| | ᠱ᠊᠂ ᠳᠤᠯᠮᠠ | | ᠡᠭᠦᠯᠡ ᠨᠠᠷᠠᠨ ᠤ ᠬᠤᠭᠤᠷᠤᠨᠳᠤ | ᠦᠨᠡᠨ ᠤ ᠪᠤᠷᠤᠭᠠ ᠠᠰᠬᠠᠷᠠᠵᠤ | ᠦᠭᠡᠢ ᠲᠤᠲᠠᠭᠤ ᠶᠢᠨ ᠵᠤᠪᠠᠯᠠᠩ ᠳᠤ | ᠦᠨᠦᠴᠢᠨ ᠵᠢᠷᠦᠬᠡ ᠰᠡᠮᠡᠷᠡᠬᠦ ᠳᠤ | ᠬᠠᠶᠢᠷᠠ ᠶᠢᠨ ᠬᠠᠯᠠᠭᠤᠨ ᠢᠯᠴᠢ | ᠬᠠᠵᠠᠭᠤ ᠠᠴᠠ ᠲᠦᠭᠡᠨᠡᠬᠦ ᠰᠠᠶᠢᠬᠠᠨ | ᠬᠠᠨᠢ ᠲᠠᠢ ᠬᠦᠮᠦᠨ ᠤ ᠵᠢᠷᠭᠠᠯ ᠢᠶᠠᠷ | ᠬᠠᠮᠲᠤ ᠳᠠᠭᠠᠨ ᠵᠤᠪᠠᠭ᠋ᠤ ᠴᠦ ᠰᠠᠶᠢᠬᠠᠨ | ᠡᠷᠢᠭᠡᠳ ᠤᠯᠳᠠᠬᠤ ᠦᠭᠡᠢ ᠡᠷᠳᠡᠨᠢ ᠶᠢ | ᠬᠤᠯᠠ ᠠᠴᠠ ᠬᠠᠶᠢᠭᠠᠳ ᠨᠡᠮᠡᠷᠢ ᠦᠭᠡᠢ | ᠡᠷᠡ ᠨᠦᠬᠦᠷ ᠤᠨ ᠢᠶᠠᠨ ᠡᠪᠦᠷ ᠠᠴᠠ ᠯᠡ | ᠡᠳ᠋ᠯᠡᠬᠦ ᠵᠢᠷᠭᠠᠯ ᠢᠶᠠᠨ ᠤᠯᠳᠠᠭ | ᠬᠦᠢᠲᠡᠨ ᠬᠠᠯᠠᠭᠤᠨ ᠤ ᠲᠤᠶᠢᠯ ᠳᠡᠭᠡᠷᠡ | ᠬᠦᠯ ᠠᠯᠳᠠᠯ ᠦᠭᠡᠢ ᠬᠢᠰᠬᠢᠬᠦ ᠳᠤ | ᠬᠦᠮᠦᠨ ᠢ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯ ᠤᠨ | ᠬᠦᠰᠡᠯ ᠤᠨ ᠭᠠᠯ ᠪᠠᠳᠠᠷᠠᠭᠠᠳᠠᠭ | ᠠᠮᠢᠨ ᠬᠠᠶᠢᠷᠠ ᠪᠠᠨ ᠰᠡᠪᠲᠦᠭᠡᠯ ᠦᠭᠡᠢ | ᠠᠪᠤᠭᠠᠳ ᠶᠠᠪᠤᠭᠰᠠᠨ ᠬᠦᠮᠦᠨ ᠯᠡ | ᠠᠯᠠᠭ ᠬᠤᠷᠸᠠ ᠶᠢᠨ ᠳᠤᠩᠰᠤᠯᠭᠠᠨ ᠳᠤ | ᠠᠵᠢᠷᠠᠯ ᠦᠭᠡᠢ ᠪᠦᠲᠦᠨ ᠦᠯᠡᠳᠡᠳᠡᠭ | ᠬᠠᠶᠢᠷᠠ ᠪᠠᠨ ᠬᠠᠶᠢᠷᠠᠯᠠᠵᠤ ᠴᠢᠳᠠᠭᠰᠠᠨ ᠪᠤᠯ | ᠬᠠᠨᠢ ᠪᠠᠨ ᠲᠦᠰᠢᠵᠦ ᠵᠢᠷᠭᠠᠭᠰᠠᠨ ᠪᠤᠯ | ᠬᠠᠲᠠᠭᠤ ᠠᠭᠠᠰᠢ ᠲᠠᠢ ᠬᠤᠷᠸᠠ ᠳᠤ | ᠬᠠᠷᠠᠭᠤᠰᠠᠬᠤ ᠨᠢ ᠶᠠᠭᠤ ᠰᠠᠨ ᠪᠢᠯᠡ᠃ |