| ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠰᠠᠨᠠᠭᠠᠨ ᠳᠤ ᠬᠦᠷᠦᠭᠰᠡᠨ ᠦᠭᠡᠢ ᠠᠴᠠ ᠪᠤᠯᠵᠤ ᠠᠭᠤᠷᠯᠠᠵᠤ | ᠤᠴᠠᠭᠠᠷᠳᠠᠬᠤ ᠤᠴᠢᠷ ᠵᠦᠩᠳᠡᠭᠡᠨ᠃ ᠭᠡᠪᠡᠴᠦ ᠠᠭᠤᠷᠯᠠᠬᠤ ᠶᠢᠨ ᠦᠶᠡ ᠳᠤ ︽ᠠᠭᠤᠷᠯᠠᠬᠤ ᠴᠢᠬᠤᠯᠠᠲᠠᠢ︾ | ᠡᠰᠡᠭᠦ ᠪᠠᠨ ᠦᠪᠡᠷ ᠠᠴᠠ ᠪᠠᠨ ᠠᠰᠠᠭᠤᠵᠤ ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠤᠴᠢᠷ ᠨᠢ ᠬᠦᠮᠦᠰ ᠶᠡᠷᠦᠨᠢ ᠬᠡᠷᠡᠭ ᠦᠭᠡᠢ | ᠶᠠᠭᠤᠮᠠᠨ ᠳᠤ ᠠᠭᠤᠷᠯᠠᠵᠤ ᠤᠴᠠᠭᠠᠷᠳᠠᠳᠠᠭ ᠨᠢ ᠤᠯᠠᠨ᠃ ᠵᠢᠱᠢᠶᠡᠯᠡᠪᠡᠯ ᠵᠠᠮ ᠳᠡᠭᠡᠷᠡ ᠲᠡᠷᠭᠡ ᠮᠦᠷᠭᠦᠯᠳᠦᠵᠦ᠂ | ᠤᠯᠠᠨ ᠬᠦᠮᠦᠨ ᠲᠠᠢ ᠭᠠᠵᠠᠷ ᠰᠢᠬᠠᠯᠳᠤᠵᠤ ᠪᠠᠶᠢᠭᠠᠳ ᠬᠦᠯ ᠢᠶᠠᠨ ᠬᠢᠰᠬᠢᠭᠦᠯᠬᠦ ᠵᠡᠷᠭᠡ ᠪᠤᠰᠤᠳ ᠤᠨ ᠰᠠᠨᠠᠮᠰᠠᠷ | ᠦᠭᠡᠢ ᠪᠠᠷ ᠤᠰᠤᠯᠳᠠᠭᠰᠠᠨ ᠤᠴᠢᠷ ᠲᠤ ᠠᠭᠤᠷᠯᠠᠬᠤ ᠴᠢᠬᠤᠯᠠ ᠦᠭᠡᠢ᠃ ᠰᠤᠭᠲᠤᠭᠤ ᠬᠦᠮᠦᠨ ᠪᠤᠶᠤ ᠠᠭᠤᠷᠲᠠᠢ | ᠪᠠᠶᠢᠭᠰᠠᠨ ᠬᠦᠮᠦᠨ ᠤ ᠦᠭᠡ ᠶᠠᠷᠢᠶᠠ ᠦᠢᠯᠡ ᠠᠵᠢᠯᠯᠠᠭᠠ ᠵᠡᠷᠭᠡ ᠬᠡᠪ ᠤᠨ ᠪᠤᠰᠤ ᠬᠦᠮᠦᠨ ᠤ ᠬᠡᠪ ᠤᠨ ᠪᠤᠰᠤ | ᠪᠠᠶᠢᠳᠠᠯ ᠳᠤᠤᠷᠠ ᠭᠠᠷᠭᠠᠭᠰᠠᠨ ᠠᠯᠳᠠᠭᠠ ᠶᠢ ᠠᠭᠤᠴᠢᠯᠠᠪᠠᠯ ᠵᠤᠬᠢᠨᠠ᠃ ᠶᠠᠯᠢᠮ ᠦᠭᠡᠢ ᠪᠠᠭᠠ ᠤᠴᠢᠷ ᠲᠤ | ᠠᠭᠤᠷᠯᠠᠬᠤ ᠨᠢ ᠵᠤᠬᠢᠰ ᠦᠭᠡᠢ᠃ ᠬᠤᠪ ᠦᠭᠡ᠂ ᠴᠤᠤᠷᠬᠠᠯ᠂ ᠬᠡᠷᠡᠭ ᠦᠭᠡᠢ ᠦᠭᠡ ᠶᠢ ᠰᠤᠨᠤᠰᠤᠭᠰᠠᠨ ᠴᠦ | ᠬᠢᠯᠪᠠᠷᠬᠠᠨ ᠢᠶᠠᠷ ᠢᠲᠡᠭᠡᠵᠦ ᠪᠣᠯᠬᠤ ᠦᠭᠡᠢ᠂ ᠨᠡᠩ ᠴᠦ ᠲᠡᠭᠦᠨ ᠠᠴᠠ ᠪᠤᠯᠵᠤ ᠠᠭᠤᠷᠯᠠᠭᠰᠠᠨ ᠤ ᠬᠡᠷᠡᠭ ᠦᠭᠡᠢ᠃ | ᠠᠭᠤᠷᠯᠠᠭᠰᠠᠨ ᠦᠶᠡ ᠳᠤ ᠠᠭᠤᠷ ᠢᠶᠠᠨ ᠳᠠᠷᠤᠬᠤ ᠳᠤ ᠮᠠᠰᠢ ᠬᠡᠴᠡᠭᠦᠦ ᠪᠠᠶᠢᠳᠠᠭ᠃ ᠳᠤᠤᠷᠠᠬᠢ ᠮᠡᠲᠦ | ᠬᠡᠳᠦᠨ ᠠᠷᠭᠠ ᠪᠠᠷ ᠠᠭᠤᠷ ᠢᠶᠠᠨ ᠳᠠᠶᠢᠳᠬᠤᠷᠠᠭᠤᠯᠵᠤ ᠪᠤᠯᠳᠠᠭ᠄ ᠳᠠᠷᠤᠶᠢᠬᠠᠨ ᠠᠭᠤᠷᠯᠠᠭᠰᠠᠨ ᠭᠠᠵᠠᠷ ᠬᠢᠭᠡᠳ | ᠠᠭᠤᠷᠯᠠᠭᠤᠯᠤᠭᠰᠠᠨ ᠬᠦᠮᠦᠨ ᠠᠴᠠ ᠵᠠᠶᠢᠯᠠᠵᠤ᠂ ᠨᠠᠮ ᠰᠡᠯᠡᠭᠦᠨ ᠭᠠᠵᠠᠷ ᠤᠴᠢᠵᠤ ᠨᠤᠮ ᠦᠵᠡᠬᠦ ᠪᠤᠶᠤ ᠦᠭᠡᠷᠡ | ᠶᠠᠭᠤᠮᠠ ᠤᠷᠤᠯᠳᠤᠵᠤ ᠪᠤᠯᠤᠨᠠ᠃ ᠰᠠᠶᠢᠨ ᠨᠠᠶᠢᠵᠠ ᠪᠤᠶᠤ ᠢᠲᠡᠭᠡᠯ ᠲᠠᠢ ᠬᠦᠮᠦᠨ ᠳᠡᠭᠡᠨ ᠦᠪᠡᠷ ᠤᠨ ᠪᠤᠳᠤᠯ ᠢᠶᠠᠨ | ᠠᠭᠤᠳᠠᠯᠠᠵᠤ᠂ ᠲᠡᠳᠡᠨ ᠤ ᠲᠠᠶᠢᠳᠬᠤᠷᠠᠭᠤᠯᠤᠯ ᠢ ᠬᠦᠷᠲᠡᠪᠡᠯ ᠠᠭᠤᠷ ᠴᠢᠨᠢ ᠠᠮᠠᠷᠬᠠᠨ ᠲᠠᠶᠢᠳᠬᠤᠷᠠᠳᠠᠭ᠃ ᠭᠠᠳᠠᠨᠠ | ᠭᠠᠷᠴᠤ ᠰᠤᠯᠠ ᠠᠯᠬᠤᠯᠠᠨ᠂ ᠴᠡᠴᠡᠷᠯᠢᠭ ᠪᠠᠷ ᠰᠡᠯᠡᠭᠦᠴᠡᠬᠦ ᠪᠤᠶᠤ ᠷᠠᠳᠢᠤ᠋ ᠰᠤᠨᠤᠰᠬᠤ ᠮᠡᠲᠦ ᠪᠠᠷ ᠠᠩᠬᠠᠷᠤᠯ ᠢᠶᠠᠨ | ᠦᠭᠡᠷᠡ ᠵᠦᠢᠯ ᠳᠡᠭᠡᠷᠡ ᠲᠦᠪᠯᠡᠷᠡᠭᠦᠯᠪᠠᠯ ᠠᠶᠠᠨᠳᠠᠭᠠᠨ ᠠᠭᠤᠷ ᠴᠢᠨᠢ ᠲᠠᠶᠢᠳᠬᠤᠷᠠᠳᠠᠭ᠃ ᠦᠪᠡᠷ ᠤᠨ ᠳᠤᠷᠠ | ᠰᠤᠨᠢᠷᠬᠠᠯ ᠲᠠᠢ ᠵᠦᠢᠯᠡᠰ ᠪᠤᠶᠤ ᠠᠪᠢᠶᠠᠰ ᠲᠠᠢ ᠵᠦᠢᠯᠡᠰ ᠢᠶᠠᠨ ᠤᠷᠤᠯᠳᠤᠪᠠᠯ ᠠᠭᠤᠷ ᠴᠢᠨᠢ ᠲᠦᠷᠭᠡᠨ | ᠲᠠᠶᠢᠳᠬᠤᠷᠠᠵᠤ ᠪᠤᠯᠤᠨᠠ᠃ | ᠠᠭᠤᠷᠯᠠᠭᠰᠠᠨ ᠦᠶᠡᠰ ᠦᠪᠡᠷ ᠤᠨ ᠰᠡᠳᠬᠢᠯ ᠢᠶᠠᠨ ᠡᠵᠡᠮᠳᠡᠵᠦ ᠠᠭᠤᠷ ᠢᠶᠠᠨ ᠲᠠᠶᠢᠳᠬᠤᠷᠠᠭᠤᠯᠵᠤ᠂ | ᠠᠭᠤᠷᠯᠠᠬᠤ ᠴᠠᠭ ᠢᠶᠠᠨ ᠪᠤᠭᠤᠨᠢᠰᠬᠠᠵᠤ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠲᠤᠭᠲᠠᠭᠤᠨ ᠪᠤᠯᠭᠠᠬᠤ ᠨᠢ ᠡᠷᠡᠭᠦᠯ ᠮᠡᠨᠳᠦ ᠳᠤ | ᠲᠤᠰᠠᠲᠠᠢ᠃ |