| | ᠶᠠᠭᠠᠬᠢᠭᠠᠳ ᠨᠤᠮ ᠤᠩᠰᠢᠬᠤ ᠶᠤᠰᠤᠲᠠᠢ ᠪᠤᠢ︖ ᠬᠦᠮᠦᠨ ᠪᠤᠯᠭᠠᠨ ᠡᠷᠬᠢᠮ ᠨᠠᠨᠳᠢᠨ᠂ ᠬᠦᠮᠦᠨ | ᠲᠦᠷᠦᠯᠬᠢᠲᠡᠨ ᠬᠠᠮᠲᠤᠪᠡᠷ ᠢᠶᠠᠨ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠡᠷᠬᠡᠰᠢᠶᠡᠨ᠂ ᠭᠠᠵᠠᠷ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠡᠬᠢ ᠪᠠᠶᠠᠯᠢᠭ | ᠪᠦᠬᠦᠨ ᠢ ᠵᠠᠬᠢᠷᠬᠤ ᠪᠠᠷ ᠵᠠᠶᠠᠭᠠᠭᠳᠠᠭᠰᠠᠨ ᠲᠤᠯᠠ ᠵᠦᠪ ᠮᠡᠳᠡᠯᠭᠡ᠂ ᠵᠢᠩᠬᠢᠨᠢ ᠮᠡᠷᠭᠡᠨ ᠤᠬᠠᠭᠠᠨ ᠢ ᠤᠯᠬᠤ᠂ ᠵᠦᠪ | ᠮᠡᠳᠡᠯᠭᠡ᠂ ᠵᠢᠩᠬᠢᠨᠢ ᠮᠡᠷᠭᠡᠨ ᠤᠬᠠᠭᠠᠨ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠠᠵᠠᠢ᠃ | ᠶᠠᠭᠠᠬᠢᠭᠠᠳ ᠨᠤᠮ ᠤᠩᠰᠢᠬᠤ ᠶᠤᠰᠤᠲᠠᠢ ᠪᠤᠢ︖ ᠤᠤᠯ ᠨᠢ ᠨᠤᠮ ᠪᠤᠯ ︽ᠮᠡᠷᠭᠡᠨ ᠤᠬᠠᠭᠠᠨ ᠬᠢᠭᠡᠳ | ᠵᠢᠭᠠᠪᠤᠷᠢ ᠶᠢ ᠮᠡᠳᠡᠬᠦ᠂ ᠮᠡᠳᠡᠯᠭᠡ ᠤᠬᠠᠭᠠᠨ ᠤ ᠦᠭᠡ ᠬᠡᠯᠡ ᠶᠢ ᠤᠶᠢᠯᠠᠭᠠᠬᠤ᠂ ᠵᠦᠪ᠂ ᠰᠢᠳᠤᠷᠭᠤ᠂ ᠭᠤᠤᠯᠴᠢ | ᠶᠤᠰᠤ ᠶᠢ ᠤᠬᠠᠭᠠᠷᠠᠬᠤ᠂ ᠵᠢᠭᠠᠪᠤᠷᠢ ᠶᠢ ᠠᠪᠬᠤ᠂ ᠭᠡᠷᠰᠡᠦ ᠤᠬᠠᠭᠠᠨ ᠢ ᠭᠡᠨᠡᠨ ᠨᠢᠭᠡᠨ ᠳᠤ᠂ ᠮᠡᠳᠡᠯᠭᠡ ᠪᠠ | ᠪᠤᠳᠤᠯᠭᠠ ᠶᠢ ᠢᠳᠡᠷ ᠵᠠᠯᠠᠭᠤ ᠳᠤ ᠤᠯᠭᠤᠳᠠᠭ ᠪᠠᠶᠢᠨᠠ︾᠃ ᠠᠯᠢ ᠨᠢᠭᠡᠨ ᠨᠤᠮ ᠠᠴᠠ ︽ᠮᠡᠷᠭᠡᠨ ᠢ ᠰᠤᠨᠤᠰᠴᠤ | ᠮᠡᠳᠡᠯᠭᠡ ᠪᠠᠨ ᠲᠡᠯᠡᠨᠡ᠂ ᠤᠬᠠᠭᠠᠯᠢᠭ ᠨᠢ ᠴᠢᠭᠯᠡᠯ ᠢᠶᠠᠨ ᠤᠯᠳᠠᠭ︾ ᠪᠠᠶᠢᠨᠠ᠃ | ᠶᠠᠭᠠᠬᠢᠭᠠᠳ ᠨᠤᠮ ᠤᠩᠰᠢᠬᠤ ᠶᠤᠰᠤᠲᠠᠢ ᠪᠤᠢ︖ ᠬᠦᠮᠦᠨ ᠵᠦᠪᠬᠡᠨ ᠮᠠᠬᠠᠪᠤᠳ ᠪᠡᠶᠡ ᠶᠢᠨ ᠢᠶᠠᠨ | ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶᠢᠨ ᠯᠠ ᠲᠦᠯᠦᠭᠡ ᠪᠢᠰᠢ᠂ ᠤᠶᠤᠨ ᠰᠦᠨᠡᠰᠦᠨ ᠳᠤᠨᠢ ᠡᠴᠢᠨᠡ ᠭᠦᠨ ᠲᠡᠮᠡᠦᠯᠡᠯ ᠲᠠᠢ | ᠪᠠᠶᠢᠳᠠᠭ ᠲᠤᠯᠠ ᠠᠯᠢ ᠨᠢᠭᠡᠨ ᠨᠤᠮ ᠨᠢ ᠲᠡᠷᠡ ᠬᠡᠰᠡᠭ ᠬᠤᠭᠤᠰᠤᠨ ᠵᠠᠢ ᠶᠢ ᠨᠢ ᠰᠢᠮᠡᠵᠢᠭᠦᠯᠦᠨ ᠲᠡᠵᠢᠭᠡᠳᠡᠭ ᠶᠤᠮ᠃ | | ᠶᠠᠭ ᠡᠶᠢᠮᠦ ᠤᠴᠢᠷ ᠠᠴᠠ ᠡᠷᠲᠡ ᠡᠳᠦᠭᠡ᠂ ᠲᠤᠲᠤᠭᠠᠳᠤ ᠭᠠᠳᠠᠭᠠᠲᠤ ᠳᠤ ︽ᠨᠤᠮ ᠪᠤᠯ ᠬᠦᠮᠦᠨ ᠤ | ᠰᠡᠳᠬᠢᠯ ᠤᠨ ᠴᠤᠩᠬᠤ︾᠂ ︽ᠡᠳ᠋ ᠢᠶᠠᠷ ᠪᠡᠶᠡ ᠪᠠᠨ ᠴᠢᠮᠡᠬᠦ ᠪᠠᠷ᠂ ᠡᠷᠳᠡᠮ ᠢᠶᠠᠷ ᠪᠡᠶᠡ ᠪᠠᠨ ᠴᠢᠮᠡ︾ ᠭᠡᠬᠦ | ᠮᠡᠲᠦ ᠪᠠᠷ ᠮᠡᠷᠭᠡᠯᠡᠭᠰᠡᠨ ᠰᠡᠴᠡᠯᠡᠭᠰᠡᠨ ᠨᠢ ᠲᠤᠭᠠ ᠦᠭᠡᠢ ᠤᠯᠠᠨ᠃ | ᠶᠠᠭ ᠡᠶᠢᠮᠦ ᠪᠠᠶᠢᠭᠰᠠᠨ ᠠᠴᠠ 1995 ᠤᠨ ᠳᠤ ᠤᠯᠠᠨ ᠤᠯᠤᠰ ᠤᠨ ᠬᠤᠯᠪᠤᠭᠠᠲᠤ ᠪᠠᠶᠢᠭᠤᠯᠤᠯᠭᠠ ᠶᠢᠨ | ᠰᠤᠷᠭᠠᠨ ᠬᠦᠮᠦᠵᠢᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠤᠶᠤᠯ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠠᠴᠠ 4 ᠰᠠᠷᠠ ᠶᠢᠨ 23 ᠤ | ᠡᠳᠦᠷ ᠢ ︽ᠳᠡᠯᠡᠬᠡᠢ ᠶᠢᠨ ᠨᠤᠮ ᠤᠩᠰᠢᠬᠤ ᠡᠳᠦᠷ︾ ᠭᠡᠵᠦ ᠲᠤᠭᠲᠠᠭᠠᠭᠰᠠᠨ ᠤ ᠡᠴᠦᠰ ᠤᠨ ᠤᠳᠬᠠ ᠤᠴᠢᠷ ᠨᠢ | ᠶᠠᠭ ᠡᠨᠡ ᠶᠤᠮ᠃ ᠮᠠᠨ ᠤ ᠤᠯᠤᠰ ᠪᠦᠬᠦ ᠠᠷᠠᠳ ᠢᠶᠠᠷ ᠢᠶᠠᠨ ᠨᠤᠮ ᠤᠩᠰᠢᠬᠤ ᠰᠦᠷ ᠳᠠᠯᠠᠶᠢᠴᠠᠲᠠᠢ ᠤᠷᠢᠶᠠᠯᠠᠭᠠ | ᠭᠠᠷᠭᠠᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠦ ᠪᠠᠶᠢᠬᠤ ᠨᠢ ᠡᠴᠦᠰ ᠤᠨ ᠡᠴᠦᠰ ᠲᠤ ᠮᠦᠨ ᠯᠡ ᠲᠡᠷᠡᠬᠦ ᠤᠳᠬᠠ ᠤᠴᠢᠷ ᠲᠤ | ᠬᠦᠷᠬᠦ ᠪᠤᠯᠤᠨᠠ᠃ ᠲᠡᠷᠡᠴᠢᠯᠡᠨ ᠦᠨᠦ ᠵᠢᠯ ᠤᠯᠤᠰ ᠠᠴᠠ ᠭᠤᠤᠯ ᠰᠡᠳᠦᠪᠲᠦ ᠨᠤᠮ ᠤᠩᠰᠢᠬᠤ ᠠᠵᠢᠯᠯᠠᠭᠠ ᠶᠢ | ᠶᠡᠬᠡᠪᠡᠷ ᠠᠬᠢᠭᠤᠯᠬᠤ᠂ ᠰᠢᠯᠢᠳᠡᠭ ᠨᠤᠮ ᠪᠦᠲᠦᠭᠡᠯ ᠤᠨ ᠬᠡᠪᠯᠡᠭᠳᠡᠬᠦ ᠶᠢ ᠠᠬᠢᠭᠤᠯᠬᠤ ᠵᠡᠷᠭᠡ 8 ᠶᠡᠭᠡ ᠠᠭᠤᠯᠭᠠ ᠪᠠᠷ | ᠪᠦᠬᠦ ᠠᠷᠠᠳ ᠢᠶᠠᠷ ᠢᠶᠠᠨ ᠨᠤᠮ ᠤᠩᠰᠢᠬᠤ ᠠᠵᠢᠯᠯᠠᠭᠠ ᠶᠢ ᠬᠦᠴᠦᠲᠡᠢ ᠠᠬᠢᠭᠤᠯᠵᠤ ᠪᠠᠶᠢᠭᠠ ᠨᠢ ᠦᠨᠡᠬᠡᠷ | ᠪᠠᠶᠠᠷᠯᠠᠭᠤᠰᠢᠲᠠᠢ ᠶᠤᠮ᠃ | ᠡᠨᠡ ᠴᠠᠭ ᠦᠶᠡ ᠶᠢ ᠬᠦᠮᠦᠰ ︽ᠮᠡᠳᠡᠯᠭᠡ ᠶᠢᠨ ᠶᠡᠭᠡ ᠳᠡᠯᠪᠡᠷᠡᠯᠲᠡ︾ ᠶᠢᠨ ᠡᠷᠡᠨ ᠭᠡᠳᠡᠭ ᠪᠦᠭᠡᠳ | ᠦᠨᠡᠬᠡᠷ ᠦᠵᠡᠬᠦ ᠶᠠᠭᠤᠮᠠ ᠤᠯᠠᠨ᠂ ᠰᠤᠨᠤᠰᠬᠤ ᠵᠦᠢᠯ ᠦᠯᠡᠮᠵᠢ᠂ ᠰᠡᠳᠬᠢᠯ ᠢ ᠰᠠᠭᠠᠲᠠᠭᠤᠯᠵᠤ ᠤᠶᠢᠳᠬᠠᠷ ᠢ | ᠲᠠᠶᠢᠯᠬᠤ ᠵᠦᠢᠯ ᠠᠰᠤᠷᠤ ᠤᠯᠠᠨ ᠪᠤᠯᠤᠭᠰᠠᠨ ᠢᠶᠠᠷ ᠨᠤᠮ ᠤᠩᠰᠢᠵᠤ ᠰᠠᠭᠤᠬᠤ ᠬᠦᠮᠦᠨ ᠤᠯᠠᠨ ᠦᠭᠡᠢ ᠪᠤᠯᠵᠠᠢ᠃ | ᠢᠯᠠᠩᠭᠤᠶᠠ ᠨᠢᠳᠦ ᠡᠷᠢᠶᠡᠯᠵᠡᠭᠦᠯᠵᠦ ᠰᠡᠳᠬᠢᠯ ᠲᠦᠭᠡᠷᠢᠭᠦᠯᠦᠮᠡ ᠤᠯᠠᠨ ᠤᠯᠠᠨ ᠵᠦᠢᠯᠡᠰ ᠨᠢ ᠪᠢᠳᠡᠨ ᠳᠤ ᠦᠨᠡᠨ | ᠮᠡᠳᠡᠯᠭᠡ᠂ ᠵᠢᠩᠬᠢᠨᠢ ᠮᠡᠷᠭᠡᠨ ᠤᠬᠠᠭᠠᠨ ᠦᠭᠴᠦ ᠴᠢᠳᠠᠵᠤ ᠪᠠᠶᠢᠨᠠ ᠦᠦ᠂ ᠦᠭᠡᠢ ᠦᠦ ᠭᠡᠳᠡᠭ ᠪᠤᠯ ᠵᠠᠩᠭᠢᠯᠠᠭᠠ ᠶᠢᠨ | ᠵᠦᠢᠯ ᠪᠤᠯᠵᠤ ᠪᠤᠢ᠃ ᠬᠦᠮᠦᠨ ᠢ ᠤᠬᠠᠭᠠᠷᠠᠭᠤᠯᠤᠨ ᠭᠡᠭᠡᠷᠡᠭᠦᠯᠵᠦ᠂ ᠰᠢᠮᠡᠵᠢᠭᠦᠯᠦᠨ ᠪᠤᠶᠢᠵᠢᠭᠤᠯᠵᠤ᠂ | ᠲᠡᠭᠦᠯᠳᠡᠷᠵᠢᠭᠦᠯᠦᠨ ᠲᠦᠯᠦᠪᠰᠢᠭᠦᠯᠬᠦ ᠨᠤᠮ ᠢ ᠰᠤᠩᠭᠤᠵᠤ ᠤᠩᠰᠢᠬᠤ ᠶᠢ ᠪᠢᠳᠡ ᠪᠤᠳᠤᠭᠤᠰᠢᠲᠡᠢ ᠪᠠᠶᠢᠨᠠ᠃ | ᠢᠩᠭᠢᠵᠦ ᠪᠠᠶᠢᠵᠤ ᠪᠢᠳᠡ ᠢᠳᠡᠪᠬᠢ᠂ ᠵᠦᠪ ᠡᠨᠧᠷᠭᠢ ᠶᠢ ᠬᠦᠯᠢᠶᠡᠨ ᠠᠪᠴᠤ᠂ ᠡᠬᠡ ᠤᠯᠤᠰ ᠦᠨᠳᠦᠰᠦᠲᠡᠨ ᠤ ᠪᠠᠨ | ᠲᠦᠯᠦᠭᠡ᠂ ᠨᠠᠮ ᠠᠷᠠᠳ ᠲᠦᠮᠡᠨ ᠤ ᠪᠠᠨ ᠲᠦᠯᠦᠭᠡ ᠭᠡᠬᠦ ᠬᠠᠷᠠᠯᠲᠠ ᠵᠤᠷᠢᠯᠭᠠ ᠳᠠᠭᠠᠨ ᠬᠦᠷᠴᠦ ᠴᠢᠳᠠᠨᠠ᠃ | ᠬᠦᠮᠦᠨ ᠪᠤᠯᠭᠠᠨ ᠵᠦᠪ ᠦᠵᠡᠯᠲᠡ ᠲᠠᠨᠢᠯᠲᠠ ᠲᠠᠢ ᠪᠤᠯᠵᠤ᠂ ᠪᠤᠯᠪᠠᠰᠤᠷᠠᠨ ᠲᠡᠭᠦᠯᠳᠡᠷᠵᠢᠬᠦ ᠶᠤᠮ ᠪᠤᠯ ᠮᠠᠨ ᠤ ᠤᠯᠤᠰ | ᠤᠷᠤᠨ ᠬᠦᠴᠦᠷᠬᠡᠭᠵᠢᠨ ᠮᠠᠨᠳᠤᠬᠤ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠪᠠᠨ ᠤᠭᠲᠤᠵᠤ ᠴᠢᠳᠠᠨᠠ᠃ | ᠨᠡᠭᠡᠷᠡᠨ ᠮᠡᠳᠡᠯᠭᠡ ᠳᠡᠯᠪᠡᠷᠡᠵᠦ᠂ ᠴᠠᠭ ᠦᠩᠭᠡᠷᠡᠵᠦ᠂ ᠪᠢᠳᠡ ᠮᠠᠰᠢ ᠶᠠᠭᠠᠷᠠᠵᠤ ᠮᠤᠩᠭᠢᠨᠠᠵᠤ ᠪᠠᠶᠢᠨᠠ᠃ | ᠠᠷᠠᠳ ᠢᠷᠭᠡᠳ ᠪᠢᠳᠡ ᠨᠠᠮ ᠪᠤᠯᠤᠨ ᠡᠬᠡ ᠤᠯᠤᠰ ᠠᠴᠠ ᠤᠯᠭᠤᠭᠰᠠᠨ ᠡᠨᠡᠬᠦ ᠠᠵᠠ ᠲᠤᠬᠢᠶᠠᠯ ᠢ ᠰᠠᠶᠢᠲᠤᠷ | ᠡᠵᠡᠮᠳᠡᠵᠦ᠂ ᠦᠪᠡᠷ ᠤᠨ ᠪᠡᠶᠡ ᠰᠡᠳᠬᠢᠯ ᠳᠤ ᠠᠰᠢᠭᠲᠠᠢ ᠵᠦᠪ ᠨᠤᠮ ᠢ ᠨᠠᠨᠳᠢᠩᠨᠠᠨ ᠤᠩᠰᠢᠵᠤ᠂ ᠨᠢᠮᠪᠠᠢ ᠲᠤᠩᠭᠠᠨ | ᠰᠢᠩᠭᠡᠭᠡᠬᠦ ᠬᠡᠷᠡᠭᠲᠡᠢ ᠪᠤᠯᠵᠤ ᠪᠠᠶᠢᠨᠠ᠃ ᠡᠶᠢᠮᠦ ᠴᠠᠭ ᠢᠷᠡᠴᠢᠬᠡᠭᠡᠳ ᠪᠠᠶᠢᠨᠠ᠃ ᠨᠤᠮ ᠤᠩᠰᠢᠬᠤ ᠪᠠᠷ ᠨᠢᠭᠡ | ᠵᠦᠢᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠳᠠᠳᠬᠠᠯ ᠪᠠ ᠬᠡᠪ ᠰᠤᠷᠲᠠᠯ ᠪᠤᠯᠭᠠᠶᠠ︕ | |