| ᠬᠠᠳᠠᠭ ᠢ ᠲᠤᠷᠭᠠᠨ ᠬᠠᠳᠠᠭ᠂ ᠰᠠᠮᠪᠠᠢ ᠬᠠᠳᠠᠭ᠂ ᠪᠦᠰ ᠬᠠᠳᠠᠭ ᠭᠡᠵᠦ ᠬᠡᠳᠦᠨ ᠲᠦᠷᠦᠯ ᠵᠦᠢᠯ | ᠬᠤᠪᠢᠶᠠᠳᠠᠭ᠃ ᠰᠠᠮᠪᠠᠢ ᠬᠠᠳᠠᠭ ᠭᠡᠳᠡᠭ ᠨᠢ ᠲᠤᠩ ᠨᠠᠷᠢᠯᠢᠭ ᠮᠢᠨᠳᠠᠰᠤ ᠪᠤᠶᠤ ᠲᠤᠷᠭᠠᠨ ᠤᠲᠠᠰᠤ ᠪᠠᠷ ᠬᠡᠯᠬᠢᠵᠦ | ᠬᠢᠭᠰᠡᠨ ᠠᠷᠠᠮᠠᠭ ᠵᠢᠵᠢᠭᠬᠡᠨ ᠬᠠᠳᠠᠭ ᠢ ᠬᠡᠯᠡᠳᠡᠭ᠃ ᠰᠠᠮᠪᠠᠢ ᠶᠢᠨ ᠬᠡᠷᠡᠭᠴᠡᠭᠡ ᠴᠦ ᠮᠦᠨ ᠬᠠᠳᠠᠭ ᠲᠠᠢ ᠪᠠᠨ ᠠᠳᠠᠯᠢ | ᠪᠠᠶᠢᠵᠤ᠂ ᠬᠤᠪᠢ ᠨᠡᠷᠡ ᠦᠭᠬᠦ᠂ ᠵᠡᠭᠦᠯᠪᠤᠷᠢ ᠵᠡᠭᠦᠯᠭᠡᠬᠦ ᠳᠤ ᠨᠢᠭᠡ ᠬᠡᠰᠡᠭ ᠰᠠᠮᠪᠠᠢ ᠨᠢ ᠨᠢᠭᠡ ᠡᠮᠦᠰᠬᠡᠯ ᠲᠠᠢ | ᠲᠡᠩᠴᠡᠳᠡᠭ᠃ ᠭᠡᠬᠦ ᠳᠡᠭᠡᠨ ᠬᠠᠳᠠᠭ ᠢ ᠦᠲᠡᠯᠦᠭᠡ ᠪᠤᠭᠤᠷᠤᠯ ᠨᠠᠰᠤᠲᠠᠨ᠂ ᠬᠤᠪᠢᠯᠭᠠᠨ ᠭᠡᠭᠡᠨ᠂ ᠶᠡᠭᠡ ᠯᠠᠮᠠ ᠳᠤ | ᠵᠡᠭᠦᠯᠭᠡᠵᠦ ᠦᠭᠳᠡᠭ ᠠᠴᠠ ᠪᠢᠰᠢ᠂ ᠬᠠᠷᠢᠨ ᠬᠡᠨ ᠪᠤᠯᠭᠠᠨ ᠤ ᠬᠦᠵᠦᠭᠦᠨ ᠳᠤ ᠵᠡᠭᠦᠯᠭᠡᠵᠦ ᠦᠭᠳᠡᠭ ᠦᠭᠡᠢ᠃ ᠬᠠᠷᠢᠨ | ᠦᠭᠬᠦ ᠬᠦᠮᠦᠨ ᠤ ᠪᠠᠨ ᠭᠠᠷ ᠲᠤᠨᠢ ᠪᠠᠷᠢᠭᠤᠯᠵᠤ ᠦᠭᠳᠡᠭ᠃ ᠠᠯᠳᠠ ᠲᠤᠷᠭᠠᠨ ᠬᠠᠳᠠᠭ ᠲᠠᠲᠠᠨᠠ ᠭᠡᠭᠴᠢ ᠪᠠᠷᠤᠭ | ᠯᠠ ᠬᠠᠭᠠᠳ ᠨᠤᠶᠠᠳ ᠪᠤᠶᠤ ᠭᠡᠭᠡᠨ ᠬᠤᠪᠢᠯᠭᠠᠨ ᠳᠤ ᠠᠮᠤᠷ ᠡᠷᠢᠨ ᠵᠤᠯᠭᠠᠯᠲᠠ ᠬᠢᠬᠦ ᠳᠤ ᠬᠡᠷᠡᠭᠯᠡᠳᠡᠭ ᠡᠷᠬᠢᠮ ᠨᠠᠨᠳᠢᠨ | ᠪᠡᠯᠡᠭ ᠪᠠᠶᠢᠵᠠᠢ᠃ ᠮᠤᠩᠭᠤᠯᠴᠤᠳ ᠤᠨ ᠪᠠᠷᠢᠳᠠᠭ ᠬᠠᠳᠠᠭ ᠲᠤ ᠬᠦᠬᠡ᠂ ᠴᠠᠭᠠᠨ᠂ ᠰᠢᠷᠠ ᠁ ᠦᠩᠭᠡ ᠪᠠᠶᠢᠵᠤ᠂ | ᠦᠩᠭᠡ ᠦᠩᠭᠡ ᠶᠢᠨ ᠬᠠᠳᠠᠭ ᠲᠤ ᠭᠦᠨ ᠭᠦᠨᠵᠡᠭᠡᠢ ᠪᠡᠯᠭᠡᠳᠡᠯᠲᠦ ᠤᠳᠬᠠ᠂ ᠠᠳᠠᠯᠢ ᠪᠤᠰᠤ ᠶᠢᠨ ᠰᠠᠨᠠᠭᠠ | ᠰᠡᠳᠬᠢᠯᠭᠡ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ᠃ | | ᠮᠤᠩᠭᠤᠯᠴᠤᠳ ᠬᠦᠬᠡ ᠦᠩᠭᠡ ᠶᠢ ᠬᠠᠮᠤᠭ ᠠᠴᠠ ᠡᠷᠬᠢᠮᠯᠡᠳᠡᠭ᠃ ᠲᠡᠷᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠭᠤᠤᠯ | ᠰᠢᠲᠦᠭᠡᠨ ᠪᠤᠯᠬᠤ ︽ᠮᠦᠩᠬᠡ ᠲᠡᠭᠷᠢ︾ ᠶᠢᠨ ᠰᠢᠲᠦᠭᠡᠨ ᠠᠴᠠ ᠢᠷᠡᠯᠲᠡᠢ ᠪᠢᠯᠡ᠃ ᠬᠦᠬᠡ ᠬᠠᠳᠠᠭ ᠨᠢ ᠡᠰᠡᠨ | ᠮᠡᠨᠳᠦ᠂ ᠡᠷᠡᠭᠦᠯ ᠴᠢᠬᠢᠷᠠᠭ᠂ ᠦᠭᠡᠳᠡ ᠡᠰᠡᠷᠡᠭ᠂ ᠦᠯᠵᠡᠢ ᠮᠦᠷ ᠲᠠᠢ ᠪᠠᠶᠢᠬᠤ ᠶᠢ ᠵᠦᠩᠨᠡᠨ ᠪᠡᠯᠭᠡᠳᠡᠳᠡᠭ ᠲᠤᠯᠠ | ᠴᠡᠩᠬᠡᠷ ᠬᠦᠬᠡ ᠬᠠᠳᠠᠭ ᠢ ᠡᠩ ᠤᠨ ᠶᠤᠰᠤᠨ ᠳᠤ ᠬᠡᠷᠡᠭᠯᠡᠵᠦ᠂ ᠴᠠᠭᠠᠨ ᠦᠩᠭᠡ ᠶᠢᠨ ᠬᠠᠳᠠᠭ ᠢ ᠠᠪᠤ ᠡᠵᠢ᠂ ᠠᠬᠠᠰ | ᠵᠠᠬᠠᠰ᠂ ᠨᠤᠶᠠᠳ ᠢᠵᠠᠭᠤᠷᠲᠠᠳ ᠲᠤ ᠲᠠᠲᠠᠵᠤ᠂ ᠰᠢᠷᠠ ᠦᠩᠭᠡ ᠶᠢᠨ ᠬᠠᠳᠠᠭ ᠢ ᠪᠤᠯ ᠭᠡᠭᠡᠨ ᠬᠤᠳᠤᠭᠲᠤ ᠯᠠᠮᠠ | ᠬᠤᠸᠠᠷᠠᠭ ᠲᠤ ᠡᠷᠭᠦᠵᠦ ᠪᠡᠯᠡᠭᠯᠡᠳᠡᠭ᠃ | | |