| | ᠤᠯᠠᠩᠬᠢ ᠬᠦᠮᠦᠰ ︽ᠴᠦᠭᠡᠨ ᠢᠨᠢᠶᠡᠪᠡᠯ ᠨᠢᠭᠤᠷ ᠲᠤ ᠴᠢᠷᠠᠢ ᠳᠤ ᠠᠲᠤᠷᠢᠶᠠ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ᠂ | ᠲᠤᠷᠠᠩᠬᠠᠢ ᠬᠦᠮᠦᠨ ᠨᠡᠩ ᠠᠮᠠᠷᠬᠠᠨ ᠨᠢᠭᠤᠷ ᠤᠨ ᠠᠲᠤᠷᠢᠶᠠ ᠭᠠᠷᠤᠨᠠ︾ ᠭᠡᠵᠦ ᠦᠵᠡᠳᠡᠭ᠃ ᠡᠭᠦᠨ ᠳᠤ | ᠠᠮᠧᠷᠢᠺᠡ ᠶᠢᠨ ︽ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠯᠲᠡ︾ ᠭᠡᠬᠦ ᠰᠡᠳᠬᠦᠯ ᠤᠨ ᠰᠦᠯᠵᠢᠶᠡᠨ ᠤ ᠦᠷᠲᠡᠭᠡ ᠨᠢᠭᠤᠷ ᠤᠨ | ᠠᠲᠤᠷᠢᠶᠠ ᠶᠢᠨ ᠲᠤᠬᠠᠢ ᠬᠦᠮᠦᠰ ᠤᠨ ᠬᠡᠳᠦᠨ ᠠᠳᠡᠭᠦᠷᠡᠯ ᠢ ᠨᠢᠴᠤᠭᠠᠭᠰᠠᠨ ᠪᠠᠶᠢᠨᠠ᠃ | 1. ᠲᠤᠰᠤᠯᠢᠭ ᠠᠷᠠᠰᠤ ᠬᠦᠷᠦᠰᠦ ᠠᠮᠠᠷᠬᠠᠨ ᠠᠲᠤᠷᠢᠶᠠ ᠭᠠᠷᠬᠤ ᠦᠭᠡᠢ᠃ ᠤᠶᠢᠷᠠ ᠶᠢᠨ ᠨᠢᠭᠡᠨ | ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠳᠤ ᠢᠯᠡᠷᠡᠭᠦᠯᠦᠭᠰᠡᠨ ᠢᠶᠠᠷ᠂ ᠨᠢᠭᠤᠷ ᠤᠨ ᠠᠷᠠᠰᠤᠨ ᠤ ᠲᠤᠰᠤᠯᠢᠭ ᠴᠢᠨᠠᠷ ᠨᠢ ᠠᠲᠤᠷᠢᠶᠠ | ᠭᠠᠷᠬᠤ ᠲᠠᠢ ᠶᠠᠮᠠᠷ ᠴᠦ ᠬᠤᠯᠪᠤᠭᠠ ᠦᠭᠡᠢ ᠭᠡᠵᠡᠢ᠃ ᠶᠠᠮᠠᠷ ᠲᠦᠷᠦᠯ ᠤᠨ ᠠᠷᠠᠰᠤ ᠬᠦᠷᠦᠰᠦ ᠲᠠᠢ ᠪᠤᠯᠤᠭᠰᠠᠨ ᠴᠦ | ᠨᠠᠰᠤ ᠶᠠᠪᠤᠬᠤ ᠶᠢ ᠳᠠᠭᠠᠯᠳᠤᠨ ᠵᠤᠪᠬᠢ ᠶᠢ ᠳᠠᠭᠠᠵᠤ ᠪᠦᠷ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠠᠲᠤᠷᠢᠶᠠ ᠰᠠᠭᠤᠳᠠᠭ᠃ ᠭᠡᠪᠡᠴᠦ | ᠲᠤᠰᠤᠯᠢᠭ ᠴᠢᠨᠠᠷᠲᠠᠢ ᠠᠷᠠᠰᠤᠨ ᠳᠤ ᠮᠠᠩᠨᠠᠢ ᠶᠢᠨ ᠬᠤᠨᠢᠶᠠᠰᠤ ᠬᠠᠷᠢᠴᠠᠩᠭᠤᠢ ᠴᠦᠭᠡᠨ ᠪᠠᠶᠢᠬᠤ ᠨᠢ ᠦᠨᠡᠨᠲᠡᠢ᠃ ᠡᠨᠡ | ᠨᠢ ᠪᠠᠷᠤᠭ ᠮᠠᠩᠨᠠᠢ ᠶᠢᠨ ᠬᠡᠰᠡᠭ ᠤᠨ ᠵᠢᠩᠬᠢᠨᠢ ᠠᠷᠠᠰᠤ ᠨᠢ ᠨᠡᠯᠢᠶᠡᠳ ᠵᠤᠵᠠᠭᠠᠨ᠂ ᠠᠷᠠᠰᠤᠨ ᠤ ᠦᠭᠡᠬᠦᠨ ᠪᠤᠯᠴᠢᠷᠬᠠᠢ | ᠠᠷᠪᠢᠨ ᠠᠴᠠ ᠭᠦᠨ ᠠᠲᠤᠷᠢᠶᠠ ᠭᠠᠷᠬᠤ ᠶᠢ ᠬᠤᠷᠢᠭᠯᠠᠳᠠᠭ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 2. ᠳᠡᠮᠡᠢ ᠢᠨᠢᠶᠡᠳᠡᠭ ᠦᠭᠡᠢ ᠬᠦᠮᠦᠨ ᠨᠢᠭᠤᠷ ᠤᠨ ᠠᠲᠤᠷᠢᠶᠠ ᠴᠦᠭᠡᠨ ᠪᠠᠶᠢᠳᠠᠭ᠃ ᠨᠢᠦ᠋ ᠶᠦᠷᠺ ᠲᠠᠬᠢ | ᠨᠢᠭᠡᠨ ᠠᠷᠠᠰᠤᠨ ᠡᠪᠡᠳᠴᠢᠨ ᠤ ᠨᠡᠷᠡᠲᠦ ᠮᠡᠷᠭᠡᠵᠢᠯᠲᠡᠨ ᠮᠢᠰᠢᠸ᠋ᠷ᠂ ᠭᠧᠷᠢᠨ ᠳ᠋ᠤᠺᠲ᠋ᠤᠷ ᠤᠨ ᠦᠵᠡᠬᠦ ᠪᠠᠷ᠂ ᠤᠨᠤᠯ ᠤᠨ | ᠲᠠᠯᠠ ᠠᠴᠠ ᠠᠪᠴᠤ ᠬᠡᠯᠡᠪᠡᠯ ᠡᠨᠡᠬᠦ ᠦᠵᠡᠯᠲᠡ ᠨᠢ ᠪᠠᠰᠠ ᠲᠠᠭᠠᠷᠠᠵᠤ ᠪᠠᠶᠢᠨᠠ᠃ ᠬᠦᠮᠦᠰ ᠤᠨ ᠴᠢᠷᠠᠢ ᠶᠢᠨ ᠢᠯᠡᠷᠡᠯ | ︵ᠢᠨᠢᠶᠡᠬᠦ ᠶᠢ ᠪᠠᠭᠲᠠᠭᠠᠭᠰᠠᠨ︶ ᠨᠢ ᠴᠠᠪᠠᠤᠯᠢᠭ ᠤᠭᠤᠷᠠᠭ ᠤᠨ ᠵᠠᠳᠠᠷᠠᠯᠲᠠ ᠶᠢ ᠠᠬᠢᠭᠤᠯᠤᠨ᠂ ᠨᠢᠭᠤᠷ ᠳᠡᠭᠡᠷᠡ | ᠠᠲᠤᠷᠢᠶᠠ ᠬᠤᠨᠢᠶᠠᠰᠤ ᠰᠠᠭᠤᠯᠭᠠᠳᠠᠭ᠃ ᠭᠡᠪᠡᠴᠦ ᠲᠤᠲᠤᠭᠠᠲᠤ ᠰᠡᠳᠬᠢᠯ ᠠᠴᠠ ᠢᠯᠡᠷᠡᠭᠰᠡᠨ ᠪᠠᠶᠠᠷᠯᠠᠯ ᠬᠦᠭᠰᠡᠯᠲᠡ | ᠪᠤᠯ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠲᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠢᠳᠡ ᠬᠦᠴᠦᠨ ᠮᠦᠨ ᠪᠤᠯᠬᠤᠷ ᠢᠨᠢᠶᠡᠬᠦ ᠦᠭᠡᠢ | ᠪᠤᠯ ᠶᠤᠰᠤᠲᠠᠢ ᠮᠠᠰᠢ ᠶᠡᠭᠡ ᠠᠯᠳᠠᠰᠢ ᠪᠤᠯᠬᠤ ᠨᠢ ᠲᠡᠷᠡ ᠪᠢᠯᠡ᠃ ᠦᠨᠡᠨ ᠳᠡᠭᠡᠨ ᠢᠨᠢᠶᠡᠬᠦ ᠠᠴᠠ ᠪᠤᠰᠤᠳ | ᠴᠢᠷᠠᠢ ᠶᠢᠨ ᠢᠯᠡᠷᠡᠯ᠄ ᠵᠢᠱᠢᠶᠡᠯᠡᠪᠡᠯ ᠬᠦᠮᠦᠰᠬᠡ ᠪᠠᠨ ᠵᠠᠩᠭᠢᠳᠬᠤ᠂ ᠬᠦᠮᠦᠬᠡᠢ ᠪᠠᠨ ᠵᠠᠭᠤᠬᠤ᠂ ᠠᠨᠢᠪᠴᠠᠬᠤ | ᠮᠡᠲᠦ ᠶᠢᠨ ᠬᠦᠳᠡᠯᠭᠡᠭᠡᠨ ᠨᠢ ᠬᠠᠷᠢᠨ ᠨᠢᠭᠤᠷ ᠲᠤ ᠨᠡᠩ ᠠᠮᠠᠷᠬᠠᠨ ᠠᠲᠤᠷᠢᠶᠠ ᠰᠠᠭᠤᠯᠭᠠᠳᠠᠭ᠃ ᠨᠢᠭᠤᠷ ᠲᠤ | ᠠᠲᠤᠷᠢᠶᠠ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠪᠤᠯ ᠨᠠᠷᠠᠨ ᠤ ᠭᠡᠷᠡᠯ ᠤᠨ ᠰᠢᠭᠤᠳ | ᠲᠤᠰᠤᠯᠲᠠ ᠠᠴᠠ ᠵᠠᠶᠢᠯᠠᠰᠬᠢᠨ᠂ ᠭᠠᠳᠠᠨᠠ ᠭᠠᠷᠬᠤ ᠳᠠᠭᠠᠨ ᠰᠢᠷᠠᠭᠳᠠᠯ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠡᠳ᠋ ᠲᠦᠷᠬᠢᠬᠦ ᠳᠠᠳᠬᠠᠯ | ᠲᠠᠢ ᠪᠤᠯᠪᠠᠯ ᠵᠤᠬᠢᠨᠠ᠃ | 3. ᠰᠠᠭᠤᠭᠠ ᠪᠠᠷ ᠢᠶᠠᠨ ᠤᠨᠲᠠᠪᠠᠯ ᠨᠢᠭᠤᠷ ᠲᠤ ᠠᠲᠤᠷᠢᠶᠠ ᠰᠠᠭᠤᠬᠤ ᠶᠢ ᠰᠡᠷᠭᠡᠶᠢᠯᠡᠨᠡ᠃ ᠠᠮᠧᠷᠢᠺᠡ ᠶᠢᠨ | ᠺᠠᠯᠢᠹᠤᠷᠨᠢᠶᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠠᠨ ᠹᠷᠠᠨᠰᠰᠢᠺᠦ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠠᠰᠤᠨ ᠡᠪᠡᠳᠴᠢᠨ ᠤ | ᠤᠬᠠᠭᠠᠨ ᠤ ᠫᠷᠦᠹᠧᠰᠰᠤᠷ ᠬᠤᠸᠠᠷᠳ᠋᠂ ᠮᠸᠢᠪᠠᠺᠠ ᠳ᠋ᠤᠺᠲ᠋ᠤᠷ ᠤᠨ ᠦᠵᠡᠬᠦ ᠪᠠᠷ᠂ ᠡᠨᠡᠬᠦ ᠵᠦᠢᠯ ᠤᠨ ᠬᠡᠯᠪᠡᠷᠢ ᠪᠠᠷ | ᠠᠷᠠᠰᠤᠨ ᠤ ᠦᠲᠡᠯᠬᠦ ᠶᠢ ᠤᠳᠠᠭᠠᠰᠢᠷᠠᠭᠤᠯᠳᠠᠭ ᠭᠡᠳᠡᠭ ᠨᠢ ᠶᠠᠮᠠᠷ ᠴᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠭᠡᠷᠡᠴᠢ ᠪᠠᠷᠢᠮᠲᠠ | ᠪᠠᠶᠢᠬᠤ ᠦᠭᠡᠢ ᠪᠦᠭᠡᠳ ᠰᠠᠭᠤᠭᠠ ᠪᠠᠷ ᠢᠶᠠᠨ ᠤᠨᠲᠠᠬᠤ ᠨᠢ ᠭᠡᠳᠡᠷᠭᠦ ᠪᠠᠨ ᠪᠡᠶᠡ ᠶᠢ ᠡᠪᠬᠦᠶᠢᠷᠡᠭᠦᠯᠵᠦ᠂ | ᠤᠨᠲᠠᠯᠭᠠ ᠶᠢ ᠬᠠᠷᠰᠢᠯᠠᠳᠠᠭ ᠭᠡᠪᠡ᠃ ᠠᠲᠤᠷᠢᠶᠠ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠭᠡᠪᠡᠯ᠂ | ᠰᠦᠨᠢ ᠪᠦᠷᠢ 8 ᠴᠠᠭ ᠲᠠᠭᠠᠯᠠᠮᠵᠢᠲᠠᠢ ᠪᠦᠭᠡᠳ ᠬᠠᠩᠭᠠᠮᠵᠢ ᠲᠠᠢ ᠤᠨᠲᠠᠬᠤ ᠶᠢ ᠪᠠᠲᠤᠯᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ | 4. ᠡᠳᠦᠷ ᠪᠦᠷᠢ 8 ᠴᠤᠮᠤ ᠤᠰᠤ ᠤᠤᠭᠤᠪᠠᠯ ᠨᠢᠭᠤᠷ ᠲᠤ ᠠᠲᠤᠷᠢᠶᠠ ᠬᠤᠨᠢᠶᠠᠰᠤ ᠭᠠᠷᠬᠤ ᠶᠢ | ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ᠃ ᠤᠰᠤ ᠤᠤᠭᠤᠬᠤ ᠨᠢ ᠪᠡᠶᠡ ᠮᠠᠬᠠᠪᠤᠳ ᠤᠨ ᠬᠡᠪ ᠤᠨ ᠠᠵᠢᠯᠯᠠᠭᠠ ᠶᠢ ᠠᠬᠢᠭᠤᠯᠬᠤ ᠠᠴᠠ | ᠭᠠᠳᠠᠨᠠ ᠠᠷᠠᠰᠤ ᠬᠦᠷᠦᠰᠦ ᠶᠢ ᠴᠢᠭᠢᠭᠯᠢᠭ ᠭᠦᠯᠢᠭᠡᠷ ᠪᠤᠯᠭᠠᠳᠠᠭ᠃ ᠬᠤᠯᠪᠤᠭᠳᠠᠯ ᠲᠠᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠤ | ᠦᠵᠡᠬᠦ ᠪᠠᠷ᠂ ᠬᠦᠮᠦᠨ ᠤ ᠪᠡᠶᠡ ᠳᠤ ᠤᠰᠤ ᠦᠭᠡᠶᠢᠲᠡᠪᠡᠯ ᠤᠰᠤ ᠤᠤᠭᠤᠬᠤ ᠨᠢ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠲᠦᠯᠦᠭᠡ | ᠶᠤᠮ᠂ ᠬᠠᠷᠢᠨ ᠨᠢᠭᠤᠷ ᠤᠨ ᠠᠷᠠᠰᠤᠨ ᠤ ᠦᠲᠡᠯᠬᠦ ᠬᠤᠷᠳᠤᠴᠠ ᠳᠤ ᠰᠢᠭᠤᠳ ᠨᠦᠯᠦᠭᠡ ᠪᠤᠯᠳᠠᠭ ᠦᠭᠡᠢ᠃ | 5. ᠲᠤᠷᠠᠩᠬᠠᠢ ᠬᠦᠮᠦᠨ ᠤ ᠨᠢᠭᠤᠷ ᠲᠤ ᠠᠮᠠᠷᠬᠠᠨ ᠠᠲᠤᠷᠢᠶᠠ ᠭᠠᠷᠤᠨᠠ᠃ ᠵᠠᠷᠢᠮ ᠬᠦᠮᠦᠨ ᠤ ᠬᠡᠯᠡᠬᠦ ᠪᠠᠷ᠂ | ᠬᠤᠭᠤᠯᠠ ᠪᠠᠨ ᠬᠠᠰᠤᠬᠤ ᠪᠠ ᠮᠠᠷᠢᠶᠠ ᠪᠠᠨ ᠰᠢᠭᠤᠶᠢᠷᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠨᠢᠭᠤᠷ ᠳᠡᠭᠡᠷᠡ ᠨᠢ ᠠᠲᠤᠷᠢᠶᠠ | ᠨᠡᠮᠡᠭᠳᠡᠭᠰᠡᠨ ᠭᠡᠵᠦ ᠪᠠᠶᠢᠯᠠ ᠰᠢᠳᠠᠷ᠂ ︽ᠠᠮᠧᠷᠢᠺᠡ ᠶᠢᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠨᠡᠶᠢᠭᠡᠮᠯᠢᠭ ᠤᠨ ᠰᠡᠳᠬᠦᠯ︾ ᠳᠤ | ᠨᠡᠶᠢᠲᠡᠯᠡᠭᠰᠡᠨ ᠢᠶᠠᠷ᠂ ᠡᠯᠡ ᠨᠠᠰᠤᠨ ᠤ ᠱᠠᠲᠤᠨ ᠳᠤ ᠮᠠᠷᠢᠶᠠ ᠲᠠᠢ ᠬᠦᠮᠦᠨ ᠦᠲᠡᠯᠦᠭᠰᠡᠨ ᠢᠯᠡᠷᠡᠯ ᠨᠢ ᠨᠡᠩ ᠢᠯᠡᠭᠦᠦ | ᠪᠠᠶᠢᠳᠠᠭ ᠭᠡᠪᠡ᠃ | 6. ᠦᠨᠡ ᠦᠷᠲᠡᠭ ᠲᠠᠢ ᠦᠲᠡᠯᠬᠦ ᠶᠢ ᠤᠳᠠᠭᠠᠰᠢᠷᠠᠭᠤᠯᠬᠤ ᠤ ᠲᠦᠷᠬᠢᠪᠡᠯ ᠠᠲᠤᠷᠢᠶᠠ ᠭᠠᠷᠬᠤ ᠶᠢ | ᠬᠤᠷᠢᠭᠯᠠᠨᠠ᠃ ᠡᠮᠴᠢ ᠸᠢᠯᠧᠮᠰ ᠤᠨ ᠦᠵᠡᠬᠦ ᠪᠠᠷ᠂ ᠨᠢᠭᠤᠷ ᠤᠨ ᠠᠲᠤᠷᠢᠶᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠳᠤ ᠴᠢᠨᠠᠷ ᠰᠠᠶᠢᠲᠠᠢ | ᠴᠢᠭᠢᠭᠲᠦᠭᠦᠯᠦᠭᠴᠢ ᠤᠰᠤ ᠬᠡᠷᠡᠭᠯᠡᠬᠦ ᠨᠢ ᠨᠡᠯᠢᠶᠡᠳ ᠰᠠᠶᠢᠨ ᠶᠤᠮ᠃ ᠵᠤᠬᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠴᠢᠷᠠᠢ ᠶᠢ | ᠵᠦᠭᠡᠯᠡᠷᠡᠭᠦᠯᠦᠨ ᠴᠢᠭᠢᠭᠲᠦᠭᠦᠯᠵᠦ᠂ ᠠᠲᠤᠷᠢᠶᠠ ᠶᠢ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠨᠠ᠃ ᠲᠡᠳᠡᠭᠡᠷ ᠨᠡᠯᠢᠶᠡᠳ ᠦᠷᠲᠡᠭ ᠲᠠᠢ | ᠦᠲᠡᠯᠬᠦ ᠶᠢ ᠤᠳᠠᠭᠠᠰᠢᠷᠠᠭᠤᠯᠬᠤ ᠡᠳ᠋ ᠨᠢ ᠬᠦᠮᠦᠨ ᠪᠦᠬᠦᠨ ᠳᠤ ᠲᠤᠬᠢᠷᠠᠬᠤ ᠪᠢᠰᠢ ᠭᠡᠵᠡᠢ᠃ | 7. ᠭᠡᠷ ᠠᠴᠠ ᠪᠠᠨ ᠭᠠᠷᠬᠤ ᠦᠭᠡᠢ ᠪᠤᠯ ᠠᠲᠤᠷᠢᠶᠠ ᠶᠢ ᠪᠦᠲᠦᠮᠵᠢᠲᠡᠢ ᠰᠡᠷᠭᠡᠶᠢᠯᠡᠨᠡ᠃ ᠤᠨᠴᠠᠭᠠᠶᠢᠯᠠᠨ | ᠶᠡᠷᠦ ᠳᠡᠭᠡᠨ ᠠᠯᠪᠠᠨ ᠭᠡᠷ ᠲᠤ ᠰᠠᠭᠤᠵᠤ ᠠᠵᠢᠯᠯᠠᠳᠠᠭ ᠬᠦᠮᠦᠰ ᠤᠨ ᠨᠢᠭᠤᠷ ᠤᠨ ᠠᠲᠤᠷᠢᠶᠠ ᠨᠢ ᠪᠠᠭᠠ ᠭᠡᠵᠦ ᠵᠠᠷᠢᠮ | ᠬᠦᠮᠦᠰ ᠦᠵᠡᠳᠡᠭ᠃ ᠡᠮᠴᠢ ᠸᠢᠯᠧᠮᠰ ᠤᠨ ᠦᠵᠡᠬᠦ ᠪᠠᠷ᠂ ᠦᠨᠡᠨ ᠳᠡᠭᠡᠨ ᠠᠯᠪᠠᠨ ᠭᠡᠷ ᠲᠤ ᠰᠠᠭᠤᠵᠤ ᠠᠵᠢᠯᠯᠠᠳᠠᠭ | ᠬᠦᠮᠦᠰ ᠤᠨ ᠨᠢᠭᠤᠷ ᠴᠢᠷᠠᠢ ᠴᠦ ᠨᠠᠷᠠᠨ ᠤ ᠭᠡᠷᠡᠯ ᠤᠨ ᠬᠦᠨᠦᠭᠡᠯ ᠳᠤ ᠤᠴᠠᠷᠠᠬᠤ ᠪᠤᠯᠤᠮᠵᠢᠲᠠᠢ ᠪᠠᠶᠢᠳᠠᠭ᠂ ᠤᠴᠢᠷ | ᠨᠢ ᠨᠠᠷᠠᠨ ᠤ ᠭᠡᠷᠡᠯ ᠳᠠᠬᠢ ᠬᠦᠮᠦᠨ ᠤ ᠨᠢᠭᠤᠷ ᠴᠢᠷᠠᠢ ᠶᠢ ᠦᠲᠡᠯᠦᠭᠦᠯᠬᠦ ᠴᠢᠨᠠᠷᠲᠠᠢ ᠤᠷᠲᠤ ᠲᠤᠯᠭᠢᠶᠠᠨᠲᠤ ᠬᠦᠷᠢᠨ ᠤ | ᠭᠠᠳᠠᠨᠠᠬᠢ ᠲᠤᠶᠠᠭᠠ ᠨᠢ ᠴᠤᠩᠬᠤᠨ ᠰᠢᠯ ᠢ ᠴᠦ ᠨᠡᠪᠲᠡᠯᠦᠨ ᠤᠷᠤᠵᠤ ᠢᠷᠡᠳᠡᠭ᠃ ᠳᠠᠷᠤᠢ ᠭᠡᠷ ᠲᠠᠬᠢ ᠬᠡᠪᠢᠰ ᠪᠤᠶᠤ | ᠴᠤᠩᠬᠤᠨ ᠪᠦᠲᠡᠭᠡᠯᠭᠡ ᠶᠢᠨ ᠦᠩᠭᠡ ᠴᠠᠶᠢᠷᠠᠨ ᠤᠨᠠᠳᠠᠭ ᠲᠠᠢ ᠠᠳᠠᠯᠢ ᠪᠠᠷ ᠬᠦᠮᠦᠨ ᠤ ᠠᠷᠠᠰᠤᠨ ᠳᠤ ᠪᠠᠰᠠ | ᠬᠦᠨᠦᠭᠡᠯ ᠤᠴᠠᠷᠠᠭᠤᠯᠳᠠᠭ᠃ | 8. ᠬᠡᠷᠪᠡ ᠡᠬᠡ ᠨᠢ ᠨᠢᠭᠤᠷ ᠤᠨ ᠠᠲᠤᠷᠢᠶᠠ ᠴᠦᠭᠡᠨ ᠪᠤᠯ ᠬᠡᠦᠬᠡᠳ ᠨᠢ ᠴᠦ ᠠᠲᠤᠷᠢᠶᠠ ᠭᠠᠷᠬᠤ ᠨᠢ ᠪᠠᠭᠠ | ᠪᠠᠶᠢᠳᠠᠭ᠃ ᠡᠮᠴᠢ ᠸᠢᠯᠧᠮᠰ ᠤᠨ ᠦᠵᠡᠬᠦ ᠪᠠᠷ᠂ ᠬᠡᠳᠦᠶᠢᠪᠡᠷ ᠡᠬᠡ ᠶᠢᠨ ᠬᠢᠨᠢ ᠪᠡᠶᠡ ᠮᠠᠬᠠᠪᠤᠳ ᠤᠨ ᠵᠠᠷᠢᠮ ᠵᠦᠢᠯᠡᠰ | ᠨᠢ ᠬᠡᠦᠬᠡᠳ ᠲᠤᠨᠢ ᠤᠳᠤᠮᠰᠢᠳᠠᠭ ᠴᠦ ᠠᠲᠤᠷᠢᠶᠠ ᠨᠢ ᠤᠳᠤᠮᠰᠢᠯ ᠪᠠ ᠤᠷᠴᠢᠨ ᠲᠤᠭᠤᠷᠢᠨ ᠤ ᠤᠯᠠᠨ | ᠰᠢᠯᠲᠠᠭᠠᠨ ᠠᠴᠠ ᠪᠤᠢ ᠪᠤᠯᠳᠠᠭ᠃ ᠠᠲᠤᠷᠢᠶᠠ ᠬᠤᠨᠢᠶᠠᠰᠤ ᠪᠤᠢ ᠪᠤᠯᠬᠤ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠰᠢᠯᠲᠠᠭᠠᠨ ᠨᠢ | ᠨᠠᠷᠠᠨ ᠤ ᠭᠡᠷᠡᠯ ᠪᠠ ᠲᠠᠮᠠᠬᠢ ᠲᠠᠲᠠᠬᠤ᠂ ᠠᠷᠢᠬᠢ ᠤᠤᠭᠤᠬᠤ ᠵᠡᠷᠭᠡ ᠠᠮᠢᠳᠤᠷᠠᠯ ᠤᠨ ᠳᠠᠳᠬᠠᠯ ᠲᠠᠢ ᠬᠤᠯᠪᠤᠭᠠ ᠲᠠᠢ᠂ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠠᠰᠢᠭ ᠦᠭᠡᠢ ᠪᠠᠶᠢᠳᠠᠭ ᠲᠡᠳᠡᠭᠡᠷ ᠠᠮᠢᠳᠤᠷᠠᠯ ᠤᠨ ᠮᠠᠭᠤ | ᠳᠠᠳᠬᠠᠯ ᠨᠢ ᠪᠦᠷ ᠠᠷᠠᠰᠤᠨ ᠳᠤ ᠬᠦᠨᠦᠭᠡᠯ ᠶᠡᠬᠡᠲᠡᠢ ᠶᠤᠮ᠂ ᠡᠶᠢᠮᠦ ᠠᠴᠠ ᠡᠷᠡᠭᠦᠯ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠤᠨ | ᠵᠠᠩᠰᠢᠯ ᠲᠠᠢ ᠪᠤᠯᠬᠤ ᠨᠢ ᠠᠲᠤᠷᠢᠶᠠ ᠬᠤᠨᠢᠶᠠᠰᠤ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠪᠦᠲᠦᠮᠵᠢᠲᠡᠢ ᠠᠷᠭᠠ ᠪᠤᠯᠤᠨᠠ᠃ |