| | ᠳ᠋ᠠᠨᠽᠠᠨᠸᠠᠩᠵᠢᠯ ︵1854 ᠤᠨ — 1907 ᠤᠨ︶ ᠤᠨ ᠴᠤᠬᠤᠮ ᠨᠡᠷᠡ ᠨᠢ ᠢᠰᠢᠳᠠᠨᠽᠠᠨᠸᠠᠩᠵᠢᠯ | ᠭᠡᠳᠡᠭ ᠪᠦᠭᠡᠳ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠴᠠᠬᠠᠷ ᠤᠨ ᠬᠦᠪᠡᠭᠡᠳᠤ ᠴᠠᠭᠠᠨ ᠬᠤᠰᠢᠭᠤᠨ ᠤ ᠲᠦᠭᠦᠷᠡᠩ ᠤᠪᠤᠭᠠ | ᠭᠡᠳᠡᠭ ᠭᠠᠵᠠᠷ ᠲᠤ ᠠᠮᠪᠠᠨ ᠨᠠᠮᠵᠢᠯᠳᠤᠷᠵᠢ ᠶᠢᠨ ᠭᠡᠷ ᠲᠤ ᠲᠦᠷᠦᠵᠤ᠂ ᠳᠤᠯᠤᠭᠠᠨ ᠨᠠᠰᠤᠲᠠᠢ ᠳᠠᠭᠠᠨ ᠤᠷᠳᠤᠰ ᠤᠨ | ᠵᠢᠶᠦ᠋ᠨ ᠸᠠᠩ ᠬᠤᠰᠢᠭᠤᠨ ᠤ ᠬᠦᠩ ᠤᠨ ᠵᠤᠤ ᠳᠤ ᠱᠠᠪᠷᠤᠩ ᠢᠶᠠᠷ ᠵᠠᠯᠠᠭᠳᠠᠵᠤ᠂ ᠠᠷᠪᠠᠨ ᠲᠠᠪᠤᠨ ᠨᠠᠰᠤ ᠬᠦᠷᠳᠡᠯᠡ | ᠮᠤᠩᠭᠤᠯ ᠲᠦᠪᠡᠳ ᠨᠤᠮ ᠪᠢᠴᠢᠭ ᠢ ᠰᠤᠷᠴᠤ ᠪᠠᠶᠢᠵᠠᠢ᠃ ᠲᠡᠷᠡ᠂ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠬᠦᠯᠡᠩ | ᠮᠦᠷᠳᠡᠭᠡᠨ ᠰᠤᠷᠤᠯᠭᠠ ᠳᠠᠭᠠᠨ ᠴᠢᠷᠮᠠᠶᠢᠯᠳᠠ ᠲᠠᠢ ᠬᠢᠴᠢᠶᠡᠩᠬᠦᠢ ᠪᠤᠯᠬᠤᠷ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠨ ᠠᠴᠠ ᠪᠠᠨ | ᠰᠢᠯᠦᠭ ᠵᠤᠬᠢᠶᠠᠵᠤ ᠡᠬᠢᠯᠡᠵᠡᠢ᠃ | ᠶᠠᠭ ᠡᠨᠡ ᠦᠶᠡ ᠳᠤ᠂ 1868 ᠤᠨ ᠤ ᠲᠠᠪᠤᠨ ᠰᠠᠷᠠ ᠳᠤ ᠬᠤᠳᠤᠩ ᠤᠨ ᠦᠢᠮᠡᠭᠡᠨ ᠳᠤ ᠬᠦᠩ ᠤᠨ | ᠵᠤᠤ ᠭᠠᠯᠳᠠᠭᠳᠠᠭᠰᠠᠨ ᠲᠤᠯᠠ ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠠᠷᠭᠠ ᠪᠤᠰᠤ ᠤᠭ ᠨᠤᠳᠤᠭ ᠴᠠᠬᠠᠷ ᠲᠠᠭᠠᠨ ᠪᠤᠴᠠᠵᠤ ᠭᠡᠳᠤᠨ | ᠵᠢᠯ ᠪᠤᠯᠤᠭᠠᠳ ᠳᠠᠷᠠᠭᠠ ᠨᠢ ᠮᠦᠨ ᠤᠷᠳᠤᠰ ᠲᠤ ᠤᠴᠢᠵᠤ ᠤᠤᠯ ᠰᠦᠮᠡ ᠪᠠᠨ ᠰᠡᠯᠪᠢᠨ ᠵᠠᠰᠠᠵᠤ ᠰᠠᠭᠤᠵᠠᠢ᠃ | ᠭᠤᠴᠢᠨ ᠬᠡᠳᠤᠨ ᠨᠠᠰᠤᠨ ᠠᠴᠠ ᠪᠠᠨ ᠡᠬᠢᠯᠡᠵᠤ ᠤᠷᠳᠤᠰ ᠤᠨ ᠲᠤᠯᠤᠭᠠᠨ ᠬᠤᠰᠢᠭᠤ᠂ ᠰᠢᠯᠢ ᠶᠢᠨ ᠭᠤᠤᠯ | ᠂ ᠴᠠᠬᠠᠷ ᠤᠨ ᠤᠯᠠᠨ ᠬᠤᠰᠢᠭᠤᠳ ᠢᠶᠠᠷ ᠮᠦᠷᠬᠦᠯ ᠲᠠᠯᠪᠢᠨ ᠡᠮ ᠪᠠᠷᠢᠵᠤ ᠬᠡᠰᠤᠨ ᠲᠤᠭᠤᠷᠢᠵᠠᠢ᠃ ᠲᠡᠷᠡ᠂ | ᠲᠦᠪᠡᠳ ᠤᠨ ︽ᠳᠦᠷᠪᠡᠨ ᠦᠨᠳᠤᠰᠤ︾ ᠬᠡᠳᠡᠭ ᠡᠮ ᠤᠨ ᠵᠤᠷ ᠢ ᠰᠢᠨᠡᠴᠢᠯᠡᠵᠤ ᠮᠣᠩᠭᠤᠯ ᠭᠠᠵᠠᠷ ᠤᠨ ᠬᠦᠮᠦᠰ ᠤᠨ | ᠪᠡᠶᠡ ᠮᠠᠬᠠᠪᠤᠳ ᠲᠤ ᠲᠤᠬᠢᠷᠠᠭᠤᠯᠤᠨ ︽ᠰᠤᠪᠤᠳ ᠤᠨ ᠤᠨᠵᠢᠯᠭᠠ︾᠂ ︽ᠱᠢᠷᠤ ᠶᠢᠨ ᠤᠨᠵᠢᠯᠭᠠ︾᠂ ︽ | ᠡᠷᠳᠡᠨᠢ ᠶᠢᠨ ᠤᠨᠵᠢᠯᠭᠠ︾ ᠭᠡᠬᠦ ᠭᠤᠷᠪᠠᠨ ᠵᠦᠢᠯ ᠤᠨ ᠡᠮ ᠤᠨ ᠰᠢᠨᠡ ᠵᠤᠷ ᠢ ᠲᠦᠪᠡᠳ ᠬᠡᠯᠡ ᠪᠠᠷ ᠵᠤᠬᠢᠶᠠᠵᠤ ᠡᠮ | ᠪᠠᠷᠢᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠭᠦᠨ ᠤ ᠡᠨᠡᠬᠦ ᠡᠮ ᠤᠨ ᠵᠤᠷ ᠢ ᠤᠷᠳᠤᠰ᠂ ᠰᠢᠯᠢ ᠶᠢᠨ ᠭᠤᠤᠯ ᠵᠡᠷᠭᠡ ᠭᠠᠵᠠᠷ ᠲᠤ | ᠬᠤᠵᠢᠮ ᠨᠢ ᠴᠦ ᠬᠡᠷᠡᠭᠯᠡᠵᠤ ᠪᠠᠶᠢᠵᠠᠢ᠃ | ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠳᠦᠴᠢᠨ ᠭᠡᠳᠤᠨ ᠨᠠᠰᠣᠨ ᠳᠠᠭᠠᠨ ᠠᠷᠤ ᠮᠤᠩᠭᠤᠯ ᠤᠨ ᠶᠡᠭᠡ ᠬᠦᠷᠢᠶᠡᠨ ︵ | ᠤᠯᠠᠭᠠᠨᠪᠠᠭᠠᠳᠤᠷ︶ ᠳᠤ ᠬᠦᠷᠴᠤ ᠬᠡᠳᠤᠨ ᠵᠢᠯ ᠢᠶᠠᠷ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠪᠠ 1903 ᠤᠨ ᠳᠤ ᠰᠢᠯᠢ ᠶᠢᠨ | ᠭᠤᠤᠯ ᠤᠨ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠳᠤ ᠤᠴᠢᠵᠤ᠂ 1905 ᠤᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠠᠴᠠ | ᠰᠦᠮᠡ ᠳᠡᠭᠡᠨ ᠬᠠᠷᠢᠵᠤ᠂ ᠬᠤᠶᠠᠷ ᠵᠢᠯ ᠤᠨ ᠬᠢᠨᠢ ᠳᠠᠷᠠᠭᠠ᠂ 1907 ᠤᠨ ᠳᠤ ᠲᠠᠪᠢᠨ ᠳᠦᠷᠪᠡᠲᠠᠢ ᠨᠠᠰᠤ | ᠪᠠᠷᠠᠵᠠᠢ᠃ | ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠢᠩᠬᠢᠵᠤ ᠤᠯᠠᠨ ᠭᠠᠵᠠᠷ ᠢᠶᠠᠷ ᠲᠤᠭᠤᠷᠢᠨ ᠵᠢᠭᠤᠯᠴᠢᠯᠠᠵᠤ ᠶᠠᠪᠤᠬᠤ ᠳᠠᠭᠠᠨ ᠲᠡᠷᠡ | ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠤ ᠳᠠᠷᠤᠯᠠᠭᠳᠠᠨ ᠮᠦᠯᠵᠢᠭᠳᠡᠵᠤ ᠦᠭᠡᠶᠢᠷᠡᠨ ᠶᠠᠳᠠᠭᠤᠷᠠᠭᠰᠠᠨ ᠪᠠᠶᠢᠳᠠᠯ | ᠪᠠ ᠬᠠᠷᠠ ᠰᠢᠷᠠ ᠹᠸᠤᠳᠠᠯ ᠳᠤ ᠲᠤᠷᠠ ᠦᠭᠡᠶᠢᠴᠡᠵᠤ ᠲᠡᠳᠡᠨ ᠢ ᠡᠰᠡᠷᠭᠦᠴᠡᠵᠤ ᠪᠠᠶᠢᠭᠰᠠᠨ ᠪᠠᠶᠢᠳᠠᠯ᠂ ᠲᠡᠬᠦᠨᠴᠢᠯᠡᠨ | ᠹᠸᠤᠳᠠᠯ ᠸᠠᠩ ᠬᠦᠩ ᠤᠨ ᠬᠠᠷᠬᠢᠰ ᠬᠡᠷᠴᠡᠭᠡᠢ᠂ ᠢᠯᠵᠠᠷᠠᠵᠤ ᠳᠤᠷᠦ᠋ᠢᠳᠠᠭᠰᠠᠨ ᠰᠢᠨᠵᠢ ᠲᠦᠷᠢ ᠶᠢ ᠨᠢᠳᠤ ᠪᠠᠷ ᠶᠢᠨ | ᠦᠵᠡᠵᠤ ᠴᠢᠬᠢ ᠪᠠᠷ ᠢᠶᠠᠨ ᠰᠤᠨᠤᠰᠴᠠᠢ᠃ ᠪᠠᠰᠠ ᠶᠡᠬᠡᠰ ᠯᠠᠮᠠ ᠨᠠᠷ ᠮᠦᠨ ᠹᠸᠤᠳᠠᠯ ᠤᠨ ᠬᠠᠮᠳᠤ ᠠᠷᠠᠳ ᠲᠦᠮᠡᠨ ᠢ | ᠬᠢᠬᠠᠨ ᠮᠦᠯᠵᠢᠵᠤ ᠬᠤᠳᠠᠯ ᠬᠠᠭᠤᠷᠮᠠᠭ ᠱᠤ ᠲᠦᠯᠭᠡ ᠬᠠᠶᠠᠵᠤ ᠬᠦᠮᠦᠰ ᠢ ᠦᠵᠡᠯ ᠰᠠᠨᠠᠭᠠᠨ ᠤ ᠲᠠᠯᠠ ᠪᠠᠷ | ᠮᠤᠩᠬᠠᠷᠠᠭᠤᠯᠵᠤ ᠪᠠᠶᠢᠭᠰᠠᠨ ᠢ ᠴᠦ ᠦᠵᠡᠵᠤ ᠮᠡᠳᠡᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠦᠶᠡ ᠶᠢᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠳᠠᠯ᠂ | ᠠᠩᠬᠢ ᠶᠢᠨ ᠵᠦᠷᠢᠴᠡᠯ ᠡᠨᠡ ᠮᠡᠳᠤ ᠪᠠᠷ ᠲᠡᠭᠦᠨ ᠤ ᠤᠶᠤᠨ ᠤᠬᠠᠭᠠᠨ ᠳᠤ ᠲᠤᠰᠬᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ | ᠡᠴᠤᠰ ᠲᠡᠭᠡᠨ ᠰᠢᠯᠦᠭ ᠵᠤᠬᠢᠶᠠᠯ ᠳᠤ ᠨᠢ ᠪᠠᠶᠢᠷᠢ ᠪᠠᠨ ᠤᠯᠵᠠᠢ᠃ | ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠤᠨ ᠰᠢᠯᠦᠭ ᠤᠳ ᠠᠴᠠ ᠤᠯᠠᠨ ᠳᠤ ᠳᠡᠯᠭᠡᠷᠡᠭᠰᠡᠨ ᠨᠢ ᠲᠠᠪᠤᠨ ᠪᠦᠯᠦᠭ ᠲᠠᠢ ᠨᠠᠶᠠᠨ | ᠲᠦᠷᠪᠡᠨ ᠰᠢᠯᠦᠭ ᠪᠠ ᠲᠤᠯᠤᠭᠠᠨ ᠪᠦᠯᠦᠭ ᠲᠠᠢ ᠨᠢ ᠨᠡᠶᠢᠳᠡ ᠵᠠᠭᠤ ᠭᠤᠴᠢᠨ ᠬᠤᠶᠠᠷ ᠰᠢᠯᠦᠭ ᠪᠤᠢ᠃ ᠪᠦᠯᠦᠭ | ᠪᠦᠷᠢ ᠨᠢ ᠦᠨᠳᠤᠰᠤᠨ ᠳᠡᠭᠡᠨ ᠴᠦᠮ ᠨᠢᠭᠡᠨ ᠭᠤᠤᠯ ᠦᠵᠡᠯ ᠰᠠᠨᠠᠭᠠ ᠶᠢ ᠢᠯᠡᠳᠭᠡᠵᠤ ᠪᠠᠶᠢᠳᠠᠭ᠃ | ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠤᠨ ᠰᠢᠯᠦᠭ ᠨᠢ ᠹᠸᠤᠳᠠᠯ ᠢ ᠢᠯᠡᠴᠢᠯᠡᠨ ᠰᠢᠬᠦᠮᠵᠢᠯᠡᠭᠰᠡᠨ ᠠᠷᠠᠳᠴᠢᠯᠠᠬᠰᠠᠨ ᠴᠢᠨᠠᠷᠳᠠᠢ ᠪᠠᠷ | ᠪᠠᠷᠠᠬᠤ ᠦᠭᠡᠢ ᠤᠷᠠᠯᠢᠭ ᠤᠨ ᠲᠠᠯᠠ ᠪᠠᠷ ᠴᠦ ᠨᠡᠯᠢᠶᠡᠳ ᠠᠮᠵᠢᠯᠳᠠ ᠲᠠᠢ ᠶᠤᠮ᠃ ᠲᠡᠬᠦᠨ ᠤ ᠰᠢᠯᠦᠭ ᠪᠤᠯ ︽ | ᠴᠤᠬᠢᠯᠭᠠ ᠶᠢ ᠬᠤᠭᠤᠷ ᠱᠠᠨᠵᠠ ᠵᠡᠷᠭᠡ ᠬᠦᠭᠵᠢᠮ ᠤᠨ ᠠᠶᠢᠵᠠᠮ ᠢᠶᠠᠷ ᠪᠤᠶᠤ ᠲᠡᠮᠡᠭᠡᠨ ᠤ ᠠᠯᠬᠤᠭᠠ ᠪᠠᠷ | ᠲᠠᠭᠠᠷᠠᠭᠤᠯᠳᠠᠭ︾ ᠪᠠᠶᠢᠬᠰᠠᠨ ᠲᠤᠯᠠ ᠠᠶᠢᠵᠠᠮ ᠴᠤᠬᠢᠯᠭᠠ ᠨᠢ ᠴᠢᠩᠭᠠ᠂ ᠦᠭᠡ ᠭᠡᠯᠡᠯᠭᠡ ᠨᠢ ᠢᠷᠠᠭᠤ᠂ | ᠤᠡᠭᠰᠢᠬᠤ ᠳᠤ ᠡᠪᠯᠢᠭ ᠪᠠᠶᠢᠳᠠᠭ ᠮᠦᠷᠳᠡᠭᠡᠨ ᠤᠷᠠᠨ ᠲᠤᠳᠤ ᠲᠦᠷᠰᠤᠯᠡᠯ ᠲᠠᠢ᠂ ᠠᠶᠠᠳᠠᠢ ᠰᠠᠶᠢᠬᠠᠨ ᠠᠳᠠᠯᠢᠳᠬᠠᠯ | ᠵᠦᠢᠷᠯᠡᠯ ᠲᠠᠢ᠂ ᠬᠦᠨ ᠤᠬᠠᠭᠠᠨᠴᠢ ᠴᠢᠨᠠᠷ ᠢᠶᠠᠷ ᠶᠡᠭᠡ ᠭᠡᠬᠦ ᠵᠡᠷᠭᠡ ᠶᠢᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠶᠤᠮ᠃ | |