ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠵᠠᠰᠠᠭ ᠤᠨ ᠢᠯᠡᠳᠭᠡᠯ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠣᠶᠣᠯ ᠡᠷᠳᠡᠨᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠵᠢᠮᠢᠰ ᠤᠬᠢᠶᠠᠬᠤ ᠤᠷ᠎ᠠ ᠲᠡᠮ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2017-06-01
       ᠤᠳᠤᠬᠠᠨ ᠤ ᠵᠠᠬ᠎ᠠ ᠲᠡᠯᠭᠡᠬᠦᠷ ᠲᠡᠭᠡᠷ᠎ᠠ ᠬᠤᠳᠠᠯᠳᠤᠨ ᠪᠤᠷᠤᠯᠠᠭᠤᠯᠵᠤ ᠪᠠᠶᠢᠭ᠎ᠠ ᠵᠢᠮᠢᠰ ᠨᠤᠭᠤᠭᠠᠨ ᠤ ᠵᠦᠢᠯ ᠳᠤ ᠢᠯᠵᠢᠷᠡᠬᠦ ᠶᠢ ᠰᠡᠷᠭᠡᠶᠢᠯᠡᠬᠦ ᠡᠳ᠋᠂ ᠦᠡᠭᠭᠡ ᠤᠷᠤᠭᠤᠯᠬᠤ ᠡᠳ᠋᠂ ᠲᠠᠷᠢᠶᠠᠨ ᠡᠮ᠂ ᠬᠢᠮᠢ ᠶᠢᠨ ᠪᠤᠷᠳᠤᠭᠤᠷ ᠤᠨ ᠦᠯᠡᠳᠡᠭᠳᠡᠯ ᠵᠡᠷᠭᠡ ᠡᠯᠳᠡᠪ ᠪᠤᠳᠠᠰ ᠨᠠᠭᠠᠯᠳᠤᠵᠤ ᠪᠠᠶᠢᠳᠠᠬ ᠲᠤᠯᠠ ᠡᠪᠳᠡᠢ ᠰᠠᠶᠢᠬᠠᠨ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠦᠭᠡᠢ ᠪᠠᠷ ᠢᠳᠡᠪᠡᠯ ᠬᠦᠮᠦᠰ ᠤᠨ ᠡᠷᠡᠭᠦᠯ ᠴᠢᠬᠢᠷᠠᠬ ᠲᠤ ᠬᠤᠤᠷ ᠨᠦᠯᠦᠭᠡ ᠤᠴᠠᠷᠠᠭᠤᠯᠳᠠᠬ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠠᠴᠠ ᠲᠤᠤᠷ᠎ᠠ ᠲᠠ ᠨᠠᠷ ᠲᠠᠭᠠᠨ ᠭᠡᠳᠦᠨ ᠵᠦᠢᠯ ᠤᠨ ᠵᠢᠮᠢᠰ ᠤᠬᠢᠶᠠᠬᠤ ᠲᠦᠭᠦᠮ ᠠᠷᠭ᠎ᠠ ᠶᠢ ᠲᠠᠨᠢᠯᠴᠠᠭᠤᠯᠤᠶ᠎ᠠ ᠄        ᠬᠦᠵᠡᠯᠵᠡᠭᠡᠨ᠎ᠠ᠄ ᠬᠦᠵᠡᠯᠵᠡᠭᠡᠨ᠎ᠠ ᠶᠢ ᠲᠤᠤᠷᠠᠬᠢ ᠭᠡᠳᠦᠨ ᠠᠯᠬᠤᠮ ᠢᠶᠠᠷ ᠤᠬᠢᠶᠠᠪᠠᠯ ᠬᠠᠮᠤᠬ ᠰᠠᠶᠢᠨ ᠪᠠᠶᠢᠳᠠᠬ᠄ ᠡᠩ ᠲᠡᠷᠢᠬᠦᠨ ᠳᠤ᠂ ᠲᠦᠭᠡᠭᠡᠯ ᠤᠰᠤ ᠪᠠᠨ ᠭᠤᠭᠤᠵᠢᠭᠤᠯᠵᠤ ᠪᠠᠶᠢᠭᠠᠳ ᠭᠡᠳᠦᠨ ᠮᠢᠨᠦ᠋ᠲ ᠤᠬᠢᠶᠠᠵᠤ᠂ ᠬᠦᠵᠡᠯᠵᠡᠭᠡᠨ᠎ᠠ ᠶᠢᠨ ᠭᠠᠳᠠᠭᠤᠷ ᠨᠠᠭᠠᠯᠳᠤᠬᠰᠠᠨ ᠪᠠᠺᠲ᠋ᠧᠷᠢ᠂ ᠲᠠᠷᠢᠶᠠᠨ ᠡᠮ ᠵᠢᠴᠢ ᠪᠤᠰᠤᠳ ᠪᠤᠵᠠᠷ ᠪᠤᠷᠳᠤᠬ ᠤᠨ ᠶᠡᠭᠡᠨᠭᠬᠢ ᠶᠢ ᠨᠢ ᠠᠷᠢᠯᠭᠠᠨ᠎ᠠ᠃ ᠭᠡᠬᠦ ᠳᠡᠭᠡᠨ ᠤᠰᠤᠨ ᠳᠤ ᠤᠳᠠᠭᠠᠨ ᠲᠡᠪᠳᠡᠭᠡᠵᠤ ᠪᠤᠯᠬᠤ ᠦᠭᠡᠢ᠃ ᠭᠡᠷᠪᠡ ᠰᠢᠭᠤᠳ ᠲᠡᠪᠳᠡᠭᠡᠪᠡᠯ ᠭᠠᠳᠠᠷᠭᠤ ᠳᠠᠬᠢ ᠲᠠᠷᠢᠶᠠᠨ ᠡᠮ ᠨᠢ ᠤᠰᠤᠨ ᠳᠤ ᠠᠭᠤᠰᠴᠤ ᠲᠠᠬᠢᠨ ᠬᠦᠵᠡᠯᠵᠡᠭᠡᠨ᠎ᠠ ᠳᠤ ᠰᠢᠮᠡᠳᠬᠦ ᠪᠤᠯᠤᠨ᠎ᠠ᠃ ᠲᠠᠷᠠᠭ᠎ᠠ ᠨᠢ᠂ ᠬᠦᠵᠡᠯᠵᠡᠭᠡᠨ᠎ᠠ ᠪᠠᠨ ᠪᠤᠳᠠᠭᠠᠨ ᠤᠬᠢᠶᠠᠳᠠᠰᠤ ᠪᠤᠶᠤ ᠪᠠᠭ᠎ᠠ ᠲᠠᠪᠤᠰᠤ ᠬᠢᠭᠰᠡᠨ ᠤᠰᠤᠨ ᠳᠤ ᠬᠢᠵᠤ 3 ᠮᠢᠨᠦ᠋ᠲ ᠲᠡᠪᠳᠦᠭᠡᠨ᠎ᠠ᠃ ᠱᠦᠯᠳᠦᠯᠢᠭ ᠴᠢᠨᠠᠷ ᠲᠠᠢ ᠪᠤᠳᠠᠭᠠᠨ ᠤᠬᠢᠶᠠᠳᠠᠰᠤ ᠨᠢ ᠲᠠᠷᠢᠶᠠᠨ ᠡᠮ ᠢ ᠵᠠᠳᠠᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ᠃ ᠲᠠᠪᠤᠰᠤ ᠲᠠᠢ ᠤᠰᠤ ᠨᠢ ᠪᠠᠺᠲ᠋ᠧᠷᠢ ᠠᠯᠠᠬᠤ ᠦᠢᠯᠡᠳᠦᠯ ᠲᠠᠢ ᠪᠦᠭᠡᠳ ᠬᠦᠵᠡᠯᠵᠡᠭᠡᠨ᠎ᠠ ᠶᠢᠨ ᠭᠠᠳᠠᠷᠭᠤ ᠳᠠᠬᠢ ᠬᠤᠷᠤᠬᠠᠢ ᠰᠢᠪᠡᠵᠢ ᠶᠢ ᠰᠠᠯᠭᠠᠨ ᠲᠡᠭᠳᠡᠬᠦᠯᠵᠤ ᠠᠮᠠᠷᠬᠠᠨ ᠤᠬᠢᠶᠠᠵᠤ ᠭᠠᠷᠬᠤ ᠪᠤᠯᠤᠨ᠎ᠠ᠃ ᠲᠠᠬᠢᠭᠠᠳ ᠲᠦᠭᠡᠭᠡᠯ ᠤᠰᠤ ᠪᠠᠨ ᠭᠤᠭᠤᠵᠢᠭᠤᠯᠵᠤ ᠪᠠᠶᠢᠭᠠᠳ ᠤᠬᠢᠶᠠᠪᠠᠯ ᠤᠬᠢᠶᠠᠳᠠᠰᠤ ᠪᠤᠯᠤᠨ ᠲᠠᠪᠤᠰᠤ ᠲᠠᠢ ᠤᠰᠤ ᠵᠢᠴᠢ ᠦᠯᠡᠳᠡᠭᠰᠡᠨ ᠪᠠᠺᠲ᠋ᠧᠷᠢ ᠶᠢ ᠨᠢ ᠪᠦᠷ ᠰᠠᠶᠢᠬᠠᠨ ᠤᠬᠢᠶᠠᠭᠠᠳ ᠬᠠᠶᠠᠴᠢᠬᠠᠨ᠎ᠠ᠃ ᠬᠠᠮᠤᠬ ᠤᠨ ᠰᠡᠬᠦᠯ ᠳᠤ ᠴᠡᠪᠡᠷ ᠤᠰᠤ ᠪᠠᠷ ᠪᠠᠰᠠ ᠨᠢᠭᠡ ᠤᠳᠠᠭ᠎ᠠ ᠵᠠᠶᠢᠯᠤᠨ᠎ᠠ᠃ ᠬᠦᠵᠡᠯᠵᠡᠭᠡᠨ᠎ᠠ ᠶᠢ ᠤᠬᠢᠶᠠᠬᠤ ᠠᠴᠠ ᠡᠮᠦᠨ᠎ᠠ ᠤᠬ ᠤᠨ ᠨᠠᠪᠴᠢ ᠶᠢ ᠨᠢ ᠠᠪᠬᠤ ᠦᠭᠡᠢ ᠪᠤᠯ ᠰᠠᠶᠢᠨ᠂ ᠦᠭᠡᠢ ᠪᠤᠯ ᠤᠬᠢᠶᠠᠬᠤ ᠶᠠᠪᠤᠴᠠ ᠳᠤ ᠲᠠᠷᠢᠶᠠᠨ ᠡᠮ ᠤᠭ ᠤᠨ ᠨᠠᠪᠴᠢᠨ ᠤ ᠰᠢᠷᠬ᠎ᠠ ᠪᠠᠷ ᠨᠢ ᠲᠠᠮᠵᠢᠨ ᠵᠢᠮᠢᠰ ᠤᠨ ᠲᠤᠳᠤᠷ᠎ᠠ ᠰᠢᠮᠡᠳᠴᠤ ᠮᠡᠳᠡᠨ᠎ᠠ᠃        ᠠᠯᠮᠤᠷᠠᠳ᠄ ᠠᠯᠮᠤᠷᠠᠳ ᠢ ᠬᠦᠮᠦᠰ ᠶᠡᠷᠦᠳᠡᠭᠡᠨ ᠬᠠᠯᠢᠰᠤ ᠲᠠᠢ ᠨᠢ ᠢᠳᠡᠬᠦ ᠲᠤᠷᠠᠳᠠᠢ᠃ ᠭᠡᠳᠡᠯ᠎ᠠ ᠤᠳᠤᠬᠠ ᠳᠤ ᠨᠡᠶᠢᠳᠡᠮ ᠭᠡᠷᠡᠭᠯᠡᠵᠤ ᠪᠠᠶᠢᠭ᠎ᠠ ᠰᠤᠷᠭᠤᠬ ᠢ ᠪᠠᠳᠤᠯᠠᠬᠤ ᠮᠡᠷᠭᠡᠵᠢᠯ ᠨᠢ ᠠᠯᠮᠤᠷᠠᠳ ᠤᠨ ᠬᠠᠯᠢᠰᠤᠨ ᠲᠡᠭᠡᠷ᠎ᠠ ᠠᠮᠠᠷᠬᠠᠨ ᠤᠬᠢᠶᠠᠬᠳᠠᠵᠤ ᠭᠠᠷᠬᠤ ᠦᠭᠡᠢ ᠬᠢᠮᠢ ᠶᠢᠨ ᠪᠤᠳᠠᠰ ᠨᠠᠭᠠᠯᠳᠤᠭᠤᠯᠳᠠᠬ ᠠᠴᠠ ᠰᠠᠶᠢᠬᠠᠨ ᠤᠬᠢᠶᠠᠬᠤ ᠦᠭᠡᠢ ᠪᠤᠯ ᠡᠷᠡᠭᠦᠯ ᠡᠩᠭᠡ ᠳᠤ ᠬᠤᠤᠷ ᠨᠦᠯᠦᠭᠡ ᠲᠠᠢ ᠪᠤᠯᠳᠠᠬ᠃ ᠤᠬᠢᠶᠠᠬᠤ ᠠᠷᠭ᠎ᠠ᠄ ᠠᠯᠮᠤᠷᠠᠳ ᠢᠶᠠᠨ ᠤᠰᠤᠨ ᠳᠤ ᠬᠢᠵᠤ ᠲᠡᠭᠡᠷ᠎ᠠ ᠨᠢ ᠵᠢᠭᠠᠬᠠᠨ ᠲᠠᠪᠤᠰᠤ ᠬᠢᠵᠤ ᠤᠬᠢᠶᠠᠪᠠᠯ ᠠᠯᠮᠤᠷᠠᠳ ᠲᠤ ᠨᠠᠭᠠᠯᠳᠤᠬᠰᠠᠨ ᠭᠭᠢᠷ ᠪᠤᠷᠳᠠᠬ ᠢ ᠠᠮᠠᠷᠬᠠᠨ ᠠᠷᠢᠯᠭᠠᠵᠤ ᠲᠠᠬᠢᠨ ᠴᠡᠪᠡᠷ ᠤᠰᠤ ᠪᠠᠷ ᠵᠠᠶᠢᠯᠪᠠᠯ ᠰᠠᠨᠠᠭ᠎ᠠ ᠠᠮᠤᠷ ᠢᠳᠡᠵᠤ ᠪᠤᠯᠳᠠᠬ᠃ ᠲᠤᠭᠤᠷ᠄ ᠲᠤᠭᠤᠷ ᠠᠮᠳᠠ ᠲᠠᠢ ᠪᠤᠯᠪᠠᠴᠤ ᠦᠰᠦ ᠶᠢ ᠨᠢ ᠠᠷᠢᠯᠭᠠᠬᠤ ᠳᠤ ᠲᠦᠪᠡᠭ ᠲᠠᠢ ᠪᠠᠶᠢᠳᠠᠬ᠃ ᠤᠬᠢᠶᠠᠬᠤ ᠠᠷᠭ᠎ᠠ᠄ ᠲᠤᠭᠤᠷ ᠢᠶᠠᠨ ᠨᠤᠷᠠᠭᠠᠭᠠᠳ ᠲᠠᠪᠤᠰᠤᠨ ᠲᠠᠯᠬ᠎ᠠ ᠪᠠᠷ ᠱᠦᠷᠬᠦᠭᠡᠨ ᠦᠰᠦ ᠶᠢ ᠨᠢ ᠤᠨᠠᠭᠠᠵᠤ᠂ ᠲᠠᠬᠢᠨ ᠴᠡᠪᠡᠷ ᠤᠰᠤ ᠪᠠᠷ ᠨᠢᠭᠡ ᠵᠠᠶᠢᠯᠪᠠᠯ ᠪᠤᠯᠴᠢᠬᠠᠨ᠎ᠠ᠃ ᠡᠰᠡᠬᠦᠯ᠎ᠠ ᠤᠰᠤᠨ ᠳᠠᠭᠠᠨ ᠪᠠᠭ᠎ᠠ ᠲᠠᠪᠤᠰᠤ ᠬᠢᠵᠤ ᠲᠤᠭᠤᠷ ᠢᠶᠠᠨ ᠲᠡᠪᠳᠡᠭᠡᠭᠡᠳ ᠲᠠᠬᠢᠨ ᠬᠦᠡᠭᠭᠡᠨ ᠰᠢᠭ ᠱᠦᠷᠬᠦᠭᠡᠨ ᠤᠬᠢᠶᠠᠵᠤ ᠪᠤᠯᠤᠨ᠎ᠠ᠃        ᠦᠵᠦᠮ᠄ ᠦᠵᠦᠮ ᠳᠤ ᠬᠢᠷᠠᠭᠤ ᠨᠠᠭᠠᠯᠳᠤᠯᠵᠤ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠬᠤᠮᠤᠬ ᠰᠢᠷᠤᠢ ᠨᠠᠭᠠᠯᠳᠤᠵᠤ ᠪᠠᠶᠢᠳᠠᠬ᠂ ᠢᠳᠡ ᠲᠠᠢ ᠤᠬᠢᠶᠠᠪᠠᠯ ᠨᠢᠴᠠᠷᠠᠵᠤ ᠪᠡᠯᠪᠠᠷᠠᠨ᠂ ᠬᠦᠡᠭᠭᠡᠨ ᠰᠢᠭ ᠤᠬᠢᠶᠠᠪᠠᠯ ᠪᠤᠵᠠᠷ ᠪᠤᠷᠳᠤᠬ ᠢ ᠨᠢ ᠤᠬᠢᠶᠠᠵᠤ ᠭᠠᠷᠭᠠᠬᠤ ᠳᠤ ᠬᠦᠴᠢᠷ ᠪᠠᠶᠢᠳᠠᠬ᠃ ᠤᠬᠢᠶᠠᠬᠤ ᠠᠷᠭ᠎ᠠ᠄ ᠦᠵᠦᠮ ᠢᠶᠠᠨ ᠤᠰᠤᠨ ᠲᠤᠳᠤᠷ᠎ᠠ ᠬᠢᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠲᠤᠳᠤᠷ᠎ᠠ ᠨᠢ ᠬᠤᠶᠠᠷ ᠬᠠᠯᠪᠠᠭ᠎ᠠ ᠭᠤᠯᠢᠷ ᠪᠤᠶᠤ ᠴᠠᠷᠳᠠᠭᠤᠯ ᠬᠢᠨ᠎ᠠ᠃ ᠲᠡᠭᠡᠭᠡᠳ ᠬᠦᠴᠦᠳᠡᠢ ᠵᠦᠯᠬᠦᠵᠤ ᠤᠬᠢᠶᠠᠬᠰᠠᠨ ᠤ ᠭᠡᠷᠡᠭ ᠦᠭᠡᠢ᠂ ᠨᠠᠰᠢ ᠴᠠᠰᠢ ᠭᠡᠳᠦ ᠤᠷᠪᠠᠭᠤᠯᠤᠭᠠᠳ᠂ ᠲᠠᠬᠢᠵᠤ ᠴᠡᠪᠡᠷ ᠤᠰᠤ ᠪᠠᠷ ᠵᠠᠶᠢᠯᠪᠠᠯ ᠪᠤᠯᠴᠢᠬᠠᠨ᠎ᠠ᠃ ᠭᠤᠯᠢᠷ᠂ ᠴᠠᠷᠳᠠᠭᠤᠯ ᠳᠤ ᠰᠠᠶᠢᠨ ᠨᠠᠭᠠᠯᠳᠤᠭᠤᠯᠬᠤ ᠴᠢᠳᠠᠯ ᠲᠠᠢ ᠲᠤᠯᠠ ᠪᠤᠵᠠᠷ ᠪᠤᠷᠳᠤᠬ ᠢ ᠨᠢ ᠰᠠᠶᠢᠬᠠᠨ ᠨᠠᠭᠠᠯᠳᠤᠭᠤᠯᠤᠭᠠᠳ ᠠᠪᠳᠠᠬ᠃ ᠡᠬᠦᠨ ᠤ ᠲᠠᠷᠠᠭ᠎ᠠ ᠲᠦᠭᠡᠭᠡᠯ ᠤᠰᠤ ᠶᠢ ᠭᠤᠭᠤᠵᠢᠯᠠᠭᠤᠯᠤᠨ ᠤᠬᠢᠶᠠᠪᠠᠯ ᠲᠠᠷᠤᠢ ᠢᠳᠡᠵᠤ ᠪᠤᠯᠤᠨ᠎ᠠ᠃
 
ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠶᠠᠮᠠᠷ ᠬᠦᠮᠦᠨ ᠮᠦᠰᠦᠮᠡᠯᠵᠢ ᠢᠳᠡᠵᠦ ᠪᠤᠯᠬᠤ ᠦᠭᠡᠢ ᠪᠤᠢ
ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠢᠮᠠᠭ᠎ᠠ ᠶᠢ ᠰᠤᠩᠭᠤᠨ ᠬᠡᠷᠡᠭᠯᠡᠬᠦ ᠲᠤᠬᠠᠢ ᠮᠡᠳᠡᠯᠭᠡ
ᠰᠠᠶᠢᠠ ᠡᠭᠦᠯᠳᠡᠷ ᠤᠨ ᠦᠭᠡᠷ ᠢ ᠤᠷᠤᠭᠤᠯᠬᠤ ᠠᠷᠭ᠎ᠠ ᠲᠤᠷᠰᠢᠯᠭ᠎ᠠ
ᠮᠠᠷᠢᠶᠠᠯᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠳᠦᠨ ᠵᠦᠢᠯ ᠤᠨ ᠢᠳᠡᠭᠡᠨ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05002246号