| | ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ︽ᠷᠤᠯᠭᠠᠷᠵᠠᠪ︾ ᠠᠷᠠᠳ ᠤᠨ ᠰᠤᠶᠤᠯ ᠤᠷᠠᠯᠢᠭ ᠤᠨ ᠨᠡᠶᠢᠭᠡᠮᠯᠢᠭ ᠪᠤᠯ | ᠬᠡᠰᠢᠭᠲᠡᠨ ᠨᠤᠲᠤᠭ ᠤᠨ ᠤᠳᠬᠠ ᠵᠤᠬᠢᠶᠠᠯ᠂ ᠰᠤᠶᠤᠯ ᠲᠡᠦᠬᠡ ᠶᠢᠨ ᠭᠠᠯ ᠭᠤᠯᠤᠮᠲᠠ ᠶᠢ ᠬᠦᠭᠵᠢᠭᠡᠨ ᠪᠠᠳᠠᠷᠠᠭᠠᠵᠤ᠂ | ᠦᠩᠭᠡ ᠵᠢᠰᠦ ᠶᠢ ᠨᠢ ᠲᠦᠮᠡᠨ ᠤ ᠮᠡᠯᠮᠡᠢ ᠳᠤ ᠲᠤᠯᠢᠳᠠᠭᠤᠯᠵᠤ ᠶᠠᠪᠤᠭᠠ ᠲᠠᠪᠢᠭᠠᠳ ᠭᠡᠰᠢᠭᠦᠨ ᠲᠠᠢ ᠨᠡᠶᠢᠭᠡᠮ ᠤᠨ | ᠪᠠᠶᠢᠭᠤᠯᠤᠮᠵᠢ ᠪᠤᠯᠬᠤ ᠶᠤᠮ᠃ ᠲᠡᠷᠡ ᠪᠠᠷ 2007 ᠤᠨ ᠤ 7 ᠰᠠᠷᠠ ᠶᠢᠨ 29 ᠤ ᠡᠳᠦᠷ ᠬᠡᠰᠢᠭᠲᠡᠨ | ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠤᠪᠴᠢᠶᠠᠨ ᠤ ᠬᠢᠨᠠᠨ ᠵᠦᠪᠰᠢᠶᠡᠷᠡᠯ ᠢᠶᠠᠷ ᠬᠤᠰᠢᠭᠤᠨ ᠲᠦᠪ ᠪᠢᠷᠠᠭᠤ | ᠪᠠᠯᠭᠠᠰᠤᠨᠠ ᠪᠠᠶᠢᠭᠤᠯᠤᠭᠳᠠᠵᠠᠢ᠃ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠦᠬᠦᠶᠢᠯᠡ ᠲᠡᠦᠬᠡ ᠶᠢᠨ ᠱᠠᠲᠤ ᠦᠶᠡ ᠬᠡᠰᠢᠭᠲᠡᠨ | ᠭᠡᠮᠡᠭᠴᠢ ᠡᠨᠡ ᠨᠡᠷᠡ ᠲᠠᠢ ᠰᠠᠯᠤᠰᠢ ᠦᠭᠡᠢ ᠡᠭᠦᠷᠢᠳᠡ ᠶᠢᠨ ᠬᠤᠯᠪᠤᠭᠠ ᠲᠠᠢ ᠪᠦᠭᠡᠳ ᠪᠤᠭᠳᠠ ᠡᠵᠡᠨ ᠴᠢᠩᠭᠢᠰ | ᠬᠠᠭᠠᠨ ᠲᠡᠮᠦᠵᠢᠨ 1204 ᠤᠨ ᠳᠤ ︽ᠬᠡᠰᠢᠭᠲᠡᠨ ᠴᠡᠷᠢᠭ︾ ᠢ ᠭᠠᠷᠳᠠᠨ ᠪᠠᠶᠢᠭᠤᠯᠤᠭᠰᠠᠨ ᠡᠳᠦᠷ ᠠᠴᠠ ᠡᠬᠢᠯᠡᠭᠡᠳ | ︽ᠬᠡᠰᠢᠭᠲᠡᠨ︾ ᠭᠡᠭᠴᠢ ᠡᠨᠡ ᠢᠷᠠᠭᠤ ᠰᠤᠨᠤᠰᠬᠤᠯᠠᠩᠲᠤ ᠠᠯᠳᠠᠷ ᠮᠦᠩᠬᠡ ᠲᠡᠭᠷᠢ ᠶᠢᠨ ᠬᠦᠴᠦᠨ ᠳᠤᠷ ᠰᠢᠲᠦᠵᠦ᠂ | ᠳᠠᠶᠠᠩ ᠳᠡᠯᠡᠬᠡᠢ ᠳᠤ ᠳᠠᠭᠤᠷᠢᠰᠤᠭᠰᠠᠨ ᠢ ᠡᠷᠲᠡᠨ ᠤ ᠰᠤᠳᠤᠷ ᠪᠢᠴᠢᠭ ᠲᠤ ᠦᠨᠡᠨ ᠪᠠᠷᠢᠮᠲᠠ ᠲᠠᠢ ᠲᠡᠮᠳᠡᠭᠯᠡᠭᠰᠡᠭᠡᠷ | ᠢᠷᠡᠵᠡᠢ᠃ | | | ᠬᠡᠰᠢᠭᠲᠡᠨ ᠬᠤᠰᠢᠭᠤ ᠪᠤᠯ ᠬᠠᠭᠠᠨ ᠴᠢᠩᠭᠢᠰ ᠤᠨ ᠬᠠᠳᠠᠮ ᠬᠤᠩᠭᠢᠷᠠᠳ ᠤᠨ ᠨᠤᠲᠤᠭ᠃ ᠬᠡᠰᠢᠭᠲᠡᠨ | ᠰᠤᠶᠤᠯ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠦᠬᠡᠨ ᠳᠤ ᠬᠦᠨᠳᠦ ᠪᠠᠶᠢᠷᠢ ᠶᠢ ᠡᠵᠡᠯᠡᠬᠦ ᠰᠤᠳᠤᠯᠭᠠᠨ ᠤ ᠦᠨᠡ | ᠦᠷᠲᠡᠭ ᠲᠠᠢ ᠢᠵᠠᠭᠤᠷ ᠰᠤᠶᠤᠯ ᠤᠨ ᠨᠢᠭᠡ ᠬᠡᠰᠡᠭ ᠪᠤᠯᠬᠤ ᠶᠤᠮ᠃ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠤᠭᠠᠯ | ᠰᠤᠶᠤᠯ ᠤᠨ ᠳᠠᠷᠤᠭᠳᠠᠰᠢ ᠦᠭᠡᠢ᠂ ᠴᠢᠮᠠᠯᠠᠭᠳᠠᠰᠢ ᠦᠭᠡᠢ ᠰᠢᠯᠭᠠᠷᠠᠭᠰᠠᠨ ᠬᠠᠭᠤᠳᠠᠰᠤ ᠨᠤᠭᠤᠳ ᠬᠡᠰᠢᠭᠲᠡᠨ | ᠨᠤᠲᠤᠭ ᠲᠤ ᠤᠳᠤ ᠪᠤᠯᠲᠠᠯᠠ ᠦᠯᠡᠳᠡᠨ ᠬᠤᠴᠤᠷᠴᠤ᠂ ᠤᠳᠬᠠ ᠵᠤᠬᠢᠶᠠᠯ ᠤᠨ᠂ ᠬᠠᠭᠤᠴᠢ ᠲᠡᠦᠬᠡ ᠶᠢᠨ᠂ ᠵᠠᠩ | ᠠᠭᠠᠯᠢ ᠶᠢᠨ᠂ ᠠᠮᠠᠨ ᠵᠤᠬᠢᠶᠠᠯ ᠤᠨ ᠁ ᠰᠢᠯᠢᠳᠡᠭ ᠵᠦᠢᠯᠡᠰ ᠦᠪᠯᠡᠭᠳᠡᠨ ᠬᠠᠳᠠᠭᠠᠯᠠᠭᠳᠠᠵᠤ᠂ ᠲᠡᠭᠦᠨ ᠢ ᠠᠪᠤᠷᠠᠨ | ᠬᠠᠮᠠᠭᠠᠯᠠᠵᠤ ᠠᠮᠢᠯᠠᠭᠤᠯᠤᠨ ᠰᠡᠷᠭᠦᠭᠡᠵᠦ᠂ ᠡᠮᠬᠢᠳᠬᠡᠨ ᠴᠤᠭᠯᠠᠭᠤᠯᠬᠤ ᠠᠵᠢᠯ ᠬᠤᠷᠴᠠ ᠲᠤᠯᠭᠠᠮᠠ ᠪᠤᠯᠤᠭᠰᠠᠨ ᠢ | ᠴᠠᠭ ᠤᠨ ᠡᠷᠬᠡ ᠪᠠᠷ ᠬᠡᠰᠢᠭᠲᠡᠨᠴᠦᠳ ᠬᠢᠷᠠᠬᠠᠢ ᠪᠠᠷ ᠠᠵᠢᠨ ᠮᠡᠳᠡᠭᠰᠡᠨ ᠪᠦᠯᠦᠭᠡ᠃ ᠨᠤᠲᠤᠭ ᠤᠰᠤᠨ ᠤ ᠪᠠᠨ ᠡᠶᠢᠮᠦ | ᠲᠡᠦᠬᠡᠨ ᠦᠪ ᠢ ᠪᠤᠰᠤᠳ ᠲᠤ ᠲᠠᠨᠢᠭᠤᠯᠵᠤ᠂ ᠦᠪᠡᠷ ᠢ ᠪᠠᠨ ᠲᠡᠭᠦᠯᠳᠡᠷ ᠢᠳᠡᠪᠬᠢᠲᠡᠢ ᠪᠤᠯᠭᠠᠵᠤ᠂ ᠬᠤᠶᠢᠴᠢ | ᠦᠶᠡ ᠳᠡᠭᠡᠨ ᠦᠯᠡᠳᠡᠭᠡᠬᠦ ᠭᠠᠭᠴᠠ ᠦᠵᠦᠭᠦᠷᠲᠦ ᠰᠡᠳᠬᠢᠯ ᠢᠶᠠᠷ ᠨᠢᠭᠡᠲᠦᠭᠰᠡᠨ ᠨᠢ ᠲᠤᠰ ᠨᠡᠶᠢᠭᠡᠮᠯᠢᠭ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠤᠭ ᠴᠢᠨᠠᠷ ᠪᠤᠯᠬᠤ ᠶᠤᠮ᠃ | | ᠬᠡᠰᠢᠭᠲᠡᠨ ᠬᠤᠰᠢᠭᠤ ᠨᠢ ᠦᠨᠢ ᠤᠳᠠᠭᠠᠨ ᠰᠤᠶᠤᠯ ᠤᠨ ᠤᠳᠤᠮᠰᠢᠯ ᠲᠠᠢ ᠠᠬᠤᠢ ᠪᠠᠶᠢᠭᠠᠯᠢ ᠶᠢᠨ ᠲᠡᠭᠦᠰ | ᠵᠢᠪᠬᠤᠯᠠᠩ ᠪᠦᠷᠢᠳᠦᠭᠰᠡᠨ ᠲᠡᠦᠬᠡᠲᠦ ᠤᠷᠤᠨ᠃ ᠡᠨᠡ ᠨᠤᠲᠤᠭ ᠤᠨ ᠬᠠᠶᠢᠷᠠ ᠶᠢᠨ ᠡᠯᠢᠭᠡᠨ ᠠᠴᠠ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠠᠯᠳᠠᠷᠲᠤ ᠪᠢᠴᠢᠭ ᠤᠨ ᠬᠦᠮᠦᠰ — ᠷᠤᠯᠭᠠᠷᠵᠠᠪ᠂ ᠡᠷᠳᠡᠨᠢᠲᠤᠭᠲᠠᠬᠤ᠂ ᠰ᠊᠂ ᠰᠠᠮᠫᠢᠯᠨᠤᠷᠪᠤ᠂ ᠴ᠊᠂ | ᠬᠡᠰᠢᠭᠲᠦᠭ᠌ᠲᠠᠬᠤ ᠁ ᠵᠡᠷᠭᠡ ᠰᠤᠶᠤᠯ ᠤᠨ ᠳᠠᠷᠬᠠᠳ ᠤᠳᠤᠳ ᠤᠨ ᠳᠤᠮᠳᠠᠬᠢ ᠰᠤᠳᠤᠨ ᠪᠤᠯᠤᠨ ᠴᠤᠯᠭᠤᠷᠠᠨ | ᠭᠠᠷᠴᠤ ᠤᠭᠰᠠᠭᠠ ᠶᠠᠰᠤᠲᠠᠨ ᠤ ᠪᠠᠨ ᠴᠤᠭ ᠬᠡᠶᠢᠮᠦᠷᠢ ᠶᠢ ᠮᠠᠨᠳᠤᠭᠤᠯᠵᠤ᠂ ᠬᠤᠶᠢᠴᠢ ᠦᠶᠡ ᠪᠤᠯᠬᠤ ᠪᠢᠳᠡᠨ ᠳᠤ | ᠴᠠᠭᠯᠠᠰᠢ ᠦᠭᠡᠢ ᠤᠶᠤᠨ ᠤ ᠦᠪ ᠤᠳᠬᠠ ᠶᠢᠨ ᠰᠠᠩ ᠢ ᠦᠪᠯᠡᠭᠦᠯᠵᠦ ᠦᠭᠴᠡᠢ᠃ ᠡᠷᠳᠡᠮ ᠤᠨ ᠴᠢᠨᠠᠷ ᠢ | ᠤᠷᠤᠢ ᠶᠢᠨ ᠰᠢᠲᠦᠭᠡᠨ ᠪᠤᠯᠭᠠᠭᠰᠠᠨ ᠬᠡᠰᠢᠭᠲᠡᠨᠴᠦᠳ ᠦᠶᠡ ᠦᠶᠡ ᠪᠠᠨ ᠵᠠᠯᠭᠠᠨ ᠮᠢᠲᠠᠷᠠᠰᠢ ᠦᠭᠡᠢ ᠵᠢᠳᠬᠦᠵᠦ | ᠨᠤᠮ ᠤᠨ ᠴᠠᠭᠠᠨ ᠪᠤᠶᠠᠨ ᠢ ᠰᠢᠲᠦᠨ ᠲᠠᠬᠢᠭᠰᠠᠭᠠᠷ ᠦᠨᠦ ᠬᠦᠷᠴᠡᠢ᠃ | | | ᠷᠤᠯᠭᠠᠷᠵᠠᠪ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠦᠬᠡᠨ ᠳᠠᠬᠢ ᠤᠯᠤᠰ ᠲᠦᠷᠦᠴᠢ᠂ ᠲᠡᠦᠬᠡᠴᠢ᠂ ᠬᠡᠯᠡ | ᠵᠦᠢᠴᠢ᠂ ᠵᠤᠬᠢᠶᠠᠯᠴᠢ᠂ ᠤᠷᠴᠢᠭᠤᠯᠤᠭᠴᠢ ᠮᠦᠷᠲᠡᠭᠡᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠵᠢᠳᠬᠦᠯᠲᠡᠨ ᠶᠤᠮ᠃ ᠲᠡᠷᠡᠪᠡᠷ | ᠡᠬᠡ ᠮᠤᠩᠭᠤᠯ ᠤᠨ ᠢᠶᠠᠨ ᠲᠦᠯᠦᠭᠡ ᠨᠠᠰᠤ ᠪᠠᠷ ᠢᠶᠠᠨ ᠵᠢᠳᠬᠦᠵᠦ᠂ ᠪᠠᠭᠠᠴᠤᠳ ᠬᠡᠦᠬᠡᠳ ᠤᠨ ᠰᠤᠷᠬᠤ ᠪᠢᠴᠢᠭ — | ︽ᠠᠩᠬᠠᠨ ᠰᠤᠷᠭᠠᠬᠤ ᠤᠯᠤᠰ ᠤᠨ ᠤᠳᠬᠠ︾ ᠵᠡᠷᠭᠡ ᠭᠠᠩᠳᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠲᠤᠷᠪᠢᠲᠦ ᠪᠦᠲᠦᠭᠡᠯ ᠤᠳ ᠢ | ᠲᠤᠭᠤᠷᠪᠢᠵᠤ ᠦᠯᠡᠳᠡᠭᠡᠭᠰᠡᠨ ᠡᠷᠳᠡᠮᠲᠦ ᠮᠡᠷᠭᠡᠳ ᠤᠨ ᠨᠢᠭᠡ ᠶᠤᠮ᠃ ᠬᠡᠰᠢᠭᠲᠡᠨ ᠨᠤᠲᠤᠭ ᠤᠨ ᠤᠳᠤᠮᠲᠤ ᠬᠤᠶᠢᠴᠢᠰ | ᠡᠨᠡ ᠪᠦᠬᠦᠨ ᠤ ᠬᠤᠷᠴᠠ ᠤᠬᠠᠭᠠᠨ᠂ ᠬᠤᠯᠠ ᠶᠢᠨ ᠪᠤᠳᠤᠯ ᠢ ᠢᠷᠡᠭᠡᠳᠦᠢ ᠳᠤ ᠵᠠᠯᠭᠠᠬᠤ ᠬᠠᠲᠠᠭᠤ ᠰᠢᠨᠳᠠᠰᠤ ᠶᠢ | ᠬᠢᠶᠠᠨ ᠴᠢᠰᠤᠨ ᠳᠠᠭᠠᠨ ᠡᠭᠦᠷᠢᠳᠡ ᠰᠢᠩᠭᠡᠭᠡᠭᠰᠡᠨ ᠪᠤᠯᠬᠤᠷ ᠵᠠᠭᠤᠨ ᠵᠠᠭᠤᠨ ᠤ ᠲᠤᠷᠰᠢ ᠮᠢᠲᠠᠷᠠᠰᠢ ᠦᠭᠡᠢ | ᠬᠢᠴᠢᠶᠡᠩᠭᠦᠶᠢᠯᠡᠨ ᠲᠡᠮᠡᠦᠯᠵᠦ᠂ ᠰᠤᠶᠤᠯ ᠲᠡᠦᠬᠡ ᠶᠢᠨ᠂ ᠤᠳᠬᠠ ᠵᠤᠬᠢᠶᠠᠯ ᠤᠨ ᠨᠠᠨᠳᠢᠨ ᠪᠦᠲᠦᠭᠡᠯ ᠤᠳ ᠢ | ᠬᠡᠪᠯᠡᠭᠦᠯᠦᠭᠰᠡᠨ ᠪᠦᠭᠡᠳ ᠰᠤᠶᠤᠯ ᠤᠨ ᠬᠤᠰᠢᠭᠤᠴᠢ — ᠷᠤᠯᠭᠠᠷᠵᠠᠪ ᠤᠨ ᠠᠯᠳᠠᠷ ᠢᠶᠠᠷ ᠨᠡᠶᠢᠭᠡᠮᠯᠢᠭ ᠢᠶᠠᠨ ᠡᠶᠢᠨᠬᠦ | ᠨᠡᠷᠡᠯᠡᠵᠡᠢ᠃ ᠲᠡᠭᠷᠢ ᠭᠠᠵᠠᠷ ᠤᠨ ᠡᠶᠡ ᠵᠤᠬᠢᠴᠠᠯ ᠢ ᠳᠡᠭᠡᠳᠦᠯᠡᠨ ᠡᠷᠬᠢᠮᠯᠡᠵᠦ᠂ ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠤᠶᠠᠨ ᠬᠠᠳᠠᠨ | ᠡᠮᠵᠡᠭ ᠡᠩᠬᠦᠷᠡᠢ ᠤᠶᠠᠯᠳᠤᠯ ᠢ ᠤᠷᠤᠢ ᠶᠢᠨ ᠳᠡᠭᠡᠳᠦ ᠳᠤ ᠰᠢᠲᠦᠭᠰᠡᠨ ᠬᠡᠰᠢᠭᠲᠡᠨᠴᠦᠳ ᠬᠠᠯᠠᠭᠤᠨ ᠡᠯᠢᠭᠡᠨ | ᠨᠤᠲᠤᠭ ᠲᠠᠭᠠᠨ ᠭᠠᠯ ᠭᠤᠯᠤᠮᠲᠠ ᠪᠠᠨ ᠪᠤᠰᠬᠠᠵᠤ᠂ ᠽᠠᠮᠪᠤᠳᠢᠪ ᠲᠤ ᠬᠤᠪᠤᠷᠬᠠᠨ ᠨᠤᠲᠤᠭ ᠢᠶᠠᠨ ᠤᠩᠭᠤᠨ | ᠳᠦᠷᠬᠦ ᠪᠠᠷ ᠨᠢ ᠬᠠᠳᠠᠭᠠᠯᠠᠭᠰᠠᠭᠠᠷ ᠴᠠᠭ ᠴᠠᠭ ᠤᠨ ᠤᠷᠤᠰᠬᠠᠯ ᠢ ᠲᠤᠭᠤᠯᠤᠭᠰᠠᠨ ᠪᠠᠶᠢᠭᠠ ᠶᠤᠮ᠃ ᠵᠠᠮ ᠮᠦᠷ ᠪᠤᠯ | ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠬᠦᠭᠵᠢᠯ ᠳᠤ ᠦᠵᠡᠭᠦᠯᠦᠭᠰᠡᠨ ᠠᠭᠤᠤ ᠶᠡᠭᠡ᠂ ᠴᠢᠭᠡᠴᠢ ᠵᠢᠷᠦᠮᠴᠢ᠂ ᠪᠤᠷᠬᠠᠨ ᠰᠤᠷᠭᠠᠯᠲᠤ | ᠰᠤᠶᠤᠯ ᠤᠨ ᠰᠢᠮᠡ᠂ ᠲᠡᠭᠷᠢᠯᠢᠭ ᠠᠴᠢᠯᠠᠯ ᠪᠤᠯᠬᠤ ᠶᠤᠮ᠃ ︽ᠷᠤᠯᠭᠠᠷᠵᠠᠪ︾ ᠠᠷᠠᠳ ᠤᠨ ᠰᠤᠶᠤᠯ ᠤᠷᠠᠯᠢᠭ ᠤᠨ | ᠨᠡᠶᠢᠭᠡᠮᠯᠢᠭ ᠨᠢ ᠡᠬᠡ ᠨᠤᠲᠤᠭ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ᠂ ᠦᠨᠡᠲᠦ ᠰᠤᠶᠤᠯ ᠢᠶᠠᠨ ᠦᠪᠯᠡᠭᠦᠯᠦᠨ | ᠦᠯᠡᠳᠡᠭᠡᠬᠦ ᠪᠠᠷ ᠭᠤᠤᠯ ᠵᠤᠷᠢᠯᠲᠠ ᠪᠠᠨ ᠪᠤᠯᠭᠠᠭᠰᠠᠨ ᠨᠢ ᠡᠨᠡ ᠪᠦᠬᠦᠨ ᠠᠴᠠ ᠤᠷᠢᠳᠤ ᠶᠢᠨ ᠢᠷᠦᠭᠡᠯ ᠲᠠᠢ᠃ | | | ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠠᠴᠠ ᠡᠬᠢᠯᠡᠨ ᠤ᠊᠂ ᠰᠡᠴᠡᠨᠪᠠᠭᠠᠲᠤᠷ᠂ ᠰ᠊᠂ ᠠᠯᠲᠠᠨᠪᠠᠭᠠᠨᠠ᠂ ᠪᠤ᠂ | ᠦᠯᠵᠡᠶᠢᠲᠦ᠂ ᠭᠤ᠂ ᠰᠠᠶᠢᠨᠪᠠᠶᠠᠷ ᠁ ᠵᠡᠷᠭᠡ ᠵᠤᠬᠢᠶᠠᠯᠴᠢ ᠰᠢᠯᠦᠭᠴᠢ ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠬᠠ | ᠰᠤᠶᠤᠯ ᠤᠨ ᠲᠠᠪᠴᠠᠩ ᠳᠤ ᠢᠷᠠᠭᠤ ᠮᠦᠷ ᠢᠶᠠᠨ ᠭᠦᠨ ᠲᠠᠮᠠᠭᠠᠯᠠᠵᠤ᠂ ᠶᠡᠷᠡᠭᠡᠳ ᠤᠨ ᠤ ᠦᠶᠡ ᠠᠴᠠ ᠪᠠᠪᠤᠤ᠂ ᠴᠤ᠋᠂ | ᠨᠠᠰᠤᠨᠵᠠᠶᠠᠭᠠ᠂ ᠮ᠊᠂ ᠰᠡᠴᠡᠨᠪᠠᠭᠠᠲᠤᠷ᠂ ᠨᠠ᠊᠂ ᠲᠤᠶᠠᠭᠠᠲᠤ᠂ ᠰᠤ᠂ ᠡᠩᠬᠡ᠂ ᠨ᠊᠂ ᠬᠠᠰᠪᠠᠭᠠᠲᠤᠷ᠂ ᠪᠦᠬᠡᠵᠢᠷᠭᠠᠯ ᠁ | ᠵᠡᠷᠭᠡ ᠬᠦᠮᠦᠰ ᠴᠤᠯᠭᠤᠷᠠᠨ ᠲᠤᠭᠤᠵᠢᠰ ᠤᠨ ᠪᠠ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠠᠪᠢᠶᠠᠰ ᠬᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ | ᠤᠩᠰᠢᠭᠴᠢᠳ ᠤᠨ ᠬᠠᠯᠠᠭᠤᠨ ᠲᠠᠭᠠᠰᠢᠶᠠᠯ ᠢ ᠤᠯᠵᠠᠢ᠃ ᠡᠭᠦᠨ ᠲᠠᠢ ᠵᠡᠷᠭᠡᠴᠡᠨ ᠨᠤᠮ ᠬᠡᠪᠯᠡᠯ ᠤᠨ ᠠᠵᠢᠯᠯᠠᠭᠠᠨ ᠴᠦ | ᠡᠷᠴᠢᠮ ᠬᠠᠷᠢᠯ ᠦᠭᠡᠢ ᠢᠳᠡ ᠴᠡᠴᠡᠭᠯᠡᠵᠦ ᠲᠤᠭᠤᠵᠢᠰ᠂ ᠢᠷᠠᠭᠤ ᠨᠠᠶᠢᠷᠠᠭ᠂ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ᠂ ᠵᠠᠩ | ᠦᠢᠯᠡ ᠵᠡᠷᠭᠡ ᠤᠯᠠᠨ ᠲᠦᠷᠦᠯ ᠤᠨ ᠲᠤᠷᠪᠢᠯᠢᠭ ᠪᠦᠲᠦᠭᠡᠯ ᠤᠳ ᠬᠡᠪᠯᠡᠭᠳᠡᠨ ᠭᠠᠷᠪᠠ᠃ ᠪᠠ᠊᠂ ᠦᠯᠵᠡᠢ ᠶᠢᠨ ︽ | ᠬᠡᠰᠢᠭᠲᠡᠨ ᠤ ᠡᠷᠲᠡᠨ ᠡᠳᠦᠭᠡ︾᠂ ᠮᠦᠩᠬᠡᠳᠡᠯᠭᠡᠷ ᠤᠨ ︽ᠬᠡᠰᠢᠭᠲᠡᠨ ᠲᠠᠪᠤᠨ ᠬᠠᠶᠢᠷᠬᠠᠨ︾᠂ ᠪᠤᠶᠠᠨᠲᠡᠭᠦᠰ ᠤᠨ ︽ | ᠬᠡᠰᠢᠭᠲᠡᠨ ᠵᠠᠩ ᠦᠢᠯᠡ︾᠂ ︽ᠬᠡᠰᠢᠭᠲᠡᠨ ᠮᠤᠩᠭᠤᠯᠴᠤᠳ ᠤᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾᠂ ︽ᠮᠤᠩᠭᠤᠯ | ᠭᠡᠷ ᠪᠠ ᠮᠤᠳᠤᠨ ᠲᠡᠷᠭᠡ︾᠂ ᠪᠠᠪᠤᠤ ᠶᠢᠨ ︽ᠤᠢ ᠶᠢᠨ ᠰᠡᠭᠦᠷᠡᠰᠦ︾᠂ ᠤ᠊᠂ ᠰᠡᠴᠡᠨᠪᠠᠭᠠᠲᠤᠷ ᠤᠨ ︽ᠲᠡᠷᠡ | ᠬᠠᠪᠤᠷ ᠤᠨ ᠢᠷᠭᠤᠢ︾᠂ ︽ᠬᠡᠰᠢᠭᠲᠡᠨ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ︾᠂ ︽ᠴᠦᠩᠬᠦ ᠶᠢᠨ ᠨᠠᠮᠤᠷ︾᠂ ︽ | ᠬᠠᠯᠴᠠᠭᠠᠢ ᠬᠤᠯᠠᠭᠠᠶᠢᠴᠢ ᠶᠢᠨ ᠦᠯᠢᠭᠡᠷ︾᠂ ᠰ᠊᠂ ᠠᠯᠲᠠᠨᠪᠠᠭᠠᠨᠠ ᠶᠢᠨ ︽ᠲᠠᠯᠠ ᠶᠢᠨ ᠳᠠᠭᠤᠤ︾᠂ ︽ᠮᠤᠩᠭᠤᠯ | ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠲᠡᠭᠦᠪᠦᠷᠢ︾᠂ ᠪᠤ᠂ ᠦᠯᠵᠡᠶᠢᠲᠦ ᠶᠢᠨ ︽ᠬᠠᠮᠤᠭ ᠤᠨ ᠬᠠᠶᠢᠷᠠᠲᠤ ᠬᠡᠰᠢᠭᠲᠡᠨ ᠮᠢᠨᠢ︾᠂ | ︽ᠽᠠᠨᠳᠠᠨ ᠬᠦᠦ ᠬᠢᠭᠡᠳ ᠰᠠᠷᠠᠯ ᠮᠤᠷᠢ︾᠂ ︽ᠲᠦᠦᠷᠢᠮᠡ︾᠂ ᠭᠤ᠂ ᠰᠠᠶᠢᠨᠪᠠᠶᠠᠷ ᠤᠨ ︽ᠬᠤᠷᠸᠠ ᠠᠴᠠ | ᠠᠭᠤᠵᠢᠮ ᠬᠤᠷᠸᠠ︾᠂ ︽ᠤᠲᠤᠷ ᠤᠨ ᠴᠠᠢ︾᠂ ︽ᠬᠠᠤᠯᠢ ᠬᠡᠯᠡ ᠠᠮᠢᠳᠤᠷᠠᠯ︾᠂ ᠪᠤᠷᠵᠢᠭᠢᠨ ᠰᠤᠭᠳᠤᠷᠵᠠᠪ ᠤᠨ | ︽ᠶᠤᠸᠠᠨ ᠤᠯᠤᠰ ᠤᠨ ᠰᠤᠳᠤᠷ︾ ᠲᠠᠬᠢ ᠬᠠᠲᠤᠳ ᠤᠨ ᠱᠠᠰᠲᠢᠷ᠂ ︽ᠮᠢᠩ ᠤᠯᠤᠰ ᠤᠨ ᠰᠤᠳᠤᠷ ᠤᠨ ᠡᠬᠢ | ᠠᠳᠠᠭ ᠤᠨ ᠲᠡᠮᠳᠡᠭᠯᠡᠯ︾ — ᠬᠠᠭᠤᠴᠢᠨ ᠶᠤᠸᠠᠨ ᠤᠯᠤᠰ ᠤᠨ ᠦᠯᠡᠳᠡᠭᠳᠡᠯ ᠴᠡᠷᠢᠭ᠂ ᠴᠤ᠋᠂ ᠨᠠᠰᠤᠨᠵᠠᠶᠠᠭᠠ ᠶᠢᠨ ︽ | ᠠᠭᠤᠯᠠᠰ ᠤᠨ ᠲᠤᠤᠯᠢ︾᠂ ︽ᠡᠷᠡ ᠶᠢᠨ ᠲᠡᠭᠷᠢ︾᠂ ᠮ᠊᠂ ᠰᠡᠴᠡᠨᠪᠠᠭᠠᠲᠤᠷ ᠤᠨ ︽ᠠᠭᠢ ᠡᠪᠡᠰᠦᠨ ᠤ ᠵᠠᠶᠢᠷ︾᠂ | ︽ᠬᠠᠪᠤᠷ ᠴᠠᠭ ᠤᠨ ᠰᠠᠷᠠ︾᠂ ᠭᠦ᠊᠂ ᠦᠯᠵᠡᠶᠢᠲᠤᠭᠲᠠᠬᠤ ᠶᠢᠨ ︽ᠬᠡᠰᠢᠭᠲᠡᠨ ᠠᠳᠤᠭᠤᠨ ᠰᠤᠶᠤᠯ︾᠂ ᠨᠠ᠊᠂ | ᠲᠤᠶᠠᠭᠠᠲᠤ ᠶᠢᠨ ︽ᠰᠡᠳᠬᠢᠯ ᠳᠤ ᠵᠦᠰᠡᠷᠡᠬᠦ ᠨᠠᠮᠤᠷ ᠤᠨ ᠪᠤᠷᠤᠭᠠ︾᠂ ᠪᠦᠬᠡᠵᠢᠷᠭᠠᠯ ᠤᠨ ︽ᠬᠡᠰᠢᠭᠲᠡᠨ ᠬᠤᠩᠭᠢᠷᠠᠳ | ᠪᠠᠶᠠᠨ ᠵᠢᠷᠦᠬᠡ ᠶᠢᠨ ᠭᠠᠴᠤᠷᠠ︾᠃ ᠪ᠊᠂ ᠡᠷᠳᠡᠨᠢ ᠶᠢᠨ ︽ᠲᠠᠯᠠ ᠳᠠᠭᠠᠨ ᠡᠷᠭᠦᠬᠦ ᠳᠠᠭᠤᠤ︾᠂ ᠨᠠ᠊᠂ | ᠬᠠᠰᠪᠠᠭᠠᠲᠤᠷ ᠤᠨ ︽ᠬᠠᠶᠢᠷᠠ ᠶᠢᠨ ᠳᠤᠤᠯᠢᠶᠠᠨ︾᠃ ᠳ᠋᠊᠂ ᠵᠤᠷᠢᠭᠲᠤ ᠶᠢᠨ ︽ᠬᠠᠷᠠᠭᠠ︾ ᠁ ᠵᠡᠷᠭᠡ | ᠨᠤᠮ ᠤᠳ ᠠᠴᠠ ᠪᠢᠳᠡ ᠲᠤᠭᠤᠵᠢᠰ ᠤᠨ ᠶᠢᠷᠲᠢᠨᠴᠦ ᠶᠢᠨ ᠳᠡᠯᠭᠡᠷ ᠠᠭᠤᠳᠠᠮ ᠢ ᠭᠠᠶᠢᠬᠠᠵᠤ᠂ ᠢᠷᠠᠭᠤ ᠨᠠᠶᠢᠷᠠᠭ ᠤᠨ | ᠴᠤᠭᠯᠢᠭ ᠡᠭᠡᠰᠢᠭ ᠢ ᠮᠡᠳᠡᠷᠡᠵᠦ᠂ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ ᠤᠨ ᠰᠢᠳᠢᠲᠦ ᠰᠠᠨᠠᠭᠠᠨ ᠳᠤ ᠬᠠᠶᠢᠷᠠ ᠬᠦᠷᠴᠦ ᠵᠠᠩ | ᠦᠢᠯᠡ᠂ ᠲᠡᠦᠬᠡ ᠱᠠᠰᠲᠢᠷ ᠤᠨ ᠦᠪ ᠠᠴᠠ ᠪᠢᠯᠢᠭ ᠰᠤᠷᠭᠠᠯ ᠬᠦᠷᠲᠡᠨᠡ᠃ | | | ᠵᠠᠩ ᠦᠢᠯᠡ ᠶᠢᠨ ᠰᠤᠳᠤᠯᠤᠭᠴᠢ ᠪᠤᠶᠠᠨᠳᠡᠭᠦᠰ ︽ᠬᠡᠰᠢᠭᠲᠡᠨ ᠮᠤᠩᠭᠤᠯᠴᠤᠳ ᠤᠨ ᠡᠷᠡ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠤᠮ︾ ᠨᠤᠮ ᠢᠶᠠᠷ ᠢᠶᠠᠨ᠂ ᠪᠤᠷᠵᠢᠭᠢᠨ ᠯᠠᠮᠤᠵᠠᠪ ︽ᠴᠢᠩᠭᠢᠰ ᠬᠠᠭᠠᠨ ᠤ ᠲᠦᠮᠡᠨ ᠬᠡᠰᠢᠭᠲᠡᠨ ᠤ ᠬᠤᠶᠢᠴᠢᠰ︾ | ᠨᠤᠮ ᠢᠶᠠᠷ ᠢᠶᠠᠨ ᠪᠦᠬᠦ ᠤᠷᠤᠨ ᠤ ︽ᠲᠠᠪᠦ ᠨᠢᠭᠡ ᠢᠨᠵᠧᠨᠧᠷᠢᠩ︾ ᠤᠨ ᠱᠠᠩᠨᠠᠯ ᠢ ᠲᠤᠰ ᠲᠤᠰ ᠭᠠᠷᠳᠠᠪᠠ᠃ ᠤ᠂ | ᠰᠡᠴᠡᠨᠪᠠᠭᠠᠲᠤᠷ ︽ᠬᠡᠰᠢᠭᠲᠡᠨ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ︾ ᠨᠤᠮ ᠢᠶᠠᠷ ᠢᠶᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ | ᠵᠠᠰᠠᠬᠤ ᠤᠷᠤᠨ ᠤ ᠠᠷᠠᠳ ᠤᠨ ᠰᠤᠶᠤᠯ ᠤᠨ ︽ᠠᠷᠠᠳ︾ ᠱᠠᠩᠨᠠᠯ ᠤᠨ ᠲᠡᠷᠢᠭᠦᠨ ᠳᠡᠰ ᠤᠨ ᠰᠠᠩ ᠬᠦᠷᠲᠡᠵᠦ | ᠲᠤᠰ ᠨᠤᠮ ᠴᠠᠰᠢ ᠶᠠᠫᠤᠨ ᠬᠡᠯᠡᠨᠡ ᠤᠷᠴᠢᠭᠤᠯᠤᠭᠳᠠᠨ ᠬᠡᠪᠯᠡᠭᠳᠡᠭᠰᠡᠨ ᠪᠠ ᠨᠠ᠊᠂ ᠰᠠᠶᠢᠨᠴᠤᠭᠲᠤ ᠶᠢᠨ ᠮᠡᠨᠳᠦᠯᠡᠭᠰᠡᠨ | ᠵᠠᠭᠤᠨ ᠵᠢᠯ ᠤᠨ ᠤᠢ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠪᠦᠬᠦ ᠤᠯᠤᠰ ᠤᠨ ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠤᠷᠤᠯᠳᠤᠭᠠᠨ ᠳᠤ | ᠲᠡᠷᠢᠭᠦᠨ ᠱᠠᠩ ᠬᠦᠷᠲᠡᠵᠦ᠂ ᠮ᠊᠂ ᠰᠡᠴᠡᠨᠪᠠᠭᠠᠲᠤᠷ ︽ᠬᠠᠳᠠᠨ ᠳᠤ ᠪᠢᠯᠡᠭᠦᠳᠡᠭᠰᠡᠨ ᠬᠢᠯᠭᠠᠰᠤ︾ ᠰᠢᠯᠦᠭ ᠢᠶᠠᠷ ᠢᠶᠠᠨ᠂ | ᠴᠤ᠋᠂ ᠨᠠᠰᠤᠨᠵᠠᠶᠠᠭᠠ ︽ᠡᠪᠦᠭᠡ ᠶᠢᠨ ᠷᠠᠳᠢᠤ᠋︾ ᠨᠠᠶᠢᠷᠠᠭᠤᠯᠤᠯ ᠢᠶᠠᠷ ᠢᠶᠠᠨ ᠲᠦᠪ ᠷᠠᠳᠢᠤ᠋ ᠪᠠ ︽ᠦᠨᠳᠦᠰᠦᠲᠡᠨ ᠤ | ᠪᠦᠯᠬᠦᠮᠳᠡᠯ︾ ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠦᠬᠦ ᠤᠯᠤᠰ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠰᠤ᠂ ᠡᠩᠬᠡ ︽ᠵᠡᠭᠦᠳᠦᠨ ᠳᠤ ᠢᠷᠡᠭᠰᠡᠨ ᠡᠮᠡᠭᠡ︾ ᠦᠭᠦᠯᠡᠯᠭᠡ ᠪᠠᠷ ᠢᠶᠠᠨ ᠳᠡᠳ᠋ ᠪᠠᠶᠢᠷᠢᠨ ᠳᠤ | ᠰᠢᠯᠭᠠᠷᠠᠭᠰᠠᠨ ᠪᠦᠭᠡᠳ ᠡᠨᠡ ᠪᠦᠬᠦᠨ ᠨᠢ ᠬᠡᠰᠢᠭᠲᠡᠨ ᠨᠤᠲᠤᠭ ᠤᠨ ᠤᠳᠬᠠ ᠵᠤᠬᠢᠶᠠᠯ᠂ ᠰᠤᠶᠤᠯ ᠲᠡᠦᠬᠡ ᠶᠢᠨ | ᠠᠮᠵᠢᠯᠲᠠ ᠲᠠᠢ ᠲᠠᠯᠠ ᠶᠢ ᠨᠢᠭᠡᠨ ᠶᠤᠰᠤᠨᠠ ᠭᠡᠷᠡᠴᠢᠯᠡᠵᠦ ᠦᠭᠭᠦᠨᠡᠮ᠃ | ᠤᠬᠠᠭᠠᠨ ᠰᠡᠴᠡᠨ ᠬᠡᠰᠢᠭᠲᠡᠨᠴᠦᠳ ᠳᠡᠭᠡᠳᠦᠰ ᠠᠴᠠ ᠦᠪᠯᠡᠭᠰᠡᠨ ᠰᠤᠶᠤᠯ ᠤᠨ ᠭᠠᠯ ᠭᠤᠯᠤᠮᠲᠠ ᠪᠠᠨ ᠠᠮᠢ | ᠨᠠᠰᠤ ᠪᠠᠷ ᠢᠶᠠᠨ ᠮᠠᠨᠠᠵᠤ᠂ ᠴᠦᠬᠦᠷᠡᠯ ᠦᠭᠡᠢ ᠲᠡᠮᠡᠴᠡᠨ ᠲᠡᠮᠡᠦᠯᠵᠦ ᠴᠢᠨᠠᠷ ᠰᠠᠶᠢᠲᠠᠢ ᠪᠦᠲᠦᠭᠡᠯ ᠲᠤᠭᠤᠷᠪᠢᠬᠤ | ᠤᠷᠮᠠ ᠪᠠᠨ ᠴᠢᠩᠭᠠᠯᠠᠵᠤ᠂ ᠪᠤᠰᠤᠳ ᠠᠴᠠ ᠳᠤᠤᠷᠠ ᠦᠭᠡᠢ ᠴᠢᠷᠮᠠᠶᠢᠭᠰᠠᠭᠠᠷ ᠪᠦᠭᠡᠳ ᠲᠤᠲᠤᠷ ᠲᠠᠮᠢᠷ ᠢᠶᠠᠨ ᠤᠷᠠᠨ | ᠪᠦᠲᠦᠭᠡᠯ ᠳᠡᠭᠡᠨ ᠰᠢᠩᠭᠡᠭᠡᠵᠦ᠂ ᠡᠳᠦᠭᠡ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭᠠᠭᠰᠠᠨ ᠨᠤᠮ ᠪᠢᠴᠢᠭ ᠤᠶᠢᠷᠠ ᠶᠢᠨ ᠬᠤᠷᠢᠭᠠᠳ | ᠵᠢᠯ ᠤᠨ ᠲᠤᠷᠰᠢ ᠵᠢᠷᠠ ᠰᠢᠬᠠᠮ ᠪᠤᠯᠵᠠᠢ᠃ ᠬᠡᠪᠯᠡᠯ ᠳᠤ ᠳᠡᠪᠰᠢᠭᠦᠯᠬᠦ ᠪᠠᠷ ᠪᠠᠶᠢᠭᠠ ᠨᠤᠮ ᠤᠳ ᠤᠨ ᠲᠤᠲᠤᠷᠠ | ᠬᠡᠰᠢᠭᠲᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠠᠩᠬᠠᠳᠠᠭᠴᠢ ᠷᠤᠮᠠᠨ ᠪᠤᠯᠬᠤ ᠵᠤᠬᠢᠶᠠᠯᠴᠢ ᠰᠡᠷᠡᠩ ᠤᠨ ︽ | ᠰᠠᠷᠠ ᠲᠤᠨᠤᠷᠠᠭᠰᠠᠨ ᠨᠠᠭᠤᠷ︾ ᠷᠤᠮᠠᠨ ︽ᠴᠡᠯᠡᠭᠡᠷ ᠲᠠᠯᠠ︾ ᠰᠡᠳᠬᠦᠯ ᠳᠤ ᠨᠡᠶᠢᠲᠡᠯᠡᠭᠳᠡᠭᠰᠡᠨ ᠪᠦᠭᠡᠳ ᠤᠳᠤ | ᠬᠡᠪᠯᠡᠯ ᠳᠤ ᠰᠢᠯᠵᠢᠭᠦᠯᠬᠦ ᠪᠠᠷ ᠪᠡᠯᠡᠬᠡᠨ ᠪᠤᠯᠭᠠᠭᠠᠳ ᠪᠤᠢ᠃ | ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ︽ᠷᠤᠯᠭᠠᠷᠵᠠᠪ︾ ᠠᠷᠠᠳ ᠤᠨ ᠰᠤᠶᠤᠯ ᠤᠨ ᠤᠷᠠᠯᠢᠭ ᠤᠨ ᠨᠡᠶᠢᠭᠡᠮᠯᠢᠭ ᠨᠢ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠨᠠᠰᠢ ᠪᠦᠬᠦ ᠬᠤᠰᠢᠭᠤᠨ ᠤ ᠤᠳᠬᠠ ᠵᠤᠬᠢᠶᠠᠯ ᠰᠤᠶᠤᠯ ᠲᠡᠦᠬᠡ ᠶᠢᠨ ᠬᠦᠭᠵᠢᠯᠲᠡ ᠶᠢ | ᠪᠠᠶᠠᠯᠢᠭᠵᠢᠭᠤᠯᠵᠤ᠂ ᠦᠨᠡᠨᠴᠢ ᠰᠡᠳᠬᠢᠯ᠂ ᠦᠨᠡᠲᠦ ᠪᠦᠲᠦᠭᠡᠯ ᠢᠶᠠᠷ ᠢᠶᠠᠨ ᠲᠦᠭ ᠲᠦᠮᠡᠨ ᠳᠡᠭᠡᠨ ᠲᠠᠨᠢᠭᠳᠠᠭᠰᠠᠨ | ᠲᠤᠯᠠ 2011 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ | ᠠᠷᠠᠳ ᠤᠨ ᠰᠤᠶᠤᠯ ᠤᠨ ︽ᠠᠷᠠᠳ︾ ᠱᠠᠩᠨᠠᠯ ᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠱᠠᠩᠨᠠᠯ | ᠬᠦᠷᠲᠡᠵᠡᠢ᠃ ᠡᠷᠬᠢᠯᠡᠨ ᠬᠡᠪᠯᠡᠭᠦᠯᠵᠦ ᠪᠠᠶᠢᠭᠠ ᠤᠳᠬᠠ ᠵᠤᠬᠢᠶᠠᠯ᠂ ᠰᠤᠶᠤᠯ ᠲᠡᠦᠬᠡ ᠶᠢᠨ ᠶᠡᠷᠦᠩᠬᠡᠶᠢᠯᠡᠭᠰᠡᠨ | ᠰᠡᠳᠬᠦᠯ ︽ᠭᠦᠩᠭᠡᠷ ᠤᠨ ᠲᠠᠯᠠ︾ ᠪᠠᠨ 2007 ᠤᠨ ᠳᠤ ᠬᠡᠪᠯᠡᠯ ᠡᠬᠢᠯᠡᠭᠦᠯᠦᠭᠰᠡᠨ ᠠᠴᠠ ᠨᠠᠰᠢ ᠨᠢᠭᠡᠨᠲᠡ ᠲᠠᠪᠤᠨ | ᠬᠤᠭᠤᠴᠠᠭᠠ ᠲᠠᠷᠬᠠᠭᠠᠭᠰᠠᠨ ᠢᠶᠠᠷ ᠦᠯᠦ ᠪᠠᠷᠠᠮ ᠠᠮᠧᠷᠢᠺᠡ᠂ ᠶᠠᠫᠤᠨ᠂ ᠮᠤᠩᠭᠤᠯ ᠤᠯᠤᠰ ᠁ ᠵᠡᠷᠭᠡ ᠤᠯᠤᠰ | ᠤᠷᠤᠨ ᠤ ᠡᠷᠳᠡᠮᠲᠡᠳ ᠤᠨ ᠠᠯᠠᠭᠠᠨ ᠳᠤ ᠬᠦᠷᠭᠡᠵᠡᠢ᠃ ᠴᠢᠩᠭᠢᠰ ᠤᠨ ᠬᠡᠰᠢᠭᠲᠡᠨ ᠴᠡᠷᠢᠭ ᠤᠨ ᠬᠤᠶᠢᠴᠢᠰ ᠪᠤᠯᠤᠭᠰᠠᠨ | ᠡᠨᠡ ᠨᠤᠲᠤᠭ ᠤᠨ ᠮᠤᠩᠭᠤᠯᠴᠤᠳ ᠬᠠᠶᠢᠷᠠ ᠬᠦᠰᠡᠯ ᠤᠨ ᠬᠦᠬᠡ ᠲᠡᠭᠷᠢ ᠳᠡᠭᠡᠨ ᠨᠤᠮ ᠤᠨ ᠬᠠᠳᠠᠭ ᠡᠷᠭᠦᠨ ᠦᠨᠡᠲᠦ | ᠰᠤᠶᠤᠯ ᠤᠨ ᠦᠢᠯᠡᠰ ᠢᠶᠠᠨ ᠦᠶᠡ ᠶᠢᠨ ᠦᠶᠡ ᠳᠤ ᠦᠷᠭᠦᠯᠵᠢᠯᠡᠭᠦᠯᠦᠨ ᠪᠤᠢ᠃ |