| ᠢᠨᠵᠠᠨᠨᠠᠰᠢ ᠪᠤᠯ ᠠᠷᠪᠠ ᠶᠢᠰᠤᠳᠤᠭᠡᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠠᠭᠤᠤ ᠶᠡᠭᠡ | ᠤᠳᠬᠠ ᠵᠤᠬᠢᠶᠠᠯᠴᠢ ᠪᠤᠯᠬᠤ ᠮᠦᠷᠳᠡᠭᠡᠨ ᠭᠠᠷᠮᠠᠭᠠᠢ ᠳᠡᠤᠬᠡᠴᠢᠨ᠂ ᠪᠤᠳᠤᠯᠭᠠᠳᠠᠨ᠂ ᠮᠦᠨᠴᠤ ᠨᠢᠭᠡᠨ ᠠᠯᠳᠠᠷᠳᠤ | ᠰᠢᠯᠦᠭᠴᠢ ᠪᠤᠯᠬᠤ ᠶᠤᠮ᠃ | ᠢᠨᠵᠠᠨᠨᠠᠰᠢ 1837 ᠤᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠶᠢᠨ 20 ᠳᠤ ᠵᠤᠰᠤᠳᠤ ᠶᠢᠨ ᠴᠢᠭᠤᠯᠭᠠᠨ ᠤ ᠲᠦᠮᠡᠳ | ᠪᠠᠷᠠᠭᠤᠨ ᠬᠤᠰᠢᠭᠤᠨ ︵ᠤᠳᠤᠬᠢ ᠯᠢᠶᠤᠤᠨᠢᠩ ᠮᠤᠵᠢ ᠶᠢᠨ ᠪᠸᠢ ᠫᠢᠶᠤᠤ ᠰᠢᠶᠠᠨ︶ ᠤ ᠰᠢᠳᠤᠷᠭᠤ ᠪᠠᠳᠤ | ᠬᠤᠷᠤᠭᠠᠨ ᠤ ᠲᠠᠶᠢᠵᠢ ᠸᠠᠩᠴᠢᠨᠪᠠᠯᠠ ᠶᠢᠨ ᠳᠤᠯᠤᠳᠤᠭᠠᠷ ᠬᠦᠪᠡᠭᠦᠨ ᠪᠤᠯᠤᠨ ᠲᠦᠷᠦᠵᠡᠢ᠃ ᠢᠨᠵᠠᠨᠨᠠᠰᠢ ᠶᠢᠨ | ᠪᠠᠭᠠ ᠶᠢᠨ ᠨᠡᠷᠡ ᠨᠢ ᠬᠠᠰᠴᠢᠯᠠᠭᠤ᠂ ᠬᠢᠳᠠᠳ ᠨᠡᠷᠡ ᠨᠢ ᠪᠤᠤ ᠾᠧᠩ ᠱᠠᠨ᠂ ᠡᠷᠬᠦᠭᠰᠡᠨ ᠨᠡᠷᠡ ᠨᠢ ᠿᠦᠨ ᠲᠢᠩ | ᠭᠡᠳᠡᠭ᠃ ᠠᠬᠠ ᠳᠡᠭᠦᠦ ᠨᠠᠢᠮᠠᠭᠤᠯᠠ ᠪᠢᠯᠡ᠃ | ᠢᠨᠵᠠᠨᠨᠠᠰᠢ ᠪᠤᠯ ᠨᠢᠭᠡᠨ ᠰᠤᠷᠪᠤᠯᠵᠢᠳᠤ ᠭᠡᠷ ᠪᠦᠯᠢ ᠳᠤ ᠲᠦᠷᠦᠭᠰᠡᠨ ᠪᠢᠯᠡ᠃ ᠲᠡᠭᠦᠨ ᠤ ᠡᠴᠢᠭᠡ | ᠸᠠᠩᠴᠢᠨᠪᠠᠯᠠ ᠪᠤᠯ ᠪᠢᠴᠢᠭ ᠴᠡᠷᠢᠭ ᠤᠨ ᠡᠷᠳᠡᠮ ᠬᠤᠤᠰᠯᠠᠭᠰᠠᠨ ᠡᠬᠡ ᠤᠷᠤᠨᠴᠢ ᠵᠠᠩᠵᠤᠨ ᠪᠠᠶᠢᠯᠠ᠃ ᠲᠡᠷᠡ᠂ | ᠢᠨᠵᠠᠨᠨᠠᠰᠢ ᠶᠢᠨ ᠵᠤᠬᠢᠶᠠᠭᠰᠠᠨ ᠲᠡᠤᠬᠡ ᠶᠢᠨ ᠷᠤᠮᠡᠨ ︽ᠬᠦᠬᠡ ᠰᠤᠳᠤᠷ︾ ᠤᠨ ᠡᠬᠢᠨ ᠤ ᠨᠠᠢᠮᠠᠨ ᠪᠦᠯᠦᠭ ᠢ ᠪᠢᠴᠢᠵᠤ | ᠪᠠᠶᠢᠳᠠᠯᠠ 1840 ᠤᠨ ᠤ ᠬᠠᠷᠠ ᠲᠠᠮᠠᠬᠢ ᠶᠢᠨ ᠳᠠᠶᠢᠨ ᠲᠡᠭᠳᠡᠭᠰᠡᠨ ᠤ ᠤᠴᠢᠷ ᠤᠯᠤᠰ ᠤᠨ ᠵᠠᠷᠯᠢᠭ ᠢᠶᠠᠷ ᠪᠢᠷ ᠢᠶᠠᠨ | ᠲᠠᠯᠪᠢᠵᠤ ᠵᠡᠪᠰᠡᠭ ᠠᠳᠬᠤᠭᠠᠳ ᠬᠤᠰᠢᠭᠤᠨ ᠤ ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠡᠭᠡ ᠤᠷᠤᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ | ᠲᠠᠶᠢᠨ ᠳᠤ ᠮᠤᠷᠳᠠᠵᠤ ᠢᠡᠭ ᠺᠸᠤ ᠬᠤᠳᠠ ᠶᠢᠨ ᠤᠷᠴᠢᠮ ᠠᠩᠭ᠍ᠯᠢ ᠶᠢᠨ ᠨᠢᠭᠡ ᠪᠦᠯᠦᠭ ᠲᠦᠷᠢᠮᠡᠭᠡᠢ ᠴᠡᠷᠢᠭ ᠲᠠᠢ | ᠪᠠᠶᠢᠯᠳᠤᠵᠤ ᠢᠯᠠᠯᠳᠠ ᠤᠯᠤᠭᠠᠳ ᠶᠡᠭᠡ ᠭᠠᠪᠢᠶᠠ ᠪᠠᠶᠢᠭᠤᠯᠵᠤ ᠪᠢᠯᠡ᠃ 1847 ᠤᠨ ᠳᠤ ᠲᠡᠷᠡ᠂ ᠡᠴᠤᠰ ᠤᠨ | ᠣᠳᠠᠭᠠ ᠴᠡᠷᠢᠭ ᠤᠨ ᠠᠯᠪᠠ ᠬᠠᠭᠠᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠲᠤᠰ ᠵᠢᠯ ᠳᠡᠭᠡᠨ 53 ᠲᠠᠢ ᠨᠠᠰᠤ ᠪᠠᠷᠠᠪᠠ᠃ | ᠢᠨᠵᠠᠨᠨᠠᠰᠢ ᠠᠬᠠ ᠳᠡᠭᠦᠦ ᠨᠠᠢᠮᠠᠭᠤᠯᠠ ᠪᠤᠯᠪᠠᠴᠤ ᠬᠦᠮᠦᠨ ᠪᠤᠯᠤᠭᠰᠠᠨ ᠨᠢ ᠢᠨᠵᠠᠨᠨᠠᠰᠢ ᠪᠤᠯᠤᠨ ᠶᠡᠭᠡ ᠠᠬᠠ | ᠬᠦᠯᠡᠷᠡᠨᠰᠠ᠂ ᠲᠠᠪᠤᠳᠤᠭᠠᠷ ᠠᠬᠠ ᠬᠦᠩᠨᠡᠴᠤᠭᠡ ᠪᠤᠯᠤᠨ ᠵᠢᠷᠭᠤᠳᠤᠭᠠᠷ ᠠᠬᠠ ᠰᠦᠩᠸᠠᠶᠢᠳᠠᠨᠵᠤᠩ ᠲᠦᠷᠪᠡᠬᠦᠯᠡ | ᠶᠤᠮ᠃ ᠶᠡᠭᠡ ᠠᠬᠠ ᠬᠦᠯᠠᠷᠠᠨᠰᠠ ᠪᠤᠯ ᠡᠬᠡ ᠣᠷᠤᠨᠴᠢ ᠦᠵᠡᠯ ᠲᠠᠢ ᠠᠯᠳᠠᠷᠳᠣ ᠰᠢᠯᠦᠭᠴᠢ᠂ ᠲᠠᠪᠤᠳᠤᠭᠠᠷ ᠠᠬᠠ | ᠬᠦᠩᠨᠡᠴᠤᠭᠡ ᠨᠢ ᠮᠦᠨᠴᠤ ᠰᠢᠯᠦᠭᠴᠢ ᠮᠦᠷᠳᠡᠭᠡᠨ ᠵᠢᠷᠭᠤᠳᠤᠭᠠᠷ ᠠᠬᠠ ᠰᠦᠩᠸᠠᠶᠢᠳᠠᠨᠵᠤᠩ ᠲᠠᠢ ᠨᠢ ᠠᠳᠠᠯᠢ ᠴᠦᠮ | ᠬᠡᠳᠤᠨ ᠬᠡᠯᠡ ᠶᠢᠨ ᠪᠢᠴᠢᠭ ᠲᠤ ᠨᠠᠪᠲᠡᠷᠬᠡᠢ᠂ ᠪᠢᠴᠢᠵᠤ ᠤᠷᠴᠢᠭᠤᠯᠬᠤ ᠳᠤ ᠴᠢᠳᠠᠮᠠᠭᠠᠢ᠂ ᠢᠨᠵᠠᠨᠨᠠᠰᠢ ᠶᠢᠨ ︽ᠬᠦᠬᠡ | ᠰᠤᠳᠤᠷ︾ ᠢ ᠪᠢᠴᠢᠬᠦ ᠳᠤ ᠶᠡᠬᠡᠳᠡ ᠳᠡᠮᠵᠢᠯᠭᠡ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | ᠢᠨᠵᠠᠨᠨᠠᠰᠢ ᠡᠶᠢᠮᠤ ᠭᠡᠷ ᠪᠦᠯᠢ ᠡᠶᠢᠮᠤ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠬᠦᠮᠦᠵᠢᠨ ᠦᠰᠦᠭᠰᠡᠨ ᠤ ᠳᠡᠭᠡᠷᠡ | ᠬᠤᠪᠢ ᠪᠡᠶᠡ ᠶᠢᠨ ᠬᠢᠨᠢ ᠤᠶᠤᠨ ᠲᠠᠷᠢᠬᠢ ᠬᠤᠷᠴᠠ ᠰᠡᠴᠡᠨ᠂ ᠰᠤᠷᠴᠤ ᠰᠤᠳᠤᠯᠬᠤ ᠳᠤ ᠬᠢᠨᠠᠮᠠᠭᠠᠢ ᠲᠤᠯᠠ ᠬᠠᠷᠠ | ᠪᠠᠭᠠ ᠠᠴᠠ ᠪᠠᠨ ᠮᠤᠩᠭᠤᠯ᠂ ᠬᠢᠳᠠᠳ᠂ ᠮᠠᠨᠵᠤ᠂ ᠲᠦᠪᠡᠳ ᠪᠢᠴᠢᠭ ᠢ ᠡᠵᠡᠮᠰᠢᠵᠤ᠂ ᠮᠤᠩᠭᠤᠯ ᠬᠢᠳᠠᠳ ᠤᠨ | ᠡᠷᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠤᠭᠡ ᠵᠡᠷᠭᠡ ᠳᠤ ᠨᠡᠯᠢᠶᠡᠳ ᠨᠡᠪᠲᠡᠷᠡᠭᠰᠡᠨ ᠪᠦᠭᠡᠳ ᠰᠢᠯᠦᠭ | ᠪᠢᠴᠢᠵᠤ ᠵᠢᠷᠤᠭ ᠵᠢᠷᠤᠬᠤ ᠳᠠᠭᠠᠨ ᠴᠦ ᠪᠤᠯᠪᠠᠰᠤᠷᠠᠩᠭᠤᠢ ᠪᠠᠶᠢᠵᠠᠢ᠃ ᠢᠨᠵᠠᠨᠨᠠᠰᠢ ᠬᠤᠷᠢ ᠬᠦᠷᠳᠡᠯᠡ ᠭᠤᠤᠯᠳᠠᠭᠤ | ᠪᠢᠴᠢᠭ ᠤᠡᠭᠰᠢᠵᠤ᠂ ᠰᠢᠯᠦᠭ ᠵᠤᠬᠢᠶᠠᠯ ᠪᠢᠴᠢᠨ ᠪᠤᠯᠪᠠᠰᠤᠷᠠᠵᠤ᠂ ᠡᠷᠬᠡ ᠳᠠᠭᠠ ᠪᠠᠷ ᠢᠶᠠᠨ ᠠᠮᠢᠳᠤᠷᠠᠵᠤ᠂ ᠬᠤᠪᠢ | ᠵᠠᠶᠠᠭᠠ ᠶᠢ ᠢᠳᠡᠭᠡᠮᠵᠢᠯᠡᠵᠤ ᠪᠠᠶᠢᠭᠰᠠᠨ ᠶᠡᠭᠡ ᠭᠡᠷ ᠤᠨ ᠡᠩᠡ ᠪᠠᠶᠢᠵᠠᠢ᠃ ᠭᠡᠪᠡᠴᠤ ᠲᠡᠷᠡ ᠪᠠᠷ ᠵᠠᠯᠠᠭᠤ ᠶᠢᠨ | ᠴᠠᠭ ᠲᠠᠭᠠᠨ ᠵᠦᠪᠭᠡᠨ ᠭᠡᠷ ᠲᠡᠭᠡᠨ ᠰᠠᠭᠤᠵᠤ ᠪᠢᠴᠢᠭ ᠤᠡᠭᠰᠢᠬᠰᠠᠨ ᠲᠡᠳᠤᠢ ᠪᠢᠰᠢ᠂ ᠬᠠᠷᠢᠨ ᠮᠤᠩᠭᠤᠯ ᠭᠠᠵᠠᠷ ᠢᠶᠠᠷ | ᠲᠤᠭᠤᠷᠢᠵᠤ᠂ ᠮᠤᠩᠭᠤᠯ ᠤᠨ ᠡᠷᠳᠡᠮᠳᠡᠨ ᠮᠡᠷᠭᠡᠳ ᠢ ᠰᠤᠷᠪᠤᠯᠵᠢᠯᠠᠵᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠪᠠᠰᠠ ᠬᠢᠳᠠᠳ | ᠭᠠᠵᠠᠷ ᠤᠨ ᠬᠤᠳᠠ ᠲᠤᠰᠬᠤᠨ ᠢᠶᠠᠷ ᠶᠠᠪᠤᠵᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠤᠴᠢᠷ ᠠᠴᠠ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠨᠡᠶᠢᠭᠡᠮ ᠤᠨ ᠪᠠᠶᠢᠳᠠᠯ᠂ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠲᠠᠢ ᠦᠷᠭᠡᠨ ᠢᠶᠠᠷ ᠲᠠᠨᠢᠯᠴᠠᠵᠤ ᠪᠠᠶᠢᠪᠠ᠃ | ᠢᠨᠵᠠᠨᠨᠠᠰᠢ ᠭᠤᠴᠢᠨ ᠨᠠᠰᠤᠨ ᠤ ᠦᠶᠡ ᠠᠴᠠ ᠡᠬᠢᠯᠠᠨ ᠠᠵᠤ ᠠᠮᠢᠳᠤᠷᠠᠯ ᠪᠠᠭᠤᠷᠠᠵᠤ᠂ ᠡᠮᠡ ᠦᠷᠡ | ᠦᠬᠦᠵᠤ ᠠᠯᠢᠪᠠ ᠵᠦᠢᠯ ᠴᠦᠮ ᠦᠭᠡᠳᠡ ᠦᠭᠡᠢ ᠪᠤᠯᠤᠭᠰᠠᠨ ᠪᠦᠭᠡᠳ ᠲᠡᠬᠦᠨ ᠠᠴᠠ ᠬᠤᠶᠢᠰᠢ ᠲᠡᠬᠢᠨ ᠡᠷᠬᠢᠯᠳᠡ | ᠭᠠᠷᠤᠬᠰᠠᠨ ᠦᠭᠡᠢ ᠪᠢᠯᠡ᠃ 1840 ᠤᠨ ᠤ ᠬᠠᠷᠠ ᠳᠠᠮᠡᠬᠢ ᠶᠢᠨ ᠳᠠᠶᠢᠨ ᠠᠴᠠ ᠡᠬᠢᠯᠡᠨ ᠴᠢᠩ ᠤᠯᠤᠰ ᠤᠨ | ᠲᠦᠷᠦ ᠶᠢᠨ ᠮᠦᠬᠦᠯᠳᠡ ᠲᠦᠷᠭᠡᠳᠴᠦ ᠹᠸᠤᠳᠠᠯ ᠤᠨ ᠶᠡᠭᠡ ᠭᠡᠷ ᠪᠦᠯᠢ — ᠢᠨᠵᠠᠨᠨᠠᠰᠢ ᠶᠢᠨ ᠭᠡᠷ ᠲᠤ ᠴᠦ | ᠴᠤᠬᠢᠯᠳᠠ ᠦᠭᠴᠠᠢ᠃ ᠨᠡᠶᠢᠭᠡᠮ ᠤᠨ ᠬᠤᠪᠢᠷᠠᠯᠳᠠ ᠪᠠ ᠬᠤᠪᠢ ᠶᠢᠨ ᠠᠮᠢᠳᠤᠷᠠᠯ ᠤᠨ ᠠᠵᠠ ᠪᠤᠰᠤ ᠤᠴᠠᠷᠠᠯ ᠨᠢ | ᠢᠨᠵᠠᠨᠨᠠᠰᠢ ᠶᠢᠨ ᠨᠢᠳᠤᠨ ᠬᠠᠷᠠᠭᠠ ᠶᠢ ᠨᠡᠭᠡᠭᠡᠭᠳᠡᠭᠦᠯᠵᠤ ᠦᠵᠡᠯ ᠰᠠᠨᠠᠭᠠ ᠶᠢ ᠨᠢ ᠦᠭᠡᠷᠡᠳᠡᠭᠦᠯᠦᠭᠰᠡᠨ ᠶᠤᠮ᠃ ᠲᠡᠷᠡ | ᠮᠠᠨᠵᠤ ᠴᠢᠩ ᠤᠨ ᠨᠤᠶᠠᠷᠬᠠᠭᠴᠢᠳ ᠠᠴᠠ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠳᠤ ᠠᠪᠴᠤ ᠪᠠᠶᠢᠭᠠ ᠲᠦᠷᠤ ᠶᠢᠨ | ᠪᠤᠳᠤᠯᠭᠠ ᠶᠢᠨ ᠳᠡᠷᠰᠯᠡᠬᠦᠦ ᠴᠢᠨᠠᠷ ᠢ ᠤᠬᠠᠭᠠᠷᠠᠨ ᠮᠠᠳᠡᠵᠤ ᠡᠬᠢᠯᠡᠭᠰᠡᠨ ᠪᠦᠭᠡᠳ ᠮᠤᠩᠭᠤᠯ ᠤᠨ ᠬᠠᠷᠠ ᠰᠢᠷᠠ | ᠹᠸᠤᠳᠠᠯ ᠤᠳ ᠤᠨ ᠬᠤᠭᠤᠰᠤᠨ ᠶᠡᠭᠡ ᠨᠡᠷᠡ ᠲᠦᠷᠤ ᠪᠠ ᠡᠳ᠋ ᠮᠦᠩᠭᠦᠨ ᠤ ᠪᠤᠭᠤᠯ ᠪᠤᠯᠤᠭᠰᠠᠨ ᠦᠭᠡᠨᠴᠡ ᠮᠦᠨ | ᠴᠢᠨᠠᠷ ᠢ ᠴᠦ ᠦᠵᠡᠵᠤ ᠭᠠᠷᠤᠬᠰᠠᠨ ᠪᠠᠶᠢᠪᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠢᠨᠵᠠᠨᠨᠠᠰᠢ ᠬᠤᠪᠢ ᠶᠢᠨ ᠠᠵᠤ | ᠠᠮᠢᠳᠤᠷᠠᠯ ᠤᠨ ᠭᠤᠨᠢᠭ ᠭᠤᠳᠤᠷᠠᠯ ᠤᠨ ᠬᠦᠯᠢᠶᠠᠰᠤᠨ ᠠᠴᠠ ᠠᠩᠬᠢᠵᠢᠷᠠᠵᠤ᠂ ᠴᠢᠩ ᠤᠯᠤᠰ ᠤᠨ ᠦᠨᠳᠤᠰᠤᠳᠡᠨ ᠢ | ᠮᠦᠬᠦᠭᠡᠬᠦ ᠬᠠᠷᠬᠢᠰ ᠭᠡᠷᠴᠡᠭᠡᠢ ᠲᠦᠷᠤ ᠶᠢᠨ ᠪᠤᠳᠤᠯᠭᠠ ᠳᠤᠤᠷᠠ ᠡᠳᠤᠷ ᠢᠷᠡᠬᠦᠶᠡ ᠲᠤᠷᠦ᠋ᠢᠳᠠᠨ ᠪᠠᠭᠤᠷᠠᠵᠤ ᠪᠠᠶᠢᠭᠠ | ᠬᠦᠭᠡᠷᠦᠬᠦᠢ ᠦᠨᠳᠤᠰᠤᠳᠠᠨ ᠢᠶᠠᠨ ᠠᠪᠤᠷᠠᠬᠤ ᠶᠢᠨ ᠲᠦᠯᠦᠭᠡ ᠪᠢᠷ ᠴᠠᠭᠠᠰᠤ ᠲᠠᠢ ᠨᠦᠬᠦᠷᠯᠡᠨ ᠠᠯᠢ ᠤᠯᠠᠨ ᠵᠤᠬᠢᠶᠠᠯ | ᠪᠢᠴᠢᠵᠤ᠂ ᠴᠢᠩ ᠤᠯᠤᠰ ᠤᠨ ᠨᠡᠶᠢᠭᠡᠮ ᠤᠨ ᠬᠠᠷᠠᠩᠭᠤᠢ ᠲᠠᠯᠠ ᠶᠢ ᠢᠯᠡᠴᠢᠯᠡᠨ ᠰᠢᠭᠦᠮᠵᠢᠯᠡᠵᠤ ᠡᠬᠢᠯᠡᠭᠰᠡᠡᠨ ᠪᠠᠶᠢᠨᠠ᠃ | | ᠢᠨᠵᠠᠨᠨᠠᠰᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠤᠩᠰᠢᠭᠴᠢᠳ ᠤᠨ ᠦᠨᠳᠤᠰᠤᠳᠡᠨ ᠤ ᠢᠳᠡᠭᠡᠯ ᠵᠤᠷᠢᠭ ᠪᠠ | ᠦᠨᠳᠤᠰᠤᠳᠠᠨ ᠢᠶᠠᠨ ᠬᠦᠨᠳᠤᠳᠬᠡᠬᠦ ᠰᠡᠳᠬᠢᠯ ᠢ ᠨᠡᠮᠡᠭᠳᠡᠬᠦᠯᠬᠦ ᠶᠢᠨ ᠳᠤᠯᠠᠳᠠ ︽ᠮᠤᠩᠭᠤᠯ ᠲᠤᠭᠠᠳᠠᠨ ᠪᠦᠬᠦᠳᠡᠭᠡᠷ | ᠤᠭ ᠦᠨᠳᠤᠰᠤᠨ ᠪᠠ ᠢᠵᠠᠭᠤᠷ ᠤᠳᠤᠮ ᠢᠶᠠᠨ ᠮᠡᠳᠡᠳᠤᠭᠡᠢ︾ ᠭᠡᠮᠡᠨ ᠭᠤᠴᠢᠨ ᠲᠦᠷᠪᠡᠨ ᠨᠠᠰᠤᠨ ᠠᠴᠠ ᠪᠠᠨ | ᠡᠬᠢᠯᠡᠵᠤ ᠬᠤᠷᠢᠨ ᠲᠦᠷᠪᠡᠨ ᠵᠢᠯ ᠤᠨ ᠴᠠᠭ ᠢ ᠵᠠᠷᠤᠴᠠᠭᠤᠯᠤᠮᠠᠨᠵᠢᠨ ︽ᠬᠦᠬᠡ ᠰᠤᠳᠤᠷ︾ ᠢ ᠵᠠᠭᠤ ᠬᠤᠷᠢᠨ ᠪᠦᠯᠦᠭ | ᠪᠤᠯᠳᠠᠯᠠ ᠵᠠᠯᠭᠠᠵᠤ ᠪᠢᠴᠢᠭᠰᠡᠨ ᠪᠠᠶᠢᠨᠠ ︵ᠬᠠᠷᠠᠮᠰᠠᠯᠳᠠᠢ ᠨᠢ ᠬᠤᠶᠢᠨᠠᠬᠢ 51 ᠪᠦᠯᠦᠭ ᠨᠢ ᠤᠳᠤ ᠪᠤᠯᠳᠠᠯᠠ | ᠤᠯᠳᠠᠭᠠᠳᠤᠢ︶᠃ | ᠢᠨᠵᠠᠨᠨᠠᠰᠢ᠂ ᠡᠷᠳᠡᠨ ᠢ ᠰᠠᠨᠠᠭᠠᠯᠵᠠᠵᠤ ᠡᠳᠤᠭᠡ ᠶᠢ ᠰᠢᠬᠦᠮᠵᠢᠯᠡᠭᠰᠡᠨ ᠲᠡᠤᠬᠡ ᠶᠢᠨ ᠷᠤᠮᠠᠨ ︽ᠬᠦᠬᠡ | ᠰᠤᠳᠤᠷ︾ ᠢ ᠪᠢᠴᠢᠭᠰᠡᠨ ᠠᠴᠠ ᠭᠠᠳᠠᠨᠠ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠡᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠢᠶᠠᠷ | ᠰᠡᠳᠤᠪᠴᠢᠯᠡᠭᠰᠡᠨ᠂ ᠠᠷᠠᠳᠴᠢᠯᠠᠯ ᠤᠨ ᠦᠵᠡᠯ ᠲᠠᠢ ︽ᠨᠢᠭᠡᠨ ᠳᠠᠪᠬᠤᠷ ᠠᠰᠠᠷ︾᠂ ︽ᠤᠯᠠᠭᠠᠨᠠ ᠤᠬᠢᠯᠠᠬᠤ | ᠲᠢᠩᠬᠢᠮ︾ ᠮᠡᠳᠤ ᠶᠢᠨ ᠠᠯᠳᠠᠷᠳᠤ ᠷᠤᠮᠠᠨ ᠢ ᠪᠦᠳᠦᠭᠡᠭᠰᠡᠨ ᠪᠢᠯᠡ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠨᠡᠶᠢᠭᠡᠮ ᠤᠨ ᠵᠦᠪ | ᠪᠤᠰᠤ ᠦᠵᠡᠭᠳᠡᠯ ᠢ ᠬᠤᠱᠤᠩᠨᠠᠨ ᠰᠢᠬᠦᠮᠵᠢᠯᠡᠵᠤ᠂ ᠪᠤᠷᠬᠠᠨ ᠱᠠᠰᠢᠨ ᠤ ᠬᠤᠭᠤᠰᠤᠨ ᠨᠤᠮᠯᠠᠯ ᠢ ᠢᠯᠡᠴᠢᠯᠡᠨ | ᠪᠤᠷᠤᠭᠤᠰᠢᠶᠠᠭᠰᠠᠨ᠂ ᠪᠤᠳᠠᠰᠴᠢ ᠦᠵᠡᠯ ᠢ ᠢᠯᠡᠳᠭᠡᠭᠰᠡᠨ ︽ᠴᠢᠯᠠᠭᠤᠨ ᠲᠡᠷᠡ ᠶᠢᠨ ᠰᠢᠭᠦᠮᠵᠢᠯᠡᠯ︾᠂ ︽ | ᠨᠤᠮᠴᠢ ᠶᠢᠨ ᠬᠠᠭᠤᠷᠮᠠᠭ︾᠂ ︽ᠦᠵᠡᠯ ᠰᠠᠨᠠᠭᠠ ᠶᠢ ᠨᠢ ᠡᠰᠡ ᠮᠡᠳᠡᠪᠡ︾᠂ ︽ᠡᠷᠳᠡᠮᠳᠠᠨ ᠢ ᠵᠠᠨᠤᠵᠤ | ᠴᠢᠳᠠᠯᠳᠠᠨ ᠳᠤ ᠬᠤᠷᠤᠰᠤᠭᠴᠢᠳ︾ ᠭᠡᠬᠦ ᠵᠡᠷᠭᠡ ᠶᠢᠨ ᠶᠤᠵᠤᠳᠤ ᠦᠬᠦᠯᠡᠯ ᠢ ᠪᠢᠴᠢᠭᠰᠡᠨ ᠪᠦᠭᠡᠳ ︽ᠪᠦᠭᠳᠤᠷ | ᠨᠤᠶᠠᠨ︾᠂ ︽ᠴᠠᠭᠠᠨ ᠡᠭᠦᠯᠡ︾᠂ ︽ᠶᠠᠳᠠᠭᠤ ᠲᠠᠷᠢᠶᠠᠴᠢᠨ︾᠂ ︽ᠳᠤᠷᠤᠨᠠ ᠰᠠᠯᠬᠢᠨ ᠬᠡᠶᠢᠰᠳᠤᠭᠡᠢ︾ ᠬᠡᠬᠦ | ᠵᠡᠷᠭᠡ ᠶᠢᠨ ᠠᠯᠢ ᠤᠯᠠᠨ ᠰᠤᠨᠢᠷᠬᠠᠯᠳᠠᠢ ᠰᠠᠶᠢᠬᠠᠨ ᠰᠢᠯᠦᠭ ᠳᠠᠭᠤᠯᠠᠯ ᠢ ᠪᠢᠴᠢᠭᠰᠡᠨ ᠪᠢᠯᠡ᠃ | ᠢᠨᠵᠠᠨᠨᠠᠰᠢ ᠮᠥᠨ ᠴᠦ ᠨᠢᠭᠡ ᠵᠢᠷᠤᠬᠴᠢᠨ ᠪᠠᠶᠢᠯᠠ᠃ ᠲᠡᠷᠡ ᠠᠭᠤᠯᠠ ᠤᠰᠤ᠂ ᠴᠡᠴᠡᠭ ᠪᠤᠯᠵᠤᠮᠤᠷ᠂ ᠭᠡᠷ | ᠬᠦᠷᠢᠶᠠᠯᠠᠩ ᠵᠡᠷᠭᠡ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠪᠤᠯᠤᠨ ᠪᠤᠰᠤᠳ ᠦᠵᠡᠭᠳᠡᠯ ᠢ ᠢᠯᠡᠳᠭᠡᠭᠰᠡᠨ ᠴᠦᠭᠡᠨ ᠪᠤᠰᠤ | ᠵᠢᠷᠤᠭ ᠢ ᠵᠢᠷᠤᠬᠤ ᠶᠢᠨ ᠬᠠᠮᠳᠤ ᠵᠢᠷᠤᠭ ᠵᠢᠷᠤᠬᠤ ᠲᠤᠬᠠᠢ ᠦᠪᠡᠷᠤᠨ ᠦᠵᠡᠯᠳᠡ ᠪᠠᠨ ᠴᠦ ᠲᠤᠷᠠᠳᠤᠬᠰᠠᠨ ᠪᠢᠯᠡ᠃ | ᠲᠡᠷᠡ ᠭᠡᠯᠡᠭᠰᠡᠨ ᠨᠢ᠄ ︽ᠵᠢᠷᠤᠭ ᠵᠢᠷᠤᠵᠤ ᠰᠤᠷᠬᠤᠢ ᠳᠤᠷ ᠭᠤᠷᠪᠠᠨ ᠵᠦᠢᠯ ᠤᠨ ᠵᠠᠮ ᠪᠤᠢ᠃ ᠲᠡᠷᠢᠬᠦᠨ ᠳᠤ | ᠦᠪᠡᠷᠤᠨ ᠰᠡᠳᠬᠢᠯ ᠠᠴᠠ ᠲᠦᠷᠦᠭᠳᠡᠨ ᠵᠢᠷᠤᠬᠤ᠂ ᠬᠤᠶᠠᠷ ᠲᠤᠷ ᠪᠠᠭᠰᠢ ᠶᠢ ᠲᠠᠭᠠᠵᠤ ᠶᠤᠰᠤ ᠪᠠᠷ ᠵᠢᠷᠤᠬᠤ᠂ | ᠭᠤᠷᠪᠠ ᠳᠤᠷ ᠪᠤᠳᠠᠳᠠᠢ ᠶᠢ ᠪᠠᠷᠢᠵᠤ ᠠᠳᠠᠯᠢ ᠵᠢᠷᠤᠬᠤ᠃ ᠡᠨᠡ ᠭᠤᠷᠪᠠᠨ ᠠᠴᠠ ᠮᠠᠰᠢ ᠡᠷᠬᠢᠮ ᠢᠨᠤ ᠰᠠᠨᠠᠭᠠᠨ ᠠᠴᠠ | ᠲᠦᠷᠦᠭᠳᠡᠨ ᠵᠢᠷᠤᠬᠤ ᠪᠤᠯᠤᠮᠤᠢ︾ ᠭᠡᠵᠠᠢ᠃ | |