭᠡᠬᠦ ᠮᠡᠲᠦ ᠪᠠᠷ ᠲᠤᠲᠤᠷᠬᠠᠢ ᠢᠯᠭᠠᠯ ᠲᠠᠢ ᠪᠠᠶᠢᠵᠤ᠂ | ᠡᠭᠦᠨ ᠢᠶᠠᠷ ᠢᠶᠠᠨ ᠴᠠᠭ ᠲᠡᠮᠳᠡᠭᠯᠡᠬᠦ ᠠᠷᠭᠠ ᠪᠤᠯᠭᠠᠭᠠᠳ ᠬᠤᠯᠠ ᠵᠠᠢ ᠶᠢᠨ ᠤᠷᠲᠤ ᠳᠤ ᠲᠦᠯᠬᠢᠨ ᠪᠤᠳᠤᠵᠤ ᠴᠢᠳᠠᠳᠠᠭ | ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠴᠠᠰᠤᠨ ᠤ ᠵᠤᠵᠠᠭᠠᠨ ᠨᠢᠮᠭᠡᠨ ᠢ ᠢᠯᠡᠳᠬᠡᠵᠦ ᠬᠡᠯᠡᠬᠦ ᠳᠡᠭᠡᠨ ᠱᠠᠭᠠᠵᠠᠭᠠᠢ ᠶᠢᠨ ᠮᠦᠷ᠂ | ᠮᠠᠯ ᠳᠤᠯᠢᠶᠠᠮᠠ᠂ ᠭᠤᠲᠤᠯ ᠤᠨ ᠤᠯᠠ᠂ ᠱᠠᠭᠠ ᠬᠦᠷᠬᠦ᠂ ᠡᠪᠦᠳᠦᠭ ᠬᠦᠷᠬᠦ ᠭᠡᠬᠦ ᠮᠡᠲᠦ ᠪᠠᠷ ᠬᠡᠮᠵᠢᠬᠦ ᠨᠢ ᠶᠠᠭ | ᠮᠤᠩᠭᠤᠯ ᠬᠦᠮᠦᠨ ᠤ ᠪᠤᠳᠠᠲᠤ ᠠᠮᠢᠳᠤᠷᠠᠯ ᠢ ᠢᠯᠡᠳᠬᠡᠭᠰᠡᠨ ᠨᠢᠭᠡ ᠵᠦᠢᠯ ᠤᠨ ᠤᠷᠲᠤ ᠶᠢ ᠬᠡᠮᠵᠢᠬᠦ ᠪᠠᠷᠢᠮᠵᠢᠶᠠ ᠮᠦᠨ᠃ | | ᠬᠤᠶᠠᠷ᠂ ᠮᠤᠩᠭᠤᠯᠴᠤᠳ ᠤᠨ ᠤᠷᠲᠤ ᠶᠢᠨ ᠬᠡᠮᠵᠢᠶᠡ ᠨᠢᠭᠡᠴᠢ ᠶᠢᠨ ᠲᠤᠬᠠᠢ ᠦᠨᠳᠦᠰᠦᠨ ᠳᠦᠷᠢᠮ | ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠤᠷᠲᠤ ᠶᠢᠨ ᠬᠡᠮᠵᠢᠯᠲᠡ ᠶᠢᠨ ᠨᠢᠭᠡᠴᠢ ᠶᠢᠨ ᠲᠤᠲᠤᠷᠠᠬᠢ ᠠᠮᠢᠳᠤᠷᠠᠯ | ᠳᠤᠮᠳᠠ ᠦᠷᠭᠦᠯᠵᠢ ᠬᠡᠷᠡᠭᠯᠡᠭᠳᠡᠳᠡᠭ ᠨᠢ ᠬᠤᠷᠤᠭᠤ᠂ ᠰᠦᠭᠦᠮ᠂ ᠲᠦᠭᠡ᠂ ᠲᠤᠬᠤᠢ᠂ ᠠᠯᠳᠠ᠂ ᠠᠷᠭᠠᠮᠵᠢ ᠵᠡᠷᠭᠡ | ᠪᠠᠶᠢᠳᠠᠭ᠃ | ᠬᠤᠷᠤᠭᠤ᠄ ᠬᠤᠷᠤᠭᠤ ᠵᠤᠵᠠᠭᠠᠨ᠂ ᠭᠠᠷ ᠤᠨ ᠬᠤᠷᠤᠭᠤᠨ ᠤ ᠦᠷᠭᠡᠴᠡ ᠲᠠᠢ ᠲᠡᠩᠴᠡᠬᠦ ᠵᠤᠵᠠᠭᠠᠨ ᠤ | ᠬᠡᠮᠵᠢᠶᠡ᠂ ᠶᠠᠭᠤᠮᠠᠨ ᠤ ᠭᠠᠷ ᠤᠨ ᠬᠤᠷᠤᠭᠤ ᠶᠢᠨ ᠪᠦᠲᠦᠭᠦᠨ ᠲᠠᠢ ᠲᠡᠩᠴᠡᠬᠦ ᠬᠡᠮᠵᠢᠶᠡ᠃ | ᠰᠦᠭᠦᠮ᠄ ᠡᠷᠡᠬᠡᠢ ᠬᠤᠷᠤᠭᠤ ᠪᠠ ᠲᠤᠯᠤᠪᠤᠷ ᠬᠤᠷᠤᠭᠤ ᠶᠢ ᠴᠢᠨᠡᠭᠡ ᠪᠠᠷ ᠨᠢ ᠰᠤᠩᠭᠠᠵᠤ ᠬᠡᠮᠵᠢᠭᠰᠡᠨ | ᠬᠡᠮᠵᠢᠶᠡ᠃ | ᠲᠦᠭᠡ᠄ ᠰᠤᠩᠭᠠᠭᠰᠠᠨ ᠡᠷᠡᠬᠡᠢ ᠬᠤᠷᠤᠭᠤ ᠪᠤᠯᠤᠨ ᠳᠤᠮᠳᠠ ᠬᠤᠷᠤᠭᠤ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤᠬᠢ | ᠵᠠᠢ ᠶᠢᠨ ᠬᠡᠮᠵᠢᠶᠡ᠂ ᠲᠦᠭᠡ ᠴᠢᠨᠡᠭᠡ ᠤᠷᠲᠤ᠂ ᠭᠤᠷᠪᠠᠨ ᠲᠦᠭᠡ ᠪᠦᠰ ᠭᠡᠬᠦ ᠮᠡᠲᠦ᠃ | ᠠᠯᠳᠠ᠄ ᠬᠤᠶᠠᠷ ᠭᠠᠷ ᠢ ᠬᠦᠨᠳᠡᠯᠡᠨ ᠰᠤᠩᠭᠠᠭᠰᠠᠨ ᠤ ᠬᠤᠭᠤᠷᠤᠨᠳᠤᠬᠢ ᠤᠷᠲᠤ ᠶᠢᠨ ᠬᠡᠮᠵᠢᠶᠡ ᠶᠢ | ᠵᠢᠭᠠᠨᠠ᠃ | ᠳᠡᠯᠢᠮ᠄ ᠬᠠᠭᠠᠰ ᠠᠯᠳᠠ ᠶᠢᠨ ᠬᠡᠮᠵᠢᠶᠡ᠃ | ᠠᠷᠭᠠᠮᠵᠢ ᠶᠢᠨ ᠭᠠᠵᠠᠷ᠄ ᠨᠢᠭᠡ ᠠᠮᠢᠰᠬᠤᠯ ᠢᠶᠠᠷ ᠭᠦᠶᠦᠵᠦ ᠬᠦᠷᠬᠦ ᠭᠠᠵᠠᠷ ᠢ ᠵᠢᠭᠠᠨᠠ᠃ ᠠᠷᠭᠠᠮᠵᠢ ᠶᠢᠨ | ᠭᠠᠵᠠᠷ ᠮᠤᠷᠢ ᠤᠨᠤᠭᠠᠳ ᠶᠠᠭᠠᠬᠢᠬᠤ ᠪᠤᠢ ᠭᠡᠬᠦ ᠮᠡᠲᠦ ᠪᠠᠷ᠃ | ᠡᠳᠡᠭᠡᠷ ᠨᠢᠭᠡᠴᠢ ᠶᠢᠨ ᠬᠤᠭᠤᠷᠤᠨᠳᠤ ᠮᠦᠨ ᠴᠦ ᠭᠤᠷᠪᠠᠨ ᠲᠦᠭᠡ ᠨᠢ ᠨᠢᠭᠡ ᠲᠤᠬᠤᠢ᠂ ᠭᠤᠷᠪᠠᠨ ᠲᠤᠬᠤᠢ | ᠨᠢ ᠨᠢᠭᠡ ᠠᠯᠳᠠ᠂ ᠠᠷᠪᠠᠨ ᠬᠤᠶᠠᠷ ᠠᠯᠳᠠ ᠨᠢ ᠨᠢᠭᠡ ᠠᠷᠭᠠᠮᠵᠢ ᠭᠡᠬᠦ ᠮᠡᠲᠦ ᠪᠠᠷ ᠶᠡᠬᠡᠰᠬᠡᠬᠦ ᠪᠤᠶᠤ ᠪᠠᠭᠠᠰᠬᠠᠬᠤ | ᠳᠠᠪᠰᠢᠯᠲᠠ ᠶᠢᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ ᠨᠢ ᠪᠦᠷ ᠮᠤᠩᠭᠤᠯ ᠬᠦᠮᠦᠨ ᠤ ᠪᠤᠳᠠᠳᠤ ᠠᠮᠢᠳᠤᠷᠠᠯ ᠳᠤᠮᠳᠠ ᠠᠴᠠ ᠪᠠᠨ | ᠬᠠᠷᠢᠴᠠᠭᠤᠯᠤᠨ ᠭᠠᠷᠭᠠᠵᠤ ᠴᠢᠳᠠᠭᠰᠠᠨ ᠤᠷᠠᠨ ᠳᠡᠮ ᠲᠠᠢ᠂ ᠳᠦᠭᠦᠮ ᠪᠠᠷᠢᠮᠵᠢᠶᠠ ᠲᠠᠢ᠂ ᠠᠷᠭᠠ ᠤᠬᠠᠭᠠᠨ ᠤ | ᠬᠡᠮᠵᠢᠯᠲᠡ ᠶᠢᠨ ᠨᠢᠭᠡᠴᠢ ᠪᠤᠯᠤᠨᠠ᠃ | ᠭᠤᠷᠪᠠ᠂ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠪᠠ ᠦᠢᠯᠡᠳᠪᠦᠷᠢ ᠬᠦᠳᠡᠯᠮᠦᠷᠢ ᠳᠤᠮᠳᠠ ᠪᠠᠨ ᠬᠡᠷᠡᠭᠯᠡᠬᠦ | ᠪᠤᠳᠠᠲᠤ ᠵᠢᠱᠢᠶᠡ | ᠮᠤᠩᠭᠤᠯᠴᠤᠳ ᠬᠤᠪᠴᠠᠰᠤ ᠬᠤᠨᠠᠷ ᠤᠶᠤᠬᠤ᠂ᠮᠤᠩᠭᠤᠯ ᠭᠡᠷ ᠤᠨ ᠮᠤᠳᠤ ᠵᠠᠯᠠᠬᠤ ᠠᠴᠠ ᠪᠦᠷᠢᠶᠡᠰᠦ | ᠡᠰᠬᠡᠵᠦ ᠡᠪᠯᠡᠬᠦ᠂ ᠮᠠᠯᠵᠢᠯ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠡᠳᠦᠷᠵᠢᠨ ᠬᠡᠷᠡᠭᠯᠡᠳᠡᠭ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠬᠢᠬᠦ ᠳᠡᠭᠡᠨ ᠪᠦᠷ | ᠲᠦᠭᠡ᠂ ᠰᠦᠭᠦᠮ᠂ ᠠᠯᠳᠠ ᠵᠡᠷᠭᠡ ᠤᠷᠲᠤ ᠶᠢᠨ ᠬᠡᠮᠵᠢᠯᠲᠡ ᠶᠢᠨ ᠨᠢᠭᠡᠴᠢ ᠪᠠᠷ ᠢᠶᠠᠨ ᠬᠡᠮᠵᠢᠨ ᠡᠰᠬᠡᠨ ᠡᠪᠯᠡᠵᠦ᠂ | ᠤᠶᠤᠵᠤ ᠬᠠᠳᠬᠤᠵᠤ᠂ ᠬᠠᠳᠠᠵᠤ ᠪᠤᠯᠭᠤᠵᠤ᠂ ᠭᠦᠷᠦᠵᠦ ᠲᠠᠮᠤᠵᠤ᠂ ᠰᠢᠷᠢᠵᠦ ᠱᠠᠭᠯᠠᠨ ᠡᠯᠳᠡᠪ ᠵᠦᠢᠯ ᠤᠨ | ᠪᠦᠲᠦᠭᠡᠭᠳᠡᠭᠦᠨ ᠢᠶᠠᠨ ᠡᠭᠦᠳᠦᠨ ᠪᠦᠲᠦᠭᠡᠵᠦ᠂ ᠡᠳ᠋ᠯᠡᠵᠦ ᠬᠡᠷᠡᠭᠰᠡᠳᠡᠭ ᠪᠠᠶᠢᠨᠠ᠃ ᠡᠭᠦᠨ ᠤ ᠲᠤᠳᠤᠷᠠ ᠡᠳᠦᠷ | ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠶᠡᠷᠦᠳᠡ ᠶᠢᠨ ᠬᠡᠷᠡᠭᠯᠡᠭᠳᠡᠳᠡᠭ᠂ ᠪᠢᠳᠡ ᠪᠦᠬᠦᠨ ᠤ ᠬᠠᠮᠤᠭ ᠤᠨ ᠮᠡᠳᠡᠳᠡᠭ ᠪᠤᠳᠠᠳᠤ | ᠵᠢᠱᠢᠶᠡ ᠶᠢ ᠬᠡᠯᠡᠪᠡᠯ᠄ | ᠮᠤᠩᠭᠤᠯ ᠭᠡᠷ ᠤᠨ ᠮᠤᠳᠤ ᠶᠢ ᠵᠠᠯᠠᠵᠤ ᠤᠶᠤᠬᠤ — ᠮᠤᠩᠭᠤᠯ ᠭᠡᠷ ᠤᠨ ᠮᠤᠳᠤ ᠶᠢ ᠵᠠᠯᠠᠵᠤ ᠵᠠᠰᠠᠬᠤ ᠳᠤ | ᠬᠠᠮᠢᠶᠠ ᠪᠦᠬᠦᠢ ᠬᠡᠳᠦᠨ ᠮᠤᠳᠤ ᠠᠪᠴᠢᠷᠠᠨ ᠵᠢᠷᠤᠵᠤ ᠬᠠᠷᠠᠭᠤᠯᠳᠠᠵᠤ ᠵᠠᠰᠠᠬᠤ ᠵᠦᠢᠯ ᠤᠭᠲᠤ ᠪᠢᠰᠢ᠃ ᠪᠦᠬᠦᠶᠢᠯᠡ | ᠮᠤᠩᠭᠤᠯ ᠭᠡᠷ ᠤᠨ ᠵᠠᠭᠪᠤᠷ ᠪᠦᠷ ᠯᠡ ᠨᠢᠭᠡ ᠪᠦᠲᠦᠨ ᠴᠤᠭᠴᠠ ᠶᠤᠮ᠃ ᠤᠨᠢ᠂ ᠲᠠᠷᠠᠮ᠂ ᠬᠠᠷᠠᠭᠠᠴᠠ᠂ ᠡᠭᠦᠳᠡᠨ ᠤ | ᠶᠡᠭᠡ ᠪᠠᠭᠠ ᠪᠦᠷ ᠨᠢᠭᠡ ᠨᠢᠭᠡᠨ ᠳᠡᠭᠡᠨ ᠬᠤᠯᠪᠤᠭᠠ ᠲᠠᠢ᠂ ᠨᠢᠭᠡ ᠨᠢ ᠳᠡᠩᠳᠡᠭᠦᠦ ᠤᠷᠲᠤᠰᠬᠤ ᠪᠤᠶᠤ | ᠪᠠᠷᠢᠮᠵᠢᠶᠠᠨ ᠠᠴᠠ ᠳᠡᠩᠳᠡᠭᠦᠦ ᠤᠬᠤᠷᠳᠠᠪᠠᠯ ᠪᠦᠬᠦ ᠭᠡᠷ ᠡᠪᠭᠦᠶᠢᠷᠡᠵᠦ ᠪᠠᠷᠢᠬᠤ ᠳᠤ ᠬᠢᠯᠪᠠᠷ ᠪᠤᠰᠤ ᠪᠤᠶᠤ | ᠪᠠᠷᠢᠭᠰᠠᠨ ᠤ ᠬᠤᠶᠢᠨᠠ ᠬᠡᠪ ᠦᠵᠡᠪᠦᠷᠢ ᠦᠭᠡᠢ ᠬᠠᠷᠠᠭᠳᠠᠳᠠᠭ᠃ ᠡᠶᠢᠮᠦ ᠠᠴᠠ ᠬᠠᠷᠠᠭᠠᠴᠠ ᠶᠢᠨ ᠢᠶᠠᠨ ᠶᠡᠭᠡ ᠪᠠᠭᠠ | ᠪᠠ ᠲᠠᠷᠠᠮ ᠤᠨ ᠢᠶᠠᠨ ᠡᠷᠡᠰ ᠢ ᠦᠵᠡᠵᠦ ᠤᠨᠢᠨ ᠤ ᠪᠠᠨ ᠤᠷᠲᠤ ᠤᠬᠤᠷ ᠢ ᠲᠤᠭᠲᠠᠭᠠᠨᠠ᠃ ᠶᠡᠷᠦ ᠳᠡᠭᠡᠨ ᠬᠡᠷᠡᠭᠯᠡᠳᠡᠭ | ᠨᠠᠶᠠᠨ ᠤ ᠭᠡᠷ ᠢᠶᠠᠷ ᠵᠢᠱᠢᠶᠡᠯᠡᠪᠡᠯ ᠬᠠᠷᠠᠭᠠᠴᠠ ᠨᠢ ᠨᠠᠶᠠᠨ ᠬᠤᠯᠬᠠ ᠲᠠᠢ ᠪᠠᠶᠢᠵᠤ ᠤᠨᠢ ᠨᠢ ᠪᠠᠭᠠ ᠳᠠᠭᠠᠨ 10-12 | ᠲᠦᠭᠡ ᠤᠷᠲᠤ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠲᠠᠷᠠᠮ ᠬᠠᠮᠤᠭ ᠦᠷᠭᠡᠨ ᠳᠡᠭᠡᠨ ᠠᠷᠪᠠᠨ ᠬᠤᠶᠠᠷ ᠲᠤᠯᠤᠭᠠᠢ ᠲᠠᠢ᠂ 1 ᠲᠠᠷᠠᠮ | 10 ᠲᠦᠭᠡ ᠪᠠᠶᠢᠬᠤ᠃ ᠬᠠᠭᠠᠯᠭᠠ ᠳᠡᠭᠡᠷᠡ 4-5 ᠲᠤᠯᠤᠭᠠᠢ ᠲᠠᠭᠠᠷᠠᠭᠤᠯᠪᠠᠯ ᠰᠠᠶ᠋ᠢ ᠡᠪᠲᠡᠢ ᠰᠠᠶᠢᠬᠠᠨ ᠬᠡᠪ ᠲᠠᠢ | ᠭᠡᠷ ᠪᠠᠷᠢᠭᠳᠠᠨᠠ᠃ | ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠶᠡᠷᠦᠳᠡ ᠪᠠᠨ ᠬᠡᠷᠡᠭᠯᠡᠭᠳᠡᠳᠡᠭ ᠳᠡᠭᠡᠰᠦ ᠰᠢᠳᠠᠮ — ᠡᠭᠦᠨ ᠳᠤ | ᠵᠢᠯᠤᠭᠤ ᠴᠤᠯᠪᠤᠭᠤᠷ᠂ ᠴᠠᠯᠮᠠ ᠶᠢᠨ ᠳᠡᠭᠡᠰᠦ᠂ ᠤᠯᠤᠩ ᠭᠠᠨᠵᠤᠭᠠ᠂ ᠬᠡᠯᠬᠢᠶᠡᠨ ᠤ ᠳᠡᠭᠡᠰᠦ᠂ ᠵᠡᠯᠡ ᠬᠦᠵᠦᠭᠦᠪᠴᠢ | ᠂ ᠴᠢᠳᠦᠷ ᠳᠤᠱᠠ᠂ ᠲᠤᠶᠢᠪᠤᠷ᠂ ᠳᠦᠷᠦᠭᠡ ᠶᠢᠨ ᠰᠤᠷ᠂ ᠭᠡᠷ ᠤᠨ ᠪᠦᠰᠡ᠂ ᠴᠢᠭᠳᠠᠭᠠ᠂ ᠡᠷᠭᠢᠭᠦᠯᠭᠡ᠂ ᠤᠨᠢ ᠶᠢᠨ | ᠭᠤᠭᠴᠤᠭᠠ ᠭᠤᠭᠴᠤᠭᠠ ᠬᠦᠷᠲᠡᠯᠡ ᠪᠦᠷ ᠲᠤᠰ ᠲᠤᠰ ᠤᠨ ᠢᠶᠠᠨ ᠲᠤᠭᠲᠠᠭᠰᠠᠨ ᠪᠠᠷᠢᠮᠵᠢᠶᠠ ᠤᠷᠲᠤ ᠶᠢᠨ ᠬᠡᠮᠵᠢᠶᠡ | ᠲᠠᠢ᠃ ᠡᠭᠦᠨ ᠳᠤ ᠨᠢᠭᠡ ᠴᠤᠯᠪᠤᠭᠤᠷ 3-5 ᠠᠯᠳᠠ᠂ ᠨᠢᠭᠡ ᠵᠢᠯᠤᠭᠤ ᠶᠢᠨ ᠤᠷᠲᠤ 1-3 ᠠᠯᠳᠠ ᠪᠤᠶᠤ 2 ᠠᠯᠳᠠ | 1 ᠳᠡᠯᠢᠮ᠂ ᠨᠢᠭᠡ ᠴᠠᠯᠮᠠ ᠶᠢᠨ ᠳᠡᠭᠡᠰᠦ 5-7 ᠠᠯᠳᠠ ᠭᠡᠬᠦ ᠮᠡᠲᠦ ᠲᠤᠭᠲᠠᠮᠠᠯ ᠤᠷᠲᠤ ᠶᠢᠨ ᠪᠠᠷᠢᠮᠵᠢᠶᠠ ᠨᠢᠭᠡᠴᠢ | ᠲᠠᠢ᠃ | ᠬᠡᠷᠪᠡ ᠨᠢᠭᠡ ᠬᠦᠳᠡᠭᠡ ᠶᠢᠨ ᠪᠤᠷᠤ ᠮᠠᠯᠴᠢᠨ ᠠᠴᠠ ᠲᠠᠨ ᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠨᠢᠭᠡ ᠴᠤᠯᠪᠤᠭᠤᠷ ᠬᠡᠳᠦᠢ | ᠮᠧᠲᠷ ᠤᠷᠲᠤ ᠪᠤᠢ ᠭᠡᠵᠦ ᠠᠰᠠᠭᠤᠪᠠᠯ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠬᠦᠮᠦᠨ ᠴᠦᠭᠡᠨ ᠪᠠᠶᠢᠵᠤ᠂ ᠨᠢᠭᠡ ᠴᠤᠯᠪᠤᠭᠤᠷ | ᠬᠡᠳᠦᠢ ᠠᠯᠳᠠ ᠪᠠᠶᠢᠵᠤ᠂ ᠨᠢᠭᠡ ᠭᠠᠨᠵᠤᠭᠠ ᠬᠡᠳᠦᠢ ᠲᠦᠭᠡ ᠪᠠᠶᠢᠳᠠᠭ ᠪᠤᠢ ᠭᠡᠵᠦ ᠠᠰᠠᠭᠤᠪᠠᠯ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ | ᠦᠭᠡᠢ ᠬᠦᠮᠦᠨ ᠪᠠᠶᠢᠬᠤ ᠦᠭᠡᠢ᠂ ᠪᠦᠭᠦᠳᠡ ᠶᠢ ᠮᠡᠳᠡᠨᠡ᠃ ᠡᠨᠡ ᠪᠤᠯ ᠰᠠᠶ᠋ᠢ ᠰᠤᠶᠤᠯ᠂ ᠰᠠᠶ᠋ᠢ ᠪᠤᠰᠤᠳ ᠠᠴᠠ | ᠢᠯᠭᠠᠭᠳᠠᠨ ᠲᠠᠨᠢᠭᠳᠠᠬᠤ ᠮᠤᠩᠭᠤᠯ ᠰᠤᠶᠤᠯ ᠪᠠᠶᠢᠭᠠ᠃ ᠮᠤᠩᠭᠤᠯ ᠬᠤᠪᠴᠠᠰᠤ ᠬᠤᠨᠠᠷ ᠤᠶᠤᠬᠤ ᠶᠠᠪᠤᠴᠠ ᠳᠤ | ᠬᠡᠷᠡᠭᠯᠡᠬᠦ ᠤᠷᠲᠤ ᠶᠢᠨ ᠨᠢᠭᠡᠴᠢ ᠯᠠᠪᠠᠰᠢᠭ ᠨᠢ ᠮᠠᠨ ᠤ ᠳᠡᠭᠡᠳᠦ ᠮᠤᠩᠭᠤᠯᠴᠤᠳ ᠤᠨ ᠦᠭᠡᠷᠡ ᠭᠠᠵᠠᠷ ᠤᠷᠤᠨ ᠤ | ᠮᠤᠩᠭᠤᠯᠴᠤᠳ ᠠᠴᠠ ᠢᠯᠭᠠᠭᠳᠠᠬᠤ ᠤᠨᠴᠠᠯᠢᠭ ᠲᠠᠢ ᠬᠤᠪᠴᠠᠰᠤ ᠪᠤᠯᠬᠤ ᠤᠴᠢᠷ ᠦᠴᠢ ᠯᠠᠪᠠᠰᠢᠭ ᠡᠰᠬᠡᠬᠦ ᠪᠠᠷ | ᠵᠢᠱᠢᠶᠡᠯᠡᠪᠡᠯ᠂ ᠨᠢᠭᠡ ᠦᠴᠢ ᠶᠢᠨ ᠠᠷᠤ ᠶᠢᠨ ᠤᠷᠲᠤ ᠶᠢ ᠪᠤᠭᠤᠨᠢ ᠰᠢᠭ᠋ ᠡᠮᠡᠭᠲᠡᠢ ᠳᠤ 7 ᠲᠦᠭᠡ᠂ ᠦᠨᠳᠦᠷ ᠡᠮᠡᠭᠲᠡᠢ | ᠬᠦᠮᠦᠨ ᠳᠤ 8 ᠲᠦᠭᠡ ᠪᠠᠷ ᠲᠦᠭᠡᠯᠡᠵᠦ ᠡᠰᠬᠡᠵᠦ᠂ ᠪᠤᠭᠤᠨᠢ ᠡᠷᠡᠭᠲᠡᠢ 5 ᠲᠦᠭᠡ᠂ ᠦᠨᠳᠦᠷ ᠡᠷᠡᠭᠲᠡᠢ ᠬᠦᠮᠦᠨ ᠳᠤ | 6 ᠲᠦᠭᠡ ᠡᠰᠬᠡᠨᠡ᠃ ᠡᠭᠡᠮ ᠤᠨ ᠦᠷᠭᠡᠨ ᠢ ᠨᠢ ᠡᠩ ᠤᠨ ᠦᠶᠡ 4 ᠲᠦᠭᠡ ᠲᠠᠯᠪᠢᠵᠤ᠂ ᠡᠷᠡᠭᠲᠡᠢ ᠬᠦᠮᠦᠨ ᠤ | ᠦᠴᠢ ᠶᠢᠨ ᠵᠠᠬᠠ 5 ᠲᠦᠭᠡ᠂ ᠡᠮᠡᠭᠲᠡᠢ ᠬᠦᠮᠦᠨ ᠤ ᠵᠠᠬᠠ 3 ᠲᠦᠭᠡ᠂ ᠬᠠᠨᠴᠤᠢ 3-4 ᠲᠦᠭᠡ᠂ ᠰᠢᠭᠰᠢᠭ ᠤᠨ | ᠦᠷᠭᠡᠨ ᠦᠵᠦᠭᠦᠷ ᠢ 1 ᠰᠦᠭᠦᠮ᠂ ᠨᠠᠷᠢᠨ ᠦᠵᠦᠭᠦᠷ ᠢ ᠨᠢ 2 ᠬᠤᠷᠤᠭᠤ ᠵᠡᠷᠭᠡ ᠪᠠᠷ ᠪᠠᠷᠢᠮᠵᠢᠶᠠᠯᠠᠨ ᠡᠰᠬᠡᠵᠦ | ᠡᠪᠯᠡᠨ ᠤᠶᠤᠳᠠᠭ ᠪᠠᠶᠢᠨᠠ᠃ ᠢᠩᠭᠢᠭᠡᠳ ᠯᠡ ︽ᠤᠷᠠᠨ ᠬᠦᠮᠦᠨ ᠤᠴᠢᠭ ᠤᠨ ᠴᠢᠨᠡᠭᠡᠨ ᠤᠲᠠᠰᠤ ᠲᠠᠢ᠂ ᠴᠡᠯᠳᠡᠩ | ᠬᠦᠮᠦᠨ ᠴᠠᠯᠮᠠ ᠶᠢᠨ ᠴᠢᠨᠡᠭᠡᠨ ᠤᠲᠠᠰᠤ ᠲᠠᠢ︾ ᠭᠡᠬᠦ ᠠᠷᠠᠳ ᠤᠨ ᠵᠦᠢᠷ ᠦᠭᠡ ᠪᠠᠷ ᠦᠢᠯᠡ ᠤᠶᠤᠵᠤ ᠪᠠᠶᠢᠭᠠ | ᠬᠦᠮᠦᠨ ᠤ ᠭᠡᠴᠡᠭᠦᠦ ᠲᠦᠭᠳᠦᠭ ᠢ ᠰᠢᠨᠵᠢᠵᠦ ᠦᠵᠡᠳᠡᠭ ᠪᠠᠶᠢᠨᠠ᠃ | ᠶᠡᠷᠦᠩᠬᠡᠶᠢᠯᠡᠪᠡᠯ ᠮᠤᠩᠭᠤᠯᠴᠤᠳ ᠤᠨ ᠡᠳᠡᠭᠡᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠨᠢᠭᠡᠴᠢ ᠶᠢ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ | ᠬᠡᠮᠵᠢᠯᠲᠡ ᠶᠢᠨ ᠨᠢᠭᠡᠴᠢ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠱᠤᠭᠤᠮ ᠤᠨ ᠡᠷᠢᠶᠡᠯᠡᠮᠡᠯ ᠨᠢᠳᠦ ᠠᠴᠠ ᠵᠦᠪ ᠪᠠᠶᠢᠬᠤ ᠠᠴᠠ ᠪᠢᠰᠢ | ᠵᠦᠷᠢᠶᠡ ᠲᠠᠢ ᠪᠠᠶᠢᠬᠤ ᠦᠭᠡᠢ᠃ ᠲᠡᠷᠡ ᠮᠦᠷᠲᠡᠭᠡᠨ ᠦᠭᠡᠷᠡ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭᠯᠡᠳᠡᠭ ᠠᠰ ᡂᠢ ᠠᠴᠠ | ᠳᠠᠪᠰᠢᠩᠭᠤᠢ ᠨᠢ ᠮᠤᠩᠭᠤᠯᠴᠤᠳ ᠮᠠᠲᠠᠭᠠᠷ ᠮᠤᠷᠤᠢ᠂ ᠭᠤᠷᠪᠠᠯᠵᠢᠨ᠂ ᠳᠦᠷᠪᠡᠯᠵᠢᠨ᠂ ᠵᠢᠰᠢᠭᠦᠯᠵᠢᠨ᠂ ᠪᠦᠭᠡᠷᠡᠩᠬᠡᠢ᠂ | ᠭᠦᠳᠦᠭᠦᠷ ᠬᠤᠲᠤᠭᠤᠷ ᠭᠡᠬᠦ ᠶᠠᠮᠠᠷᠴᠦ ᠬᠡᠯᠪᠡᠷᠢ ᠶᠢᠨ ᠪᠤᠳᠠᠰ ᠢ ᠬᠡᠮᠵᠢᠵᠦ ᠴᠢᠳᠠᠬᠤ ᠮᠦᠷᠲᠡᠭᠡᠨ ᠮᠠᠰᠢ ᠬᠤᠷᠳᠤᠨ | ᠤᠨᠤᠪᠴᠢᠲᠠᠢ ᠪᠠᠷ ᠬᠡᠮᠵᠢᠨ ᠢᠯᠡᠳᠬᠡᠵᠦ ᠳᠡᠶᠢᠯᠳᠡᠭ ᠨᠢ ᠨᠢᠭᠡᠨ ᠪᠠᠭ᠋ᠠᠷᠤᠯᠲᠠᠢ ᠰᠤᠶᠤᠯ ᠪᠠᠶᠢᠵᠤ᠂ ᠨᠡᠩ ᠴᠦ ᠪᠢᠳᠡᠨ ᠤ | ᠤᠯᠠᠮ ᠨᠢᠭᠡ ᠠᠯᠬᠤᠮ ᠠᠩᠬᠠᠷᠤᠨ ᠰᠤᠳᠤᠯᠵᠤ ᠪᠤᠯᠤᠮᠠᠷ ᠤᠯᠠᠮᠵᠢᠯᠠᠯᠲᠤ ᠮᠤᠩᠭᠤᠯ ᠰᠤᠶᠤᠯ ᠪᠤᠯᠤᠨᠠ᠃ ︽ᠡᠷᠲᠡᠨ ᠤ | ᠦᠶᠡ ᠳᠤ ᠮᠤᠩᠭᠤᠯᠴᠤᠳ ᠤᠨ ᠰᠢᠷᠠ ᠵᠢᠷᠤᠬᠠᠢ ᠦᠵᠡᠳᠡᠭ ᠬᠦᠮᠦᠨ ᠬᠤᠮᠠᠬᠢ ᠶᠢᠨ ᠲᠤᠭᠤᠰᠤᠨ ᠠᠴᠠ ᠡᠬᠢᠯᠡᠵᠦ | ᠪᠦᠮᠪᠦᠷᠴᠡᠭ ᠤᠨ ᠬᠡᠮᠵᠢᠶᠡ ᠶᠢ ᠪᠤᠳᠤᠵᠤ ᠭᠠᠷᠭᠠᠵᠤ ᠴᠢᠳᠠᠳᠠᠭ ᠪᠠᠶᠢᠯᠠ︾ ᠭᠡᠳᠡᠭ ᠨᠠᠰᠤᠲᠠᠶᠢᠴᠤᠳ ᠤᠨ ᠦᠭᠡ | ᠲᠤᠲᠤᠷᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠡᠮᠵᠢᠯᠲᠡ ᠶᠢᠨ ᠭᠦᠨ ᠤᠬᠠᠭᠠᠨ ᠠᠬᠤᠭᠤᠯᠤᠭᠳᠠᠵᠤ ᠪᠠᠶᠢᠭᠠ ᠨᠢ ᠨᠡᠩ ᠴᠦ ᠰᠤᠷᠴᠦ | ᠰᠤᠳᠤᠯᠤᠭᠤᠰᠢᠲᠠᠢ᠃ | |